15/09/2025
Body building & Fitness သမားတွေ ပြိုင်ပွဲပြီးလျှင် ဖောယောင်ခြင်းပြဿနာ
🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥🚥
Body Builder သမားအများစု ဟာ PED သုံး သုံး မသုံးသုံးပြိုင်ပွဲပြီးသွားရင်
ခန္ဓာကိုယ်မှာ Water Retention ရေစုဝေးမှု့များပြီး ဖေါယောင်လာတတ်
ပါတယ်
PED သုံးပြီး ပြိုင်ပွဲဝင်သူတွေက ပိုပြီး အဖြစ်များပါတယ်
1️⃣ ဘာကြောင့် ဖေါယောင်ရလည်း?
2️⃣ ဘယ်လို ကာကွယ်ရမလည်း
ဖေါယောင်ခြင်း သက်သာအောင် ဘာတွေ လုပ်ဆောင်ရမလည်းဆိုတာ
စာအရှည်ကြီးနဲ့ ရှင်းပြမှာမို့ ပြိုင်ပွဲဝင်ကြသူများနဲ့ ဗဟုသုတရချင်သူများ
စာကို ဆုံးအောင် သေချာဖတ်ပါလို့ မေတ္တာရပ်ခံပါရစေ
Bodybuilder တွေ PED (Performance Enhancing Drugs) တွေသုံးပြီး
ပြိုင်ပွဲဝင်ကြတယ်၊ ပြိုင်ပွဲပြီးရင် ဖောယောင်လာတတ်တာ 90% လောက်ရှိ
ပါတယ်
ဒီလိုဖြစ်ရတဲ့ အကြောင်းရင်းတွေကို အသေးစိတ်ရှင်းပြပေးပါမယ်။
PED ဆိုတဲ့ ခေါင်းစဉ်အောက်မှာ ဒီလိုဆေးဝါးတွေ အဓိကပါဝင်ပါတယ်
✅ Anabolic Steroids: ကြွက်သားတည်ဆောက်မှုကို အရှိန်မြှင့်ပေးတဲ့
ဟော်မုန်းတုဆေးတွေ
✅ Growth Hormone (HGH): ခန္ဓာကိုယ်ကြီးထွားမှုကို လှုံ့ဆော်ပေးပြီး
ဇီဝကမ္မဖြစ်စဉ်ကို မြှင့်တင်ပေးတဲ့ဆေးတွေ
✅ Insulin-like Growth Factor-1 (IGF-1): Growth Hormone ရဲ့
သက်ရောက်မှုကို ပိုမိုအားကောင်းစေတဲ့ဆေးတွေ
✅ Diuretics (ဆီးထုတ်ဆေး) ခန္ဓာကိုယ်ထဲက ရေဓာတ်ကို စွန့်ထုတ်ပစ်ပြီး အရေပြားအောက်မှာ ရေမစုအောင်လုပ်ပြီး သွေးကြောတွေ ပေါ်စေတဲ့ဆေးတွေ
ပြိုင်ပွဲရောက်ချိန်မှာ bodybuilder တစ်ယောက်ဟာ သူ့ရဲ့ အကောင်းဆုံးပုံစံ (Peak Condition) နဲ့ ရောက်ရှိဖို့ အရမ်းအရေးကြီးပါတယ်။
ဒီပုံစံရဖို့အတွက် PED တွေကို ဗျူဟာကျကျ သုံးကြရပါတယ်။
ကြွက်သားပမာဏ အများဆုံးဖြစ်အောင်: Anabolic steroids, HGH, IGF-1
တွေကို မြင့်မားတဲ့ ပမာဏနဲ့ သုံးပြီး ကြွက်သားအရွယ်အစားကို အကြီးဆုံးနဲ့
ပေါ်လွင်ကွဲပြားအောင် ကြိုးစား ကစားကြရပါတယ်
✅ရေဓာတ်လျှော့ချခြင်း (Cutting)
ပြိုင်ပွဲမတိုင်ခင် ရက်သတ္တပတ်အနည်းငယ်အလိုမှာ Diuretics တွေသုံးပြီး ခန္ဓာကိုယ်ထဲက ရေဓာတ်ကို လျှော့ချကြတယ်။
ဒါမှ အရေပြားကို ပါးစေပြီး ကြွက်သားနဲ့ သွေးကြောများကို စင်မြင်ပေါ်မှာ ရှင်းရှင်းလင်းလင်း မြင်ရမှာဖြစ်တယ်။
🔵 Glycogen Loading
ပြိုင်ပွဲခါနီးမှာ ကာဗိုဟိုက်ဒရိတ်များများစားပြီး ကြွက်သားထဲကို glycogen (စွမ်းအင်သိုလှောင်ရာ) တွေ ပြည့်အောင်လုပ်ကြတယ်။ glycogen က ရေကို ဆွဲထားနိုင်တဲ့အတွက် ကြွက်သားတွေကို ပိုပြီး ပြည့်ဖြိုးပြီး သွေးကြောတွေ
ပိုမိုပေါ်လွင်စေတယ်
ဒီလိုလုပ်ခြင်းဟာ ခန္ဓာကိုယ်ရဲ့ သဘာဝဟော်မုန်းစနစ်ကို အကြီးအကျယ် အနှောင့်အယှက်ပေးပြီး ခန္ဓာကိုယ်ကို မတည်ငြိမ်တဲ့ အခြေအနေ
(extreme state) တစ်ခုကို ရောက်သွားစေပါတယ်။
🔴Body Builders တွေ ပြိုင်ပွဲပြီးတာနဲ့ ဘာဖြစ်လို့ ဖောယောင်လာရတာလည်း❓
ပြိုင်ပွဲပြီးတာနဲ့ bodybuilder တွေဟာ ကြွက်သားပေါ်အောင်ကြိုးစား ကစား
တာတွေ၊အစားအစာတွေထိန်းချုပ်ထားရတာတွေကနေ ဖြေလျော့လိုက်ကြပြီး
ကစားတာ ရပ်လိုက်သလို စားချင်တာတွေ စားပြစ်လိုက်ကြပါတယ်
💉PED သုံးတာ ရပ်လိုက်ခြင်း
ပြိုင်ပွဲပြီးတာနဲ့ steroids, HGH စတာတွေ သုံးတာကို ရပ်လိုက်ကြတယ်
(ဒါမှမဟုတ် ပမာဏအရမ်းလျှော့ကြတယ်)
ဒီလိုရပ်လိုက်တဲ့အခါ ခန္ဓာကိုယ်ထဲမှာ hormonal crash ဖြစ်သွားတယ်။
သဘာဝ testosterone ထုတ်လုပ်မှုက လုံးဝနီးပါးရပ်သွားပြီး ခန္ဓာကိုယ်က ဟော်မုန်းတွေမညီမျှတော့ဘူး။
🍶ရေဓာတ်ပြန်လည်စုဆောင်းခြင်း (Water Rebound):
Diuretics သုံးပြီး ရေဓာတ်တွေ အပြင်းအထန်စွန့်ထုတ်ထားရာကနေ
ပုံမှန်စားသောက်မှုပြန်စတဲ့အခါ ခန္ဓာကိုယ်က"ရေဓာတ်ကို ပြန်ဆုံးရှုံးမှာစိုးလို့"
ပိုပြီးသိုလှောင်ဖို့ ကြိုးစားတယ်။
ဒီဖြစ်စဥ်ကို "Rebound Water Retention" လို့ခေါ်ပါတယ်
ဒီရေတွေက အရေပြားအောက်မှာ စုမိတဲ့အတွက် ဖောယောင်နေသလို
မြင်ရတာဖြစ်ပါတယ်
🍚ကယ်လိုရီစားသုံးမှု မြင့်တက်လာခြင်း
ပြိုင်ပွဲအတွက် လိုက်နာခဲ့ရတဲ့ ကြီးမားတဲ့ ကယ်လိုရီချို့တဲ့မှု (caloric deficit)
ကနေ ရုတ်တရက် ပုံမှန်အတိုင်း (ဒါမှမဟုတ်) ပုံမှန်ထက်ပိုပြီး စားသောက်မိတဲ့အခါ ခန္ဓာကိုယ်က စွမ်းအင်တွေကို အဆီအဖြစ် ပြန်သိမ်းဆည်းဖို့ စတင်ပြီး
လုပ်ဆောင်တယ်။
🕛 ဇီဝကမ္မဖြစ်စဉ် နှေးကွေးသွားခြင်း: လပေါင်းများစွာ ကယ်လိုရီအလွန်အမင်း
လျှော့စားထားရတဲ့အတွက် ဇီဝကမ္မဖြစ်စဉ် (Metabolism) က အရမ်းနှေးကွေး
သွားပါတယ်။
ဒီလိုနှေးနေတဲ့ဇီဝကမ္မနဲ့ ပုံမှန်စားလိုက်တဲ့အစားအစာတွေက မြန်မြန်ဆန်ဆန် အဆီအဖြစ် ပြောင်းလဲသိုလှောင်ခံရတယ်။
⛔ရလဒ်ကတော့ ဒီအချက်တွေအားလုံး ပေါင်းစပ်သွားတဲ့အခါ
✅ ဟော်မုန်းစနစ် ကမောက်ကဖြစ်
✅ ရေဓာတ်တွေ အလွန်အမင်းပြန်စုမိ
✅ဇီဝကမ္မဖြစ်စဉ် နှေးကွေး
✅ အဆီတွေ မြန်မြန်ပြန်တက်လာ
ဒါကြောင့် ပြိုင်ပွဲကြည့်ရတဲ့အချိန်က ကြွက်သားတွေကွဲပြားပေါ်လွင်ပြီး
သွေးကြောတွေ ထောင်ထပေါ်လွင်နေတဲ့ ခန္ဓာကိုယ်ဟာ ရေဓါတ်ခန်းခြောက်
နီးပါးအခြေအနေဖြစ်ပါတယ်
ပြိုင်ပွဲပြီးရင် ကစားတာနားလိုက်သလို စားချင်တာတွေ စည်းမရှိကမ်းမရှိ
မထိန်းသိမ်းနိုင်တော့ပဲ စားပြစ်လိုက်တဲ့အတွက် ရေဓာတ်မရှိသလောက်ဖြစ်
နေတဲ့ bodybuildersတွေ ဟာ ပြိုင်ပွဲပြီးပြီးချင်း ရက်ပိုင်းအတွင်းမှာပဲ
ဖောယောင်ပြီး ပုံစံပျက်ကာ "normal" ပုံစံထက် ပိုပြီးတောင် မလှတော့တဲ့
အထိ ဖြစ်သွားရတာပါ။
ဒါဟာ PED တွေကို ဆေးဘက်ဆိုင်ရာကြီးကြပ်မှုမရှိဘဲ အန္တရာယ်ရှိစွာ
သုံးစွဲမှုရဲ့ မလွဲမသွေရလဒ် (side effect) တစ်ခုပဲ ဖြစ်ပါတယ်။
ဒါကို လုံးဝရှောင်လွဲလို့မရပေမယ့် ဖောယောင်လာခဲ့ရင်/ဖောယောင်ခြင်းနည်း
ပါအောင် ဆေးပညာရှင်တွေနဲ့၎င်း ပြိုင်ပွဲအတွေ့အကြုံများနေသူထံမှာ
အကြံညဏ်ရယူပြီး သက်သာအောင် လုပ်ဆောင်လို့ရပါတယ်
အောက်မှာ ပေးထားတဲ့ အကြံပြုချက်များကတော့ယေဘုယျ ကျန်းမာရေး
အကြံဉာဏ်များပေးခြင်းသာဖြစ်ပြီး ဆေးဘက်ဆိုင်ရာကုသမှုမဟုတ်ပါ။
မိတ်ဆွေရဲ့ ကျန်းမာရေးအခြေအနေနှင့် ကိုက်ညီမှုရှိ မရှိ ဆရာဝန်နှင့်
အမြဲတမ်းတိုင်ပင်ပါ။
✅ရေဓာတ်ထိန်းညှိခြင်း (Water Manipulation - Reintroduction)
ဖောယောင်ရတဲ့ အဓိကအကြောင်းရင်းက ရေဓာတ်ပြန်လည်စုဆောင်းမှုပါ။
ဒါကို ဖြည်းဖြည်းချင်း ထိန်းညှိပေးဖို့လိုပါတယ်။
✅ရေသောက်သုံးမှု ဆက်လုပ်ပါ
ရေမသောက်ဘဲမနေပါနဲ့။ ခန္ဓာကိုယ်က ရေဓာတ်ခမ်းခြောက်နေတယ်လို့
မထင်စေဖို့ပါ။ တစ်နေ့ကို ရေ ၃-၄ လီတာ ခန့် မှန်မှန်သောက်ပေးခြင်းက ခန္ဓာကိုယ်ကို "ရေတွေပြန်ရနေပါပြီ၊ စုဆောင်းစရာမလိုတော့ဘူး" ဆိုတဲ့
အချက်ပြမှုပေးပါတယ်။
✅ ဆိုဒီယမ် (ဆား) ကို ထိန်းညှိပါ
ပြိုင်ပွဲအတွင်း ဆားလုံးဝကန့်သတ်ထားရာကနေ ရုတ်တရက် ဆားများများ
စားမိရင် ရေတွေပိုပြီးစုဆောင်းမိမယ်။ ဆားပါဝင်မှုများတဲ့ အစားအစာတွေ (processed food, အချိုရည်၊ ဟင်းခပ်မှုန့်) ကို ရှောင်ပါ။
ဆားကို သဘာဝအတိုင်း အနည်းငယ်သာ ထည့်သုံးပါ။
✅ ပိုတက်ဆီယမ်ကြွယ်ဝသော အစားအစာများ စားပါ
ပိုတက်ဆီယမ်က ဆိုဒီယမ်ရဲ့ သက်ရောက်မှုကို ထိန်းညှိပေးပြီး
ကိုယ်တွင်းကရေဓာတ်တွေကို ဟန်ချက်ညီစေပါတယ်။
ဥပမာ: ငှက်ပျောသီး၊ ထောပတ်သီး၊ ဟင်းနုနွယ်၊ ကန်စွန်းဥ
✅အာဟာရ ရွေးချယ်မှု (Nutritional choices)
ဇီဝကမ္မဖြစ်စဉ်ကို ပြန်လည်နိုးဆွပေးဖို့နဲ့ အဆီမတက်စေဖို့
အစားအစာကို ရွေးချယ်စားသောက်တတ်ဖို့ အရေးကြီးပါတယ်
✅ Reverse Dieting လုပ်ပါ
ပြိုင်ပွဲပြီးတာနဲ့ ကယ်လိုရီတွေအများကြီး ချက်ချင်းမတိုးပါနဲ့။
တစ်ပတ်ကို 100-200 kcal စတင်တိုးစားပြီး ခန္ဓာကိုယ်ရဲ့တုံ့ပြန်မှုကို
စောင့်ကြည့်ပါ။ ဒါဟာ ဇီဝကမ္မဖြစ်စဉ်ကို ပြန်မြန်စေပြီး အဆီတက်ခြင်းကို လျှော့ချပေးနိုင်တဲ့ အကောင်းဆုံးနည်းလမ်းတစ်ခုပါ။
✅ပရိုတင်းဓာတ် ဆက်လက်မြင့်မားစွာ စားသုံးပါ
ကြွက်သားဆုံးရှုံးမှုကို ကာကွယ်ရန် နှင့် ဇီဝကမ္မဖြစ်စဉ်ကို မြှင့်တင်ရန်
ပရိုတင်းဓာတ်ကို များများစားပေးပါ။
✅သဘာဝအစားအစာများကို ဦးစားပေးစားပါ
Processed Food (ပြုပြင်ထားသောအစာများ)၊ အချိုရည်၊
အဆီများသောအစာများကို ရှောင်ပါ။
✅ Don't stop exercising လေ့ကျင့်ခန်းကို ရပ်မပြစ်ပါနဲ့
Cardio ကို ဆက်လုပ်ပါ ပြိုင်ပွဲအတွင်း ကဒီယိုအပြင်းအထန်လုပ်ထားရင်
ပြိုင်ပွဲပြီးတာနဲ့ လုံးဝမရပ်လိုက်ပါနဲ့။
ပြင်းထန်မှုနည်းတဲ့ steady-state cardio (ဥပမာ - စက်ဘီးနင်းခြင်း၊ လမ်းလျှောက်ခြင်း) ကို ဆက်လုပ်ပေးခြင်းက သွေးလည်ပတ်မှုကောင်းစေပြီး
ဇီဝကမ္မဖြစ်စဉ်ကို ထောက်ပံ့ပေးကာ ဖောယောင်မှုကို သက်သာ/ကျစေ
နိုင်ပါတယ်။
✅ ကြွက်သားထိန်းသိမ်းရေး လေ့ကျင့်ခန်း
ကယ်လိုရီစားသုံးမှုတိုးလာချိန်မှာ ကြွက်သားဆုံးရှုံးမှုမဖြစ်အောင်
Resistance လေ့ကျင့်ခန်းတွေကို ဆက်လက်လုပ်ဆောင်ပါ။
✅ နေထိုင်မှုပုံစံ (Lifestyle)
အိပ်ရေးဝဝအိပ်ပါ အိပ်စက်ချိန်ဟာ ဟော်မုန်းပြန်လည်ထူထောင်ရေးအတွက် အရမ်းအရေးကြီးပါတယ်။
Cortisol (စိတ်ဖိစီးမှုဟော်မုန်း) ကို ကျစေပြီး Growth Hormone
ထုတ်လုပ်မှုကို အားပေးတယ်။
စိတ်ဖိစီးမှုကို လျှော့ချပါ Cortisol မြင့်မားနေခြင်းက ဗိုက်တဝိုက်အဆီစုခြင်းနဲ့ ရေဓာတ်စုခြင်းကို အားပေးပါတယ်။ အသက်ရှူလေ့ကျင့်ခန်းလုပ်ခြင်း
တရားထိုင်ခြင်း၊ အနားယူခြင်းတို့ကို လုပ်ဆောင်ပါ။
ဆေးဘက်ဆိုင်ရာ နှင့် ဖြည့်စွက်စာ (Medical & Supplements) မလစ်ဟင်း
စေဖို့ ဆရာဝန်နှင့် တိုင်ပင်ပါ
✅ Post-Cycle Therapy (PCT)
PED (အထူးသဖြင့် Steroids) သုံးထားသူများအတွက် ဆရာဝန်ကြီးကြပ်မှုအောက်မှာ PCT လုပ်ဖို့ အရေးကြီးပါတယ်။ ဒါဟာ ခန္ဓာကိုယ်ရဲ့ သဘာဝ
ဟော်မုန်းထုတ်လုပ်မှုစနစ်ကို ပြန်လည်နိုးဆွပေးဖို့ဖြစ်ပါတယ်။
✅သဘာဝဆီးဆေးများ ရွေးချယ်စားသောက်ပါ
ကြက်သွန်ဖြူ၊ ပက်စလိ၊ ချင်း(ဂျင်း)၊ ကြက်သွန်နီ၊ သခွားသီး၊ ဖရဲသီး၊
ကော်ဖီ စတာတွေက သဘာဝအတိုင်း ဆီးသွားစေတဲ့ အစွမ်းရှိပါတယ်။
✅ဗီတာမင်နှင့် သတ္တုဓာတ်များ: မဂ္ဂနီဆီယမ်၊ ပိုတက်ဆီယမ်၊
ဗီတာမင် B6 တို့က ကိုယ်တွင်းရေဓာတ်ထိန်းညှိမှုကို ကူညီပေးနိုင်ပါတယ်။
✅အရေးကြီးသော အချက်
ဖောယောင်မှုဟာ ယာယီဖြစ်စဉ် တစ်ခုပါ။ ခန္ဓာကိုယ်ကို ပုံမှန်အခြေအနေကို
ပြန်ရောက်အောင် ညင်သာစွာ ဦးတည်ပေးနေတာပါ။ စိတ်ရှည်ရှည်ထားပြီး ခန္ဓာကိုယ်ရဲ့တုံ့ပြန်မှုကို နားလည်ပေးဖို့လိုပါတယ်။ ဒီဖြစ်စဉ်ကို မြန်မြန်
ဆန်ဆန်ဖြတ်ကျော်ဖို့ ဆေးဝါးတွေ၊ နည်းလမ်းတွေကို အလွန်အကျွံမလုပ်မိဖို့ အရေးကြီးပါတယ်။
ဒါဟာ ပြင်းပြင်းထန်ထန် ကစားလို့ အစားအစာတွေထိန်းချုပ်ပြိုင်ပွဲဝင်ကာ
ပြိုင်ပွဲပြီးသွားရင် အစားအစာတွေ အရမ်းကာရော ပြန်စားတဲ့အခါ
သဘာဝကျတဲ့ နောက်ဆက်တွဲဖြစ်စဥ် တစ်ခုပဲဖြစ်ပါတယ်။
✅ ပြိုင်ပွဲပြီးတာနဲ့ ဖောယောင်ခြင်း မဖြစ်အောင် ဘယ်လို ကာကွယ်မလည်း❓
ပြိုင်ပွဲပြီးတာနဲ့ ဖောယောင်မှုကို လုံးဝမဖြစ်အောင် တားဆီးဖို့ဆိုတာ
မဖြစ်နိုင်ပေမယ့်၊ ဖောယောင်ခြင်းမပြင်းထန်ဖို့နဲ့ ကြာရှည် ဖောယောင်ခြင်း
မဖြစ်အောင် အများကြီး လျှော့ချလို့ရပါတယ်။
ဒါဟာ ပြိုင်ပွဲအတွက် အထွဋ်အထိပ် "Peak" လုပ်ထားတဲ့ ခန္ဓာကိုယ်ကနေ
ပုံမှန် ခန္ဓာကိုယ် ပြန်ဖြစ်ဖို့ ကို ညင်သာစွာ ပြန်ဆင်းတဲ့ အနုပညာ (The Art of Coming Down Gently) ပဲဖြစ်ပါတယ်။
ဒီလိုလုပ်ဖို့အတွက် ပြိုင်ပွဲမစခင်၊ ပြိုင်နေစဉ်နဲ့ ပြိုင်ပြီးချိန်တွေမှာ ဗျူဟာ
ကျကျ စီစဉ်ထားရပါမယ်။
✅ပြိုင်ပွဲမတိုင်ခင် နှင့် ပြိုင်ပွဲအတွင်း ပြင်ဆင်မှု (Prevention is Key)
ပြိုင်ပွဲခါနီးမှာ ရေဓာတ်လွန်ကဲစွာ မခမ်းခြောက်ပါစေနဲ့။
Diuretics ကို ဆေးဘက်ဆိုင်ရာ ကြီးကြပ်မှုမရှိဘဲ သုံးစွဲခြင်းက
Rebound Effect ကို အများဆုံးဖြစ်စေပါတယ်။
သဘာဝနည်းလမ်းတွေနဲ့သာ ရေဓာတ်ထိန်းညှိပါ။
ဆားကို လုံးဝမဖြတ်ပါနဲ့၊ ထိန်းညှိပါ ဆားကို ရုတ်တရက် လုံးဝဖြတ်တော့
မယ်ဆိုရင် ခန္ဓာကိုယ်က ပိုပြီးတုန့်ပြန်မှုမြန်ပါတယ်။
ပြိုင်ပွဲမတိုင်ခင် ရက်သတ္တပတ်အနည်းငယ်ကတည်းက ဆားကို
တဖြည်းဖြည်းချင်း လျှော့ချသွားတာက ပိုကောင်းပါတယ်။
✅ပြိုင်ပွဲပြီးချိန်မှာ ချက်ချင်းလုပ်ရမယ့် အရာများ
(Immediate Post-Show Protocol)
Electrolytes ကို ဦးစားပေးပြန်ဖြည့်ပါ ပြိုင်ပွဲပြီးတာနဲ့ ရေသောက်ရုံတင်
မကဘဲ Electrolytes (ဆား၊ ပိုတက်ဆီယမ်၊ မဂ္ဂနီဆီယမ်) တွေကို ပြန်လည်
ဖြည့်တင်းပါ။
ဘာသောက်မလဲဆိုရင် အုန်းရည်၊ Electrolyte drinks (သကြားနည်းတာကို
ရွေးပါ)၊ ပိုတက်ဆီယမ်များတဲ့ ဖျော်ရည်တွေကို သောက်သုံးပါ။
ဘာတွေစားရမလဲဆိုရင် ငှက်ပျောသီး၊ ထောပတ်သီး၊ ဟင်းနုနွယ်၊ ကန်စွန်းဥ
ပြိုင်ပွဲပြီးတဲ့ ညက စပြီး ကယ်လိုရီအရမ်းမြင့်တဲ့ အဆီများပြီး ဆားနဲ့သကြား
ကဲတဲ့ အစားအစာတွေ (ပီဇာ၊ ဟမ်ဘာဂါ) ကို ရှောင်ပါ။
ဒါတွေက ဖောယောင်မှုကို ပိုဆိုးစေပါတယ်။
ပရိုတင်းနဲ့ ကာဗိုဟိုက်ဒရိတ် ညီမျှတဲ့ ပုံမှန်အစားအစာကို စားပါ။
✅Reverse Dieting ကို အခြေခံပါ
ဒါဟာ ဖောယောင်မှုကို ကာကွယ်ရန် အကောင်းဆုံးနည်းလမ်းပါပဲ။
ဆိုလိုတာက ပြိုင်ပွဲပြီးတာနဲ့ ကယ်လိုရီတွေကို ချက်ချင်းအများကြီးမတိုးဘဲ၊
တဖြေးဖြေးခြင်း တပတ်ခြင်းမှာ တိုးစားပါ
ဒီလိုစားတာက ဘာကောင်းကျိုးတွေရလည်းဆိုရင်တော့ ခန္ဓာကိုယ်ရဲ့
ဇီဝကမ္မဖြစ်စဉ် (Metabolism) ကို ပြန်လည်မြန်ဆန်လာစေပြီး၊ ကယ်လိုရီ
ပိုတွေကို အဆီအဖြစ် သိုလှောင်မှုမလုပ်အောင် ဟန့်တားပေးတယ်။
ရေဓာတ်ပြန်လည်စုဆောင်းမှုကိုလည်း ထိန်းညှိပေးတယ်။
ကာဗိုဟိုက်ဒရိတ် နဲ့ ဆား ကို တဖြည်းဖြည်းချင်း ပြန်လည်တိုးမြှင့်ပါ
ကာဗိုဟိုက်ဒရိတ်က ၁ ရက်မှာ ၂၀-၃၀ ဂရမ်စီ၊ ဆားကို တစ်နေ့ ၀.၅ ဂရမ်စီလောက် ဖြည်းဖြည်းချင်း တိုးပေးပါ။
ရေကို ဆက်သောက်ပါ တစ်နေ့ကို ရေ ၄-၆ လီတာ သောက်သုံးခြင်းက
ခန္ဓာကိုယ်ကို ရေဓာတ်ပြည့်ဝနေမှန်း သိစေပြီး ရေတွေကို စုဆောင်းဖို့
မလိုအပ်တော့ဘူးလို့ ခန္ဓာကိုယ်ကို အချက်ပြပေးနေခြင်းဖြစ်ပါတယ်
Cardio ကို တဖြည်းဖြည်းချင်း လျှော့ချပါ ပြိုင်ပွဲအကြိုအတွင်း Cardio
အပြင်းအထန်လုပ်ထားရင် ပြီးတာနဲ့ ရပ်လိုက်တာထက်၊ တစ်ပတ်ကို
၁၀-၁၅% စီ ဖြည်းဖြည်းချင်း လျှော့ချသွားပါ။ ဒါကလည်း ဇီဝကမ္မဖြစ်စဉ် ရုတ်တရက်ကျဆင်းမှုကို ကာကွယ်ပေးပါတယ်။
Hormonal Balance (ဟော်မုန်းညီမျှအောင် ထိန်းညှိခြင်း)
PED (အထူးသဖြင့် steroids) သုံးထားသူများအတွက်
အထူးအရေးကြီးပါတယ်။
Post-Cycle Therapy (PCT)
ဆရာဝန် (သို့) အတွေ့အကြုံရှိ ဟော်မုန်းကုသရေးဆရာဝန်နဲ့ တိုင်ပင်ပြီး
PCT ကို စနစ်တကျလုပ်ဆောင်ပါ။
PCT ဟာ ခန္ဓာကိုယ်ရဲ့ သဘာဝ testosterone ထုတ်လုပ်မှုကို ပြန်လည်
စတင်ဖို့နဲ့ ဟော်မုန်းမညီမျှမှုကြောင့်ဖြစ်တဲ့ ရေဓာတ်စုခြင်း၊ အဆီတက်ခြင်း
တွေကို လျှော့ချပေးနိုင်ပါတယ်။
✅ဖောယောင်ခြင်းကို ကာကွယ်/သက်သာစေရန် အောက်ပါအချက်
(7)ချက်ကိုသတိထားပြီး သေချာလုပ်ဆောင်လိုက်နာပါ
1️⃣Extreme Dehydration ရှောင်ပါ: ဆေးဝါးသုံးပြီး ရေအလွန်အမင်းခမ်း
ခြောက်ခြင်းကို ရှောင်ပါ။
2️⃣Reverse Dieting လုပ်ပါ ကယ်လိုရီ၊ ကာဗိုဟိုက်ဒရိတ်၊
ဆား အားလုံးကို ဖြည်းဖြည်းချင်း တိုးပါ။
3️⃣ရေများများဆက်သောက်ပါ: ခန္ဓာကိုယ်ကို ရေဓာတ်မခမ်းခြောက်တော့
ဘူးဆိုတဲ့ အချက်ပေးပါ။
5️⃣Electrolytes ကို ဦးစားပေးဖြည့်ပါ: ဆား၊ ပိုတက်ဆီယမ်၊
မဂ္ဂနီဆီယမ်ပါတဲ့ အစားအစာတွေ စားပါ။
6️⃣Cardio ကို ဖြည်းဖြည်းချင်း လျှော့ပါ: ဇီဝကမ္မဖြစ်စဉ် ရုတ်တရက်
မကျအောင်။
7️⃣PCT (လိုအပ်ပါက): ဆရာဝန်ညွှန်ကြားချက်နဲ့ ဟော်မုန်းစနစ်ကို ပြန်လည်ထိန်းညှိပါ။
ဒီနည်းလမ်းတွေကို အသုံးချခြင်းအားဖြင့် ပြိုင်ပွဲပြီးတဲ့နောက် ဖောယောင်မှုကို အနည်းဆုံးအဆင့်နဲ့ အတတ်နိုင်ဆုံး ထိန်းချုပ်နိုင်မှာဖြစ်ပါတယ်။
ပြိုင်ပွဲဝင်သမားများ ပြိုင်ပွဲဝင်နေစဉ်အတွင်း ကြွက်တက်ခြင်း၊မူးမေ့ခြင်း
အသက်ဆုံးရှုံးရခြင်းများမှ ကင်းဝေးကြပါစေ။
📝📝📝📝📝📝📝📝📝📝📝📝📝📝📝
ပိုစ့်ကို လွတ်လပ်စွာ Share နိုင်ပါသည်
ရေးသူနာမည်ပါ ထည့်ရေးထားပါသည် ။
Copy ယူလျှင် နာမည်ကို
ဖြုတ်ချန်မထားခဲ့ပါနဲ့
