https://www.facebook.com/212355799368638/

Shwe Ingin Yoga, (23) Ward, Thuwanna , Thingangyun, Yangon (2026)

13/02/2026

Yoga is better together.

15/01/2026

Yoga မှာ ခန္ဓာကိုယ်ကိုလိမ်ပြီးလေ့ကျင့်ရတဲ့ Twisted Yoga Poses တွေဟာ ခန္ဓာကိုယ်အတွက်ရော စိတ်ပိုင်းဆိုင်ရာအတွက်ပါ အလွန်ထူးခြားတဲ့ အကျိုးကျေးဇူးတွေရရှိနိုင်ပါတယ်။ လေ့ကျင့်ခြင်းဖြင့်ရရှိနိုင်တဲ့ အကျိုးကျေးဇူးများ၊ မလေ့ကျင့်သင့်သောအခြေအနေများနဲ့ မှန်ကန်စွာကျင့်ရမယ့်အနေအထားများကို ရှင်းပြပေးပါ့မယ်ရှင်။ လေ့ကျင့်ခြင်းဖြင့် အဓိကအားဖြင့် ကျောရိုးနဲ့ ဝမ်းဗိုက်ပိုင်းအတွက်အထူးကောင်းမွန်စေပြီး ရရှိနိုင်တဲ့အကျိုးကျေးဇူးများကတော့
- အစာခြေစနစ်ကို ကောင်းမွန်စေခြင်း (Digestion)
ခန္ဓာကိုယ်ကို လှည့်လိုက်တဲ့အခါ ဝမ်းဗိုက်အတွင်းက အင်္ဂါအစိတ်အပိုင်းတွေကို နှိပ်နယ်ပေးသလို ဖြစ်ပြီး အစာအိမ်နဲ့ အူလမ်းကြောင်း လှုပ်ရှားမှုကို လှုံ့ဆော်ပေးလို့ အစာကြေလွယ်စေပြီး ဝမ်းချုပ်ခြင်းကို သက်သာစေပါတယ်။
- ခန္ဓာကိုယ်အတွင်းမှ အဆိပ်အတောက်များ ဖယ်ရှားပေးခြင်း (Detox)
သွေးလည်ပတ်မှု ကောင်းမွန်စေပြီး ကိုယ်တွင်းအင်္ဂါဆီကို သွေးတွေ စီးဆင်းရောက်ရှိစေတာကြောင့် အဆိပ်အတောက်တွေ ဖယ်ရှားရာမှာ ကူညီပေးပါတယ်။ အသည်းနဲ့ ကျောက်ကပ်မှာရှိတဲ့ အဆိပ် အတောက်တွေကို ဖယ်ရှားပေးဖို့ ကူညီပေးပါတယ်။
- သွေးလည်ပတ်မှု ကောင်းမွန်စေခြင်း (Blood Circulation)
ခန္ဓာကိုယ်ကို ပြန်လည်ဖြေလျှော့လိုက်တဲ့အခါ (Release လုပ်တဲ့အခါ) ဆဲလ်တွေထဲကို သွေးအသစ်တွေ အားကောင်းကောင်းနဲ့ စီးဝင်သွားပါတယ်။ ဒါဟာကိုယ်တွင်းအင်္ဂါတွေကို အားသစ်လောင်းပေးသလို ဖြစ်စေပါတယ်။
- ကျောရိုး ပျော့ပျောင်းစေခြင်း ခါးရိုးနဲ့ ကျောရိုး ကျန်းမာရေး (Spinal Mobility)
ကျောရိုးကို လိမ်ပြီး လေ့ကျင့်တာက ကျောရိုးဆစ်တွေ ကြားထဲမှာရှိတဲ့ အရွတ်တွေကို ပျော့ပျောင်းစေပါတယ်။
Flexibility: တစ်နေ့လုံး ထိုင်နေရလို့ တောင့်တင်းနေတဲ့ ကျောပြင်နဲ့ ခါးကို ပြေလျော့စေပါတယ်။
Posture: ခါးရိုးကို ဖြောင့်တန်းစေပြီး ခါးနာဝေဒနာကို သက်သာစေပါတယ်။
- စိတ်ဖိစီးမှု လျော့ကျစေခြင်း (De-stress)
စိတ်ဖိစီးတဲ့အခါ ပခုံးနဲ့ တင်ပါးဆုံ ကြွက်သားတွေမှာ တောင့်တင်းနေတတ်ပါတယ်။လေ့ကျင့်ခြင်းဖြင့်ရင်ဘတ်၊ ပခုံးနဲ့ ကျောပြင်က တင်းကျပ်မှုတွေကို လျော့ချပေးတဲ့အတွက် အသက်ရှူရ ပိုမိုကောင်းမွန်စေပြီး စိတ်ဖိစီးမှုကို လျော့ကျစေပါတယ်။
- အသက်ရှူခြင်း (Breathing )
လေ့ကျင့်နေစဉ်မှာ အသက်ရှူမှုကို အာရုံစိုက်ရတဲ့အတွက် စိတ်ကို တည်ငြိမ်အေးချမ်းစေပါတယ်။ Energy Flow- Twist လုပ်ခြင်းက ပိတ်ဆို့နေတဲ့ စွမ်းအင်တွေကို ပြန်လည်စီးဆင်းစေပြီး စိတ်ကြည်လင်မှုကို ပေးပါတယ်။
🚫 လေ့ကျင့်ရန်မသင့်သူများ
🚫 ခါးရိုး ပြဿနာရှိသူများ (Slip Disc/Herniated Disc) - ခါးရိုးဆစ်ကြားက အရိုးနုကျွံနေသူတွေအနေနဲ့ ခါးလိမ်လိုက်တဲ့အခါ အာရုံကြောကို ပိုဖိမိပြီး နာကျင်မှု ပိုဆိုးသွားနိုင်ပါတယ်။
🚫 ကျောရိုးခွဲစိတ်မှု လုပ်ထားသူများ - ကျောရိုးမှာ ခွဲစိတ်ကုသမှု ခံယူထားဖူးရင် ဆရာဝန်ခွင့်ပြုချက်မရှိဘဲ မလုပ်သင့်ပါ။
🚫 ကိုယ်ဝန်ဆောင်မိခင်များ - အထူးသဖြင့် ဗိုက်ကို ပြင်းပြင်းထန်ထန် ဖိမိစေမယ့် အလိမ်မျိုး (Deep Twists) ဟာ သားအိမ်ကို ဖိအားပေးနိုင်လို့ ရှောင်ရပါမယ်။
🚫 သားအိမ်အတွင်းအလုံး (Fibroids) ကြီးနေလျှင် - အလုံးအရွယ်အစား ကြီးမားနေပါက ဝမ်းဗိုက်ကို ပြင်းထန်စွာ ဖိညှစ်မိတဲ့ Twist တွေက နာကျင်မှုကို ဖြစ်စေနိုင်ပါတယ်။
🚫 သားဥအိမ်မှာ အလုံး/အိတ် ခပ်ကြီးကြီး ရှိနေရင်တော့ အထူးသတိထားရပါမယ် - ကိုယ်ထည်ကို ပြင်းပြင်းထန်ထန် လှည့်လိုက်တဲ့အခါ (Twisting) ကြောင့် သားဥအိမ် လိမ်သွားတာမျိုး (Ovarian Torsion) ဖြစ်နိုင်ခြေ ရှိပါတယ်။ ဒါဟာ အရေးပေါ် အခြေအနေဖြစ်ပြီး အရမ်းနာကျင်တတ်ပါတယ်။
🚫 သွေးဆင်းများနေချိန် - ရာသီသွေး အလွန်အကျွံဆင်းနေချိန် ဒါမှမဟုတ် သားအိမ်မှ ပုံမှန်မဟုတ်ဘဲ သွေးဆင်းနေချိန်မှာ ကိုယ်ထည်လှည့်တာ (Twisting) ကို လုံးဝရှောင်ရပါမယ်။ ဒါက သွေးထွက်ပိုများစေနိုင်ပါတယ်။
🚫 အစာအိမ်၊ အူလမ်းကြောင်းနှင့် ဝမ်းဗိုက်ပိုင်း ခွဲစိတ်ထားသူများ - ခွဲစိတ်မှု လုပ်ထားတာ မကြာသေးရင် အနာမကျက်ခင် လိမ်တာ၊ ကွေးတာမျိုး မလုပ်ရပါ။ သက်ဆိုင်ရာကျွမ်းကျင်ဆရာဝန်နဲ့ အရင်တိုင်ပင်ပြီးခွင့်ပြုချက်ရမှသာ လေ့ကျင့်မှုပြုလုပ်သင့်ပါသည်။
🚫 သွေးတိုးရောဂါ အပြင်းအထန်ရှိသူများ - အချို့သော ပြင်းထန်တဲ့ Twist ကျင့်စဉ်တွေဟာ သွေးပေါင်ချိန်ကို ခေတ္တတက်စေနိုင်ပါတယ်။
✅ Twist poseကိုမှန်ကန်စွာပြုလုပ်နိုင်ဖို့အတွက်
- အသက်ရှူသွင်းပါ။ ကိုယ်ထည်ကို မလှည့်ခင် အသက်ကို ဝဝရှူသွင်းပြီး ကျောရိုးကို အရင် ဆန့်ထုတ်ပါ။
- အသက်ရှူထုတ်ပါ။ လှည့်တဲ့အခါ အသက်ကို ဖြည်းဖြည်းချင်း ရှူထုတ်ရင်း လှည့်ပါ။
- အားမစိုက်ပါနဲ့။ လက်နဲ့ ဆွဲလှည့်တာမျိုးထက် ခန္ဓာကိုယ် ကြွက်သားအင်အားကိုပဲ သုံးပြီး လှည့်ပါ။
- အစာစားပြီးခါစ မလုပ်ပါနဲ့။ အနည်းဆုံး အစာစားပြီး ၂ နာရီခန့် ကြာမှ ပြုလုပ်သင့်ပါတယ်။

05/01/2026

🌸 မေတ္တာကရုဏာဖြင့် လက်ကမ်းလှမ်းခြင်း 🌸(၅.၁.၂၀၂၆) မွန်မြတ်လှသောနှစ်ဦးအလှူဒါနပြုသည့်နေ့တစ်နေ့အဖြစ် Shwe Ingin Yogaမှ ရန်ကုန်ပြည်သူ့ဆေးရုံကြီး၊ ကင်ဆာဌာနတွင် တက်ရောက်ကုသမှုခံယူနေကြသောလူနာများနှင့် ဆေးသွင်းမည့်လူနာများအတွက် တစ်ဖက်တစ်လမ်းမှ အထောက်အကူပြုစေရန် ရည်ရွယ်၍
- လူနာတစ်ဦးလျှင် : ၃၀,၀၀၀ ကျပ်နှုန်းဖြင့်
- လူနာ (၇၆)ဦးအတွက်
- စုစုပေါင်းအလှူဒါနငွေ : ၂,၂၉၀,၀၀၀ (နှစ်ဆယ့်နှစ်သိန်းကိုးသောင်း) ကျပ်တိတိကို
စေတနာအပြည့်ဖြင့် သွားရောက်လှူဒါန်းခဲ့ကြပါသည်။
ဤကောင်းမှုကုသိုလ်စုကြောင့် လူနာများအားလုံး ရောဂါဝေဒနာများ သက်သာပျောက်ကင်းကြပါစေကြောင်းနှင့် အလှူရှင် "ရွှေအင်ကြင်းယောဂအဖွဲ့" မိသားစုဝင်များအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း ဆုမွန်ကောင်းတောင်းရင်းသာဓုခေါ်ဆိုနိုင်ဖို့ မျှဝေပေးလိုက်ပါတယ်ရှင်။
🚫လူနာရှင်များ၏ Privacyအရ လှူဒါန်းနေသောဓာတ်ပုံများ မရိုက်ကူးခဲ့ပါဘူးရှင်။🚫

24/12/2025

❄️☃️🎄🎅🏻"May your path be filled with peace, your body with strength, and your heart with pure joy. Wishing you a blessed Christmas and Happy New Year from Shwe Ingin Yoga."🎅🏻🎄☃️❄️

24/12/2025

🎄✨Merry Christmas & Happy New Year ပါ! 🎄✨
နှစ်သစ်မှစ ကျန်းမာရေးတွေ ပိုကောင်း၊ ပျော်ရွှင်မှုတွေ အဆပေါင်းများစွာတိုးပွားပြီး စိတ်ချမ်းသာစရာနေ့ရက်လေးတွေပိုင်ဆိုင်ပါစေလို့ Shwe Ingin Yoga မှဆုတောင်းပေးပါတယ်ရှင် ❄️☃️☃️ Photo with evening class members.

23/12/2025

ဆောင်းဦးရဲ့အေးမြတဲ့ နှင်းငွေ့လေးတွေနဲ့အတူ စိတ်နှလုံးအေးချမ်းရမယ့် ခရစ်စမတ်နဲ့ နှစ်သစ်ကာလလေး ပိုင်ဆိုင်ပါစေ။ လေပြေအေးလေးတွေက သင့်ဆီကို ပျော်ရွှင်ခြင်းနဲ့ အေးချမ်းခြင်းတွေ ယူဆောင်လာပါစေလို့ Shwe Ingin Yoga မှဆုတောင်းပေးပါတယ်ရှင်❄️ ☃️☃️ Photo with morning class members.

17/12/2025

Shwe Ingin Yoga Studio Dec လကုန်တွင်ပြောင်းရွှေ့မည်ဖြစ်ပါသောကြောင့် Studioတွင် Yoga mat ထားရှိကြပါသော သင်တန်းသူ/သင်တန်းသားများ Dec 28 မတိုင်မှီ မိမိတို့ဖျာများကိုသင်တန်းချိန်အတွင်း ဖုန်းဆက်၍ပြန်လည်ယူဆောင်ပေးကြပါရှင်။ ကျေးဇူးတင်ပါတယ်ရှင်။

01/12/2025

Shwe Ingin Yoga Studioကို လက်ရှိဖွင့်လှစ်နေသော သုဝဏ္ဏ၊ ရွှေအင်ကြင်းအိမ်ရာဝင်းအတွင်း 2025 December လကုန်အထိသာဖွင့်လှစ်မှာဖြစ်ပါတယ်ရှင်။
သင်တန်းစတင်ဖွင့်လှစ်ခဲ့သော 2018မှ ယခုချိန်ထိသင်တန်းတက်ရောက်ခဲ့ပါသော သင်တန်းသား၊ သင်တန်းသူများအားကျေးဇူးအထူးတင်ပါတယ်ရှင်။ ပျော်ရွှင်စရာအေးချမ်းသော ဒီဇင်ဘာလလေးဖြစ်ကြပါစေရှင်။

06/11/2025

✨ မှောက်လျက်အနေအထားနဲ့ လေ့ကျင့်ရသော Yoga Pose များကို "Prone Poses" Or "Belly-Down Poses" (ဗိုက်မှောက် အနေအထားများ) လို့လည်းခေါ်ပါတယ်။
🧘‍♀️ Prone Poses ရဲ့ အဓိက အကျိုးကျေးဇူးများ
- ကျောရိုးနှင့် ကိုယ်လုံးအပေါ်ပိုင်း (ကျောရိုးကြွက်သားများ၊ ပခုံးနှင့် လက်မောင်းများ)ကို သန်မာစေခြင်း။
- ကိုယ်ဟန်အနေအထား (Posture) တိုးတက်စေခြင်း။
- ကျောဘက် ကြွက်သားများ သန်မာလာခြင်းကြောင့် ခါးကို မတ်မတ်ထားနိုင်စေပြီး ကျောကုန်းခြင်း ကို ပြုပြင်ပေးနိုင်ပါတယ်။
- စိတ်ဖိစီးမှု လျှော့ချပေးခြင်း။
- အစာခြေစနစ်ကို ကောင်းမွန်စေခြင်း။
(ဗိုက်ပေါ် ဖိအားပေးတဲ့ ပုံစံတချို့က အစာအိမ်နဲ့ အူလမ်းကြောင်းကို နှိပ်နယ်ပေးတဲ့အတွက် အစာခြေဖျက်မှုကို လှုံ့ဆော်ပေးပြီး ဝမ်းချုပ်ခြင်း၊ လေပွခြင်း တို့ကို သက်သာစေပါတယ်)
✨ Prone Poses များ
🔸Cobra Pose (Bhujangasana): ကျောရိုးကို ကွေးညွှတ်စေပြီး ရင်ဘတ်ကို ဖွင့်ပေးကာ ကျောကို သန်မာစေပါတယ်။
🔸Locust Pose (Salabhasana): ခါးအောက်ပိုင်း၊ တင်ပါးနဲ့ ခြေထောက်ကြွက်သားတွေကို အားကောင်းစေပါတယ်။
🔸Bow Pose (Dhanurasana): ကိုယ်ခန္ဓာရှေ့ပိုင်းတစ်ခုလုံးကို ဆန့်ထုတ်ပေးပြီး ဗိုက်အဆီချရာမှာလည်း အထောက်အကူပြုပါတယ်။
🔸Crocodile Pose (Makarasana): အနားယူတဲ့ ပုံစံဖြစ်ပြီး စိတ်တည်ငြိမ်အေးချမ်းမှုကို ပေးပါတယ်။

13/09/2025

14.9.25 (Sun) မှ 25.9.25 (Thur) အထိ သင်တန်း ခေတ္တပိတ်ပါတယ်ရှင်။ (26.9.25)ရက်နေ့သင်တန်းများပုံမှန်အတိုင်းပြန်ဖွင့်ပါမယ်ရှင်။

29/08/2025

မနက်ခင်းသင်တန်းချိန် 🧘🏼‍♀️🧘🏼‍♀️
စတင်ချိန်နှင့်အဆုံးသတ်ချိန်

01/08/2025

🌼 Shwe Ingin Yoga 🌼
🍀 Augustလအတန်းချိန်များ
- 8:30 - 9:30am (Sat, Sun)
- 9:00 - 10:00am (Tue, Thur)
- 9:15 - 10:15am (Wed, Fri)
- 6:00 - 7:00pm ( Mon, Wed, Fri)
စိတ်ပါဝင်စားသူယောဂချစ်သူများ၊ ရုံးချိန်လွတ် အတန်းသင်ချင်သူများ ၊ Private Online Class နဲ့ အိမ်သင် join လိုသူများ👉🏻 အသေးစိတ်သိရှိလိုပါက Messenger, Viber, Mobile Phone တို့မှဆက်သွယ်မေးမြန်းနိုင်ပါတယ်ရှင်။
🍀 09🍀 260🍀52🍀10🍀55 🍀
🏢 တိုက်အမှတ် M3, ရွှေအင်ကြင်းအိမ်ရာ,
သုဝဏ္ဏလမ်းဆုံ 💐

Shwe Ingin Yoga

13/02/2026

15/01/2026

05/01/2026

24/12/2025

24/12/2025

23/12/2025

17/12/2025

01/12/2025

06/11/2025

13/09/2025

29/08/2025

01/08/2025

Address

Telephone

Website

Alerts

Shortcuts

Share

Category