https://www.facebook.com/2133241930283901/

Taw Win Clinic, Yangon (2026)

13/03/2022

"Covid-19 Omicron Virus"

ကိုဗစ်၁၉ရောဂါပိုးမျိုးဗီဇကွဲ အိုမီခရွန်ဗိုင်းရပ်စ် ကူးစက်ခံရသူများ၏ ရောဂါလက္ခဏာများ

၁။နှာစေး နှာရည်ယိုခြင်း
၂။ခေါင်းကိုက်ခြင်း
၃။မကြာခဏ ပင်ပန်းနွမ်းနယ်ခြင်း
၄။ကြွက်သားများနာကျင်ကိုက်ခဲခြင်း
၅။လည်ချောင်းနာခြင်း
၆။ချောင်းဆိုးခြင်း
၇။အဖျားတက်၍ချမ်းတုန်ခြင်း
၈။ မျက်လုံးနီခြင်း

စသည့်လက္ခဏာများဖြစ်ပေါ်လာပါက
မိမိကိုယ်ကိုစစ်ဆေးခြင်း /Rapid Diagnostic Test RDT test kit ဖြင့်စစ်ဆေးခြင်း
ရောဂါမကူးစက်မပြန့်ပွားအောင် ကာကွယ်ခြင်းများ
ပြုလုပ်ကြပါ။

်ပါ
#လက်ဆေးပါ

15/08/2021

**SARS-CoV-2 Antibody Test Kits အကြောင်း**

1. Antibody ကို ဘယ်အချိန်မှာစစ်မလဲ???

အမေရိကန် CDC Guidelines အရ ကိုဗစ်ပိုးစဝင်ပြီး (ဖျားနာတာ၊ ကိုယ်လက်မအီမသာဖြစ်တာ၊ ဝမ်းလျှောတာ စတဲ့ လက္ခဏာပေါ်ပြီး သို့မဟုတ် Antigen Test kit နဲ့စစ်လို့ (+) ဖြစ်ပီး ၁ ပါတ် ကနေ ၃ ပါတ်မှာ antibody စစ်လို့ရပါတယ်။

2. Test Kit နဲ့စစ်တိုင်း Antibody ပေါ်လား???

ကိုဗစ် လက္ခဏာဘယ်လောက်ပြင်းထန်စွာခံစားခဲ့ရလည်းပေါ်မူတည်ပြီး Antibody ပေါ်ပါတယ်။ ဆိုလိုချင်တာက ကိုဗစ်လက္ခဏာများပြင်းထန်စွာခံစားခဲ့ရပါက ကိုယ်ခန္ဓာကပိုမိုတုံ့ပြန်ပေးပြီး Antibody များများနဲ့
မြန်မြန်ထွက်လို့ Antibody Test kit နဲ့စစ်ရင် Test kit မှာထင်းနေတာမြင်ရမှာပါ။

3. ကိုဗစ်ပိုးဝင်ပြီး သို့မဟုတ် Covid−19

(+) ဖြစ်ပြီး Antibody စစ်ကြည့်တာ မပေါ်တာ ဘာကြောင့်လဲ???

(၃) ခုဖြစ်နိုင်ပါတယ်။

၁။ Test kit ကမှားယွင်းတာ သို့မဟုတ် စစ်ပုံစစ်နည်းမှားယွင်းတာဖြစ်နိုင်ပါတယ်။
၂။ ကိုယ်ခန္ဓာက Antibody မထွက်သေးချိန်
စစ်မိလို့လည်းဖြစ်နိုင်ပါတယ်။
၃။ တစ်ချို့လူတွေမှာ Seroreversion ဆိုတာ
ဖြစ်တတ်ပါတယ်။ Seroreversion ဆိုတာဘာလည်းဆိုတော့ လွယ်လွယ်ပြောရရင် ကိုယ်ခန္ဓာမှာ Antibody ထွက်ပေမယ့် ကြာကြာမခံပဲ ပြန်ပျက်သွားတာမျိုးပါ။ ကိုဗစ်ပိုးဝင်ပြီး ရောဂါလက္ခဏာသိပ်မခံစားရပဲ
နေပြန်ကောင်းသွားတဲ့သူတွေမှာဖြစ်နိုင်ပါတယ်။

4. Antibody က ကိုယ်ခန္ဓာထဲ ဘယ်လောက်ကြာကြာထိရှိမလဲ။ ဘယ်အချိန်ထိစစ်လို့ရလဲ???

အဲ့တာကတော့ အားလုံးလေ့လာနေကြတုန်းပဲရှိပါသေး
တယ်။ ဘယ်သူမှတော့တိတိကျကျမသိကြသေးပါ။

5. Test kit မှာပါတဲ့ C G M တွေကဘာတွေလဲ???

C ဆိုတာ Control ရဲ့အတိုကောက်ပါ။ သူ့ဘေးမှာ
စစ်တိုင်းစစ်တိုင်းအနီကြောင်းလေးပေါ်နေရပါမယ်။ မပေါ်ဘူးဆိုရင် Test Kit Error ပါ။

G ဆိုတာက Antibody IgG ကိုအတိုကောက် ပြောတာပါ။ တကယ်လို့သူ့ဘေးမှာအနီလိုင်းလေးပေါ်နေမယ်ဆိုရင် အကြမ်းဖျဥ်းအားဖြင့် ကိုဗစ်ပိုးနဲ့ လွန်ခဲ့တဲ့ ၂ပါတ်မှ တစ်နှစ်အတွင်းထိတွေမှုရှိခဲ့တယ်လို့ယူဆပြီး Antibody ရှိတယ်လို့ မှတ်ယူရမှာပါ။

M ဆိုတာကတော့ Antibody IgM ကိုအတိုကောက် ပြောတာပါ။ သူ့ဘေးမှာ အနီလိုင်းလေးပေါ်နေမယ်ဆိုရင်တော့ လွန်ခဲ့တဲ့ ၂ပါတ် မှ ၃ပါတ်အတွင်း ကိုဗစ်ပိုးနဲ့ထိတွေ့မှုရှိတယ်လို့ ယူဆရပါမယ်။ Antibody ရှိတယ်လို့ မှတ်ယူရမှာပါ။ ဒီနေရာမှာတစ်ခုမှတ်ယူရမှာက IgM သည်ခဏပဲခံပြီး IgG အဖြစ်ပြောင်းပါတယ်။ များသောအားဖြင့် စစ်လို့မမိတတ်ပါ။
ဆိုလိုချင်တာက C နဲ့ G မှာ အနီရောင် (၂)ကြောင်းပေါ်လျှင် မိမိကိုယ်ခန္ဓာမှာ ခုခံအား Antibody ရပီလို့ ယူဆိလို့ရပါပြီ။

6. Antibody ဆိုတော့ ကိုဗစ်ပိုးကို အပြည့်အဝကာကွယ်နိုင်ပီလား???
Antibody ထွက်ပြီးတိုင်းလည်း ကိုဗစ်ကိုအပြည့်အဝကာကွယ်နိုင်ပြီလို့ လုံးဝ မယူဆနိုင်ပါ။ သို့သော် Antibody မရှိတဲ့သူများထက်တော့ရောဂါပြန်ဖြစ်ဖို့ရာခိုင်နှုန်းပိုနည်းပါတယ်။ ထို့ကြောင့် နေပြန်ကောင်းပြီး Antibody ရပြီးလည်း အခြားသူများကဲ့သို့ ကိုဗစ်ကာကွယ်ရေးစည်းမျဥ်းစည်းကမ်းများကို အတိအကျလိုက်နာဖို့လိုအပ်ပါတယ်။

7. Antigen Test Kit or Antibody Test kit ဘယ် Test Kit ကိုရွေးချယ်ရမလဲ???

Antigen Test Kit ကို အများသောအားဖြင့် နှာခေါင်းတို့ပတ်ယူပြီးစစ်တာလို့ လူသိများပါတယ်။ (ခြွင်းချက် − တံတွေးကနေစစ်တာလည်းရှိပါတယ်။ စိတ်တော့မချရသေးပါ)။

Antibody Test Kit ကို အများသောအားဖြင့်
သွေးကစစ်တာလို့ လူသိကြပါတယ်။

ဆိုလိုချင်တာက −
မိမိသည် စစဖျားပြီး တစ်ရက်မှ သုံးရက်အတွင်း Covid ပိုးကြောင့် ဟုတ်မဟုတ်စစ်လိုလျှင် Antigen Kit (နှာခေါင်းတို့ပတ်ယူပြီးစစ်) ကိုရွေးချယ်ရပါမယ်။ ( အဲ့အချိန်မှာ Antibody Kit ကို မသုံးပါနဲ့။ ထိရောက်မှုမရှိပါ)

ကိုဗစ်ကြောင့်နာလန်ပြန်ထပြီး သို့မဟုတ် Covid (+) ဖြစ်ပြီး အနည်းဆုံး (၁၄) ရက်နေမှ မိမိ၏ ကိုယ်ခန္ဓာတွင် Antibody ထွက်မထွက်သိချင်ပါက Antibody Test Kit ကိုသုံးရပါမယ်။

နောက်တစ်ခုက Covid-19 ကာကွယ်ဆေးထိုးထားသူများ ကာကွယ်ဆေးအလုပ် လုပ်_မလုပ် ၊ Antibody ထွက်_မထွက် သိချင်လျှင် antibody test kit ကိုသုံးလို့ရပါတယ်။

8. Test Kit တွေနဲ့ပဲ ကိုဗစ်ကို စစ်လို့ရတာလား???

အခုပြောတဲ့ Test kit တွေနဲ့စစ်တဲ့နည်းကို RDT ( Rapid Diagnostic Test) လို့ခေါ်ပြီး အလွယ်တကူ စစ်လို့ရတာပါ။ များသောအားဖြင့် Test kit ကွာလတီကောင်းတာတွေက ကိုဗစ်ပိုးကို သိရှိနိုင်မှု (Sensitivity 85-93%) နဲ့ တိကျမှန်ကန်မှု (Specificity 90-95%) လောက်ထိကိုရှိပါတယ်။ *သို့သော် False Negative လို့ခေါ်တဲ့ မှားယွင်းပြီး ကိုဗစ်ပိုးမရှိပါဘူးလို့လည်းထွက်နိုင်တာကိုလည်း သတိထားရမှာပါ။*

9. Vaccine ထိုးတားတဲ့သူတွေရော Antibody Test Kit နဲ့စစ်ကြည့်လို့ရမလား???

ရပါတယ်။ အကြမ်းဖျဉ်းအားဖြင့် Vaccine ထိုးပြီး အနည်းဆုံး ၁၄ရက် မှ ၁လ ဆို စစ်ကြည့်ရင် IgG မှာ Red line ပေါ်ကြပါတယ်။ IgM မှာတော့ ပေါ်ခဲပါတယ်။

10. Vaccine 2 doses လုံးစုံအောင် ထိုးပီးပီ။ Antibody Test kit နဲ့စစ်တာ Antibody မပေါ်ဘူး။ ဘာလို့လဲ???

- ကိုယ်ခန္ဓာထဲက Antibody ပမာဏက
Test Kit စစ်နိုင်တာထက် နည်းနေလို့ပါ။
- Test Kit Error သို့မဟုတ် စစ်ပုံစစ်နည်း မမှန်လို့
ဖြစ်နိုင်ပါတယ်။
- တကယ်လည်း Vaccine မအောင်ပဲ
Antibody မထွက်တာဖြစ်နိုင်ပါတယ်။

➡️ အဖြေအကောင်းဆုံး လိုချင်ရင်တော့ RDT Test kit တွေထက် Sensitivity & Specifitivity ပိုမိုတိကျတဲ့ PCR method နဲ့ပြန်စစ်ပါ။

30/07/2021

"ကျွန်တော်/ကျွန်မ ဖျားနေတယ် အစာ မစားချင်ဘူး"

"ဖျားနေရင် ဘာစားရမလဲ? ဘာစားလို့ရလဲ?"

ဒါအပြောအများဆုံး/အကြားရဆုံးစကားပါ။ 🤒

ဖျားရင် အစာစားချင်စိတ်ပျောက်တာ သဘာဝပါ။
ဖျားလို့ အစာမဝင်ရင် အားပိုနည်းပါတယ် ရောဂါဒဏ် ပိုခံရပါတယ်။ 😷

လူ့ခန္ဓာကိုယ်မှာ ရောဂါဝင်ရင် တိုက်ထုတ်ဖို့ ကိုယ်ခံအား ရှိပြီးသားပါ။ တစ်ဦးနဲ့ တစ်ဦး ကိုယ်ခံအားချင်း မတူပါ။
ဒါကြောင့် တစ်အိမ်ထဲတူတူနေပြီး တချို့က ရောဂါလက္ခဏာပြပြီး တချို့က ဘာမှ မဖြစ်ဘဲ နေနိုင်တာပါ။

အဲအတွက် ကိုယ်ခံအားကောင်းအောင် အစာဝင်အောင် စားရပါမယ်။
✅ မစားချင်လည်း စားပါ။
✅ အရသာမရှိလည်း ပုံမှန်နီးနီး ဝင်အောင်ကို စားပါ။
အစာဝင်မှ ကိုယ်ခံအား ကောင်းပြီး ရောဂါဒဏ် ဆေးဒဏ်ကို ခံနိုင်ရည် ရှိမှာပါ။

🟠 နေမကောင်းရင် ဆေးကိုပဲ အားကိုးလို့ မရပါဘူး
🟠 အစာမဝင်ဘဲ ဆေးပဲထိုင်သောက်နေလို့ မရပါဘူး
🟠 ကိုယ်ခံအားကောင်းဖို့ အစာဝင်ဖို့ကို လိုပါတယ်။

ဒါဆို ဘာစားရမလဲ မေးရင် အားရှိမယ့် အကုန်စားပါ။

✅ ထမင်း/ ဆန်ပြုတ်/ စွပ်ပြုတ်/ ခေါက်ဆွဲ/ကြာဇံ
✅ ပေါင်မုန့်/ oats/ cereals/ မုန့်ခြောက်
✅ အသား/ ငါး/ ဥအမျိုးမျိုး
✅ ပဲအမျိုးမျိုး
✅ အသီးအရွက် (အစိမ်း/အဝါ/အနီ အမျိုးမျိုး)
✅ အာလူး/ကန်စွန်းဥ စသည်
✅ နို့/ကွေကောအုပ်
✅ အသီး အမျိုးမျိုး (အချဥ်ဓာတ်ပါရင် ပိုကောင်း)
✅ အစေ့အဆံ စသည်တို့ အကုန်
အာဟာရ မျှတအောင် အစုံစားလို့ ရပါတယ်။

ကြက်ကြော်/Sushi/Mala Xaing Guo/မုန့်တီ/Pizza
စတဲ့ food delivery တွေလည်း စားလိုက စားနိုင်ပါတယ်။ အလွန်အကြူး မဖြစ်ရင် ရပါတယ်။ 🙄
(ချောင်းဆိုးနေတဲ့အချိန်မှာတော့ ချောကလက်တွေ ဘယ်သူမှ ထိုင်စားမနေလောက်ဘူးလို့ ယူဆပါတယ်။ 🙄)

ချို ချဥ် ငန် စပ် ခါး ဆန္ဒရှိရင် စားနိုင်ပါတယ်။
ခံတွင်းတွေ့လောက်မယ့် အစာ အကုန်သာ စားပါ။

❌ လူမမာစာ ဆန်ပြုတ်ချည်းပဲ သောက်ဖို့ မလိုပါ။ ❌

အစာအုပ်စုပုံစံကိုလည်း comment မှာ ဖော်ပြထားပါတယ်။
______________________________________

ကျန်းမာရေးအတွက် သိလိုရာများကို ကိုယ်စိတ်ကျန်းမာ page ရဲ့ messenger မှာ အခမဲ့ ဆွေးနွေးတိုင်ပင် နိုင်ပါတယ်။ Volunteer ဆရာဝန်များမှ အလှည့်ကျ ဖြေဆိုပေးနေပါတယ်။
အားလုံးအားရှိအောင် နေထိုင်စားသောက်ရင်း ဒီကပ်ဆိုးကြီးကို ကျော်ဖြတ်နိုင်ပါစေ။

Dr. N

28/07/2021

Dexamethasone treatment in Covid and managing Diabetes

✅Covid လက္ခဏာဆိုးလို့ Dexamethasone ပေး ဖို့လိုလာလျှင်ဆီးချိုဘယ်လိုထိမ်း မလဲ။

အခုအကြံပြုချက်ဟာယျေဘူယျ သဘော idea ရရန်ဖြစ်သည်။ လူနာတယောက်နှင့်တယောက်ခြေနေပေါ်မူတည်ပြီးကုသမှု ကွဲပြားနိုင်တယ်။

၁။ ဆီးချိုအခံ ရှိသူတွေဟာ dexa ပေးပေးမပေးပေး Covid ဖြစ်ရင်သွေးချိုတက်နိုင်တယ်။ ဆေးပိုလိုလာနိုင်တယ်။
၂။ ဆီးချိုအခြေခံရှိသည်ဖြစ်စေ၊ မရှိသည်ဖြစ်စေ dexa ဆေးလိုလာပြီဆိုရင် လက်ထိပ်ဖောက်ပြီးသွေးစစ်သင့်တယ်။
၃။ Covid ကြောင့် တအားနေမကောင်းရင် တချို့ဆီးချိုဆေးတွေ ခေတ္တရပ်ပြီးနေကောင်းမှ ပြန်သောက်သင့်တယ်။ နေမကောင်းပဲဆက်သောက်ရင် acid ဓာတ်တွေခန္တာကိုယ်ထဲများပြီး အဆိပ်ဖြစ်နေနိုင်လို့။ ဒီဆေးတွေက
Metformin ပါတဲ့ ဆေးgroup နဲ့ SGLT2 group (empagliflozin, Dapagliflozin). နှစ်မျိုးလုံးရပ်ပါ။
သတိ။ Covid ဖြစ်ပေမယ့် လူကကျန်းကျန်းမာမာဆို ဒီဆေးများရပ်ရန်မလိုပါ။

၄။ Dexa ကို မနက်သောက်ရင် သွေးချိုက နေ့လည်ကစတက်ပြီး ညနေစော စော ထိတက်လေ့ရှိတယ်။
၅။ သွေးချိုစစ်ဖို့ ပုံမှန်အားဖြင့် အစာမစားမီ (မနက်၊ နေ့လည်၊ ညစာ) နဲ့ ညအိပ်ရာဝင်ခါနီး လေးကြီမ်စစ်နိုင်တယ်။ ဆီးချိုအခံ ရှိရင်ပိုလိုတယ်။ ဆီချိုမရှိဘူး အများကြီးစစ်ဖို့ အခြေနေမပေးရင် နေ့လည်နဲ့ ညစာမစားမီဖောက်ကြည့်ပါ။ ၉၀-၁၄၀ mg/dl လောက်ဆို မဆိုးဘူး။ ၇၀အောက်မကျစေနဲ့။ ၁၈၀mg/dl ကျော်ရင်ဆေးပိုလို လာတာပြတယ်။

✅ ဆီးချိုဆေး ဘာဆေးသုံးမလဲ။ ဘယ်လိုသုံးမလဲ

၁။ Gliclazide group နဲ့, insulin ဆေးအားလုံး အရေးပေါ်လိုရင်သုံးနိုင်တယ်။
၂။ gliclazide က မသောက်ရသေးရင် ၄၀mg မနက်တကြိမ်စပြီး။ လိုရင် နေ့လည် ၄၀mg ထပ်ထည့်နိုင်တယ်။ အများဆုံး ၁၆၀mg မနက်တကြိမ် နေ့လည်တကြိမ်ပေးလို့ရတယ်။ gliclazide MR သုံးရင် တနေ့ကို ၁၂၀ mg ထိပဲ အများဆုံးသုံးသင့်တယ်။
၃။ gliclazide dose အများဆုံးရောက်နေပေမယ့် ဆီးချိုတက်တုန်းဆိုရင် insulin ထိုးဖို့လိုမယ်။ ဆရာဝန်ရဲ့ တိုက်ရိုက်ကုသမှုနဲ့ လ်ုအပ်ပါသေးတယ်။

✅ insulin အကြောင်း မှတ်သားစရာ
Insulin ကို သူ အာနိသင် ဘယ်အချိန်မှာစရှိပြီး ဘယ်လောက်ကြာကြာခန္တာထဲမှာရှိလဲေပါ် (duration of action)မူတည်ပြီး ၃မျိုးရှိတယ်လို့အကြမ်းဖြင်းမှတ်လို့ရပါတယ်။
-short acting insulin ၃-၄နာရီလောက်ပဲခံတဲ့ အင်ဆူလင်။ ဒီဆေးက အစာစားလို့တက်လာမည့်သွေးချိုကိုချပေးတာ။ အစာမစားခင်လေးထိုးရတာ။ တခါတခါ သွေးချိုဓာတ်တွေအရမ်းတက်နေလို့ အရေးပေါ်ချဖို့လိုရင်လဲ သုံးလို့ရတယ်။ ဆေးနာမည်တချို့ actrapid, novorapid, Humulin S, Humalog.
- long/intermediate acting insulin- ဆေးပေါ်မူတည်ပြီး၈ နာရီကနေ ၁၈-၂၀နာရီလောက်ထိခံတဲ့ insulin . ပုံမှန်အားဖြင့် နောက်ခံ background မှာခန္တာကိုယ်ယန္တရားကြီးလည်ပတ်တဲ့အခါမှာသကြားဓာတ်တက်စေတာကို ထိမ်းချုပ်ပေးတာ။ များသောအားဖြင့် ညအိပ်ခါနီးမှာထိုးတာ။ မနက်အိပ်ရာထ လို့တိုင်းလို့ရတဲ့ သွေးချိုပေါ်မူတည်ပြီး ဆေးdose ညှိပေးရတယ်။ ဆေးနာမည်တချို့ insulatard, humulin I, Levemir, Lantus.
- mix insulin နောက်ဆုံးအမျိုးစား ကအထပ်ပါဆေးနှစ်မျိုး readymade mix လုပ်ထားတာ။ ပုံမှန်အားဖြင့် ဒီဆေးကို မနက်အစာမစားခင်နဲ့ ညစာမစားခင်မှာပေးလေရှိတယ်။ မနက် ဆေးထိုးလိုက်ရင် စားတဲ့အစာက်ု short acting အပိုင်း က ေသွးချိုကျစပြီး၊ long acting က နေလည်စာကို cover လုပ်ပါတယ်။ ဒီလိုပဲ ညနေထိုးတဲ insulin ရဲ short acting အပိုင်းက ညစာကို cover ဖြစ်ပြီး long Acting က ညပိုင်းစက်ယန္တယားလည်ဖို့ cover ဖြစ်ပါတယ်။ ဆေးနာမည် mixtard 30, humalog mix 25, novomix 30, insuman comb 25 (နံပါတ်က short acting ရာခိုင်နှုန်းဘယ် လောက်ပါလဲဆိုလိုတာ)

✅ ဘယ်ဆေးထိုးရမလဲဆိုတာပြောရခက်တယ်။

- insulin ထိုးနေသူတွေ covid ဖြစ်ဆီးချိုတွေအရမ်းကြီး တောက်လျောက်များရင်ထိုးတဲ့ဆေးသာပိုထိုး၊ ကိုယ်ထိုးနေကျထက် ၁၅% လောက်ပိုထိုးကြည့်။ e.,g၂၀ unit ထိုးတယ်ဆို ၂၃-၂၄ unit လောက်ပိုထိုးကြည့်။
- dexa ကြောင့် သွေးချိုအရမ်းတက်လို့ အင်ဆူလင် စရန် လိုရင် short acting ကို မနက်နဲ့ နေ့လည်မှာထိုး၊ (သို့) mix insulin ရလဲမနက်တ ကြီမ်စထိုးကြည့်

✅ ဆီးချို အရမ်းတက်ရင် အရေးပေါ်ဘာဖြစ်နိုင်လဲ eg. 350-400 mg/dl ကျော်လာရင် သတိထားရန်
- Hyperosmolar state ခန္တာကိုယ် အရည်ခန်းချောက်လွန်ပြီး သွေးတွေပြစ်လာပြီး ကျောက်ကပ်ထိမယ်။ လူကကရောင်ကတန်းတွေဖြစ်လာနိုင်တယ်။ ဒီလိုခြေနေမျိုးမှာ သွေးဖောက်စစ်ရမယ် (U&E, creatinine, Bicarbonate )၊ အရေးပေါ်ဆရာဝန်ချက်ချင်းကုသဖို့လိုမယ်။ drip သွင်းဖို့နဲ့ insulin drip အနည်းငယ် စဖို့လိုမည်။
- Diabetes Ketoacidosis - ဆီးချိုအမှတ် (၁) သမားမှာ အဖြစ်များပေမယ့် အမှတ်၂ သမား တွေမှာ လည်းဖြစ်တတ်တယ်။ (အထူးအဖြင့် dapagliflozin, empagliflozin သောက်နေသောလူများ)။ ခန္တာကိုယ်မှာ ketone (လက်သည်းဆိုးဆေးနံ့ရှိတယ်) လို့ခေါ်တဲ့ acid အဆိပ်တတ်လာတာ။ အရမ်းအရေးကြီး ချက်ချင်းကုသရမည်။

ဘေးကင်းကြပါစေ။
Crd .ခင်ဆွေမြင့် (ဆေး၂)
ဆီးချိုထူးကု (UK)

17/07/2021

အရေးပေါ် အိမ်သုံးဓာတ်ဆားပြုလုပ်နည်း

_________________________________________

ခုချိန်မှာ ဆေးတွေဝယ်ဖို့ခက်ခဲနေခဲ့ရင် အထူးသဖြင့်
အပူချိန်မြင့်မားလို့ရေဓာတ်ဆုံးရုံးခဲ့လို့ ဝမ်းလျှောလို့
ရေဓာတ်ဆုံးရူံးခဲ့ရင် ဓာတ်ဆားဝယ်မရခဲ့ရင်
ရေတလီတာကိုသကြားလက်ဘက်စားဇွန်းခြောက်ဇွန်းနဲ့ဆားဇွန်းဝက်ထည့်ဖျော်ပြီးသောက်ပါ။

ဓာတ်ဆားထုတ်တွေမှာညွှန်းထားတဲ့အတိုင်း ဓာတ်ဆားဖျော်မယ့်ရေကိုရေနွေးမသုံးရပါဘူး။
ရေခဲရေလဲမသုံးရပါဘူး ရိုးရိုးရေသန်. ဒါမှမဟုတ်
ရေကျက်အေးနဲ့အသုံးပြု ဖျော်နိုင်ပါတယ်။

ရေဆာတိုင်းသောက်ပေးပါ။

ဓာတ်ဆားဖျော်ရည်စဖျော်ချိန်ကနေ ၂၄နာရီ အတွင်းပဲ
ကုန်အောင်သောက်ပါ။
၂၄နာရီကျော်ရင်မသောက်ပါနဲ့တော့။
ဓာတ်ပြယ်ပြီး အဆိပ်အတောက် ဖြစ်တတ်ပါတယ်။

11/07/2021

ဒေသန္တရဆေးခန်းထောက်ခံစာပါမှဆေးရုံ/စင်တာ
သွားနိုင်မှာဖြစ်၍ ရန်ကုန်ခရိုင် ၄ ခုထဲက ဒေသန္တရ
ဆေးခန်းဖုန်းများဆောင်ထားပါ။
~~~~~~~~~~~~~~~~~~~~~~~~~~~~~~~~
ဖျား၊နေမကောင်းဖြစ်ချိန်မှာ ကိုဗစ် လက္ခဏာ ဟုသံသယရှိပါက ဒေသန္တရမှာ စစ်ထားပါ။(သူတို့လာစစ်ပေးတာရှိသလို၊ကိုယ်သွားစစ်ရတာလည်းရှိမယ်)။ကိုယ့်ဘာသာအိမ်မှာ RTD ဖြင့်ကြိုစစ်ထားလည်းရ(ဒါက အဖြေသိပ်မ‌သေချာတတ်)။မစစ်ထား၍ဒေသန္တရ ဆရာဝန် ထောက်ခံချက်ရမထားလျှင် ဆေးရုံ/စင်တာ တက်ခွင့်မရပါ။

Positive ဖြစ်တိုင်း စင်တာမသွားရပါ။အိမ်နေရမည့်သူကို ညွှန်ကြားချက်များ‌ပေးမည် ။စင်တာ သွားရန်လိုမှ ဒေသန္တရ ၏ထောက်ခံချက်ဖြင့် သတ်မှတ်ပေးလိုက်မည့် ဆေးရုံ/စင်တာ ကို သွားရမည်။(လူနာကုတင်တွေ မလောက်လို့ တန်းတက်လို့ မရပါ)

ကြိုမလုပ်ထားမိဘဲ ညအချိန် အောက်ဆီဂျင်ကျမှ ချက်ချင်း ‌ဆေးရုံတက်ချင်လျှင် ကူညီဖို့ မလွယ်ကူကြပါ။

ရန်ကုန်အတွက် ခရိုင်(၄)ခုက ဒေသန္တရ ဆေးခန်း ဖုန်းများ(telecare က ပြုစုထုတ်ပြန်ထား) ကိုပေးထားပါတယ်။တိုင်းကျန်းမာရေးဦးစီးဌာနက update လုပ်‌သော ဖုန်းများရှိလာပါကလည်းထပ်ဖေါ်ပြပေးပါမည်။

ကိုယ့်မြို့နယ် ဖုန်းနံပါတ်လေးများအား လိုရမယ်ရ မှတ်လိုက်ကြပါ။ ဒေသန္တရ ဖုန်းများအား ခေါ်မရပါက ၎င်းဖုန်း၏ဗိုင်ဗာ တွင် မက်ဆေ့ချန်ထားကြည့်ရန်တိုက်တွန်းပါသည်။

04/03/2021

အရေးပေါ် အခြေအနေမှာ
တစ်ယောက်နဲ့ တစ်ယောက် သယ်ကြရတဲ့အခါ .. 🔰🔰🔰

လက်ဖျားတွေ ခြေဖျားတွေကနေ သယ်တာ ရှောင်ကြစေလိုပါတယ် လက်ဖျားတွေကကိုင်ပြီး သယ်ရင် အရိုးကို ထိန်းထားပေးတဲ့ အရွတ်တွေ ပြဲနိုင်ပါတယ်။

အရေးပေါ် အခြေအနေမို့ တစ်ယောက်နဲ့ တစ်ယောက်ဆွဲပြေးရတဲ့အခါ လွယ်မယ် ထင်တဲ့ လူနာသယ်နည်းလေးတွေပါ။

ကျောရိုးထိတဲ့ လူနာဆိုရင် မိုးကာသို့မဟုတ် စောင်နဲ့နည်းက အဆင်ပြေပါတယ် သယ်လို့ ကျောရိုးကို လိန်ပြီး သယ်မိတဲ့ အခါ ခန္ဓာကိုယ် တစ်ခြမ်းသေတာ(paralysis) ဖြစ်နိုင်လို့ပါ။

CARRYING & DRAGGING TECHNIQUES : offgridweb

01/01/2021

အစာအိမ်ဘာကြောင့်ရောင်ရတာလဲ ⁉️

အစာများသည် ပါးစပ်ကနေမျိုချလိုက်တာနဲ့
အစာရေမျိုကိုဖြတ်ပြီး ဗိုက်ထဲ(အစာအိမ်) ထဲ
တန်းရောက် ပါတယ်။

💥 အစာအိမ်ထဲတွင် မိမိတို့
စားသမျှ အစာတွေကို ခြေဖျက်ဖို့ နဲ့ ပါလာတဲ့ ပိုးမွှားတွေကို သတ်ပစ်ဖို့ အတွက်
အစာခြေရည် (Gastric juice) တွေ ထွက်ပါတယ်
၎င်း အစာခြေရည်ထဲမှာ Hydrochloric acid ပါ,ပါတယ်။ အစာအိမ် နံရံကို Mucus အလွှာနဲ့ ဖုံးထားပေးတဲ့ အတွက် ထို Acid က ခန္ဓာကိုယ်ထဲမှာ အန္တရာယ် မရှိပါ။ အစာတွေကိုပဲ ခြေဖျက်ပေးပါတယ်။

*** သို့သော် အစာခြေရည်သည်
လိုအပ်တာထက် ပိုထွက်ရင် အန္တရာယ်ရှိပါတယ်။
အစာအိမ်ကို ကာထားပေးတဲ့ Mucus
အလွှာပါးလာရင်လည်း အန္တရာယ်ရှိပါတယ်။

⛔စပ်ဆေးတွေ (Steroid) တွေ၊ အကိုက်ခဲပျောက်ဆေးတွေ သောက်တာမျိုး (NSAIDs)၊
အပူ၊ အစပ်၊ အချဉ်တွေ တရားလွန် စားတာမျိုး၊
အရက်အလွန်အကျွံသောက်တာမျိုး၊
Gas ပါသော အချိုရည်တွေသောက်တတ်တာမျိုး..
အစရှိတာတွေက မိမိတို့ အစာအိမ်ရှိ Mucus အလွှာလေးကို ဒဏ်ဖြစ်ပြီး တဖြည်းဖြည်း ပါးလာစေပါတယ်။ ထွက်တဲ့ Acid တွေက အစာအိမ်နံရံကို
တိုက်စားပြီး အနာဖြစ်လာရမှ "အစာအိမ်နာခြင်း" ဖြစ်ရပါတယ်။

စိတ်ဖိစီးမှုများတဲ့သူတွေ၊
Coffee ,Tea အသောက်များတဲ့ သူတွေမှာလည်း
အစာခြေရည်တွေ အထွက်များပါတယ်။
အစာခြေရည် များများထွက်လေလေ
အစာအိမ် ကို ပိုနာ စေ လေ ပါပဲ။

💥အဓိက လက္ခဏာတွေကတော့
- ရင်ပူမယ်
- ရင်ညွန့်နဲ့ ဗိုက်ဘယ်ဘက်နံရိုးအောက်ကနာမယ်
- လေချဉ်တွေ တက်မယ်
- ပျို့အန်မယ်
- အစာစားလိုက်ရင် နာမယ်
- ပိုဆိုးလာရင်တော့ မခံမရပ်နိုင်အောင်နာမယ်

ဒါကြောင့်မို့လို့ မိမိတို့ အစာအိမ်နာတာကို
အရှင်းပျောက်ချင်ရင် ဆေးမှန်မှန်သောက်ရသလို
အစာအိမ်နာစေမယ့် အစားအစာတွေကိုလည်း
တတ်နိုင်လျှင် အနည်းဆုံး (၂) လလောက်
ဆက်တိုက်ရှောင်ရပါမယ်။

ရှောင်ရမှာတွေက..
- ငရုတ်သီး/ကောင်း၊ ကြက်သွန်ဖြူ/နီ၊ ဂျင်း၊
ရှောက်သီး၊ သံပရာသီး၊ ရှာလကာရည်၊ မာလာဟင်း၊မာလာရှမ်းကော၊ အရက်၊ ဘီယာ၊ Coffee၊ Tea ၊ Gas ပါတဲ့အချိုရည်၊ အစာကြေမလွယ်တဲ့အစာ၊
ကောက်ညှင်း၊ ခေါက်ဆွဲကြော်၊ကြာဆံကြော်၊ထမင်းကြော်၊ ကြေးအိုးဆီချက်၊ အကြော်စုံ၊
လေပွစာများ၊ လက်ဖက်၊ သခွါးသီး၊ အကိုက်အခဲပျောက်ဆေး (NSAIDs)၊ စပ်ဆေး များဖြစ်ပါတယ်။

🔰အစာကို နည်းနည်းနှင့် ခဏခဏ စားပေးပါ။
အဲ့ဒါ အစာအိမ်နာတတ်သူတွေ အတွက် အကောင်းဆုံးပါ။

25/11/2020

# ကိုဗစ်နှင့် ဗီတာမင် C 💥
---------------------
ဗီတာမင် Cက ဓာတ်တိုးပစ္စည်းကြောင့် ဆဲလ်တွေ ပျက်စီးမှုမရှိအောင် ကာကွယ်ပေးနိုင်တဲ့ ဓာတ်တိုးဆန့်ကျင်ပစ္စည်းပါ။ ရောဂါပိုးတွေ သေစေဖို့ ခုခံအားစနစ်က အလုပ်လုပ်နေစဉ်မှာ ဓာတ်တိုးပစ္စည်းတွေ ထွက်ရှိလာပါတယ်။ ဒီ ဗီတာမင် C က ရောဂါပိုးကို တိုက်ခိုက်တဲ့ ဖြစ်စဉ်ကြောင့် ဖြစ်ပေါ်လာတဲ့ ပျက်စီးမှုကို တွန်းလှန်ပေးပါတယ်။

ဗီတာမင် C က သွေးဖြူဥ ပမာဏကိုလည်း မြင့်တက်စေနိုင်ပြီး ခုခံအားစနစ်ကို သန်မာစေ နိုင်ပါတယ်။

ဗီတာမင် C က အဆုတ်နဲ့ တစ်ခြားကိုယ်တွင်းအင်္ဂါတွေ ပျက်စီးစေနိုင်တဲ့ ရောင်ရမ်းမှု ဖြစ်စဉ်ကိုလည်း လျှော့ချပေးပါတယ်။

ခုခံအားစနစ်ကရောဂါပိုး ကိုတိုက် ထုတ်ဖို့ ဗီတာမင် C ကို ပိုမို လိုအပ်နေတဲ့ နာမကျန်းဖြစ်နေသူတွေမှာ ဗီတာမင် C ကချို့တဲ့ နေတတ်ပါတယ်။

ဗီတာမင် C ကိုသောက်သင့်တဲ့ ပမာဏ က တစ်နေ့ကို ၆၅- ၉၀မီလီဂရမ် ဖြစ်ပြီး လိုအပ်ရင် နေ့စဉ် ၂၀၀၀ မီလီဂရမ် အထိသောက်လို့ ရပါတယ်။

ရှောက်သီး၊ လိမ္မော်သီး၊ သံပုရာသီးလိုမျိုးအချဉ် အရသာရှိသစ်သီး ၊ မာလကာသီး၊ သင်္ဘောသီး၊ ငြုပ်ပွသီး လိုမျိုးအစားအစာတွေမှာလည်း ဗီတာမင် C ပေါကြွယ်ဝစွာ ပါဝင်ပါတယ်။

ကိုယ်တွင်းမှာ ဗီတာမင်C ပမာဏများလွန်းရင်တော့ ဝမ်းပျက်တာ၊ ပျို့အန်တာ၊ ရင်ပူတာ၊ ခေါင်းကိုက်တာ၊ ဗိုက်အောင့်တာနဲ့ အိပ်မပျော်တာတွေ ဖြစ်တတ်ပါတယ်။

# ကိုဗစ်နှင့် ဗီတာမင် D
----------------------
ဗီတာမင် Dကခုခံအားစနစ်ကိုမြှင့်တင် ပေးနိုင်ပြီး ခုခံတိုက်ခိုက်အားတုံ့ပြန်မှုကိုအလွန်အကျွံ မဖြစ်အောင် ကာကွယ်ပေးပါတယ်။

ခုခံအားတုံ့ပြန်မှု အလွန်အကျွံဖြစ်တာကို ဆိုင်တိုကိုင်းမုန်တိုင်း Cytokine stormလို့ခေါ်ပြီး သူ့ကြောင့် အဆုတ်က အလွန်အမင်းပျက်စီးကာ အသက်ရှူမရတဲ့ပြဿနာဖြစ်ပြီးသေဆုံးရတာဖြစ်ပါတယ်။
ဗိုင်းရပ်စ်ကြောင့်အဆုတ်ပျက်စီးတာမဟုတ်ပါဘူး။

လေ့လာမှုအရဗီတာမင် Dကကိုဗစ် ကြောင့်ဖြစ်တဲ့သေဆုံးနှုန်းကိုထက်ဝက်ခန့်လျော့ချနိုင်ပြီး ကိုဗစ် ကြောင့်နောက်ဆက်တွဲဆိုးကျိုးမဖြစ်အောင်လည်းကာကွယ်နိုင်ပါတယ်။

ဗိုက်တာမင် D သောက်သင့်တဲ့ပမာဏကို အကြံပြုထားတာက --
ကိုဗစ်ရောဂါကို ကာကွယ်ဖို့ ဗီတာမင် D3 10000 IUကိုတစ်နေ့တစ်လုံးနှုန်းနဲ့ ရက်သတ္တပတ်အနည်းငယ် သောက်ပြီးနောက် D3 5000IUကိုနေ့စဉ်သောက်ပေးသင့်ပါတယ်။
ကိုဗစ်ရောဂါကူးစက်ထားလို့ ကုသမှု ခံယူနေရသူတွေအနေနဲ့ ဗီတာမင်D ကို ပမာဏပိုများများသောက်သင့်တယ်လို့အကြံပေးထားပါတယ်။
နေပူရှိန်ရတဲ့ ကျွန်မတို့နိုင်ငံသားတွေအနေနဲ့ မနက်စောစောထပြီး နေရောင်ကာလိမ်းဆေး SPF မလိမ်းထားပဲ နေ့စဉ် နေရောင်ခြည်ခံသူ၊ ကျောက်ကပ် ကျန်းမာရေးကောင်းပြီး အသက်ငယ်ရွယ်သူတွေက ဗီတာမင် D ပြည့်ဝကောင်းပြည့်ဝနိုင်ပါလိမ့်မယ်။
ကိုယ့်နိုင်ငံကအသက် ၆၀ ကျော်သူတွေကသွေးတွင်း ဗီတာမင် Dပမာဏကိုစစ်ဆေးကြည့်သူတော်တော်များများမှာလျော့ကျနေတယ်လို့သိရပါတယ်။နေ့စဉ် ဗီတာမင်D3 ကို 4000IUထိသောက်ရင်အန္တရာယ်ကင်းတယ်လို့တော့သိရပါတယ်။ ကျန်းမာရေးကောင်းသူတွေက D3 10000IU သောက်ရင်တောင် ဆိုးကျိုးမဖြစ်နိုင်ဘူးလို့လည်းဆိုပါတယ်။

နေ့စဉ် 40000-60000IUကိုတစ်လလောက်သောက်မိရင်တော့ မိမိအတွက်အဆိပ်အတောက်ဖြစ်လာနိုင် ပါတယ်။

ကြက်ဥနဲ့ ငါးလိုမျိုးအစားအစာ နဲ့နေရောင်ခြည်ကရရှိတဲ့ဗီတာမင် D ကြောင့်အဆိပ်အတောက်မဖြစ်နိုင်ပါ။ ဆေးဝါးမှီဝဲတဲ့ပမာဏများလွန်းမှသာ ဆိုးကျိုးရရှိမှာပါ။မိမိမှာကျန်းမာရေးပြဿနာတွေရှိနေရင်တော့ ဗီတာမင် D ကိုမသောက်ခင်ဆရာဝန်နဲ့ အရင်တိုင်ပင် ပါ။

# ကိုဗစ်နှင့် Zinc (သွပ်ဓာတ်)
--------------------
ခန္ဓာကိုယ်ထဲမှ ဆဲလ်တွေက ဗိုင်းရပ်စ် နဲ့ ဘယ်တီးရီးယားတွေကို တိုက်ခိုက်နိုင်ဖို့ Zinc ခေါ် သွပ်ဓာတ်ကို လိုအပ်ပါတယ်။ ဒါ့အပြင်သွပ်ဓာတ်ဟာ အနာကျက်မြန်အောင်နဲ့ အနံ့ အရသာ ကောင်းမွန်အောင် လည်းကူညီပေးပါတယ်။

သွပ်ဓာတ်ကို နေ့စဉ်လိုအပ်တဲ့ပမာဏက အမျိုးသား ၁၁ မီလီဂရမ် ၊အမျိုးသမီး ၈ မီလီဂရမ်၊ ကိုယ်ဝန်ဆောင်နဲ့ နို့တိုက်မိခင် ၁၂မီလီဂရမ်၊ ကလေး ၂- ၁၂ မီလီဂရမ် (အသက်အရွယ်နဲ့ ကျား/မ အလိုက် လိုအပ်ချက်ပမာဏ ကွဲပါတယ်။)

ဘယ်သူတွေကသွပ်ဓာတ်ချို့တဲ့နိုင်သလဲ။
ဝမ်းဗိုက်ဒါမှမဟုတ် အူ ကိုခွဲစိတ်ကုသမှုခံယူထားသူ၊ အရက်စွဲနေသူ၊ အူမကြီးရောဂါရှိသူ၊ မကြာခဏ ဝမ်းပျက်တတ်သူ နဲ့ သတ်သတ်လွတ် စားသုံးသူတွေမှာ သွပ်ဓာတ်ချို့တဲ့နိုင် ပါတယ်။

သွပ်ဓာတ်ကို ဘယ်ကနေရရှိနိုင်သလဲ။
အနီရောင်အသား၊ ကြက်ပေါင်သား၊ ကမာကောင်၊ ပန်းကဏန်း၊ သီဟိုလ်စေ့
လိုမျိုး အစားအစာတွေမှာ သွပ်ဓာတ်ပါဝင်ပါတယ်။
သွပ်ဓာတ်ကို အားဖြည့်ဆေး အနေနဲ့ လည်းမှီဝဲ နိုင်ပါတယ်။
သွပ်ဓာတ်ကို နေ့စဉ် ၄၀ မီလီဂရမ်ထက် ပိုပြီး မမှီဝဲသင့်ပါဘူး။

ကိုယ်တွင်း သွပ် ပမာဏ များလွန်းရင်။
ဝမ်းပျက်ဝမ်းလျောဖြစ်တာ၊ ဝမ်းဗိုက်အောင့်တာ၊ ခေါင်းကိုက်တာနဲ့ ပျို့အန်တာတွေဖြစ်တတ်ပါတယ်။
ဒါ့အပြင် သွပ်အားဖြည့်ဆေးကို ရေရှည် မှီဝဲ ခဲ့ရင် ကိုယ်တွင်းကခုခံအားစနစ် အတွက် အထူးလိုအပ်တဲ့ကော့ပါးဓာတ်တွေလျော့နည်းလာနိုင်ပါတယ်။ကော့ပါးလျော့နည်းတာကြောင့် ကိုယ်တွင်းက ကျန်းမာရေးကောင်းမွန်စေတဲ့အဆီ HDL လည်းလျော့နည်းနိုင်ပါတယ်။

သွပ်ဓာတ်က အခြားဆေးဝါးတွေနဲ့ ဓာတ်ပြုနိုင် ။
သွပ်အားဖြည့်ဆေးက ပဠိဇီဝဆေးဝါးတွေရဲ့ အကျိုးအာနိသင်ကို လျော့နည်းစေနိုင်ပါတယ်။ သွပ်ကိုမှီဝဲထားသူတွေက ပန်နီဆလင်လိုမျိုးဆေးဝါးတွေသောက်ရရင် ခန္ဓာကိုယ်က ပင်နီ ဆလင်ဆေးဝါးကို စုပ်ယူနိုင်မှု လျော့ပါးသွားပါတယ်။

ကိုဗစ်နှင့် CoQ10
----------------
CoQ10 ဆိုတာက ကိုယ်တွင်းကဆဲလ်တွေ လုပ်ငန်းလုပ်နိုင်ဖို့ လိုအပ်တဲ့ အာဟာရကို ဖြည့်ပေးတဲ့ ဓာတ်တိုးဆန့်ကျင်ပစ္စည်း တစ်မျိုးပါ။သူက ဆဲလ်တွေ မပျက်စီးအောင် ကာကွယ်ပေးပြီး နှလုံးသွေးကြော ကျန်းမာဖို့လည်းကူညီပေးကာ သွေးဖိအားကို ပုံမှန် ဖြစ်အောင် ထိန်းသိမ်း ပေးပါတယ်။
အသက်ကြီးလာတာနဲ့ အမျှ ကိုယ်တွင်းက CoQ10 ပမာဏကလည်း ကျဆင်းလာပါတယ်။ နှလုံးသွေးကြောရောဂါနဲ့ သွေးတွင်းကိုလက်စတရောပမာဏ များတာကြောင့် Statin ဆေးဝါးမှီဝဲရသူတွေမှာလည်း CoQ10 ချို့တဲ့တတ်ပါတယ်။
လေ့လာမှုတွေအရ နှလုံးက ကိုဗစ်ကြောင့် အထိခိုက်ဆုံး ကိုယ်တွင်းအင်္ဂါတစ်ခု ဖြစ်တယ်လို့ သိရပါတယ်။ကိုဗစ်ပိုး ကူးစက်မှုခံရပြီး ရက်အနည်းငယ်အတွင်းမှာပဲ သိသာထင်ရှားတဲ့ လက္ခဏာ မပြပဲနဲ့တောင် နှလုံးပြဿနာ ဖြစ်နိုင်တယ်လို့ ဆိုပါတယ်။
ရောဂါက ပြန်လည်ကောင်းမွန်လာတဲ့ လူနာ ၇၈% က နှလုံးပြဿနာကြောင့် ဆေးရုံကို ပြန်လာပြရတယ်လို့လည်း ဒီလေ့လာမှုကတွေ့ရှိထားပါတယ်။
အသက်ရှုမဝတာ၊ နှလုံးကြွက်သားပျက်စီးတာ၊ နှလုံးသွေးကြော ပြဿနာဖြစ်တာတွေက အရင်က နှလုံးရောဂါ မရှိသူတွေမှာတောင် ဖြစ်နိုင်တယ်လို့ ဆိုပါတယ်။
နှလုံးရောဂါအခံ ရှိသူတွေက ကိုဗစ် ကြောင့် အခြေအနေပိုမို ဆိုးရွားနိုင်ပါတယ်။ဗိုင်းရပ်စ်ပိုးကြောင့် နှလုံးအလုပ် မလုပ်နိုင်တော့သလို အဆုတ်မှာ အရည်ဖိအားများလာတာ ဒါမှမဟုတ် နှလုံးကြွက်သားရောင်ရမ်းတာကြောင့် Heart failure ရရှိတာပါ။
အသက်ကြီးသူတွေက နဂို နှလုံးရောဂါအခံကြောင့်ဖြစ်ပြီး လူငယ်တွေက နှလုံးကြွက်သားရောင်ရမ်းတာကြောင့် ဖြစ်တာပါ။
CoQ10 က နှလုံးရောဂါကြောင့် သေဆုံးနှုန်းကို လျှော့ချပေးနိုင်ပါတယ်။

CoQ10ကို လိုအပ်တဲ့ ပမာဏ။
နေ့စဉ် ၁၀၀- ၂၀၀ မီလီဂရမ်လို အပ်ပါတယ်။ အသက်ကြီးသူတွေက ၁၂၀၀မီ လီဂရမ် အထိ မှီဝဲလို့ ရနိုင်တယ်လို့ ဆိုပေမယ့် ဆေးဝါး မမှီဝဲခင် ဆရာဝန်နဲ့ အရင်တိုင်ပင်ပါ။
တူနာ၊ ဆဲလ်မွန်နဲ့ ငါးသေတ္တာငါး၊ ဟင်းရွက်ဆီနဲ့ အသားတွေ စားသုံးတာကြောင့်လည်း CoQ10 ကို ရရှိနိုင်ပါတယ်။

ကျောက်ကပ်၊ အသည်းဒါမှမဟုတ် ဆီးချိုရောဂါ ရှိသူတွေက CoQ10ကို မမှီဝဲခင် ဆရာဝန်ရဲ့ အကြံဉာဏ်ကို ရယူရပါမယ်။ ဒီဆေးက သွေးတွင်းသကြားဓာတ်နဲ့ သွေးဖိအားကျဆင်း နိုင်လို့ပါ။ ၃၀၀ မီလီဂရမ်ထက် ပိုမိုပြီး သောက်မိရင် အသည်းအင်ဇိုင်း ထိခိုက်နိုင်ပါတယ်။

သွေးကျဲဆေး၊ သိုင်းရွိုက်ဆေးနဲ့ ကင်ဆာဆေး
မှီဝဲနေရသူတွေကလည်း ဒီဆေးကို မမှီဝဲခင်
ဆရာဝန်နဲ့ အရင်တိုင်ပင်ပါ။

ကိုယ်ဝန်ဆောင် အမျိုးသမီးနဲ့ မိမိကလေးကို
မိခင်နို့တိုက်ကျွေးသူ တွေက CoQ10ဆေးဝါးကို
မမှီဝဲ သင့်ပါ။

15/11/2020

Tonsillitis အာသီးရောင်ခြင်း ❗❗❗

လူတိုင်းမှာ အာသီး ၂ ခုစီရှိတယ်။ ကောင်းနေရင် မျက်စိနဲ့မြင်ရတယ်။ ရောင်လာမှသာ ကြီးတာ၊ နီတာ၊ ပြည်တည်တာတွေ မြင်ရ၊ ခံစားရတယ်။ ပါးစပ်ဟခိုင်းရင် နီရဲရောင်နေတဲ့ အာသီး တဖက်ဖြစ်ဖြစ် နှစ်ဖက်လုံးဖြစ်ဖြစ် မြင်ရမယ်။ အစာမျိုရမဲ့လမ်းကို ကျဉ်းရာကနေ ပိတ်လုလုအထိ ကြီးနေနိုင်တယ်။ ရောင်ရင် လည်ချောင်းနာပြီး ဖျားမယ်။ ရက်တိုရောင်ရာကနေ ပြည်တည်နိုင်တယ်။

အာသီးရောင်တာ အများစုက ဆေးမလိုဘဲပျောက်တယ်။ ၄ဝ% က ၃ ရက်သာကြာပြီး ၈၅% က တပါတ်သာ ကြာတယ်။ Group A beta-haemolytic Streptococci ဗက်တီးရီးယားဟာ Acute rheumatic fever ရက်တို ရူမက်တစ်အဖျား ရောဂါ နဲ့ Post-Streptococcal Glomerulonephritis ကျောက်ကပ်ရောင်ရောဂါကို ဖြစ်စေနိုင်တယ်။ ဒါ့ကြောင့် ပိုးသေဆေးပေးရတယ်။ သုတေသနတချို့က ဒီလိုဆေးပေးတာ အကျိုးနည်းနည်းသာရှိတယ်တဲ့။ တာရှည်ပေးဘို့လိုသူကို Azithromycin ပေးနိုင်တယ်။ Tympanostomy tube ပြွန်ထည့်ဘို့လိုသူကို ထည့်ပေးရမယ်။

ရှားပေမဲ့ ပိုဆိုးတဲ့ Staphylococcus aureus ဗက်တီးရီးယားကနေလဲ ဖြစ်တယ်။ MRSA ဆိုရင်တော်တော့ဆေးကို ယဉ်တယ်။ Streptococcus pneumoniae, Mycoplasma pneumoniae, Chlamydia pneumoniae, pertussis, Fusobacterium, diphtheria, syphilis, and gonorrhea တွေကနေလဲဖြစ်နိုင်တယ်။ ကျန်တာတွေလဲရှိသေးပြန်တယ်။
ဖြစ်စေနိုင်တဲ့ ဗိုင်းရပ်စ်အမျိုးအစားတွေက adenovirus, rhinovirus, influenza, coronavirus နဲ့ respiratory syncytial virus တွေဖြစ်ကြတယ်။ Epstein-Barr virus, herpes simplex virus, cytomegalovirus နဲ့ HIV ဗိုင်းရပ်စ် တွေကနေလဲ ဖြစ်တယ်။

ဗိုင်းရပ်စ်ကြောင့်ဖြစ်တာ ကြာမယ်။ ခဏခဏဖြစ်နေသူဟာ အလာဂျီဖြစ်နိုင်တယ်။ ဗက်တီးရီးယားဆေးနဲ့ မရပါ။ Cetrizine ည ၁ လုံးသောက်ပါ။ မတည့်တာကိုရှောင်ပါ။ နာတာရှည်နေသူကို Tonsillectomy ခွဲစိတ်ရတယ်။ Penicillin သို့မဟုတ် amoxicillin ဆေးကို ဗက်တီးရီးယားတွေအတွက် ပဌမတန်းစားအဖြစ်သုံးတယ်။ Cephalosporins နဲ့ Erythromycin တွေက ဒုတိယဆေးအုပ်စုတွေဖြစ်တယ်။ ပနယ်စလင်ဆေး မတည့်သူကို Erythromycin 250 mg တရက်တခါ၊ ၄ ရက် ပေးနိုင်တယ်။ နောက်တဆင့် Clindamycin or Amoxicillin-Clavulanate ဆေးပေးမယ်။ Abscess ပြည်တည်ရင် ခွဲထုတ်ရမယ်။ အာသီးကျောက်ဆိုတာလည်းရှိသေးတယ်။

လည်ချောင်းနာတာကို Strep throat လို့ခေါ်တယ်။ ဖျားမယ်။ ရက်တိုရောင်ရာကနေ ပြည်တည်နိုင်တယ်။ အများစုက ဆေးမလိုဘဲပျောက်တယ်။ ၄ဝ% က ၃ ရက်သာကြာပြီး ၈၅% က တပါတ်သာ ကြာတယ်။ လည်ချောင်းနာနဲ့ အာသီးရောင်တာကို ဖြစ်စေတဲ့ ဗိုင်းရပ်စ် နဲ့ ဗက်တီးရီးယားတွေထဲက Group A beta-haemolytic Streptococci ဗက်တီးရီးယားဟာ ရက်တိုရူမက်တစ် အဖျားရောဂါနဲ့ ကျောက်ကပ်ရောင်ရောဂါကို ဖြစ်စေနိုင်တယ်။ ဒါ့ကြောင့် ပိုးသေဆေးပေးရတယ်။

(၁) Amoxicillin အမောက်ဆာစလင်
အာသီး-အာခေါင်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊ ဘေးထွက်ဆိုးကျိုးများ = ဝမ်းပျက်၊ အရေပြားအနီပြင်ထွက်၊ ဆေးမတည့်ဖြစ်ခြင်း။

(၂) Azithromycin (အဇစ်သရိုမိုင်စင်)
ဆေးနာမည်ရင်းဖြစ်တယ်။ (မက်ခရိုလိုက်အုပ်စု) ပဋိဇီဝဆေး ဖြစ်တယ်။ ဆေးကုမ္ပဏီတွေက Zithromax, Zithromax TRI-PAK, Zithromax, Z-PAK, Zmax နာမည်တွေ ပေးထားတယ်။ Azithromycin extended-release suspension (Zmax) အမျိုးအစား ဆေးရည်ဆိုရင် အစာမစားခင် ၂ နာရီကြိုတင် သောက်ထားပါ။ Aluminum နဲ့ Magnesium ပါတဲ့ Antacids လေနာသက်သာဆေးတွေနဲ့ တွဲမသောက်ပါနဲ့။ ဆေးကို အစာနဲ့ နီးနီး-ဝေးဝေး ပေးနိုင်တယ်။ ဆေးကြောင့် ပျို့-အန်ချင်သူတွေက အစာနဲ့သောက်ပါ။ ရေဖန်ခွက်တခွက် သောက်ပါ။ နေ့တိုင်း အချိန်တူမှာ သောက်ပါ။ ဆေးသက်တမ်း ကောင်းပါစေ။ ကလေးတွေအတွက် Azithromycin ဆေးရည် 100mg/5mL နဲ့ 200mg/5mL လာတယ်။ ဘေးထွက်ဆိုးကျိုး = ပျို့၊ ဝမ်းပျက်၊ အန်၊ ကြွက်တက်၊ ဗိုက်အောင့်၊ ခေါင်းကိုက်။

(၃) Ofloxacin (အိုဖလောက်ဆာစင်)
Floxin (ဗက်တီးရီးယား) တွေကိုနိုင်တယ်။ ဆေးပြား 200mg, 300mg, 400mg နဲ့လာတယ်။ ဘေးထွက်ဆိုးကျိုး = ပျို့၊ ဝမ်းပျက်၊ အန်၊ ခေါင်းကိုက်။ အိပ်မရတာ၊ ခေါင်းမူးတာ၊ ယားတာ၊ အမျိုးသမီးတွေ (ဗဂျိုင်းနား) ရောင်တာတွေ ဖြစ်နိုင်တယ်။ ဖနောင့်ကြောကို ထိခိုက်နိုင်လို့ ဆေးပေးနေတုံး ပြင်းပြင်းထန်ထန်လေ့ကျင့်ခန်းလုပ်တာ ရှောင်ရမယ်။

သတိထားဘို့က ပဋိဇီဝဆေးတွေကြောင့် အူတွေထဲမှာ ပုံမှန်နေကြတဲ့ ဗက်တီးရီးယားတွေ အခြေအနေ ပြောင်းစေတယ်။ အူမကြီးရောင်တာ ဖြစ်စေနိုင်တယ်။ ဖန်းဂတ်စ် မှိုပိုးပါဝင်လာနိုင်တယ်။ တချို့အမျိုးသမီးတွေ အဖြူဆင်းတာ အဲတာကြောင့်ဖြစ်တယ်။ မလိုဘဲမသောက်သင့်ပါ။ လိုသူတွေက မသောက်ဘဲမနေသင့်ပါ။ လိုတဲ့သူ မသောက်ရင် လေးဖက်နာဆက်ဖြစ်နိုင်တယ်။

Paracetamol/Acetaminophen/Ibuprofen တခုခုပေးရမယ်။ အနာသာမက အရောင်လဲလျော့၊ အဖျားလဲကျတယ်။ ဆားရေနွေး၊ ငုံဆေး၊ ရေခဲငုံတာတွေကလည်း သက်သာစေလို့ သုံးသင့်တယ်။ Listerine mouth wash ကောင်းတယ်။

ကောင်းကောင်းနားနေပါ။ ရေခပ်နွေးနွေးသောက်လိုက်၊ အတော်အေးတာသောက်လိုက်သောက်ပါ။ အစာနူးညံ့တာကို ရွေးစားပါ။ အာခေါင်ခံတွင်းကို ထိရှပူလောင်စူးစေတာကိုရှောင်ပါ။ အခန်းတွင်းလေ စိုထိုင်းဆမှန်ပါစေ။ ဆားရေနွေးနဲ့ ပလုပ်ကျင်းပါ။ Benzocaine လိုထုံဆေးပါငုံစရာသုံးနိုင်တယ်။

13/11/2020

❗✅ ချင်းက ဘယ်လို ဝေဒနာတွေကို ကုသနိုင်မလဲ..

16/10/2020

သင် သိပါသလား ⁉️

Taw Win Clinic

13/03/2022

15/08/2021

30/07/2021

28/07/2021

17/07/2021

11/07/2021

04/03/2021

01/01/2021

25/11/2020

15/11/2020

13/11/2020

16/10/2020

Address

Telephone

Website

Alerts

Contact The Practice

Shortcuts

Share

Category