http://www.asiaroyalhospital.com/

Asia Royal Hospital, 14, Baho Road , Aung Chan Thar Ward, SCHG, Yangon (2026)

02/01/2026

🚗 ကားဘီးမလှိမ့်ခင်တည်းက ကားမူးတတ်သူလေးတွေ ရှိလား ?
ရွေ့လျားနေတဲ့ ယာဥ်တစ်မျိုးမျိုး(ကား၊ ရထား၊ လေယာဥ်၊ သင်္ဘော စတာတွေ)ကို စီးရင်း လှုပ်ရှားမှုကြောင့် မူးဝေအော့အန်တတ်တာမျိုးကို ဆေးပညာအရ Motion sickness လို့ ခေါ်ပါတယ်။

😵 ဘာကြောင့် ဒီလို မူးရတာလဲဆိုရင် ခန္ဓာကိုယ် ရွေ့လျားနေချိန်မှာ အာရုံကြောစနစ်က ဟန်ချက်ပျက်တတ်လို့ ဖြစ်ပါတယ်။
- ကားစီးနေချိန်မှာ အနီးကပ်မြင်ကွင်းကိုပဲ ကြည့်နေတာ၊ စာအုပ်ဖတ်တာမျိုး လုပ်နေရင် မျက်လုံးကနေ ဦးနှောက်ဆီကို တည်ငြိမ်နေကြောင်း သတင်းပို့ပါတယ်။
- ဒါပေမယ့် နားနှစ်ဖက်ကတော့ ခန္ဓာကိုယ်ရွေ့နေကြောင်း အသိပေးပါတယ်။
- တစ်ချိန်တည်းမှာ လက်ခံရရှိနေတဲ့ ဒီအချက်တွေကို ဦးနှောက်က တစ်ပြိုင်တည်း ပြန်မတုံ့ပြန်နိုင်တော့တဲ့အခါ ဟန်ချက်တွေ မညီတော့ဘဲ စပြီး မူးဝေလာပါတယ်။
- မူးဝေအော့အန်တာအပြင် ချွေးစေးပြန်ပြီး ခေါင်းကိုက်တာမျိုးတွေလည်း ဖြစ်ပါတယ်။
- အလုံပိတ်ယာဥ်ဖြစ်တာ၊ ပြတင်းပေါက်ဘေး ရှုခင်းကို မမြင်ရတာ၊ ယာဥ်အနောက်ပိုင်းမှာ ထိုင်ရတာမျိုးဆို ပိုဆိုးပါလိမ့်မယ်။

😵 ကားမူးတတ်တာက ခရီးကို ပိုပန်းစေပြီး ခံရခက်တဲ့ ဝေဒနာတစ်ခု ဖြစ်ပါတယ်။
သက်သာစေဖို့အတွက် ဒီအချက်တွေကို သတိထားပြီး ကြိုတင်ပြင်ဆင်ကြည့်လိုက်ပါ။

📌 အိပ်ရေးဝဝ အိပ်ပါ။
- ခရီးမထွက်ခင်ရက်တွေမှာ အိပ်ရေးမပျက်ထားအောင် ဂရုစိုက်ပါ။ ဦးနှောက်က အားပြည့်လန်းဆန်းနေမှ ကားမူးတာကို ကာကွယ်ပေးနိုင်မှာပါ။

📌 အစားအသောက်ကို ချင့်ချိန်ပါ။
- ခရီးထွက်မယ်ဆိုရင် အစာကြေဖို့ခက်မှာမျိုးတွေကို မစားသင့်ပါဘူး။
- ဗိုက်ထဲမှာ မပြည့်နေစေဘဲ သင့်တင့်ရုံ ပမာဏလောက်ပဲ စားပါ။
- ရေဓာတ်ပြည့်ဝအောင် ရေနှင့် အချိုရည်များ သောက်ထားပါ။
- လက်ဘက်ရည်၊ ကော်ဖီ၊ အပူအစပ်၊ အနံ့ပြင်းတဲ့အစာများ၊ အရက်၊ ဆေးလိပ်စတာတွေကို ရှောင်ပါ။

📌 ထိုင်ခုံနေရာကို သေချာရွေးပါ။
- ပြတင်းပေါက်ဘေးလည်းဖြစ်၊ ယာဥ်ရဲ့အရှေ့ပိုင်းလောက်လည်းဖြစ်မယ့် နေရာမျိုးကို ရွေးချယ်ပါ။
- ဘေးပတ်ဝန်းကျင် အဝေးရှုခင်းကို ကြည့်ပေးရင် အမူးသက်သာပါတယ်။
- လေကောင်းလေသန့်ရအောင် ပြတင်းပေါက်ဖွင့်လို့ရရင် ဖွင့်ထားလိုက်ပါ။

📌 အာရုံပြောင်းပါ။
- မျက်လုံးကိုမှိတ်ပြီး ထိုင်ခုံကိုနောက်မှီချပြီး ထိုင်ပါ။
- အသက်ဝဝ ရှူသွင်း/ရှူထုတ်တာ၊ ပီကေဝါးတာ၊ သီချင်းနားထောင်တာမျိုးတွေနဲ့လည်း အာရုံပြောင်းကြည့်ပါ။

📌 အမူးသက်သာဖို့ ဆေးတွေ၊ နည်းလမ်းတွေသုံးပါ။
- လှုပ်ရှားမှုကြောင့် မူးဝေတတ်သူတွေအတွက် Dimenhydrinate, Cinnarizine ဆေးကို ယာဥ်ပေါ်မတက်ခင် (၁)နာရီလောက်အလိုမှာ သောက်ထားလို့ရပါတယ်။ အစာနဲ့ဖြစ်ဖြစ်၊ အစာမပါဘဲဖြစ်ဖြစ် သောက်လို့ရပါတယ်။ ဆေးအာနိသင် (၈)နာရီဝန်းကျင်ရှိပါတယ်။ ဘေးထွက်ဆိုးကျိုးကတော့ အိပ်ငိုက်တာ၊ မှိန်းတာ၊ အာခြောက်တာမျိုးတွေ ရှိတတ်ပါတယ်။ အသက်(၂)နှစ်အောက် ကလေးတွေမှာ မသုံးသင့်ပါဘူး။
- ကားမူးတာ ဆိုးတတ်ရင် နားအနောက်မှာ ကပ်ရတဲ့ Scopolamine ဆေးပလာစတာ ရှိပါတယ်။ ဆရာဝန်ညွှန်ကြားချက်ဖြင့်သာ သုံးသင့်ပါတယ်။
- လက်ကောက်ဝတ်ကို ဖိထားခြင်းကလည်း ကားမူးတာ သက်သာစေပါတယ်။ ဒီလိုဖိထားနိုင်တဲ့ acupressure လက်ပတ်မျိုးကိုဝတ်တာ၊ လက်ကောက်ဝတ်ကို ဂွမ်းလုံးလေးခံပြီး လက်ပတ်တစ်ခုနဲ့ စည်းထားတာမျိုးတွေလည်း လုပ်ကြည့်နိုင်ပါတယ်။
- သကြားလုံး၊ ရှူဆေး၊ ချင်း၊ သံပုရာသီး၊ အမှိုက်အိတ်၊ တစ်ရှူးစတာတွေ ဆောင်ပါ။
- အော့အန်ချိန်မှာ နောက်ကျောကို ငြင်သာစွာ ပွတ်ပေးပါ။

⚠️ ကားစီးရင်း ဖုန်းသုံးတာ၊ စာအုပ်ဖတ်တာတွေကို ရှောင်ကြဥ်ပါ။

💡 အရေးကြီးဆုံးက ‘စိတ်’ ဖြစ်ပါတယ်။
- ကားစီးခါနီးတိုင်း ကားမူးတဲ့ဝေဒနာ ဖြစ်ကိုဖြစ်တော့မယ် ဆိုတဲ့စိတ်ကို အရင်မွေးနေရင် ကားမူးတတ်တဲ့အကျင့်က ပျောက်မှာမဟုတ်တော့ပါဘူး။
- အဲ့ဒီစိတ်ကို ကြိုးစားပြင်ဆင်ပြီး အရင် မေ့ဖျောက်ထားနိုင်ဖို့က အရေးကြီးဆုံး ဖြစ်ပါလိမ့်မယ်။

Reference-https://www.webmd.com/cold.../ear-infection/motion-sickness

🥰 sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင့် 😇
💐 ကျန်းမာရေးဗဟုသုတများ တိုးပွားပြီး ရောဂါဘယများ ကင်းဝေးချမ်းသာကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင် 🙏

🏥"အာရှတော်ဝင်ဆေးရုံ"
အမှတ် (၁၄)၊ ဗဟိုလမ်း၊ အောင်ချမ်းသာရပ်ကွက်၊ စမ်းချောင်းမြို့နယ်၊ ရန်ကုန်မြို့။
ဆရာဝန်ကြီးများ၏ လူနာကြည့်ချိန် နှင့် ဘိုကင်ပေးခြင်းများအတွက် ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။

🏥"အာရှတော်ဝင်ဆေးခန်း(ကျန်းမာရေးစစ်ဆေးရန်ဌာန)"
အမှတ် (၂၅)(အေ)၊ ရှင်စောပုလမ်း၊ စမ်းချောင်းမြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (၇) နာရီမှ ည (၅) နာရီ
ကျန်းမာရေးစစ်ဆေးခြင်းများအတွက် ဖုန်း - 09443993737,09765408604 သို့ ဆက်သွယ်မေးမြန်းနိုင်ပါသည်ရှင့်။

📱"Asia Royal Hospital's Teleconsultation service"
ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများနှင့် 𝐎𝐧𝐥𝐢𝐧𝐞မှတဆင့် ပြသဆွေးနွေးလိုပါက ဖုန်း 𝟎𝟗𝟕𝟔𝟓𝟒𝟎𝟖𝟔𝟎𝟔 သို့ ဆက်သွယ် စုံစမ်းနိုင်ပါတယ်။

#အာရှတော်ဝင်ဆေးရုံ

#ကျန်းမာရေး
#ကားမူး
#လှိုင်းမူး
#ခရီး

02/01/2026

📢 We’re Hiring! – 𝐒𝐞𝐧𝐢𝐨𝐫 𝐇𝐑 𝐄𝐱𝐞𝐜𝐮𝐭𝐢𝐯𝐞 (𝐓𝐚𝐥𝐞𝐧𝐭 𝐀𝐜𝐪𝐮𝐢𝐬𝐢𝐭𝐢𝐨𝐧)
Join our dynamic HR team and play a key role in shaping our organization’s growth through strategic talent acquisition!

📌 Key Responsibilities:
- Follow the SOPs of Talent Acquisition policy in order to get conformity.
- Document in receiving applications and import to HRIS in order to accurate build applicant database.
- Collect employee requisition from business units and checking against the allotted manpower and present to superior.
- Assist to superior in making sourcing talent and application screening.
- Supervise the interview process.
- Perform job offering, supervise in sending regret letter and assist to superior in facility arrangement, orientation and introduction of new hires.
- Perform process of employment contract and create database for contractors.
- Undertaking duties and responsibilities assigned and instructed by immediate superior of HR Division.

📌 Requirements:
- Bachelor’s Degree (HR-related major preferred)
- 4 year experience in Human Resource Management.
- 2 year experience in recruiter position.
- Sound knowledge on National Labor Law.
- Knowledge on various sourcing tools.
- Communication, Analytical, liaising skill.
- Sound knowledge on HRIS.

Passion for connecting people with opportunities

Why Join Us?
✨ Professional working environment
✨ Growth opportunities
✨ Competitive benefits

How to Apply:
📩 Send your updated resume to [recruit.hrd@asiaroyalhospital.com] or
📱 contact [+959 765 415 460] for more details

#အာရှတော်ဝင်ဆေးရုံ

#ကျန်းမာရေး

#အင်တာဗျူး

01/01/2026

ဝနဝါသီအရှင်ဝါယာမိန္ဒ မြောက်ဦးဆရာတော်၏ နှစ်သစ်ကူးတရားပွဲကို အာရှတော်ဝင် page နှင့် YouTube channel များတွင် တိုက်ရိုက် တရားနာယူနိုင်ပါသည်။

နေ့ရက် - ၁.၁.၂၆ (ကြာသပတေးနေ့)
အချိန် - ညနေ ၆ နာရီ မှ ည ၈ နာရီ အထိ

01/01/2026

🙏 ဝနဝါသီအရှင်ဝါယာမိန္ဒ မြောက်ဦးဆရာတော်၏ နှစ်သစ်ကူးတရားပွဲကို အာရှတော်ဝင် page နှင့် YouTube channel များတွင် တိုက်ရိုက် live တရားနာယူနိုင်ပါသည်။

💐 ဝေဒနာများ သက်သာပျောက်ကင်းပြီး ကျန်းမာရွှင်လန်းကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင်။ 🙏

နေ့ရက် - ၁.၁.၂၆ (ကြာသပတေးနေ့)
အချိန် - ညနေ ၆ နာရီ မှ ည ၈ နာရီ အထိ

#အာရှတော်ဝင်ဆေးရုံ

#ကျန်းမာရေး
#တရား

01/01/2026

"အရက်နာကျတယ်" ဆိုတာ အရပ်အခေါ်ပါ။

အရက်သောက်တာ များသွားပြီး နောက်နေ့မှာ အရက်ရဲ့ နောက်ဆက်တွဲဆိုးကျိုးတွေအားဖြင့်
📌 ခေါင်းကိုက်ခြင်း
📌 ခေါင်းမူးခြင်း
📌 ရေငတ်ခြင်း/အာခြောက်ခြင်း
📌 ကြွက်သားများနာကျင်ကိုက်ခဲခြင်း
📌 နုံးချိခြင်း
📌 အစားအသောက်ပျက်ခြင်း
📌 ဗိုက်အောင့်ခြင်း
📌 လက်တုန်ခြင်း
📌 စိတ်မကြည်ခြင်း
📌 ကောင်းစွာအိပ်မပျော်ခြင်း စတဲ့လက္ခဏာတွေ ကျန်ရှိနေသေးတာကို အရက်နာကျတယ်လို့ ခေါ်ကြတာပါ။

အရက်နာကျခြင်းရဲ့ အဆိုပါ ဝေဒနာတွေကို သက်သာစေဖို့
✅ ရေ မကြာခဏ သောက်ပေးပါ။
✅ ဓာတ်ဆားရည်ကို အညွှန်းအတိုင်း ဖျော်သောက်ပါ (သို့) အုန်းစိမ်းရည် သောက်လို့ရပါတယ်။
✅ ဖရဲသီး , ငှက်ပျောသီး , ပန်းသီး , သင်္ဘောသီး စတဲ့ အသီးများ စားလို့ရပါတယ်။
✅ အစာကြေလွယ်တဲ့ အစာများ စားပေးပါ။ ( ဥပမာ - ဘီစကွတ် , ကြက်သားစွပ်ပြုတ် )
✅ အိပ်ရေးဝအောင် တရေးအိပ်ပေးပါ။
✅ ရေပတ်ဝတ် တိုက်ပေးပါ။

❌ အရပ်အခေါ်အရ ပြန်ဖြည်တဲ့သဘောအနေနဲ့ ထပ်သောက်တာမျိုး မလုပ်ပါနဲ့။
❌ ကော်ဖီက ခေါင်းကြည်စေပေမဲ့ အခန့်မသင့်ရင် ဗိုက်အောင့်စေသလို ဆီးပိုသွားစေပြီး ရေဓာတ်ကို ပိုခန်းခြောက်စေလို့ အနည်းငယ်ထက်ပိုပြီး မသောက်သင့်ပါ။
❌ အကိုက်အခဲပျောက်ဆေး မသောက်ပါနဲ့။ ( ဗိုက်အောင့်တာကို ပိုဆိုးစေတတ်ပါတယ် )

⚠️ အထက်ပါ အာဟာရဖြည့် အစားအသောက်များ နဲ့ အိပ်ရေးဝအောင် အိပ်ပြီးတဲ့အခါ ခေါင်းမူး,ခေါင်းကိုက်,ကြွက်သားနာခြင်းတွေကို ပြန်လည်သက်သာစေလို့ အကိုက်အခဲပျောက်ဆေး သောက်ဖို့ မလိုတော့ပါဘူး။
⚠️ ဗိုက်အောင့်နေပါက အစာခြေအက်ဆစ်ချေဖျက်ဆေး (antacids) သောက်ပေးပါ / ချဉ်စပ်သောအစာများ ရှောင်ပါ။
🤩 မှန်ကန်သော နည်းလမ်းများဖြင့် မြန်မြန် သက်သာကြပါစေ 💫

😍 sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင်။ 😇
💐 ဝေဒနါများ သက်သာပျောက်ကင်းပြီး ကျန်းမာရွှင်လန်းကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင်။ 🙏

🏥"အာရှတော်ဝင်ဆေးရုံ"
အမှတ် (၁၄)၊ ဗဟိုလမ်း၊ အောင်ချမ်းသာရပ်ကွက်၊ စမ်းချောင်းမြို့နယ်၊ ရန်ကုန်မြို့။
ဆရာဝန်ကြီးများ၏ လူနာကြည့်ချိန် နှင့် ဘိုကင်ပေးခြင်းများအတွက် ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။

🏥"အာရှတော်ဝင်ဆေးခန်း(ကျန်းမာရေးစစ်ဆေးရန်ဌာန)"
အမှတ် (၂၅)(အေ)၊ ရှင်စောပုလမ်း၊ စမ်းချောင်းမြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (၇) နာရီမှ ည (၅) နာရီ
ကျန်းမာရေးစစ်ဆေးခြင်းများအတွက် ဖုန်း - 09443993737,09765408604 သို့ ဆက်သွယ်မေးမြန်းနိုင်ပါသည်ရှင့်။

📱"Asia Royal Hospital's Teleconsultation service"
ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများနှင့် 𝐎𝐧𝐥𝐢𝐧𝐞မှတဆင့် ပြသဆွေးနွေးလိုပါက ဖုန်း 𝟎𝟗𝟕𝟔𝟓𝟒𝟎𝟖𝟔𝟎𝟔 သို့ ဆက်သွယ် စုံစမ်းနိုင်ပါတယ်။

#အာရှတော်ဝင်ဆေးရုံ

#ကျန်းမာရေး
#အရက်နာကျ

01/01/2026

💐 နှစ်သစ်မှာ ဝေဒနာများ သက်သာပျောက်ကင်းပြီး ကျန်းမာရွှင်လန်းကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင် 🙏

🏥"အာရှတော်ဝင်ဆေးရုံ"
အမှတ် (၁၄)၊ ဗဟိုလမ်း၊ အောင်ချမ်းသာရပ်ကွက်၊ စမ်းချောင်းမြို့နယ်၊ ရန်ကုန်မြို့။
ဆရာဝန်ကြီးများ၏ လူနာကြည့်ချိန် နှင့် ဘိုကင်ပေးခြင်းများအတွက် ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။

🏥"အာရှတော်ဝင်ဆေးခန်း(ကျန်းမာရေးစစ်ဆေးရန်ဌာန)"
အမှတ် (၂၅)(အေ)၊ ရှင်စောပုလမ်း၊ စမ်းချောင်းမြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (၇) နာရီမှ ည (၅) နာရီ
ကျန်းမာရေးစစ်ဆေးခြင်းများအတွက် ဖုန်း - 09443993737,09765408604 သို့ ဆက်သွယ်မေးမြန်းနိုင်ပါသည်ရှင့်။

📱"Asia Royal Hospital's Teleconsultation service"
ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများနှင့် 𝐎𝐧𝐥𝐢𝐧𝐞မှတဆင့် ပြသဆွေးနွေးလိုပါက ဖုန်း 𝟎𝟗𝟕𝟔𝟓𝟒𝟎𝟖𝟔𝟎𝟔 သို့ ဆက်သွယ် စုံစမ်းနိုင်ပါတယ်။

#အာရှတော်ဝင်ဆေးရုံ

#ကျန်းမာရေး

#နှစ်သစ်ဆုတောင်း

31/12/2025

💝 နှစ်သစ်မှာ ကိုယ်၏ကျန်းမာခြင်း စိတ်၏ချမ်းသာခြင်းများ နှင့် ပြည့်စုံကြပါစေကြောင်း "အာရှတော်ဝင်ဆေးရုံ" မိသားစု မှ ဆုတောင်းမေတ္တာ ပို့သအပ်ပါတယ် 🙏

#အာရှတော်ဝင်ဆေးရုံ

#ကျန်းမာရေး

#နှစ်သစ်ဆုတောင်း

31/12/2025

ခရီးသွားကြတဲ့အခါ ငွေကြေး နဲ့ ပစ္စည်းတွေအပြင် မမေ့မလျော့ ယူသွားသင့်တာက ဆေးဝါးတွေပဲ ဖြစ်ပါတယ်။
ကျန်းမာရေးစောင့်ရှောက်မှုတွေ နဲ့ လက်လှမ်းမမီခဲ့ရင် အသုံးပြုနိုင်ဖို့ ဆေးဝါးတွေကို ဖော်ပြပေးလိုက်ပါတယ်နော်...

📌 ဖျားနာ , ကိုက်ခဲခြင်းများအတွက် ပါရာစီတမော ပါဝင်သည့်ဆေး
📌 ဓာတ်မတည့် , ယားယံ , နှာစေး ခြင်းများအတွက် chlorpheniramine ပါဝင်သည့်ဆေး (ဥပမာ-ဘာမီတွန်)
📌 ကားမူး , လှိုင်းမူး , ပျို့ , အန် ခြင်းများအတွက် dimenhydrinate ပါဝင်သည့်ဆေး
📌 ဝမ်းပျက်ဝမ်းလျှောခြင်းအတွက် loperamide ပါဝင်သည့်ဆေး
📌 ဝမ်းသွားများခြင်း , အန်ခြင်း , ချွေးထွက်များခြင်း , ရေဓာတ်ဆုံးရှုံးခြင်းများအတွက် ဓာတ်ဆားရည်
📌 အစာမကြေ , လေထိုးလေအောင့် ခြင်းများအတွက် antacids (လေဆေးများ)
📌 ချောင်းဆိုးခြင်းအတွက် dextromethorphan/bromhexine ပါဝင်သည့် ချောင်းဆိုးပျောက်ဆေး
📌 မျက်စိနာခြင်းအတွက် မျက်စဉ်း
📌 အဖျားတိုင်းရန်အတွက် သာမိုမီတာ
📌 ထိခိုက်ရှနာ များအတွက် အရက်ပြန် , ဂွမ်းသန့် , ပတ်တီးလိပ် , ရေစိုခံအနာကပ်ပလာစတာ
📌 နာကျင်ရောင်ရမ်းခြင်းများအတွက် အကိုက်အခဲပျောက်လိမ်းဆေး(ဒဏ်ကြေလိမ်းဆေး)
📌 အမျိုးသမီးများအတွက် လစဉ်သုံးပစ္စည်း
📌 ရောဂါအခံရှိသူများအတွက်(သွေးတိုး,ဆီးချို,နှလုံး,ပန်းနာရင်ကြပ်) သောက်/သုံးနေကျဆေးဝါးများ

🥰 sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင့် 😇
💐 ကျန်းမာရေးဗဟုသုတများ တိုးပွားပြီး ရောဂါဘယများ ကင်းဝေးချမ်းသာကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင် 🙏

🏥"အာရှတော်ဝင်ဆေးရုံ"
အမှတ် (၁၄)၊ ဗဟိုလမ်း၊ အောင်ချမ်းသာရပ်ကွက်၊ စမ်းချောင်းမြို့နယ်၊ ရန်ကုန်မြို့။
ဆရာဝန်ကြီးများ၏ လူနာကြည့်ချိန် နှင့် ဘိုကင်ပေးခြင်းများအတွက် ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။

🏥"အာရှတော်ဝင်ဆေးခန်း(ကျန်းမာရေးစစ်ဆေးရန်ဌာန)"
အမှတ် (၂၅)(အေ)၊ ရှင်စောပုလမ်း၊ စမ်းချောင်းမြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (၇) နာရီမှ ည (၅) နာရီ
ကျန်းမာရေးစစ်ဆေးခြင်းများအတွက် ဖုန်း - 09443993737,09765408604 သို့ ဆက်သွယ်မေးမြန်းနိုင်ပါသည်ရှင့်။

📱"Asia Royal Hospital's Teleconsultation service"
ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများနှင့် 𝐎𝐧𝐥𝐢𝐧𝐞မှတဆင့် ပြသဆွေးနွေးလိုပါက ဖုန်း 𝟎𝟗𝟕𝟔𝟓𝟒𝟎𝟖𝟔𝟎𝟔 သို့ ဆက်သွယ် စုံစမ်းနိုင်ပါတယ်။

#အာရှတော်ဝင်ဆေးရုံ

#ကျန်းမာရေး

#ခရီး

31/12/2025

🔺 ဟော့ပေါ့လား ? မာလာရှမ်းကောလား ?

-မာလာရှမ်းကောဟာ ခုနောက်ပိုင်းအရမ်းဟော့လာတဲ့ မော်ဒယ်တစ်ဦးဆိုရင် ဟော့ပေါ့ကတော့ အကယ်ဒမီရပြီးသားမင်းသမီးကြီးပေါ့။
-ဒီအစားအသောက်နှစ်မျိုးစလုံးဟာ မိသားစုတွေ၊ သူငယ်ချင်းတွေစုဖွဲ့ပြီး ပျော်ပျော်ရွှင်ရွှင် ဝိုင်းဖွဲ့စားသောက်လို့ကောင်းပေမယ့် နှစ်မျိူးစလုံးမှာ အကျိုးနဲ့အပြစ်တွေရှိနေပါတယ်။
-အပြစ်တွေကိုရှောင်ပြီး အကျိုးပဲဖြစ်ထွန်းစေမယ့် စားပုံစားနည်းလေးကို မိဘပြည်သူများ ကျန်းမာရေးအတွက် အာရှတော်ဝင်ကနေ မျှဝေပေးပါရစေ။

-ဟော့ပေါ့ရဲ့ Key ဟာအရည် ဖြစ်ပြီး မာလာရှမ်းကော ရဲ့ Keyဟာ အနှစ်ပါ။
-ဟော့ပေါ့စားမယ်ဆိုရင် ပထမဆုံး စလုပ်ရမှာက အရည်ကောင်းကောင်းလေး ဖန်တီးဖို့ပါပဲ။ ဟော့ပေါ့နဲ့ အလိုက်ဖက်ဆုံးက ကြက်ပြုတ်ရည်ပါ။
-ဆိုင်တွေမှာက ချက်ပြီးသားအရည်တွေ ဖြစ်တဲ့အတွက် အတတ်နိုင်ဆုံး အရသာအပေါ့ဆုံး လုပ်တတ်တဲ့ဆိုင်ကိုရွေးပါ။ ပြီးရင် အရသာဘယ်လောက် ပေါ့ပေါ့ ဘာအမှုန့်မှ ထပ်မထည့်ပါနဲ့တော့။
-ဆိုင်တွေဟာ အချိုမှုန့်နဲ့ ကြက်သားမှုန့်ကို ပမာဏတစ်ခုထိသုံးစွဲပြီးဖြစ်လို့ပါပဲ။ နည်းနည်းလေးငန်တာကြိုက်မှသာ ဆားလေးနည်းနည်းထည့်လိုက်ပါ။ စပ်တာကြိုက်ရင် ငရုတ်သီးစိမ်းတောင့်လေးတွေထည့်ပေးပါ။
-ဟော့ပေါ့အရည်ရဲ့ အချို/အချဉ်/အစပ် အရသာကို သဘာဝအတိုင်းဖြစ်အောင် လုပ်တာပဲကောင်းပါတယ်။ ဖြည့်စွက်အမှုန့်တွေမထည့်ပါနဲ့။
-ငါးဖတ်လေး နည်းနည်းနဲ့ ဘူးညွှန့်တို့၊ ဖရုံညွှန့်တို့ထည့်ပြီး အချိုဓာတ်ရအောင် လုပ်နိုင်ပါတယ်။
-ဟော့ပေါ့မှာရှောင်သင့်တဲ့ အရာသုံးခုရှိပါတယ်။ ကြက်ခြေထောက်၊ ကြက်နှလုံးနဲ့ ဝက်ဦးနှောက်ပါ။
-ပြီးတော့ တခြားအဆီများတဲ့ အစိတ်အပိုင်းတွေကိုရှောင်ပါ။ ဘယ်တိရစ္ဆာန်တွေရဲ့ အဆီမဆို ပြည့်ဝဆီအမျိုးအစားဖြစ်တဲ့အတွက် နှလုံးကျန်မာရေးကို တော်တော် ဒုက္ခပေးပါတယ်။
-မစားဘဲနေနိုင်ရင် အကောင်းဆုံးပါပဲ။ အသားနဲ့အရွက်ကိုတော့ မျှတအောင် စားသုံးသင့်ပါတယ်။
-ပထမအဆင့်အနေနဲ့ အသားလွှာနည်းနည်းကို ဟင်းရွက်တွေဝန်ရံပြီးစားသုံးတာ အကောင်းဆုံးပါပဲ။ ကြက်သားလွှာ၊ ဝက်အသားလွှာ၊ အမဲသားလွှာများကို စားသုံးသင့်ပြီး သုံးထပ်သားကိုတော့ အနည်းငယ်သာစားသုံးပေးပါ။
-အသားလွှာထဲမှာ အမဲသားလွှာကို များများပိုစားသင့်ပါတယ်။ အမဲသားလွှာတစ်ပြားမှာပါတဲ့ ကယ်လိုရီက ဝက်သားလွှာမှာပါတဲ့ ကယ်လိုရီထက်တစ်ဝက်ပိုနည်းပါတယ်။
-ပုဇွန်ကို အခွံပါထည့်ပြုတ်ပြီး စားခါနီးမှ အခွံချွတ်တာဟာ အာဟာရအတွက် ပိုကောင်းသလို အရသာပိုင်းဆိုင်ရာမှာလည်း ရှယ်ဖြစ်စေပါတယ်။
-ဟင်းရွက်နဲ့ပတ်သက်ပြီးတော့ ဂေါ်ရခါးညွှန့်၊ ပြောင်းဖူး၊ ကညွှတ်၊ ပန်းဂေါ်ဖီစိမ်း၊ ကိုက်လန်၊ မုံညင်း၊ ဟင်းနုနယ်နဲ့ ကန်စွန်းရွက်တို့ကို ဆူပွက်နေတဲ့အပူချိန်မှာ ချက်ချင်းပြုတ်ပြီး လတ်လတ်ဆတ်ဆတ် ပူပူနွေးစားသုံးသင့်ပါတယ်။
-ဟင်းရွက်တွေထည့်ပြီး ဆယ်တာကြာသွားလို့ နွမ်းသွားရင် မစားသင့်ပါ။
-ပြီးတော့ အရေးကြီးတာ တို့ဟူးပါ။ တို့ဟူးမကြိုက်ရင်တောင် မဖြစ်မနေထည့်စားတတ်တဲ့အကျင့်လုပ်ပါ။ တို့ဟူးဟာ ဦးနှောက်နဲ့ နှလုံးကို အင်မတန်အကျိုးရှိစေပါတယ်။
-ဝက်အူချို၊ အူမတွေကိုတော့ တစ်ယောက်ကိုပွဲငယ်တစ်ပွဲစာထက်ပိုမစားသင့်ပါ။
-ပင်လယ်စာပိုင်းမှာတော့ ငါး၊ ပြည်ကြီးငါး၊ ဂဏန်း၊ ဂုံးတို့ကို စားလို့ရပါတယ်။
-သတိထားရမှာက ငါးဖယ်လုံးဆိုတာပါပဲ။ ဆိုင်တွေရောက်ရင် ဘာအလုံး၊ညာအလုံးနဲ့ ready made အသားလုံးတွေကိုတတ်နိုင်သလောက် ရှောင်စားတာအကောင်းဆုံးပါပဲ။
-ပြီးတော့ တချို့ဟာ အာလူးထည့်စားတတ်ကြပါတယ်။ ဟော့ပေါ့ဆိုရင် အာလူးလျှော့စားပေးပါ။
-အာလူးအစား မှိုအမျိုးမျိုးကိုစားလို့ရပါတယ်။ အာလူးတစ်ဂရမ်မှာပါတဲ့ ကယ်လိုရီက တခြားမှိုနဲ့ ဟင်သီးဟင်းရွက်တွေစုစုပေါင်းတစ်ဂရမ်ထက် ကယ်လိုရီ ၃ဆကျော်ပိုများပါတယ်။
-နောက်ပြီးတွဲဖက်မယ့် appetizer တွေကိုလည်း ဆီနဲ့ ကြော်တာတွေမစားဘဲ အသုပ်တစ်မျိုးမျိုးကိုရွေးချယ်စားသုံးသင့်ပါတယ်။
-သောက်စရာကိုတော့ ရေတစ်မျိုးတည်းကိုသာ သောက်သုံးသင့်တာပါ။ တခြား Chemical ပါတဲ့ အချိုရည်တွေလည်း ဟော့ပေါနဲ့ လုံးဝတွဲဖက်မသောက်သုံးသင့်ပါ။ အချိုကြိုက်တယ်ဆိုရင်တော့ အသီးချည်းပဲသက်သက်ဖျော်ပေးတဲ့ သဘာ၀ Fresh Juice ကိုသာသောက်သုံးသင့်ပါတယ်။

-မာလာရှမ်းကောနဲ့ဟော့ပါဟာ အရသာတစ်မျိုးစီဖြစ်ပေမယ့် ပါဝင်ပစ္စည်းတွေဟာ ၈၀ % လောက်တူညီကြပါတယ်။
-မာလာရှမ်းကောကို အရည်နဲ့ စားတာမျိုးဟာ မာလာဟော့ပေါ့ပါပဲ။ မာလာရှမ်းကောရဲ့ အရသာဟာ အနှစ်မှာတည်ပါတယ်။
-ပြီးတော့ ကြာစွယ်ကစလို့ ကိုယ်ထည့်နေကျ ဟင်းသီးဟင်းရွက်တွေရဲ့လတ်ဆတ်မှုပါ။
-ဟော့ပေါ့နဲ့မတူတာက ကိုယ်ကအိမ်မှာ လုပ်စားသည်ဖြစ်တာတောင် ဂျင်းနဲ့ကြက်သွန်ဖြူကို ဆီသတ်ရသေးတာကြောင့် ယုံကြည်စိတ်ချရတဲ့ ဆီကောင်းဆီသန့် တံဆိပ်ကိုပဲသုံးစေချင်ပါတယ်။
-နောက်ပြီးလူတွေအတွက် အစပ်အရသာဟာလိုအပ်ပေမယ့် မာလာရှမ်းကောဟာစပ်တိုင်းလည်းမကောင်းပါဘူး။
-မာလာရှမ်းကောရဲ့အနှစ်မှာ ငရုတ်သီးခြောက်ကိုထည့်သွင်းအသုံးပြုရတာကြောင့် ဖြစ်နိုင်ရင်မာလာရှမ်းကောကို ဒီအတိုင်း ထိုင်စားတာထက်စာရင် ထမင်းပူပူနွေးနွေးနဲ့ တွဲဖက်စားသုံးတာဟာ ပိုပြီးသင့်တော်ပါတယ်။
-အရည်အနေနဲ့စားသုံးမယ်ဆိုရင် ပိုပြီးအစပ်ကိုလျှော့သင့်ပါတယ်။ နှမ်းမှုန့် အနည်းငယ်သာဖြူးပြီး မြေပဲထောင်းများများထည့်ကာ အစိမ့်နဲ့အစပ်သဘောမျိုးစားသုံးမယ်ဆိုရင် အစာအိမ်အတွက်ပိုမိုကောင်းမွန်ပါတယ်။
-ပြီးတော့ အသားအနေနဲ့က ကြက်သားကို ပိုမိုရွေးချယ်စေချင်ပြီး မာလာရှမ်းကောမှာ မဖြစ်မနေထည့်လေ့ရှိကြတဲ့ ကြက်အူချောင်းကိုတော့ အနည်းငယ်သာသုံးစွဲဖို့ အကြံပြုပါတယ်။
-ကျွန်တော်တို့ဟာ စားစရာအကြောင်း ဘာလို့ တင်ပြပေးလဲဆိုတော့ လူတွေဟာ ချစ်ရတဲ့မိတ်ဆွေတွေ သူငယ်ချင်းတွေ၊ မိသားစုတွေနဲ့ အမြဲတမ်း ဝိုင်းဖွဲ့စားသောက်ခြင်းကို ခုံမင်တတ်ကြပါတယ်။
-တကယ်လည်း ပျော်ရွှင်ရတဲ့ ခံစားမှုပါ။ ခုနောက်ပိုင်း ရန်ကုန်ရဲ့ အစားအသောက်ယဉ်ကျေးမှုမှာ ဟော့ပေါ့သွားစားတာတွေ မာလာရှမ်းကောသွားစားတာတွေဟာ ထိပ်တန်းကနေရာယူလာပါတယ်။
-အဲ့ဒါကြောင့်စားသောက်တဲ့အခါမှာ ပေါ့ပေါ့တန်တန် ကြိုက်နှစ်သက်ရာစားမိပြီး အဝလွန်ခြင်းနဲ့ အခြားနှလုံး၊သွေးတိုးဆိုင်ရာရောဂါတွေကိုဖိတ်ခေါ်သလိုမဖြစ်ရအောင်နဲ့ မိတ်ဆွေများအားလုံး ကျန်းမာရေးနဲ့ညီညွတ်ပြီး ပျော်ရွှင်စွာစားသောက်နေထိုင်နိုင်အောင် အာရှတော်ဝင်ဆေးရုံကြီးမှ အကြံပြုတင်ပြလိုက်ခြင်းပဲဖြစ်ပါတယ်။

😍sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင်။😇
💐ဝေဒနါများ သက်သာပျောက်ကင်းပြီး ကျန်းမာရွှင်လန်းကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင်။🙏

#အာရှတော်ဝင်ဆေးရုံ

#ကျန်းမာရေး

#ဟော့ပေါ့
#မာလာရှမ်းကော

Asia Royal Hospital

02/01/2026

02/01/2026

01/01/2026

01/01/2026

01/01/2026

01/01/2026

31/12/2025

31/12/2025

31/12/2025

Address

Telephone

Website

Alerts

Contact The Practice

Shortcuts

Share

Category