𝗖𝗟𝗟 𝗛𝗘𝗔𝗟𝗧𝗛

10/12/2025

အင်ပြင်ထွက်ခြင်းဆိုတာ အရေပြားပေါ်မှာ ရုတ်တရက် အနီရောင်အဖုတွေထွက်ပြီး ယားလာခြင်းဖြစ်ပါတယ်။ အဓိကအားဖြင့် ဓာတ်မတည့်ခြင်းကြောင့်ဖြစ်ပြီး အချို့ဆေးတွေနဲ့ ရောဂါတွေကြောင့်လည်း ဖြစ်နိုင်ကာ တစ်ခါတစ်ရံမှာ အကြောင်းရင်းမရှိဘဲ ဖြစ်ပေါ်တတ်ပါတယ်။ ရက်အနည်းငယ် ကြာတဲ့တိုင်အောင် အင်ပြင်ထတာ မသက်သာဘဲ ပိုဆိုးလာရင် မိသားစုဆရာဝန်နှင့် တိုင်ပင်ပြီး ဆေးကုသမှု ခံယူဖို့လိုအပ်ပါတယ်။

အင်ပြင်ထွက်ခြင်းအကြောင်း ဆက်လက်ဖတ်ရှုရန် ….

ဓာတ်မတည့်ခြင်းကြောင့် အရေပြားပေါ်တွင် ရုတ်တရက် အနီရောင် အဖုအကွက်များထွက်ပြီး ယားယံစေသည့် တစ်ခါတစ်ရံ ပြင်.....

08/12/2025

😬 ခံတွင်းနံ့ဆိုးလို့ စိတ်ညစ်နေလား?

လူတိုင်း တစ်ခါတစ်ရံ ခံတွင်းအနံ့ဆိုးတဲ့ အခြေအနေမျိုး နဲ့ ကြုံတွေ့ရတတ်ပါတယ်။ ဆေးပညာအရ Halitosis လို့ခေါ်တဲ့ ဒီပြဿနာဟာ ခံတွင်းကျန်းမာရေး ပြဿနာတစ်ခုခုရဲ့ လက္ခဏာတွေကို ညွှန်ပြနေတာပါ။

⚠️ ခံတွင်းနံ့ဆိုးတာဟာ ကာလရှည်ကြာ ဖြစ်နေမယ်ဆိုရင် သွားနဲ့ခံတွင်းဆိုင်ရာ ပြဿနာ ဒါမှမဟုတ် ခန္ဓာကိုယ်ရဲ့ တစ်နေရာမှာ ပြဿနာဖြစ်ကြောင်း ဖော်ပြတဲ့ လက္ခဏာဖြစ်လို့ သွားဘက်ဆိုင်ရာဆရာဝန် နဲ့ ပြသပြီး အကြောင်းရင်းကို ရှာဖွေဖို့ လိုအပ်ပါတယ်။ 🦷
⁣⁣⁣⁣⁣⁣⁣⁣⁣⁣⁣⁣______________________________________

🔍 ခံတွင်းနံ့ဆိုးစေတဲ့ အဓိကအကြောင်းအရင်းများ

ခံတွင်းထဲမှာ ဘက်တီးရီးယားတွေ ပေါက်ပွားနိုင်တဲ့ နေရာများစွာ ရှိတာကြောင့် ခံတွင်းနံ့ဆိုးတာကို ဖြစ်စေနိုင်တဲ့ အကြောင်းအရင်းများစွာရှိပြီး အောက်ပါအချက်တွေကြောင့် ဖြစ်စေနိုင်ပါတယ် ___

➡️ ခံတွင်းနံ့ဆိုးစေတဲ့ အစားအသောက်များ၊ ခံတွင်းသန့်ရှင်းမှုအားနည်းခြင်း၊ အံကပ်နဲ့ သွားတုများ သန့်ရှင်းရေး အားနည်းခြင်း၊ လျှာပေါ် ရှိ ဘက်တီးရီးယားများ၊ သွားဖုံးရောဂါများ (Periodontal disease)၊ ခံတွင်းခြောက်ခြင်း (Xerostomia)၊ အာသီးမှာ ကျောက်တည်ခြင်း (Tonsil Stones, Tonsilloliths)၊ ဆေးလိပ်နဲ့ ဆေးရွက်ကြီး သုံးစွဲခြင်း၊ ကျန်းမာရေးအခြေအနေများ
⁣⁣⁣⁣⁣⁣⁣⁣⁣⁣⁣⁣______________________________________

✅ ကာကွယ်ခြင်းနှင့် ဖြေရှင်းနည်းလမ်းကောင်းများ
ခံတွင်းနံ့ဆိုးစေတဲ့ အကြောင်းအရင်းအားလုံးကို ကာကွယ်ဖို့ မဖြစ်နိုင်ပေမယ့် ဒီနည်းလမ်းလေးတွေက အချို့အကြောင်းရင်းတွေကို ကာကွယ်လို့ ရနိုင်ပါတယ်။

● သွားကို တစ်နေ့ နှစ်ကြိမ် ပုံမှန်တိုက်ပါ
● တစ်နေ့ တစ်ကြိမ် သွားပွတ်ကြိုးနဲ့ သွားသန့်ရှင်းပါ
● လျှာခြစ်တံကို အသုံးပြုပြီး လျှာကိုသန့်ရှင်းရေး ပြုလုပ်ပါ
● သွားတုတွေနဲ့ သွားထိန်းကိရိယာတွေကို ဆရာဝန်ညွှန်ကြားတဲ့အတိုင်း သန့်ရှင်းရေးလုပ်ပါ
● အယ်လ်ကိုဟော မပါတဲ့ ခံတွင်းသန့်စင်ဆေးရည်နဲ့ ပလုတ်ကျင်းပါ
● ခံတွင်းခြောက်တာကို ကာကွယ်ဖို့ ရေများများသောက်ပါ၊ သကြားမပါတဲ့ ပီကေ သို့မဟုတ် ငုံဆေးများ သုံးခြင်းဖြင့် တံတွေးထုတ်လုပ်မှုကို များစေနိုင်ပါတယ်
● အရက်သောက်ခြင်း၊ ဆေးလိပ်နဲ့ ဆေးရွက်ကြီး သုံးစွဲခြင်းများကို ရှောင်ကြဥ်ပါ
● အနံ့ပြင်းတဲ့ အစားအစာတွေကို တတ်နိုင်သမျှ ရှောင်ပါ
● သွားနှင့်ခံတွင်းကျန်းမာရေးအတွက် သွားဘက်ဆိုင်ရာဆရာဝန်နဲ့ ပုံမှန်ပြသ စစ်ဆေးမှု ခံယူပါ
⁣⁣⁣⁣⁣⁣⁣⁣⁣⁣⁣⁣______________________________________

📚 “ခံတွင်းနံ့ဆိုးခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

#ခံတွင်းနံ့ဆိုး

05/12/2025

🚽 ဝမ်းချုပ်တာ မကြာခဏ ဖြစ်နေလား?

ဝမ်းချုပ်တယ်ဆိုတာ... တစ်ပတ်အတွင်း (၃) ကြိမ်နဲ့အောက် ဝမ်းသွားတာနဲ့၊ ဝမ်းမာမာသွားတာကြောင့် ဝမ်းသွားရခက်ခဲတာကို ဆိုလိုပါတယ်။ ဝမ်းချုပ်တာက လူတော်တော်များများ ဖြစ်လေ့ဖြစ်ထရှိတဲ့ လက္ခဏာတစ်ခုဖြစ်ပေမဲ့၊ တခြား ရောဂါအခံတစ်ခုခု ကြောင့်လည်း ဖြစ်နိုင်ပါတယ်။ နာတာရှည် ဝမ်းချုပ်နေပြီဆိုရင်တော့ ဆေးရုံ၊ ဆေးခန်းကို သွားပြသင့်ပါတယ်! 🩺
⁣⁣⁣⁣⁣⁣⁣⁣⁣⁣⁣⁣______________________________________

🚨 ဝမ်းချုပ်တာနဲ့တွဲပြီး ဒီလိုလက္ခဏာတွေ ခံစားရရင် မိသားစုဆရာဝန်နဲ့ သေချာတိုင်ပင်ဆွေးနွေးပါ!

● ဝမ်းချုပ်ခြင်းနဲ့ ဆက်စပ်လက္ခဏာတွေ ခံစားရနေရတာက (၃) ပတ်နဲ့ အထက်ရှိခြင်း
● စအိုမှ သွေးထွက်ခြင်း (သို့) အိမ်သာသုံး တစ်ရှူးမှာ သွေးစွန်းနေခြင်း
● ဝမ်းသွားလျှင်သွေးပါခြင်း သို့မဟုတ် ဝမ်းအမဲရောင်သွားခြင်း
● အလွန်အမင်း ဗိုက်အောင့်ခြင်း
● ဝမ်းချုပ်ခြင်း၊ ဝမ်းလျှောခြင်းများ တလှည့်စီဖြစ်ခြင်း
● ဝမ်းသွားစဉ် အကျိအချွဲများသွားခြင်း
● ကိုယ်အလေးချိန် ကျဆင်းခြင်း
⁣⁣⁣⁣⁣⁣⁣⁣⁣⁣⁣⁣______________________________________

✅ ဝမ်းချုပ်ခြင်းကို ကာကွယ်ဖို့ နည်းလမ်းများ

● အမျှင်ဓာတ် ကြွယ်ဝတဲ့ ဟင်းသီးဟင်းရွက်၊ အသီးအနှံ၊ ပဲအမျိုးမျိုး စားသုံးခြင်း
● အမျှင်ဓာတ် ပါဝင်မှုနည်း ဆီကြော်မုန့်များ၊ အသားများ စားသုံးခြင်းကို လျှော့ချခြင်း
● ရေများများသောက်ခြင်း
● လေ့ကျင့်ခန်း ပုံမှန်လုပ်ခြင်း
● ဝမ်းသွားချင်နေတဲ့အချိန်မှာ ဝမ်းသွားခြင်း
● ဝမ်းသွားခြင်းကို အလေ့အကျင့်ပြုလုပ်ခြင်း

ဝမ်းချုပ်နေတယ်လို့ ခံစားနေရရင်…🚶အစားအသောက်၊ အနေအထိုင်ကို ပြုပြင်ကာ ဝမ်းမှန်အောင် လုပ်နိုင်ပြီး အဲဒီလိုလုပ်သည့်တိုင် မသက်သာခဲ့ရင် ဝမ်းပျော့ဆေးတွေကို ခေတ္တခဏ သုံးစွဲကြည့်နိုင်ပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

📚 “ဝမ်းချုပ်ခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

#ဝမ်းချုပ်

04/12/2025

ချက်ပြုတ်စားသောက်ပြီး ပိုလျှံနေတဲ့ ဟင်းတွေ ၊ နောက်နေ့အတွက် ကြိုချက်ပြုတ်ထားတဲ့ အစားအစာတွေ၊ မချက်ရသေးတဲ့ အသား၊ငါး၊ ဟင်းသီးဟင်းရွက်တွေကို Food Safety Regulations နဲ့ညီအောင် ဘယ်လိုထားသို သိမ်းဆည်းသင့်ပါသလဲ ဆိုတာတွေကို ဆရာမကြီးဒေါက်တာခင်မာချိုမှ “ဘေးကင်းကျန်းမာဖို့ရာ အစားအသောက် ဘယ်လိုသိမ်းမှာ” ဆိုတဲ့ ခေါင်းစဉ်နဲ့ ဒီ video လေးမှာ စုံစုံလင်လင် ပြောကြားပေးထားပါတယ်။

ဒီအစီအစဉ်လေးကို 𝐂𝐋𝐋 𝐇𝐄𝐀𝐋𝐓𝐇 နှင့် 𝐓𝐡𝐞 𝐆𝐨𝐨𝐝𝐋𝐢𝐟𝐞 𝐛𝐲 𝐂𝐢𝐭𝐲 𝐑𝐞𝐰𝐚𝐫𝐝𝐬 တို့မှ ပူပေါင်းတင်ဆက်ထားပြီး အားလုံးနှင့်အတူ ကြည့်ရှုနိုင်အောင် မျှဝေပေးလိုက်ပါတယ်……..
________________________________________

𝗘𝘅𝗽𝗹𝗼𝗿𝗲 𝘄𝗶𝘁𝗵 𝘂𝘀:

𝗪𝗲𝗯𝘀𝗶𝘁𝗲 : https://www.cllhealth.com/
𝗟𝗶𝗻𝗸𝗲𝗱𝗜𝗻 : https://www.linkedin.com/company/cll-health/
𝗬𝗼𝘂𝗧𝘂𝗯𝗲 : https://www.youtube.com/

03/12/2025

🌍 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐃𝐚𝐲 𝐨𝐟 𝐏𝐞𝐫𝐬𝐨𝐧𝐬 𝐰𝐢𝐭𝐡 𝐃𝐢𝐬𝐚𝐛𝐢𝐥𝐢𝐭𝐢𝐞𝐬 ♿

ဒီဇင်ဘာလ ၃ ရက်နေ့ဟာ “အပြည်ပြည်ဆိုင်ရာ မသန်စွမ်းသူများနေ့” ဖြစ်ပါတယ်။ ဒီနေ့ဟာ မသန်စွမ်းသူများရဲ့ လုပ်ဆောင်နိုင်စွမ်းတွေကို ဂုဏ်ပြုတဲ့နေ့ဖြစ်သလို သူတို့ရင်ဆိုင်နေရတဲ့ အခက်အခဲတွေကို နားလည်ပြီး အတူတကွ ဖြေရှင်းကြဖို့လည်း ဖြစ်ပါတယ်။ 🤝

ရင်ဆိုင်ရတဲ့အခက်အခဲများ 🚧

မသန်စွမ်းသူတွေဟာ လမ်းတွေ၊ လှေကားတွေမှာ သွားလာရတာ၊ လမ်းကူးရတာ ခက်ခဲခြင်း၊ ဘတ်စ်ကား၊ ကားတွေပေါ် တက်ရဆင်းရ မလွယ်ခြင်း၊ ပညာရေး၊ အလုပ်အကိုင် အခွင့်အလမ်း နည်းပါးခြင်း၊ လူမှုရေး ခွဲခြားဆက်ဆံခံရခြင်း၊ အထီးကျန်ခြင်း၊ ကျန်းမာရေး ဝန်ဆောင်မှုရဖို့ အခက်အခဲများရှိခြင်း စတာတွေကို ရင်ဆိုင်နေကြရပါတယ်။

ဘယ်လိုကူညီနိုင်မလဲ 🙏

● လူတိုင်းအတွက် အဆင်ပြေတဲ့ ပတ်ဝန်းကျင်ကို ဖန်တီးပေးပါ။ လမ်းတွေ၊ အဆောက်အအုံတွေ၊ ဘတ်စ်ကားတွေကို လူတိုင်း အလွယ်တကူ သုံးနိုင်အောင်၊ သွားရလာရလွယ်အောင် စီစဉ်ပေးပါ 🏞️
● သူတို့ရဲ့ အခက်အခဲတွေကို နားလည်ပေးပါ၊ စိတ်ရှည်ပါ 🌟
● စကားပြောတဲ့အခါ လေးလေးစားစား ကြင်ကြင်နာနာပြောဆိုပါ 💬❤️
● လုပ်ငန်းခွင်နဲ့ ပတ်ဝန်းကျင်မှာ ခွဲခြားဆက်ဆံခြင်းမပြုဘဲ တန်းတူဆက်ဆံပြီး ပါဝင်ခွင့်ပေးပါ 💼
● လိုအပ်ရင် ကူညီပေးပါ 💪

ဒီလို လုပ်ဆောင်ချက် သေးသေးလေးတွေကို တစ်ဦးချင်းစီက စတင်လုပ်ဆောင်ခြင်းဖြင့် အားလုံးအတွက် ပိုမိုလက်လှမ်းမီနိုင်မှုရှိသော ကမ္ဘာတစ်ခုကို အတူတကွ ဖန်တီးကြပါစို့…. 💖

01/12/2025

𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 (ကမ္ဘာ့အေအိုင်ဒီအက်စ်ရောဂါနေ့) ⁣
⁣
ဒီဇင်ဘာလ ၁ ရက်နေ့ဟာ World AIDS Day ဖြစ်ပြီး၊ ✨ ဒီနေ့မှာ HIV/AIDS အသိပညာမြှင့်တင်ရန်၊ ရောဂါခံစားနေရသူများကို ထောက်ခံအားပေးရန်နှင့် ရောဂါတိုက်ဖျက်ရေး ကြိုးပမ်းမှုများကို ဂုဏ်ပြုရန်အတွက် ရည်ရွယ်ကျင်းပကြတာဖြစ်ပါတယ်။

📈 ကမ္ဘာ့ကျန်းမာရေးအဖွဲ့ (WHO) ရဲ့ အချက်အလက်တွေအရ ၂၀၂၄ ခုနှစ်တွင် တစ်ကမ္ဘာလုံးမှာ HIV ပိုးရှိနေသူ ၄၁ သန်းခန့်ရှိနေပါတယ်။ ၂၀၂၄ ခုနှစ်မှာပဲ လူပေါင်း ၁.၃ သန်းခန့် HIV ပိုးကူးစက်ခံခဲ့ရပြီး HIV နဲ့ဆက်စပ်တဲ့ ရောဂါတွေကြောင့် လူပေါင်း ၆ သိန်း ၃ သောင်းခန့် သေဆုံးခဲ့ရပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

🦠 𝐇𝐈𝐕/𝐀𝐈𝐃𝐒⁣ဆိုသည်မှာ

အေအိုင်ဒီအက်စ် (AIDS) ရောဂါဆိုတာ အိတ်ချ်အိုင်ဗွီ (HIV) ဆိုတဲ့ ဗိုင်းရပ်စ်ပိုးတစ်မျိုးကြောင့် ဖြစ်တာပါ။ အိတ်ချ်အိုင်ဗွီ (HIV) ဗိုင်းရပ်စ်က ခန္ဓာကိုယ်ရဲ့ ကိုယ်ခံအားစနစ်ကို တိုက်ခိုက်တဲ့အတွက် ကိုယ်ခံအားကို တဖြည်းဖြည်း ကျဆင်းစေပါတယ်။ ထိုသို့ ကိုယ်ခံအား အလွန်အမင်းကျဆင်းပြီး အသက်အန္တရာယ်ရှိတဲ့ အခြေအနေကို အေအိုင်ဒီအက်စ် (AIDS) လို့ခေါ်ပါတယ်။ HIV ပိုးက တစ်ခါဝင်ရောက်ပါက တစ်သက်လုံး ခန္ဓာကိုယ်ထဲတွင် ရှိနေမှာ ဖြစ်သော်လည်း၊ ဗိုင်းရပ်စ်ပိုးထိန်းဆေးများနဲ့ ရောဂါကို ထိန်းချုပ်နိုင်ပြီး သေဆုံးမှုကို လျော့နည်းစေနိုင်ပါတယ်။

↔️ ကူးစက်မှု

HIV ကူးစက်ခံရသူအများစုဟာ လိင်ဆက်ဆံခြင်း (ရောဂါပိုးပါသော သုက်ရည်၊ အမျိုးသမီးအင်္ဂါမှ ထွက်သောအရည်များ၊ စအိုမှထွက်သော အရည်များနှင့် ထိတွေ့မိခြင်း) နှင့် မူးယစ်ဆေးထိုးသော ဆေးထိုးအပ်များနှင့် အခြားကိရိယာများကို မျှဝေသုံးစွဲခြင်းတို့မှတစ်ဆင့် ကူးစက်ခံရခြင်းဖြစ်ပြီး လူအနည်းစုမှာ သွေးသွင်းခြင်းမှတစ်ဆင့် ကူးစက်ခံရတာ ဖြစ်ပါတယ်။ ကူးစက်စေနိုင်တဲ့ နည်းလမ်းတွေကို သေချာသိရှိထားခြင်းဖြင့် ထိရောက်စွာ ကာကွယ်နိုင်မှာဖြစ်ပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

🛡️ HIV ရောဂါပိုး ကူးစက်ခြင်းမှ ကာကွယ်ရန် နည်းလမ်းများ

(၁) လိင်ဆက်ဆံမှု ပြုလုပ်တိုင်း စိတ်ချရသော အကာအကွယ်ပစ္စည်း (ကွန်ဒုံး) ကို အသုံးပြုပါ။
(၂) ဆေးထိုးအပ်များကို မျှဝေသုံးစွဲခြင်းမှ ရှောင်ကြဉ်ပါ။
(၃) ထိခိုက်ဒဏ်ရာရ၍ သွေးထွက်နေသောလူကို ကိုင်တွယ်မည်ဆိုလျှင် လက်အိတ်ဝတ်၍ ကိုင်တွယ်ပါ
(၄) ရောဂါပိုးရှိသောလူနာကို ကိုင်တွယ်ပြုစုရပါက လူနာ၏ခန္ခာကိုယ်မှ ရောဂါပိုးကူးစက်နိုင်သော အရည်များကို သတိထားပြီး လက်အိတ်ဝတ်၍ ကိုင်တွယ်ပါ

⚕️ HIV ရောဂါပိုးကူးစက်ခံရသည်ဟု သံသယရှိပါက ဆရာဝန်နှင့် အမြန်ဆုံးတိုင်ပင်၍ ဗိုင်းရပ်စ်ပိုးထိန်းဆေးများကို တတ်နိုင်သမျှ စောစောသောက်ခြင်းဖြင့် ရောဂါပိုးကူးစက်ခြင်းကို ‌လျှော့ချပေးနိုင်ပါတယ်

⁣⁣⁣⁣⁣⁣⁣⁣⁣⁣⁣⁣______________________________________

🤰 မိခင်မှကလေးသို့ HIV ပိုးကူးစက်ခြင်းမှ ကာကွယ်ခြင်း

● ကိုယ်ဝန်ဆောင်အမျိုးသမီးတိုင်း HIV ပိုးစစ်ဆေးခြင်းနှင့် ဗိုင်းရပ်စ်ပိုးထိန်းဆေးသောက်ခြင်း အပါအဝင် ညွှန်ကြားချက်များကို တိကျစွာ လိုက်နာရပါမယ်။
● မိခင်နို့ဟာ ကလေးများရဲ့ကြီးထွားဖွံဖြိုးမှုနှင့် ကိုယ်ခံစွမ်းအားကို မြင့်တက်စေနိုင်တဲ့အတွက် ကမ္ဘာ့ကျန်းမာရေးအဖွဲ့ (WHO)မှ HIV မိခင်တွေမှာ မိခင်နို့တိုက်ကျွေးခြင်း (အထူးသဖြင့် အသက် (၆)လထိ မိခင်နို့တစ်မျိုးတည်းသာ တိုက်ကျွေးခြင်း)ကို အားပေးအကြံပြုထားပါတယ်၊ သို့သော် မိခင်က ဆေးပုံမှန်သောက်သုံးနေရမှာဖြစ်ပြီး သွေးထဲမှာ ဗိုင်းရပ်စ်ပိုး ရှာမတွေ့နိုင်အောင် နည်းတဲ့အခြေအနေမှာ ရှိနေပါက အကောင်းဆုံးဖြစ်ပါတယ်။
● သို့မဟုတ်ပါက အာဟာရပြည့်ဝစွာ စီမံထုတ်လုပ်ထားသော ဖော်မြူလာနို့ကို အစားထိုးတိုက်ကျွေး သင့်ပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

💊 ဆေးဝါးသုံး၍ ရောဂါကာကွယ်ခြင်း

HIV ရောဂါကို ကာကွယ်ရာမှာ ဗိုင်းရပ်စ်ပိုးထိန်းဆေးများကို အသုံးပြုပြီး ကာကွယ်နိုင်တဲတဲ့ နည်းလမ်းနှစ်မျိုး ရှိပါတယ်။
(၁) HIV ရောဂါရှိသူနှင့် မထိတွေ့မီ ဆေးကြိုသောက်၍ ကာကွယ်ခြင်း (Pre-exposure prophylaxis - PrEP)
(၂) HIV ရောဂါရှိသူနှင့် ထိတွေ့ပြီးနောက် ရောဂါပိုး မကူးစက်အောင် ကာကွယ်ခြင်း (Post-exposure prophylaxis - PEP)
ထိုကာကွယ်ခြင်းနှစ်မျိုးစလုံးကို ‌ရောဂါပိုး ကူးစက်နိုင်ခြေမြင့်မားသူတွေမှာ ဗိုင်းရပ်စ်ပိုးထိန်းဆေးများ ကို ဆရာဝန် ညွှန်ကြားတဲ့အတိုင်း သောက်သုံးနိုင်ပါတယ်။

⁣⁣⁣⁣⁣⁣⁣⁣⁣⁣⁣⁣______________________________________

ခေတ်မီဆေးပညာတိုးတက်မှုတွေနဲ့ စောစီးစွာသိရှိနိုင်မှုကြောင့် HIV ပိုးရှိသူတွေဟာ စောစီးစွာ စစ်ဆေးတွေ့ရှိပြီး ကုသမှုမှန်မှန်ခံယူမယ်ဆိုရင် HIV မရှိသူတွေလိုပဲ ပုံမှန်အတိုင်း ရှည်လျားကျန်းမာတဲ့ ဘဝကို ရရှိပိုင်ဆိုင်နိုင်ပါတယ်။

စောစီးစွာသိရှိခြင်းက အသက်ပေါင်းများစွာကို ကယ်တင်နိုင်ပြီး၊ လူတိုင်းအတွက် ပိုမိုကျန်းမာသော အနာဂတ်အတွက် တုံ့ပြန်မှုကို ပြောင်းလဲပေးနိုင်မယ့် အစွမ်းထက်တဲ့ ခြေလှမ်းတစ်ခုပါ။

ယခုလာမယ့် ဒီဇင်ဘာ ၁ ရက်နေ့မှာ HIV တိုက်ဖျက်ရေးအတွက် အတူတကွ ပူးပေါင်းပါဝင်ကြပါစို့…🤝❤️

⁣⁣⁣⁣⁣⁣⁣⁣⁣⁣⁣⁣______________________________________

📚 “အိတ်ချ်အိုင်ဗွီ/အေအိုင်ဒီအက်စ် ရောဂါ ” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

30/11/2025

💜 𝐒𝐭𝐨𝐦𝐚𝐜𝐡 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 ⁣ ⁣🌍
⁣⁣
⁣⁣⁣⁣⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣ကမ္ဘာတစ်ဝန်းမှာ အစာအိမ်ကင်ဆာဟာ အဖြစ်အများဆုံး ကင်ဆာတွေထဲက တစ်ခုဖြစ်ပါတယ်။ 💔

📍 အမျိုးသမီးတွေထက် အမျိုးသားတွေမှာ ပိုအဖြစ်များကာ အသက် ၅၅ နှစ်အထက် လူကြီးတွေမှာ ဖြစ်ပွားလေ့ရှိပါတယ်။ အစောပိုင်းအဆင့်မှာ သိရှိရင် ပျောက်ကင်းအောင် ကုသနိုင်ခြေများပေမယ့် ကင်ဆာပိုပြန့်နေပြီဆိုရင် ပျောက်ကင်းနိုင်ခြေ နည်းပါးပါတယ်။
______________________________________

🔥 အစာအိမ်ကင်ဆာ ဖြစ်နိုင်ခြေ မြင့်တက်စေတဲ့ အကြောင်းရင်းများ

● အသက်အရွယ်ကြီးလာခြင်း – အများစုက ၅၅ နှစ် (သို့) ၆၅ နှစ်အထက်
● အစာအိမ်ရောဂါပိုးဝင်ခြင်း (𝘏𝘦𝘭𝘪𝘤𝘰𝘣𝘢𝘤𝘵𝘦𝘳 𝘱𝘺𝘭𝘰𝘳𝘪 𝘪𝘯𝘧𝘦𝘤𝘵𝘪𝘰𝘯) ⁣ – အစာအိမ်နံရံမှာ အစာအိမ်ပိုး ရေရှည်ရှိနေတာက ကင်ဆာဖြစ်နိုင်ခြေ မြင့်တက်စေပါတယ်
● အငန်ဓာတ်များတဲ့၊ အချဉ်ဖောက်ထားတဲ့ (သို့) မီးကင်ထားတဲ့ အစားအစာတွေကို အလွန်အကျွံ စားသုံးခြင်း
● အသီးအနှံနဲ့ ဟင်းသီးဟင်းရွက် စားသုံးမှု နည်းပါးခြင်း
● ဆေးလိပ်သောက်ခြင်း
● အဝလွန်ခြင်း
● သွေးအမျိုးအစား – သွေးအမျိုးအစား A ရှိသူတွေမှာ အနည်းငယ် ပိုပြီးဖြစ်နိုင်ပါတယ်
● မိသားစုတွင် မျိုးရိုးလိုက်တတ်သည့် ရောဂါများ ရှိခြင်း – ဥပမာ – 𝘓𝘺𝘯𝘤𝘩 𝘴𝘺𝘯𝘥𝘳𝘰𝘮𝘦၊ 𝘧𝘢𝘮𝘪𝘭𝘪𝘢𝘭 𝘢𝘥𝘦𝘯𝘰𝘮𝘢𝘵𝘰𝘶𝘴 𝘱𝘰𝘭𝘺𝘱𝘰𝘴𝘪𝘴 (𝘍𝘈𝘗) ရောဂါ၊ 𝘗𝘦𝘶𝘵𝘻-𝘑𝘦𝘨𝘩𝘦𝘳𝘴 𝘴𝘺𝘯𝘥𝘳𝘰𝘮𝘦၊ 𝘫𝘶𝘷𝘦𝘯𝘪𝘭𝘦 𝘱𝘰𝘭𝘺𝘱𝘰𝘴𝘪𝘴 𝘴𝘺𝘯𝘥𝘳𝘰𝘮𝘦 နှင့် 𝘩𝘦𝘳𝘦𝘥𝘪𝘵𝘢𝘳𝘺 𝘥𝘪𝘧𝘧𝘶𝘴𝘦 အစာအိမ်ကင်ဆာအမျိုးအစား)⁣

🚨 ကိုယ့်မှာ အောက်ပါ ရောဂါအခြေအနေတွေ ရှိရင် အစာအိမ်ကင်ဆာ ဖြစ်နိုင်ခြေ ပိုများပါတယ် 👇

⁣● နာတာရှည် အစာအိမ်ရောင်ရမ်းခြင်း (𝘎𝘢𝘴𝘵𝘳𝘪𝘵𝘪𝘴)⁣
● ⁣စားချဥ်ပြန်ရောဂါ (𝘎𝘌𝘙𝘋)⁣
● ⁣အစာအိမ် အသားပို (𝘚𝘵𝘰𝘮𝘢𝘤𝘩 𝘱𝘰𝘭𝘺𝘱𝘴)⁣ ရှိခြင်း
● 𝘗𝘦𝘳𝘯𝘪𝘤𝘪𝘰𝘶𝘴 𝘢𝘯𝘦𝘮𝘪𝘢 ⁣ခေါ် ဗီတာမင် B12 ချို့တဲ့သော သွေးအားနည်းရောဂါ
● အစာအိမ် တစ်စိတ်တစ်ပိုင်းကို ခွဲစိတ်ဖယ်ရှားထားခြင်း
______________________________________

အစာအိမ်ကင်ဆာက စတင်ဖြစ်ပွားချိန် (အစောပိုင်းအဆင့်) မှာ ရောဂါလက္ခဏာ မပြသတတ်ပါ။

📌 အစာအိမ်ကင်ဆာ ရောဂါလက္ခဏာများမှာ __

◼ အစာမကြေခြင်း၊ ရင်ပူခြင်း
◼ အစာစားချင်စိတ် မရှိခြင်း
◼ အနည်းငယ်စားရုံနဲ့ ဗိုက်ပြည့်သလို ခံစားရခြင်း
◼ အစာစားပြီးနောက် ဝမ်းဗိုက်အပေါ်ပိုင်းတွင် နာကျင်ခြင်း
◼ လေပွသကဲ့သို့ မအီမသာ ခံစားရခြင်း
◼ အကြောင်းရင်းမရှိဘဲ ကိုယ်အလေးချိန် လျော့ကျလာခြင်း
◼ ပျို့အန်ခြင်း
◼ ကတ္တရာစေးကဲ့သို့ ဝမ်းမည်းမည်းသွားခြင်း
◼ သွေးအန်ခြင်း
◼ ဝမ်းဗိုက်တွင် အလုံးစမ်းမိခြင်း
◼ ပုံမှန်ထက် ပိုပြီးပင်ပန်းနွမ်းနယ်ခြင်း (ကင်ဆာမှ သွေးယိုစိမ့်ပါက သွေးအားနည်းခြင်းကြောင့်လည်း ဖြစ်နိုင်ပါတတယ်)
◼ အစာမျိုရခက်ခဲခြင်း
______________________________________

အထက်ပါ လက္ခဏာတွေခံစားရရင် မိသားစုဆရာဝန်နဲ့ ပြသတိုင်ပင်သင့်ပါတယ်။ ဒီလက္ခဏာတွေက အစာအိမ်ကင်ဆာအပြင် အစာအိမ်ရောင်တာနဲ့ အစာအိမ်အနာလိုမျိုး တခြားအဖြစ်များတဲ့ ရောဂါတွေကြောင့်လည်း ဖြစ်နိုင်တာကြောင့် ဒီရောဂါတွေအတွက်ပါ ထည့်စဉ်းစားပြီး ကုသမှာဖြစ်ပါတယ်။

⚠️ အန္တရာယ်ရှိတဲ့ လက္ခဏာတွေ (ဥပမာ - အကြောင်းရင်းမရှိဘဲ ကိုယ်အလေးချိန်ကျခြင်း) ရှိတယ်ဆိုရင်တော့ မိသားစုဆရာဝန်နဲ့ ချက်ချင်းပြသပြီး စစ်ဆေးမှုတွေ ခံယူဖို့ အရေးကြီးပါတယ် ✅။

ကျန်းမာရေးဗဟုသုတတွေ ဝေမျှရင်း ကိုယ့်ရဲ့ကျန်းမာရေးကို ဂရုစိုက်ကြပါစို့! ❤️

______________________________________

📚 “အစာအိမ်ကင်ဆာ ” အကြောင်း ကျန်းမာရေးဆောင်းပါးများကို သိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။


#အစာအိမ်ကင်ဆာ #အစာအိမ်
⁣
⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣

29/11/2025

ဒီရက်ပိုင်း ရာသီဥတုအေးလာတော့ အဖြစ်များလာတဲ့ပန်းနာရင်ကျပ်ရောဂါ အကြောင်းလေး ပြန်လည်မျှဝေပေးလိုက်ပါတယ်။

ပန်းနာရင်ကျပ်ရောဂါသည် အသက်အရွယ်မရွေးဖြစ်ပွါးနိုင်သော ရောဂါဖြစ်ပြီး ရေရှည် ကုသရန်လိုအပ်သည့် အသက်ရှူလမ်းက....

28/11/2025

စားချဉ်ပြန်ရောဂါ (𝐆𝐚𝐬𝐭𝐫𝐨𝐞𝐬𝐨𝐩𝐡𝐚𝐠𝐞𝐚𝐥 𝐑𝐞𝐟𝐥𝐮𝐱 𝐃𝐢𝐬𝐞𝐚𝐬𝐞 - 𝐆𝐄𝐑𝐃) ⁣ဆိုတာ အစာအိမ်က ထုတ်ပေးတဲ့ အစာခြေရည်အက်ဆစ်ဟာ အစာရေမျိုပြွန် (Oesophagus) အတွင်းထဲကို ထပ်ခါတလဲလဲ ဆန်တက်တာကြောင့် အစာမကြေခြင်း၊ ရင်ပူခြင်းကို ဖြစ်စေတဲ့ရောဂါပါ။ အစာအိမ်အချဉ်ပြန်တက်ခြင်း၊ အက်ဆစ်ရည်ပြန်တက်ခြင်း လို့လည်း လူသိများပါတယ်။

💁‍♀️ လူတိုင်းနီးပါးဟာ အခါအားလျော်စွာ အစာအိမ်အက်ဆစ်ရည်ပြန်ဆန်တက်ခြင်း (Acid reflux) ကို ကြုံဖူးကြပါတယ်။ ဒါပေမဲ့… တစ်ချို့သူတွေမှာ တစ်ပတ်ကို နှစ်ကြိမ်ထက် ပိုဖြစ်လာပြီး အချိန်ကာလ ကြာမြင့်စွာ ဖြစ်လာတဲ့အခါ အစာရေမျိုပြွန်ရဲ့ အတွင်းနံရံ တစ်ရှူးတွေ ထိခိုက်ရောင်ရမ်းကာ စားချဉ်ပြန်ရောဂါ ဖြစ်လာပါတယ်။

🧘‍♀️ လူအများစုအတွက်ကတော့ လူနေမှုပုံစံပြောင်းလဲခြင်း၊ ဆေးဝါးများ သောက်သုံးခြင်းတို့နဲ့ စားချဉ်ပြန်ရောဂါကို ကုသနိုင်ပေမယ့် အခြေအနေတွေမှာတော့ ခွဲစိတ်ကုသမှု လိုအပ်နိုင်ပါတယ်။

______________________________________

📚 စားချဉ်ပြန်ရောဂါအကြောင်း ပိုမိုသိရှိနိုင်စေဖို့ အောက်ပါ အချက်အလက်တွေကို ပုံ (Infographics) 📊 တွေနဲ့ ဝေမျှပေးလိုက်ပါတယ် 👇:

1️⃣ ဖြစ်ပေါ်ရတဲ့ အကြောင်းရင်းများ 🧐

2️⃣ အဖြစ်များတဲ့ ရောဂါလက္ခဏာများ 🤒

3️⃣ အက်ဆစ်ပြန်ဆန်တက်နှုန်းနှင့် စားချဥ်ပြန်ရောဂါဖြစ်ပွားမှုကို လျော့နည်းစေနိုင်တဲ့ နေထိုင်စားသောက်မှုပုံစံပြောင်းလဲခြင်း နည်းလမ်းများ
______________________________________

📚 “စားချဉ်ပြန်ရောဂါ ” အကြောင်း ကျန်းမာရေးဆောင်းပါးများကို သိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။



#စားချဉ်ပြန်ရောဂါ

26/11/2025

🌍 𝐈𝐫𝐨𝐧 𝐃𝐞𝐟𝐢𝐜𝐢𝐞𝐧𝐜𝐲 𝐃𝐚𝐲 (သံဓာတ်ချို့တဲ့ခြင်းနေ့) ကို ကမ္ဘာလုံးဆိုင်ရာ ကျန်းမာရေးပြဿနာဖြစ်တဲ့ သံဓာတ်ချို့တဲ့ခြင်း နှင့် သံဓာတ်ချို့တဲ့ခြင်းကြောင့် ဖြစ်သော သွေးအားနည်းရောဂါ 🩸 အကြောင်းကို အသိပညာပေးရန်အတွက် နှစ်စဉ် နိုဝင်ဘာလ ၂၆ ရက်နေ့မှာ ကျင်းပလေ့ရှိပါတယ်။

🎯 ရည်ရွယ်ချက်ကတော့ — သံဓာတ်ပမာဏ ပုံမှန်ရှိခြင်းရဲ့ အရေးပါပုံကို အသိပညာပေးရန်နှင့် သံဓာတ်ချို့တဲ့ခြင်းရဲ့ လက္ခဏာများဖြစ်တဲ့ 👉 မောပန်းနွမ်းနယ်ခြင်း၊ မူးဝေခြင်း၊ အသက်ရှူရခက်ခဲခြင်း၊ အရေပြားဖျော့တော့ခြင်းနှင့် အာရုံစူးစိုက်မှု ခက်ခဲခြင်း စတဲ့ လက္ခဏာတွေကို ( 👩‍🦰 အထူးသဖြင့် အမျိုးသမီးများမှာ) သတိပြုမိစေဖို့ ဖြစ်ပါတယ်။
______________________________________

🧬 သံဓာတ်ဟာ အောက်ဆီဂျင် သယ်ယူပို့ဆောင်ခြင်းနှင့် ဟေမိုဂလိုဘင် (Hemoglobin) 🩸 ထုတ်လုပ်ခြင်းအတွက် အရေးကြီးတဲ့ သတ္တုဓာတ်တစ်မျိုးဖြစ်ပြီး ခန္ဓာကိုယ်နဲ့ စိတ်ပိုင်းဆိုင်ရာ ကျန်းမာရေးအတွက် အလွန်အရေးပါပါတယ်။

🧏‍♀️ လူအများစုမှာ သံဓာတ်နည်းနေကြတာကို မသိရှိကြတာကြောင့် အသိပညာပေးဖို့ အရမ်းအရေးကြီးပါတယ်။

ဟေမိုဂလိုဘင် (𝘏𝘦𝘮𝘰𝘨𝘭𝘰𝘣𝘪𝘯) ဆိုတာ — 🔴 သံဓာတ်ပါဝင်သော ပရိုတင်းဓာတ်ဖြစ်ပြီး သွေးကို အနီရောင် ဖြစ်စေပါတယ်။ ဟေမိုဂလိုဘင်ဟာ အဆုတ်မှ ရှူသွင်းလိုက်တဲ့ အောက်ဆီဂျင်ကို သွေးကြောများမှတစ်ဆင့် ခန္ဓာကိုယ်ရှိ အင်္ဂါအစိတ်အပိုင်းများသို့ ပို့ဆောင်ပေးသည့်လုပ်ငန်းကို လုပ်ဆောင်ပါတယ်။

သံဓာတ် (𝘐𝘳𝘰𝘯)⁣ က — 🩸 ဟေမိုဂလိုဘင်ရဲ့ အစိတ်အပိုင်းဖြစ်ပြီး ကျွန်ုပ်တို့ စားသုံးတဲ့ အစားအစာတွေမှာ ပါဝင်တဲ့ မရှိမဖြစ် လိုအပ်သော သတ္တုဓာတ်ဖြစ်ပါတယ်။သံဓာတ်က ခန္ဓာကိုယ်အား သွေးနီဥအသစ်များ ပြန်လည်ထုတ်လုပ်ရာမှာ ကူညီပေးပြီး သွေးလှူဒါန်းခြင်းကြောင့် ဆုံးရှုံးသွားသော သွေးနီဥများကို ပြန်လည်အစားထိုးရန်အတွက်လည်း အထောက်အကူပြုပါတယ်။
______________________________________

📊 သံဓာတ်ချို့တဲ့မှု သွေးအားနည်းရောဂါ (IDA) အခြေအနေ အကျဉ်းချုပ်အနေနဲ့ _ _ _

ကမ္ဘာ့ကျန်းမာရေးအဖွဲ့ (WHO) ရဲ့ ၂၀၂၅ ခုနှစ် အချက်အလက်များအရ — မျိုးပွားနိုင်တဲ့ အသက်အရွယ် (၁၅-၄၉ နှစ်) ရှိ အမျိုးသမီးများအနက် 🔸 ကမ္ဘာပေါ်က သွေးအားနည်းရောဂါ ခံစားနေရသူ စုစုပေါင်းရဲ့ ၄၆% ကျော် (၂၅၆.၆ သန်း)ဟာ အရှေ့တောင်အာရှဒေသမှာ ရှိနေပါတယ်။

🇲🇲 မြန်မာနိုင်ငံလူနေမှုဘဝနှင့် ကျန်းမာရေးဆိုင်ရာ အခြေခံအချက်အလက် စစ်တမ်း (MDHS) ၂၀၁၅-၂၀၁၆ အရ — 👩‍🦰 မျိုးပွားနိုင်တဲ့ အသက်အရွယ်အမျိုးသမီးများရဲ့ ၄၇% မှာ သွေးအားနည်းရောဂါဖြစ်ပွားနေပြီး သံဓာတ်ချို့တဲ့မှုက အဓိကအကြောင်းရင်း ဖြစ်ပါတယ်။ ၂၀၁၆ ခုနှစ်တွင် အသက် ၅ နှစ်အောက် ကလေးငယ်တွေမှာ သွေးအားနည်းရောဂါ ဖြစ်ပွားမှုနှုန်း ၅၈ % ရှိခဲ့ပြီး ကိုယ်ဝန်ဆောင်အမျိုးသမီးတွေရဲ့ ၅၇ % ဟာ သွေးအားနည်းနေတယ်လို့ ဆိုထားပါတယ်။
______________________________________

တစ်နေ့တာ သံဓာတ် လိုအပ်ချက် ပမာဏ (𝐑𝐞𝐜𝐨𝐦𝐦𝐞𝐧𝐝𝐞𝐝 𝐃𝐚𝐢𝐥𝐲 𝐈𝐫𝐨𝐧 𝐈𝐧𝐭𝐚𝐤𝐞 - 𝐦𝐠/𝐝𝐚𝐲)

👶 ကလေးများ (𝘊𝘩𝘪𝘭𝘥𝘳𝘦𝘯) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣အတွက် 👶

⚬ ၇ လမှ ၁၂ လ – ၁၁ မီလီဂရမ်
⚬ ၁ နှစ်မှ ၈ နှစ် – ၇ - ၁၀ မီလီဂရမ်
⚬ ၉ နှစ်မှ ၁၃ နှစ် – ၈ မီလီဂရမ်
⚬ ၁၄ နှစ်မှ ၁၈ နှစ် – ၁၅ မီလီဂရမ် (မိန်းကလေး)၊ ၁၁ မီလီဂရမ် (ယောက်ျားလေး)

👨 လူကြီးများ (𝘈𝘥𝘶𝘭𝘵𝘴) ⁣အတွက် 👨

⚬ အရွယ်ရောက်ပြီး အမျိုးသမီးများ (၁၉ နှစ်မှ ၅၀ နှစ်) – ၁၈ မီလီဂရမ် (ဓမ္မတာကြောင့် သွေးဆုံးရှုံးမှုရှိတဲ့အတွက် သံဓာတ် ပိုမိုလိုအပ်ပါတယ်)
⚬ အရွယ်ရောက်ပြီး အမျိုးသားများ (၁၉ နှစ်နှင့်အထက်) – ၈ မီလီဂရမ်
⚬ သက်ကြီးပိုင်းများ (၅၁ နှစ်နှင့်အထက်) – ၈ မီလီဂရမ် (အမျိုးသားနှင့် အမျိုးသမီး နှစ်မျိုးလုံးအတွက်)
⚬ ကိုယ်ဝန်ဆောင်အမျိုးသမီးများ – ၂၇ မီလီဂရမ်
______________________________________

သံဓာတ်ချို့တဲ့မှုနှင့် သွေးအားနည်းရောဂါ ကာကွယ်ရန် စားသုံးသင့်သော အစားအစာများ

🥗 သံဓာတ် ကို စားသုံးလိုက်တဲ့ အစားအစာတွေကနေ ရရှိနိုင်ပါတယ်။ သံဓာတ် ပါဝင်တဲ့ အစားအစာတွေကို “ သံဓာတ်ပါဝင်မှု အများအနည်းအဆင့်အလိုက်” မျှဝေပေးလိုက်ပါတယ်။

● အမဲသား၊ ကမာ၊ ခရု၊ ကြက်အသည်း၊ ပဲပြား၊ ပဲအမျိုးမျိုး၊ နှမ်းနှင့် ဆန်၊ ကောက်ညှင်း၊ အုတ်ဂျုံ၊ ပြောင်းဆန်တို့ဖြင့်ပြုလုပ်ထားတဲ့ မနက်စာများ (Breakfast Cereals)

● ကြက်ဆင်သား၊ ကြက်ဥ၊ ကြက်ဥခေါက်ဆွဲ၊ ပန်းပွင့်စိမ်း(Broccoli)၊ ဖုတ်ထားသော အာလူး နှင့် မက်မုံမက်မန်းသီး အခြောက် (Apricots)

● တူနာငါး၊ ဝက်ပေါင်ခြောက်၊ ဆော်လမွန်ငါး၊ ဟယ်လီဘတ်ငါး၊ ပေါင်မုန့်၊ ပါစတာ၊ ဆန်၊ ဆီးသီးခြောက်၊ မက်မွန်သီး၊ စပျစ်သီးခြောက်၊ ဟင်းနုနယ်ရွက် နှင့် အခွံမာသီး/အစေ့အဆံများ (နေကြာစေ့၊ သစ်ကြားသီး၊ လှော်ထားသော ဗာဒံစေ့၊ pistachios ၊ pecans၊ လှော်ထားသော သီဟိုဠ်စေ့)

🇲🇲 မြန်မာပြည်မှာ စိုက်တဲ့ ဟင်းသီးဟင်းရွက်များကို သံဓာတ်ပါဝင်မှု အများဆုံးကနေ အစဉ်လိုက် ဖော်ပြခြင်း ➡️

၁။ ဆူးပုပ်ရွက်
၂။ ငါးရံ့ပတူရွက်
၃။ ရင်းတိုက်ရွက်
၄။ မယ်ဇလီရွက်
၅။ နံနံပင်
၆။ ရှမ်းနံနံ
၇။ ဘူးညွန့်
၈။ ဖရုံညွန့်
၉။ ကန်စွန်းရွက်
၁၀။ ဟင်းနုနယ်ရွက်
၁၁။ ကိုက်လန်
၁၂။ ပန်းပွင့်စိမ်း (Broccoli)
၁၃။ အာလူး
၁၄။ ပဲပုပ်
၁၅။ ပဲပြား
၁၆။ ကန်စွန်းဥ
၁၇။ ခရမ်းချဉ်သီး
၁၈။ ငရုတ်ပွ (အစိမ်း/အနီ/လိမ္မော်)
၁၉။ ကြယ်သီးမှို (White button mushrooms)

❗️ မှတ်ချက်။ ဆူးပုပ်ရွက်ကို ထမင်းစားဇွန်း (၃) ဇွန်းစားရင် – ပဲကြီးနဲ့နှပ်ပြီးချက်စားရင် __ တစ်နေ့လိုအပ်ချက် သံဓာတ် ၁၈ မီလီဂရမ် ရပါတယ်။

သံဓာတ်ကြွယ်ဝသော သစ်သီးဝလံ၊ အစေ့နှင့် အခွံမာသီးများ➡️

🥑 သစ်သီးများ (𝘍𝘳𝘦𝘴𝘩 𝘍𝘳𝘶𝘪𝘵𝘴)⁣ – ထောပတ်သီး၊ ဒူးရင်းသီး၊ ဖရဲသီး၊ စတော်ဘယ်ရီ၊ သလဲသီး၊ ဘယ်ရီသီး အမျိုးမျိုး
📍 မှတ်ချက်- သစ်သီးသစ်များအနက် ထောပတ်သီးတွင် သံဓာတ်အများဆုံး ပါဝင်ပါတယ်။ 📍

🍇 သစ်သီးခြောက်များ (𝘋𝘳𝘪𝘦𝘥 𝘍𝘳𝘶𝘪𝘵𝘴⁣) – မက်မုံမက်မန်းသီးအခြောက်(Apricots)၊ မက်မွန်သီးခြောက်၊ ဆီးသီးခြောက်၊ စပျစ်သီးခြောက်၊ စွန်ပလွန်သီး၊ နဂါးမောက်သီး၊ သစ်တော်သီး၊ သဖန်းသီး၊ ပန်းသီး
📍 မှတ်ချက်- ယေဘုယျအားဖြင့် သစ်သီးခြောက်များမှာ သစ်သီးများထက် သံဓာတ်ပိုမိုများပြားပါသည်။ နဂါးမောက်သီးတွင် ဗီတာမင် C မြင့်မားစွာ ပါဝင်သောကြောင့် ခန္ဓာကိုယ်၏ သံဓာတ်စုပ်ယူမှုကို သိသိသာသာ အထောက်အကူပြုပါ။ 📍

🥜 အစေ့အဆန်များနှင့် အခွံမာသီးများ (𝘚𝘦𝘦𝘥𝘴 𝘢𝘯𝘥 𝘕𝘶𝘵𝘴) ⁣ – နှမ်း၊ ဖရုံစေ့၊ နေကြာစေ့၊ Pistachio၊ သီဟိုဠ်စေ့၊ ထင်းရှူးစေ့၊ ဟေဇယ် (Hazel nuts)၊ ဘရာဇီးနပ် (Brazil nuts)၊ Pecans၊ ဗာဒံစေ့၊ သစ်ကြားသီး (Walnuts)၊ မက္ကာဒေးမီးယား (Macadamia nuts)၊ မြေပဲ
______________________________________

⚠️ သံဓာတ်စုပ်ယူမှုကို လျှော့ချနိုင်သော အစားအစာများ

⬇️ ခန္ဓာကိုယ်မှ သံဓာတ်စုပ်ယူနိုင်မှု ပမာဏကို လျှော့ချစေနိုင်သော အစားအစာအချို့ရှိပါတယ်။ ၎င်းတို့မှာ –
ကော်ဖီ (သို့) လက်ဖက်ရည်၊ ဝိုင်နီ၊ ချောကလက်၊ အမျှင်ဓာတ်မြင့်မားသော အစားအစာများ၊ အက်ဆစ်ဓာတ်လျော့စေသောဆေး (antacids) ကဲ့သို့သော ဆေးဝါးအချို့ နှင့် ကယ်လ်ဆီယမ်များသော အစားအစာများ (နို့ သို့မဟုတ် ချိစ်ကဲ့သို့) တို့ဖြစ်ပါတယ်။

🌿 မြန်မာ့ရိုးရာ လက်ဖက် မှာ ကဖိန်းဓာတ် (caffeine) နဲ့ ပိုလီဖီနောလ် (polyphenols) များစွာ ပါဝင်ပါတယ်။ တခါတလေမှာဆိုရင် ကော်ဖီတစ်ခွက်မှာ ပါတာထက်တောင် များနေနိုင်ပါသေးတယ်။ လက်ဖက်ကို သံဓာတ်ကြွယ်ဝတဲ့ အစားတွေနဲ့ တွဲပြီးစားရင် ခန္ဓာကိုယ်က သံဓာတ်စုတ်ယူမှုကို ဟန့်တားစေပါတယ်။ လက်ဖက်တစ်ဂရမ်မှာ ပါဝင်တဲ့ ကဖိန်းဓာတ်ပမာဏက ခန့်မှန်းခြေအားဖြင့် ၃ မီလီဂရမ် ဖြစ်ပါတယ်။

◼ ပိုလီဖီနောလ်များ (Polyphenols) က သံဓာတ်စုပ်ယူမှုကို အဓိက ဟန့်တားသည့်အရာများဖြစ်ပါတယ်။ လက်ဖက်ရည်တွင်ပါသော တန်နင် (Tannins) နှင့် အခြားဖီနောလ်ဒြပ်ပေါင်းများသည် အစာခြေနေစဉ်အတွင်း သံဓာတ်နှင့် ပေါင်းစပ်သွားသဖြင့် ခန္ဓာကိုယ်အတွက် စုပ်ယူရန် ခက်ခဲစေပါတယ်။ ယင်းဟန့်တားမှု ပမာဏဟာ စားသုံးလိုက်တဲ့ ပိုလီဖီနောလ် ပမာဏပေါ် မူတည်ပါတယ်။

______________________________________

📚 “သံဓာတ်ချို့တဲ့ သွေးအားနည်းခြင်း” နဲ့ “ ကလေးများတွင် သံဓာတ်ချို့တဲ့သွေးအားနည်းခြင်း” အကြောင်း ကျန်းမာရေးဆောင်းပါးများကို သိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

References:

1. Global Nutrition Report. Myanmar Nutrition Profile [Internet]. Global Nutrition Report; c2025 [cited 2025 Nov 27]. Available from: https://globalnutritionreport.org/resources/nutrition-profiles/asia/south-eastern-asia/myanmar/
2. World Health Organization. WHO global anaemia estimates. Geneva: World Health Organization; 2025.
3. American Red Cross. Iron Rich Food Guide [Internet]. American Red Cross; c2025 [cited 2025 Nov 27]. Available from: https://www.redcrossblood.org/donate-blood/dlp/iron-rich-food-guide.html
4. Ministry of Health and Sports (Myanmar), ICF. Myanmar Demographic and Health Survey 2015–16 [Internet]. Nay Pyi Taw, Myanmar: MOHS and ICF; 2017. Available from:https://dhsprogram.com/pubs/pdf/FR324/FR324.pdf
5. Cho KM. A study of prevalence of iron deficiency anemia in schoolchildren, pregnant women, and lactating mothers in Myanmar. J Acad Nutr Diet. 2019.
6. Cho KM. Rapid assessment of eating behaviour of Myanmar people. In: Proceedings of the Annual Conference of the Society for Nutrition Education and Behavior; 2018.
7. Cho KM, et al. Strategic review of food and nutrition security in Myanmar: In support of Sustainable Development Goal (SDG) 2 – Roadmap to 2030. Yangon; 2018.


#သံဓာတ်

25/11/2025

👶 ကိုယ်ဝန်ဆောင်မေမေတို့အတွက် သိကောင်းစရာ သန္ဓေသား ပုံမှန်ထက် ကြီးထွားခြင်း 🤰

မွေးဖွားချိန်မှာ ကလေးရဲ့ မွေးစအလေးချိန်က ၈ ပေါင် ၁၃ အောင်စ (၄,၀၀၀ ဂရမ်) ဒါမှမဟုတ် ဒီ့ထက် ပိုများနေရင် "ပုံမှန်ထက်ကြီးထွားတဲ့ သန္ဓေသား" လို့ သတ်မှတ်ပါတယ်။ ကလေးကြီးထွားလွန်းရင် သဘာဝအတိုင်း မွေးဖွားရာမှာ ကလေး ထိခိုက်နိုင်ခြေ ရှိသလို၊ မွေးပြီးနောက်မှာပါ ကျန်းမာရေးပြဿနာတွေ ကြုံတွေ့နိုင်ပါတယ်။

❗️အထူးသဖြင့် မွေးစအလေးချိန် ၉ ပေါင် ၁၄ အောင်စ (၄,၅၀၀ ဂရမ်) ထက် များခဲ့ရင်တော့ နောက်ဆက်တွဲ ပြဿနာတွေ ပိုဖြစ်နိုင်တယ်လို့ ယူဆကြပါတယ်။
______________________________________

🩺 ဘာကြောင့် ကလေးက ပုံမှန်ထက် ကြီးနေရတာလဲ? (ဖြစ်ပေါ်ရသော အကြောင်းရင်းများ)

သန္ဓေသားပုံမှန်ထက်ကြီးထွားစေတဲ့ အကြောင်းရင်းများစွာရှိပါတယ်…….

💠 ကိုယ်ဝန်ဆောင်မိခင်ဆီးချိုရောဂါရှိခြင်း
💠 ပုံမှန်ထက်ကြီးထွားတဲ့ သန္ဓေသားမွေးဖွားခဲ့ဖူးတဲ့ ရာဇဝင်ရှိခြင်း
💠 ကိုယ်ဝန်ဆောင်မိခင်အဝလွန်ခြင်း (ကိုယ်ဝန်မဆောင်မီ အဝလွန်နေခြင်း၊ ကိုယ်ဝန်ဆောင်စဉ် ကိုယ်အလေးချိန်တက်ခြင်း)
💠 ကလေးသုံးယောက် (သို့) ထို့ထက်ပိုပြီး မွေးဖွားဖူးခြင်း
💠 ယောက်ျားလေး သန္ဓေသားဖြစ်ခြင်း
💠 သတ်မှတ်ထားတဲ့ မွေးရက် ကျော်လွန်ခြင်း
💠 မိခင်ရဲ့ မွေးစအလေးချိန် (၈) ပေါင်ကျော်ခြင်း
💠 မိခင်အရပ်ရှည်ခြင်း
💠 မိခင် အသက် (၃၅) နှစ်နဲ့ အထက် ကြီးခြင်း
______________________________________

⚠️သန္ဓေသားပုံမှန်ထက်ကြီးထွားခြင်းကြောင့် ဖြစ်ပေါ်လာနိုင်တဲ့ နောက်ဆက်တွဲပြဿနာများ ⚠️

🤱 မိခင်အတွက် နောက်ဆက်တွဲပြဿနာများ

● မွေးဖွားချိန် ကြာမြင့်တာကြောင့် ညှပ်ဖြင့်ဆွဲပြီး မွေးဖွားခြင်း (Forceps delivery)၊ လေစုပ်စက်အကူအညီဖြင့် မွေးဖွားခြင်း (Vacuum delivery)၊ တစ်ခါတစ်ရံ အရေးပေါ်ခွဲစိတ်၍ မွေးဖွားရခြင်း
● မွေးဖွားစဉ် မိန်းမကိုယ်အတွင်းနံရံများ၊ ကြွက်သားများ ထိခိုက်စုတ်ပြဲခြင်း (Ge***al tract lacerations)
● မွေးဖွားပြီးနောက် သားအိမ်ကောင်းစွာ မဝပ်နိုင်တာကြောင့် သွေးသွန်ခြင်း
● သားအိမ်ကွဲထွက်ခြင်း (Uterine rupture)

👶 ကလေးအတွက် နောက်ဆက်တွဲပြဿနာများ

● သဘာဝအတိုင်းမွေးဖွားစဉ် သန္ဓေသားဦးခေါင်းက မွေးလမ်းကြောင်းပြင်ပကို ရောက်နေပြီးပေမယ့် ပခုံးက မွေးလမ်းကြောင်းရှိ တင်ပါးဆုံရိုးကွင်းအတွင်း တစ်နေခြင်း (Shoulder dystocia)၊ ဒီလိုတစ်နေတာကြောင့် ခန္ဓာကိုယ်တွင် ဒဏ်ရာရခြင်း (Birth injuries)၊ ညှပ်ရိုးကျိုးခြင်း၊ လက်ပိုင်းဆိုင်ရာ အာရုံကြောအစုအဝေး ထိခိုက်ဒဏ်ရာရခြင်းကြောင့် လက်အနေအထား ပုံမှန်မဟုတ်ခြင်း (Erb’s palsy)
● အသက်ရှူလမ်းကြောင်းဆိုင်ရာ ပြဿနာများရှိခြင်း
● သွေးနီဥအရေအတွက်များခြင်း
● မွေးကင်းစကလေး အသားဝါခြင်း
● သွေးတွင်းအချိုဓာတ်နည်းခြင်း
● ကလေးဘဝ အဝလွန်ခြင်း
● ကလေးဘဝ ဇီဝကမ္မဖြစ်စဥ် မူမမှန်ခြင်းရောဂါစု (Metabolic syndrome) ဖြစ်ခြင်း

✅ သန္ဓေသား ပုံမှန်ထက်ကြီးထွားခြင်း ဖြစ်စေနိုင်တဲ့ အထက်ပါ အကြောင်းရင်းများ (မျိုးဗီဇ၊ ဆီးချို၊ အဝလွန်ခြင်း) ရှိရင် ကိုယ်ဝန်ရတဲ့အခါ သားဖွားမီးယပ် အထူးကုဆရာဝန်နဲ့ သေချာစွာ ပြသဆွေးနွေးတိုင်ပင်ရပါမယ်…. 💖
______________________________________

📚 “သန္ဓေသား ပုံမှန်ထက်ကြီးထွားခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။

24/11/2025

✨ တက်တူးဖျက်တော့မှာလား? 🤔 မဖျက်ခင် ဒါတွေအရင်သိထားနော်!

တက်တူးထိုးထားတာကို ပြန်ဖျက်ဖို့က ရှုပ်ထွေးတဲ့ လုပ်ငန်းစဉ်တစ်ခုပါ။ ဘာလို့လဲဆိုတော့ အရေပြားရဲ့ အတွင်းလွှာအထိ ရောက်နေတဲ့ ဆေးမင်တွေက ဖယ်ရှားရတာဖြစ်ပြီး တစ်ကြိမ်ထဲနဲ့ မလုံလောက်ဘဲ အကြိမ်ကြိမ်ပြုလုပ်ဖို့ လိုအပ်နိုင်ပါတယ်။ တက်တူးဖျက်တဲ့ နည်းလမ်းက များစွာရှိပြီး တစ်မျိုးနဲ့တစ်မျိုး လုပ်ဆောင်တဲ့ပုံစံ မတူညီကြပါဘူး။

🛠️ တက်တူးဖျက်တဲ့ နည်းလမ်းအမျိုးမျိုး

● လေဆာဖြင့်တက်တူးဖျက်ခြင်း (Laser tattoo removal)
● အရေပြားအလွှာဖယ်ထုတ်ကုသခြင်း (Dermabrasion)
● ဓာတုပစ္စည်းဖြင့် အရေပြားကွာကျအောင်ပြုလုပ်ခြင်း (Chemical Peeling)
● အရေပြားခွဲစိတ်ဖယ်ရှားခြင်း (Surgical Excision)
● တက်တူးဖျက်သည့် ခရင်မ်များလိမ်းခြင်း
______________________________________

📌 တက်တူးမဖျက်မီ ကြိုတင်သိရှိထားသင့်တဲ့ အချက်များ

တက်တူးဆိုင်တွေ၊ အလှအပရေးရာဆိုင်တွေမှာ ဖျက်လို့ရပေမဲ့ မလုပ်ခင် အရေပြားအထူးကုဆရာဝန် (Dermatologist) နဲ့ အရင်ပြသပြီး ကိုယ့်အရေပြားအတွက် ဘယ်နည်းလမ်းကို အသုံးပြုသင့်တယ်ဆိုတာကို တိုင်ပင်ဆွေးနွေးသင့်ပါတယ်။ 👩‍⚕️

✨ တက်တူးဖျက်‌ဖို့ လိုအပ်တဲ့ အကြိမ်အရေအတွက်နှင့် ကုန်ကျစရိတ်ကိုလည်း ကြိုတင်ဆွေးနွေးထားသင့်ပါတယ်။ ကျန်းမာတဲ့ ဆေးလိပ်မသောက်သူတွေက ရလဒ်ကောင်း ပိုရနိုင်ပါတယ်။
______________________________________

⚠️ ဖြစ်လာနိုင်တဲ့ နောက်ဆက်တွဲ ဆိုးကျိုးများ

◼ အမာရွတ်ကျန်နိုင်ခြင်း
◼ အရေပြား ပိုးဝင်ခြင်း
◼ အရေပြား အရောင်ပြောင်းခြင်း
◼ အရေပြားယားယံခြင်း၊ နီခြင်း၊ ရောင်ခြင်း

ဒီအချက်အလက်တွေကို တက်တူးဖျက်ဖို့ စဉ်းစားနေတဲ့ သူငယ်ချင်းတွေအတွက် Share ပေးလိုက်ပါဦးနော်! 💖

______________________________________

📚 “တက်တူးဖျက်ခြင်း” အကြောင်း ကျန်းမာရေးဆောင်းပါးအပြည့်အစုံကို အကျယ်တဝင့် ပိုမိုသိရှိနိုင်စေဖို့ 👉“𝐂𝐋𝐋 𝐇𝐄𝐀𝐋𝐓𝐇 ကျန်းမာသုတ” မှာ ဝင်ရောက်ဖတ်ရှုလေ့လာနိုင်ပါတယ်။


#တက်တူး