https://www.facebook.com/284762895385385/

Resmed Myanmar, Zizawa Co. , Ltd. No 218, Bogyoke Aung San Road, Yangon (2026)

21/02/2026

ကျန်းမာရေးအတွက် အခြေခံ ✔
----------------------------------------
အသက်ရှည် ကျန်းမာရေးအတွက် အဓိက (၃)ချက် အရေးကြီးပါသည်။💢
၁) ကိုယ်လက်လှုပ်ရှား လေ့ကျင့်ခန်းလုပ်ပါ။🏃
၂) ကျန်းမာရေးနှင့်အညီ အာဟာရ ပြည့်ဝမျှတအောင်စားပါ။🍽
၃) အိပ်ရေးဝပါစေ။ 🛌

ဤနေရာတွင် အိပ်စက်ခြင်းနှင့်ပတ်သက်၍ အနည်းငယ် တင်ပြလိုပါသည်။ လူအချို့(အထူးသဖြင့် ဟောက်သောသူများ၊ အဝလွန်သူများ)တွင် အိပ်ပျော်စဥ် အသက်ရှုရပ်ခြင်း Sleep Apnea ရှိနေတတ်သည်။☝

ထိုသူများတွင် အိပ်ချိန် ပုံမှန်ရှိသော်လည်း အိပ်ပျော်စဥ် မကြာခဏ အသက်ရှုရပ်တတ်ခြင်းကြောင့် ဦးနှောက်မှ လိုအပ်သည့် အောက်ဆီဂျင် အပြည့်အဝ မရရှိနိုင်ပဲ နောက်တနေ့အိပ်ရေးမဝခြင်းမျိုး ဖြစ်တတ်ပြီး နောက်ဆက်တွဲရောဂါများ ဖြစ်ပေါ်လာနိုင်သည်။ 👈

ထိုကြောင့် အိပ်ပျော်စဥ်အသက်ရှုရပ်သူများ ဆရာဝန်နှင့် စစ်ဆေးကုသရန် လိုအပ်ပါသည်။ 🩺

20/02/2026

OSA ကုသနည်းများ ☝
----------------------------
Obstructive Sleep Apnea (OSA) သည်အိပ်ပျော်နေစဉ် အသက်ရှူရပ်ခြင်းဖြစ်ပြီး၊ သွေးတိုးရောဂါ၊ ဆီးချိုသွေးချို၊ နှလုံးရောဂါ စသည့် နောက်ဆက်တွဲပြဿနာများကို ဖြစ်စေနိုင်သည်။ 🫀

OSA အား အပျော့စား၊ အလယ်အလတ်နှင့် အပြင်းစားဟူ၍ အဆင့် ၃ ဆင့် ခွဲခြား သတ်မှတ်နိုင်သည်။ ထိုအဆင့်များအား အိပ်ပျော်နေစဉ် အသက်ရှူပိတ်ခြင်း၊ ဟောက်ခြင်းတ်ို့အား တိုင်းတာသည့် AHI ဟူသော ညွှန်းကိန်းဖြင့် သတ်မှတ်သည်။ 👈

💬AHI ညွှန်းကိန်း၏ တန်ဖိုးသည် 0 မှ 4 အတွင်း ရှိပါက ပုံမှန်ဟု သတ်မှတ်နိုင်ပြီး၊ ထိုသူသည် အိပ်ပျော်နေစဉ် အသက်ရှုပိတ်ခြင်း မရှိ သို့မဟုတ် မရှိသလောက် နည်းပါးနိုင်ပါသည်။

💬AHI ညွှန်းကိန်း၏ တန်ဖိုးသည် 5 မှ 14 အတွင်းရှိပါက ထိုသူသည် OSA အဆင့်-၁ သို့မဟုတ် OSA အနုစားဟု သတ်မှတ်နိုင်သည်။ ထိုအဆင့်တွင် ကိုယ်အလေးချိန်လျော့ခြင်း၊ လေ့ကျင့်ခန်းလုပ်ခြင်း၊ ဆေးလိပ်ဖြတ်ခြင်းတို့အား ပြုလုပ်ရမည်ဖြစ်သည်။ အခြားရောဂါအခြေအနေများအား ထည့်သွင်းစဉ်းစား၍ ကုသမှုများ လိုအပ်နိုင်သဖြင့် ဆရာဝန်နှင့် တိုင်ပင်ဆွေးနွေးသင့်ပါသည်။

💬AHI ညွှန်းကိန်းသည် 15 မှ 29 အတွင်းရှိနေပါက OSA အဆင့် - ၂ ဟု သတ်မှတ်မည်ဖြစ်ပြီး အလယ်အလတ်ဟု ဆိုန်ိုင်သည်။ ထိုအဆင့်တွင် CPAP လေတွန်းစက်အား အသုံးပြုရန် လိုအပ်လေ့ရှိပြီး ခံတွင်းနှင့် နှာခေါင်းအတွင်းထဲ့ရသည့် ဆေးပစ္စည်းများအားလည်း အခြေနေပေါ်မူတည်ပြီး အသုံးပြုနိုင်သည်။

💬 AHI ညွှန်းကိန်း တန်ဖိုးသည် ၃၀ အထက်သို့ ရောက်ရှိနေပါက ပြင်းထန်သော အခြေအနေဖြစ်ပြီး၊ OSA အဆင့်-၃ ဟု သတ်မှတ်န်ိုင်သည်။ ထိုအဆင့်တွင်မူ CPAP စက်အား မဖြစ်မနေတပ်ဆင်ရန် လိုအပ်ပြီး၊ ခွဲစိတ်ခြင်းနှင့် အခြားသော ကုသမှူများအားလည်း လိုအပ်နိုင်သည်။

သတိပြုရမည့် အချက်များမှာ -
🧠ကုသမှုများသည် လူတစ်ဦးနှင့်တဦးလိုအပ်ချက် ကွဲပြားနိုင်ပြီး၊ ဆရာဝန်ကုသမှု တခုတည်းဖြင့် လုံလောက်န်ိုင်မည် မဟုတ်ပါ။ မိမိကိုယ်တိုင်ပူးပေါင်းမှူ များစွာလိုအပ်ပါသည်။

🧠ကိုယ်အလေးချိန်ချခြင်းသည် OSA ကုသရာတွင် အရေးကြီးသည့် အချက်တစ်ခု ဖြစ်သည်။

🧠အရက်လျော့သောက်ခြင်း၊ ပက်လက်အိပ်စက်ခြင်းအား ရှောင်ကျဥ်ခြင်းတို့သည်လည်းအထောက်အကူပြုပေးပါသည်။

🧠အကယ်၍ နှာခေါင်း (သို့မဟုတ်) လည်ချောင်းအတွင်းတွင် ပိတ်ဆို့မှုများနေပါက ခွဲစိတ်ကုသခြင်းကို ထည့်သွင်းစဉ်းစားရမည် ဖြစ်သည်။

19/02/2026

OSA စက်ဝန်း 🛌
-------------------
OSA (Obstructive Sleep Apnea) ခေါ် အိပ်ပျော်စဉ် အသက်ရှူရပ်ခြင်းသည် အိပ်စက်နေစဉ် အသက်ရှူလမ်းကြောင်းတဝိုက်ရှိ ကြွက်သားများ ပြေလျော့လာပြီး အသက်ရှုလမ်းကြောင်းကို ပိတ်ဆို့ခြင်းကြောင့် ဖြစ်သည်။ OSA ရှိသူများသည် အိပ်ပျော်နေစဉ် အကြိမ်များစွာ အသက်ရှူရပ်လေ့ရှိပြီး ယင်းOSA စက်ဝန်းသံသရာမှာ အောက်ပါအတိုင်း ဖြစ်သည်။🔄

(၁) အသက်ရှူလမ်းကြောင်းရှိ ကြွက်သားများ ပျော့လာခြင်း၊ 🗣
အိပ်ပျော်စဉ်တွင်ဖြစ်စေ၊ နိုးထနေချိန်တွင်ဖြစ်စေ အသက်ရှူသောအခါ လေများသည် နှာခေါင်းနှင့် လည်ချောင်းကိုဖြတ်၍ လေပြွန်မှတဆင့် အဆုတ်အတွင်းသို့ ဝင်ရောက်သည်။ နိုးထနေချိန်တွင် အသက်ရှူလမ်းကြောင်းတစ်လျှောက်ရှိ ကြွက်သားများသည် လေပြွန်ပွင့်နေစေရန် ကောင်းစွာ အလုပ်လုပ်ကြသော်လည်း၊ အိပ်ပျော်သွားသောအခါ ခန္ဓာကိုယ်တခုလုံးရှိ ကြွက်သားများ ပြေလျော့လာခြင်းကြောင့် လေပြွန်တဝိုက်ရှိ ကြွက်သားများလည်း ပြေလျော့ပြီး လေပြွန်တဖြည်းဖြည်း ကျဉ်းလာတော့သည်။ ထိုသို့ အိပ်ပျော်စဥ် ကျဉ်းနေသောလေပြွန်အား လေများ ဖြတ်ဝင်ရသောအခါ လမ်းကြောင်းတစ်လျှောက်တွင် တုန်ခါခြင်းများဖြစ်ပေါ်ပြီး လူအများစု ကြုံရလေ့ရှိသော ဟောက်သံကို ဖြစ်ပေါ်စေပါသည်။

(၂) လေပြွန်ပိတ်၍ အသက်ရှူရပ်ခြင်း၊ 🧵
အချ်ို့သောလူများတွင် လေပြွန်ကျဉ်းခြင်း ပိုမိုဆိုးရွားတတ်သောကြောင့် လေပြွန်လုံးဝပိတ်ဆို့သည်အထိ ဖြစ်ပေါ်စေနိုင်ပြီး အသက်ရှူရပ်တန့်သွားပါသည်။

(၃) အောက်စီဂျင်ကျဆင်းခြင်း၊ ⭕
အသက်ရှူရပ်သောအခါ ခန္ဓာကိုယ်အတွက် အရေးကြီးသော အောက်စီဂျင်ကို လုံလောက်စွာ မရနိုင်တော့ပဲ သွေးတွင်းအောက်စီဂျင်ပမာဏ ကျဆင်းခြင်း ဖြစ်ပေါ်လာသည်။ ထိုအခြေအနေတွင် ခန္ဓာကိုယ်၏ အရေးကြီးသည့် အစိတ်အပိုင်းများ Oxygen ရရှိနိုင်စေရန် နှလုံးသည် ပုံမှန်ထက် အလုပ်ပိုမို လုပ်ဆောင်ပေးလာရသည်။

(၄)ဦးနှောက်သို့ သတင်းပို့ခြင်း၊🧠
ခန္ဓာကိုယ် အောက်စီဂျင် မလုံလောက်မှုကြောင့် နှလုံးမှ အလုပ်ပိုမိုလုပ်ရသောအခါ ဦးနှောက်မှ သတင်းရရှိပြီး၊ အိပ်ပျော်နေသူ၏ ခန္ဓာကိုယ်အား နိုးထစေရန် ခိုင်းစေမည်ဖြစ်သည်။

(၅) ခေတ္တနိုးထ၍ အသက်ရှူခြင်း၊💨
အသက်ရှူမဝချိန်တွင် ဦးနှောက်မှ သတင်းရရှိပြီး ဦးနှောက်၏စေခိုင်းမှူဖြင့် လူသည် အနည်းငယ်မျှ အိပ်တဝက် နိုးထလွန့်လူးလာပြီး အသက်ရှူရန် ကြိုးစားမည်ဖြစ်သည်။ ထိုသို့ နိုးထချိန်သည် စက္ကန့်ပိုင်းမျှသာ ဖြစ်၍ များသောအားဖြင့် သတိထားမိရန် ခက်ခဲပြီး နံနက်နိုးထချိန်မှသာလျှင် အိပ်ရေးမဝသော ခံစားချက်အား ဖြစ်ပေါ်စေသည်။

(၆) ပုံမှန်အသက်ရှူပြီး ပြန်လည်အိပ်ပျော်ခြင်း၊💤
အိပ်ပျော်နေချိန် မိမိကိုယ်တိုင် သတိမထားမိပဲ လန့်နိုးခြင်းမျိုး ဖြစ်သော်လည်း ကြွက်သားများ အလိုအလျောက် အလုပ်လုပ်ခြင်းကြောင့် လေပြွန်ပြန်လည် ပွင့်သွားပြီး အောက်စီဂျင် လုံလောက်စွာ ပြန်လည်ရရှိခြင်းကြောင့် ပြန်၍ အိပ်ပျော်သွားမည်ဖြစ်သည်။

ဆက်လက်အိပ်ပျော်ပြီး နောက်တဖန် ကြွက်သားများ ပြန်လည်လျော့ကျလာချိန်တွင် အဆင့်(၁)သို့ ပြန်လည်ရောက်ရှိကာ OSA စက်ဝန်း ပြန်၍ လည်ပတ်မည် ဖြစ်သည်။ 👈

CPAP လေတွန်းစက်သည် အိပ်ပျော်နေစဉ် ကြွက်သားများ ပြေလျော့လာသောကြောင့် အသက်ရှူလမ်းကြောင်း ကျဥ်းလာသည့်အခါ လေတွန်းအားဖြင့် အသက်ရှူလမ်းကြောင်း မပိတ်ဆို့စေရန် တားဆီးကာကွယ်ပေးခြင်း၊ ပိတ်သွားပါက ပြန်ပွင့်စေခြင်းတို့ကို လုပ်ဆောင်ပေးသည်။ ✔
OSA ရှိသူများအတွက် CPAP လေတွန်းစက်ဖြင့်အိပ်စက်ခြင်းသည် လွယ်ကူထိရောက်၍ အကျိုးများသော စံကုထုံးတစ်ခု ဖြစ်ပါသည်။👍

18/02/2026

OSA ကြောင့် ဖြစ်နိုင်သည့် နောက်ဆက်တွဲများ။
------------------------------------------------------------
လူအတော်များများ အိပ်လျင် ဟောက်တတ်ကြသည်။ အိပ်ပျော်နေစဥ် ဟောက်သူ အမျိုးသား ၁၀ယောက်တွင် ၃ယောက်၊ အမျိုးသမီး ၁၀ယောက်တွင် ၂ယောက်သည် အိပ်ပျော်စဥ်အသက်ရှုရပ်ခြင်း OSA (Obstructive Sleep Apnoea) ကို ခံစားနေရသည်။ 🛌
ဟောက်တတ်ခြင်းကို လူမှုရေးပြသနာအဖြစ်ရှုမြင်လေ့ရှိကြသော်လည်း တကယ်တော့ "အိပ်နေစဥ်အသက်ရှုရပ်ခြင်း"သည် အခြားနောက်ဆက်တွဲ ကျန်းမာရေးပြသနာများစွာကို ဖြစ်ပေါ်စေနိုင်သည်။ 👨‍⚕️
အဝလွန်ခြင်း၊ နှလုံးညှစ်အားကျခြင်း၊ လေဖြတ်/လေဖြန်းခံရခြင်း၊ သွေးတိုးခြင်း၊ နှလုံးခုန်မမှန်ခြင်း၊ မှတ်ဥာဏ်ကျဆင်းခြင်း၊ စိတ်ကျရောဂါ နှင့် အမျိုးသားများတွင် လိင်စွမ်းဆောင်ရည်ကျဆင်းခြင်း အစရှိသည့် ကျန်းမာရေးပြသနာများ ဖြစ်ပေါ်စေနိုင်ပါသည်။ ❗
သွေးချိုဆီးချိုရောဂါ ရှိနေသူများ၏ ထက်ဝက်ကျော်တွင်လည်း Obstructive Sleep Apnoea (OSA) ရှိနေတတ်ပြီး ဆေးမတိုးသည့် သွေးတိုးရောဂါရှိသူ ၇၅% တွင် OSA ရှိနေတတ်သည်။ 🛌
OSA ကို ကိုယ်အလေးချိန်လျော့ချခြင်း၊ ခွဲစိတ်ကုကခြင်း၊ CPAP အပါအဝင် ကိရိယာများဖြင့် ကုသနိုင်ပါသည်။ 👈
ResMed သည် Australia နိုင်ငံရှိ ကမ္ဘာ့ထိပ်တန်း CPAP ထုတ်လုပ်သည့် ကုမ္ပဏီကြီးဖြစ်ပါသည်။ ကမ္ဘာပေါ်တွင် ပထမဆုံး CPAP စတင်ထုတ်လုပ်ခဲ့သည့် ကုမ္ပဏီကုီးလည်းဖြစ်ပါသည်။ ✔
သင် အိပ်နေစဥ် ဟောက်တတ်ပါက OSA ရှိ/မရှိကို ဆရာဝန်နှင့် ဆွေးနွေးတိုင်ပင်ပြီး စမ်းသပ်စစ်ဆေးမှုပြုလုပ်နိုင်ပါသည်။ 👨‍⚕️

17/02/2026

OSA ကို သတိပြုပါ။❗

အိပ်ပျော်စဥ်အသက်ရှုရပ်ခြင်း (OSA) ရှိသူများ၌ ညဖက်တွင် အသက်ရှုရပ်တတ်ခြင်းကြောင့် သွေးတွင်းOxygen ကျဆင်းနိုင်ပါသည်။ ❤

ယေဘူယအားဖြင့် OSA သည် နေ့ဖက် ငိုက်မြည်းခြင်း၊ အာရုံမစူးစိုက်နိုင်ခြင်း၊ စိတ်ကျရောဂါ၊ ကိုယ်ခံစွမ်းအားမကောင်းခြင်းတို့အပြင် .. အဝလွန်ခြင်း၊ ဆီးချိုသွေးချိုရောဂါ၊ သွေးတိုး၊ လေဖြတ်ခြင်း အစရှိသည့်ရောဂါများနှင့်လည်း ဆက်စပ်လေ့ရှိသည်။ 🧠

သို့သော် OSA (Obstructive Sleep Apnea) ရှိသူ အတော်များများသည် မိမိ၌ အိပ်ပျော်စဥ်အသက်ရှုရပ်ခြင်းရှိနေသည်ကို သိလေ့မရှိကြပေ။ ❗❓

အထူးသဖြင့် အိပ်ပျော်စဥ်ဟောက်လွန်းသူများ၊ အဝလွန်သူများတွင် OSA (အိပ်ပျော်စဥ်အသက်ရှုရပ်ခြင်း) ရှိနေတတ်ကြသည်။ အမျိုးသားများတွင် ပိုမို အဖြစ်များလေ့ရှိသည်။ 👨

မိမိတွင် ဖော်ပြထားသည့် လက္ခဏာအတော်များများ ရှိနေပါက OSA ရှိနေနိုင်ပါသည်။ 👆
OSA ရှိ/မရှိကို ဆရာဝန်နှင့် ပြသဆွေးနွေးပြီး၊ လိုအပ်ပါက PSG (Polysomnograph) ဖြင့် တိုင်းတာစစ်ဆေးခြင်းဖြင့် သိရှိနိုင်ပါသည်။👈

OSA ရှိနေပါက ကိုယ်အလေးချိန်လျော့ခြင်း၊ လေ့ကျင့်ခန်းလုပ်ခြင်းတို့ပြုလုပ်ရမည့်အပြင်၊ CPAP လေတွန်းစက်ဖြင့် အိပ်စက်ခြင်းဖြင့် အိပ်ပျော်စဥ်အသက်ရှုရပ်ခြင်းကို ကုသဖြေရှင်းပေးနိုင်မည်ဖြစ်ပါသည်။ OSA ၏ နောက်ဆက်တွဲရောဂါများကိုလည်း လျော့ချကာကွယ်နိုင်မည် ဖြစ်ပါသည်။👌

16/02/2026

CPAP ဆိုသည်မှာ ..✌
--------------------------

CPAP ဆိုသည်မှာ Continuous Positive Airway Pressure ၏ အတိုကောက်ဖြစ်ပါသည်။ CPAP သည် လေတွန်းစက်ဖြစ်ပြီး၊ ညအိပ်စဥ် အသက်ရှုရပ်ခြင်း (Sleep Apnea) ရှိသူများအတွက် စံကုထုံးတခု ဖြစ်ပါသည်။

Sleep Apnea
--------------------

ကမ္ဘာပေါ်ရှိ အသက်ပြည့်ပြီးသူ ၇ယောက်တွင် ၁ယောက်ခန့် အိပ်ပျော်စဥ်အသက်ရှုရပ်လေ့ရှိပါသည်။ အများအားဖြင့် အသက်ရှုလမ်းကြောင်းရှိ ကြွက်သားများ လျော့ကျလာခြင်းကြောင့် အသက်ရှုလမ်းကြောင်းပိတ်ဆို့ပြီး အသက်ရှုရပ်တန့်ခြင်း(Obstructive Sleep Apnea) အဖြစ်များပါသည်။ ရေရှည်တွင် ကိုယ်အလေးချိန်တက်ခြင်း၊ သွေးတိုး၊ ဆီးချိုသွေးချို၊ နှလုံးရောဂါ၊ လေဖြတ်ခြင်း စသည်တို့ကို ဖြစ်စေနိုင်ပါသည်။ 🧠♥

ထိုကြောင့် Sleep Apneaကို ကုသမှုခံယူဖို့လိုအပ်ပါသည်။ ကိုယ်အလေးချိန်လျော့ခြင်း၊ လေ့ကျင့်ခန်းလုပ်ခြင်းအပြင်၊ မေးရိုးထောက်ကိရိယာသုံးခြင်း၊ CPAP ခေါ်လေတွန်းစက်ဖြင့် အိပ်စက်ခြင်း၊ ခွဲစိတ်ကုသခြင်းများဖြင့် ကုသပေးနိုင်ပါသည်။

CPAP
---------

ဤနေရာတွင် CPAP အကြောင်း အနည်းငယ်ရှင်းလင်း တင်ပြလိုပါသည်။ CPAP လေတွန်းစက်သည် Sleep Apnea ရှိသူများ အိပ်နေစဥ် ခန္ဓာကိုယ်မှ လိုအပ်သည့်လေကို အဆုတ်မှ ရရှိစေနိုင်အောင် လူအသက်ရှုသည့် စီးချက်နှင့်အညီ လေကို အတိုးအလျော့ လိုသလို တွန်းပေးနိုင်သည့် စက်ဖြစ်ပါသည်။ CPAP လေတွန်းစက်ကို လေပိုက်၊ မျက်နှာအုပ် Mask စသည့် အထောက်အကူပြုပစ္စည်းများနှင့် တွဲဖက်၍ သုံးစွဲရပါသည်။ ⚡

လေတွန်းစက်မှ တွန်းထုတ်လိုက်သောလေကို လေပိုက်နှင့် Mask တို့က မျက်နှာအုပ် (သို့မဟုတ်)နှာခေါင်းအုပ်တို့မှတဆင့် အသက်ရှုလမ်းကြောင်းအတွင်း ရောက်ရှိစေပြီး၊ ယင်းလေတွန်းအားကြောင့် ပိတ်ဆို့နေသော အသက်ရှုလမ်းကြောင်း ပြန်ပွင့်သွားပြီး ခန္ဓာကိုယ်ကို လေလုံလုံလောက်လောက် ရစေခြင်းဟု ယေဘုရအားဖြင့် ဆိုနိုင်ပါသည်။ 👌

ခေတ်မှီ CPAP များတွင် ခန္ဓာကိုယ်မှ လေရှုသွင်းရှုထုတ်ခြင်းကိုသာမက၊ မည်သည့် စီးချက်နှင့် မည်မျှ လေတွန်းရမည်ကို စက်မှ အလိုအလျှောက် သိရှိပြီး၊ ခန္ဓာကိုယ်မှ လိုအပ်သလို လုပ်ဆောင်ပေးနိုင်ပါသည်။ ဥပမာအားဖြင့် အသက်ရှုလမ်းကြောင်း ပိတ်ဆို့သွားသည့်အခါမျိုးတွင် ပွင့်သွားအောင် လေအားပြင်းပြင်းတွန်းပေးပြီး၊ အသက်ရှုလမ်းကြောင်း မပိတ်ပါက ညင်သာစွာဖြင့် လေအနည်းငယ်မျှသာ တွန်းထုတ်ပေးပါသည်။ ✔

ထိုကြောင့် CPAP စက်၏ ခန္ဓာကိုယ်လိုအပ်ချက်ကို သိနားလည်နိုင်စွမ်းနှင့် တုန့်ပြန်နိုင်စွမ်းတို့ စသည့် နည်းပညာများ အရေးကြီးသလို၊ ညအချိန်ဖြစ်၍ စက်သံ တိုးတိတ်ညင်သာဖို့လည်း လိုပါသည်။ ညလုံးပေါက် ကာလ ကြာရှည်သုံးရသည့် စက်ဖြစ်၍ ဘေးကင်းလုံခြုံရေး အရေးကြီးသလို၊ အသုံးပြုရလွယ်ကူပြီး တာရှည်အသုံးခံဖို့လည်း အရေးကြီးပါသည်။✔
CPAP စက်မှတွန်းပို့ပေးသောလေကြောင့် အာခေါင်မခြောက်စေရန် လေ၏စိုထိုင်းဆကို တိုးမြှင့်ပေးသည့် ရေကန်ကို CPAPတွင် တွဲဖက်တပ်ဆင်၍ အသုံးပြုနိုင်ပါသည်။💧

တကယ်တော့ ResMed သည် ကမ္ဘာပေါ်တွင် CPAP စက်များကို ပထမဆုံး စတင်တီထွင် ထုတ်လုပ်ရောင်းချခဲ့သည့် အတွေ့အကြုံအရှိဆုံး ကုမ္ပဏီကြီးတခုလည်း ဖြစ်ပါသည်။ ယနေ့အခါမှာလည်း ကမ္ဘာ့အကြီးဆုံး CPAP စက်များ ထုတ်လုပ်သည့် ကုမ္ပဏီကြီး ဖြစ်ပါသည်။👍

ဆက်လက်၍ စက်နှင့် သုံးစွဲသူအကြားတွင်ရှိသည့် ကြားခံ Mask နှင့် Tubing တို့သည်လည်း အရေးကြီးကြောင်း တင်ပြလိုပါသည်။

Tubing
-----------

Tubing (လေပိုက်)သည် ပုံမှန်သန့်ရှင်းရေး ပြုလုပ်ရန် ဖြုတ်/တတ်ရ လွယ်ကူသင့်ပြီး၊ ကြာရှည်လည်း အသုံးခံသင့်ပါသည်။ CPAP စက်မှ ပေးပို့သည့်လေအား ခန္ဓာကိုယ်သို့ အပြည့်အဝ ရောက်ရှိစေရန် ပိုက်ကွေးကောက်ခြင်း၊ ပေါက်ပြဲခြင်းမျိုး အလွယ်တကူ မဖြစ်စေရန် လိုအပ်ပါသည်။

ထို့ပြင် ResMed မှထုတ်သော CPAP ပိုက်သည် လုံးပတ်အရွယ်အစား အသေးငယ်ဆုံးဖြစ်အောင် စီမံထားနိုင်၍ ညအိပ်ရာတွင် သက်တောင့်သက်သာဖြစ်စေပြီး လူကြိုက်များပါသည်။

Mask
----------

Mask သည် လေလုံစေမှု၊ ပျော့ပြောင်းနူးညံမှု ရှိဖို့၊ အိပ်သည့် ပုံစံနှင့် ကိုက်ညီမှုရှိဖို့၊ အနံ့အသက်ကင်းစေဖို့၊ တာရှည်အသုံးခံဖို့ လိုအပ်ပါသည်။ တကယ်တော့ CPAP စက်မည်မျှပင် ကောင်းစေကာမူ တညလုံးတပ်ထားရသည့် မျက်နှာပေါ်မှ Mask နှင့် အဆင်ပြေမှသာ CPAP ကုထုံး အောင်မြင်နိုင်မည် ဖြစ်သည်။💢

ResMed မှ စီလီကွန်Mask များသည် ကမ္ဘာပေါ်တွင် သုံး၍အကောင်းဆုံး လူကြိုက်အများဆုံး Mask များလည်းဖြစ်ပြီး၊ လိုအပ်ချက်နှင့် ကိုက်ညီစေရန် ပုံစံအမျိုးမျိုး အရွယ်အစားအမျိုးမျိုး ထုတ်လုပ်ပေးထားပါသည်။ 💖

အချုပ်အားဖြင့် အိပ်ပျော်စဥ်အသက်ရှုရပ်ခြင်း(Sleep Apnea)ရှိပါက ဆရာဝန်နှင့် ဆွေးနွေးတိုင်ပင်သင့်ပြီး၊ လိုအပ်ပါက ဆရာဝန်မှ Sleep Test ပြုလုပ်ရန် ညွှန်ကြားပေးနိုင်ပါသည်။ Sleep Test ပြုလုပ်ခြင်းဖြင့် Sleep Apnea ရှိ/မရှိ နှင့် အိပ်ပျော်စဥ်အခြေအနေများကို သိရှိနိုင်မည်ဖြစ်ပြီး လိုအပ်ပါက ဆရာဝန်မှ CPAP သို့မဟုတ် အခြားကုထုံးများနှင့်ကုသရန် ညွှန်ကြားဆောင်ရွက်ပေးမည်ဖြစ်ကြောင်း တင်ပြလိုက်ပါသည်။👨‍⚕️

15/02/2026

Sleep Apnea (သို့မဟုတ်)
အိပ်နေစဥ် အသက်ရှုရပ်ခြင်း 💤
-------------------------------------
လူအတော်များများ အိပ်ပျော်စဥ် ဟောက်တတ်ကြပါသည်။ ဟောက်တတ်သူ အတော်များများသည်လည်း အိပ်နေစဥ် အသက်ရှုရပ်တတ်ပါသည်။ 🛌

အိပ်ပျော်စဥ်အသက်ရှုရပ်ခြင်းကို Obstructive Sleep Apnea (OSA)ဟုခေါ်ပါသည်။ ဟောက်သံကြောင့် ပါတ်ဝန်းကျင်ကို အနှောက်အယှက် ဖြစ်စေရုံသာမက OSA ရှိသူများတွင် ခန္ဓါကိုယ်မှ လိုအပ်သည် အောက်ဆီဂျင်ဓါတ် လိုသလောက် မရရှိ၍ အောက်ပါ နောက်ဆက်တွဲဆိုးကျိုးများနှင့် ပူးတွဲဖြစ်ပေါ်လာတတ်ပါသည်။ 💥

၁) နေ့ခင်းတွင် အိပ်ငိုက်နေခြင်း၊
၂) သွေးတိုးခြင်း၊
၃) နှလုံးရောဂါဖြစ်ခြင်း၊
၄) လေဖြတ်ခြင်း၊
၅) မှတ်ဥာဏ် ချို့ယွင်းလာခြင်း၊
၆) စိတ်ဓါတ်ကျခြင်း၊
၇) သွေးချို၊ ဆီးချိုရောဂါ၊
၈) မျက်စိရေတိမ်ဖြစ်ခြင်း၊
၉) ည နှစ်ချိုက်စွာ အိပ်၍မရခြင်း၊
၁၀) လိင်စွမ်းဆောင်မှု ကျဆင်းခြင်း။

👉Sleep Apnea သည် -
⭕အမျိုးသားများ
⭕အဝလွန်သူများ
⭕မေးရိုးတိုသူများ
⭕အာသီးကြီးသူများ
⭕မျိုးရိုးရှိသူများတွင် ပိုဖြစ်တတ်ပါသည်။

နေ့ဖက်တွင် ငိုက်မြည်းခြင်းကြောင့် ယာဥ်တိုက်မှုများ ဖြစ်ပေါ်နိုင်သလို၊ နောက်ဆက်တွဲ ကျန်းမာရေး ဆိုးကျိုးများ၏ဒဏ်ကိုလည်း ခံစားရပြီး သက်တန်း တိုပါလိမ့်မည်။ ထိုကြောင့် သင်အိပ်နေစဥ် ဟောက်တတ်ပါက OSA ရှိ/မရှိကို ဆရာဝန်နှင့် ဆွေးနွေးတိုင်ပင်ပြီး စမ်းသပ်စစ်ဆေးမှုပြုလုပ်နိုင်ပါသည်။ 👨‍⚕️

အကယ်၍ OSA ရှိပြီး ကုသမှုခံယူဖို့လိုအပ်ပါက -❗❓
၁) ကိုယ်အလေးချိန်လျော့ချခြင်း
၂) အခြားရောဂါများပါ စစ်ဆေးကုသခြင်း
၃) နှာခေါင်း၊ လည်ချောင်း၊ မေးရိုး ခွဲစိတ်ကုသခြင်း
၄) CPAP စသည့် ကိရိယာများဖြင့်ကုခြင်း
- စသည်ဖြင့် ကုသနိုင်ပါသည်။ ✔

CPAP လေတွန်းစက် အသုံးပြုခြင်းမှာ OSA ၏ အဓိက ကုထုံးတခု ဖြစ်ပါသည်။ CPAP (Continuous Positive Airway Pressure) ဆိုသည်မှာ အိပ်ပျော်နေသည့်အချိန်တွင် အသက်ရှုလမ်းကြောင်းပွင့်စေရန် လေတွန်းပေးသောစက်ပင်ဖြစ်ပါတယ်။ အသက်ရှုလမ်းကြောင်းပိတ်သည့်ပမာဏပေါ်မူတည်၍ လေဖိအားအတိုးအလျှော့လုပ်၍ လေတွန်းပေးပါတယ်။ 🏥

CPAP စက်ကိုလူနာရဲ့နှာခေါင်း(သို့) နှာခေါင်းနှင့်ပါးစပ်ကိုပါအုပ်ပေးသော ပုံစံအမျိုးမျိုးရှိသည့် mask နှင့်ဆက်ထားပေးပြီး mask ကိုဦးခေါင်းမှာမြဲနေစေရန်အတွက် ကြိုးနှင့်သိုင်းထားပါသည်။ တပ်ရဖြုတ်ရလွယ်ကူ၍ သက်တောင့်သက်သာအိပ်နိုင်ရန်ပြုလုပ်ထားပြီး OSA ရောဂါရှိသူများအနေဖြင့် မိမိတို့အိပ်သည့်အချိန်တိုင်း နေ့ဖြစ်စေ၊ညဖြစ်စေ စက်ကိုတပ်၍ အိပ်ရန်လိုအပ်ပါသည်။ 👈

CPAP စက်ဖြင့် လေကို အဆုတ်ထဲသို့ လိုအပ်သလို တွန်းပို့ပေးခြင်းအားဖြင့် ခန္ဓါကိုယ်အတွက် အောက်ဆီဂျင်ကို ရရှိစေပြီး အထက်ဖော်ပြပါ Sleep Apnoea ၏ နောက်ဆက်တွဲ လက္ခဏာများကိုလည်း လျော့ကျစေနိုင်ပါသည်။ နှစ်ချိုက်စွာ အိပ်ပျော်စေပြီး၊ နိုးထချိန်တွင်လည်း အိပ်ရေးဝ၍ လန်းဆန်းနေစေပါသည်။ အသက်ရှည် ကျန်းမာစေပါသည်။ 🏃‍♂️

ResMed
-------------
ResMed သည် ကမ္ဘာပေါ်တွင် CPAP စက်များကို စတင် တီထွင်ထုတ်လုပ်ခဲ့သော ဦးဆောင် ကုမ္မဏီကြီးဖြစ်ပါသည်။ အရည်အသွေး အဆင့်အတန်းမြင့် နောက်ဆုံးပေါ် ResMed CPAP စက်များ ယခုအခါ မြန်မာပြည်တွင် ရရှိနိုင်ပြီဖြစ်ကြောင်း သတင်းကောင်းပါးအပ်ပါသည်။ 👍

14/02/2026

👉အရေးကြီးသည့် CPAP သန့်ရှင်းရေး

ညစဥ်အသုံးပြုသော CPAP နှင့် ဆက်စပ်ပစ္စည်းများကို သန့်ရှင်းရေး ပုံမှန်ပြုလုပ်ရန် အလွန် အရေးကြီးပါသည်။☝

အဘယ်ကြောင့်ဆိုသော် CPAP နှင့် Mask, လေပိုက် စသည့် ဆက်စပ်ပစ္စည်းများကို ထိတွေ့ကိုင်တွယ်မိခြင်း၊ ဖုန်တက်ခြင်း၊ ကြမ်းပြင်ပေါ်ကျခြင်း၊ Mask ပေါ်သို့ အခြားသူတယောက်မှ ချောင်းဆိုးမိခြင်း စသည်တို့ဖြစ်နိုင်ပြီး ပုံမှန်သန့်ရှင်းရေးမလုပ်ပါက အသက်ရှုလမ်းကြောင်းသို့ စက်မှတဆင့် ပိုးများဝင်ရောက်သွားနိုင်ပါသည်။🦠

ထို့ပြင် စက်တွင် လေကို မခြောက်သွေ့စေရန် စိုထိုင်းဆ မြှင့်တင်ပေးသည့် ရေကန်လည်းပါရှိရာ ထိုအသုံးပြုပြီးရေကို နေ့စဥ်လဲလှယ်ပြီး ရေကန်ကို သေချာစွာ အခြောက်ခံဖို့ လိုအပ်ပါသည်။ သို့မဟုတ်ပါက ရေကန်တွင် ပိုးမွှားများ ပေါက်ပွားနိုင်ပါသည်။ လေစစ်ဇကာတွင်လည်း ပိုးမွှားများ ကပ်ညိနေနိုင်၍ အချိန်မှန် လဲလှယ်ပေးသင့်ပါသည်။❄

CPAP ဆက်စပ်ပစ္စည်း သန့်ရှင်းစင်ဆေးကြောရေးသည် မိနစ် အနည်းငယ်မျှသာ ကြာသည့် ကိစ္စဖြစ်သော်လည်း လွန်စွာ အရေးကြီးပါသည်။⌚

CPAP စက်ကို
💧 သောက်ရေသန့်
🧼 ဆပ်ပြာပျော့
🧻 သန့်စင်သောအဝတ်၊ တစ်သျှူးတို့ဖြင့် သန့်စင်နိုင်ပါသည်။

အကယ်၍ CPAP ဆက်စပ်ပစ္စည်း မသန့်စင်ပါက ပိုးမွှားများ အသက်ရှူလမ်းကြောင်း မှတဆင့် ခန္ဓာကိုယ်သို့ ဝင်ရောက်နိုင်ပြီး၊ လည်ချောင်းနာခြင်း၊ နှာခေါင်းပိတ်ခြင်း၊ ချောင်းဆိုးနှာချေခြင်း၊ ဖျားနာခြင်း၊ ဓါတ်မတဲ့ခြင်း၊ အရေပြား ယားယံခြင်းများ ဖြစ်ပေါ်စေနိုင်ပါသည်။🗣

ထိုကြောင့် မလိုလားအပ်သည့် အခြားကျန်းမာရေးပြဿနာများ မဖြစ်စေရန် CPAP ဝယ်ယူစဥ်က ပါရှိသော စာအုပ်တွင် ညွှန်ကြားထားသည့်အတိုင်း CPAP နှင့် ဆက်စပ်ပစ္စည်းများ သန့်စင်ရေးကို ပုံမှန်ပြုလုပ်ပေးဖို့ အရေးကြီးကြောင်း တင်ပြအပ်ပါသည်။👍

13/02/2026

CPAP Mask လေမလုံလျှင် ဖြေရှင်းရန်နည်းများ ✔

CPAP Mask လေမလုံခြင်းသည် အဖြစ်များသော ဖြစ်ရပ်တစ်ခုဖြစ်ပြီး၊ CPAP ဖြင့် အိပ်နေစဉ်အတွင်း အနှောင့်အယှက်များ ဖြစ်စေပါသည်။ 💥

CPAP Mask လေမလုံလျှင် လေပြွန်မှတဆင့် တွန်းထားပေးသော ဖိအားသည် လုံလောက်မှုမရှိသောကြောင့် CPAP စက်မှ လေဖိအား ပို၍တွန်းစေသည်။ ထိုအခါ အသုံးပြုသူသည် Mask နှင့် သဟဇာတ မဖြစ်တော့ပဲ၊ Mask ၏ လေမလုံသောနေရာများတွင် ပြင်းထန်သော လေအားကို ခံစားရပါသည်။ 🛫

CPAP Mask လေမလုံစေသော အဓ်ိက အကြောင်းအရင်းများမှာ -

(၁) Mask များ ဟောင်းနွမ်းခြင်း
--------------------------------------------
နိုင်ငံတကာစံညွှန်းများအရ CPAP mask သည် ၃ လ သို့မဟုတ် ၆ လ တွင် အမြဲလဲလှယ်သင့်ပါသည်။ ☝
Maskအား ပြုလုပ်ထားသော စီလီကွန်၏ အရည်အသွေး ထောက်ခံချက်မှာ ၆ လ မျှသာ ဖြစ်ပြီး ထို့ထက်ပို၍ အသုံးပြုပါက စီလီကွန်များ မာလာခြင်း၊ ပါးလာခြင်းတို့ကို ဖြစ်စေနိုင်ပြီး၊ အခန့်မသင့်ပါက ပေါက်ပြဲခြင်း၊ ကွဲအက်ခြင်းများကိုပါ ဖြစ်စေနိုင်ပါသည်။ 💢

ခေါင်းသိုင်းကြိုး၏ ရုန်းဆန့်နိုင်အား (Elasticity) ကိုလည်း လျော့ကျစေပြီး၊ ညအိပ်ချိန်တွင် ခေါင်းမှ ကျွတ်ကျခြင်းများလည်း ဖြစ်နိုင်ပါသည်။ 💤

တကယ်တော့ Mask အဟောင်းသုံးခြင်းသည် အသုံးပြုသူအား သက်တောင့်သက်သာ မဖြစ်စေရုံသာမက အန္တရာယ်ရှိသော အခြေနေလည်း ဖြစ်စေနိုင်ပါသည်။ ⚠

(၂) သင့်တော်မှု မရှိခြင်း
--------------------------------
မိမိနှင့် သင့်တော်သည့် Maskကို မရွေးချယ်မိခြင်းကြောင့်လည်း အဆင်မပြေမှုများ ဖြစ်တတ်ပါသည်။ 👈
နှာခေါင်းတွင်းသို့ ခေါင်းဦးလေအိတ် ကဲ့သို့သော Nasal Pillow Mask များသည် စိတ်ရှုပ်မခံလိုသော အသုံးပြုသူများအတွက် ပိုမိုသင့်တော်ပြီး၊ အသက်ရှုဧရိယာ ကျယ်ဝန်းစွာ လိုချင်သောသူများအတွက်မူ နှာခေါင်းအား အုပ်ပေးသော နှာခေါင်းအုပ် Nasl Mask များသည် ပို၍ သင့်တော်နိုင်ပါသည်။ 👃

အကယ်၍ သင်သည် ပုံမှန်အချိန်တွင် နှုတ်ခမ်းစေ့နေအောင် ပိတ်မရခြင်း၊ အလိုအလျောက် နှုတ်ခမ်းဟနေခြင်းများရှိပါက နှာခေါင်းသာမက ပါးစပ်နှင့်ပါ အသက်ရှူ၍ရသော Full Face Mask ကို ရွေးချယ်သင့်ပါသည်။ မိမိ၏ မျက်နှာပုံသဏ္ဍန်နှင့် အိပ်စက်ပုံများကို ထည့်သွင်းစဉ်းစားပြီး သင့်တော်သော Mask အား ရွေးချယ်သုံးစွဲခြင်းဖြင့် လေမလုံသည့် ပြဿနာအား လျော့နည်းစေနိုင်ပါသည်။ ✔

(၃) သန့်ရှင်းမှူ မရှိခြင်း
-------------------------------
CPAP Maskအား အသုံးပြုသောအခါတိုင်းတွင် Mask ရှိ အညစ်အကြေးများ၊ ဖုန်မှုန့်များသည် မ်ိမိ၏ မျက်နှာ၊ နှာခေါင်းနှင့် တိုက်ရိုက်ထိတွေ့လေ့ရှိသောကြောင့် Mask သန့်ရှင်းရေး ပုံမှန်ပြုလုပ်ပေးရပါမည်။ CPAP Mask အား နေ့စဉ် သန့်ရှင်းရန် မေ့လျောပါက လေထွက်ရန် အပေါက်လေးများတွင် အညစ်ကြေးများ ပ်ိတ်ဆို့နိုင်ပြီး Mask အတွင်း၌ ဖိအားပ်ိုမ်ိုများလာစေနိုင်ပါသည်။ 🍼

ထိုအခါ အချို့သော လေပိတ်အဖုံးလေးများအား ကျိုးပြတ်စေနိုင်ပြီး လေမလုံခြင်းကို ဖြစ်စေပါသည်။ထို့ကြောင့် Mask အား နေ့စဉ် ဆေးကြောပေးရန် လိုအပ်ပါသည်။🥜

(၄) အိပ်စက်မှုပုံစံ နှင့် Mask ရွေးချယ်ခြင်း
-----------------------------------------------------------
အကယ်၍ သင်သည် အိပ်စက်ရာတွင် မကြာခဏလှည့်တတ်သူဖြစ်ပြီး Nasal Pillow ကဲ့သို့သော ချွတ်ရတပ်ရလွယ်သော Mask ကို ရွေးချယ်ထားပါက၊ အိပ်စက်နေစဉ်အတွင်း Mask နေရာရွှေ့ခြင်း၊ ပြုတ်ခြင်းများ ဖြစ်နိုင်ပါသည်။ Mask ကို အလွယ်တကူ ပြန်လည်နေရာချနိုင်သော်လည်း အကယ်၍ Mask ပြန်မတပ်မိပဲ ဆက်လက်အိပ်မောကျနေပါက Mask မလုံခြင်းကို ဖြစ်စေနိုင်ပါသည်။ ☁

ထို့ကြောင့် Mask ရွေးချယ်ရာတွင် မိမိ အိပ်စက်မှူပုံစံအား ထည့်သွင်းစဉ်းစားခြင်းဖြင့် Mask လေမလုံစေသော ပြဿနာအား အထိုက်အလျောက် လျော့နည်းစေနိုင်မည် ဖြစ်သည်။ 👌

အချုပ်အားဖြင့် ဆိုရသော် ..
CPAP Mask လေမလုံခြင်းသည် ဖြစ်တတ်သည့် ပြသနာတစ်ခု ဖြစ်သော်လည်း လွယ်ကူစွာ ဖြေရှင်းနိုင်ပါသည်။ ✌
CPAP Mask လေလုံမှလည်း အသုံးပြုသူအတွက် သက်တောင့်သက်သာဖြစ်စေပြီး CPAP ကုသမှု အောင်မြင်စေနိုင်မည် ဖြစ်သည်။ 👍

12/02/2026

COPD နှင့် CPAP
------------------------
COPD ဆိုသည်မှာ ပန်းနာရင်ကြပ်၊ အဆုတ်ရှိလေအိတ်လေးများ ပျက်စီးခြင်း၊ နာတာရှည် အဆုတ်ရောင်ခြင်း ကဲ့သို့သော နာတာရှည် အသက်ရှုလမ်းကြောင်းပိတ်သည့်ရောဂါများကို ဆိုလိုပါသည်။ 🔥

ပန်းနာရင်ကြပ် (သို့မဟုတ်) COPD ရောဂါတခုခု ရှိနေသူ ၃ဦးလျှင် ၂ဦးခန့်တွင် အိပ်ပျော်စဥ်အသက်ရှုရပ်ခြင်း OSA (Obstructive Sleep Apnea)လည်း ရှိနေတတ်သည်။ 🛌

ယင်းသို့ ရောဂါ၂ ထပ်ကွမ်းဖြစ်နေပါက COPD ကြောင့် လေပြွန်ပိတ်ဆို့ပြီး Oxygen လုံလောက်စွာမရခြင်းကို OSA ပါအတူရှိနေ၍ ညအိပ်စဥ် အသက်ရှု မကြာခဏရပ်ခြင်းကြောင့် ညအခါ ပိုမိုဆိုးရွားစေနိုင်ပါသည်။ 💥

ထို့ကြောင့် COPD နှင့် OSA ၂မျိုးလုံးရှိသူများတွင် လေတွန်းစက် (CPAP)ကို အသုံးပြု၍ အိပ်စက်ခြင်းသည် အောက်ဆီဂျင်ပိုရစေနိုင်ပြီး၊ COPD ကြောင့် ဆေးရုံတက်ရခြင်းကို ၈၄%ထိ လျော့ချပေးနိုင်ကြောင်း တွေ့ရသည်။
သို့ဖြစ်၍ COPD နှင့် OSA ရှိသူများ ဆရာဝန်နှင့် ပြသပြီး ကုသဖို့ လိုအပ်ပါသည်။ 👨‍⚕️

CPAP
---------
CPAP (Continuous Positive Airway Pressure) ဆိုသည်မှာ အိမ်သုံးလေတွန်းစက်ကိရိယာဖြစ်ပြီး စက်၏လေတွန်းအားဖြင့် နှာခေါင်းမှ အသက်ရှုလမ်းကြောင်းအဆုံးထိ "လေ"အလုံအလောက် ရရှိစေခြင်းဖြင့် Sleep Apnea ကို ကုသပေးသည့် စက်ဖြစ်ပါသည်။ 💥

ResMed
-------------
ResMed သည် ကမ္ဘာပေါ်တွင် CPAP စက်များ ပထမဦးဆုံး စတင်ထုတ်လုပ်ခဲ့သည့် ဆေးဘက်ဆိုင်ရာ နည်းပညာဦးဆောင် ကုမ္ပဏီကြီးတခုဖြစ်ပါသည်။💢

11/02/2026

"အိပ်ပျော်စဥ်အသက်ရှုရပ်ခြင်း" ရှိနေလား❓

အောက်ပုံပါလက္ခဏာများရှိနေပါက အိပ်ပျော်စဥ်အသက်ရှုရပ်ခြင်း (Obstructive Sleep Apnea) ရှိနေနိုင်သည်။☝

Obstructive Sleep Apnea (OSA) သည် နေ့ဖက် ငိုက်မြည်းစေခြင်း၊ အာရုံမစိုက်နိုင်ခြင်း၊ ယာဥ်မတော်တဆဖြစ်မှုများသာမက ရေရှည်တွင် နှလုံးရောဂါ၊ သွေးတိုး၊ ဆီးချိုသွေးချို၊ မှတ်ဥာဏ်ကျဆင်းခြင်း၊ အမျိုးသားလိင်စွမ်းဆောင်ရည်ကျခြင်း၊ စိတ်ဓါတ်ကျခြင်း စသည့် နောက်ဆက်တွဲရောဂါများနှင့် ဆက်စပ်မှုရှိသည်။👈

အိပ်ပျော်စဥ်ဟောက်တတ်သူ၊ အဝလွန်သူ၊ မေးရိုးတိုသူ၊ အာသီးကြီးသူ၊ မိသားစုမျိုးရိုးရှိသူများတွင် OSA ရှိနေတတ်သည်။ 💤

OSA ရှိ/မရှိသိလိုပါက ဆရာဝန်နှင့်ဆွေးနွေးတိုင်ပင် စစ်ဆေး၍ရပြီး၊ လိုအပ်သလို ကုသမှုခံယူနိုင်ပါသည်။👨‍⚕️

10/02/2026

သတိပြုပါ။ ❗

အိပ်ရေးမဝခြင်းကြောင့် ကိုယ်ခံအားကျနိုင်သည်။ 👈

အိပ်ပျော်စဥ်အသက်ရှုရပ်ခြင်း (Obstructive Sleep Apnea)ရှိသူများသည် ပုံမှန်အိပ်ချိန် တနေ့ ၇-၈နာရီမျှ အိပ်သော်လည်း အိပ်ပျော်စဥ် Oxygen လုံလောက်စွာ မရရှိတတ်ပါ။ ထိုကြောင့် နောက်တနေ့တွင် အိပ်ရေးမဝခြင်းကို ခံစားရရုံမက ကြာရှည်လာသောအခါ ကိုယ်ခံအားပါ ကျလာတတ်သည်။ 🛡

အိပ်ပျော်စဥ် အလွန်အမင်းဟောက်သူများ၊ အဝလွန်သူများ၊ မေးရိုးတိုသူများ၊ အာသီးကြီးသူများ၊ OSA မျိုးရိုးရှိသူများတွင် အိပ်ပျော်စဥ် အသက်ရှုရပ်ခြင်း (OSA) ရှိနေတတ်သည်။ 💤

ထိုကြောင့် အိပ်ပျော်စဥ် အသက်ရှုရပ်တတ်သူများ၊ အလွန်အမင်းဟောက်သူများ OSA (Obstructive Sleep Apnea) ရှိ/မရှိကို ဆရာဝန်နှင့် စမ်းသပ်စစ်ဆေးသင့်ပါသည်။ 👨‍⚕️

Resmed Myanmar

21/02/2026

20/02/2026

19/02/2026

18/02/2026

17/02/2026

16/02/2026

15/02/2026

14/02/2026

13/02/2026

12/02/2026

11/02/2026

10/02/2026

Address

Telephone

Website

Alerts

Contact The Practice

Shortcuts

Share