30/10/2025
FYI
Rebound လုပ်ရင်ဆံပင်ပျက်စီးတယ်လို့
ဘယ်သူက ပြောတာလဲ ဟင်။
Rebound လုပ်လို့ရတဲ့ဆံသား
ဖြစ်ရမယ်။သုံးတဲ့ဆေးက
Rebound ဆေးအစစ်ဖြစ်ရမယ်။
လုပ်ပေးတဲ့သူက ကျွမ်းကျင်ပညာရှင်
ဖြစ်ရမယ်။ လုပ်ပြီးဆောင်ရန်
ရှောင်ရန်သေချာလိုက်နာပြီး
ထိန်းသိမ်း သွားရင် Rebound လုပ်ထားတဲ့
ဆံပင်ဆိုတာ လှမှ လှ သိပ်သိပ်လှ
အရမ်းလှ သိဖို့ 😌😌😌
Rebound သက်တမ်းသည် ငါးလကျော်
သက်တမ်းရှိပါတယ်။ ပြီးရင် နဂိုဆံသားအတိုင်း
ပြန်ဖြစ်သွားပါမယ်။ Rebound လုပ်ထားတာ
တနှစ်ကျော်ပြီ ဆံသားက ခုထိတောင့်ပြီး
စန့်နေတုန်းဆိုရင်တော့
ဖြောင့်ဆေးရောခံထားပါတယ်။
ဟိုတနေ့က TikTok မှာ
Salon နဲ့ပတ်သက်တဲ့ပစ္စည်းရောင်းတဲ့
ဆိုင်တခုက ဘယ်လိုရောင်းနေလဲဆိုတော့
ဖြောင့်ဆေးနဲ့ပေါင်းဆေးရောရင်
Rebound ဆေးရပါတယ်တဲ့။
ဝမ်းသာလိုက်ကြပါတော့။
အဲ့လိုသာရရင် rebound cream ဆိုပြီး
ဘာလို့ ထုတ်တော့မလဲရှင်။
ဆံပင်သင်တန်းတခုကလဲ
ဖြောင့်ဆေးပေါင်းဆေးစပ်ပြီး
Chemical rebound စပ်နည်းဆိုပြီး
သင်နေပါတယ်။
ဆိုတော့
Rebound ဆိုတိုင်း Rebound အစစ်မသုံး
ပေးတဲ့ဆိုင်တွေ အတော်များလာပါတယ်။
Rebound ဆေးမစစ်တဲ့အခါ
ဒါမှ မဟုတ် ဆေးပြင်းအားများသွားတဲ့အခါ
ဦးရေပြားကို ဆေးထိမိသွားတဲ့ အခါ
ဆံသားတွေက ကြွတ်ဆတ်ပြီး
ပြတ်ထွက်တာတွေနဲ့ ဆံပင်ပိုကျွတ်လာတာတွေ
ဖြစ်တတ်ပါတယ်။ ဦးရေပြားကို ဆေးထိသွားရင်
ဆံပင်တွေက မရှင်သန်နိုင်တော့ပဲ
ဆက်တိုက်ကျွတ်လာမှာပါ။
Rebound ဆေးအစစ်သုံးပြီး
Rebound လုပ်လို့ရတဲ့ဆံသားကို
သေချာလုပ်တာတောင်မှ
ကိုယ်တိုင်က shampoo နဲ့ပေါင်းဆေး
သေချာမှန်အောင်မသုံးပေးရင်
ဆံပင်က နဂိုအတိုင်း ပြန်ဖြစ်သွားတတ်ပါတယ်။
ကိုယ်တွေ့ဖြစ်ရပ်နှစ်ခုပြောပြပါမယ်။
နာမည်ကြီး ဆိုင်တခုမှာ
ဆရာအမြင့်ဆုံးနဲ့ Rebound လုပ်တာ
လေးသိန်းကျော်ပေးရတယ် ။
ပခုံးလောက်ဆံပင်အရွယ်လေးကို
သုံးရက်ပြည့်လို့ခေါင်းလျှော်လိုက်တာ
အရင်တိုင်း ပြန်ဖြစ်သွားလို့ဆိုပြီး
ပြောလို့ အကုန် အမှုစစ်သလို
လိုက်စစ်တော့မှ သိလိုက်ရတာက
သုံးတဲ့ရေက ရေ နွေး နဲ့ ေလျှာ်တယ်။
သုံးတဲ့ shampoo က rebound လုပ်ထားရင်
ရှောင်ရမဲ့ shampoo ဖြစ်နေတယ်။
သွားပြီလေ ဒါကြ ဆိုင်က ဆောင်ရန်
ရှောင်ရန် မပြောလိုက်တာလိုသွားတာပါပဲ။
နောက်တခုက
Rebound ဆေးတွေဦးရေပြပေါ်ပုံလိုက်တယ်တဲ့
ဆေးစပ်တာက ဆရာစပ်ပေမဲ့
ဆေးသုတ် ဆေးထည့်တာတွေက
အကူတွေ အသင်တွေ ထည့်ကြတာများပါတယ်။
တခေါင်းကို လူလေးယောက်လောက်ကိုင်
ပေးတော့ ပိုက်ဆံပိုတောင်းလို့ကောင်းတာပေါ့လေ။
အသင်က ဆေးထည့်တာ အခုလိုထည့်လိုက်တော့
ခံရတာပါပဲ ။
အဲ့နောက်ပိုင်း ဆက်တိုက် အုံလိုက်
ကျွတ်နေတာ ရောဂါသည်လိုပဲတဲ့
ဦးရေပြားကို chemical တွေ
ထိသွားတော့ ဦးရေပြမြေဆီလွှာက
မရှင်သန်နိုင်တော့ပဲ အကုန်ကျွတ်ထွက်ကုန်တာပါ။
သေချာအာဟာရ လေးပြန်ဖြည့်ပြီ
ဆံပင်အသစ်ပေါက်အောင် မွေးရတော့မှာပါ။
ဒါကြောင့် တခေါင်းပဲ ပါတဲ့ ဦးခေါင်းပေါ်က
ဆံပင်ကို ဆေးမဆိုးခင်
Rebound မလုပ်ခင် ၊ မကောက်ခင်
မဖြောင့်ခင် လုပ်လို့ရတဲ့ဆံသားလား
ဘယ်လိုလဲ သေချာစစ်ဆေးပါ။
ရတယ်ဆိုပြီးလုပ်ရင် aftercare သေချာ
လုပ်ဖို့ အထူးလိုအပ်ပါတယ်။
မိမိဆံသား ပြသနာနဲ့ ကိုက်ညီတဲ့
Shampoo, hair mask ဖြစ်ရပါမယ်။
ဆံသားပြသနာဖြစ်ဖို့က အရမ်းလွယ်ပါတယ်။
ပြန်ကုရတာ ငွေကုန်ပါတယ်။စိတ်ရှည်ရပါတယ်။
ငွေကုန်ခံနိုင်ပြီးစိတ်ရှည်ရင်တောင်မှ
ရွေးသုံးတဲ့ပစ္စည်းမှန်ရပါဦးမယ်နော်။
ဒါကြောင့် ဆံပင်ကိုတခုခုမလုပ်ခင်
အရင်လေ့လာစုံစမ်းပြီးမှ
လုပ်ကြပါလို့ ပြောချင်ပါတယ်။
ဆံသားနဲ့ ဦးရေပြားပြသနာနဲ့ ပတ်သက်ပြီး
သိချင်တာရှိရင် မန့်မှာမေးပါ။
ဖြေထားပေးပါမယ်။
အားလုံးအတွက်မေတ္တာဖြင့် မျှဝေပါသည်။
ချစ်တဲ့ မြမြ🩷🩷🩷
