What are the opening hours?

Monday 08:00 - 23:45 Tuesday 08:00 - 23:45 Wednesday 08:00 - 23:45 Thursday 08:00 - 23:45 Friday 08:00 - 23:45 Saturday 08:00 - 23:45 Sunday 08:00 - 23:00

My Doctor

Home
Myanmar
Yangon
My Doctor

Bridging Myanmar to Healthier Society myDoctor is Myanmar’s pioneer digital healthcare service established since 2016.
(1678)

Our Vision is “Bridging Myanmar to Healthier Society”

In early days, myDoctor started with supporting people with the right medical information on their fingertips and empowering people with proper medical knowledge and healthcare contents. As a leader in healthcare content, we also help healthcare brands connect to their customers. We started to gain momentum in digitalization with Booking Apps platform in 2018 to make booking healthcare appointments as simple as booking a cab that save time and cost in accessing. In 2020, myDoctor start introducing tele-consultation service in Myanmar with the purpose of connecting healthcare providers and patients, to deliver high quality care, convenient and affordable healthcare. We connect patients seeking care for minor medical issues or behavioral health concerns with healthcare providers, who conduct video-based privately and securely online, over the phone or mobile app. By using our service, healthcare provider and patients can easily access and manage medical information that will save time, cost and energy.

06/10/2025

ယနေ့ကျရောက်တဲ့ မြန်မာတို့ရဲ့အထွဋ်အမြတ်ထားရာ သီတင်းကျွတ်လပြည့်အခါသမယလေးမှာ စိတ်ချမ်းသာ၊ကိုယ်ကျန်းမာနဲ့ လိုအင်ဆန္ဒပြည့်ဝပါစေကြောင်း ဆုမွန်ကောင်းတောင်းလိုက်ပါတယ်။

26/09/2025

သားဆက်ခြားခြင်းဖြင့် မိသားစုအတွင်း မလိုလားအပ်တဲ့ ပြဿနာတွေကို လျှော့ချလိုက်ရအောင်

မိသားစုဘဝမှာ သာယာပျော်ရွှင်မှုတွေနဲ့ ပြည့်နှက်နေဖို့ဆိုတာ အရမ်းအရေးကြီးပါတယ်။ ဒါပေမဲ့ တစ်ခါတလေ မမျှော်လင့်ထားတဲ့ ကိုယ်ဝန်ဆောင်ခြင်းတွေကြောင့် စိတ်ဖိစီးမှုတွေ၊ စိန်ခေါ်မှုတွေနဲ့ ရင်ဆိုင်ရတတ်ပါတယ်။
ဇနီးမောင်နှံနှစ်ဦးအကြားမှာ ဘယ်လို သားဆက်ခြားနည်းက အဆင်အပြေဆုံးဖြစ်နိုင်မယ်၊ ဘယ်အချိန် ကလေးယူမယ် ၊ ကလေးဘယ်နှစ်ယောက် ယူမယ် စတာတွေကို ပွင့်ပွင့်လင်းလင်း ဆွေးနွေးအဖြေရှာနိုင်ကြစေဖို့ ယနေ့ စက်တင်ဘာလ(၂၆)ရက်နေ့မှာ ကျရောက်တဲ့ ကမ္ဘာ့သားဆက်ခြားနေ့မှာ သားဆက်ခြားခြင်း၏ အကျိုးကျေးဇူးများ နှင့် သားဆက်ခြားနည်းလမ်းအမျိုးမျိုးကို မျှဝေလိုက်ရပါတယ်။
▪️သားဆက်ခြားခြင်းဆိုတာဘာလဲ?
သားဆက်ခြားခြင်းဆိုသည်မှာ ပြုလုပ်ထားသောနည်းလမ်း (သို့) သဘာဝ နည်းလမ်းများဖြင့် ကိုယ်ဝန်မရစေရန် ရည်ရွယ်ချက်ဖြင့် ကာကွယ်ခြင်း ဖြစ်ပါတယ်။
▪️မိသားစုစီမံကိန်းဆိုတာဘာလဲ?
စုံတွဲများတွင် ကလေးဘယ်နှစ်ယောက် ယူမည်၊ ဘယ်အချိန် ယူမည်၊ ဘယ်နှနှစ်ခြားပြီးယူမည် စသည့်ဆန္ဒများအတိုင်း ကြိုတင်ပြင်ဆင် ရယူခြင်း ဖြစ်ပါတယ်။
🎯အမျိုးသမီးတစ်ယောက်မှာ အစောဆုံးကိုယ်ဝန်ဆောင်ချိန်ဟာ အသက် (၁၈) နှစ် နောက်ပိုင်းမှ စသင့်ပါတယ်။ ဒါ့အပြင် ပထမကလေးမွေးဖွားပြီးချိန်နှင့် နောက်ထပ် ကိုယ်ဝန်ဆောင်ချိန်သည် အနည်းဆုံး အချိန် (၂) နှစ်ခန့် ခြားသင့်ပါတယ်။ ကိုယ်ဝန်ပျက်ခြင်းဖြစ်ပွားပြီးချိန် နောက်ထပ်ကိုယ်ဝန် ဆောင်ရန်တွင်လည်း အချိန် (၆)လခန့် စောင့်ဆိုင်းသင့်ပါတယ်။
🎯သားဆက်ခြားနည်းလမ်းတွေမှာတော့ ရေတို သားဆက်ခြားနည်း နှင့် ရေရှည် သားဆက်ခြာနည်း စသဖြင့် သားဆက်ခြားခြင်းနည်းလမ်းအမျိုးအစား (၂) မျိုးရှိပါတယ်။

▪️ရေတိုသားဆက်ခြားနည်းလမ်းများမှာ
🔺အမျိုးသားသုံးကွန်ဒုံး
🔺အ‌‌ရေးပေါ် သန္ဓေတားဆေး
🔺တနေ့ တစ်လုံး သောက် သားဆက်ခြားသောက်ဆေး၊
🔺 (၃) လခံသားဆက်ခြားထိုးဆေး တို့ဖြစ်ပါတယ်။

▪️ရေရှည်သားဆက်ခြာနည်းလမ်းများမှာ
🔺လက်မောင်းအ‌ရေပြားအောက်ထည့် သားဆက်ခြားနည်း။
🔺သားအိမ်တွင်းထည့်သားဆက်ခြားနည်း
🔺အမျိုးသား/အမျိုးသမီးရာသက်ပန်သားကြောဖြတ်ခြင်း တို့ပဲဖြစ်ပါတယ်။

ရေတိုသားဆက်ခြားနည်းလမ်းတွေအကြောင်း အရင်ပြောပြပါမယ်။

🎯အမျိုးသားသုံးကွန်ဒုံး ကတော့ ကိုယ်ဝန်မရနိုင်အောင် ကာကွယ်ပေးနိုင်တဲ့အပြင် HIV/ AIDS နဲ့ လိင်မှတစ်ဆင့် ကူးစက်တတ်သော ရောဂါများကို လည်း ကာကွယ်ပေးနိုင်ပါတယ်။

🎯အရေးပေါ်သ‌န္ဓေတားဆေး (ကိုယ်ဝန်တားဆေး) ကတော့ အကာအကွယ်မဲ့လိင်ဆက်ဆံမှုအပြီး အချိန် (၅)ရက်(နာရီ ၁၂၀) အတွင်း သောက်ရမှာဖြစ်ပြီး (၁)လုံးတည်းသောက်ဆေးကို တစ်ကြိမ် တည်းသောက်နိုင်ပါတယ်။ ဆေး(၂)လုံးပါသောက် ဆေးကို သောက်လျှင် တစ်လုံးစီကို (၁၂)နာရီခြား၍ သော်လည်းကောင်း တစ်ကြိမ်တည်းသော်လည်းကောင်း သောက်နိုင်ပါတယ်။ ခဏခဏသောက်ခြင်း ၊ ပုံမှန် နေ့စဉ်သောက် သန္ဓတားဆေးသောက်သလို သောက်ပါက ကိုယ်ဝန် ရနိုင်ချေများပါတယ်။

🎯တနေ့ တစ်လုံးသောက် သားဆက်ခြားနည်းကတော့ ၂၈ လုံးကဒ် ပါဆေးကို တစ်နေ့တစ်လုံးအချိန်မှန် သောက်ရမှာပဲဖြစ်ပါတယ်။ ဆေးစသောက်ချိန်တွင် ပျို့ခြင်း၊ အစာမကြေဖြစ်ခြင်း၊ ကိုယ်အလေးချိန် အနည်းငယ်ပြောင်းလဲခြင်း၊ ရာသီသွေးဆင်းခြင်းပြောင်းလဲမှုများ(နည်းခြင်း၊မမှန်ခြင်း၊ထိန်ခြင်း)၊ စိတ်ခံစားလွယ်ခြင်း၊ ရင်သားတင်းပြီးနာခြင်း နှင့် ခေါင်းမူးခြင်း စတဲ့ လက္ခဏာတွေဖြစ်နိုင်ပေမဲ့ အန္တရာယ်မရှိဘဲ လအနည်းငယ်အကြာမှာ သက်သာသွားနိုင်ပါတယ်။
⚠️ဆေး (၁) လုံး (သို့) (၂) လုံး သောက်ဖို့ ပျက်ကွက်ခဲ့တာပဲဖြစ်ဖြစ်၊
ဆေးကဒ်အသစ် စသောက်ရန် (၁) ရက် (သို့) (၂) ရက် နောက်ကျခဲ့တာပဲဖြစ်ဖြစ်
မနေ့က သောက်ရမယ့်ဆေးကို သတိရရချင်း (၁)လုံးသောက်ပြီး ပုံမှန်အတိုင်း သောက်ရမယ့် ဆေးကိုတော့ သောက်နေကျချိန်မှာ ထပ်မံသောက်ပေးရပါမယ်။
⚠️ဆေး (၃) လုံးနှင့်အထက် သောက်ဖို့ ပျက်ကွက်ခဲ့ပါက (ဆေးကဒ် ပထမတန်း (သို့) ဒုတိယတန်း (သို့) တတိယတန်း) သတိရလျှင်ရချင်း ချက်ချင်းတစ်လုံး သောက်ရမှာဖြစ်ပြီး တစ်နေ့တစ်လုံး ပုံမှန်အချိန်အတိုင်း ဆက်သောက်ပေးရပါမယ်။
ဒါ့အပြင် (၇) ရက်အတွင်း ကွန်ဒုံးသုံးတာ (သို့မဟုတ်) ၇ ရက် လိင်ဆက်ဆံမှု ရှောင်ကြဉ်တာပြုလုပ်ရပါမယ်။ လွန်ခဲ့တဲ့ (၅) ရက်ခန့်က အကာအကွယ်မဲ့ လိင်ဆက်ဆံခြင်းလည်း ရှိခဲ့ပါက အ‌ရေးပေါ် သ‌န္ဓေတားဆေး သောက်ပေးဖို့လည်း လိုအပ်ပါတယ်။
(ဆေး(၃)လုံးနှင့်အထက် တတိယတန်းတွင် သောက်ရန်ပျက်ကွက်ခဲ့ပါက ‌‌ဟော်မုန်း မပါသော နောက်ဆုံး တန်းရှိ ဆေး (၇) လုံးကို မသောက်ဘဲကျော်သွားပြီး ဆေးကဒ်အသစ်စသောက်ပါ။)
⚠️ဆေးသောက်ရန်မေ့ခြင်းသည် စတုတ္ထတန်းတွင် ဖြစ်ပါက
- မေ့နေသောဆေးများကို လွှင့်ပစ်ပြီး ကျန်ဆေးများကို ပုံမှန်အတိုင်းသောက်ပါ
- ဆေးကဒ်ကုန်လျှင် နောက်ထပ်ဆေးကဒ်အသစ် စသောက်ပါ။

🎯သားဆက်ခြားထိုးဆေးကတော့ ပစ္စည်းအမျိုးအစား (၂) မျိုးရှိပြီး အသားထဲထိုးနှံရသောဆေး (Depo) နှင့် အရေပြားအောက်ရှိ အဆီတွင်းသို့ ထိုးနှံရသောဆေး (DMPA-SC or Sayana® Press) တို့ပဲဖြစ်ပါတယ်။

🎯အသားထဲထိုးရသောဆေး (Depo) ကိုတော့ ရာသီသွေးစပေါ်သည့် ရက်မှ (၅) ရက်အတွင်း ဆေးထိုးနိုင်သလို ရာသီပေါ်ပြီး (၅) ရက်ခန့်မှ (၉) ရက်ခန့်အတွင်း ဆေးထိုးမိပါက ထိုးပြီး (၇)ရက် အတွင်း လိင်ဆက်ဆံမှုကို ရှောင်ရပါမယ် (သို့မဟုတ်) ကွန်ဒုံး သုံးရပါမယ်။
ကလေးမွေးဖွားပြီးသူများ၊ မွေးဖွားပြီး (၄၅) ရက်တွင် ဆေးထိုးနိုင်ပါတယ်။ ရာသီသွေးပြန်ပေါ်တဲ့ အချိန်ကို စောင့်ဖို့မလိုပါ။ ပထမဆေးတစ်လုံးထိုးပြီး (၃)လ (သို့) (၁၂) ပတ်အကြာတွင် နောက်တစ်လုံး ထပ်ထိုးရပါမယ်။

ရေရှည်သားဆက်ခြားနည်းလမ်းတွေအကြောင်းလည်း ဆက်ကြည့်လိုက်ရအောင်နော်။

🔶 လက်မောင်းအရေပြားအောက်ထည့် သားဆက်ခြားပစ္စည်းကတော့ Progestin ဆေးဖြည့်သွင်းထားသော အချောင်းလေးများဖြစ်ပြီး မီးခြစ်ဆံအရွယ်အစား ရှိကာ အမျိုးသမီး၏ လက်မောင်းအရေပြား အောက်သို့ ထည့်သွင်းရသော ခေတ်မီ သားဆက်ခြားပစ္စည်း ဖြစ်ပါတယ်။ ပစ္စည်းအမျိုးအစားအလိုက် (၃) နှစ်မှ (၅) နှစ်အထိ ကိုယ်ဝန်မရစေရန် တားဆီးပေး ပါတယ်။ ဒါကြောင့် နှစ်ရှည်သားဆက်ခြားလိုသူများ၊ မိသားစုပြည့်စုံသော်လည်း သားကြောမဖြတ်လိုသူများ နှင့် နောင်တွင် ကလေးထပ်မံယူရန် အစီအစဉ်ရှိသူများ ရွေးချယ်သင့်ပါတယ်။
🔶 သားအိမ်တွင်းထည့်သားဆက်ခြားပစ္စည်းကတော့ သေးငယ်သော ပလတ်စတစ်ပစ္စည်း ကိရိယာ တစ်မျိုးဖြစ်ပြီး အမျိုးသမီး၏ မွေးလမ်းကြောင်းမှတဆင့် ထည့်သွင်းရသော သားအိမ်တွင်းထည့် ခေတ် မီသားဆက်ခြားပစ္စည်း ဖြစ်ပါတယ်။ ဒါကြောင့် နို့တိုက်မိခင်များ၊ စားဆေး၊ ထိုးဆေးများနှင့် မတည့်သော သားဆက်ခြားလိုသူများ ရွေးချယ်သင့်ပါတယ်။
အခု ပြောပြခဲ့တဲ့ သားဆက်ခြားနည်းလမ်းတွေထဲက ကိုယ်နဲ့အဆင်ပြေဆုံးဖြစ်မယ့် နည်းလမ်းကို သေချာရွေးချယ်လို့ လိုအပ်ခဲ့ရင်ကျွမ်းကျင်သူတွေနဲ့ တိုင်ပင်ပြီး ပိုမိုကျန်းမာလို့ သာယာပျော်ရွှင်တဲ့ မိသားစုဘဝတွေကို တည်ဆောက်လိုက်ကြရအောင်။
ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page နှင့် tag တွဲထားတဲ့ သိစေချင် (Thi Say Chin) Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠

Contraception Day 2025: Breaking Barriers, Building Bridges –Contraceptive Access for All

23/09/2025

ငယ်ငယ်ရွယ်ရွယ်နဲ့ သွား မကျိုးချင်ရင် ဒါတွေရှောင်ပါ

သွားဆိုတာ အစားအစာတွေကို ဝါးစားဖို့အတွက် အရေးကြီးတဲ့အရာပါ။ သွားတွေ ကျန်းမာမှ အစာကို ကောင်းကောင်းဝါးနိုင်ပြီး ခန္ဓာကိုယ်အတွက် လိုအပ်တဲ့ အာဟာရဓာတ်တွေကို ပြည့်ပြည့်ဝဝ ရရှိမှာပါ။

ဒါကြောင့် သွားတွေကို ဂရုစိုက်ဖို့ အရမ်းအရေးကြီးပါတယ်။ သွားကို ပျက်စီးစေနိုင်တဲ့ အရာတွေကတော့ အချိုများတဲ့ အစားအစာတွေ (အချိုရည်၊ သကြားလုံး)၊ အက်ဆစ်ဓာတ်ပါတဲ့ အစားအစာတွေ (ရှောက်သီး၊ သံပရာသီး) နဲ့ အလွန်အေးတဲ့ (သို့မဟုတ်) ပူလွန်းတဲ့ အစားအစာတွေပဲ ဖြစ်ပါတယ်။ ဒီအစားအစာတွေကို အလွန်အကျွံ စားသုံးမိမယ်ဆိုရင် သွားကြွေလွှာကို ပျက်စီးစေပြီး သွားပိုးစားခြင်းနဲ့ သွားနာကျင်ခြင်းတွေကို ဖြစ်စေနိုင်ပါတယ်။

ဒါ့အပြင် ဆေးလိပ်သောက်ခြင်းကလည်း သွားတွေကို ဝါစေပြီး သွားရောဂါတွေကို ဖြစ်စေနိုင်ပါတယ်။ ဒါကြောင့် ဒီအချက်တွေကို ရှောင်ရှားပြီး သွားတွေကို ဂရုစိုက်ဖို့ မမေ့နဲ့နော်...

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

06/09/2025

ယနေ့ကျရောက်တဲ့ တော်သလင်းလပြည့် (ဂရုဓမ္မအခါတော်နေ့)မှာ မိဘပြည်သူများ ကိုယ်ရောစိတ်ပါ အေးချမ်းသာယာကြပါစေကြောင်း ဆုမွန်ကောင်းတောင်းလိုက်ပါတယ်။

03/09/2025

လိင်အင်္ဂါ ထောင်မတ်ခြင်း (Priapism)

Pariapism ဆိုတာ မလိုအပ်ဘဲ အချိန်ကြာကြာ လိင်အင်္ဂါထောင်မတ်နေခြင်းဖြစ်ပါတယ်။ အဓိကနှစ်မျိုးရှိပါတယ်။ သွေးစီးအားများပြီး ထောင်နေခြင်း နှင့် သွေးစီးအားနည်းပြီးထောင်မတ်ခြင်းတို့ဖြစ်ကြပါတယ်။

Piriapism က ဖြစ်ခဲတဲ့ ရောဂါတစ်ခုဖြစ်ပါတယ်။ ဒီရောဂါကတော့ sickle cell anemia (သွေးနီဥ ပုံသဏ္ဍာန်မမှန် သွေးအားနည်းရောဂါ)ဖြစ်နေတဲ့ အသက် ၅-၁၀ နှစ်ကောင်လေးတွေ နှင့် အသက် ၂၀-၅၀ ယောင်္ကျားတွေမှာ အဖြစ်များပါတယ်။

Priapism က ခဏခဏပြန်ဖြစ်နိုင်ပါတယ်။ ပြန်ဖြစ်တဲ့အခါမှာ လိင်တံထောင်မတ်မှုဟာ ထပ်ခါထပ်ခါဖြစ်နေပြီး ကြာချိန်အနည်းဆုံး ၃ နာရီရှိပြီး နာလည်း နာကျင်စေပါတယ်။ ဒီအခြေအနေကဖြစ်တတ်ပြီး ၁၀-၄၀ ရာခိုင်နှုန်း ကတော့ အမျိုးသားတွေ လိင်ဆက်ဆ့တဲ့ အခါဖြစ်တတ်ပါတယ်။
အများစုကတော့ priapism ဟာ နာရီပိုင်းအကြာမှာ ပြီးဆုံးသွားနိုင်ပေမဲ့ ရက်တွေ (သို့ )နှစ်တွေကြာအောင်လည်းဖြစ်နိုင်ပါတယ်။ ထို့ကြောင့် သူ့ကို ချက်ချင်းရုတ်တရက်ဖြစ်တဲ့ရောဂါ လို့လည်း ခေါ်နိုင်သလို နာတာရှည်လည်းဖြစ်နိုင်ပါတယ်။

ရုတ်တရက်ခဏဖြစ်တဲ့ priapism က နာရီပိုင်း (သို့) ရက်ပိုင်းကြာတတ်ပါတယ်။ ထောင်မတ်နေခြင်းက နာကျင်မှု နဲ့ လိင်စိတ်လျော့နည်းခြင်းကို ဖြစ်စေပါတယ်။ စွဲမြဲစွာ ဖြစ်တဲ့ priapism က ရက်သတ္တပတ်ပေါင်းများစွာ မှ နှစ်နဲ့ချီအောင်ကြာနိုင်ပြီး ရောဂါတစ်ခုခု ရုတ်တရက်ဖြစ်ပြီးနောက် မှာ ဖြစ်လာတတ်ပါတယ်။ ထောင်မတ်ခြင်းကြောင့် နာကျင်မှုတော့ မဖြစ်စေနိုင်ပါဘူး။ လိင်တံက ထောင်နေသော်လည်း (သွေးတွေသိုလှောင်ထားရခြင်းကြောင့်) တောင့်တင်းခြင်းတော့ မရှိပါ။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

01/09/2025

Baby-led weaning ရဲ့ ကောင်းကျိုးဆိုးကျိုးများ

Baby-led weaning ဆိုတာ ကလေးကို ကိုယ့်အားကိုယ်ကိုးပြီး စားစေတဲ့ သဘောပါပဲ။ စားပွဲမှာထိုင် ကိုင်စား၊ ကလေးပီပီ ဖွချင်လည်းဖွ၊ ဆော့ချင်လည်းဆော့ဆိုပြီး လွတ်လပ်ခွင့်ပေးထားတဲ့ သဘောပါ။ ကလေးနဲ့ အစားအစာကို ရင်းနှီးသွားအောင် လုပ်ပေးတဲ့သဘောဆိုလည်း ဟုတ်ပါတယ်။

အစားအစာတစ်ခု ကလေးပါးစပ်ထဲရောက်ဖို့ မိခင်က တိုက်ရိုက်မထည့်ပေးဘဲ ကလေးကို ဘေးကနေ ကူပေးတဲ့ သဘောပါပဲ။ မြင်သာအောင် ပြောရရင် နိုင်ငံခြားဗီဒီယိုတွေထဲမှာ ကလေးတွေ ထိုင်ခုံမှာထိုင်ပြီး ပေပွအောင် စားသောက်နေတာ မြင်ဖူးမှာပါ။ အဲ့တာ Baby-led weaning နဲ့ ကျွေးနေတာ ဖြစ်ပါတယ်။

BLWကို အများစုက ၆လမှာ စကျွေးကြပေမဲ့ တချို့ကလည်း ကလေးရဲ့ ဖွံ့ဖြိုးမှုပေါ် လိုက်ပြီး ၄လလောက်နဲ့ ကျွေးကြတာ ရှိပါတယ်။ တချို့ကျတော့လည်း ၈လလောက်မှ စကျွေးကြတာ ရှိပါတယ်။
အသက်ထက်စာရင် ကလေးရဲ့ ဖွံ့ဖြိုးမှုက ပိုပြီး အရေးကြီးပါတယ်။ BLWနဲ့ ကျွေးမယ်ဆိုရင် ကလေးက
အမှီမပါဘဲ ထိုင်နိုင်ရပါမယ်
ဇက်ခိုင်ရပါမယ်
အစားအစာတွေကို ကောင်းကောင်းမျိုချတတ်ရပါမယ်
အစားအစာတွေကို လျှာနဲ့ တွန်းထုတ်တာ၊ လျှာကို အသုံးပြုတာ လုပ်တတ်ရပါမယ်။
ပစ္စည်းတွေကို လက်နဲ့ ကိုင်တတ်ရပါမယ်
ပစ္စည်းတွေကို လက်နဲ့ကိုင်ပြီး ပါးစပ်ထဲ ထည့်တတ်ရပါမယ်
ဒါတွေ လုပ်တတ်ပြီဆိုမှပဲ Baby-led weaning ကို စသင့်ပါတယ်။

Baby-led weaning ရဲ့ ကောင်းကျိုး တွေကတော့

လူကြီးစားဖို့ ချက်ပြုတ်ဖို့ ဖယ်ထားတဲ့ အသားငါး အသီးအရွက်တွေကို အသုံးပြုပြီး ကလေးအတွက် ပြင်ပေးလို့ ရပါတယ်။ ကလေးက သူ့ဟာသူ စားနေတဲ့အတွက် ကိုယ်က ဘေးကနေ မသီးအောင် ကြည့်ပေးနေရုံပါပဲ။ ဒီတော့ လူကြီးအတွက် အချိန်ကုန်သက်သာပါတယ်။ ငယ်ငယ်တုန်းကလို လက်တစ်ညောင်း ထမင်းလိုက်ခွံ့စရာ မလိုတော့ဘူးပေါ့။ဒီလို BLWနဲ့ စားလေ့ရှိတဲ့ ကလေးတွေက နောက်ပိုင်းမှာ လူကြီးတွေနဲ့ တစ်ဝိုင်းထဲ သက်သောင့်သက်သာ စားနိုင်တာ၊ အပြင်သွားရင်လည်း အေးအေးဆေးဆေး ခုံမှာ ထိုင်စားနိုင်တာကို တွေ့ရပါတယ်။

ကလေးကို Baby-led weaning နဲ့ ကျွေးထားတဲ့အချိန်မှာ မေမေကလည်း သူနဲ့ အတူတူ ထမင်းစားလို့ ရပါတယ်။ ထမင်းစားရင်းနဲ့ သူဒီနေ့ စားတဲ့ ဟင်းတွေအကြောင်းပြောပြတာ၊ သူနဲ့ အဖော်လုပ်ပြီး ထမင်းစားပေးတာက ကလေးရဲ့ ပြောဆိုဆက်ဆံရေးကို ကောင်းစေပါတယ်။အစားအစာလေးတွေနဲ့ ဆော့လိုက်၊ စကားပြောလိုက် လုပ်တာကြောင့် ထမင်းစားချိန်ကို ကြောက်စရာလို့ မတွေးမိတော့ပါဘူး။

ကလေးက သူ့ဟာသူ ကိုင်စားရတဲ့အတွက် မတူညီတဲ့ အထိအတွေ့ အပျော့အမာ၊ အရောင်၊ အရသာတွေကို ခံစားတတ်လာပါတယ်။ သူစိတ်ဝင်စားတဲ့ အစားအစာလေးတွေကို ယူပြီး ပါးစပ်ထဲ ထည့်မြည်းတတ်လာပါတယ်။ ဒါက သူရဲ့ ခံစားမှုအာရုံကို ကောင်းစေသလို နောက်ပိုင်းမှာ အစားကြေးများတာကိုလည်း နည်းစေပါတယ်။

ကလေးက စားရင်း၊ စားရင်းနဲ့ ဘယ်အစားအစာကိုတော့ သူကြိုက်တယ်၊ ဘယ်ဟာကိုတော့ သူမကြိုက်ဘူးဆိုတာကို ခွဲခြားသိလာပါတယ်။ ပိုကောင်းတဲ့အချက်က ဘယ်အချိန်မှာ ဗိုက်ပြည့်ပြီး ဘယ်အချိန်မှာ ဗိုက်ဆာတယ်ဆိုတာကို နားလည်လာတာပဲ ဖြစ်ပါတယ်။

နောက်ပိုင်းမှာ fine motor movementလို့ ခေါ်တဲ့ ထမင်းစေ့လေးတွေ လက်ချောင်းလေးတွေနဲ့ ကောက်တာ၊ ရေဗူးအဖုံးဖွင့်တာ စတာတွေမှာပါ သန်မာလာပါလိမ့်မယ်။ တဖြည်းဖြည်းနဲ့ တူတွေ၊ ဇွန်းတွေကို အခက်အခဲမရှိ ကိုင်တွယ်လာနိုင်မှာ ဖြစ်ပါတယ်။

Baby-led weaning ရဲ့ ဆိုးကျိုး တွေကတော့

ကလေးက အစာကို ကြေညက်အောင် မဝါးနိုင်၊ မမျိုနိုင်သေးရင် အစာနင်တာ၊ သီးတာ ဖြစ်တတ်ပါတယ်။ ဒါကြောင့် ကလေးကို သူစားနိုင်တဲ့ အရွယ်ပဲ လှီးဖြတ်ပေးရမှာ ဖြစ်သလို၊ ကလေးထမင်းစားချိန်မှာ ဘေးကနေ စောင့်ကြည့်နေဖို့ လိုပါတယ်။

စစချင်း ကျွေးတဲ့အခါ ကလေးက ကောင်းကောင်းမစားတတ်တာကြောင့် ကလေးက တစ်နေ့တာ လိုအပ်တဲ့ အာဟာရမရတာ၊ BLW စတဲ့ လတွေမှာ ပေါင်ချိန်ကျသွားတာမျိုး ဖြစ်တတ်ပါတယ်။ ဒါကြောင့် ကလေးစားတဲ့ ပမာဏကို သေချာစောင့်ကြည့်နေဖို့ လိုပါတယ်။

ဒါကြောင့် တချို့မေမေတွေက ဖြည့်စွက်စာ စကျွေးစအရွယ်မှာ Baby-led weaning ကိုပဲ အားမကိုးဘဲ Spoon feedingနဲ့ပါ တွဲကျွေးတာ ဖြစ်ပါတယ်။ ဥပမာ တစ်ရက်ကို ၆ကြိမ် ကျွေးတယ်ဆိုရင် Baby-led weaningကို ၂ကြိမ်၊ ၃ကြိမ်လောက် စမ်းပြီး ကျန်တဲ့ အချိန်တွေမှာ ခွံ့ကျွေးကြတာ ဖြစ်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

31/08/2025

မိန်းမကိုယ် ကျဉ်းဆေး နဲ့ နောက်ကွယ်က အန္တရာယ်

မိန်းမကိုယ်ဟာ အလိုလို ကျုံ့နိုင်၊ ဆန့်နိုင်တဲ့ သဘာဝရှိပြီးသား ဖြစ်ပါတယ်။ ကျဉ်းဆေးတချို့မှာ မိန်းမကိုယ် နံရံ နဲ့ မိန်းမကိုယ် အဝကို ကျဉ်းစေအောင် ဆောင်ရွက်ပေးနိုင်တဲ့ ပစ္စည်းတချို့ ပါဝင်ပါတယ်။ ဒါပေမဲ့ အများဆုံးကတော့ တကယ် မိန်းမကိုယ်ကို ကျဉ်းစေတာ မဟုတ်ဘဲ မိန်းမကိုယ် နံရံပေါ်က အချွဲတွေကို ခြောက်အောင် လုပ်လိုက်တာပါ။

ဒါက ပွတ်တိုက်မှုကို ပိုသိသာစေပြီး မိန်းမကိုယ်ကို ယာယီကျပ်သွားသလို ခံစားရစေပါတယ်။ ဒါပေမဲ့ ကျိန်းသေတာကတော့ သဘာဝအချွဲ မရှိတော့တဲ့အတွက် ချစ်တင်းနှောတိုင်းမှာ နာကျင်မှုကို ခံစားနေရမှာပါ။

တချို့ဆေးတွေကျတော့လည်း မိန်းမကိုယ်ရဲ့ အပေါ်ယံအလွှာကို စားလိုက်ပါတယ်။ စားလိုက်တဲ့အခါ အမာရွတ်ပြန်တက်ပါတယ်။ ဒီတော့ ကျဉ်းတယ်လို့ ဖြစ်လာပါတယ်။ ကျန်းကျန်းမာမာကျဉ်းလာတာတော့ မဟုတ်ပါဘူး။

မိန်းမကိုယ် ကျဉ်းဆေးသုံးခြင်းဖြင့်

နာကျင်ခြင်း၊ နီရဲ ရောင်ရမ်းခြင်း
ဓာတ်မတည့်မှု လက္ခဏာတွေ ပေါ်လာခြင်း
ဘက်တီးရီးယားပိုးဝင်ပြီး မိန်းမကိုယ် ရောင်ရမ်းခြင်း (Bacterial Vaginosis-BV) နဲ့ မှိုပိုးဝင်ခြင်း
ဟော်မုန်း မညီမျှခြင်း စတဲ့ နောက်ဆက်တွဲ အန္တရာယ်တွေကို ကြုံတွေ့ရနိုင်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

30/08/2025

ဘေဘီလေးတို့အတွက် ပဲနီလေး

ပဲနီလေး ဆိုတာက အနီရောင် ပဲစေ့ သေးသေးလေးတွေပါ။ ချက်လိုက်ရင်တော့ အဝါရောင် ဖျော့ဖျော့လေး အဖြစ်ပြောင်းသွားတတ်ပြီး အရသာက ချိုချိုဆိမ့်ဆိမ့်လေးပါ။ ဟင်းချို ချက်စားလို့ ရသလို ပဲနှပ်လိုလေး နှပ်စားလို့လည်း ရပါတယ်။

ဘေဘီလေးက အသက် ၆ လပြည့်ပြီ။ အစားလည်း ကောင်းကောင်း စားတတ်ပြီဆိုရင် ပဲနီလေးကို ကျွေးပေးလို့ ရပါပြီ။ ပဲဟင်းချိုလေးပဲ ချက်ပြီးဖြစ်ဖြစ်၊ ပဲလေးကို ဆန်လေးနဲ့ ရောကြိုပြီး အသီးအရွက်လေးတွေနဲ့ ပြင်ဆင်ပေး တာမျိုးဖြစ်ဖြစ် လုပ်ဆောင်ပေးလို့ ရပါတယ်။ ပဲနီလေးက ပရိုတင်းကို ပြည့်ပြည့်ဝဝ ရရှိစေပြီး ကလေးရဲ့ ကြီးထွားဖွံ့ဖြိုးမှုကိုပါ ထောက်ကူပေးနိုင်ပါတယ်။

ပဲနီလေးမှာ အမျှင်ဓာတ် ကြွယ်ဝစွာ ပါဝင်နေပြီး အစာကြေစေဖို့ရော ဝမ်းမှန်စေဖို့ပါ ထောက်ကူပေးနိုင်ပါတယ်။ ကလေးမှာ လေထိုးလေအောင့်တာမျိုး ကင်းစေပြီး အစာခြေစနစ် ကျန်းမာစေဖို့ ထောက်ကူပေးမှာပါ။ ဒါကြောင့် ကလေးကို အစာခြေစနစ် ကျန်းမာစေဖို့အတွက် ကလေးကို ပဲနီလေး နည်းနည်းစီ ပြင်ဆင်ပေးပါ။

ပဲနီလေးမှာ ဇင့်ဓာတ် ပါဝင်နေပြီး ကိုယ်ခံအား ကောင်းစေဖို့ လုပ်ဆောင်ပေးပါတယ်။ ဒါကြောင့် ကလေးကို အဖျားအနာ ကင်းစေပြီး ကောင်းမွန်စွာ ကြီးထွားဖွံ့ဖြိုးစေဖို့ ပဲနီလေးကို ပြင်ဆင်ပေးလို့ ရပါတယ်။

ပရိုတင်းနဲ့ ဗီတာမင်၊ သတ္တုဓာတ်တွေ ကြွယ်ဝစွာ ပါဝင်နေတဲ့ ပဲနီလေးက ကလေးရဲ့ ခန္ဓာကိုယ်ကို ကြီးထွားဖွံ့ဖြိုးစေပြီး ဖောလိတ်ပါဝင်နေမှုက ကလေးရဲ့ ဦးနှောက်နဲ့ အာရုံကြောတွေကို ကျန်းမာစေဖို့ ထိထိရောက်ရောက် ထောက်ကူပေးနိုင်ပါတယ်။

ပဲနီလေးမှာ သံဓာတ် ကြွယ်ဝစွာ ပါဝင်နေပြီး သွေးနီဥဆဲလ်တွေ ဖြစ်ပေါ်မှုကို ထောက်ကူပေးပြီး ကလေးမှာ သွေးအားနည်းတာမျိုး မဖြစ်စေဖို့နဲ့ သံဓာတ်ချို့တဲ့မှုကြောင့် အာရုံစူးစိုက်မှု အားနည်းတာ သင်ယူနိုင်စွမ်း ထိခိုက်တာမျိုး မဖြစ်စေဖို့ ထောက်ကူပေးနိုင်ပါတယ်။

ပရိုတင်းနဲ့ ကယ်လ်ဆီယမ် ပါဝင်နေတဲ့ ပဲနီလေးက အရိုးတွေကို သန်မာစေပြီး ကလေးကို အရိုးတွေ ကြံ့ခိုင်စေဖို့လည်း ထောက်ကူပေးနိုင်ပါတယ်။ ဒါကြောင့် အရိုးတွေ သန်မာပြီး ကလေးကို အသက်အရွယ်အလိုက် ထိုက်သင့်တဲ့ အရပ်ကို ရစေပါတယ်။

ပဲနီလေးက ကျန်းမာရေးအတွက် ကောင်းကျိုးများတယ်ဆိုပေမယ့် ကလေးကို ကျွေးတဲ့အခါ အများကြီး မကျွေးဘဲ နည်းနည်းချင်းစီ ပြင်ကျွေးပါ။ အကြောင်းကတော့ ပရိုတင်းနဲ့ အမျှင်ဓာတ် ပါဝင်မှု များတဲ့အတွက် အစာမကြေတာ မျိုး၊ လေထတာမျိုး ဖြစ်စေနိုင်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

27/08/2025

ဆီးချိုရှိသူတွေကို ရေဓာတ်ဖြည့်ပေးမယ့် သောက်စရာများ

ဆီးချိုရှိသူတွေအနေနဲ့ တစ်ခုခု သောက်တော့မယ်ဆိုရင် ပထမဆုံး စဉ်းစားမိတာက အချိုများမလား၊ တည့်ပါ့မလား၊ ဘယ်လောက်လောက် သောက်လို့ရမလဲ။ သွေးတွင်းသကြားဓာတ် မြင့်တက်စေမလားဆိုတာတွေပဲဖြစ်ပါတယ်။

ဆီးချိုရှိသူတွေကို ကျန်းမာရေး ညီညွတ်စွာနဲ့ ရေဓာတ် ဖြည့်ပေးနိုင်မဲ့ သောက်စရာတွေကတော့

အဆီထုတ်နို့က ကာဗိုဟိုက်ဒရိတ် ပါဝင်နေပေမယ့် ဆီးချိုရှိသူတွေ အနေနဲ့ ရေဓာတ်ဖြည့်ဖို့ တစ်နေ့တာကို ဖန်ခွက် တစ်ခွက်စာလောက် သောက်သုံးပေးလို့ ရပါတယ်။
အဆီထုတ်နို့က ရေဓာတ်ဖြည့်ပေးသလို အရိုးပါးတာ၊ အရိုးပွတာတွေကို ကာကွယ်ပေးဖို့ လိုအပ်တဲ့ ကယ်လ်ဆီယမ်တွေလည်း ပါဝင်နေပါတယ်။

လက်ဖက်ခြောက် အများကြီး ခပ်မထားတဲ့ ရေနွေးကြမ်းကလည်း ဆီးချိုရှိသူတွေကို ရေဓာတ်ပြည့်စေပြီး အင်ဆူလင် တုံ့ပြန်မှုတွေကို ပိုကောင်းစေပါတယ်။ ‌သွေးတွင်းသကြားဓာတ်ကို ထိန်းညှိပေးသလို သွေးပေါင်ချိန်ကိုလည်း ထိန်းညှိပေးပါတယ်။ တစ်နေ့ကို အကြမ်းပန်းကန်လုံးနဲ့ ၅ ခွက်ကနေ ၈ ခွက်လောက်အထိ သောက်သုံးပေးလို့ ရပါတယ်။

ကော်ဖီဆိုတဲ့နေရာမှာ အသင့်ဖျော် ကော်ဖီတွေ မဟုတ်ပါဘူး။ ကော်ဖီမှုန့် စစ်စစ်ကို နှပ်ထားတဲ့ ကော်ဖီပါ။ ကော်ဖီ စစ်စစ်ကို နှပ်ထားတဲ့ ကော်ဖီကို အချိုလျှော့ပြီး တစ်နေ့ကို ၁ ခွက် သောက်ပေးလို့ ရပါတယ်။ ကော်ဖီသောက်ပေးတာက အင်ဆူလင် တုံ့ပြန်မှု ကောင်းစေသလို သွေးပေါင်ချိန်ကိုလည်း ထိန်းညှိပေးပါတယ်။ မှတ်ဉာဏ်ကိုလည်း ကောင်းစေပါတယ်။

သဘာဝ ခရမ်းချဉ်သီး စစ်စစ်ကို ကြိတ်ထားတဲ့ ဖျော်ရည်ကလည်း ဆီးချိုရှိသူတွေ သောက်သုံးပေးလို့ ရတဲ့ ဖျော်ရည် တစ်မျိုးပါ။ ဆားတွေ၊ သကြားတွေ ဖြည့်စွက်မထားတဲ့ခရမ်းချဉ်သီး ဖျော်ရည်က သွေးပေါင်ချိန်ကို ကျစေသလို ဆီးချိုကြောင့် ဖြစ်နိုင်တဲ့ နောက်ဆက်တွဲ ကျန်းမာရေးပြဿနာဖြစ်တဲ့ နှလုံးသွေးကြောဆိုင်ရာရောဂါတွေကို သက်သာစေနိုင်ပါတယ်။

မုန်လာဥနီက ဗီတာမင် A၊ အမျှင်ဓာတ်တို့ ကြွယ်ဝစွာ ပါဝင်နေတာကြောင့် သွေးတွင်းသကြားဓာတ်ကို ထိန်းညှိပေးပါတယ်။ အချို၊ အငန် ဖြည့်စွက်မထားဘဲ သဘာဝအတိုင်း ကြိတ်ထားတဲ့ မုန်လာဥနီ ဖျော်ရည်က ရေဓာတ်ပြည့်ဝစေသလို သွေးတွင်းသကြားဓာတ်ကိုလည်း အထိရောက်ဆုံး ထိန်းညှိပေးနိုင်မှာပါ။

ဆီးချိုရှိသူတွေအတွက် ရေဓာတ်ပြည့်ဝဖို့က အရေးကြီးသလို ရေဓာတ်ဖြည့်စွက်မယ့် အရာတွေကလည်း ကျန်းမာရေးနဲ့ သင့်တော်ဖို့လည်း လိုပါမယ်။ ဒါကြောင့် ဆီးချိုရှိတယ်။ ရေဓာတ်လည်း ပြည့်စေချင်တယ်ဆိုရင် ဒီသောက်စရာလေးတွေကို သောက်သုံးပေးလို့ ရပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို My Doctor Page ကို Like & Follow လုပ်ပေးထားဖို မမေ့လိုက်နဲ့ဦးနော်။ 🥰🌠

25/08/2025

ပင်ပန်းတဲ့ မနက်ခင်းကို ဖြစ်စေတဲ့ အကြောင်းအရင်းများ

မနက်ခင်း မှာ အိပ်ရာထဖို့ အရမ်းခက်နေတယ်။ မထချင် ထချင် ထလိုက်တယ်။ လေ့ကျင့်ခန်းလုပ်၊ ရေချိုး၊ မနက်စာ စားပြီးတဲ့အထိတောင် လူက မလန်းဘူး။ ပင်ပန်းတဲ့ မနက်ခင်း ဖြစ်နေသလို ခံစားနေရပြီလား?

မနက်ခင်းတိုင်းမှာ ပင်ပန်းနေရတာတွေကတော့ နှစ်နှစ်ခြိုက်ခြိုက် အိပ်ပျော်နေတုန်းမှာ ရုတ်တရက် လန့်နိုးတာ ဒါမှမဟုတ် အနှိုးခံရတဲ့ အခါမျိုးမှာ ဦးနှောက်က ပြည့်ပြည့်ဝဝ မနိုးသေးတာကြောင့် မနက်ခင်းမှာ ပင်ပန်းတယ်လို့ ခံစားရတာပါ။

ညဘက်မှာ အိပ်ရာဝင်ချိန် မှန်မှလည်း ခန္ဓာကိုယ်က အင်အားပြည့်ဝပြီး မနက်ခင်းမှာ လန်းဆန်းတက်ကြွမှာပါ။ ဒါကြောင့် ညဘက်တိုင်းမှာ ပုံမှန် အိပ်ချိန် ထားရှိဖို့လည်းလိုပါတယ်။

အိပ်ခါနီး အနည်းဆုံး နာရီဝက် အလိုမှာ ဖုန်း မသုံးသင့်ပါဘူး။ အိပ်ခါနီး ၂ နာရီအတွင်း ဖုန်းသုံးမယ် ကွန်ပျူတာ သုံးမယ်ဆိုရင် ညဘက် အိပ်စက်မှုမှာ အနှောင့်အယှက် ဖြစ်စေပြီး မနက်ခင်း အိပ်ရာထတဲ့အခါ ပင်ပန်းတယ်လို့ ခံစားရနိုင်ပါတယ်။

ခေါင်းအုံးက မြင့်နေတာ၊ မွေ့ရာက မာလွန်းနေတာ၊ အိပ်ရာခင်းက ကြမ်းတာစတဲ့ အချက်တွေကလည်း သက်သောင့်သက်သာ မရှိသလို ခံစားရစေပြီး နှစ်နှစ် ခြိုက်ခြိုက် အိပ်ပျော်ဖို့ ခက်တာကြောင့် မနက်ခင်း နိုးထတဲ့အခါ ပင်ပန်းစေမှာပါ။

ညဘက် အိပ်ချိန်မှာ ဆီးခဏခဏ ထသွားရတာ ကလည်း အိပ်စက်မှုကို အနှောင့်အယှက် ဖြစ်စေလို့ မနက်ခင်းမှာ အိပ်ရေးမဝဘဲ ပင်ပန်းတယ်လို့ ခံစားရစေနိုင်ပါတယ်။
အိပ်ခါနီးမှာ ရေအများကြီး သောက်မိတာကြောင့် ဆီးခဏခဏ ထသွားနိုင်သလို ဆီးချိုလိုမျိုး ကျန်းမာရေးပြဿနာကြောင့်လည်း ဆီး ခဏခဏ ထသွားရနိုင်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠

23/08/2025

ရုတ်တရက်ကျောက်ကပ်ပျက်စီးခြင်း

ရုတ်တရက်ကျောက်ကပ်ပျက်စီး တယ်ဆိုတာ ကျောက်ကပ်က ရုတ်တရက် သူ့အလုပ်ကို မလုပ်နိုင်တော့တာပါ။ နည်းနည်းပျက်စီးတာလဲဖြစ်နိုင်သလို လုံးဝအလုပ်မလုပ်နိုင်တာလည်း ဖြစ်ပါတယ်။

ရုတ်တရက်ကျောက်ကပ်ပျက်စီးတဲ့ အဓိကအကြောင်းရင်း၃ခုကတော့
ကျောက်ကပ်ကို သွေးကောင်းကောင်းမလျှောက်တာ
ကျောက်ကပ်ကို တိုက်ရိုက်ထိခိုက်တာ
ဆီးပို့ပြွန်ပိတ်ပြီး ဆီးတွေအပြင်ကိုမထွက်နိုင်ဘဲ ကျောက်ကပ်မှာပြန်ပုံနေတာတွေပဲဖြစ်ပါတယ်။

ရုတ်တရက်ကျောက်ကပ်ပျက်စီးတဲ့အခါမှာတော့

ဆီးနည်းတာ(တစ်ခါတလေ ဆီးပုံမှန်သွားတာလည်းဖြစ်နိုင်ပါတယ်။)
ရေတွေစုပြီး ခြေထောက်နဲ့ ခြေကျင်းဝတ်မှာ ဖောနေတာ
မောတာ
နုံးတာ
သတိမကောင်းတာ
ပျို့တာ
အားနည်းတာ
နှလုံးခုန်မမှန်တာ
ရင်ဘတ်အောင့်တာ
သိပ်ပြင်းထန်ရင် တက်တာ၊ သတိလစ်တာအထိဖြစ်တတ်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠

21/08/2025

အဆစ်ရောင်နာ (Arthritis)

အဆစ်ရောင်နာ (Arthritis) ဆိုတာ အဆစ်တွေကို ထိခိုက်စေနိုင်တဲ့ ကျန်းမာရေးပြဿနာ တစ်မျိုးပါ။ အဆစ်တွေ နာကျင်တာ၊ ရောင်ရမ်းတာတွေ ဖြစ်စေနိုင်ပါတယ်။ လှုပ်ရှားဖို့ ခက်တာ၊ တက်တက်ကြွကြွနေဖို့ ခက်တာမျိုးတွေကိုလည်း ခံစားရနိုင်ပါတယ်။

အဆစ်ရောင်နာ ဆိုတာ အဆစ်တွေ ( အရိုး တစ်ခုခုနဲ့ တစ်ခု ဆုံပြီး လှုပ်ရှားမှုတွေ လုပ်ဆောင်နိုင်တဲ့ နေရာ) မှာ ထိခိုက်စေတဲ့ ကျန်းမာရေး ပြဿနာ တစ်မျိုးပါ။ အဆစ်ရောင်နာတွေထဲမှာ အဆစ်တွေ ရောင်ရမ်းတာ၊ ကျိုးတာမျိုးတွေ ပါဝင်နေပါတယ်။ ဒီလိုပြောင်းလဲမှုတွေက အဆစ်တွေမှာ လှုပ်ရှားမှု လုပ်တဲ့အဆခါ နာကျင်မှုကို ခံစားရစေနိုင်ပါတယ်။

အဆစ်ရောင်နာအမျိုးအစားတွေက အဆစ်တွေရဲ့ အခြေအနေကို လိုက်ပြီး အမျိုး ၁၀၀ ကျော် ကွာခြားနိုင်ပါတယ်။ အဖြစ်များတဲ့ အဆစ်ရောင်နာတွေကတော့
Osteoarthritis (အရိုးအဆစ်ရောင်) (သို့မဟုတ်) “wear and tear” အဆစ်ရောင်နာ – ဒီအဆစ်ရောင် အမျိုးအစားကတော့ အရိုးနုလေးတွေအပေါ် ဖိအား အကြိမ်ကြိမ် သက်ရောက်တာကြောင့် အရိုးနုလေးတွေ ပျက်စီးသွားရာကနေ ဖြစ်တဲ့ အဆစ်ရောင်နာပါ။ အဖြစ်များတဲ့ အဆစ်ရောင်နာ တစ်မျိုးပါ။
Ankylosing spondylitis (ခါးအောက်ပိုင်း အဆစ်ရောင်နာ) (သို့မဟုတ်) arthritis of the spine – ခါးအောက်ဘက်ပိုင်းက အဆစ်တွေမှာ ဖြစ်တဲ့ အဆစ်ရောင်နာ အမျိုးအစားပါ။ .
Juvenile arthritis (ကလေးတွေမှာ ဖြစ်တဲ့ အဆစ်ရောင်နာ) (JA) – ကိုယ်ခံအားက အဆစ်တဝိုက်မှာရှိတဲ့ တစ်ရှူးတွေကို မှားယွင်းတိုက်ခိုက်တာကြောင့် ဖြစ်တဲ့ အဆစ်ရောင်နာအမျိုးအစားပါ။ အစက် ၁၆ နှစ်အောက်တွေမှာ အဖြစ်များပါတယ်။
Gout (ဂေါက်ရောဂါ) – အဆစ်တွေထဲမှာ ယူရစ်အက်ဆစ် ပုံဆောင်ခဲတွေ ဖြစ်ပေါ်မှုကြောင့် ဖြစ်တဲ့ အဆစ်ရောင်နာအမျိုးအစားပါ။
Psoriatic arthritis – ကိုယ်ခံအား ပုံမှန်မဟုတ်တာကြောင့် ဖြစ်တဲ့ ပြင်းထန်တဲ့ အရေပြားဓာတ်မတည့်မှု ခံစားနေရသူတွေမှာ ဖြစ်တဲ့ အဆစ်ရောင်နာပြဿနာ တစ်မျိုးပါ။ psoriasis အရေပြားရောဂါ ခံစားနေရသူတွေမှာ ဖြစ်တဲ့ အဆစ်ရောင်နာတစ်မျိုးပါ။
Rheumatoid arthritis (လေးဖက်နာ) – ကိုယ်ခံအားက အဆစ်တွေမှာ ရှိတဲ့ synovial membranesတွေကို တိုက်ခိုက်တာကြောင့် ဖြစ်တဲ့ အဆစ်ရောင်နာ တစ်မျိုးပါ။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠

Address

K/18, Nwe Thar Gi Street , Bayint Naung Warehouses, Mayangone
Yangon
11061

Opening Hours

Monday	08:00 - 23:45
Tuesday	08:00 - 23:45
Wednesday	08:00 - 23:45
Thursday	08:00 - 23:45
Friday	08:00 - 23:45
Saturday	08:00 - 23:45
Sunday	08:00 - 23:00

Telephone

+959977835686

Website

http://mydoctor.com.mm/

Alerts

Be the first to know and let us send you an email when My Doctor posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to My Doctor:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Yangon?

My Doctor အေၾကာင္း

My Doctor သည္ ဝဘ္ဆိုဒ္၊ အပလီေကးရွင္း စသည့္ အမ်ိဳးမ်ိဳးေသာမိုဘိုင္းဖုန္းႏွင့္ ဒီဂ်စ္တယ္ ဆက္သြယ္ေရးနည္းပညာမ်ားကို အသံုးျပဳျပီး ျမန္မာႏိုင္ငံသားမ်ား၏ က်န္းမာေရးအဆင့္အတန္းကို ကူညီျမွင့္တင္ေပးႏိုင္ရန္ ရည္ရြယ္ထားပါသည္။ျမန္မာႏိုင္ငံသားမ်ားအေန ျဖင့္ ပိုမိုက်န္းမာၾကံ့ခိုင္၍ က်န္းမာေရးအဆင့္အတန္းျမင့္မားေသာ လူ႔ေဘာင္အဖြဲ႕အစည္းတစ္ရပ္သို႔ တက္လွမ္း ရာတြင္ My Doctor ကိုတံတားတစ္ဆင္းသဖြယ္အသံုးခ်သြားႏိုင္ ေစရန္ ကၽြန္ုပ္တို႔မွ သႏၶိဌာန္ခ်မွတ္၍ အစဥ္ ၾကိဳးပမ္းလွ်က္ရွိပါသည္။