https://www.facebook.com/345957412506935/

TOP 7 Clinic & Pharmacy, Anawmar Street 7, Yangon (2025)

24/04/2018

လက်ရှိ လှိုင်သာယာအမှိုက်ပုံမီးလောင်မှုနဲ့ ကျန်းမာရေးနောက်ဆက်တွဲပြဿနာများ

TOP 7 Clinic & Pharmacy

လက်တလော ရန်ကုန်၊ လှိုင်သာယာမြို့နယ်က ထိန်ပင်အမှိုက်ပုံမီးလောင်မှုကြောင့် လေကြောင်းသင့်မြို့နယ်တွေမှာ မီးခိုးမှိုင်းနဲ့ အနံ့အသက်ဆိုးတွေပြန့်နှံ့နေတာ အားလုံးသိပြီးဖြစ်ပါလိမ့်မယ်။ ကမ္ဘာ့မြို့ကြီးတွေမှာ အကြောင်းအရင်းအမျိုးမျိုးကြောင့် မီးခိုးမှိုင်းတွေဖုံးလွှမ်းလေ့ရှိပါတယ်။ ဥပမာအနေနဲ့ လျှပ်စစ်ဓာတ်အားပေးစက်ရုံ၊ စက်မှုဇုံ၊ စက်တပ်မော်တော်ယာဉ် အစရှိတာတွေပေါ့။ တစ်ခါတစ်ရံမှာ အနီးနားတောအုပ်တစ်ခုခုမီးလောင်ခြင်းကြောင့်လည်း ဖြစ်တတ်ပါတယ်။ အထူးသဖြင့် အမေရိကန်၊ သြစတေးလျနဲ့ ဥရောတို့မှာ ပူပြင်းခြောက်သွေ့တဲ့ ရာသီဆိုရင် တောမီးလောင်ပြီး မီးခိုးမှိုင်းတွေ ဝေနေတတ်ပါတယ်။ အရှေ့တောင်အာရှမှာတော့ မီးခိုးမှိုင်းပြဿနာက နှစ်စဉ်ကြုံနေကျပြဿနာတစ်ခုပါ။ များသောအားဖြင့် မေနဲ့ အောက်တိုဘာလတွေမှာ ဖြစ်လေ့ရှိပါတယ်။ အခုရန်ကုန်မှာ ကြုံနေရတာကတော့ ဧက (၃၀၀) လောက်ရှိတဲ့ အမှိုက်ပုံကြီး ဧက (၁၀၀)လောက် မီးလောင်နေတဲ့ ပြဿနာပါ။

ရေတိုကျန်းမာရေးပြဿနာများ

- မျက်စိကျိန်းစပ်ခြင်း၊ မျက်ရည်အလွန်အကျွံထွက်ခြင်း၊ မျက်မှေးရောင်ရမ်းခြင်း
- နှာရည်ယိုခြင်း၊ နှာခေါင်းပိတ်ခြင်း၊ နှာချေခြင်း
- လည်ပင်းယားယံခြင်း၊ လည်ပင်းခြောက်ခြင်း၊ လည်ပင်းနာခြင်း၊ ချောင်းဆိုးခြင်း
- ခေါင်းကိုက်ခြင်း၊ မူးဝေခြင်း၊ ပင်ပန်းနွမ်းနယ်ခြင်း
- အဆုတ်စွမ်းဆောင်ရည်ကျဆင်းခြင်း၊ အသက်ရှူလမ်းကြောင်းကာကွယ်ရေးစနစ် အားလျော့ခြင်း၊ ရင်ဘတ်အောင့်ခြင်း၊ လေပြွန်ရောင်ခြင်း၊ အဆုတ်ရောင်ခြင်း
- ဝမ်းပျက်ဝမ်းလျှောခြင်း၊ အစာအိမ်အောင့်ခြင်း၊ မီးခိုးမှိုင်းသင့်ထားတဲ့ ရေတွေကိုသောက်ရင် ရေကတစ်ဆင့်ဖြစ်တတ်တဲ့ ရောဂါများဖြစ်ပွားခြင်း
- စိုးရိမ်ပူပန်ခြင်း၊ စိတ်ဖိစီးခြင်း၊ စိတ်ဓာတ်ကျခြင်း လက္ခဏာတွေဖြစ်တဲ့ အိပ်ရေးပျက်ခြင်း၊ အကူအညီကင်းမဲ့သလိုခံစားရခြင်း၊ နေ့စဉ်လုပ်ငန်းဆောင်တာတွေအပေါ် စိတ်ဝင်စားမှုလျော့ကျခြင်း၊ စိတ်အလိုမကျဖြစ်ပြီး စိတ်ဆတ်နေခြင်း

ဆိုခဲ့တဲ့ ပြဿနာတွေကတော့ ခပ်ပျော့ပျော့သာဖြစ်ပြီး မီးခိုးမှိုင်းရှောင်ပြီး အိမ်ထဲအောင်းနေရင်း အနည်းနဲ့အများသက်သာသွားမှာပါ။ ဒါပေမဲ့ နဂိုကတည်းက အသက်ရှုလမ်းကြောင်းဆိုင်ရာနဲ့ နှလုံးနဲ့သွေးကြောဆိုင်ရာပြဿနာရှိသူတွေခမျာတော့ မီးခိုးမှိုင်းကြောင့် ရှိရင်းစွဲရောဂါတွေကို အားပေးသလိုဖြစ်ပြီး ရောဂါကြွလာနိုင်ပါတယ်။ သူတို့က သာမန်ကျန်းမာသူတွေထက် မီးခိုးမှိုင်းဒဏ်ကို ပိုခံစားရမှာဖြစ်ပါတယ်။

ရေရှည်ကျန်းမာရေးပြဿနာများ

- အထက်မှာပြောခဲ့သလို နဂိုရှိရင်းစွဲရောဂါတွေကို ပိုဆိုးစေနိုင်ပါတယ်။ အထူးသဖြင့် နှလုံးနဲ့ သွေးကြော ပြဿနာတွေကို အခြေအနေဆိုးစေနိုင်ပါတယ်။

- နှလုံးနဲ့ သွေးကြောရောဂါတွေကြောင့် သက်တမ်းစေ့မနေနိုင်တော့ဘဲ အစောတလျင် အသက်ဆုံးရှုံးမှုတွေ ပိုမိုဖြစ်ပေါ်လာနိုင်ပါတယ်။

- အဆုတ်ခဲခြင်း (အဆုတ်အမာရွတ်ထင်ခြင်း)၊ ခန္ဓာကိုယ် ဇီဝကမ္မဖြစ်စဉ်ပျက်ယွင်းခြင်း၊ အသည်းလုပ်ဆောင်ချက်ပျက်ယွင်းခြင်း

- အင်ဆူလင် ဟော်မုန်း Resistance ဖြစ်စေခြင်း၊ ရောင်ရမ်းခြင်း၊ ဆီးချိုရောဂါဖြစ်နိုင်ခြေပိုများခြင်း

- လူကြီးတွေမှာ ထိပ်ခတ်နာဖြစ်ခြင်း (ခေါင်းရိုးလိုဏ်ခေါင်းနာ)ဖြစ်ခြင်း၊ ကလေးတွေမှာ အသက်ရှုလမ်းကြောင်းဆိုင်ရာ ရောဂါများဖြစ်ခြင်း

- ကိုယ်ဝန်ဆောင်မိခင်တွေ ကိုယ်ဝန်ပျက်ကျနိုင်ခြေ၊ ကလေးကိုယ်အလေးချိန်မပြည့်ဘဲမီးဖွားနိုင်ခြေ၊ ခြေလက်အင်္ဂါမစုံနိုင်ခြေနဲ့ အသေမွေးခြင်းများဖြစ်ပွားနိုင်ခြေ မြင့်မားလာခြင်း

- ဦးနှောက်အိုမင်းရင့်ရော်မှုဖြစ်စေခြင်း

အကြံပြုချက်များ

- မလိုအပ်ဘဲအပြင်မထွက်ပါနဲ့။ အထူးသဖြင့် နာတာရှည်ရောဂါခံစားနေရတဲ့ သက်ကြီးရွယ်အိုများ၊ ကလေးငယ်များ၊ ကိုယ်ဝန်ဆောင်မိခင်များ အိမ်ထဲမှာပဲနေသင့်ပါတယ်။ နှာခေါင်းစည်း ဝတ်ဆင်ထားပါ။

- အိမ်နဲ့ ရုံးတံခါးတွေကို ပိတ်ထားပါ။

- လေသန့်စင်စက်များတပ်ဆင်ပါ။

- တပ်ဆင်ထားတဲ့ လေအေးပေးစက်တွေကို မှန်မှန်ဆေးပေးပါ။

- ရောဂါရှိသူတွေအနေနဲ့ သောက်နေတဲ့ဆေးတွေကို မပျက်မကွက်မှန်မှန်ဆက်သောက်ပါ။

- ရေများများသောက်ပါ။ လတ်လတ်ဆတ်ဆတ်အသီးအနှံများနဲ့ ဟင်းသီးဟင်းရွက်များစားသုံးပါ။

- အိမ်အတွင်း မီးခိုးထွက်ခြင်းကို အတတ်နိုင်ဆုံးထိန်းချုပ်ပါ။ မီးသွေးမီးဖို၊ ဂတ်စ်မီးဖို၊ ဖယောင်းတိုင်တို့ကို မလိုအပ်ဘဲ မဖွင့် မထွန်းပါနဲ့။

- အပြင်မှာ အမြင်မှုန်ဝါးနေရင် မလိုအပ်ဘဲ ကားမမောင်းပါနဲ့။

Photo taken from Ministry of the Environment and Water Resources [SG]

Dr. Chit Swe

18/02/2018

သားလေးလား၊ သမီးလေးလား အတည်ပြုပေးမယ့် အာထရာဆောင်း

အာထရာဆောင်းဓာတ်မှန်ဟာ ဆရာဝန်တွေအတွက် သန္ဓေသားရဲ့ ကျန်းမာရေးအခြေအနေကို စောင့်ကြည့်ဖို့အရေးပါတဲ့ စစ်ဆေးမှုတစ်ခုဖြစ်နိုင်သလို မိခင်တွေအတွက်လည်း သူတို့ရင်သွေးလေးဟာ ကျားလား၊ မလား သိနိုင်ဖို့ ဆုံးဖြတ်ပေးနိုင်တဲ့ ကိရိယာတစ်ခုပါပဲ။

လေ့လာမှုတစ်ခုအရ သန္ဓေသားရဲ့ လိင်ကို အာထရာဆောင်းနဲ့ကြည့်တဲ့အခါ မှန်ကန်မှု ၉၈% ရှိတယ်လို့ သိရပါတယ်။ ဒါပေမဲ့ မှန်ကန်ဖို့အတွက် အာထရာဆောင်းရိုက်တဲ့အချိန်၊ သန္ဓေသားရဲ့ အနေအထား၊ အမွှာဟုတ်မဟုတ်နဲ့ ကိုယ်ဝန်ဆောင်ရဲ့ ခန္ဓာကိုယ်အရွယ်အစား အစရှိတဲ့အချက်တွေက အရေးပါ ပါတယ်။

ကျွန်မကလေးက ယောက်ျားလေးလား၊ မိန်းကလေးလားဆိုတဲ့မေးခွန်းကို ဆရာဝန်တော်တော်များများ ကြုံဖူးကြမှာပါ။ မိဘတွေဟာ ကိုယ်ဝန် ၁၈-၂၀ ပတ် (၄ လခွဲနဲ့ ၅ လ) ဝန်းကျင်မှာ အာထရာဆောင်းရိုက်တတ်ကြပါတယ်။ အဲဒီအချိန်ကာလဟာ ကလေးငယ်ရဲ့ လိင်ကို အဆုံးဖြတ်ပေးနိုင်ပါပြီ။ ဒါပေမဲ့ အမြဲတမ်းတော့မဟုတ်ပါဘူး။ ကလေးငယ်ဘယ်လိုအနေအထားနဲ့ ရှိနေသလဲ၊ တည့်တည့်လား၊ ဇောက်ထိုးလား၊ ကျောပေးထားလား၊ မျက်နှာပေးထားလားဆိုတာက အတိအကျအဖြေပေးနိုင်ဖို့ အရေးပါတဲ့ အကြောင်းအရင်းဖြစ်ပါတယ်။ ဒါ့အပြင် ကလေးငယ်ဟာ ယောက်ျားလေးဆိုရင် အာထရာဆောင်းရိုက်တဲ့ဆရာဝန်အတွက် လွယ်ကူစွာပိုတွေ့နိုင်ပါတယ်။

တစ်ချို့မိဘတွေက ကိုယ်ဝန်ဗိုက်ထွက်ပုံ၊ ကလေးငယ်ရဲ့ နှလုံးခုန်နှုန်း၊ မိခင်ရဲ့ ရုပ်အဆင်းကို ကြည့်ပြီး သန္ဓေသားဟာ ကျားလား၊ မလားဆိုတာကို ခန့်မှန်းလို့ရတယ်ထင်ပါတယ်။ ဒီလိုအယူအဆတွေဟာ ကျွန်တော်တို့ မြန်မာ့လူ့အဖွဲ့အစည်းမှာ အမြစ်တွယ်နေခဲ့တာကြာပါပြီ။ သိပ္ပံနည်းအရကြည့်မယ်ဆိုရင် အဲဒီအယူအဆတစ်ခုကိုမှ အတည်မပြုနိုင်သေးပါဘူး။

ဒီတော့ ဆရာဝန်က အာထရာဆောင်းကြည့်နေရဲ့သားနဲ့ မေမေ့ရဲ့ ရင်သွေးလေးကို ကျားလား မလားမပြောနိုင်ဘူးဆိုရင်လည်း ဒေါတွေခီးပြီး စိတ်ပျက်မသွားပါနဲ့ဦး။ သိပ်မကြာခင်ပြန်လည်သိရမှာပါ။ အကောင်းဆုံးကတော့ ယောက်ျားလေးအဝတ်အစား၊ မိန်းကလေးအဝတ်အစားဆိုပြီး ခွဲဝယ်တာမျိုးမလုပ်ဖို့ သားလေးမွေးမွေး၊ သမီးလေးမွေးမွေးအဆင်ပြေမယ့်ဟာမျိုးတွေသာ ဝယ်စုပါလို့ အကြံပြုချင်ပါတယ်။

အားလုံးကျန်းမာချမ်းသာကြပါစေ။

(ဒေါက်တာချစ်ဆွေ)

ကျန်းမာရေးဗဟုသုတတွေအတွက် TOP 7 Clinic & Pharmacy ကို Like လုပ်ထားဖို့မမေ့ပါနဲ့။

13/01/2018

ဝက်ခြံအကြောင်း တစ်စေ့တစ်စောင်း

ဝက်ခြံဟာ နာတာရှည် အရေပြားရောင်ရမ်းနာတစ်မျိုးဖြစ်ပါတယ်။ ဝက်ခြံကြောင့် မျက်နှာ၊ ပုခုံး၊ လည်ကုတ်၊ နောက်ကျော၊ ရင်ဘတ်နဲ့ လက်မောင်းတို့မှာ အဖုအပိန့်တွေထတတ်ပါတယ်။ ဝက်ခြံအမျိုးအစားအမျိုးမျိုးရှိပါတယ်။
ကြီးကောင်ဝင်စအရွယ်မှာ ဝက်ခြံအပေါက်များပါတယ်။ အဲဒီအရွယ်မှာ အဆီကျိတ်ဂလင်းတွေ အလုပ်စလုပ်လို့ပါ။ ဒါပေမဲ့ အသက်အရွယ်အပိုင်းခြားမရွေးဝက်ခြံပေါက်တတ်ပါတယ်။ ဝက်ခြံဟာ အန္တရာယ်မရှိပေမယ့် မျက်နှာမှာ အမာရွတ်တွေ ချိုင့်ခွက်တွေကျန်ခဲ့တတ်ပါတယ်။ အမျိုးသားရော အမျိုးသမီးတွေမှာပါရှိတဲ့ အဒရီနယ်ဂလင်းအကျိတ်ကနေ ထုတ်လွှင့်လိုက်တဲ့ ကျားဟော်မုန်းတွေဟာ အဆီကျိတ်ဂလင်းတွေကို အလုပ်လုပ်စေပါတယ်။ ငယ်ရွယ်စဉ်လူတော်များများ ဝက်ခြံနဲ့ မကင်းခဲ့ကြပါဘူး။

ဝက်ခြံအကြောင်း နည်းနည်းလေ့လာကြည့်ရအောင်။

- ဝက်ခြံဟာ မွေးညင်းပေါက်အခြေမှာရှိတဲ့ အဆီကျိတ်ဂလင်းတွေကြောင့် ဖြစ်ရတဲ့ အရေပြားရောဂါတစ်မျိုးဖြစ်ပါတယ်။

- အသက် ၁၁ နှစ်နဲ့ ၃၀ အကြား လူ ၄ဦးလျင် ၃ ဦး ဝက်ခြံပေါက်ပါတယ်။

- အန္တရာယ်ရှိတဲ့ရောဂါမဟုတ်ပေမယ့် အရေပြားမှာ အမာရွတ်ကျန်တတ်ပါတယ်။

- ဝက်ခြံအနေအထားအပေါ်မူတည်ပြီး ကုသမှုတွေကွဲပြားပါတယ်။
ဝက်ခြံပေါက်နိုင်ခြေများတဲ့အချက်တွေကတွေထဲမှာ မျိုးရိုးလိုက်ခြင်း၊ ဓမ္မတာစက်ဝန်း၊ စိုးရိမ်ပူပန်ခြင်း၊ စိတ်ဖိစည်းခြင်း၊ ပူပြီးစိုစွတ်တဲ့ ရာသီဥတု၊ ဆီအခြေခံမိတ်ကပ်များအသုံးပြုခြင်း၊ ဝက်ခြံညှစ်ခြင်းတို့ပါဝင်ပါတယ်။

ရောဂါလက္ခဏာများ

- အဆံဖြူ (အပေါက်ပိတ်ဝက်ခြံ)
- အဆံမည်း (အပေါင်ပွင့် ဝက်ခြံ)
- နာတဲ့ အနီရောင် ဖောင်းကြွလုံးလေးများ (ဝက်ခြံဖု)
- ဝက်ခြံထိပ်ဖျားမှာပြည်တည်ခြင်း (ပြည်တည်အနာဖု)
- အရေပြားအောက်မှာပေါက်တဲ့ ကြီးမားပြီး နာကြင်တဲ့ အနာခဲ
- အရေပြားအောက်မှာပေါက်တဲ့ နာကြင်ပြီး ပြည်တည်နေတဲ့ ဝက်ခြံဖု

ဝက်ခြံဘာကြောင့်ဖြစ်

ဝက်ခြံဖြစ်စေတဲ့အဓိကအကြောင်းအရင်း ၄ ခုရှိပါတယ်။

- အဆီပြန်များခြင်း
- မွေးညင်းပေါက်တွေထဲမှာ ဆီနဲ့ အရေပြားဆဲလ်အသေတွေပိတ်ဆို့ခြင်း
- ဘက်တီးရီးယားပိုးမွှား
- ကျားဟော်မုန်း (အန်ဒရိုဂျင်) ထုတ်လုပ်မှုအဆမတန်များပြားခြင်း

ဝက်ခြံကိုပိုဆိုးစေတဲ့အချက်များ

ဟော်မုန်း - ကြီးကောင်ဝင်စ ယောက်ျားလေး မိန်းကလေးတိုင်းမှာရှိတဲ့ အန်ဒရိုဂျင် ကျားဟော်မုန်းထုတ်လုပ်မှု များပြားခြင်းဟာ အဆီကျိတ်တွေကို ကြီးထွားစေပြီး အဆီထုတ်လုပ်မှုမြင့်တက်စေပါတယ်။ ကိုယ်ဝန်ဆောင်ခြင်းကြောင့် ဟော်မုန်းအပြောင်းအလဲဖြစ်ခြင်း၊ သန္ဓေတားဆေးများ သောက်ခြင်းတွေဟာလည်း အဆီထုတ်လုပ်မှုကို မြင့်တက်စေပါတယ်။ ဒါ့အပြင် အမျိုးသမီးတွေရဲ့ သွေးထဲမှာ အန်ဒရိုဂျင်ဟော်မုန်းနည်းပါးခြင်းကလည်း ဝက်ခြံကို ပိုဆိုးစေပါတယ်။

ဆေး - တစ်ချို့ဆေးတွေဟာ ဝက်ခြံကိုပိုဆိုးစေပါတယ်။ ဥပမာ ကော်တီကို စတီးရွိုက်များ၊ တက်စတိုစတီရုန်းနဲ့ လစ်သီယမ်။

အစားအစာ - အဆီထုတ်ထားသောနို့၊ ကဆီဓာတ်အလျှံပယ်ပါဝင်တဲ့အစား

အစာများ - ဥပမာ ထမင်း၊ ပေါင်မုန့်၊ အာလူးကြော် အစရှိတာတွေက ယက်ခြံကိုပိုဆိုးစေပါတယ်။ ချောကလတ်ဟာလည်း ဝက်ခြံကိုပိုဆိုးနိုင်တယ်ဆိုပြီး ပြောဆိုချက်တွေရှိပါတယ်။

စိတ်ဖိစည်းမှု - စိတ်ဖိစည်းမှုများပြားခြင်းကလည်း ဝက်ခြံကိုပိုဆိုးစေပါတယ်။

အားလုံးကျန်းမာချမ်းသာကြပါစေ။

ကျန်းမာရေးဗဟုသုတတွေအတွက် TOP 7 Clinic & Pharmacy ကို Like လုပ်ထားဖို့မမေ့ပါနဲ့။

29/12/2017

ယူသနေးစီယား (Euthanasia) သို့မဟုတ် ညင်သာစွာဇိဝိန်ခြွေပေးခြင်း

ယူသနေစီးယားဟူသည်

Euthanasia ဆိုတာက မူရင်း ဂရိဘာသာစကားကနေဆင်းသက်လာတာ။ အဓိပ္ပာယ်ကတော့ ကောင်းမွန်စွာသေခြင်း (Good Death) ပါ။ အင်္ဂလိပ်လို ယူပြီးဘာသာပြန်လိုက်တော့ လွယ်ကူစွာသေခြင်း သို့မဟုတ် ညင်သာစွာဇိဝိန်ခြွေပေးခြင်း (mercy Killing) လို့ အဓိပ္ပာယ်ရတယ်။ ယူသနေးစီယားကို ရှေး ဂရိတွေနဲ့ ရောမတွေက သဘောတူခဲ့ကြတယ်။ အာရှရဲ့အယူဝါဒသုံးခု ဗုဒ္ဓ၊ ဂျပန်တွေကိုးကွယ်တဲ့ ကာမီနိုမီချီလို့ခေါ်တဲ့ ရှင်တိုနဲ့ ကွန်ဖြူးရှပ်အယူဝါဒတို့မှာလည်း ယူသနေးစီယားကို လက်ခံကြတယ်။ ဒါပေမဲ့ တစ်ဆူတည်း ဘုရား (ဖန်ဆင်းရှင်၊ ထာ၀ရဘုရား) အယူဝါဒ ဘာသာတရားသုံးခုဖြစ်တဲ့ ဂျူး၊ အစ္စလာမ်နဲ့ ခရစ်ယာန် တို့မှာတော့ လက်မခံဘူး။ အစ္စလာမ်ဘာသာမှာတော့ ယူသနေစီးယားအမျိုးအစားတစ်မျိုးဖြစ်တဲ့ Passive Euthanasia ကို လက်ခံတယ်ဆိုတဲ့ အဆိုတွေရှိပါတယ်။

ဒါပေမဲ့လည်း ယူသနေးစီယားကို ဘာသာတရားပေါ်မမူတည်ဘဲ သူ့ဟာနဲ့သူ ထောက်ခံတဲ့လူ၊ မထောက်ခံတဲ့လူတွေကတော့ နိုင်ငံတိုင်းမှာ ရှိနေတယ်။ ယူသနေးစီယားလုပ်ဖို့အတွက် လူနာနှစ်မျိုးနှစ်စားမှာ အကျုံး၀င်ပါတယ်။ (၁) ရှင်လျက်သေနေတဲ့ လူနာ (ဥပမာ - ကိုမာ)။ သဘောက နိုးတော့နိုးနေတယ်။ ဒါပေမဲ့ မိမိကိုယ်ကိုယ် သို့မဟုတ် ပတ်၀န်းကျင်ကို ဘာမှမသိတော့ဘူး။ သူ့ဦးနှောက်ရဲ့လုပ်ဆောင်ချက်ကလည်း သွားပြီ။ သူအသက်ရှင်ဖို့အတွက် အသက်ကယ်ပစ္စည်းတွေ ဖြစ်တဲ့ အသက်ရှူစက်တွေ၊ နှလုံးစက်၊ အဆုတ်စက်တွေ၊ သွေးကြောကနေ အာဟာရဖြည့်တင်းပေးရတာတွေ လုပ်နေရတယ်။ ပြန်ကောင်းဖို့လည်း မရှိတော့ဘူး။ လုံး၀ဥဿုံ မှီခိုနေရတဲ့ ရှင်လျက်သေတဲ့လူနာပေါ့။ (၂) နောက်တစ်မျိုးကတော့ အသိရော သတိရောရှိတယ်။ သူက အသက်ကယ်ပစ္စည်းတွေပေါ်မှာတော့ မမှီခိုနေရဘူး။ ဒါပေမဲ့ သူခမျာ ရောဂါနောက်ဆုံးအဆင့်ခံစားနေရပြီး မခံမရပ်နိုင်လောက်အောင် နာကျင်မှုဝေဒနာကို ခံစားနေရတယ်။ နောက်ပြီး ပြန်မကောင်းနိုင်တော့တဲ့ စိတ်ရောဂါ၊ လူဖြစ်ရှုံးနေတဲ့ ရောဂါတစ်ခုခု ခံစားနေရတယ်။ ဒီနှစ်မျိုးပေါ့။

ယူသနေးစီယားအမျိုးအစားများ

Active ယူသနေးစီယား။ ဒါကတော့ စေခိုင်းလို့လုပ်ရတာ။ သဘောက တစ်စုံတစ်ယောက်ကို သတ်ခိုင်းတာပါ။ ဥပမာ ဆေးထိုးသတ်တာမျိုးဆိုပါတော့။
Passive ယူသနေးစီယား။ ဒါကတော့ သေတော့မယ်လူနာတစ်ယောက်ကို ပေးသေလိုက်တဲ့သဘော။ ဆိုလိုတာက အသက်ကယ်ပစ္စည်းတွေအပေါ် မှီခို ရှင်သန်နေရတဲ့ လူနာကို အသက်ကယ်ပစ္စည်းတွေ ဖြုတ်ပေးလိုက်တာ။ Passive ကို အစာရေစာ(အာဟာရ) ဖြတ်တောက်လိုက်ခြင်း၊ ဆေးဝါးဖြတ်တောက်လိုက်ခြင်း၊ ကုသမှုရပ်နားလိုက်ခြင်း၊ အသက်ကယ် CPR မလုပ်တော့ခြင်း၊ အသက်ကယ်ပစ္စည်းတွေ ဖြုတ်လိုက်ခြင်း နဲ့ လုပ်ကြတယ်။ လူနာကို သေမယ့်အတူတူ အသက်မကယ်တော့ဘဲ သူခံစားနေရတဲ့ရောဂါနဲ့ ပေးသေလိုက်တဲ့သဘောပါ။

အာဟာရဖြတ်တောက်လိုက်ခြင်းဆိုရာမှာ သာမန်အာဟာရဆိုတာနဲ့ ဆေးပညာအရ ပေးတဲ့ အာဟာရဆိုပြီး ခွဲခြားထားတယ်။ ဆေးပညာအရဆိုရာမှာ သွေးကြောကတစ်ဆင့်၊ နှာခေါင်းပိုက်က တစ်ဆင့် ပေးတာကို ဆိုလိုတာပါ။
ယူသနေးစီယားကို လူနာကိုယ်တိုင် ဆုံးဖြတ်နိုင်သလို (အသိစိတ်မရှိတော့တဲ့လူနာတွေမှာ) ကျန်းမာရေး၀န်ထမ်း (အထူးသဖြင့်ဆရာ၀န်) က ဆုံးဖြတ်နိုင်ပါတယ်။

လူနာက ဆုံးဖြတ်လို့ ညင်သာစွာဇိဝိန်ခြွေပေးခြင်းကတော့ Voluntary။ အသိစိတ်မရှိတော့တဲ့ လူနာကို ကျန်းမာရေး၀န်ထမ်းက ဆုံးဖြတ်ပေးတာကတော့ Non-voluntary။ ဒီတော့ Non-voluntary ဆိုတာ လူနာရဲ့သဘောထားနဲ့ ဆန့်ကျင်ကောင်းဆန့်ကျင်နေပါလိမ့်မယ်။ ကိုယ်မှမသိရတာကိုး။ လူနာရှင် (မိသားစုဝင်၊ အိမ်ထောင်ဖက်) ရဲ့ သဘောထားကလည်း အရေးကြီးပါတယ်။

ယူသနေးစီယားနဲ့ လူ့ကျင့်၀တ်

အောက်မှာဖော်ပြမှာကတော့ ဥရောပနဲ့ အမေရိကန်တို့ရဲ့ ဆွေးနွေးငြင်းခုံမှုတွေပါ။ Active ယူသနေးစီယားအတွက် အရေးပါတဲ့ သဘောတူညီမှုနှစ်ခုကတော့

(၁) ဘယ်အရာကမှ မကယ်နိုင်လောက်တော့တဲ့ထိအောင် မခံမရပ်နိုင်အောင် နာကျင်ကိုက်ခဲခြင်း၊ စိတ်ပိုင်းဆိုင်ရာနဲ့ ကိုယ်ပိုင်ဆိုင်ရာ ဝေဒနာများခံစားနေခြင်းတွေမှာ လုပ်သင့်တယ်။

(၂) လက်တွေ့ဝါဒီ (Utilitarian) တွေကတော့ ယူသနေးစီယားကို တောင်းဆိုခွင့်ရှိသော (Desirable) လို့ ယုံကြည်ကြတယ်။ ဘာကြောင့်လဲဆိုတော့ နောက်ဆုံးအဆင့် ကင်ဆာလို သေကိုသေတော့မယ့် အခြေအနေ Terminally Ill လူနာတွေအနေနဲ့ ဆိုးဝါးရက်စက်လွန်းတဲ့ ဝေဒနာကို မခံစားသင့်ဘူး၊ လွတ်မြောက်သင့်တယ်လို့ သူတို့က ယုံကြတယ်။
အောက်ဖော်ပြပါနှစ်ခုကတော့ ဆန့်ကျင်တဲ့ အယူအဆပါ။

(၁) သတ်တယ်ဆိုကတည်းက လူ့ကျင့်၀တ်အရ မှားယွင်းနေသလို ဘာသာတရားတိုင်းကလည်း တားမြစ်ထားတယ်။

(၂) Terminal Condition ဝေဒနာရှင်တွေအတွက် ပြန်ကောင်းလာနိုင်တဲ့ မမျှော်လင့်ပဲ ကုသမှုတစ်စုံတစ်ရာ ပေါ်လာနိုင်တယ်။

တရား၀င်အောင်လုပ်ခြင်း

ဥရောပနဲ့ အမေရိကားမှာတော့ ယူသနေးစီယားကို တရား၀င်လုပ်သင့်မလုပ်သင့် ဆိုတာနဲ့ ပတ်သက်ပြီး အခြေအတင်ငြင်းခုံမှုတွေ ဆက်လက်ဖြစ်နေဆဲပါ။ တရား၀င်စေချင်သူတွေက လူတိုင်းက မည်သူတစ်ဦးတစ်ယောက်ရဲ့ Right ကိုမှ မထိခိုက်ဘဲ ကိုယ့်အသက်နဲ့ ပတ်သက်ပြီး လွတ်လပ်စွာရွေးချယ်ပိုင်ခွင့်ရှိတယ်၊ ကိုယ့်ရွေးချယ်ခွင့်ကို ဘယ်သူကမှ မစွက်ဖက်သင့်ဘူးလို့ ဆိုကြတယ်။

ဆန့်ကျင်သူတွေကတော့ လူ့အသက်ကို တန်ဖိုးမထားရာရောက်တယ်လို့ ဆိုကြပြန်တယ်။ ဒါ့အပြင် ယူသနေးစီယားကို ရာဇ၀တ်မှုကျူးလွန်လိုတဲ့ ရည်ရွယ်ချက်နဲ့ အလွဲသုံးစားလုပ်မယ့် အန္တရာယ်ရှိတယ်လို့ ထောက်ပြကြပြန်တယ်။ ငွေကုန်ကြေးကျများလာခြင်းကလည်း ယူသနေးစီယားလုပ်ဖြစ်အောင် တွန်းပို့သလို ဖြစ်နိုင်တယ်။ သဘောက မိသားစု၀င်ထဲက တစ်ယောက်ယောက်က နာတာရှည်ရောဂါလည်းဖြစ်နေတယ်၊ ပြန်ကောင်းဖို့လည်း မရှိတော့ဘူး ဆိုတဲ့အနေအထားမှာ သက်ဆိုင်ရာမိသားစုတင်မက အစိုးရအတွက်ပါ အဲဒီလူနာအတွက် စရိတ်စက ၀န်ထုတ်၀န်ပိုးဖြစ်လာနိုင်တယ်။ သေတော့မယ် လူနာကြီးကို အသက်ကယ်ကိရိယာတွေအသုံးပြုပြီး အသက်ဆွဲဆန့်နေမယ်ဆိုရင် မလိုလားဘဲ အလေအလွင့်ဖြစ်မယ်၊ သူ့ကိုအသက်ကယ်နေတဲ့ကိရိယာတွေနဲ့ အသက်ရှင်နိုင်ခြေရှိတဲ့လူကို ကူညီပေးလိုက်ရင် ပိုအကျိုးရှိတယ်ဆိုတဲ့အယူအဆတွေလည်း ရှိနေကြာင်းပါ။

အားလုံးကျန်းမာချမ်းသာကြပါစေ။

ကျန်းမာရေးဗဟုသုတတွေအတွက် TOP 7 Clinic & Pharmacy ကို Like လုပ်ထားဖို့မမေ့ပါနဲ့။

22/10/2017

မှားယွင်းနေသော ကျန်းမာရေးအယူဆ (၁၀) ချက်

တစ်ပုံချင်းထောက်ကြည့်ပါ

အားလုံးကျန်းမာချမ်းသာကြပါစေ။

ကျန်းမာရေးဗဟုသုတတွေအတွက် TOP 7 Clinic & Pharmacy ကို Like လုပ်ထားဖို့မမေ့ပါနဲ့။

13/10/2017

“ေဒါင္းကေလးေတြ”

“ဒီကေလးေတြက တစ္ကမာၻလံုးဘယ္ေနရာမွာပဲၾကည့္ၾကည့္ ရုပ္ေတြအကုန္အတူတူပဲ။ အဂၤလိပ္၊ ဂ်ပန္၊ တရုတ္၊ ကပၸလီ၊ ဗမာပဲျဖစ္ျဖစ္ အကုန္ရုပ္တူၾကတယ္။ သူတို႔က သိုက္ကလာၾကတာေလ။ အသက္လည္း သိပ္မရွည္ၾကဘူး။ သိုက္ကျပန္ေခၚသြားေရာ။” ဆိုတဲ့စကားအဆံုးမွာ ဂမၻီရ၊ ေဗဒင္၊ ယၾတာ၊ ျဒပ္ရိုက္ ျဒပ္စင္ေတြ မယံုၾကည္ေသာ ကြ်ႏ္ုပ္တစ္ေယာက္ စိတ္၀င္တစားေတာ့ရွိသြား၏။ အရပ္ပုပု၊ ဂင္တိုတို၊ ခါကိုင္းကိုင္းႏွင့္ မ်က္ႏွာက မြန္ဂိုရုပ္သ႑န္ေပါက္ေနေသာ ဆယ္ေက်ာ္သက္ဟု ခန္႔မွန္းႏုိင္သည့္ ကေလးငယ္တစ္ေယာက္ကို လက္ညိႈးထိုးကာ အမယ္အိုတစ္ေယာက္က သူ႔အေဖာ္ကိုေျပာျပေနျခင္းျဖစ္သည္။ ကေလးငယ္ကို ကြ်ႏ္ုပ္လွည့္ၾကည့္ၾကည့္မိျခင္း “ဒီရုပ္မွဘာမွန္းမသိရင္ ဆရာ၀န္လုပ္မေနနဲ႔ေတာ့” ဟူသည့္ ကြ်ႏု္ပ္ဆရာတစ္ပါး၏ စကားကို နားထဲျပန္ၾကားေယာင္လာသည္။

“ဒီကေလးေတြရဲ႕ရုပ္ေတြက မြန္ဂိုေလးေတြနဲ႔တူတယ္”
“သူတို႔က ဥာဏ္ရည္မမွီဘူး”
“သူတို႔က ေစာေစာေသတယ္”

ထိုကေလးငယ္မ်ားႏွင့္ပတ္သတ္၍ သူတို႔ေလးေတြအေၾကာင္း မသင္ခင္ကတည္းက ကြ်ႏ္ုပ္ၾကားဖူးနား၀ရွိခဲ့၏။ ပတ္၀န္းက်င္တြင္လည္း ျမင္ဘူးေနေသာေၾကာင့္ျဖစ္မည္၊ စိတ္လည္း၀င္စားသည္။ ထိုကေလးငယ္မ်ားသည္ ဥာဏ္ရည္မမွီၾကသလို ကိုယ္ခႏၶာႀကီးထြားဖြံ႔ၿဖိဳးမႈတြင္လည္း ေႏွာင့္ေႏွးတတ္ၾကသည္။

ကံမေကာင္းအေၾကာင္းမလွသည္ဟုပင္ဆိုရေပမည္။ ထိုကေလးငယ္မ်ားကို “ Down's Syndrome” ဟုေခၚသည္။ အရပ္ေခၚ “ေဒါင္းကေလး” ဟု သံုးႏံႈးၾကသည္ကိုလည္း ၾကားဘူးသည္။

“ဘာလဲဟဲ့ ေဒါင္းကေလး”

ေဒါင္းကေလးျဖစ္ရသည့္အေၾကာင္းအရင္းမွာ Nondisjunction ေၾကာင့္ျဖစ္သည္။ ေဒါင္းကေလးျဖစ္ႏုိင္သည့္အေျခအေနသံုးခုရွိသည္။

(၁) Trisomy 21
(၂) Translocation
(၃) Mosaic

ေဒါင္းကေလးအမ်ားစုမွာ နံပါတ္ (၁) အမ်ိဳးအစားမ်ားျဖစ္ၾကသည္။ ေဆးေလာကသားမဟုတ္သူမ်ားႏွင့္ယင္းအသံုးအႏံႈးမ်ားမွာ အနည္းငယ္ေတာ့စိမ္းေနေပမည္။ ေလစိမ္းတုိက္သည္ဟုထင္လဲမတတ္ႏုိင္။ ကြ်ႏု္ပ္ေျပာျပခ်င္သည္မွာထိုအေၾကာင္းမဟုတ္။

Down's Syndrome သည္မ်ိဳးရိုးလုိက္သည္။ သို႔ေသာ္ ေက့စ္အမ်ားစုက မ်ိဳးရိုးမလုိက္တတ္ေပ။

ေဒါင္းကေလးမ်ားကို သံုးႏံႈးေခၚေ၀ၚသည့္အျခားကင္ပြန္းမ်ားကိုလည္း မွတ္သားထားသင့္သည္။ ယင္းတို႔မွာ ...

47,XX,+21
47,XY,+21
Down's syndrome
trisomy 21
trisomy G တို႔ျဖစ္သည္။

“ေဒါင္းကေလးမွာ ဘာခြ်တ္ယြင္းလဲ”

ေဒါင္းကေလးမ်ားသည္ ေမြးရာပါႏွလံုးေရာဂါေ၀ဒနာရွင္မ်ားျဖစ္တတ္သည္။ ၾကြက္သားအားနည္းတတ္ၾကသည္။ ဥာဏ္ရည္နိမ့္ပါးၾကသည္။ ဥာဏ္ရည္နိမ့္ပါးေသာေၾကာင့္ ဆံုးျဖတ္ခ်က္၊ မွတ္ဥာဏ္၊ ေတြးေခၚျခင္းမ်ားအားနည္းၾကသည္။ ဘာသာစကားတတ္ကြ်မ္းမႈေႏွာင့္ေႏွးတာေၾကာင့္ စကားေျပာလည္းေနာက္က်တတ္သည္။ စကားေျပာလွ်င္လည္း နားလည္ရခက္သည္။ စိတ္မူမမွန္တတ္ၾကေပ။ လူမႈေပါင္းသင္းဆက္ဆံေရးအားနည္းမည္ဆိုသည္ကိုေတာ့ အေထြအထူးမေျပာခ်င္ေတာ့ပါ။ ေဒါင္းကေလးတစ္၀က္နီးပါးတြင္ သာမန္လူ၌ အသက္၅၀ေက်ာ္မွျဖစ္တတ္ေသာ အယ္ဇုိင္းမားေရာဂါကိုလည္း ငယ္ငယ္ရြယ္ရြယ္တြင္ခံစားရတတ္္္ေသး၏။

ထို႔အျပင္ဆိုး၀ါးေသာက်န္းမာေရးျပသနာမ်ားကိုလည္းရင္ဆုိင္ရတတ္သည္။
(၁) Gastroesophageal Reflux ဟုေခၚေသာ အစာအိမ္မွ အက္ဆစ္မ်ား အစာေရမ်ိဳေပၚသို႔ ျပန္ဆက္တက္တတ္သည့္ေ၀ဒနာ
(၂) Celiac Disease ဟုေခၚေသာ Gluten ပရိုတိန္းမတည့္သည့္ေ၀ဒနာ
(၃) ေဒါင္းကေလး ၁၅ရာခုိင္ႏႈန္းနီးပါးမွာ သိုင္းရြိဳက္ဂလင္းအားနည္းမႈေၾကာင့္ သိုင္းရြိဳက္ေဟာ္မုန္း နည္းပါးသည့္ျပသနာ
(၅) မ်က္စိေ၀ဒနာမ်ား
(၆) ေဒါင္းကေလးအနည္းစုတြင္ လူကီးမီးယားဟုေခၚေသာ ေသြးကင္ဆာလည္း ျဖစ္ႏုိင္ေသး၏။

“ေဒါင္းကေလးဘယ္ေလာက္မ်ားလဲ”

ကေလးအေယာက္ ၈၀၀ ေမြးလွ်င္ ေဒါင္းကေလးတစ္ေယာက္ပါႏုိင္၏။ အေမရိကန္ႏုိင္ငံ၌ ႏွစ္စဥ္ကေလးငယ္ ၅၃၀၀ ခန္႔သည္ ေဒါင္းကေလးအျဖစ္လူ႔ေလာကႀကီးသို႔ေရာက္လာတတ္၏။ အသက္အရြယ္မေရြးပဲ မိခင္တုိင္းမွ ေဒါင္းကေလးမ်ားေမြးႏုိင္သည္။ သို႔ေသာ္ မိခင္ အသက္ႀကီးလာေလေလ ေဒါင္းကေလးေမြးရန္ ရာခုိင္ႏႈန္းမ်ားေလေလျဖစ္သည္။

ကြ်ႏ္ုပ္တို႔၏ပတ္၀န္းက်င္တြင္ ဤသို႔ေသာ္ေဒါင္းကေလးမ်ားကို ျမင္ရတတ္၏။ ထိုကေလးမ်ား၏ အခြင့္အေရးကိုေလးစားရမည္။ ထုိကေလးမ်ားကိုၾကင္နာရမည္။ မဟုတ္တမ္းတရား ဒ႑ာရီဆန္ဆန္ စြပ္စြဲခ်က္မ်ား၊ ေစာ္ကားမႈမ်ား၊ ေ၀ဖန္သမုတ္မႈမ်ား မလုပ္သင့္ေပ။ လူတုိင္းသည္ ကေလးသူငယ္အခြင့္အေရးေလးစားသူျဖစ္သင့္သည္။ ဆရာတစ္ပါးေျပာဘူးသည္။ “ကေလးေတြကိုမခ်စ္တတ္သ၍ အဲဒီလူဘယ္ေတာ့မွလူႀကီးမျဖစ္ဘူး” ဟူ၏။ ကြ်ႏု္ပ္ကုိယ္တုိင္လည္း လူႀကီးျဖစ္ရန္ႀကိဳးစားေနသူျဖစ္သည္။

TOP 7 Clinic & Pharmacy

24/04/2018

18/02/2018

13/01/2018

29/12/2017

22/10/2017

13/10/2017

Address

Telephone

Website

Alerts

Shortcuts

Share

Category