Golden Myanmar

29/03/2026

အသည်းရောင်အသားဝါ စီရောဂါဆိုတာ အသည်းရောင် အသားဝါ စီဗိုင်းရပ်ပ်စ်ပိုး ကူးစက်ခံရလို့ ဖြစ်တာပါ။ စီပိုးက များသောအားဖြင့် အချိန်ကြာတဲ့အထိ လက္ခဏာမပြတတ်တာကြောင့် ကုသမှုမခံယူမိရင် နောက်ဆက်တွဲ အသည်းရောင်တာ၊ အသည်းထိခိုက်တာတွေ ဖြစ်စေနိုင်ပါတယ်။

အသည်းရောင် အသားဝါ စီပိုး အများဆုံးကူးစက်တတ်တဲ့ နည်းလမ်းများ
◾ စီပိုးရှိတဲ့ အပ်စူးမိတာ/သွေးသွင်းတာ၊
◾စီပိုးရှိတဲ့ ဆေးထိုးအပ်နဲ့ အကြောဆေးသွင်းမိတာ၊
◾ စီပိုးရှိတဲ့မိခင်ကနေ ကလေးကို မွေးဖွားရင်း ကူးတာ၊
◾ စီပိုးရှိတဲ့ အပ်နဲ့ ဆေးမင်ကြောင်ထိုးမိတာ၊
◾စီပိုးရှိသူနဲ့ အကာအကွယ်မပါဘဲ လိင်ဆက်ဆံတာ စတဲ့နည်းတွေပါ။

အသည်းရောင် အသားဝါ စီပိုးရှိရင် ပြနိုင်တဲ့ ရောဂါ လက္ခဏာများ
▶ မျက်စိဝါခြင်း၊
▶ အသားဝါခြင်း၊
▶ ဆီးအရောင် အဝါရင့်ခြင်း၊
▶ ကိုယ်လက်မအီမသာဖြစ်ခြင်း၊
▶ အစားအသောက်ပျက်ခြင်း၊ ပျို့အန်ခြင်း စတာတွေပါ။ ဒီလိုလက္ခဏာတွေ ပြရင် နီးစပ်ရာ ဆေးရုံ၊ ဆေးခန်းမှာ ပြသသင့်ပါတယ်။

အသည်းရောင် အသားဝါ စီပိုးရှိ၊ မရှိ စစ်ဆေးပါ
စီပိုးရှိသူနဲ့ တစ်အိမ်တည်း အတူနေတယ်ဆိုရင် ကျန်အိမ်သားတွေကလည်း စီပိုးရှိ၊ မရှိ စစ်ဆေးကြည့်သင့်ပါတယ်။ ဒါ့အပြင် ကိုယ်ဝန်ဆောင်မိခင်တွေ၊ သွေးသွင်းဖူးသူတွေ၊ စီပိုးရှိတဲ့ မိခင်က မွေးလာ တဲ့ ကလေးတွေ၊ မူးယစ်ဆေး သုံးစွဲသူတွေ၊ HIVပိုးရှိ သူတွေနဲ့ ကျောက်ကပ်ဆေးနေရသူတွေက စီပိုးရှိ၊ မရှိ စစ်ဆေးကြည့်သင့်ပါတယ်။

စနစ်တကျ ဆေးကုသမှု ခံယူပါ
မိသားစုဝင်မှာ တစ်ယောက်ယောက်က စီပိုးရှိနေရင် ဆေးကုသမှုခံယူဖို့ တိုက်တွန်းအားပေးသင့်ပါတယ်။ စီပိုးအတွက် ခေတ်မီ ဗိုင်းရပ်စ်ပိုးသတ်ဆေးဝါးတွေ ပေါ်နေပြီ ဖြစ်လို့ အသည်းအထူးကု ဆရာဝန်နဲ့ စနစ်တကျ ကုသမှုခံယူရင် ရာနှုန်းပြည့် ပျောက်ကင်းပါတယ်။
စီပိုးကို မကုဘဲထားရင် အသည်းခြောက်ခြင်း၊ အသည်းကင်ဆာရောဂါတွေကို ဖြစ်စေနိုင်တဲ့အတွက် တတ်ကျွမ်းနားလည်တဲ့ အသည်းအထူးကုသမားတော်နဲ့ တိုင်ပင်ပြီး စနစ်တကျ ကုသမှု ခံယူသင့်ပါတယ်။
စီပိုးရှိသူတွေအနေနဲ့ ဆေးကုသမှု ခံယူရင်း လစ်ဗာကဲအသည်းအားဆေးကို ပုံမှန် မှီဝဲခြင်းအားဖြင့် အသည်းကျန်းမာ စိတ်ချမ်းသာတဲ့ ဘဝကို တည်ဆောက်နိုင်ကြပါစေလို့ ဆန္ဒပြုလိုက်ရပါတယ်။
အသည်းကိုကြင်နာ အသက်ရှည်စွာ LiverCare ဖြင့် နေထိုင်ပါ

29/03/2026

အခုချိန်မှာ အပူဒဏ်မြင့်တက်မှုကြောင့် စိတ်ရော ကိုယ်ပါ ပင်ပန်းနွမ်းနယ်မှုလေးတွေ ခံစားနေကြရပါတယ်။ အခုလို ပူပြင်းတဲ့ နွေရာသီမှာ ချွေးထွက်များတာကြောင့် သွေးပေါင်ကျခြင်းမဖြစ်အောင် ဂရုစိုက်ဖို့ အရေးကြီးပါတယ်။ 😊

လူတစ်ယောက်ရဲ့ ပုံမှန်သွေးဖိအားက ၉၀/၆၀ mmHg နဲ့ ၁၃၀/၈၀ mmHg အတွင်းမှာရှိရင် ပုံမှန်လို့ သတ်မှတ်ထားကြပါတယ်။
၉၀/၆၀ mmHg ထက် လျော့နည်းရင် သွေးပေါင်ကျတယ်လို့ အကြမ်းအားဖြင့် သတ်မှတ်နိုင်ပါတယ်။

သွေးပေါင်ကျနိုင်ခြေ များတဲ့ အခြေအနေတွေကတော့...
◾️ချွေးထွက်များခြင်း၊ အန်ခြင်း၊ ဝမ်းလျှောခြင်း၊
◾️ဖျားခြင်း၊ လေ့ကျင့်ခန်းကို ပြင်းထန်စွာပြုလုပ်ခြင်း၊
◾️အရက်သောက်သုံးမှု များခြင်း၊
◾️ သွေးထွက်ဒဏ်ရာရှိခြင်း၊ ခန္ဓာကိုယ်တွင်း သွေးယိုစိမ့်ထွက်ခြင်း၊
◾️ နှလုံးကျန်းမာရေးပြဿနာ ရှိခြင်း၊
◾️ ဆီးဆေး၊ စိတ်ကျန်းမာရေးကုသဆေး၊ သွေးပေါင်ကျဆေး စတာတွေ သောက်သုံးနေရခြင်း စတာတွေ ဖြစ်ပါတယ်။
အခုလို နွေပူပူမှာ နေပူထဲ အလုပ်လုပ်ရသူတွေ၊ ချွေးထွက်များသူတွေ၊ အလုပ်ကြမ်းလုပ်ရသူတွေ၊ ရေဓာတ်ခမ်းခြောက်သူတွေက သွေးပေါင်ကျနိုင်ခြေ များတတ်ပါတယ်။

သွေးပေါင်ကျတဲ့အခါ ခံစားရတတ်တဲ့ လက္ခဏာတွေကတော့...
▶ ခေါင်းမူးတာ၊
▶ မျက်စိပြာဝေတာ၊
▶ အားနည်းတာ၊
▶ ပျို့အန်တာ၊
▶ ပင်ပန်းနွမ်းနယ်တာ၊
▶ ဖြူဖပ်ဖြူလျော်ဖြစ်ပြီး သတိလစ်တာ စတာတွေ ဖြစ်ပြီး ဒီလက္ခဏာတွေနဲ့အတူ သွေးဖိအားက ၉၀/၆၀ mmHg အောက် ရောက်နေရင် သွေးပေါင်ကျနေပါပြီ။

သွေးပေါင်ကျတဲ့အခါမှာ အမြန်သက်သာစေဖို့ရာအတွက်...
(၁) ဓာတ်ဆားရည် သောက်ပေးပါ။
(၂) ပက်လက်လှန်ပြီး နားနားနေနေ နေပေးပါ။
(၃) ရေ၊ အရည်ကို ပုံမှန်ထက် ပိုသောက်ပေးပါ။
(၄) ထိုင်ရာကနေ/အိပ်ရာကနေ ထတဲ့အခါ ဖြည်းဖြည်းချင်း ထပေးပါ။
(၅) ကြာကြာ မတ်တပ်ရပ်ခြင်း မလုပ်သင့်ပါ။
(၆) အရက်ကို တတ်နိုင်သမျှ ဆင်ခြင်ပါ။
(၇) သောက်နေတဲ့ ဆေးတွေကို ဆန်းစစ်ချိန်ညှိပါ။

နွေအပူဒဏ်ကြောင့် ကျန်းမာရေးမထိခိုက်စေဖို့ အထူးလိုက်နာသင့်တာတွေကတော့...
✅ တတ်နိုင်သမျှ အရိပ်ထဲမှာ နေပါ။
✅ တစ်နေ့တာရဲ့ အပူဆုံးအချိန်တွေမှာ အပြင်သွားတာကို ဆင်ခြင်ပါ။
✅ လေ့ကျင့်ခန်းကို ပြင်းပြင်းထန်ထန် လုပ်တာ ရှောင်ပါ။
✅ အပြင်သွားရင် ထီး၊ ဦးထုပ်အကာအကွယ်နဲ့ သွားပါ။
✅ နေပူကနေ ပြန်လာရင် ခဏနားပြီး ရေဝ၀သောက်ပါ။
✅ ချွေးတိတ်မှ ရေချိုးပါ။ ရေချိုးရင် ခြေထောက်ကနေ စပြီး ဖြည်းဖြည်းချင်း ရေလောင်းချိုးပါ။
✅ အရက်ကို တတ်နိုင်သမျှရှောင်ပါ။ ကဖင်းဓာတ်နဲ့ သကြားများများ မစားသောက်သင့်ပါ။
ချမ်းမြေ့သာယာ၊ နှလုံးကျန်းမာ ပရိုကဒ်ဖြင့်ကာကွယ်ပါ။

29/03/2026

လွတ်လပ်စွာ share နိုင်ပါတယ်။

28/03/2026

27/03/2026

ရောဂါဝေဒနာတွေ မခံစားရစေဖို့ ကြိုတင်ကာကွယ်ကြပါစို့
(၁) နေ့စဉ် လေ့ကျင့်ခန်းကို မိနစ် ၃၀ ခန့် လုပ်ပေးပါ။ လမ်းသွက်သွက်လျှောက်တာလည်း ရပါတယ်။
(၂) အစာအိမ်အူလမ်းကြောင်း ကျန်းမာပြီး ဝမ်းမှန်စေဖို့ ဟင်းသီးဟင်းရွက်နဲ့ သစ်သီးဝလံ စားပေးပါ။ ရောင်စုံစားဖြစ်လေ၊ ပိုကောင်းလေ။
(၃) ဆီကြော်စာ၊ တိရစ္ဆာန်ထွက်ဆီ၊ ပြည့်ဝဆီတွေကို တတ်နိုင်သမျှ လျှော့စားပေးပါ။
(၄) ဆေးလိပ်နဲ့ ဆေးရွက်ကြီး မသုံးစွဲတာ အကောင်းဆုံး။ ဆေးလိပ်သောက်တတ်ရင် ဖြတ်သင့်ပါတယ်။
(၅) စိတ်ဓာတ်ကျတာ၊ အတွေးလွန်တာတွေရှိရင် ကုသမှု ခံယူပါ။ ကျွမ်းကျင်တဲ့ စိတ်ကျန်းမာရေးပညာရှင်နဲ့ နှစ်သိမ့်ဆွေးနွေးမှု ပြုလုပ်ပေးပါ။
(၆) သွေးတိုး၊ ဆီးချို စတာတွေရှိ၊ မရှိ တိုင်းတာပြီး ဂရုစိုက်ပေးပါ။
(၇) ကိုယ့်ကို စေတနာရှိသူတွေနဲ့ ပေါင်းသင်းနေထိုင်ပါ။ စိတ်ချမ်းသာဖွယ် ဆက်ဆံရေးရှိလေလေ၊ စိတ် ရော လူပါ ကျန်းမာပျော်ရွှင်လေလေပါပဲ။
(၈) စိတ်ဖိစီးမှုရှိနေရင် သက်သာလျော့ပါးစေမယ့် နည်းလမ်းကို ရှာပါ။ ဖြစ်နိုင်ရင် သန့်သန့်ရှင်းရှင်း ပြင် ပြင်ဆင်ဆင်နေပါ။
(၉) လေကို ဝ၀ ရှူသွင်း/ရှူထုတ်တာ ပြုလုပ်ပေးပါ။
(၁၀) ကိုးကွယ်ရာ ဘာသာတရားအလိုက် ဘုရားရှိခိုးတာ။ တရားထိုင်တာတို့ ပြုလုပ်ပေးပါ။
လွတ်လပ်စွာ share နိုင်ပါတယ်။

27/03/2026

အပူဒဏ်ကြောင့် နောက်ဆက်တွဲကျန်းမာရေးပြဿနာတွေမဖြစ်စေဖို့ အထူးဂရုစိုက်ကြဖို့ အကြံပြုလိုပါတယ်။
လွတ်လပ်စွာ share နိုင်ပါတယ်။

26/03/2026

ဖောလစ်အက်စစ်အကြောင်း (Folic Acid)
------၊ ဇွန်ခိုင်ဦး (ဆေးဝါးတက္ကသိုလ်) ၊--------

ဖောလစ်အက်စစ်ဆိုတာ ဗီတာမင် ဘီအုပ်စုဝင်ဓာတ် ဖြစ်ပါတယ်။ ရေမှာပျော်ဝင်တဲ့ ဗီတာမင်ဖြစ်ပြီး ဗီတာမင် B9 လို့လည်း ခေါ်ပါတယ်။

ဖောလစ်အက်စစ်အားနည်းရင် ဖြစ်တတ်တဲ့ လက္ခဏာများ
----------------------------
ဖောလစ်အက်စစ်နည်းတဲ့ သွေးအားနည်းတာနဲ့ သံဓာတ်နည်းသွေးအားနည်းရောဂါတွေ ဖြစ်နေသူ တွေက မောပမ်းတာ၊ အားယုတ်တာ၊ အစာခြေစနစ် မကောင်းလို့ ဝမ်းပျက်တာ၊ စားချင်စိတ် နည်းတာ၊ ကိုယ်အလေးချိန် ကျတာ၊ လျှာနာတာ၊ ခေါင်းကိုက်တာ၊ ရင်တုန်တာ စတာတွေ ဖြစ်တတ်ပါတယ်။

ဘယ်အစားအသောက်တွေကနေ ဖောလစ်အက်စစ်ရရှိနိုင်သလဲ
---------------------------------------
အစိမ်းရောင်ဟင်းသီးဟင်းရွက်တွေနဲ့ ပဲနီလေး၊ ပဲစိမ်း စတဲ့ ပဲအမျိုးမျိုးတို့မှာ ဖောလစ်အက်စစ် ပါ ဝင်နေပါတယ်။ လိမ္မော်သီးလို ချဉ်တဲ့ သစ်သီးဝလံတွေ၊ ဟင်းနုနယ်ရွက်၊ ပန်းဂေါ်ဖီစိမ်း၊ သင်္ဘောသီး၊ ကညွတ်၊ ဖရဲသီး၊ ကညွတ်၊ ရုံပတီသီး၊ မှို၊ ခရမ်းချဉ်သီး စတာတွေမှာလည်း ဖောလစ်အက်စစ်ပါဝင်ပါတယ်။

ဖောလစ်အက်စစ်မှီဝဲခြင်း၏ ကျန်းမာရေး ကောင်းကျိုးများ
----------------------------
ဖောလစ်အက်စစ်မှီဝဲရင် နှလုံးကျန်းမာခြင်း၊ ရာသီလာစဉ် သွေးအားပြန်ဖြည့်ပေးခြင်း၊ အသား အရေကြည်လင်ခြင်း၊ ဆံပင်သန်စွမ်းခြင်း၊ မှတ်ဉာဏ်လျော့နည်းမှုမှ ကာကွယ်ခြင်း၊ စိတ်ကျရောဂါ သက်သာစေခြင်း၊ တွေးခေါ်နိုင်စွမ်းကောင်းစေခြင်း၊ မျက်စိမက်ကူလာယိုယွင်းမှုမဖြစ်စေဖို့ ကာကွယ်ခြင်း၊ လေဖြတ်ခြင်းဖြစ်နှုန်း လျော့ကျစေခြင်း စတဲ့ ကောင်းကျိုးတွေကို ရရှိစေပါတယ်။

ဖောလစ်အက်စစ် ဘယ်လောက်ပမာဏ မှီဝဲသင့်ပါသလဲ
---------------------------------
ယေဘုယျအားဖြင့် ကလေးတွေမှာ အသက် ၁-၃ နှစ်အတွင်း တစ်နေ့ ၃၀ဝ မိုက်ခရိုဂရမ်၊ ၄-၁၀ နှစ်အတွင်း ၄၀ဝမိုက်ခရိုဂရမ်နဲ့ ဆယ်ကျော်သက်အရွယ်ကစပြီး လူတိုင်း တစ်နေ့မှာ ဖောလစ် အက်စစ် ၄၀ဝ မိုက်ခရိုဂရမ်လိုအပ်ပါတယ်။
အထူးသဖြင့် ကိုယ်ဝန်ဆောင်မိခင်တွေနဲ့ နို့တိုက်မိခင်တွေက တစ်နေ့ ၄၀ဝ မိုက်ခရိုဂရမ်ကို ပုံမှန် သောက်ပေးသင့်ပါတယ်။ အမျိုးသမီးတွေ မျိုးပွားနိုင်တဲ့အရွယ်မှာ နေ့စဉ် ဖောလစ်အက်စစ် ၄၀ဝ မိုက်ခရိုဂရမ် မှီဝဲဖို့ ပြောလေ့ရှိကြပြီး အထူးသဖြင့် ကိုယ်ဝန်မဆောင်ခင် အနည်းဆုံး နှစ်လ ကြိုသောက်ခိုင်းတာက ကလေးမှာ မွေးရာပါ ဦးနှောက်နဲ့ အာရုံကြောချို့ယွင်းချက်တွေ ကာကွယ်ဖို့ သောက်ရတာ ဖြစ်သလို ကိုယ်ဝန်ဆောင်စဉ်တလျှောက်လုံးလည်း သောက်ပေးဖို့ လိုပါတယ်။
ကိုယ်ဝန်ဆောင်ချိန်မှာ ဖောလစ်အက်စစ်နည်းနေရင် ဗိုက်ထဲက ကလေးရဲ့ ဦးနှောက်ဖြစ်ပေါ်မှုကို အားနည်းစေတတ်ပါတယ်။ ကိုယ်ဝန် ပဌမ ၃ လအတွင်း ဖောလစ်အက်စစ် ၄၀ဝ မိုက်ခရိုဂရမ် လိုအပ်ပါတယ်။ ဖောလစ်အက်စစ်က ကိုယ်ဝန်ပျက်ကျမှာကိုလည်း ကာကွယ်ပေးပါတယ်။ ကလေးမွေးပြီးတဲ့အခါမှာလည်း ဖောလစ်အက်စစ်ကို အနည်းဆုံး မိခင်နို့တစ်မျိုးတည်းတိုက်ချိန် ၆ လအထိ မှီဝဲသင့်ပါတယ်။

ဘေးထွက်ဆိုးကျိုး
----------------
ဖောလစ်အက်စစ်ကို မှီဝဲတာက ယေဘုယျအားဖြင့် လုံခြုံစိတ်ချရပါတယ်။ အရွယ်ရောက်သူအများစုမှာ တစ်နေ့ ၁ မီလီဂရမ်အောက် လျော့နည်းပြီး မှီဝဲတာက ဘေးထွက်ဆိုးကျိုး မရှိပါဘူး။ ဒါပေမဲ့ 5 မီလီဂရမ်ထက် များသောက်ရင် ဗိုက်အောင့်တာ၊ ဝမ်းပျက်ဝမ်းလျှောတာ၊ ပျို့ချင်အန်ချင်ဖြစ်တာ၊ အရေပြားဓာတ်မတည့်တာ စတာတွေ တချို့မှာဖြစ်စေနိုင်ပါတယ်။ လိုတာထက်ပိုပြီးပမာဏများများနဲ့ ရေရှည်သောက်တာကတော့ မသင့်ပါ။