Referral Office in Myanmar

Home
Myanmar
Yangon
Referral Office in Myanmar

Bangpakok 9 Hospital is International Hospital.

ကၽြႏု္ပ္တုိ႕၏ Bangpakok9 ေဆး႐ံုႀကီးသည္ ထုိင္းႏုိင္ငံ၊ ဘန္ေကာက္ၿမိဳ႕တြင္တည္ရွိၿပီး ပုဂၢလိကပိုင္အထူးကုေဆး႐ံုႀကီးျဖစ္၍ ကမၻာ့အဆင့္မီ က်န္းမာေရးျပဳစုေစာင့္ေရွာက္မႈမ်ားကိုေပးလ်က္ရွိပါသည္။ Bangpakok 9 ေဆး႐ံုအုပ္စုတြင္ ေဆး႐ံု(၆)ခုပါ၀င္ၿပီး ႏုိင္ငံတကာ JCL စံခ်ိန္စံညႊန္းရွိေသာ က်န္းမာေရးေစာင့္ေရွာက္မႈမ်ားရရွိရန္ အထူးအာမခံပါသည္။ ဘန္ေကာက္ၿမိဳ႕ သု၀ဏၰဘုမၼိေလဆိပ္မွကားျဖင့္ မိနစ္ (၃၀)မွ်သာေမာင္းရေသာ အကြာအေ၀းတြင္တည္ရွိၿပီး ဘန္ေကာက္ၿမိဳ႕လယ္၏ ေတာင္ဘက္အနည္းငယ္က်ေသာေနရာတြင္တည္ရွိပါသည္။

19/03/2026

အရေးကြီးပါတယ်း ဆီးချိုဆေး မက်ဖော်မင် (Metformin) သောက်နေသူတိုင်း သိထားသင့်တဲ့ အချက် (၃) ချက် ✨

အမျိုးအစား (၂) ဆီးချိုရောဂါရှင်တွေရဲ့ ဆေးစာအုပ်မှာ အမြဲလိုလို ပါလေ့ရှိတာကတော့ မက်ဖော်မင် (Metformin) ပါပဲ။ ဒီဆေးဟာ ဆယ်စုနှစ်များစွာကြာအောင် အစွမ်းထက်ကြောင်း သက်သေပြနိုင်ခဲ့ပေမဲ့ လူနာတော်တော်များများမှာတော့ မှားယွင်းတဲ့ စိုးရိမ်ပူပန်မှုတွေ ရှိနေတတ်ကြပါတယ်။ ဒါကြောင့် မဖြစ်မနေ သိထားရမယ့် အချက်တွေကို စုစည်းဖော်ပြပေးလိုက်ပါတယ်။

၁။ ဆေးသောက်ရမယ့် အချိန်နဲ့ ဗိုက်အောင့်ခြင်း ပြဿနာ 🕒
မက်ဖော်မင်ကို အစာမစားခင်ဖြစ်စေ၊ စားပြီးဖြစ်စေ သောက်လို့ရပါတယ်။ ဒါပေမဲ့ အစာမရှိခင် သောက်ရင် လေပွတာ၊ ဗိုက်အောင့်တာနဲ့ ဝမ်းပျော့တာမျိုး ဖြစ်တတ်ပါတယ်။

အကြံပြုချက်: ဆေးကို အစာစားနေစဉ် (သို့မဟုတ်) အစာစားပြီးပြီးချင်း ပြောင်းသောက်ပါ။

အထူးဆေးအမျိုးအစား: အစာအိမ်ဒဏ်မခံနိုင်သူတွေအတွက် ဖြည်းဖြည်းချင်း ပျော်ဝင်စေတဲ့ XR (Extended Release) အမျိုးအစားကို ဆရာဝန်နဲ့တိုင်ပင်ပြီး ပြောင်းလဲအသုံးပြုနိုင်ပါတယ်။

၂။ မက်ဖော်မင်က ကျောက်ကပ်ကို တကယ်ပဲ ပျက်စီးစေတာလား? 🛡
ဒါဟာ အလွဲမှားဆုံး ကောလာဟလတစ်ခုပါ။ မက်ဖော်မင်ဆေးကြောင့် ကျောက်ကပ်မပျက်စီးပါဘူး။

အမှန်တရား: ကျောက်ကပ်ကို ပျက်စီးစေတာက ဆေးကြောင့်မဟုတ်ဘဲ သွေးတွင်းသကြားဓာတ်ကို သေချာမထိန်းနိုင်လို့ ကျောက်ကပ်သွေးကြောလေးတွေ ထိခိုက်တာကြောင့်သာ ဖြစ်ပါတယ်။

သတိပြုရန်: သင့်မှာ မူလကတည်းက ကျောက်ကပ်အားနည်းနေရင်တော့ ဆေးအာနိသင် သွေးထဲမှာ ပုံမလာအောင် ဆရာဝန်က ဆေးရပ်ခိုင်းတာမျိုး ရှိနိုင်ပါတယ်။ ဒါဟာ ကျောက်ကပ်ကို ကာကွယ်ဖို့အတွက်သာ ဖြစ်ပါတယ်။

၃။ ရေရှည်သောက်သူများအတွက် Vitamin B12 ရဲ့ အခန်းကဏ္ဍ 🍊
မက်ဖော်မင်ကို (၃) နှစ်နဲ့အထက် ရေရှည်သောက်သုံးလာတဲ့အခါ ခန္ဓာကိုယ်ထဲမှာ ဗီတာမင် B12 စုပ်ယူမှု လျော့နည်းသွားနိုင်ပါတယ်။

လက္ခဏာများ: ခြေဖျားလက်ဖျား ထုံကျင်တာ၊ စူးရှရှဖြစ်တာနဲ့ မောပန်းလွယ်တာတွေ ခံစားရနိုင်ပါတယ်။

ဖြေရှင်းချက်: ကုသပေးနေတဲ့ ဆရာဝန်နဲ့တိုင်ပင်ပြီး ဗီတာမင် B12 အားဆေးကို လိုအပ်သလို ဖြည့်စွက်သောက်ပေးဖို့ အလွန်အရေးကြီးပါတယ်။

💡 အနှစ်ချုပ်:
မက်ဖော်မင်ဟာ ဆီးချိုကို ထိန်းညှိပေးရုံတင်မက နှလုံးနဲ့ သွေးကြောဆိုင်ရာ ကျန်းမာရေးကိုပါ အထောက်အကူပြုပါတယ်။ ကောလာဟလတွေကြောင့် ဆေးကို ကိုယ့်သဘောနဲ့ကိုယ် လုံးဝမရပ်လိုက်ပါနဲ့နော်။

✅ ဒီအချက်လေးတွေက သင့်အတွက် အကျိုးရှိတယ်ဆိုရင် Comment မှာ "Yes" လို့ ရေးပေးခဲ့ပါဦး။ မိမိချစ်ခင်ရတဲ့ မိတ်ဆွေတွေကိုလည်း သိရှိအောင် Share ပေးလိုက်ပါဦးခင်ဗျာ။
Copy/Ctedit

17/03/2026

ဒီ (၇) ချက်ကို လုပ်မိနေရင် ဆေးဘယ်လောက်သောက်သောက် ဆီးချိုကို ထိန်းနိုင်မှာမဟုတ်ပါဘူး
သင့်ဆီးချိုက အမြဲတမ်းတက်နေပြီး... ဆေးတွေကိုပဲ အပြစ်တင်နေတယ်ဆိုရင်... ဒါလေးကို သေချာ အာရုံစိုက်ပါ။
ဘာလို့လဲဆိုတော့ အခုပြောမယ့် "အမှားတွေ" ကို သင်ကျူးလွန်နေသရွေ့... သင့်ဆရာဝန် ဘယ်လောက်ပဲတော်တော်၊ ဆေးတွေက ဘယ်လောက်ပဲဈေးကြီးကြီး သင့်ဆီးချိုက ဘယ်တော့မှ သက်သာမှာမဟုတ်ပါဘူး။
ဘာအမှားတွေလဲဆိုတာကို လေ့လာလိုက်ရအောင်!
အမှား (၁) - "သကြားနည်းနည်းပါတာ ဘာမှမဖြစ်ဘူး" လို့ ထင်နေခြင်း
သင်က ပြောပါလိမ့်မယ် - "ဆရာ... ကျွန်တော် အချိုလုံးဝမစားဘူး" တဲ့။ ဒါပေမဲ့ သင်က ကော်ဖီ မသောက်ရရင်လည်း မနေနိုင်ဘူး။ ထမင်းဖြူတွေ ပုံအောစားတယ်။ ပေါင်မုန့်၊ ခေါက်ဆွဲ၊ မုန့်ထုပ်တွေနဲ့ သစ်သီးတွေကို အလွန်အကျွံ မှီဝဲနေတယ်။
တစ်ခုတော့ ရှင်းရှင်းလင်းလင်း မှတ်ထားပါ။ "အချို" ဆိုတာ သကြားဖြူတစ်ခုတည်းကို ဆိုလိုတာ မဟုတ်ပါဘူး။ ထမင်းက သကြားဖြစ်သွားတာပါ။ ပေါင်မုန့်က သကြားဖြစ်သွားတာပါ။ ဖရဲသီးကလည်း သကြားဖြစ်သွားတာပါ။ ဒါကြောင့် သင်က ဒါတွေအများကြီးစားနေပြီး "အချိုမစားဘူး" လို့ ငြင်းဆိုနေရင်တော့ သင့်ဆီးချိုက ပိုတက်လာဖို့ပဲ ရှိပါတယ်။
အဖြေ - အစားအသောက် ပမာဏကို ကန့်သတ်ပါ။ ကာဗိုဟိုက်ဒရိတ် (ကစီဓာတ်) ကို လျှော့ပါ။ ပရိုတင်း (အသား/ပဲ) နဲ့ အမျှင်ဓာတ် ပါဝင်အောင် မျှတအောင် စားပါ။
အမှား (၂) - ဆေးသောက်ပေမယ့်... စနစ်တကျ မသောက်ခြင်း
ဆေးကို တစ်ခါတလေမှ သောက်တယ်။ နေကောင်းလာရင် ဆေးမသောက်ဘဲ ကျော်ခွလိုက်တယ်။ ဆီးချိုပုံမှန်ဖြစ်သွားရင် ဆေးဖြတ်လိုက်တယ်။ ဒါဟာ သင့်ကျန်းမာရေးအတွက် သင်ကိုယ်တိုင် ပြုလုပ်နေတဲ့ အကြီးမားဆုံး အမှားတစ်ခုပါပဲ။
ဆီးချိုဆေးဆိုတာ အကိုက်အခဲပျောက်ဆေး မဟုတ်ပါဘူး။ ဒါဟာ ရေရှည်အတွက် ကာကွယ်ပေးတဲ့ ဆေးပါ။ ဆေးသောက်ဖို့ ပျက်ကွက်တာဟာ နှလုံး၊ ကျောက်ကပ်၊ မျက်စိနဲ့ အာရုံကြောတွေကို တိတ်တဆိတ် ပျက်စီးစေတာနဲ့ အတူတူပါပဲ။
အဖြေ - ဆရာဝန်ညွှန်ကြားတဲ့အတိုင်း တိကျစွာ သောက်ပါ။ နေ့တိုင်း အချိန်မှန်ပါစေ။ ကိုယ့်သဘောနဲ့ကိုယ် ဆေးဖြတ်တာမျိုး လုံးဝ မလုပ်ပါနဲ့။
အမှား (၃) - နေမကောင်းမှ ဆီးချိုစစ်ခြင်း
လူအများစုက ပြောကြတယ် - "ဆရာ... ကျွန်တော် နေကောင်းပါတယ်၊ ဘာမှမဖြစ်ပါဘူး" တဲ့။ ဒါဟာ အင်မတန် ဘေးများပါတယ်။ သွေးချိုတက်နေတာက အစောပိုင်းမှာ ဘာလက္ခဏာမှ မပြပါဘူး။ ရောဂါလက္ခဏာတွေ ပြလာတဲ့အချိန်မှာ သင့်ရဲ့ ကိုယ်တွင်းအင်္ဂါတွေက တော်တော်လေး ပျက်စီးနေပါပြီ။
အဖြေ - မနက်စာမစားခင်နဲ့ စားပြီး သွေးချိုကို ပုံမှန် စစ်ပါ။ ကိုယ့်ရဲ့ ခံစားချက်ကို မယုံပါနဲ့၊ HbA1c (၃ လစာ သွေးချိုပျမ်းမျှနှုန်း) ကိုပဲ အခြေခံပါ။
အမှား (၄) - ကိုယ်လက်လှုပ်ရှားမှု မရှိခြင်း
တစ်နေကုန် ထိုင်နေတယ်။ အလုပ်များတယ်လို့ အကြောင်းပြတယ်။ ပင်ပန်းတယ်လို့ ပြောတယ်။ ဒါပေမဲ့ သင့်ရဲ့ ကြွက်သားတွေဟာ သကြားဓာတ်ကို အများဆုံး လောင်ကျွမ်းပေးတဲ့ အစိတ်အပိုင်းတွေပါ။ လှုပ်ရှားမှုမရှိရင် သကြားတွေက သွေးထဲမှာပဲ ကျန်နေမှာပါ။ ပျင်းရိတဲ့ လူနေမှုပုံစံကို ဆေးတစ်ခုတည်းနဲ့ ကုလို့မရပါဘူး။
အဖြေ - တစ်နေ့ကို အနည်းဆုံး မိနစ် ၃၀ လမ်းလျှောက်ပါ။ အစားစားပြီးနောက် လမ်းလျှောက်တာ ပိုထိရောက်ပါတယ်။ လမ်းလျှောက်တာက ဈေးကြီးတဲ့ ဆေးတွေထက်တောင် ပိုအစွမ်းထက်ပါတယ်။
အမှား (၅) - အစားအသောက် စားချိန်မမှန်ခြင်း
တစ်ခါတလေ ထမင်းနပ်ကျော်တယ်။ တစ်ခါတလေ အစားကို နောက်ကျမှ စားတယ်။ ညဘက်ကျမှ အဝစားတယ်။ သင့်သွေးတွင်းသကြားဓာတ်က "အစာစားချိန်မမှန်တာ" ကို အမုန်းဆုံးပါ။ အချိန်မမှန်တာက ဆီးချိုကို ရုတ်တရက် တက်စေ၊ ကျစေပြီး အင်ဆူလင် (Insulin) ခုခံမှုကို ဖြစ်စေပါတယ်။
အဖြေ - အချိန်မှန်စားပါ။ နည်းနည်းနဲ့ ခဏခဏစားပါ။ ညဘက် အလွန်အကျွံ စားတာ ရှောင်ပါ။
အမှား (၆) - အိပ်စက်ခြင်းနဲ့ စိတ်ဖိစီးမှုကို လျစ်လျူရှုခြင်း
ညဉ့်နက်မှ အိပ်တယ်။ ညဘက် ဖုန်းပွတ်တယ်။ စိတ်ဖိစီးမှုတွေကြားမှာ နေထိုင်တယ်။ စိတ်ဖိစီးမှု ဟော်မုန်းတက်ရင် ဆီးချိုတက်ပါတယ်။ အိပ်ရေးမဝရင် အင်ဆူလင် အလုပ်မလုပ်တော့ပါဘူး။ ဒါဟာ ဆေးပညာအရ အမှန်တရားပါ။
အဖြေ - (၇) နာရီကနေ (၈) နာရီအထိ အိပ်ပါ။ ညဘက် ဖုန်းကြည့်တာ လျှော့ချပါ။ စိတ်ဖိစီးမှုကို သေချာ ထိန်းချုပ်ပါ။
အမှား (၇) - သိပ္ပံထက် "တိုင်းရင်းဆေး" တွေကို ပိုယုံခြင်း
တစ်ယောက်ယောက်က ဒီအရွက်စားရင် ဆီးချိုပျောက်တယ်လို့ ပြောမယ်။ ဆေးဖြတ်လို့ရပြီလို့ ဟောပြောမယ်။ တစ်ခုတော့ အမှန်အတိုင်း ပြောပါရစေ။ ဆီးချိုရောဂါကို ချက်ချင်း အမြစ်ပြတ်ပျောက်ကင်းစေမယ့်ဆေးဆိုတာ မြန်မာနိုင်ငံမှာ မရှိသေးပါဘူး။
ဆေးဖက်ဝင်အပင်တွေက အထောက်အကူ နည်းနည်းပေးနိုင်ပေမယ့်၊ ဆရာဝန်ပေးတဲ့ဆေးကို ဖြတ်လိုက်ရင်တော့ နောက်ဆက်တွဲ ရောဂါဆိုးတွေ ခံစားရမှာပါ။
အဖြေ - ဆေးဖက်ဝင်တာတွေကို အားဖြည့်အနေနဲ့ပဲ သုံးပါ။ ဆရာဝန်ပေးထားတဲ့ ကုသမှုကို ဘယ်တော့မှ အစားမထိုးပါနဲ့။
ဒီနေ့ ဆီးချိုကို သင်မထိန်းချုပ်ရင်... နောင်တစ်ချိန်မှာ ဆီးချိုက သင့်ဘဝကို ပြန်ပြီး လွှမ်းမိုးပါလိမ့်မယ်။
- နှလုံးရောဂါ
- လေဖြတ်ခြင်း
- ကျောက်ကပ်ပျက်စီးခြင်း
- မျက်စိကွယ်ခြင်း
- ခြေလက်တွေ ဖြတ်တောက်ရခြင်းအထိ ဖြစ်သွားနိုင်ပါတယ်။
သင့်သွေးချိုကို မထိန်းနိုင်တာဟာ ဆေးကြောင့်မဟုတ်ဘဲ... သင့်ရဲ့ အလေ့အကျင့် နဲ့ စည်းကမ်း ကြောင့်သာ ဖြစ်ပါတယ်။

#ဆီးချိုရောဂါ #ကျန်းမာရေး
Copy/Credit

17/03/2026

ညတိုင်း နှစ်နှစ်ခြိုက်ခြိုက် အိပ်ပျော်ပြီး သက်ရှည်ကျန်းမာစေမယ့် "ရွှေရောင်အလေ့အကျင့် (၅) ခု" ✨

ညဘက်တွေမှာ ဟိုလှည့်ဒီစောင်းနဲ့ အိပ်မပျော်ဘဲ မနက်နိုးလာရင်လည်း လူက နုံးချိနေတာမျိုး ဖြစ်ဖူးပါသလား? အိပ်စက်ချိန်ဟာ ခန္ဓာကိုယ်ရဲ့ "ပြုပြင်ထိန်းသိမ်းရေးစက်ရုံ" အလုပ်လုပ်တဲ့အချိန်ပါ။ ဒီစက်ရုံက ကောင်းကောင်း အလုပ်မလုပ်ရင် ကျန်းမာရေးတင်မကဘဲ အသားအရေနဲ့ ဦးနှောက်စွမ်းဆောင်ရည်ပါ ကျဆင်းလာနိုင်ပါတယ်။
သက်ရှည်ကျန်းမာပြီး မနက်ခင်းတိုင်းကို လန်းဆန်းစွာ ဖြတ်သန်းနိုင်ဖို့ ညအိပ်ရာဝင်ခါနီးတိုင်း လုပ်ဆောင်သင့်တဲ့ အဖိုးတန်အလေ့အကျင့်ကောင်း (၅) ခုကို မျှဝေပေးလိုက်ပါတယ်။

၁။ ဖုန်းနဲ့ အီလက်ထရောနစ်ပစ္စည်းများသုံးတာကို ရပ်တန့်လိုက်ပါ
အိပ်ရာမဝင်ခင် အနည်းဆုံး မိနစ် ၃၀ အလိုကတည်းက ဖုန်းသုံးတာကို ရပ်လိုက်ပါ။ ဖုန်းကထွက်တဲ့ Blue Light (အပြာရောင်အလင်းတန်း) ဟာ အိပ်စက်ခြင်းကို ဖြစ်စေတဲ့ Melatonin ဟော်မုန်းထုတ်လုပ်မှုကို ဟန့်တားတာကြောင့် အိပ်ပျော်ဖို့ ခက်ခဲစေပါတယ်။

၂။ ပေါ့ပေါ့ပါးပါး အကြောလျှော့ပေးပါ (Light Stretching)
အိပ်ရာပေါ်မှာပဲဖြစ်ဖြစ် (၅) မိနစ်လောက် အကြောလျှော့ပေးပါ။ တစ်နေကုန် တင်းမာနေတဲ့ ကြွက်သားတွေကို ပြေလျော့စေပြီး သွေးလှည့်ပတ်မှု ကောင်းစေပါတယ်။ အထူးသဖြင့် ဇက်၊ ပုခုံးနဲ့ ခါး အကြောလျှော့ခြင်းက ခန္ဓာကိုယ်ကို Relax ဖြစ်စေပြီး ပိုမိုမြန်ဆန်စွာ အိပ်ပျော်စေပါတယ်။

၃။ နောက်ဆုံးစားတဲ့အစာနဲ့ အိပ်ချိန်ကို ခွာထားပါ
အိပ်ခါနီး အဝစားခြင်းက အစာခြေစနစ်ကို အလုပ်လုပ်ခိုင်းစေပြီး အိပ်စက်ခြင်းကို အနှောင့်အယှက်ပေးပါတယ်။ အိပ်ရာမဝင်ခင် အနည်းဆုံး ၃ နာရီအလိုမှာ နောက်ဆုံးညစာကို အပြီးစားထားသင့်ပါတယ်။ ကဖင်းဓာတ် (လက်ဖက်ရည်၊ ကော်ဖီ) ကိုလည်း ရှောင်ကြဉ်ပါ။

၄။ တစ်နေ့တာကို ပြန်လည်သုံးသပ်ပြီး စိတ်အေးချမ်းအောင်လုပ်ပါ
စိတ်ဖိစီးမှုတွေနဲ့ အိပ်ရာဝင်တာဟာ အိပ်မက်ဆိုးတွေ မက်စေနိုင်ပါတယ်။ အိပ်ခါနီးမှာ စာဖတ်တာ၊ တရားထိုင်တာ (သို့မဟုတ်) ကိုယ့်ကိုယ်ကိုယ် ကျေးဇူးတင်တဲ့အရာ ၃ ခုလောက်ကို ပြန်စဉ်းစားကြည့်တာမျိုးက စိတ်ကို အေးချမ်းစေပြီး နှစ်နှစ်ခြိုက်ခြိုက် အိပ်ပျော်စေပါတယ်။

၅။ ပုံမှန်အိပ်ချိန်ဇယားတစ်ခု သတ်မှတ်ပါ
နေ့တိုင်း (ပိတ်ရက်အပါအဝင်) အချိန်မှန် အိပ်ရာဝင်ပြီး အချိန်မှန် နိုးအောင် ကြိုးစားပါ။ ခန္ဓာကိုယ်မှာရှိတဲ့ Biological Clock က ပုံမှန်ဖြစ်သွားတဲ့အခါ အိပ်ပျော်ဖို့ ကြိုးစားနေစရာမလိုဘဲ အလိုလို အိပ်ပျော်သွားပါလိမ့်မယ်။

❇️အကြံပြုချက်: "ကောင်းမွန်တဲ့ အိပ်စက်ခြင်းဟာ ဆေးတစ်ခွက်ထက် ပိုစွမ်းပါတယ်"
ဒီအချက်လေးတွေကို ဒီနေ့ညကစပြီး လိုက်နာကြည့်မယ်ဆိုရင် မနက်ဖြန်မနက်မှာ ထူးခြားတဲ့ လန်းဆန်းမှုကို ခံစားရမှာ အသေအချာပါပဲ။
ဒီအလေ့အကျင့်လေးတွေက သင့်မိတ်ဆွေတွေကိုလဲ အကျိုးရှိစေမှာမို့ ဝေမျှပေးဖို့မမေ့နဲ့နော်❤️

#ကျန်းမာရေး #အိပ်စက်ခြင်း
Copy/Credit

12/03/2026

လေထုညစ်ညမ်းမှုသည် မမြင်နိုင်သော အန္တရာယ်ဖြစ်ပါတယ်။

နှစ်စဉ် လူ ၇ သန်းခန့် သေဆုံးစေနိုင်ပါတယ်။

အသက်အရွယ် ကျား/မ မရွေး ထိခိုက်ခံစားရနိုင်ပြီး အချို့က လေထုညစ်ညမ်းမှုအန္တရာယ်ကို ပိုမိုခံစားရနိုင်ပါတယ်။

Copy/Credit

25/02/2026

👉 သွေးပျစ်လာရင် ခန္ဓာကိုယ်ကပြတဲ့ လက္ခဏာ (၄) မျိုး ✅✅✅
🌿 သွေးပျစ်ခြင်းဟာ သွေးတွင်းအောက်စီဂျင် လျော့နည်းစေတာကြောင့် ခန္ဓာကိုယ်ကို စနစ်တကျ ပြန်လည်ပြုပြင်စောင့်ရှောက်ဖို့ လိုအပ်ပါတယ်။
🌿 သွေးပျစ်ရခြင်းအကြောင်းရင်းဟာ စိတ်ဖိစီးမှု ခံစားချက်နဲ့ နေထိုင်စားသောက်မှုပုံစံတို့နဲ့ တိုက်ရိုက်သက်ဆိုင်နေပါတယ်။

👉 သွေးပျစ်လာတဲ့အခါ ခန္ဓာကိုယ်ကပေးတဲ့ အချက်ပေးချက် (၄) မျိုးကတော့ 👇
၁။ နံနက်ခင်းတွင် နုံးချိခြင်း - မနက်နိုးလျှင် ခေါင်းမူးပြီး အားအင်မရှိသလို ခံစားရတတ်ပါတယ်။ မနက်စာစားပြီးမှ တဖြည်းဖြည်း နိုးကြားလာပြီး ညဖက်ရောက်လေ ပို၍လန်းဆန်းလေ ဖြစ်တတ်ပါတယ်။✅

၂။ နေ့လယ်စာစားပြီး အလွန်အိပ်ငိုက်ခြင်း - နေ့လယ်စာစားပြီးချိန်တွင် မအိပ်ဘဲမနေနိုင်လောက်အောင် အိပ်ချင်စိတ် ပြင်းထန်တတ်ပါတယ်။✅

၃။ အသက်ရှူကျပ်ခြင်း - ဆောင့်ကြောင့်ထိုင်လိုက်လျှင် မွန်းကျပ်ပြီး အသက်ရှူရခက်ခဲခြင်း၊ ခန္ဓာကိုယ် ဝဖြိုးလာခြင်းတို့ ဖြစ်တတ်ပါတယ်။✅

၄။ အမြင်အာရုံ ဝေဝါးခြင်း - အမြင်အာရုံက ရုတ်တရက် ဝေဝါးသွားပြီး ချက်ချင်း ကောင်းကောင်းမမြင်ရတာမျိုး ဖြစ်တတ်ပါတယ်။
ခန္ဓာကိုယ်က အခုလို အချက်ပြလာပြီဆိုရင် အမြန်ဆုံး ကုစားကြဖို့ တိုက်တွန်းပါရစေ။✅

👉 သွေးပျစ်တဲ့အခါ အခြားဘယ်လိုလက္ခဏာတွေ ခံစားရနိုင်လဲ?👇
🌿 သွေးပျစ်ရာကနေ သွေးခဲတွေ ဖြစ်ပေါ်လာတဲ့အခါမှ ရောဂါလက္ခဏာကို ပိုသိသာလာတတ်ပါတယ်။ အဖြစ်များတာတွေကတော့ -👇
👉 မျက်စိဝေဝါးခြင်းနှင့် မူးဝေခြင်း
👉 သွေးခြေဥလွယ်ခြင်းနှင့် ရာသီသွေး အဆင်းများခြင်း
👉 ခေါင်းကိုက်ခြင်းနှင့် သွေးတိုးခြင်း
👉 အရေပြား ယားယံခြင်း
👉 အားအင်ကုန်ခမ်းပြီး အသက်ရှူမဝခြင်း

#သတိပြုရန်:
🌿 အကြောင်းရင်းမရှိဘဲ သွေးခဲခဏခဏဖြစ်ခြင်း သို့မဟုတ် ကိုယ်ဝန်ခဏခဏ ပျက်ကျခြင်းမျိုးရှိပါက ဆရာဝန်နှင့်တိုင်ပင်ပြီး သွေးစစ်ဆေးမှု ခံယူသင့်ပါတယ်။

👉 သွေးပျစ်တာကို သက်သာစေမယ့် နည်းလမ်း (၅) မျိုး ✅
၁။ ရေများများသောက်ပါ - သွေးလည်ပတ်မှုကောင်းစေဖို့ ရေဓာတ်ပြည့်ဝနေပါစေ။✅

၂။ အသီးအနှံများများစားပါ - ကိုလက်စထရောကို တားဆီးပေးပြီး ဗီတာမင်စီနှင့် အမျှင်ဓာတ်ကြွယ်ဝတဲ့ ဟင်းသီးဟင်းရွက်၊ ပြောင်းဖူး၊ အစေ့အဆံတို့ကို စားသုံးပါ။✅

၃။ ဝမ်းတွင်းကလီစာများ ရှောင်ပါ - တိရိစ္ဆာန် ဝမ်းတွင်းကလီစာ စားသုံးမှုကို လျှော့ချပါ။✅

၄။ ကိုယ်လက်လှုပ်ရှားမှုလုပ်ပါ - ပုံမှန် လေ့ကျင့်ခန်း ပြုလုပ်ပေးပါ။✅

၅။ အရက်နှင့် ဆေးလိပ်ဖြတ်ပါ - ကျန်းမာရေးအတွက် အလေ့အကျင့်ဆိုးများကို စွန့်လွှတ်ပါ။✅

👉 အထူးအကြံပြုချက်: ရေနွေးသောက်ခြင်းဟာ အဆီများကို ချေဖျက်ပေးပြီး အစာကြေစေသည့်အပြင် သွေးလည်ပတ်မှုကို သိသိသာသာ ကောင်းမွန်စေပါတယ်။✅✅✅

ကျန်းမာချမ်းသာလို့ပျော်ရွှင်ကြပါစေခင်ဗျာ🙏

သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။

ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။

#ကျန်းမာရေး #ဗဟုသုတ #စာပေ
#နွယ်မြက်သစ်ပင်ဆေးဖက်ဝင်
#မေတ္တာဖြင့်ပြန်လည်မျှဝေပါသည်
#လေးစားစွာဖြင့်မူရင်းရေးသားသူကို
ေးပါတယ်
Copy/Credit

22/02/2026

🏥 UK NICE ဆီးချိုကုသမှု လမ်းညွှန်ချက်အသစ် (၂၀၂၆) အနှစ်ချုပ်
----------------------------
ယခုလမ်းညွှန်ချက်သည် ဆီးချိုရောဂါရှင်များအတွက် နှလုံးနှင့် ကျောက်ကပ်ဆိုင်ရာ နောက်ဆက်တွဲ ပြဿနာများကို ပိုမိုထိရောက်စွာ ကာကွယ်ပေးနိုင်ရန် ရည်ရွယ်ထားပါသည်။

၁။ ဆေးပေးပုံစနစ် ပြောင်းလဲခြင်း...........................................
ပူးတွဲကုသမှု (Combination Therapy): ယခင်က Metformin ဆေးတစ်မျိုးတည်းဖြင့် စတင်လေ့ရှိသော်လည်း၊ ယခုအခါ ဆီးချိုရောဂါဟု အသစ်စမ်းသပ်တွေ့ရှိသူများကို Metformin နှင့် SGLT2 inhibitors (ဥပမာ- Dapagliflozin) နှစ်မျိုးကို တွဲဖက်တိုက်ကျွေးရန် အကြံပြုထားပါသည်။

ရည်ရွယ်ချက်: သကြားဓာတ်ကို ထိန်းချုပ်ရုံသာမက နှလုံးရောဂါ၊ လေဖြတ်ခြင်းနှင့် ကျောက်ကပ်ပျက်စီးခြင်းတို့ကို ပါ သိသိသာသာ လျှော့ချပေးနိုင်ရန် ဖြစ်သည်။

၂။ လူနာအလိုက် သီးသန့်ကုသမှု (Personalized Care)..................................................
လူနာတစ်ဦးချင်းစီ၏ အခြေအနေအပေါ် မူတည်၍ ဆေးဝါးများကို အောက်ပါအတိုင်း ပြောင်းလဲပေးရန် ဖော်ပြထားသည် -

လူငယ်များ (အသက် ၄၀ အောက်): နှလုံးနှင့် ကျောက်ကပ် ထိခိုက်နိုင်ခြေ ပိုများသဖြင့် GLP-1 receptor agonists သို့မဟုတ် Tirzepatide ကဲ့သို့သော ဆေးများကို စောစီးစွာ အသုံးပြုရန်။

ကျောက်ကပ်ရောဂါရှိသူများ: ကျောက်ကပ်လုပ်ဆောင်ချက် အခြေအနေအလိုက် SGLT2 နှင့် DPP-4 inhibitor ဆေးများကို တွဲဖက်သုံးရန်။

နှလုံးရောဂါရှိသူများ: နှလုံးညှစ်အားကောင်းစေရန် SGLT2 ဆေးများကို ဦးစားပေးရန်။

သက်ကြီးရွယ်အိုများနှင့် အားနည်းသူများ: သကြားဓာတ်ကို အပြင်းအထန်ချခြင်းထက် ဘေးထွက်ဆိုးကျိုးနည်းသည့် DPP-4 inhibitor ကဲ့သို့ ဆေးမျိုးကို သုံးရန်။

၃။ နည်းပညာနှင့် ကုန်ကျစရိတ်
Copy/Credit .....................................
သကြားဓာတ် တိုင်းတာခြင်း: အင်ဆူလင် ထိုးနေရသူများအတွက် အသားထဲ ထည့်ထားရသော အာရုံခံကိရိယာ (Continuous Glucose Monitoring) အသုံးပြုခွင့်ကို ပိုမိုတိုးမြှင့်ပေးမည်။

၄။ အခြားထူးခြားချက်များ..............................
သွားနှင့်ခံတွင်း ကျန်းမာရေး: ဆီးချိုနှင့် သွားဖုံးရောဂါ ဆက်စပ်မှုကို သတိပြုမိစေရန် နှစ်စဉ်ကျန်းမာရေးစစ်ဆေးမှုတွင် သွားဖုံးအခြေအနေကိုပါ ထည့်သွင်းဆွေးနွေးရန်။

17/02/2026

☘️☘️အဟာရဓာတ်တွေ လျှော့နည်းနေရင်-

၁ ။ မဂ္ဂနီဆီယမ် လျှော့နည်းနေရင်…
ကြွက်တက်တာ၊ စိုးရိမ်စိတ်များတာနဲ့ အိပ်မပျော်တာတွေ ဖြစ်တတ်ပါတယ်။
အသက်ကြီးသူတွေရဲ့ ၇၀% က မဂ္ဂနီဆီယမ်ချို့တဲ့နေတတ်ကြပါတယ်။
ချို့တဲ့တာကြောင့် ပြန်လည်ကောင်းမွန်နှုန်း ၄၀ % နှေးကွေးသွားပါတယ်။

၂ ။ ပိုတက်ဆီယမ် လျှော့နည်းနေရင်…
အားနည်းတာ၊ ပင်ပန်းနွမ်းနယ်တာနဲ့ နှလုံးခုန်နှုန်းစည်းချက်မမှန်တာတွေ ဖြစ်တတ်ပါတယ်။
၁ % လောက် လျှော့နည်းနေရင်တောင် ကြွက်သားနဲ့ အာရုံကြောလုပ်ဆောင်ချက်မှာ သက်ရောက်မှု ရှိပါတယ်။
ဦးနှောက်အသိပိတ်နေပြီး သွေးပေါင်ချိန်မြင့်တက်နိုင်ပါတယ်။

၃ ။ ကယ်လ်ဆီယမ် လျှော့နည်းနေရင်…
ကျဉ်တာ၊ အကြောဆွဲတာ ဖြစ်အောင်လှုံ့ဆော်ပေးပြီး အရိုးကြွပ်ဆပ်နိုင်ပါတယ်။
ကယ်လ်ဆီယမ်က ကိုယ်တွင်းကြွက်သားအားလုံး ချုံ့ဆန့် နိုင်ဖို့ လိုအပ်ပါတယ်။

၄ ။ သံဓာတ် လျှော့နည်းနေရင်…
မောပန်းတာ၊ အသားအရေဖျော့တော့တာနဲ့ ခေါင်းမူးတာတွေ ဖြစ်တတ်ပါတယ်။
သံဓာတ်ချို့တဲ့တာကြောင့် ကိုယ်တွင်းအောက်ဆီဂျင်ပို့ဆောင်မှု ၃၀ % ထိ ဖြတ်တောက်နိုင်ပြီး စွမ်းအင်နဲ့ ဇီဝဖြစ်စဉ်က ၃၀ % ထိ လျှော့နည်းနိုင်ပါတယ်။

၅ ။ ဆိုဒီယမ်လျှော့နည်းနေရင်…
ခေါင်းမူးတာ၊ ဦးနှောက် ပိတ်မှောင်ပြီး မတွေးတောနိုင်တာနဲ့ စွမ်းအင် လျှော့နည်းတာတွေ ဖြစ်တတ်ပါတယ်။
ဆိုဒီယမ်က အရည်ညီညွတ်မျှတမှုရှိအောင် နဲ့ အာရုံကြောအချက်ပြနိုင်အောင် ထိန်းချုပ်ပေးပါတယ်။

၆ ။ ဇင့် လျှော့နည်းနေရင်…
အနာကျက်နှေးကွေးတာ၊ ခုခံအား အားနည်းတာနဲ့ ဘာစားစား အရသာမရှိ ဖြစ်နေတတ်ပါတယ်။
ဇင့်ချို့တဲ့နေတာကြောင့် တက်စတိုစတီရုန်း ၂၅ % ထိ လျော့ကျနိုင်ပါတယ်။

၇ ။ ဗီတာမင် D လျှော့နည်းနေရင်…
စိတ်ခံစားချက် အတက်အကျများတာ၊ ခုခံအားလျှော့နည်းတာနဲ့ ပင်ပန်းနွမ်းနယ်တာတွေ ဖြစ်တတ်ပါတယ်။
အသက်ကြီးသူ ၄၀ % ကျော်က ဗီတာမင် D ချို့တဲ့ နေတတ်ကြပြီး နာတာရှည်ရောဂါ ဖြစ်နိုင်ခြေ ၄၀ % မြင့်မားပါတယ်။

၈ ။ ဗီတာမင် B12 လျှော့နည်းနေရင်…
ကျဉ်တာ၊ ဦးနှောက်ပိတ်ပြီး မတွေးခေါ်နိုင်တာနဲ့ စွမ်းအင်လျှော့နည်းနိုင်ပါတယ်။
သတ်သတ်လွတ်စားသုံးသူတွေနဲ့ အသက် ၅၀ ကျော်သူတွေမှာ အဖြစ်များပြီး ဗီတာမင် B12 ချို့တဲ့ရင်အာရုံကြောပျက်စီးကာ စိတ်ဓာတ်ကျနိုင်ပါတယ်။

၉ ။ ရေ နဲ့ ဓာတ်ဆား လျှော့နည်းနေရင်…
ရေ ၂ % လောက် လျော့ကျနေရင်တောင် ဇီဝဖြစ်စဉ် နဲ့ အာရုံစူးစိုက်နိုင်မှု နှေးကွေးနိုင်ပါတယ်။ ဦးနှောက်အတွင်း သွေးလှည့်ပတ်မှု ၂၅ % လျှော့နည်းသွားပြီး ပင်ပန်းနွမ်းနယ်ကာ ခေါင်းကိုက်နိုင်ပါတယ်။

၁၀ ။ အိုမီဂါ-၃ ချို့တဲ့ခြင်း
အာရုံစူးစိုက်နိုင်မှု လျော့နည်းသွားပြီး ရောင်ရမ်းမှုများပြားလာတာကြောင့် အရွယ်အိုမင်းမှု မြန်ဆန်နိုင်ပါတယ်။

၁၁ ။ အိုင်အိုဒင်းချို့တဲ့ခြင်း
သိုင်းရွိုက်ဟော်မုန်းထုတ်လုပ်မှု လျှော့နည်းသွားပြီး ဇီဝဖြစ်စဉ် ၁၀ -၁၅ % နှေးကွေးသွားနိုင်ပါတယ်။

၁၂ ။ ဆီလီနီယမ်ချို့တဲ့ခြင်း
ဓာတ်တိုးဖိစီးမှု မြင့်မားလာပြီး အဆိပ်အတောက်ဖြေလုပ်ငန်း ၁၀ -၁၅ % ထိ အားနည်းသွားနိုင်ပါတယ်။

အားလုံးကျန်းမာကြပါစေ။

*လေးစားစွာဖြင့်-
-ဒေါက်တာခင်မိုးမိုး
Copy/Credit

17/02/2026

Htay
🧠 ဦးနှောက်သွေးကြော မပေါက်အောင် "ဒါတွေ" ကို သတိထားရအောင်!
ဒီဘက်ခေတ်မှာ အသက်အရွယ်မရွေး ရုတ်တရက် လဲကျတာမျိုးတွေ၊ ဦးနှောက်သွေးကြောပေါက်တာမျိုးတွေ ခဏခဏ ကြားနေရတယ်နော်။ ကိုယ့်ကိုယ်ကိုရော ကိုယ့်မိသားစုကိုပါ ကာကွယ်ဖို့အတွက် ဒါလေးတွေကို ဆင်ခြင်ပေးဖို့ လိုပါတယ်... 👇

🧠၁။ သွေးတိုးကို "ရန်သူ" လို သတ်မှတ်ပါ
သွေးတိုးတာဟာ ဦးနှောက်သွေးကြောပေါက်ရခြင်းရဲ့ အဓိကတရားခံပါ။ မိသားစုထဲမှာ သွေးတိုးရှိသူပါရင် ပိုသတိထားပါ။ သွေးပေါင်မှန်မှန်တိုင်းပါ၊ ဆရာဝန်ညွှန်ကြားတဲ့ ဆေးကို ပုံမှန်သောက်ပါ။

🧠၂။ စိတ်ဖိစီးမှုကို လျှော့ချပါ
စိတ်တိုတာ၊ ဒေါသထွက်တာ၊ အလုပ်တွေ အရမ်းပင်ပန်းတာတွေက သွေးပေါင်ကို ရုတ်တရက် တက်စေပါတယ်။ "အေးအေးဆေးဆေးပဲ" ဆိုတဲ့ စိတ်ကို မွေးမြူပါ။

🧠၃။ အငန်နဲ့ အဆီ လျှော့စားပါ
အငန်က သွေးတိုးစေပြီး အဆီက သွေးကြောတွေကို ပိတ်စေ/ကျဥ်းစေပါတယ်။ အသီးအနှံနဲ့ ဟင်းသီးဟင်းရွက်တွေကို ပိုစားပေးပါ။

🧠၄။ ကိုယ်လက်လှုပ်ရှားမှု ရှိပါစေ
တစ်နေ့ကို အနည်းဆုံး မိနစ် (၃၀) လောက် လမ်းလျှောက်တာမျိုး ဖြစ်ဖြစ် လုပ်ပေးပါ။ ဒါဟာ သွေးလှည့်ပတ်မှုကို ကောင်းမွန်စေပြီး သွေးကြောတွေကို သန်မာစေပါတယ်။

🧠၅။ ဆေးလိပ်နဲ့ အရက်ကို ရှောင်ပါ
ဆေးလိပ်က သွေးကြောတွေကို မာကြောစေပြီး ပေါက်ထွက်ဖို့ လွယ်ကူစေပါတယ်။ အရက်ကလည်း သွေးတိုးကို ထိန်းမရအောင် ဖြစ်စေနိုင်လို့ တတ်နိုင်သမျှ ရှောင်တာ အကောင်းဆုံးပါ။

🧠၆။ အိပ်ရေးဝဝ အိပ်ပါ
ညဘက်တွေ အိပ်ရေးပျက်တာ များလာရင် ခန္ဓာကိုယ်ရဲ့ စနစ်တွေ ကမောက်ကမဖြစ်ပြီး သွေးတိုးတတ်ပါတယ်။

✍️ မှတ်ချက်။ ။ အကယ်၍ မျက်နှာတစ်ခြမ်း ရွဲ့သွားတာ၊ စကားပြောတာ ဗလုံးဗထွေးဖြစ်တာ၊ လက်ခြေတစ်ဖက် မလှုပ်နိုင်တော့တာမျိုးတွေ ဖြစ်လာရင်တော့ နီးစပ်ရာ ဆေးရုံကို အမြန်ဆုံး သွားဖို့ မမေ့ပါနဲ့။

🥰ကိုယ့်ရဲ့ ချစ်ခင်ရတဲ့သူတွေ သိသွားအောင် ဒီစာလေးကို
ပေးပြီး သတိပေးလိုက်ရအောင်နော်။

#ဗဟုသုတ
#သင့်ဦးနှောက်
Copy/Credit

16/02/2026

🔴 အပူလျှပ် လက္ခဏာ (၇) မျိုး — သိမှ အသက်ကယ်နိုင်မယ်

"ပူလွန်းလို့ ခေါင်းကိုက်တယ်၊ မူးတယ်လို့ ထင်နေတာ...ဒါပေမယ့် အဲဒါက အပူလျှပ်တာရဲ့ စတင်တဲ့ လက္ခဏာဖြစ်နေနိုင်ပါတယ်"

မြန်မာပြည်မှာ မတ်-မေလ အပူချိန် ၃၅-၄၀°C ကျော်တဲ့အခါ — အပူလျှပ်ခြင်းက **တိတ်ဆိတ်စွာ သေစေနိုင်တဲ့ အန္တရာယ်**ပါ။

🚨 **အန္တရာယ်ကြီးတဲ့ လက္ခဏာ (၇) မျိုး:**

1️⃣ **စိတ်ရှုပ်ထွေးမှု** — စကားပြောပုံစံပြောင်းသွားခြင်း၊ မသိလိုက်ဘဲ လူမိုက်ဆန်ဆန် ပြုမူခြင်း

2️⃣ **သတိလစ်ခြင်း / တုန်လှုပ်ခြင်း (Seizure)** — ခန္ဓာကိုယ်အပူချိန် ၄၀°C ကျော်သွားတဲ့အခါ ဦးနှောက် ထိခိုက်နိုင်တယ်

3️⃣ **အရေပြား ပူပြီး ခြောက်သွားခြင်း** — ချွေးထွက်ခြင်း ရပ်တန့်သွားခြင်း (သို့) ချွေးအများကြီးထွက်နေခြင်း (အားကစားလုပ်နေသူတွေမှာ)

4️⃣ **နှလုံးခုန်မြန်ခြင်း + အသက်ရှူသွင်းရှူထုတ် လျင်မြန်ခြင်း** — ခန္ဓာကိုယ်က အပူကို စွန့်ထုတ်ဖို့ ကြိုးစားနေတာ

5️⃣ **ပျို့အန်ခြင်း + ခေါင်းကိုက်ခြင်း** — အစောပိုင်း warning လက္ခဏာ

6️⃣ **မူးဝေခြင်း + အားအင်ကုန်ခြင်း** — ခန္ဓာကိုယ် ရေဓာတ်ခမ်းခြောက်နေပြီ

7️⃣ **ဆီးနည်းသွားခြင်း** — ကျောက်ကပ် စတင်ထိခိုက်နေပြီ

⚠️ **သတိပေးချက်:** လက္ခဏာ (၂) မျိုး ပေါင်းရှိရင် **ချက်ချင်း ဆေးရုံပြေးပါ!**

———————————————

🎯 **အရေးပေါ် ဘာလုပ်ရမလဲ?**
• အရိပ်/အေးတဲ့နေရာကို ချက်ချင်းရွှေ့ပါ
• အဝတ်ချွတ်၊ ရေအေးနဲ့ သုတ်ပါ၊ လေဝင်လေထွက်ကောင်းတဲ့နေရာမှာ နေပါ
• Ice Pack ကို လည်ပင်း/ချိုင်း/လက်ချောင်းအောက်မှာ ထည့်ပါ
• သတိလစ်နေရင် ပါးစပ်ကနေ ရေမတိုက်ပါနဲ့ — **ချက်ချင်း အရေးပေါ်ကား ခေါ်ပါ**

———————————————

💡 **ကာကွယ်နည်း (၄) ချက်:**
✅ နေ့လည် ၁၀-၄ နာရီ နေရောင်ရှောင်ပါ
✅ ရေများများသောက်ပါ (၂-၃ နာရီ တစ်ခါ)
✅ အဝတ် ပါးပါး ဝတ်ပါ၊ ဦးထုပ်ဆောင်းပါ
✅ သက်ကြီးရွယ်အို/ကလေးတွေ အထူးဂရုစိုက်ပါ

**အဲဒါက ခင်ဗျားနဲ့ မိသားစု လုံခြုံစေပါလိမ့်မယ်** 🙏

———————————————

💊 မိသားစုကျန်းမာရေးအတွက် ဆေးဝါးပညာကို နားလည်ချင်ရင် (သို့မဟုတ်) မြန်မာပြည်မှာ ဆေးဆိုင်ဖွင့်ချင်ရင်...

HIP Zoom Class မှာ ၃ လအတွင်း အင်္ဂလိပ်ဆေးဝါးတွေအကြောင်းကို အခြေခံကစပြီး ဆေးဆိုင်ဖွင့်နိုင်တဲ့ လက်တွေ့နည်းလမ်းတွေ မြန်မာလိုအဓိကထားသင်ကြားပေးပါတယ်။

📩 သင်တန်းအပ်လိုရင် / အသေးစိတ်သိလိုရင် "HIP" လို့ Comment ရေးခဲ့ပါ

#ဆေးဆိုင် #ဆေးဝါးပညာ #အပူလျှပ် #ကျန်းမာရေးဗဟုသုတ #မြန်မာ
Copy/Credit

11/02/2026

ဒီမင်းရှား (Dementia) ဝေဒနာရှင်များကို ဆေးတိုက်ရ ခက်ခဲလာသည့်အခါ…

(ဒေါက်တာသန်းထွန်းအောင်)

ဒီမင်းရှား (Dementia) ခေါ် သိမှတ်ဉာဏ်ချို့ယွင်းအားနည်းမှုကြောင့် အမေ့လွန်လာသည့်ရောဂါ ခံစားနေရသူများကို ဆေးတိုက်ရခက်ခဲလာခြင်း၊ သူတို့သည် ဆေးသောက်ရန် ငြင်းဆန်လာခြင်းတို့ ဖြစ်လာသည့်အခါ ပြုစုစောင့်ရှောက်သူများအတွက် အလွန်စိတ်ပင်ပန်းကြရသော အခြေအနေတစ်ခု ဖြစ်လာရသည်။ အတော်ပင် စိတ်ရှည်သည်းခံစွာဖြင့် ခက်ခက်ခဲခဲ ကိုင်တွယ်ဖြေရှင်းကြရသည့် အနေအထားလည်း ဖြစ်သည်။ ဤဆောင်းပါးတွင် ထိုအခြေအနေကို လက်တွေ့ ကြိုးစားလုပ်ဆောင်ဖြေရှင်းကြည့်သင့်သည့်နည်းများကိုအကြံပြု တင်ပြ ပေးပါမည်။

ဒီမင်းရှား ဝေဒနာရှင်များကို ပြုစုစောင့်ရှောက်ရာတွင် ပြုစုကြသူ မိသားစုဝင်များသည် တစ်နေ့တာအတွက် မိမိတို့လုပ်ဆောင်လိုသည်များကို အချိန်ဇယားချ ပုံမှန်လုပ်ပေးခြင်းဖြင့် အလေ့ အကျင့်ဖြစ်သွားအောင် ပြုလုပ်ထားပါက ပြုစုခြင်းကို လွယ်ကူစွာ ပြီးမြောက်နိုင်သည်။ ဆေးတိုက် ရမည့်အချိန်ရောက်လျှင် ဆေးသောက်ရန်အကျွမ်းတဝင်ဖြစ်လာသည်။ ဆေးတိုက်ချိန်တွင် ပတ်ဝန်းကျင်သည် အေးဆေးတည်ငြိမ်နေသင့်သည်။ ဆူညံနေလျှင် ဆူညံသံ (ဥပမာ- TV အသံ၊ လူအများ စကားပြောသံ) ကိုလျော့ချရန်လိုသည်။ ဆေးသောက်မည့် ဒီမင်းရှား ဝေဒနာရှင်၏ အာရုံကို ဆေးသောက်ခြင်းကိစ္စတွင် ရောက်နေရန် သူတို့ရှေ့၌ မလိုအပ်သော လှုပ်ရှားသွားလာလုပ်ကိုင်နေမှုများ မလုပ်ကြရန်လိုသည်။ ဝေဒနာရှင်၏ စိတ်နေသဘောနှင့် အကြိုက် (အထာ) တို့ကို သိထားပါက ဆေးတိုက်ရပိုလွယ်တတ်သည်။ အကယ်၍ လူနာသည် ဆေးသောက်ရန် ငြင်းဆန်နေသည့်အခါ အာရုံပြောင်းပေးသည့်နည်းသည်လည်း အလုပ်ဖြစ်တတ်သည်။ ဆေးတိုက်နေချိန်မှာ လူနာ နှစ်သက်သည့် သီချင်းဖွင့်ပေးထားခြင်း သို့မဟုတ် သူစိတ်ဝင်စားသည့် အကြောင်းအရာ တစ်ခုခုကို စကားစမြည်ပြောရင်း မသိမသာ ဆေးတိုက်လိုက်လျှင် ဆေးဝင်သွားသည်ကိုလည်း တွေ့ရသည်။

ဆေးတိုက်စဉ် ဆေးသောက်ရန်ပြောဆိုသည့်အခါ ပြောတတ်ရန်လည်းလိုသည်။ ချော့မော့ သည့်လေသံနှင့်ပြောပါ။ "ကဲ... ဒီဆေးလေးသောက် လိုက်ရအောင်" ဆိုပြီး ဖိတ်ခေါ်သည့်ပုံစံမျိုးကို တိုတိုနှင့် ရှင်းရှင်း ညင်သာစွာ ပြောသင့်သည်။ ဆေးတိုက်သည့် အခါတွင်လည်း ကိုယ်တိုင်ရွေးချယ် ဆုံးဖြတ်ခွင့်ပေးသည့် သဘောဖြင့် "ဆေးကို ရေနဲ့သောက်မလား၊ ဖျော်ရည်နဲ့သောက်မလား"၊ “ကော်ဖီ နဲ့ သောက်မလား၊ လဖက်ရည် နဲ့ သောက်မလား” စသည်ဖြင့် ရွေးချယ်နိုင်မှုနှစ်မျိုးပေးကာ မေးသင့်သည်။ ဆေးမသောက်ချင်သည့် အကြောင်းရင်းကိုလည်းသိရန်လိုသည်။ ဆေးလုံးဆေးပြား အရွယ်အစားကြီးခြင်းကြောင့် ဆေးမျို ချရခက်နေခြင်းဖြစ်လျှင် အရွယ်ငယ်သွားစေရန် ဆေးကိုခြမ်းသောက်နိုင်သည်။

အချို့သောဆေးများမှာ ထိုသို့ ခွဲခြမ်းခြင်း၊ အမှုန့်ကြိတ်ခြင်း မပြုလုပ်သင့်သည့်ဆေးများ (ဥပမာ- Extended Release ဆေးပြားများ) ဖြစ်နေတတ်သည်။ ထိုဆေးမျိုးကိုခွဲခြမ်း ကြိတ်ချေ လိုက်ပါက လိုအပ်သော အာနိသင်ပျက်ပြယ်သွားတတ်သည်။ သို့အတွက် ဆေးကို ခွဲခြမ်းခြင်း၊ ကြိတ်ခြင်း လုပ်ရန်သင့် မသင့်ကို ဆေးကိုညွန်ကြားထားသည့် ဆရာဝန်နှင့် မေးထားရမည်။ တချို့ မှာ ဆေးတောင့် (Capsule) ဖြစ်နေ၍ မသောက်လိုလျှင် ဆေးဓာတ်ချင်း တူသော်လည်း ထုတ်လုပ် ထားသည့်ပုံစံမတူသော ဆေးပြား၊ ဆေးလုံးများကို ပြောင်းသုံးကြည့်ပါ။ ဆေးအများစုမှာ အမှုန့် ကြိတ်ပြီးရေနှင့်ရောဖျော်ပြီးတိုက်ကြသည့်အခါ အလွန်ခါးသက်သည့် အရသာကြောင့် ဆေး သောက်ရခက်ကြသည်။ သို့ဖြစ်လျှင် ချိုသောအရည်တစ်ခုခု (ဥပမာ … ပျားရည်) ဖြင့်ရောတိုက် လျှင် ဆေးခါးခြင်းလျော့နည်းသွားမည်ဖြစ်သည်။ ဆေးကို အမှုန့်ကြိတ်ပြီး ယို၊ ဒိန်ချဉ် (သို့မဟုတ်) ပျော့ပျောင်းသောအစာတစ်ခုခုထဲ ထည့်ကျွေးခြင်းဖြင့်လည်း ဆေးဝင်ရန် ကြိုးစားကြည့်နိုင်သည်။

တချို့သောဆေးများမှာ ပါးစပ်မှ တိုက်ကျွေးခြင်းအပြင် စအိုဝမှ ထည့်သွင်းခြင်း၊ အသား တွင်ကပ်သည့် ပလာစတာ ကပ်ခွာ (Patch) ကို ပြောင်းသုံးခြင်းတို့ ပြုလုပ်၍ရနိုင်သည်။ ဝါးစား၍ရနိုင်‌သော ‌‌ ဆေးပြား(Chewable tablet) နှင့် ခံတွင်းထဲတွင်အရည်ပျော်သွားစေနိုင်သော ဆေးပြား (Orally dissolvable tablet) များအသွင်ဖြင့်ထုတ်လုပ်ထားသော ဆေးတို့မှာဆေးတိုက်ရခက်သူ များ အတွက် အဆင်ပြေသည်။ တချို့သော ဆေးများအတွက် သောက်ဆေးပုံစံအပြင် အသားဆေး၊ အကြောဆေး၊ အရေပြားအောက်ထိုးဆေး၊ လိမ်းဆေး စသည်ဖြင့် ရနိုင်ကြသည်။ ရောဂါနှင့် လူနာ၏ အခြေအနေလိုအပ်ချက်အရ ထိုဆေးများကို ဆရာဝန်က ညွန်ကြားနိုင်ပါသည်။ ဆေးထိုး အပ်ကြောက်သူများ၊ ဆေးမထိုးလိုသူများအတွက် ဆေးထိုးရခြင်းမှာ အခက်အခဲ ရှိနိုင်သည်။ အရေပြားအောက်ထိုးဆေး (Subcutaneous injection) များဖြစ်သော အင်ဆူလင် (Insulin) ၊ သွေခဲပျော်ဆေး (Enoxaparin)၊ ကျောက်ကပ်မကောင်း၍ဖြစ်ရသည့်သွေးအားနည်းခြင်းတို့ အတွက် ထိုးရသည့် ကျောက်ကပ်ဟော်မုန်းဆေး (Erythropoietin) များထိုးနေရခြင်း ဖြစ်လျှင် ထိုဆေးများမှာ အချိန်မှန်အောင် မထိုးမဖြစ် ထိုးရမည့်ဆေးမျိုးဖြစ်သဖြင့် ဒီမင်ရှားဝေဒနာရှင်များ ကို ပြုစုနေကြသူများအတွက် ဆေးထိုးရန်အလွန်ခက်ခဲလျှင်၊ ဆေးထိုး၍မရနိုင်လျှင် ဆရာဝန် အား အသိပေး ပြောပြရန် အထူးလိုအပ်သည်။ ဆရာဝန်မသိဘဲ ဆေးထိုးရခက်သည် ဆိုကာ မိမိ သဘော ဖြင့် ထိုဆေးများကိုမရပ်လိုက်သင့်ပါ။ ဆရာဝန်ကသိမှသာ ဆေးအမျိုးအစားပြောင်းပေးခြင်း၊ ဆေး ပမာဏ သို့မဟုတ် ဆေးအကြိမ် လျှော့ချပေးခြင်း၊ ဆေးပုံစံ [(Syrup/Suspension (အရည်)၊ နှာခေါင်းထဲသို့ ဖြန်း သည့်ဆေး (Nasal spray)၊ လျှာအောက်ငုံဆေး (Sublingual tablet) သို့မဟုတ် Drops (အစက်ချဆေး)] ကိုပြောင်းပေးခြင်း၊ ဆေးတိုက်ပုံ တိုက်နည်းတို့ကို သင်ကြားပေးခြင်း စသည်ဖြင့် လိုအပ်သလို ကုသမှုပုံစံကို ပြောင်းပေးနိုင်မည် ဖြစ်ပါသည်။

ဒီမင်းရှားဝေဒနာရှင်များသည် မကြာခင်ကမှပြောထားသည်များကို မမှတ်မိတော့ခြင်း (Short term memory loss) ရှိကြသဖြင့် သူတို့ဆေးသောက်ရန်ငြင်းနေလျှင် အတင်းအကျပ် မတိုက်ပါနှင့်။ သူတို့စိတ်ချမ်းသာသွားအောင် ခဏလွှတ်ထားပေးလိုက်ပါ။ ၁၀ မိနစ် သို့မဟုတ် ၁၅ မိနစ်ခန့် ကြာမှ နောက်တစ်ကြိမ် ပြန်ကြိုးစားကြည့်ပါ။ ထိုအခါ ပထမအကြိမ်သူတို့ငြင်းဆိုခဲ့သည်ကို မမှတ်မိတော့ဘဲ သဘောတူလက်ခံကာ ဆေးသောက်လိုက်ကြသည်လည်း ရှိသည်။ သူတို့ ငြင်းနေလျက် အတင်းတိုက်ပါက ဆေးသီးခြင်း သို့မဟုတ် လူနာနှင့်ရုန်းကန် ချုပ်ကိုင်ရခြင်း၊ ရန် ဖြစ်ရခြင်း၊ အင်အားသုံးပြုလုပ်လိုက်ရခြင်းကြောင့် ဆေးသောက်ရမည်ကို ပိုကြောက်သွားစေခြင်း နှင့် ပြုစုသူကိုလက်မခံတော့ခြင်းများ ဖြစ်သွားနိုင်ပါသည်။

တချို့သောဒီမင်းရှားဝေဒနာရှင်များသည် ပြုစုသူများအပေါ်တွင် သူ့ပစ္စည်းများကို ခိုးယူထား သည်၊ သူ့ကျွေးသည့်အစာကိုအဆိပ်ခပ်ထားသည်စသည်ဖြင့် သံသယစိတ်များနှင့် ထင်ယောင် ထင်မှား (Paranoia) ဖြစ်တတ်သကဲ့သို့ သူတို့ကိုတိုက်သည့် ဆေးများပေါ်တွင်လည်း သံသယ ရှိလာတတ်သည်။ ဆေး၏ဘေးထွက်ဆိုးကျိုးများ (Side effects) ခံစားရလျှင် ပိုဖြစ်သည်။ ပြုစုသူတိုက်သည့် ဆေးကြောင့်သူ့မှာ ဒုက္ခရောက်ရသည်၊ ဝေဒနာခံစားရသည်ဟု စွပ်စွဲတတ်ကြသည်။ အသက်ကြီးလာသဖြင့် မျက်လုံးခြောက်ခြင်း (Dry eyes) ကြောင့် အနေရခက်ခြင်း၊ မျက်ရည်ယိုခြင်းတို့ သက်သာစေရန် မျက်ရည်တု မျက်စဉ်း (Artificial tear eye drop) ကြောင့် သူ့မျက်လုံးမမြင်ရတော့၊ ကန်းသွားပြီ စသည်ဖြင့် သံသယ စိတ်နှင့် တွဲလျက် အကြောက်လွန်ကာ ယိုးစွပ်ခြင်းလည်းတွေ့ရဖူးသည်။ တိုက်သည့်ဆေးအပေါ် သံသယရှိနေသူများအတွက် ဝေဒနာရှင်နှင့်အတူတူ ဆေးသောက်ပြခြင်းနည်းကိုလည်း စမ်းကြည့် နိုင်သည်။ မိမိသောက်နေသည့် ဆေးများကို ဒီမင်းရှားလူနာ၏ရှေ့တွင် သောက်ပြခြင်း၊ သို့မဟုတ် သူတို့သောက်နေသည့် ဆေးထဲမှ မိမိပါ သောက်၍ရနိုင်သည့်ဆေးတစ်မျိုးမျိုး( ဥပမာ ..အားဆေး) ကို ယူသောက်ပြခြင်းဖြင့်ဆေးအပေါ် သံသယကင်းရန်၊ ယုံကြည်မှုရှိသွားစေရန် ကြိုးစားကြည့်နိုင်ပေသည်။ ထိုနည်းသည် လူနာ၏ စိတ်လုံခြုံမှုကိုလည်း ပေးရာရောက်ပါသည်။

တချို့မှာဆေးများနှင့် ပတ်သက်ပြီး အလွန်သတိထားကြသည်။ အထူးသဖြင့် ပညာတတ်သူ (Educated persons) များတွင် တွေ့ရသည်။ ဆေးနှင့်ရောဂါကို တွဲဖက်ကာ ဒီဆေးက ဘာဆေး၊ ဘယ်လောက်အား၊ တစ်နေ့ဘယ်နှစ်ကြိမ် စသည်ဖြင့် မှတ်ထားကြသည်။ တစ်ဦးချင်းစီ၏ ဆေးပညာ ဗဟုသုတ၊ စေ့စပ်သေချာတတ်သည့်ပင်ကိုယ်စရိုက်၊ ဒီမင်းရှားရောဂါအဆင့် စသည်တို့ ပေါ်မူတည် ၍ ပုံစံအမျိုးမျိုးကြုံတွေ့ရနိုင်သည်။ သောက်နေကျဆေးပုံစံ၊ အရောင်၊ ထုတ်လုပ်သည့်နိုင်ငံ၊ အမှတ်တံဆိပ်အားဖြင့် အသေးစိတ် မှတ်ထားသူလည်းရှိသည်။ တစ်ခါ သောက်ရသည့်ဆေးလုံး အရေ အတွက်ကိုမှတ်ထားသူများ၊ ဆေးအသစ်တိုးလာခြင်း စသည်တို့ကို သတိထားကြသူများကိုလည်း တွေ့ရတတ်သည်။ အများအားဖြင့်ဒီမင်းရှားဖြစ်စအချိန်များတွင် ကြုံရသည်။ ထိုသူများအတွက် သူတို့၏စိုးရိမ်မှုကို နားလည်စွာဖြင့် ရှင်းပြလိုက်လျှင် အဆင်ပြေသွားတတ်သည်။ အချို့မှာ ဆေး အပြောင်းအလဲ၊ အတိုးအလျော့နှင့်ပတ်သက်၍ ဆရာဝန်ငယ်များ ပြောဆို ရှင်းပြခြင်းကို လက်မခံဘဲ ဆရာဝန်ကြီးကိုယ်တိုင် ပြောဆိုရှင်းပြမှ လက်ခံသွားကြသူများ လည်းရှိသည်။

နာတာရှည်ရောဂါများအတွက် ဆေးသောက်ရခြင်းကြာလာသည့်အခါ ဆေးမသောက်ချင်ကြတော့သူလည်း ရှိသည်။ အသက်ကြီးလာလေ၊ ရောဂါစုံလာလေဖြစ်သဖြင့် တစ်နေ့ တစ်နေ့ သောက်နေရသည့်ဆေးများမှာ ပိုတိုးလာကြသည်။ ဆေးသောက်ရန်အခက်အခဲရှိသူ၊ ဆေးကြောက်သူများအတွက်ကြီးမားသည့်အခက်အခဲ တာဝန်ကြီးတစ်ရပ်ဖြစ်လာသည်။ ထိုအခါ ဆရာဝန်နှင့် ဆက်မပြချင်တော့၊ ဆေးခန်းသွားရန်ငြင်းဆန်လာသည်၊ ဘာမှမဖြစ်တော့ဘူးဆိုကာ ကိုယ့်သဘောနှင့်ကိုယ် ဆေးဖြတ်လိုက်ခြင်းတို့ ဖြစ်လာသည်။ ထိုလူနာများအား ဆေးတိုက်ရာတွင် ပိုစိတ်ရှည်ရသည်၊ ချော့ရသည်၊ ရှင်းပြရသည်။ တချို့မှာ ရောဂါအတွက်ဆေးမဟုတ်ဘဲ အားဆေးဟု ပြောမှ ဆေးသောက်ရန်သဘောတူသွားကြသူလည်း ရှိသည်။ တချို့မှာဆေးဆိုသည်နှင့် လုံးဝ မသောက်လို တော့ဘဲ ငြင်းဆန်နေသည့်အခါ ဆေးမှန်းမသိစေရန် သူတို့ကြိုက်နှစ်သက်သည့် အစားအသောက် တစ်ခုခုထဲတွင်ထည့်ပြီး တိုက်ကြရသည်လည်း ရှိသည်။ ထိုသို့ရောတိုက်သည့်အခါ ဆေးအလဟဿ မဖြစ်စေရန်နှင့် ဆေးဝင်ကြောင်းသေချာစေရန် မိမိတိုက်လိုသည့်ဆေးကို အစားအစာ အနည်းငယ်နှင့်သာ ရောနှောကြရန် ဖြစ်သည်။ အစားအစာအများကြီးထဲသို့ ထည့်မရော ရပေ။

အအေးစာများသည် လျှာပေါ်ရှိ အရသာခံဖုများကို ခဏမျှ ထုံသွားစေခြင်းကြောင့် ဆေး၏ ခါးသက်သော အရသာကို ဖုံးကွယ်ပေးနိုင်သည်။ ထို့ကြောင့် ပျော့ပျောင်းပြီး အေးမြသောအစားအစာ များဖြစ်သည့် ဒိန်ချဉ် (Yogurt)၊ ရေခဲမုန့် (Ice cream) သို့မဟုတ် ပူတင်း (Pudding) များသည် ထို အစာကြိုက်သူများ အတွက် အဆင်ပြေကြသည်။ ငှက်ပျောသီးမှည့် နှင့် အာလူးထောင်း (Mashed Potato) များမှာလည်း ဆေးလုံးငယ်လေးများကို ထည့်ကျွေးရန် ကောင်းသည်။ ကြိတ်ချေထားသည့် ခါးသော ဆေးမှုန့်များအတွက် ချိုသောအရာများဖြစ်သည့် ပျားရည် (Honey)၊ မိုင်လို (Milo) ၊ အိုဗာတင်း (Ovaltine)၊ ယို (Jam) အမျိုးမျိုးတို့ကို သုံးနိုင်သည်။ သစ်သီးဖျော်ရည်များတွင် လိမ္မော်ရည် (orange juice) သို့မဟုတ် ပန်းသီးရည် (Apple juice) တို့မှာ အသုံးများကြသည်။ ထမင်းစားချိန်တွင် ဆေးကို ရောတိုက်လိုလျှင် ဆေးကို ထမင်းလုပ်ထဲတွင်မြုပ်၍ လည်းကောင်း၊ ဟင်းချိုရည် စွပ်ပြုတ်ရည် တစ်ဇွန်းစာထဲတွင် ဆေးကို အရည်ဖျော်၍လည်းကောင်း တိုက်နိုင်ပါသည်။ သတိပြု ရန်မှာ ဆေးကိုအစားအသောက်ထဲရောထည့်ခြင်းကို လူနာရှေ့တွင်မပြုလုပ်ရန် လိုသည်။ လူနာမြင် သွား သိသွားပါက ကျွေးသည့်အစားအစာများကိုပါ ငြင်းဆန်သွားနိုင်သည်။ ရှင်းပြပြောဆို နားလည် နိုင်သေးသည့် ဒီမင်းရှားလူနာများအတွက် ဒီဆေးကနဲနဲလေးခါးတယ်၊ ပျားရည်လေးနဲ့ ရောသောက် ကြရအောင်စသည်ဖြင့် အသိပေးသဘောတူညီချက်ရယူကာ ဆေးတိုက်ခြင်းကပိုကောင်းသည်။ ထို့ကြောင့် မိမိလူနာ၏ ရောဂါအခြေအနေပေါ်မူတည်ပြီး ချင့်ချိန် ပြုစု ပြောဆိုတတ်ရန် လိုသည်။

တခါတရံ လူနာကို ပြုစုနေကြသည့် မိသားစုဝင်များသည် ဆေးသောက်စေလိုသည့်ဆန္ဒဇော ဆေးဝင်စေလိုသည့်စေတနာတို့ကြောင့် ဆေးမသောက်လျှင် ကုသပေးနေသည့်ဆရာဝန်က စိတ်ဆိုး သွားလိမ့်မည်၊ ဆေးဆက်မကုပေးဘဲနေလိမ့်မည်စသည်ဖြင့် ဆရာဝန်၏ ဩဇာကိုသုံးပြီး တိုက်တွန်းခြင်း" (Leveraging Authority) နည်းကို သုံးတတ်ကြသည်ကို တွေ့ရသည်။ လူနာအချို့၏ သဘောသဘာဝမှာလည်း မိသားစုဝင်များထက် အပြင်လူ၊ အထူးသဖြင့် ဆရာဝန်၏ စကားကို ပိုနားထောင်တတ်ကြပါသည်။ အကယ်၍ လူနာသည် ပြသနေသည့်ဆရာဝန်နှင့် အချိန်ကြာမြင့်စွာ ပြသနေပြီး ဆရာဝန်ကို ရိုသေလေးစားသူ ဖြစ်ခဲ့လျှင် "ဒါက ဆရာဝန်ကြီး ပေးလိုက်သည့် ဆေးပဲ၊ သောက်မှ ရောဂါသက်သာသွားပြီး ဆရာဝန်ကြီးက ဝမ်းသာမှာ" ဆိုတာမျိုး ပြောခြင်းက အောင်မြင်နိုင်ခြေ ရှိပါသည်။ ဆရာဝန်၏နာမည် ဩဇာအရှိန်အဝါကိုသုံးကာ လူနာကို ခြိမ်းခြောက်သည့်ပုံစံမျိုး ပြောခြင်းကား မဖြစ်သင့်ပါ။ မဖြစ်ရန်လည်း ရှောင်ကြဉ်သင့်ပါသည်။ ဒီမင်းရှားလူနာများသည် ကြောက်ရွံ့ စိုးရိမ်စိတ် (Anxiety) အလွယ်တကူ ဖြစ်တတ်ပါသည်။ ထိုအခါ စိတ်မလုံခြုံဖြစ်စေပြီး ရန်လိုမှု (Aggression) ပါ ဖြစ်လာစေနိုင် ပါသည်။ ဆရာဝန်က သူ့အား အတင်းဖိအားပေးနေသည့် ပုံစံမျိုး အထင်မှား အမြင်စောင်းသွားပါက နောက်တစ်ခါဆေးခန်းသွားပြရန် ငြင်းဆန်လာနိုင်သည်။

ဒီမင်းရှားရောဂါတိုးလာခြင်းကြောင့် အလယ်အလတ်ရောဂါအဆင့် (Moderate stage) နှင့် ပြင်းထန်သည့်အဆင့် ( Severe stage) သို့ ရောက်လာသူ အများစုမှာ မူမှန်မဟုတ်သည့်အမူအရာများ ပေါ်လာကာ အစာကျွေးရခြင်း ဆေးတိုက်ရခြင်းတို့မှာ ပိုခက်လာသည်။ ဆေးတိုက်မည်ပြုလျှင် ပါးစပ်ကို ပိတ်ထားလာသည်။ လက်ဖြင့်ကာသည်။ တွန်းထုတ်သည်။ မျက်နှာတစ်ဖက်သို့လှည့်ထားသည် စသည်ဖြင့် ပြုလုပ်လာတတ်သည်။ ထိုအခါ ပြုစုသူတို့သည် တိုက်ရမည့် ဆေးများကိုကြိတ်ကာ ရေနှင့်ဖျော်ပြီး ဆေးထိုးအပ်မတတ်ထားသည့်ဆေးထိုးပြွန် (Syringe) ဖြင့်စုပ်ယူကာ လူနာ၏ နှုတ်ခမ်းထောင့်မှ ပါးစောင်ထဲသို့ ဆေးကို ထိုးထည့်သည့်နည်းဖြင့် ဆေးဝင်အောင် ကြိုးစားတိုက်ကြ တတ်သည်။ ထိုသို့ အတင်းတိုက်သည့်အခါ လူနာအနေဖြင့် မကြိုက်နှစ်သက်သည့် အပြုအမူမျိုးဖြင့် တုန့်ပြန်တတ်ကြသည်။

ထိုအခါ ဒီမင်းရှားလူနာကို ပြုစုနေရသည့် မိသားစုဝင်များအနေဖြင့် မိမိတို့ချစ်ကြသည့် ဝေဒနာခံစားနေရသူတစ်ယောက်ကို ကောင်းစေချင်၊ သက်သာစေလိုချင်သည့် သဘောဖြင့် အတင်းအကျပ် လုပ်လိုက်ရခြင်းအတွက် စိတ်မကောင်း ဖြစ်ရခြင်း၊ လူနာကို ဆေးမှန်းမသိစေဘဲ အစာထဲခိုးဝှက်ပြီး တိုက်ခြင်းသည် အပြစ်တစ်ခုကို ကျူးလွန်နေသလိုများ ဖြစ်နေသလားဟု အတွေးရောက်ကြခြင်းတို့ ဖြစ်တတ်ကြသည်။ ဤဖြစ်ရပ်မှာ လက်တွေ့ ရင်ဆိုင်ကြရသည့် အလွန်နက်နဲပြီး စိတ်မကောင်းဖြစ်စရာကောင်းသည့် ကိုယ်ကျင့်တရား ဆိုင်ရာ အခက်အခဲ (Ethical dilemma) တစ်ခုဖြစ်သည်။ စဉ်းစားကြည့်လျှင် မိမိတို့ ချစ်ရသောသူ ဝေဒနာရှင်ကို နာကျင်စေရန်၊ ဒုက္ခပေးရန်၊ မိမိအကျိုးအတွက် လိမ်ညာလှည့်စားရန် လုပ်နေခြင်းမဟုတ်ပါ။ အတင်းအကျပ် ဆေးတိုက်ခြင်းကြောင့် လူနာမှာပိုပြီး ထိတ်လန့်သွားနိုင်စေသဖြင့် အစာထဲထည့်တိုက်ခြင်းက လူနာကို စိတ်ပိုင်းဆိုင်ရာအရ ပိုပြီး သက်သာငြိမ်းချမ်းစေသည်ဟုလည်း မြင်ကြည့်ပေး၍ ရပါသည်။ ပြုစုနေကြသူများမှာ လူနာ၏ကျန်းမာရေး ပိုမိုကောင်းမွန်လာရန် ဝေဒနာ သက်သာစေရန်ဆိုသည့် စေတနာအရင်းခံ နှင့် လုပ်နေခြင်းသာ ဖြစ်ပါသည်။ လူနာ၏ ရောဂါကြောင့် ဆင်ခြင်တုံတရား နှင့် ဆုံးဖြတ်နိုင်စွမ်း မရှိတော့ သည့်အချိန်မှာ သူ့အတွက် အကောင်းဆုံး ဖြစ်မည့်အရာကို စဉ်းစားရွေးချယ်ကာ မိသားစုများက တာဝန်ယူပြုစုပေးနေကြခြင်းသာ ဖြစ်ပါသည်။ ဆေးမဝင်သဖြင့် လူနာခံစားရမည့် ဝေဒနာနှင့် ဘေးဒုက္ခတို့မှ သက်သာစေရန် ဆေးဝင်အောင် တိုက်ရမည့် အဓိကတာဝန်တစ်ခုကို ကြိုးစားလုပ်ဆောင်ခြင်းသာ ဖြစ်ပါသည်။ ထို့အတူ ဒီမင်းရှားဝေဒနာရှင်များသည် ရောဂါပြင်းထန်လာမှုကြောင့် အစာ မစားနိုင် မမျိုနိုင် ဖြစ်လာကြသည့်အခါမျိုးတွင် နှာခေါင်းမှ ပိုက်သွင်းကာ အစာကျွေးခြင်း၊ ဝမ်းဗိုက်ဖောက်ကာ အစာအိမ်သို့တိုက်ရိုက်ပိုက်ထည့်ကာ အစာကျွေးခြင်းတို့ပြုလုပ်မှ ဆေးတိုက်ရနိုင်မည်၊ အစာကျွေးနိုင်မည်ဆိုသည့် အနေအထားမျိုးတွင် ပိုက်ဖြင့်အစာကျွေးခြင်း (Tube feeding) ၏ အကျိုး အပြစ်များကို ဆရာဝန်နှင့်ဆွေးနွေးပြီး ချိန်ဆဆုံးဖြတ်ကြရာတွင် မိသားစုများအနေဖြင့် အခက်အခဲ ကြုံရတတ်ပါသည်။ လူနာ၏ အနေအထားအရ "သက်သောင့် သက်သာ ရှိမှု (Comfort)" ကို အဓိကထားပြီး စဉ်းစားဆောင်ရွက်သင့်သည့် အခြေအနေတွင်မူ သောက်နေကျ ဆေးများထဲမှ သက်သောင့်သက်သာ ဖြစ်စေရန် အရေးအကြီးဆုံး ဆေး ၁ မျိုး သို့မဟုတ် ၂ မျိုးကို ဆရာဝန်က ရွေးချယ်ပေးပါလိမ့်မည်။ အရေးမကြီးတော့သော ဆေးများကို ရပ်ပေးပါလိမ့်မည်။

ယခုဆောင်းပါးသည် ဒီမင်းရှား ဝေဒနာရှင်များကို ပြုစုစောင့်ရှောက်နေကြသူများနှင့် မိသားစုဝင်များအတွက် တစ်စုံတစ်ခုသော အတိုင်းအတာအထိအကျိုးရှိလိမ့်မည်ဟု ယုံကြည်မိပါသည်။

(ဒေါက်တာသန်းထွန်းအောင်)
Copy/Credit

Address

Innya Myaing
Yangon

Telephone

+9595123833

Website

http://www.bangpakokhospital.com/

Alerts

Be the first to know and let us send you an email when Referral Office in Myanmar posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Referral Office in Myanmar:

Shortcuts

Want your practice to be the top-listed Clinic in Yangon?