11/03/2026
ချက်ထားတဲ့ကလေးဖြည့်စွက်စာတွေကို ဘယ်လောက်ကြာ ခဲပြီးသိမ်းလို့ရလဲ?
Working Mom တွေပဲဖြစ်ဖြစ် မအားလပ်လို့ကလေးအတွက် အစာတွေကို ရက်များများစာ ကြိုတင်ချက်ပြီး သိမ်းထားတဲ့အခါ
🤔 ဘယ်လောက်ကြာသိမ်းလို့ရလဲ?
🤔 ဒီလိုသိမ်းထားတာ စိတ်ချရရဲ့လား?
🤔 ကျန်းမာရေးထိခိုက်စေလား?
🤔 အာဟာရပြည့်ပြည့်ဝဝရမှာလား?
ဆိုတာ မေမေတို့တွေးပြီးစိတ်ပူကြမယ်လို့ထင်ပါတယ်။
လတ်လတ်ဆတ်ဆတ်ချက်ကျွေးတာအကောင်းဆုံးဆိုပေမယ့် ကလေးဆာတဲ့အခါ အမြန်အဆင်သင့်ဖြစ်ဖို့ရော၊ မအားတာရော ၊ ပျင်းတာရောအပါပေါ့ 😁ဆရာမကိုယ်တိုင်လည်း သားလေးအတွက် ဒီလိုမျိုး ၃ရက်စာ ၄ရက်စာလောက် ကြိုချက်ပြီး သိမ်းလေ့ရှိပါတယ်။
သိမ်းပြီးကျွေးတာ စိတ်ချရလား ဆိုစိတ်ချရပါတယ်။ ကျန်းမာရေးထိခိုက်မှုမရှိအောင်ဆို ဂရုတစိုက်ပြင်ဆင်သိမ်းဆည်းတဲ့ပေါ်ပဲမူတည်ပါတယ်။
❓ ဘယ်လောက်ကြာသိမ်းလို့ရလဲ
အစားအစာတွေကို ပူပူနွေးနွေး ချက်ပြုတ်ပြီးရင် အရင်ဆုံးအအေးခံရပါတယ် ( 1နာရီ 2နာရီ လောက်ပေါ့) ပြီးရင်တော့ ရေခဲသေတ္တာ ထဲထည့်သိမ်းပါတယ်။
👉 ရေခဲသေတ္တာ ရိုးရိုးအကန့်ဆို ၂၄နာရီအတွင်းစားသုံးပေးတာအကောင်းဆုံးပါ။
👉 ရေခဲသေတ္တာ အခဲအကန့်မှာဆို ၁လမှ ၃လ အထိ ထားနိုင်ပါတယ်။
အမျိုးအစားခွဲပြီးပြောရရင်တော့👇
🍏🥦 အသီးများ၊ အရွက်များဖြင့်လုပ်ထားပြီး Purees တွေက ရေခဲသေတ္တာ
👉 ရိုးရိုးအကန့်မှာ 2ရက်မှ3ရက်အထိ ထားနိုင်ပါတယ်။ 👉 အခဲကန့်ထဲမှာဆို ၆လမှ ၈လ အထိ ထားသိမ်းနိင်ပါတယ်။
🍗🥚 ချက်ထားတဲ့ အသားနဲ့ဥများကတော့
👉 ရိုးရိုးအကန့်မှာဆို 24နာရီ ၁ရက်ပဲထားသင့်ပါတယ်။
👉 အခဲကန့် မှာဆို ၁လမှ၂လ ထိ ထားနိုင်ပါတယ်
🥗 အသားရောအရွက်ရော အစုံချက်ထားတဲ့ ဝါစိမ်းနီအစာတွေက
👉 ရိုးရိုးအကန့်မှာ ၁ရက်မှ၂ရက်အထိ ထားနိုင်ပြီး
👉 အခဲကန့်မှာဆို ၁လမှ၂လထိ ထားနိုင်ပါတယ်။
ဒါကတော့ အများဆုံးထားနိုင်တဲ့ အချိန်ကာလကိုဖော်ပြထားခြင်းဖြစ်ပါတယ်။
အစာသိမ်းရန်ခွက်များကို ဖန်၊ Food grade စီလီကွန်၊ BPA free ပလပ်စတစ် ခွက်များဖြင့် သိမ်းနိုင်ပါတယ်။ ''အဖုံးပါ လေလုံ'' ဖို့တော့လိုပါတယ်။ ဒီလိုမျိုး စနစ်တကျ သိမ်းမယ်ဆိုရင်တော့ ကျန်းမာရေးနဲ့လည်းညီညွတ်ပြီး ကလေးလည်းအာဟာရပြည့်ဝစွာရမှာပဲဖြစ်ပါတယ်။
📌သတိပြုရန်အချက်များ
🛑ကလေးစားပြီးအကျန်များ၊ ကလေးကိုတိုက်ရိုက်ကျွေးတဲ့ဇွန်းနဲ့ခပ်ထားသည်များကို ပြန်မသိမ်းရပါ။ ( တံတွေးမှတစ်ဆင့် ဘက်တီးရီးယား ပိုးမွှားများ ပေါက်စေလို့ပါ)
🛑ခဲထားသည်များ၊ အအေးခန်းမှထုတ်လာသည်များကို အပူပေးနွှေးပြီးပါက ပြန်မခဲရပါ။
အချိန်ကြာလေလေ အစားအစာရဲ့ အနံ့အရသာကတော့ ပြောင်းလဲနိုင်လေမို့ မေမေတို့လည်း ချင့်ချိန်ပြီးသိမ်းလို့ရအောင် ဖော်ပြပေးလိုက်ပါတယ်ရှင်။ မေမေတို့ရော baby လေးတွေကို နေ့တိုင်းချက်ကျွေးကြလား သိမ်းပြီးကျွေးကြလားရှင့်? ထပ်သိချင်တာရှိရင်လည်း comment မှာမေးမြန်းနိင်ပါတယ်နော်။ 🥰
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်
( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)
အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။
ဆေးခန်းသို့လာရောက်ပြသမည်ဆိုပါက
🏥ဆေးခန်းလိပ်စာ - အမှတ် ၂က၊ (၁၆၆) လမ်း၊ တာမွေကြီး (ခ)ရပ်ကွက်၊ တာမွေမြို့နယ်။
⏱ဆေးခန်း ဖွင့်ချိန် - နံနက် ၉ နာရီ မှ ည၇နာရီထိ
095063031, 09795389583
(ကြိုတင်စာရင်းပေးရန်လိုသည်)
