Dr. Mon Myat Htun GP

17/11/2025

❓ ကိုယ်ဝန်ပျက်ကျပြီးနောက် ဘယ်တော့ကလေးပြန်ယူသင့်သလဲ?

အကြောင်းအမျိုးမျိုးကြောင့် ကံမကောင်းစွာဖြင့် ရင်သွေးလေးကိုဆုံးရှုံးလိုက်ရတဲ့ မေမေတို့အနေနဲ့ ကလေးပြန်ယူဖို့ ဘယ်လောက်စောစောပြန်ယူရမလဲဆိုတာ သိချင်ကြပါတယ်။
💡ဘယ်အချိန်အစောဆုံး ကိုယ်ဝန်ပြန်ဆောင်လို့ရသလဲဆိုရင် အနည်းဆုံး သဘာဝအတိုင်းရာသီ တစ်ခါပြန်လာဖို့စောင့်ရန်လိုပါတယ်။ ရာသီတစ်ကြိမ်လာပြီးသွားပြီဆိုရင် ကလေးပြန်ယူလို့ရပါပြီ။
အစောဆုံးယူနိုင်တဲ့ကာလလို့ပြောပေမယ့် ကျွန်မတို့ဆရာဝန်တွေအနေနဲ့ ခုလိုစောစောချက်ချင်းမယူစေချင်ပါဘူး။ ဘာလို့လဲဆိုတော့ မိခင်အပြည့်အဝကျန်းမာဖို့ အချိန်ကာလလိုလို့ပါ။ ကိုယ်ခန္ဓာရုပ်ပိုင်းဆိုင်ရာကျန်းမာနေဦးတော့ ရင်သွေးလေးဆုံးရှုံးလိုက်ရတဲ့မေမေတို့ရဲ့စိတ်ကျန်းမာရေးကတော့ ကောင်းဦးမှာမဟုတ်သေးပါဘူး။ စိတ်မကျန်းမာရင် ကိုယ်ဝန်အတွက်လည်းမကောင်းပါဘူး။ ထပ်မံပျက်ကျနိုင်ချေလည်းရှိတဲ့အတွက် အရမ်းမလောကြဖို့ပြောချင်ပါတယ်။ သားအိမ်နံရံတွေပြန်လည် ကျန်းမာဖို့ အပြည့်အဝ ပြန်ကောင်းဖို့အတွက် အချိန်ပေးပါ။
💡အကောင်းဆုံးအချိန်ကာလအားဖြင့်ပြောရရင်တော့ ၆လနဲ့တစ်နှစ်ကြားမှာ ပြန်ယူတာကတော့အကောင်းဆုံးပါ။
တစ်ဦးနဲ့တစ်ဦးအခြေအနေချင်းကွာခြားနိုင်တာရှိလို့ ကိုယ်ဝန်ပျက်ကျပြီး ကလေးပြန်ယူမယ်ဆိုရင် သက်ဆိုင်ရာ သားဖွားမီးယပ်ဆရာဝန်နဲ့ သေချာတိုင်ပင်ပြီး မှ ပြန်ယူကြဖို့တော့ တိုက်တွန်းချင်ပါတယ်ရှင်။

ကိုယ်ဝန်ပျက်ကျပြီး သားအိမ်ခြစ်ပြီးတဲ့နေ့/ ဆေးသောက်လို့ ပြီးတဲ့နေ့ကစလို့ ကိုယ်ဝန်ပြန်ရနိုင်စွမ်းပြန်ရှိနေပြီမို့ ရှောင်နိုင်ရင်ရှောင် သို့မဟုတ် အကာကွယ်ကွန်ဒုံးအသုံးပြုရန်လိုအပ်ပါတယ်။ ကလေးပြန်မယူသေးဘူးဆိုရင်တော့ သားဆက်ခြားနည်းလမ်း တစ်ခုခုသုံးပေးဖို့လိုအပ်ပါမယ်။

အားလုံးပဲအဆင်ပြေကြပါစေဆုတောင်းရင်း
ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)

17/11/2025

Tik Tok trend လေး လိုက်ဆော့ 😁

15/11/2025

❓ ကိုယ်ဝန်ပျက်ကျပြီးနောက် ဘယ်အချိန်သားဆက်ခြားနည်းလမ်းပြန်သုံးရမလဲ?

💡 အကြောင်းအမျိုးမျိုးကြောင့် ကိုယ်ဝန်၂၄ပတ်မတိုင်ခင် ကိုယ်ဝန်ပျက်ကျလို့သော်လည်းကောင်း မလိုချင်လို့ဖ-ျက် -ချ လို့သော်လည်းကောင်း ပျက်ကျ ပြီးတာနဲ့ ကလေးပြန်ရနိုင်ချေက ''ချက်ချင်း''ပြန်ရှိပါတယ်။ ဒါကြောင့် သားဆက်ခြား နည်းလမ်းတွေကို ''ချက်ချင်း''ပြန်စရန်လိုအပ်ပါတယ်။

သားအိမ်ခြစ်ရတဲ့သူတွေမှာဆိုလည်း ခြစ်တဲ့နေ့မှာတင် သားဆက်ခြားနည်းလမ်းကို စသုံးသင့်ပါပြီ။
ဆေးနဲ့ ကျတဲ့သူတွေမှာဆိုလည်း ဆင်းတာကုန်တဲ့အထိစောင့်ရန်မလိုဘဲ ဆေးသောက်တဲ့နောက်ဆုံးနေ့မှာတင် သားဆက်ခြားနည်းလမ်း တစ်ခုခုကိုစသင့်ပါတယ်။

အကယ်လို့ အကြောင်းကြောင်း ကြောင့် သားဆက်ခြားနည်းလမ်းများကို သားအိမ်ခြစ်ပြီး ၅ရက်ကျော် / ဆေးသောက်ပြီး ၅ရက်ထပ်နောက်ကျမှ စဖြစ်ခဲ့လျှင် ထပ်ဆောင်းကာကွယ်မှုအနေနဲ့ ကွန်ဒုံးသုံးခြင်း သို့မဟုတ် အရေးပေါ်ဆေးသောက်ရန် လိုပါလိမ့်မယ်။

❓ ဘယ်သားဆက်ခြားနည်းလမ်းတွေကို သုံးလို့ရလဲ?
သားဆက်ခြားနည်း အကုန်သုံးလို့ရပါတယ်
ဟော်မုန်း၂မျိုးပါဆေးကတ်၊ ဟော်မုန်းတစ်မျိုးထဲပါနို့တိုက်မိခင်သောက်ဆေးကတ်၊ ၃လခံဆေး၊ လက်မောင်းထဲထည့်ဆေး implant, သားအိမ်ထဲထည့်ပစ္စည်း IUD အကုန်လုံးက ချက်ချင်းအသုံးပြုနိုင်ပါတယ်။
IUD သားအိမ်ထဲထည့်တဲ့နည်း ကတော့ သားအိမ်ခြစ်တဲ့နေ့တစ်ခါထဲမထည့်ဖြစ်ခဲ့လျှင် ၄ပတ်ကျော်မှပဲ ပြန်ထည့်လို့ရပါမယ်။

ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေ နှင့်အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။
❌ကိုယ်ဝန်ဖျက်ချခြင်းဆိုင်ရာကိစ္စများအတွက် မဆွေးနွေးပေးပါ ❌

ဆေးခန်းသို့လာရောက်ပြသမည်ဆိုပါက
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 09795389583, 095063031
⏱နံနက် ၉နာရီ မှ ည၇နာရီ ထိ ( ပိတ်ရက်မရှိ)
#သားဆက်ခြားနည်း

04/11/2025

မနက်ဖန် 5.11.2025 ( Wednesday) မှ စပြီးဆရာမ ဆေးခန်းပြန်ထိုင်ပါပြီ။ 📣

အပတ်စဥ် ဗုဒ္ဓဟူးနေ့တိုင်း နေ့သစ် မိသားစုဆေးခန်း - Nae Thit Family Clinic မှာ နံနက် ၁၀ နာရီမှ ညနေ၄နာရီအထိရှိပါမယ်ရှင်။

ကလေးငယ်သေးလို့အရင်လိုရက်များများတော့မထိုင်နိုင်သေးပါဘူးရှင်။ ဗုဒ္ဓဟူး နေ့မဟုတ်ဘဲ အခြားနေ့များတွင် ပြလိုပါက Messenger သို့မဟုတ် ဆေးခန်းဖုန်း 095063031 မှတစ်ဆင့် ကြိုတင်ချိန်းဆိုနိင်ပါတယ်။ ကျေးဇူးတင်ပါတယ်။

01/11/2025

နို့ထွက်နည်းစေသောဆေး ၃ မျိုး 💧💊

ကျွန်မတို့နို့တိုက်မိခင်တွေ နို့မထွက်မှာ နို့ထွက်နည်းမှာကို တအားစိတ်ပူကြပါတယ်။ နို့ထွက်ကောင်းအောင် နည်းမျိုးစုံကြိုးစားချိန်မှာ မသိဘဲသောက်မိတဲ့ ဆေးကြောင့်တော့ နို့ထွက်နည်းတာမဖြစ်ဖို့အတွက် အများသိအောင် ဒီဆောင်းပါးလေးနဲ့ ဖော်ပြလိုက်ပါတယ်။

နို့တိုက်မိခင် ရှောင်သင့်တဲ့ဆေးတွေများစွာရှိတဲ့အထဲက ဒီဆေး ၃မျိုးကတော့ ကိုယ်တိုင်လည်းဝယ်သောက်လို့ရတဲ့ OTC over the counter ဆေးဖြစ်လို့ ဦးစားပေးရွေးပြောပြရခြင်းဖြစ်ပါတယ်။

1. Oral Decongestant လို့ခေါ်တဲ့ နှာခေါင်းပွင့်စေတဲ့ အုပ်စုဖြစ်တဲ့ pseudoephedrine and phenylephrine ပါဝင်တဲ့ဆေးများ
ဒီဆေးတွေက နို့ထွက်နှုန်းကို သိသိသာသာကျစေနည်းသွားစေနိုင်လို့ နို့တိုက်မိခင် အနေနဲ့မသောက်သင့်ပါဘူး။
လူသိများတဲ့ brand တွေထဲမှာဆို ( Fluza, Tiffy, Mixagrip, Allerpid, Parashin Cold အစရှိတဲ့ ဆေးတွေပါဝင်ပါတယ်)

🤔 ဒါဖြင့် နို့တိုက်မိခင် နှာပိတ်ရင် ဘယ်လိုလုပ်ရမလဲ?
ပါးစပ်ကသောက်ရတဲ့ နှာပွင့်ဆေးအစား nasal Decongestant နှာခေါင်းထဲထည့်ရတဲ့ အစက်ချဆေး၊ ဖျန်းဆေး၊ ရှူဆေး သုံးလို့ရပါတယ်။ သူတို့က နှာခေါင်းထဲပဲအာနိသင်ရှိပြီး သွေးထဲကိုမစိမ့်ဝင်လို့ မိခင်နို့ထဲမရောက်ပါဘူး။
ရေနွေးငွေ့ရှူပေးတာ၊ ဆားရည်ဖြင့်နှာခေါင်းဆေးခြင်း saline wash၊ humidifier အသုံးပြုခြင်းတို့ဖြင့် သက်သာအောင်လုပ်ဆောင်နိုင်ပါတယ်။

2. Oestrogen ပါသော သားဆက်ခြားဆေးကတ်
ဟော်မုန်း၂မျိုးပါတဲ့ သားဆက်ခြားဆေးကတ်တွေဖြစ်တဲ့ OK, Marvelon 28, စိတ်ချ, Drosperin, Lydia Fine, လက်ညှိုး အစရှိတဲ့ ဆေးကတ်တွေက နို့တိုက်မိခင်သောက်လို့မရပါဘူး။ သောက်ရင် နို့ထွက်နှုန်းကို သိသိသာသာလျော့နည်းစေတတ်လို့ပါ။
နို့တိုက်မိခင်တွေအနေနဲ့ သားဆက်ခြားနည်းလမ်းရွေးမယ်ဆိုရင် ဟော်မုန်းတစ်မျိုးထဲပါတဲ့ဆေးကတ် POP(Progestogen Only Pills) , ၃လခံကိုယ်ဝန်တားဆေး, လက်မောင်းထဲထည့်သောနည်းလမ်း, သားအိမ်ထဲထည့်သောနည်း စတာတွေထဲကရွေးချယ်လို့ရပါတယ်။

3. Antihistamine အုပ်စုဆေးများ
ဒီဆေးအုပ်စုကတော့ allergy ယားနာဖြစ်ခြင်းများနှင့် နှာစေးလျှင်သုံးတဲ့ ဆေးများပဲဖြစ်ပါတယ်။ အသိများတဲ့ဆေးထဲမှာဆို ဘာမီတွန်၊ စီထရင်း၊ loratidine, Fexofenadine တို့ ပါဝင်ပါတယ်။ ဒီဆေးက မိခင်ရဲ နို့ထွက်စေတဲ့ဟော်မုန်း prolactin ကိုယာယီနည်းစေလို့ နို့ထွက်နည်းတာဖြစ်နိုင်ပါတယ်။ ဒါ့အပြင် ကလေးမှိန်းတာလည်းဖြစ်စေတတ်ပါတယ်။
မိခင်အနေနဲ့ Allergy အရမ်းဆိုးတဲ့အခြေအနေ၊ နှာရည်တောက်တောက်အရမ်းကျတဲ့အခြေအနေတွေ မှာတော့ မသုံးမဖြစ်သုံးရတတ်ပါတယ်။ ဒါမယ့် တတ်နိုင်သမျှအကြိမ်ရေနည်းနည်းပဲသောက်ဖို့ပြောပါတယ်။

ဒါလေးကတော့ ကိုယ့်ဘာကိုယ်သောက်နေကြဆေးလေးတွေဖြစ်လို့ သတိထားလို့ရအောင်ပါ။ နို့တိုက်မိခင် အနေနဲ့ ဆေးသောက်မယ်ဆို နားလည်တတ်ကျွမ်းတဲ့ ဆရာဝန်၊ သူနာပြု၊ ဆေးဝါးပညာရှင်များ ဒါမှမဟုတ် ChatGPT, Google မှာ မေးမြန်းပြီးမှသောက်ပါနော်။ ဆေးခန်းပြတိုင်း နို့တိုက်မိခင်ဖြစ်ကြောင်းပြောပြပါ။

အဖိုးတန်လှတဲ့ မိခင်နို့ရည်တွေအဆုံးရှုံးခံလို့လည်းမဖြစ်သလို ကလေးနဲ့မတည့်တာတွေမပါသွားဖို့ အရေးကြီးလှပါတယ်။ ခုဆောင်းပါးလေးက နို့တိုက်မေမေတို့အတွက် အကျိုးရှိစေမယ်လို့မျှော်လင့်ပါတယ်။ မသိသေးတဲ့သူတွေသိရအောင် Like and share လုပ်ခြင်းဖြင့် ဝေမျှပေးကြပါဦးနော်။ အဆုံးထိဖတ်ရှုပေးလို့ ကျေးဇူးအများကြီးတင်ပါတယ် ။

ရေးသားသူ ✍
Dr. Mon Myat Htun
M.B.,B.S(YGN)
MRCGP[ International]
အထွေထွေရောဂါကု ဆရာဝန်

( စာများကိုတစ်ဆင့်ပြန်လည်ကူးယူဖော်ပြခြင်းမပြုရန်မေတ္တာရပ်ခံအပ်ပါတယ်)

အထွေထွေနှင့် အမျိုးသမီးရောဂါများကို ယုံကြည်စိတ်ချစွာ ပွင့်ပွင့်လင်းလင်းတိုင်ပင်ဆွေးနွေးနိင်ပါသည်။
Online မှ ဆွေးနွေးလိုလျှင် page Messenger မှတစ်ဆင့် ချိန်းဆိုနိင်ပါတယ်။

ဆေးခန်းသို့လာရောက်ပြသမည်ဆိုပါက
🏥ဆေးခန်းလိပ်စာ - အမှတ် ၂ (A)၊ (၁၆၆) လမ်း၊ တာ မွေကြီး (ခ)ရပ်ကွက်၊ တာမွေမြို့နယ် ၊ ရန်ကုန်မြို့။
⏱ဆေးခန်း ဖွင့်ချိန် - နံနက် ၉ နာရီ မှ ည ၇ နာရီ (ပိတ်ရက် မရှိ)
☎ 095063031, 09795389583
(ကြိုတင်စာရင်းပေးရန်လိုသည်)

23/10/2025

ဆရာမရဲ့ လက်ရှိ Dr. Mon Myat Htun GP page လေးက Page is at risk နီနေလို့ အချိန်မရွေး ပျက်မလား ဘာဖြစ်နိုင်မလဲမပြောနိုင်လို့ Page အသစ်လေး လုပ်ထားပါတယ်ရှင့်။
နောက်ပိုင်း ကျန်းမာရေးဆောင်းပါး video အသစ်လေးတွေကို မျှပြီးတင်သွားပေးပါမယ်ရှင့်။ အပန်းမကြီးရင် Page အသစ်လေးကို Follow လုပ်ပေးကြပါဦးနော်။ Link လေးထည့်ပေးထားပါတယ်။
https://www.facebook.com/share/1ABHnjuZ8h/

Admin main Account လည်း နီနေလို့ အခြားအရံ Account တွေကတစ်ဆင့်ဝင်နေရလို့ message reply နောက်ကျခဲ့ရင် တောင်းပန်ပါတယ်နော်။
Page အသစ်မှာ အသစ်သစ်သော အထွေထွေ၊ အမျိုးသမီး ၊ မိခင်နှင့် ကလေး ကျန်းမာရေးဆောင်းပါးတွေကို ဖော်ပြပေးသွားမှာမို့ Follow ခေး ပြန်လုပ်ထားပေးဖို့ တောင်းဆိုချင်ပါတယ်ရှင့်။ အားလုံးပဲကျေးဇူးပါ

International Certified General Practitioner, Doctor who loves sharing Women's health, Maternity and Child health, and General Health Knowledge�Health Education Channel

02/10/2025

ဗိုက်ကြီးနာဝေဒနါက ယောကျာ်းလေးကိုယ်ဝန်ဆိုပိုဖြစ်လား မိန်းကလေးကိုယ်ဝန်ဆိုပိုဖြစ်လား? 🤔

#ဗိုက်ကြီးနာ

29/09/2025

ကာကွယ်ဆေးထိုးတဲ့အခါ ချေရမလား ရေခဲကပ်ရမလား? ပရိသတ်ကြီးရော ဘယ်လိုတွေလုပ်နေလဲ?

#ကာကွယ်ဆေး

24/09/2025

ကိုယ်ဝန်အပတ်ရေ တွက်ချက်ပုံ

ကိုယ်ဝန်ရတဲ့အခါ ကိုယ်ဝန်ဘယ်နပတ်ရှိပြီလဲ ကိုယ်တိုင်တွက်ချက်နိုင်အောင်အတွက် ရှင်းပြပေးထားလို့ နားထောင်ကြည့်နော်။ 😊

#ကိုယ်ဝန်အပတ်ရေတွက်ပုံ

14/09/2025

ဆရာမကို အပြင်ဆေးခန်းဘယ်မှာထိုင်လဲ မေးကြလို့။ လတ်တလော ကလေးငယ်သေးလို့ အပြင်ဆေးခန်းပြန်မထိုင်ဖြစ်သေးပါဘူးရှင်။

Online ကနေပဲ Messenger သို့မဟုတ် phone call နှင့် ဆွေးနွေးမှုပြုလုပ်ပေးပါတယ်။ Video call နဲ့ ဆွေးနွေးလိုပါကလည်း Kpay ထဲက My Medicine ကတစ်ဆင့် ဆွေးနွေးပေးပါတယ်။

အပြင်ဆေးခန်းပြန်ထိုင်ဖြစ်တဲ့အခါလည်း Page ကနေ တင်ပေးပါမယ်ရှင်။ ကလေးမမွေးခင်ကတော့ တာမွေ ၁၆၆လမ်းက နေ့သစ် မိသားစုဆေးခန်း - Nae Thit Family Clinic မှာပဲထိုင်ပါတယ်။ အဆင်မပြေမှုအတွက် အားနာပါတယ်ရှင်။ မိခင်နို့အထွက်နည်းလို့ သားလေး နို့ဝအောင်ကြိုးစားနေရင်းပဲ အချိန်ကုန်နေလို့ပါ။ ပုံကတော့ ဒီနေ့သားလေး ၂လပြည့်ကာကွယ်ဆေးသွားထိုးတဲ့ပုံလေးပါ 😊

01/09/2025

ကလေးမရခင်နှင့်ရပြီးသီချင်းညည်းတာကအစပြောင်းလဲမှုကြီး 😁
ဘဝတူမေမေတို့ရှိလားလို့ 😁

29/08/2025

ခွဲမွေးခြင်း အတွေ့အကြုံ

မြွေနှစ်မှာမွေးကြမယ့် မေမေတို့အားလုံးဖိုက်တင်းပါလို့ သားသားမီးမီးလေးတွေကိုအဆင်ပြေချောမွေ့စွာ မွေးဖွားနိုင်ကြပါစေလို့ 😊
#ခွဲမွေးမယ့်မေမေများအတွက်