GSM Diagnostic Co.,Ltd

30/08/2025

Antibody 💓 Antigen

17/08/2025

ဒီနေ့ခေတ်မှာ စိတ်ကျရောဂါ (Depression) ဆိုတာ လူတိုင်းနဲ့ မစိမ်းတော့တဲ့ အရာပါ။ တစ်ချို့က ဒါကို “စိတ်ဓာတ်ကျတယ်ဆိုတာ အလကားပါ” လို့ stigma အလွဲအမှားတွေနဲ့ လျှော့တွက်ပြီး အထင်သေး အပြစ်တင်တတ်ကြပေမဲ့ ဒီရောဂါဟာ လူတစ်ယောက်ရဲ့ ဘဝတစ်ခုလုံးကိုတောင် ပြောင်းပြန်လှန်ပစ်နိုင်တဲ့ အရာဖြစ်ပါတယ်။ ဒါကြောင့် Depression အကြောင်း သေချာ သိထားဖို့ လိုပါတယ်။

✅ Depression ဆိုတာ ဘာလဲ?

စိတ်ကျရောဂါ (Depression) ဆိုတာ ပုံမှန်မဟုတ်တဲ့ စိတ်ခံစားချက်တွေ၊ အတွေးအမြင်တွေနဲ့ ခန္ဓာကိုယ်ရဲ့ လုပ်ဆောင်ချက်တွေကို ပြောင်းလဲသွားစေတဲ့ Mood Disorder တစ်မျိုးဖြစ်ပါတယ်။ လူတိုင်း စိတ်ညစ်ဝမ်းနည်းတတ်ကြပေမဲ့ စိတ်ကျခြင်းဟာ ပုံမှန် ဝမ်းနည်း စိတ်ဓာတ်ကျတာနဲ့ မတူဘဲ အချိန်ကြာကြာ အနည်းဆုံး ၂ ပတ်ကျော် ဝမ်းနည်းနေတတ်ပြီး ဘဝရဲ့ ဘယ်အရာကိုမှ စိတ်ပါဝင်စားမှု မရှိတော့တာ ဖြစ်ပါတယ်။

✅ Depression ရဲ့ လက္ခဏာတွေ…

- အချိန်အကြာကြီး ဝမ်းနည်းနေတာ

- ဘာမှပျော်စရာ မရှိတော့သလို ခံစားရတာ

- အရင်က ကြိုက်ခဲ့တဲ့ အရာတွေကို စိတ်ဝင်စားမှု မရှိတော့တာ

- အိပ်မပျော်တာ (သို့) အရမ်းအိပ်နေတာ

- အစားအသောက်ပျက်တာ (သို့) အရမ်းစားနေတာ

- အလွယ်တကူပင်ပန်းနေတတ်ပြီး အားမရှိသလို ခံစားရတာ

- ဘာကိုမှ အာရုံစိုက်လို့ မရတော့တာ၊ ဆုံးဖြတ်ချက်ချရခက်လာတာ

- "ငါ့ကြောင့်ပဲ၊ ငါက အလကားပဲ” ဆိုပြီး ကိုယ့်ကိုယ်ကိုယ် အပြစ်မြင်ပြီး မုန်းတီးလာတာ

“- ေ-သသွားရင် ဒုက္ခတွေ ပြီးသွားမှာပဲ” ဆိုတဲ့

အဆုံးစီရင်တဲ့ အတွေးတွေဝင်လာတာ စတဲ့ လက္ခဏာတွေ ခံစားနေရပြီဆိုရင် ကျွမ်းကျင်တဲ့ စိတ်ကျန်းမာရေး ဆရာဝန်များနဲ့ ဆွေးနွေးတိုင်ပင်ဖို့ အရေးကြီးပါတယ်။

✅ Depression ဘာကြောင့် ဖြစ်ရသလဲ?

တစ်ယောက်နဲ့ တစ်ယောက်တော့ စိတ်ကျရောဂါဖြစ်ရတဲ့ အကြောင်းအရင်းတွေ မတူပေမဲ့လို့ Depression ဖြစ်စေတဲ့ အဓိကအချက်တွေကတော့…

- ဇီဝကမ္မ ဖောက်ပြန်မှုကြောင့် ဦးနှောက်ထဲမှာ Brain Chemicals Imbalance ဖြစ်တာ၊

- မျိုးရိုးဗီဇအရ မိသားစုထဲမှာ Depression ဖြစ်ဖူးသူရှိရင်လည်း ဖြစ်နိုင်ချေများပါတယ်

- ငယ်စဉ်ကလေးဘဝရဲ့ စိတ်သောကတွေ၊ အကြမ်းဖက်မှုတွေ ခံစားခဲ့ရတာတွေ

- ဘဝရဲ့ စိတ်ဖိစီးမှုတွေ…အလုပ်ပြုတ်တာ၊ အိမ်ထောင်ရေးအဆင်မပြေတာ၊ ချစ်ရသူဆုံးရှုံးတာ

-Thyroid ဟော်မုန်း မညီမျှခြင်းနဲ့ နာတာရှည်ရောဂါများ ခံစားနေနရခြင်းကြောင့်လည်း Depression ကို ဖြစ်စေနိုင်ပါတယ်။

✅ Depression ကို ကုသလို့ ရလား?

Depression က ကုသလို့ရတဲ့ ရောဂါပါ။ စိတ်ကျခြင်းကို ကုသနည်းတွေကတော့…

✔️ ဆေးဝါးကုသမှု - SSRIs, SNRIs လို Antidepressant တွေနဲ့ ဦးနှောက်ထဲက chemical လေးတွေကို ပြန်ညှိကုသနိုင်ပါတယ်။

✔️ စိတ်ကုထုံး (Psychotherapy) - CBT (Cognitive Behavioral Therapy) လို နည်းတွေနဲ့ အတွေးတွေကို ပြောင်းလဲပြီး ကုသနိုင်ပါတယ်။

✔️ နေထိုင်မှုပုံစံပြောင်းလဲခြင်း —
- အိပ်ရေးဝအောင် အိပ်ပါ

- လေ့ကျင့်ခန်းပုံမှန် လုပ်ပေးခြင်းကလည်း Endorphin ဟော်မုန်းကို ထွက်ရှိစေပြီး စိတ်ကျခြင်းကို သက်သာစေပါတယ်။

- မနက်ခင်း နေရောင်ခြည်နုနု ခံယူပေးပါ

- Omega-3, Vitamin D ကြွယ်ဝတဲ့ အစားအစာတွေ စားပေးပါ

-အရက်နဲ့ မူးယစ်ဆေးဝါး ရှောင်ပါ

- အနားယူဖို့ အချိန်ပေးပါ

📌 Depression နဲ့ ပတ််သက်ပြီး လွဲမှားတဲ့ ယူဆမှုများ

❌ “စိတ်ဓာတ်ပျော့ညံ့လို့ Depression ဖြစ်တာ”

Depression က ရောဂါတစ်ခုပါ။ စိတ်ဓာတ်နဲ့ မဆိုင်ပါဘူး။

❌ “ပျော်အောင်နေရင် ပျောက်သွားလိမ့်မယ်”

Depression က ကိုယ့်ဘာသာ မထိန်းချုပ်နိုင်တဲ့ ရောဂါဖြစ်စဉ်ပါ။

❌ “ဆေးသောက်နေရတာ အခြေအနေအရမ်းဆိုးနေလို့လား၊ ဆေးသောက်ရင် ဆေးစွဲသွားမယ်”

ဆေးသောက်ရတယ်ဆိုတိုင်း ရောဂါအခြေအနေဆိုးလို့ မဟုတ်ပါ။ ဆေးဟာ ထောက်ကူပေးတဲ့ သဘောပါ။ ဆရာဝန်ညွှန်ကြားတဲ့အတိုင်းသောက်ရင် ဆေးစွဲနိုင်ခြေ နည်းပါတယ်။

🫂 Depression နဲ့ ပတ်သက်ပြီး လွဲမှားတဲ့ Stigma တွေ ဆုပ်ကိုင်ထားနေမဲ့အစား စိတ်ကျရောဂါ ခံစားနေရတဲ့ မိသားစုဝင်၊ သူငယ်ချင်းတွေကို အားပေးကူညီပါ။ ဝေဖန်အပြစ်တင််တာတွေ မလုပ်ဘဲ နားထောင်ပေးပါ။ တစ်ယောက်တည်းပစ်မထားဘဲ အဖော်ပြုပေးပါ။ “သက်သာသွားလိမ့်မယ်” ဆိုတာ စကားထက် အမှန်တကယ် သက်သာစေဖို့ ကျွမ်းကျင် ဆရာဝန်နဲ့ ကုသမှုခံဖိို့ တိုက်တွန်းပေးပါ။

Depression ခံစားရတာက သင့်အပြစ် မဟုတ်ပါဘူး။ ဒါကြောင့် အကူအညီတောင်းဖို့ ရှက်စရာ မလိုပါဘူး။ “သင်တစ်ယောက်တည်း မဟုတ်ပါဘူး။ သင့်အတွက် အကူအညီတွေ အများကြီးရှိပါတယ်။"

▪️မိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် ကျွန်မတို့ရဲ့ Hepta Mental Health Clinicမှာလည်း စိတ်ရှည်ကျွမ်းကျင်တဲ့ ဝါရင့်ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

14/08/2025

“ကျန်းမာစေမယ့် ပထမဆုံးလမ်းစ”

🔳 ကျန်းမာရေးနဲ့ ပတ်သက်ပြီး အများကြားဖူးကြမယ့် အဆိုအမိန့်တစ်ခု ရှိတယ်။

ကျန်းမာနေတုန်းမှာ ပြဿနာပေါင်း ၉၉ ခု ရှိနေနိုင်ပေမဲ့ မကျန်းမာတော့တဲ့အချိန်မှာတော့ ပြဿနာ ၁ ခုတည်းပဲ ကျန်ခဲ့လိမ့်မယ်တဲ့။

🔳 ဆိုလိုတာက လူတစ်ယောက်ဟာ မကျန်းမာတော့ဘူးဆို တခြားလူမှုရေး၊ အိမ်ထောင်ရေး၊ စီးပွားရေး၊ ပညာရေး ဘယ်တစ်ခုကမှ ပြဿနာ မဟုတ်တော့ဘူး ဆိုတာပဲ။

တကယ်လည်း ဟုတ်တယ်လေ။ မကျန်းမမာ ဖြစ်ပြီး အိပ်ရာထဲ လဲသွားကြည့်ပါလား။ ရည်းစားနဲ့ အဆင်မပြေတာတွေ၊ အလုပ်မှာ စိတ်ဖိစီးရတာတွေ၊ ပညာရေးမှာ ကိုယ်မှန်းထားသလောက် မပေါက်မြောက်သေးတာတွေ စသဖြင့် စသဖြင့် ကိုယ်အကြီးကြီးထင်ခဲ့တဲ့ အရာတွေကို လှည့်တောင် မကြည့်နိုင်ကြတော့ဘူး။ စဉ်းတောင် မစဉ်းစားနိုင်ကြတော့ဘူး။

🔳 လက်ရှိအခြေအနေမှာ ဝမ်းနည်းစရာကောင်းတာတစ်ခုက လူသားတိုင်းမှာ အခြေခံအနေနဲ့ ရှိရမယ့် ကျန်းမာရေးဟာ အခွင့်ထူးတစ်ရပ်လို ဖြစ်လာတာပဲ။ အတိုင်းအတာတစ်ခုထိ ငွေကြေးအဆင်ပြေသူတွေသာ ကျန်းမာရေးကို ဂရုစိုက်နိုင်ကြတော့တယ်။ အများစုဟာ မသေရုံတမည် ရှင်သန်နေကြရတာပဲ။

ပရိုတင်းလို့ ခေါ်တဲ့ အသားဓါတ် တိုးစားပါဆို နပ်မှန်အောင်တောင် မနည်းကြိုးစားနေရသူတွေက ဘယ်လိုလိုက်နာနိုင်ပါ့မလဲ။

🔳 နောက်ပြီး ကိုယ့်ယုံကြည်ရာနောက်ကို လိုက်ရင်း ခြေတစ်ဖက် ဆုံးရှုံးသွားရသူတွေရှေ့ တစ်နေ့ ခြေလှမ်းတစ်သောင်း လျှောက်ပါ ပြောနေရတာကလည်း တကယ်တွေးကြည့်ရင် အားနာစရာ။

တစ်ခါ၊ မွေးကတည်းက ရောဂါပါလာသူတွေ၊ ကိုယ့်ကြောင့် မဟုတ်ဘဲ အကြောင်းရင်း ရှာမရတဲ့ ရောဂါမျိုး ခံစားနေရသူတွေလည်း ရှိနေပြန်တယ်။ သူတို့ဆို ဒီလိုဘယ်ဖြစ်ချင်ပါ့မလဲ။ သို့သော် လက်ခံရုံအပြင် မတတ်နိုင်ဘူးပေါ့။

အခုစာကတော့ အဲဒီလိုလူအုပ်စု ၃ စုထဲ မပါတဲ့၊ အတိုင်းအတာတစ်ခုထိ ကံကောင်းနေသေးတဲ့သူတွေအတွက် ရည်ရွယ်တယ်။ ကိုယ့်ကျန်းမာရေးကို ဂရုစိုက်ကြဖို့ပါ။

🔳 လူဆိုတာ မဖြစ်သေးရင် ပေါ့ဆတတ်တဲ့သဘော ရှိတယ်။ ကိုယ်တိုင်လည်း တချိန်က ဒီလိုပါပဲ။ အသက် ၂၀ ကျော် ၃၀၊ ဘယ်လိုနေနေ ဘာရောဂါမှ မဖြစ်သေးတဲ့အရွယ် ဆိုတော့ ခပ်ပေါ့ပေါ့ပဲ။ တချိန်ကျမှ ဒီဒဏ်တွေကို စုပြုံပြီး ခံရမှာ။

အမြဲရေးခဲ့သလိုပဲ။ ကောင်းတာပဲဖြစ်ဖြစ်၊ ဆိုးတာပဲဖြစ်ဖြစ် တောက်လျှောက်လုပ်ခဲ့တဲ့ အရာတွေကပဲ အကျိုးပေးတာ။

🔳 အခု ပျက်စီးနေတဲ့ အသည်းက မနေ့က သောက်ခဲ့တဲ့ အရက်တစ်ခွက်တည်းကြောင့် မဟုတ်သလို၊ လူတစ်ယောက် ကျန်းမာလန်းဆန်း နုပျိုနေတာကလည်း မနေ့ကတစ်ရက် အားကစားလုပ်လို့၊ ဒီနေ့တစ်ရက် အစားအသောက် ဆင်ခြင်လို့မှ မဟုတ်တာ။

တောက်လျှောက်လုပ်ခဲ့တာတွေရဲ့ အကျိုးဆက်ပဲလေ။

ဒါကြောင့် ရပါသေးတယ်၊ ငါက ငယ်ပါသေးတယ်၊ ဘာမှမဖြစ်လောက်သေးပါဘူး ဆိုပြီး နေရင်း နေရင်းကနေပဲ ကျန်းမာရေးတွေ ထိကုန်တာ။

🔳 လူငယ်တွေက ထားလိုက်ဦး။ အသက် ၃၀ ကျော်လာပြီဆိုရင်တော့ စပြီး ဂရုစိုက်သင့်၊ ပြောင်းလဲသင့်ပြီလို့ ထင်မိတယ်။

ဘာလို့ဆိုတော့ မကျန်းမာတော့ရင် သူတစ်ခုတည်း ထိတာမဟုတ်ဘူး။ ကျန်တာအကုန် လိုက်ထိတယ်။ အလုပ်တွေ မလုပ်နိုင်တော့ဘူး။ စီးပွားမရှာနိုင်တော့ဘူး။ တစ်သက်လုံး ရှာဖွေစုဆောင်းထားသမျှတွေ ကုန်သွားမယ်။ မိသားစုအတွက်လည်း ဝန်ထုပ်ဝန်ပိုး ဖြစ်ရတယ်။ (ဒါက မကျန်းမာတဲ့သူတွေကို အပြစ်တင်လိုခြင်း၊ အပြစ်ရှိသလို ခံစားရစေလိုခြင်း မဟုတ်ဘူးနော်။ ဂရုမစိုက်ဖြစ်သေးတဲ့သူတွေကို တွေးစရာတစ်ခုရအောင် ပြောပြတာ)

🔳 အရမ်းကို ဆင်းရဲနွမ်းပါးပြီး အသိပညာအားနည်းသူတွေ ကျန်းမာရေး ဂရုမစိုက်နိုင်တာက ဆင်းရဲလို့၊ အသိပညာ မရှိလို့။

အခု ဒီဆောင်းပါးကနေ ဦးတည်ထားတဲ့ လူအုပ်စုကကျ ငွေကြေးလည်း ဒီလောက်မချို့တဲ့ဘူး။ ကျန်းမာအောင် ဘယ်လိုနေထိုင်ရမယ် ဆိုတာလည်း သိတယ်။

🔳 သူတို့ကို တားဆီးထားတာတွေက ကျွန်တော် မြင်မိသလောက်ဆို -

• ရပါသေးတယ်၊ အေးဆေးပါ ဆိုပြီး ပေါ့တာ
• စိတ်အလိုလိုက်တာ
• မကျန်းမာတဲ့နည်းတွေနဲ့ စိတ်ထွက်ပေါက်ပေးတာ

ဒီ ၃ ချက်ကို အဓိက တွေ့ရတယ်။

🔳 လူတစ်ယောက် ကျန်းမာရေးထိတယ် ဆိုတာ "ကုလားအုတ်ရဲ့ ခါးကို ကျိုးသွားစေတဲ့ နောက်ဆုံးကောက်ရိုး" ဆိုတာမျိုးလိုပဲ။ ကောက်ရိုးတွေတော့ တစ်မျှင်ပြီးတစ်မျှင် တင်နေတာပဲ။ မကျိုးသေးပါဘူး၊ မကျိုးသေးပါဘူးနဲ့ တင်နေတာ။ ဘယ်တော့ ဒီခါးကျိုးမယ်က မသိနိုင်တော့ တင်ရင်း တင်ရင်းနဲ့ ကျိုးသွားတော့မှ မရှုနိုင် မကယ်နိုင် ဖြစ်ကုန်ရော။

🔳 နောက်တစ်ချက်က စိတ်ရဲ့အလိုကို မထိန်းချုပ်နိုင်တာ။ ဆေးလိပ်မသောက်သင့်တာ သိတယ်။ သောက်မိတယ်။ အရက်မကောင်းတာ သိတယ်။ သောက်မိတယ်။ ဒီအစားအသောက်တွေ မတည့်တာ သိတယ်။ စားမိတယ်။ ဆီးချိုဖြစ်နေတယ်။ ထမင်းမလျှော့နိုင်ဘူး။ သွေးတိုးဖြစ်နေတယ်။ အငတ်မဖြတ်နိုင်ဘူး။

ဒါကြောင့်လည်း ကိုယ်၊ စိတ်နှစ်ပါးကို ထိန်းသိမ်းနိုင်ခြင်း၊ တင်းတိမ်ရောင့်ရဲခြင်း၊ တပ်မက်မှုနည်းခြင်း၊ ဒီအချက်တွေကို မင်္ဂလာတရားတွေအဖြစ် ထည့်ထားတာပေါ့။

🔳 နောက်ဆုံးတစ်ချက်ကတော့ ဒီကာလ ကျွန်တော်တို့ ခံစားနေရတဲ့ စိတ်ပိုင်းဆိုင်ရာ ဒဏ်ရာတွေ၊ အဆင်မပြေမှုတွေ၊ မွန်းကြပ်မှုတွေနဲ့ ဆိုင်တယ်။

အသက်ဆက်ရှင်စရာ မျှော်လင့်ချက်တွေ မနည်းရှာနေရတာ။ ကျန်းမာရေး ဂရုစိုက်ဖို့ကို ဘယ်လိုများ လုပ်ချင်စိတ် ရှိပါ့မလဲ။ စိတ်တွေ ဖိစီးလွန်းတော့လည်း ပျော်စရာရှာရတယ်။

မြန်မြန်ချက်ချင်း ပျော်သွားစေတာတွေက ဆေးလိပ်၊ အရက်၊ မူးယစ်ဆေး၊ ဒါမျိုးတွေ။ နည်းနည်းသက်သာတဲ့အထဲကဆို ဖုန်းသုံးတာ၊ အပြာကားကြည့်တာ၊ ပစ္စည်းတွေ လျှောက်ဝယ်တာ၊ အစားတွေ လျှောက်စားတာ။ ရှေ့က ၃ ခုလောက် နောက်ဆက်တွဲဆိုးကျိုး မများသည့်တိုင်အောင် ဒါတွေကလည်း ကောင်းတဲ့အရာတွေတော့ မဟုတ်ဘူး။

🔳 တစ်ခါတောင် ရေးဖူးသေးတယ်။ လူငယ်တွေ ဆေးလိပ်သောက်တယ်၊ V**e သောက်တယ်၊ ဒါပဲ မြင်နေကြတာ။ ဒါတွေရဲ့ ဆိုးကျိုးကိုသာ အသိပညာ ပေးနေကြတာ။ ဘာကြောင့် သောက်နေရသလဲ ဆိုတာကိုကျ မစဉ်းစားကြဘူးလို့။ ဒါတွေ မကောင်းမှန်းကို မသိလို့ သောက်နေကြတာမှ မဟုတ်ပဲဗျာ။ သောက်စရာ အကြောင်းပြချက်ပေါင်း မြောက်များစွာ ရှိနေလို့ပေါ့။

သို့သော်လည်းပဲ အခြေအနေကိုပဲ အကြောင်းပြနေရင် ဒီအခြေအနေတွေရဲ့ သားကောင် ဖြစ်သွားလိမ့်မယ်။ ခက်ခဲမှုတွေကြားထဲကနေပဲ ဘယ်လိုရှင်သန်အောင် နေမလဲ၊ ကျန်းမာအောင် နေမလဲ စဉ်းစားကြရမှာ ဖြစ်ပါတယ်။

🔳 ကိုယ်တိုင်လည်း ပေါ့ခဲ့ဖူးသူပါ။ စိတ်အလိုတွေလိုက်ပြီး စားချင်သလိုတွေ စားခဲ့ဖူးသူပါ။ ရောဂါကြီးကြီးမားမား ထဖြစ်လို့ အသိဝင်သွားတာမျိုး မဟုတ်ပါဘူး။ အားကစားလိုက်စားတဲ့၊ ကျန်းမာတဲ့ ညီ၊ ညီမတွေနဲ့ အပေါင်းများသွားလို့ပါ။ ငါလည်း သူတို့လို Fit ဖြစ်ချင်တယ်၊ ကြည့်ကောင်းချင်တယ် ဆိုတဲ့စိတ်ကလေး စဝင်လာတာပါ။

အဲဒီလိုပဲ၊ ကျွန်တော် တစ်နေ့ခြေလှမ်းတစ်သောင်း လျှောက်တာ ကြည့်ပြီး လိုက်လျှောက်လာတဲ့သူတွေ၊ ပိန်သွားတာတွေ့ပြီး ဝိတ်လိုက်ချတဲ့သူတွေ၊ ပရိုတင်း တိုးစားမယ်၊ ဝိတ်မမယ် ဆိုတဲ့သူတွေလည်း ရှိပါတယ်။

ပြောချင်တာက ပတ်ဝန်းကျင်ရဲ့ သက်ရောက်မှုပါ။

🔳 လူမှာ ပတ်ဝန်းကျင်နဲ့ ဝင်ဆံ့လိုတဲ့ ပင်ကိုယ်ဗီဇစိတ် ရှိပါတယ်။ ဒါကြောင့် နာမည်ကျော် စိတ်ပညာရှင်တစ်ဦးဖြစ်တဲ့ Angela Duckworth က ခုလိုရေးခဲ့တာပါ။

“အပြောင်းအလဲတစ်ခု လုပ်တော့မယ်ဆို အခက်ဆုံးက တစ်ယောက်တည်း လုပ်ရတာပါပဲ။ အများနဲ့ အံဝင်လိုတဲ့ ဗီဇစိတ်ကို အသုံးချလိုက်မယ် ဆိုရင်တော့ ပိုလွယ်ကူပါလိမ့်မယ်”

🔳 ဆိုလိုတာက ကျန်းမာရေး လိုက်စားတဲ့သူတွေနဲ့ များများထိတွေ့လိုက်ပါ။ အနည်းဆုံး လူမှုကွန်ရက်ကတဆင့်ဖြစ်ဖြစ်​ပေါ့။ ကိုယ်လည်း ကျန်းမာချင်လာပါလိမ့်မယ်။ အဲဒါဟာ အပြောင်းအလဲတွေ လုပ်ဖြစ်စေမယ့် ပထမဆုံး လမ်းစပဲ ဖြစ်ပါတယ်။

ဒေါက်တာ ဖြိုးသီဟ
၁၄.၈.၂၀၂၅

02/08/2025

#လူတစ်ဦးမှာရှိသင့်တဲ့ ပမာဏများ

👉 သွေးပေါင်ချိန်
120/80

👉 သွေးခုန်နှုန်း
60 ~ 100

👉 ခန္ဓာကိုယ်အပူချိန်
98.2 ~ 100.5 °F ( 36.8 ~ 38 °C)

👉 အသက်ရှူနှုန်း
တမိနစ်လျှင် 12 ~ 16 ကြိမ်

👉 ဟေမိုဂလိုဘင် (Hemoglobin)
အမျိုးသား- 13 ~ 18 g/dL
အမျိုးသမီး- 11.5 ~ 16 g/dL

👉 ကိုလက်စထရော (Cholesterol)
200mg/dLအောက်

👉 ဆိုဒီယမ် (Sodium)
135 ~ 145 mEq/L

👉 ထရိုင်ဂလစ်ဆရိုက် (Triglycerides)
150 mg/dLအောက်

👉 ခန္ဓာကိုယ်တွင်း သွေးပမာဏ
5 ~6 လီတာ

👉 သကြား (သွေးတွင်းဂလူးကို့စ်)
ကလေးများ ။ 70 ~ 130 mg/dL
လူကြီးများ ။ 70 ~ 110 mg/dL
(အစားမစားမှီ) (အစာစားပြီး ၂နာရီအကြာ)

သံဓာတ် (Iron):
8 ~ 15 mg

ယူရစ်အက်စစ် ( Uric Acid )
အမျိုးသား ။ 3.5 ~ 7.0 mg/dl
အမျိုးသမီး။ 2.5 ~ 5.7 mg/dl

သွေးဖြူဥ (White Blood Cells)
4,000 ~ 11,000 cells/μL

သွေးဥမွှာ (Platelets)
150,000 ~ 400,000 cells/μL

သွေးနီဥ (Red Blood Cells)
5.6 ~ 6.0 million cells/μL

ဗီတာမင် D3
20 ~ 50 ng/mL

ကယ်လ်စီယမ် (Calcium)
8.6 ~ 10.3 mg/mL

ဗီတာမင် B12
200 ~ 900 pg/mL

BMI
18.5 ~ 24.9 အတွင်း

နေ့စဉ်ရေသောက်ရမည့်ပမာဏ
၈ခွက်

အိပ်ရေး တည ၇ နာရီမှ ၉ နာရီ

WHO အကြံပြုချက် ကိုယ်လက်လှုပ်ရှားမှုတပါတ် မိနစ် ၁၅၀

ဇော်မိုးအောင်(ကိုရီးယား)

😁ကျန်းမာရေးဗဟုသုတရကြပါစေ

02/08/2025

ခွေးကိုက်ခံရရင် ARV (Anti Rabies Vaccine) ခွေးရူးကာကွယ်ဆေး အခမဲ့ဘယ်မှာ ထိုးလို့ရသလဲဆိုတာ သိချင်သူများအတွက် စာရင်းပြုစုပေးလိုပါတယ်။

မနေ့ညနေ (1.8.2025) က MSAP မှ Admin တဦး နီးစပ်ရာ အင်းစိန်ဆေးရုံကိုသွားပြီး မေးမြန်းစုံစမ်းခဲ့တာလေးကို ပြန်ပြောပြပေးချင်ပါတယ်။

🏥 အင်းစိန်ဆေးရုံ
ကာကွယ်ဆေးထိုးချင်ရင် အရေးပေါ်ဌာနကို ဝင်သွားရပါတယ်။ ပြီးရင် ခွေးရူးကာကွယ်ဆေး ထိုးချင်တယ်ပြောပါ။ အကိုက်ခံရတာ '၂၄ နာရီမကျော်သေးဘူး' ပြောရင် ဆေးထိုးပေးပါလိမ့်မယ်။ မေးခိုင်ကာကွယ်ဆေးပါ ထိုးပေးပါတယ်။ (အခမဲ့ပါ) စေတနာရှိရင် အလှုငွေထည့်လို့ရပါတယ်။ မတတ်နိုင်လို့ မထည့်ရင်လည်း ဘာမှ မဖြစ်ပါဘူးနော်။

💉 ဆေးထိုးပေးချိန် (မွန်းလွဲ ၂ - ၄ နာရီအတွင်း)
မှတ်ချက်။ ။ ပထမဦးဆုံးသွားထိုးတဲ့အချိန် ဘယ်အချိန်ဖြစ်ဖြစ် ရပါတယ်။ ​နောက်အကြိမ် ထပ်လာထိုးမယ်ဆိုမှသာ အဲ့အချိန်အတွင်း လာခိုင်းတာပါ။

🇲🇲 မြန်မာတနိုင်ငံလုံးမှာရှိတဲ့ အစိုးရဆေးရုံ တော်တော်များများမှာ အလားတူပဲဖြစ်မယ်လို့ ယူဆပါတယ်။ အောက်ပါဆေးရုံတွေက အခမဲ့ထိုးခဲ့ဖူးသူများ ပြောပြတဲ့ စာရင်းတွေကို ဖော်ပြပေးထားတာ ဖြစ်ပါတယ်။

🏥 ရန်ကုန်ဆေးရုံကြီး
🏥 ရန်ကုန် အနောက်ပိုင်းဆေးရုံ
🏥 မြောက်ဥက္ကလာ မေဒါဝီ ဆေးရုံကြီး
🏥 စံပြဆေးရုံ
🏥 မြောက်ဒဂုံဆေးရုံ
🏥 လှိုင်သာယာ ရုံးရှေ့ဆေးရုံ
🏥 ဂန္ဓီဆေးရုံ (နေ့လည် ၁ နာရီခွဲ)
🏥 လှည်းကူးဆေးရုံ
🏥 သံလျင်ဆေးရုံကြီး

🏥 မန္တလေး ဆေးရုံကြီး
🏥 မန္တလေး ကလေးဆေးရုံ
🏥 မန္တလေး ကုတင် ၃၀၀ ဆေးရုံ (၆၂ လမ်းပေါ်)
🏥 မန္တလေး ၆၂/ ၁၀၂/ ၁၀၃ သင်ကြားရေးဆေးရုံ

🏥 နေပြည်တော် ကုတင် ၁၀၀၀ ပြည်သူ့ဆေးရုံ
🏥 နေပြည်တော် ပုဗ္ဗကုတင် ၅၀
🏥 နေပြည်တော် ဇေယျာသီရိကုတင် ၅၀

🏥 တောင်ကြီး အမျိုးသမီးနှင့် ကလေးဆေးရုံ
🏥 ပျဥ်းမနား ကုတင် ၂၀၀ ဆေးရုံ
🏥 မော်လမြိုင် အထွေထွေရောဂါကု ဆေးရုံကြီး
🏥 ကလေးမြို့ ဆေးရုံကြီး
🏥 လက်ပံတန်းဆေးရုံ

👩🏻‍⚕️ ဆရာဝန်တဦး၏ ဖြည့်စွက်ချက်

" ကာကွယ်ဆေးက ဆေးရုံတိုင်းကို ခွဲတမ်းနဲ့ချပေးတာပါ။ ကိုယ်သွားတဲ့အချိန်မှာ ဆေးရှိနေရင် အလှူငွေလောက်ပဲထည့်ပြီး ထိုးလို့ရပါတယ်။ မရှိတာနဲ့ကြုံရင်ဝယ်ထိုးရပါတယ်။ အခမဲ့ရတဲ့ဆေးတွေက သူများနိုင်ငံကလှူထားတာတွေကို ပြန်ချပေးတာမို့ အမြဲတမ်းတော့မရှိပါဘူး။ ''

(2019လောက်က ဆေးရုံကြီးတစ်ခုရဲ့ OPD မှာတာဝန်ကျခဲ့သူ)

________________________________________

♦ SSB (Social Security Board)♦

ဆေးရုံကြီးတွေမသွားချင်လို့ မိမိမှာ လူမှုဖူလုံရေးကဒ် (SSB) ရှိရင် အခမဲ့ထိုးလို့ရတဲ့ ဆေးခန်း (၉၆) ခုရှိပါတယ်။ အောက်ပါလင့်ကို နှိပ်ပြီး ကြည့်နိုင်ပါတယ်။ 👇

🏥 လူမှုဖူလုံရေးဆေးခန်း လိပ်စာများ

https://share.google/KPhpYr5xuz8VZoXx9

🔻🔻🔻🔻🔻🔻🔻🔻🔻🔻🔻🔻🔻🔻🔻

▪ ခွေးရူးကာကွယ်ဆေးကို ပိုက်ဆံပေးထိုးဖို့ အခက်ခဲရှိသူများအားလုံး အဆင်ပြေအောင် မြန်မာနိုင်ငံတဝှမ်းမှ မိဘပြည်သူများအားလုံးအတွက် မျှဝေပေးတာဖြစ်ပါတယ်။

▪ မိတ်ဆွေများလည်း မိမိသိထားတဲ့ အခမဲ့ဆေးထိုးလို့ရတဲ့ နေရာများကို ပြန်လည်မျှဝေပေးစေလိုပါတယ်။

▪ မိတ်ဆွေများ ပြောပြလာတဲ့ အချက်အလက်များကို ယခုပိုစ့်တွင် edit လုပ်ပြီး ထပ်မံဖြည့်စွက်သွားပါမယ်။ ပူးပေါင်းပါဝင်သူအားလုံး ကျေးဇူးတင်ပါတယ်ရှင်။

11/04/2025

Mandalay Earthquake Assessment Group

ကျွန်တော်တို့ဟာ ငလျင်ဒဏ်ကို ခံစားခဲ့ရတဲ့ မန္တလေးမြို့က ပြည်သူများအတွက် အင်ဂျင်နီယာပိုင်းဆိုင်ရာ အထောက်အကူနဲ့ စစ်ဆေးမှုတွေ ကူညီပေးကြမယ့် လုပ်အားပေး အင်ဂျင်နီယာအဖွဲ့ဖြစ်ပါတယ်ခင်ဗျာ

ငလျင်ဒဏ်ကြောင့် ထိခိုက်မှုတွေရှိသွားတဲ့ မန္တလေးက ပြည်သူတွေရဲ့
အိမ်လေးတွေကို အခမဲ့ စစ်ဆေးပေးပြီး လူနေထိုင်ရန် safe ဖြစ်မဖြစ်နဲ့ ပြင်ဆင်လို့ရတဲ့ ထိခိုက်မှုတွေကို အချိန်မှီ ပြင်ဆင်နိုင်ဖို့ ကို နည်းပညာပိုင်းဆိုင်ရာ ကူညီပေးသွားကြမှာဖြစ်ပါတယ်ခင်ဗျာ

လောလောဆယ် အင်ဂျင်နီယာ အင်အား ၁၀၀ လောက်ဟာ ဒီစစ်ဆေးမှုတွေအတွက် ကနဦး training များကို online/ မြေပြင်မှာ တက်​ရောက်ရယူထားတာရှိသလို မြေပြင်မှာလက်တွေ့ကွင်းဆင်းပြီး လိုက်လံစစ်ဆေးမှုတွေကိုလည်း စတင်နေပါပြီ

အိမ်ရှင်တွေကစစ်ဆေးဖို့ form တင်ထားတဲ့အရေအတွက်ဟာ လက်ရှိကို အလုံးပေါင်း ၁၀၀၀ ဝန်းကျင်ရှိပါတယ်။
အဲ့ဒါတွေကို စစ််ဆေးပေးမယ့် အင်ဂျင်နီယာတွေဟာ စီနီယာ+ဂျူနီယာတွေပေါင်းစပ်ထားတဲ့ အဖွဲ့ငယ်လေးတွေနဲ့ တမြို့လုံးကို ဖြန့်ကျက်ပြီး စစ်ဆေးပေးကြမှာဖြစ်ပါတယ်ခင်ဗျာ

လိုက်လံ ကြည့်ရှုပေးမှုအပေါ်မူတည်ပြီး စစ်ဆေးမှုမှာ အဆင့် ၂ ဆင့်ရှိပါတယ်

၁. လူနေထိုင်ရန် Safe ဖြစ်သော ပျက်စီးထိခိုက်မှုမရှိသော အိမ်များကိုတော့ တခါထဲ Safe Building အဖြစ်သတ်မှတ်ပြီး အန္တရာယ်မရှိကြောင်း ဘယ်လိုအရာတွေကတော့ စိတ်မပူရကြောင်း ဘယ်လိုအရာတွေကတော့ ပြင်ဆင်/ရှောင်ရှားသင့်ကြောင်း ရှင်းလင်းပြမှာဖြစ်ပါတယ်

၂. ခိုင်ခံ့မှုကို ထိခိုက်စေသော ပျက်စီးမှုများကို အနည်းငယ်မှစ ကြီးကြီးသေးသေး တွေ့ရှိရရင်တော့ဖြင့် Level 2 စစ်ဆေးမှုများ ထပ်မံပြုလုပ်ရန် မှတ်တမ်းများယူခြင်းနှင့် စီနီယာ structure အထူးပြု အင်ဂျင်နီယာများ ထပ်မံစစ်ဆေးပြီး အရေးပေါ် ထောက်ကူမှုများနှင့် ပြန်လည်ပြင်ဆင်ရန် အကြံဉာဏ်ပေးနိုင်​ရေးများဆက်လက်ဆောင်ရွက်ပါတယ်

အဆိုပါအဆင့်မှာတော့ စီနီယာ ဝါရင့်အင်ဂျင်နီယာများမှ ထပ်မံစစ်ဆေးပြီး ပြင်ဆင်ရန် နည်းလမ်းများ နည်းပညာများ ကို အိမ်ရှင်များဆီတင်ပြပေးမှာဖြစ်ပါတယ်

ပါဝင်ကူညီပေးကြမယ့် အင်ဂျင်နီယာ ညီအကိုမောင်နှမတွေကိုလဲ ဖိတ်ခေါ်ပါရစေခင်ဗျာ နယ်ဝေးကနေလာရောက်ကူညီမယ့် ညီအစ်ကိုမောင်နှမများအတွက်လည်း ရေ မီး ၂၄ နာရီရှိတဲ့ နေစရာ နေရာများ လူ ၁၅၀ စာ စီစဉ်ထားရှိပြီးဖြစ်ပါတယ်ခင်ဗျာ

ကျွန်တော်တို့ သက်တမ်းတလျှောက် အကြီးမားဆုံးငလျင်ဘေးမှာ အင်ဂျင်နီယာတို့စွမ်းအားနဲ့ နိုင်ရာ ဝန်ကိုထမ်းရင်း ကူညီပေးကြရအောင်ပါခင်ဗျာ

ငလျင်ဒဏ်ခံရတဲ့ အိမ်ရှင်တွေ ဆက်သွယ် စာရင်းပေးနိုင်ပါတယ်။ strengthening and retrofitting လုပ်ချင်တဲ့ အိမ်ရှင်တွေကိုလည်း ကုန်ကျစရိတ်မပေးရဘဲ ပညာရပ်နဲ့ နည်းစနစ်ပိုင်းဆိုင်ရာတွေ ကူညီကြပါမယ်

အိမ်ရဲ့ ကြံ့ခိုင်မှုကို စစ်ဆေးချင်ရင် ကွန်မန့်က viber link ကို ဝင်ပြီး စာရင်းပေးလို့ ရပါတယ် ခင်ဗျာ ။

အသေးစိတ် မေးမြန်းချင်တာရှိရင် ဆက်သွယ်ဖို့
Page message ကနေဆက်သွယ်နိုင်သလို ကွန်မန့်မှာရှိတဲ့ viber ချန်နယ်ကနေလဲ ဆက်သွယ်လို့ရပါတယ်ခင်ဗျာ

ကျွန်တော်တို့ နိုင်ရာဝန်ကိုထမ်းရင်း အားလုံးရဲ့အပူတွေကို တတ်နိုင်သလောက် ဖြေရှင်းပေးပါမယ်ခင်ဗျာ

01/04/2025

စစ်ကိုင်းမြွေဆိပ်ဖြေဆေး

စစ်ကိုင်းမှ မြွေကိုက်ခံရသော လူနာများ စစ်ကိုင်းဆေးရုံကြီးတွင် ASV မြွေဆိပ်ဖြေဆေးပြန်ရနေပါပြီ

မြွေကိုက်ခံရလျင်

(၁) ရှေးဦးသူနာပြုနည်းအတိုင်း မြွေဆိပ်ပျံ့တာနှေးအောင်လုပ်ဆောင်ပြီး စစ်ကိုင်းဆေးရုံကိုတန်းသွားပါ

မနှောင့်နှေးပါစေနဲ့

မြွေဆိပ်ဖြေဆေး ထပ်လိုအပ်တာရှိလျင် အကြောင်းကြားပေးပါ

01/04/2025

01/04/2025

01/12/2024

17/10/2024

“ဗုဒ္ဓအဆုံးအမ အနှစ်ချုပ်”

◾️ဘာသာရပ်တစ်ခုကို လေ့လာတဲ့အခါ Concept မိဖို့ လိုတယ် ဆိုပြီး ပြောကြတယ်။ အဲဒီလို မိသွားရင် လေ့လာရတာ အတော်လွယ်ကူသွားတယ်။ ရှင်းလင်းသွားတယ်။

ဗုဒ္ဓအဆုံးအမတွေကို နာယူတဲ့အခါမှာလည်း ဒီသဘောပဲ။ ခုဆောင်းပါးကတော့ အဲဒီလို Concept မိဖို့ ကျွန်တော် သိထားသလောက် မျှဝေခြင်း ဖြစ်ပါတယ်။

◾️ဗုဒ္ဓ ဟောကြားခဲ့သမျှ တရားတွေရဲ့ အနှစ်ချုပ်ကို ပြောပါဆို သစ္စာ ၄ ပါး၊ ပဋိစ္စ သမုပ္ပါဒ်နဲ့ ပဋ္ဌာန်းဆိုပြီး ၃ ခု ရှိမယ်။

သစ္စာ ၄ ပါးက အတိုဆုံး။ အဲဒါကို ထပ်ချဲ့လိုက်ရင် ပဋိစ္စ သမုပ္ပါဒ်။ ပဋိစ္စ သမုပ္ပါဒ်ကို ထပ်ချဲ့ရင်တော့ ပဋ္ဌာန်းလို့ သိရတယ်။

🔳 သစ္စာ ၄ ပါးက ဘာတွေလဲဆိုတော့ -

• ၁။ ဘဝဆိုတာ ဆင်းရဲတယ် (ဒုက္ခသစ္စာ)
• ၂။ အဲဒီလို ဆင်းရဲနေရတာ စိတ်စွဲလမ်းမှုတွေကြောင့် (သမုဒယသစ္စာ)
• ၃။ ဒီဆင်းရဲဒုက္ခတွေကနေ လွတ်လမ်းရှိတယ် (နိရောဓသစ္စာ)
• ၄။ အဲဒီလွတ်လမ်းကတော့ အကျင့် ၈ ခုပဲ (မဂ္ဂသစ္စာ)

🔳 အဲဒီမှာမှ ရှေ့က သစ္စာ ၂ ပါးကို ထပ်ချဲ့လိုက်တော့ ပဋိစ္စ သမုပ္ပါဒ် ဆိုပြီး ဖြစ်လာတယ်။ အထူးသဖြင့် ကျွန်တော်တို့ ဘယ်လိုမျိုး စိတ်စွဲလမ်းမှုတွေ ဖြစ်နေလဲဆိုတာကို အသေးစိတ် တစ်ဆင့်ပြီးတစ်ဆင့် ပြောထားတာပါပဲ။

စိတ်ဝင်စားရင်တော့ စက်ဝိုင်းကို အသေးစိတ် လိုက်ကြည့်ကြည့်။ ဒီမှာတော့ Concept ကိုပဲ ပြောတော့မယ်။

◾️လူရယ်လို့ ဖြစ်လာရင် ရုပ်ခန္ဓာကိုယ်ကြီး ရလာမယ်။ အဲဒီမှာ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ကူး ဆိုတဲ့ အာရုံ ၆ ပါး ပါလာမယ်။

ဒီ ၆ ပါးနဲ့ ပြင်ပက အာရုံတွေနဲ့ ထိတွေ့မိတဲ့အခါ စိတ် ဆိုတာ ဖြစ်လာတယ်။ (ဒါကို ပဋ္ဌာန်းမှာ အာရမ္မဏ ပစ္စယောလို့ ခေါ်တယ်။)

အသိစိတ်ဖြစ်ပြီးရင် ဝေဒနာ ဖြစ်တယ်။ ရောဂါဝေဒနာကိုပဲ ပြောတာ မဟုတ်ဘူး။ ခံစားမှု အတွေ့အကြုံ (Feeling/ Experience) ကို ဆိုလိုတာ။ နှစ်သက်စရာ တွေ့ရင် လောဘ ဖြစ်မယ်။ နှစ်သက်စရာ မဟုတ်ရင် ဒေါသ ဖြစ်မယ်။

🔳 အဲဒီနောက်ကနေ တဏှာဆိုတဲ့ စွဲလမ်းမှု လိုက်လာတယ်။ နှစ်သက်စရာဆို စွဲလမ်းတာက ရှင်းတယ်။ မနှစ်သက်စရာကိုရော စွဲလမ်းလားဆိုတော့ စွဲလမ်းတာပေါ့။ မုန်းစွဲ ဆိုတဲ့ ရုပ်ရှင်ကားတောင် ရှိသေးတယ်မို့လား။

နောက်ပြီး မနှစ်သက်တာနဲ့ တွေ့ကြုံနေရချိန်မှာ နှစ်သက်တာကို တောင့်တတဲ့စိတ်လည်း ဖြစ်တယ်လေ။ ဥပမာ အသည်းကွဲနေချိန်မှာ တစ်ချိန်က ပျော်ခဲ့ဖူးတာတွေကို ပြန်အမှတ်ရကြတယ်ဟုတ်။ ကိုယ်မကြိုက်တာကြီး စားနေရချိန် ဘာလေး စားလိုက်ရရင်တော့ ကောင်းမှာပဲ ဆိုပြီး တွေးမိကြတယ်ဟုတ်။

တဏှာ ဖြစ်လာပြီဆိုရင်တော့ သံသရာအနေနဲ့ ပြောမယ်ဆို ဘဝတွေ ထပ်ထပ်ဖြစ်မယ်။ တစ်ဘဝစာပဲ ပြောမယ်ဆို စိတ်ဆင်းရဲရမယ်။ ဒီလို စွဲလမ်းမှုတဏှာ ဖြစ်လာပုံကို အဆင့်ဆင့် ဟောထားတာသည် ပဋိစ္စ သမုပ္ပါဒ် ဖြစ်ပါတယ်။

◾️ဒါဖြင့် တဏှာကို ဘယ်လိုလျှော့ချမလဲ။ (ပယ်သတ်မယ်လို့ မပြောတော့ဘူး။ ပုထုဇဉ်တွေပဲမို့ လျှော့ချဖို့တောင် အတော်လုပ်ယူရမှာ ဆိုတော့လေ။)

သတိပဌာန် ၄ ပါးကို အားထုတ်ပါတဲ့။ သတိ + ပဌာန။ ပဌာန ဆိုတာ နေရာဌာနကို ပြောတာ။ ကိုယ့်ရဲ့ သတိကို စူးစိုက်ထားရမဲ့ နေရာ ၄ ခုပေါ့။ အင်္ဂလိပ်လိုဆို ပိုရှင်းတယ်။ 4 Foundations of mindfulness တဲ့။

◾️ဘယ်နေရာတွေလဲဆိုတော့ -

📌 ၁။ ရုပ်ခန္ဓာကိုယ်မှာ စူးစိုက်ထားရင် အဲဒါကို "ကာယာနုပဿနာ" လို့ ခေါ်တယ်။ သူ့ရည်ရွယ်ချက်က "အသုဘ" လို့ ခေါ်တဲ့၊ ခန္ဓာကိုယ်ရဲ့ မတင့်တယ်မှုတွေကို သတိထားမိပြီး ကိုယ့်ကိုယ်ကိုယ်ရော၊ သူများခန္ဓာကိုယ်ကိုပါ တပ်မက်တဲ့စိတ်တွေ လျှော့ချနိုင်ဖို့ပဲ။

📌 ၂။ စိတ်မှာ စူးစိုက်ထားရင်တော့ "စိတ္တာနုပဿနာ" တဲ့။ ရည်ရွယ်ချက်ကတော့ စိတ်ဟာ တစ်ခုပြီးတစ်ခု ဖြစ်နေတယ်။ မြစ်ရေလိုပဲ။ ခုနက မြင်လိုက်ရတဲ့ မြစ်ရေက ခု မရှိတော့ဘူး။ စီးဆင်းသွားပြီ။ ခု မြင်နေရတာ နောက်တစ်ခု။ တစ်နည်းအားဖြင့် "အနိစ္စ" ကို သဘောပေါက်အောင် လုပ်ရတာပါပဲ။

📌 ၃။ ဝေဒနာမှာ စူးစိုက်ထားရင်တော့ "ဝေဒနာနုပဿနာ" ဖြစ်ပါတယ်။ ခံစားမှုတွေအပေါ်မှာ အာရုံစိုက်ထားတယ်။ "ဒုက္ခ" ဆိုတဲ့ ဆင်းရဲမှုတွေကို မြင်စေဖို့ ဖြစ်ပါတယ်။ ကောင်းတဲ့ ခံစားမှုတွေ ဖြစ်နေရင်တောင် ဘယ်လောက်မှ မခံဘူး။ ခဏလေးနဲ့ ပျောက်သွားတာပဲ။ အဲဒီတော့ ထပ်ထပ်ခံစားရဖို့ ထပ်ကြိုးစားနေရတယ်။ ပင်လယ်ရေ သောက်သလိုပဲ၊ ဘယ်တော့မှ ငတ်မပြေဘူး။ အဲဒီလို တောင့်တနေရတာကြီးကိုက ပင်ပန်းတယ်။ ဆင်းရဲတယ်ပေါ့။

📌 ၄။ တခြားသော သဘာဝတရားတွေကို စူးစိုက်ထားရင်တော့ "ဓမ္မာနုပဿနာ" ပါ။ ငါ အစိုးရတာ၊ ပိုင်ဆိုင်တာလည်း မရှိပါလားဆိုတဲ့ အနတ္တကို သဘောပေါက်စေဖို့ပါတဲ့။ အပေါ်ယံ ခြေလှုပ်လက်လှုပ်လောက်ပဲ ကိုယ်ထိန်းချုပ်လို့ ရတာလေ။ အသက်ရှူတာ၊ အစာချေတာ၊ အဆိပ်အတောက် ဖယ်ရှားတာ၊ အညစ်အကြေး စွန့်တာ၊ ဘယ်မှာ ကိုယ်ဝင်လုပ်လို့ရတာ ရှိသလဲ။ အပေါ်ယံသာ နုအောင် လုပ်လို့ရတယ်။ အတွင်းထဲက ဆဲလ်တွေကတော့ အိုမင်းနေတာပဲ။ ရောဂါတွေ မဖြစ်ချင်လည်း ဖြစ်ရတာပဲ။ မသေချင်လည်း သေရတာပဲကို။ ဒါကို "အနတ္တ" သဘောလို့ နားလည်ထားနိုင်တယ်။

ဒီ ၄ ခုကို အလှည့်ကျသော်လည်းကောင်း၊ သန်ရာသန်ရာသော်လည်းကောင်း လေ့ကျင့်နေခြင်းကို တရားအားထုတ်တယ်လို့ ဆိုကြတာကိုး။ ဒါကြောင့် Every time, Everywhere ဘယ်အချိန်၊ ဘယ်နေရာမှာမဆို လုပ်လို့ ရပါတယ်။

◾️ဒီလိုအားထုတ်ဖို့ဆို ဘာလိုသေးလဲ။ အဆင့်ဆင့် ပြောပါဆိုရင်တော့ မဂ္ဂင် ၈ ပါးကို ပြောရလိမ့်မယ်။ အတိုချုပ်ပါဆို ၃ ခုတည်း။

သီလ၊ သမာဓိ၊ ပညာ။

- အနိစ်စ၊ ဒုက်ခ၊ အနတ်တကို သိတာက ပညာ။
- စာတွေ့ မဟုတ်ဘဲ ကိုယ်တွေ့ သိလာဖို့ ကြိုးစားမယ်၊ သတိပဌာန် ၄ ပါး အားထုတ်တော့မယ်ဆို သမာဓိ လိုတယ်။
- သမာဓိရဖို့ လူတစ်ယောက်ဟာ စိတ်ကြည်လင်နေမှရမယ်။ ဒီအတွက် သီလလုံဖို့ လိုတယ်။

◾️သီလနဲ့ ပတ်သက်လို့လည်း Concept မိဖို့ လိုလာပြန်တယ်။ ၅ ပါးသီလနဲ့ မလုံလောက်ဘူး။ ကိုယ့်ကြောင့် သူတစ်ပါး မထိခိုက်အောင် ကျင့်ကြံနေထိုင်ခြင်းကိုမှ သီလလို့ ခေါ်တယ်။

ဒါကြောင့် မလုပ်သင့်တာကို ရှောင်ဖို့ လိုသလို၊ လုပ်သင့်လုပ်ထိုက်တာတွေကိုလည်း လုပ်ဖို့ လိုအပ်တယ်။ ဆရာဝန်က ဆရာဝန် မပီသရင်၊ ကျောင်းဆရာက ကျောင်းဆရာအလုပ် မလုပ်ရင်၊ အစိုးရတော့ ဖြစ်ချင်ပေမဲ့ အသုံးက မကျရင် လူတွေ ဘယ်လောက်ဒုက္ခရောက်ရသလဲ စဉ်းစားကြည့်။

ဒီအတွက် အခြေခံအားဖြင့် ဘာလိုအပ်သလဲဆို "မေတ္တာ၊ ကရုဏာ၊ ကိုယ်ချင်းစာတရား၊ ရိုးရှင်းစွာ နေထိုင်ခြင်းနဲ့ ဘဝအဆင့်အတန်း မြင့်မားအောင် ကြိုးစားအားထုတ်မှု" ဆိုတဲ့ အချက် ၅ ချက် လိုပါတယ်။ ဒါမှသာ မလုပ်သင့်တာတွေ မလုပ်ဖြစ်တော့မှာ ဖြစ်ပြီး လုပ်သင့်တာတွေကိုလည်း စွမ်းစွမ်းတမံ လုပ်နိုင်လာမှာ ဖြစ်ပါတယ်။

ဒါက ဗုဒ္ဓအဆုံးအမ အနှစ်ချုပ်ဖြစ်သလို၊ ကိုယ့်ကိုယ်ကိုယ် ဗုဒ္ဓဘာသာဝင်လို့ ခံယူထားသူတွေ တတ်နိုင်သမျှ လိုက်နာရမဲ့ ဘဝနေနည်းလည်း ဖြစ်ပါတယ်။

◾️သိပ်ရှုပ်ထွေး ရှည်လျားနေတယ်ဆို ဒီတစ်ကြောင်းတည်း မှတ်။

“စိတ်စွဲလမ်းမှုနဲ့ ငြိမ်းချမ်းမှုဟာ ပြောင်းပြန်အချိုးကျတယ်။ စွဲလမ်းမှု များလေလေ၊ မအေးချမ်းရလေပဲ။”

ဘယ်ဘာသာ ကိုးကွယ်ကိုးကွယ်၊ ဘယ်ဘာသာကိုမှ မကိုးကွယ်လည်း ဒီသဘောတရားက အတူတူပဲ။ သံသရာကို မယုံဘူးဆိုလည်း လက်ရှိဘဝအတွက် ဒါက မှန်နေတာပဲ။ ဗုဒ္ဓဘာသာဝင်ဖြစ်မှ နားလည်နိုင်တယ်ရယ်လည်း မဟုတ်ဘူး။ ဘယ်သူမဆို သ​ဘော​ပေါက်နိုင်တာပါပဲ။

◾️ဒီတော့ စိတ်စွဲလမ်းမှု လျော့ကျအောင် တတ်နိုင်သမျှ ကြိုးစားအားထုတ်ခြင်းသည် စိတ်အေးချမ်းမှု ရစေဖို့ တစ်ခုတည်းသော အကြောင်းတရား ဖြစ်တယ်ဆိုတာကို အမြဲ သတိရ​နေ​စေချင်ပါတယ်။

ဒေါက်တာ ဖြိုးသီဟ

Photo credit - pixabay

10/08/2024

အဲ့ အတိုင်းပဲ 😅😅😵‍💫😵‍💫

ခွဲနေတုံး ငွေလေးလွှဲထားပေးရှင့်

ခွဲပြီးလို့ ဈေးတက်ရင်

တက်ဈေးလေးနဲ့ပဲ ရတော့မယ်နော် ကျေနပ်ရင် ဆက်ခွဲမယ် ပြောအခု ခု