What are the opening hours?

Monday 07:00 - 11:00 16:00 - 19:00 Tuesday 07:00 - 11:00 16:00 - 19:00 Wednesday 07:00 - 11:00 16:00 - 19:00 Thursday 07:00 - 11:00 16:00 - 19:00 Friday 07:00 - 11:00 16:00 - 19:00

https://www.facebook.com/219198004601810/

Aung Clinic, Tar Gyi Tan, Daunggyi, Zalun (2026)

01/10/2025

4.10.25 စနေနေ့ ( ပုံမှန်ပိတ်ရက် ) မှ 7.10.25 အင်္ဂါနေ့အထိ ဆေးခန်း 4 ရက်ပိတ်ပါသည် ။

23/06/2024

သောက်ဆေးထုတ်ချင်တဲ့လူနာများ ........

ဆေးခန်းပိတ်ရက်နဲ့ ဆေးခန်းပိတ်ချိန်တွေ ဆိုရင် ကျနော်တို့နှစ်ယောက်လုံး အိမ်မှာ မရှိတာများတာမို့ ဖွင့်ရက်ဖွင့်ချိန် အတွင်းမှာသာ လာထုတ်ပေးကြဖို့ မေတ္တာရပ်ခံပါတယ် ။

15/05/2024

အသိပေးအပ်ပါသည် ။

17/03/2024

မိုးရာသီမတိုင်မီထိုးရတဲ့ ၄ မျိုးစပ်ရာသီတုပ်ကွေးကာကွယ်ဆေး ထိုးချင်သူများ ကြိုတင်စာရင်းပေးသွင်းလို့ရပါပြီရှင်

မိုးရာသီမတိုင်ခင်ထိုးမှ မိုးရာသီမှာ ဖြစ်တတ်တဲ့
ရာသီတုပ်ကွေးရောဂါကူးစက်ခြင်းမှကာကွယ်နိုင်မှာဖြစ်ပါတယ် ။ ကာကွယ်ဆေးကြိုတင်ထိုးထားတယ်ဆိုရင် ရာသီတုပ်ကွေးဖြစ်ပွားမှုကို ကာကွယ်ပေးနိုင်သည်သာမက ဖြစ်ပွားလျှင်လည်းရောဂါပြင်းထန်မှုကို လျှော့ချပေးနိုင်ပါတယ် ။

၄ မျိုးစပ်ရာသီတုပ်ကွေးကာကွယ်ဆေးဟာ အဖြစ်များတဲ့ တုပ်ကွေးရောဂါပိုး ၄ မျိုးကို ကာကွယ်ပေးပါတယ် ။ အဲဒီပိုး ၄ မျိုးကတော့

1 - A/Victoria/2570/2019 (H1N1) pdm09
2 - A/Hong Kong/2671/2019(H3N2)
3 - B/Washington/02/2019-like(B/Victoria lineage)virus
4 - B/Phuket/3073/2013-like(B/Yamagata lineage)virus တို့ဖြစ်ပါတယ် ။

ရာသီတုပ်ကွေးရောဂါကာကွယ်ဆေးကို ကလေးအသက် ( ၆ )လ ကျော်ကနေ လူကြီးတွေအထိထိုးလို့ရပါတယ် ။ အဓိကထိုးသင့်တဲ့သူများကတော့

👉 အသက် ( ၆လ ) ကနေ ( ၅နှစ် ) အထိကလေးများ
👉 သက်ကြီးရွယ်အိုများ ( အသက် ၆၅နှစ် အထက် )
👉 နာတာရှည်ရောဂါရှိသူများ ( သွေးတိုး ၊ ဆီးချို နှလုံးရောဂါ )
👉 ကိုယ်ဝန်ဆောင်မိခင်များ.... ဖြစ်ပါတယ် ။

အသက်( ၉ )နှစ်အောက်ကလေးတွေမှာ တခါထိုးထားဖူးတယ်ဆိုရင် ( ၁ လုံး )သာထိုးရန်လိုအပ်ပါတယ် ။ တခါမှမထိုးဖူးရင်တော့ ပထမ ( ၁ )လုံး အရင်ထိုးပြီး နောက်တလအကြာမှာ နောက်ထပ်( ၁ )လုံး ထပ်ထိုးဖို့လိုအပ်ပါတယ် ။
အသက် ( ၉) နှစ်အထက်ဆိုရင်တော့ ( ၁ )လုံးပဲထိုးဖို့လိုပါတယ် ။

03/03/2024

လက်မောင်းတွင်းထည့် သန္ဓေတားပစ္စည်းထည့်လို့ရလားလို့ မေးနေသူများ...... ဆေးခန်းမှာ ( 4 နှစ်ခံ )ပစ္စည်း ထည့်လို့ရပါပြီရှင် ။

Photo Crd

13/02/2024

ညနေဆေးခန်းဖွင့်ပါတယ်နော်.....

11/02/2024

ဒီကာလမှာ ဝမ်းပျက်ဝမ်းလျှောဖြစ်တဲ့လူနာတွေ အန်တဲ့လူနာတွေများတာမို့ ဓာတ်ဆားနဲ့ပတ်သက်ပြီး မျှဝေပေးချင်ပါတယ် ။

ဓာတ်ဆားဟာ သုံးတတ်ရင် အသက်ကယ်ဆေးဖြစ်ပြီး ၊ မသုံးတတ်ရင်တော့ အန္တရာယ် ဖြစ်စေနိုင်ပါတယ်။အန်ပြီး ဝမ်းသွားပြီး သွေးပေါင်ကျနေတဲ့လူနာတွေအတွက် ဓာတ်ဆားက အသက်ကယ်ဆေးလို့ပြောလို့ရပါတယ် ။ ဒါပေမယ့် အချိုးအစား မှန်မှန်ကန်ကန် မဖျော်ရင်တော့ ဝမ်းပိုလျှောပြီး အန္တရာယ်ဖြစ်နိုင်ပါတယ်။

အဲဒါကြောင့် ဓာတ်ဆားဖျော်စပ်နည်းကို ပြောပြပေးပါမယ် ။

၁ ။ ဓာတ်ဆားမှုန့်တထုတ်ကို ရေတလီတာနဲ့ဖျော်ရပါတယ် ။ ရေသန့် သို့မဟုတ် ရေကျက်အေးနဲ့ဖျော်ပါ။

၂ ။ မြန်မြန်သက်သာအောင်ဆိုပြီးရေနည်းနည်းနဲ့ဖျော်တာမျိုးအမှုန့်တွေစားပစ်တာမျိုးမလုပ်ရပါဘူး ။ ( အဲလိုဆိုရင် အစာအိမ်နဲ့အူထဲမှာ ဆားဓာတ်တွေတအားများလာပြီး ဝမ်းပိုလျှောတာမျိုးဖြစ်တတ်ပါတယ် ။ )

၃ ။ ဓာတ်ဆားထုတ်ပေါ်မှာ တထုတ်ကို ရေဘယ်လောက်နဲ့ ဖျော်ရမယ်ဆိုတဲ့ အညွှန်းပါပါတယ် ။

၄ ။ BPI ဓာတ်ဆားမဟုတ်ဘဲ BPI ဓာတ်ဆားနဲ့ ဖော်မြူလာတူပြီး လိမ္မော်အရသာတို့၊ သံပုရာအရသာတို့ ထည့်ထားတဲ့ ဓာတ်ဆားမျိုးကိုလည်း သောက်လို့ရပါတယ် ။ အချိုးအစားမှန်အောင် ဖျော်ဖို့သာအဓိကပါ ။

၅ ။ ဓာတ်ဆားရည်ကိုဖျော်ပြီး ၂၄နာရီ အတွင်းပဲသောက်လို့ရပါတယ် ။

ဓာတ်ဆားဆိုတဲ့နေရာမှာ အမှုန့်ထုတ်တွေနဲ့ အသင့်သောက်အရည်တွေက မတူပါဘူး ။ အသင့်သောက်အရောင်မပါတဲ့ အရည်တွေက ရိုးရိုးဓာတ်ဆားမှုန့်ထုတ်ရဲ့ပါဝင်မှုနဲ့တူပေမယ့်လည်း အသင့်သောက် အရောင်ပါတဲ့ အရည်တွေကတော့ သကြားဓာတ်ပါဝင်မှု ပိုများပါတယ် ။ သကြားပမာဏက ပုံမှန်ဓာတ်ဆားထုတ်မှာပါတဲ့သကြားထက် နှစ်ဆလောက်ပိုပါတယ် ။ ဥပမာ - Royal D, 100 Plus , Sponsor , Pocari Sweat တို့လိုအသင့်သောက်အရည်တွေမှာ
အရောင်ပါဝင်နေတဲ့ စပျစ်အရသာတို့၊ လိမ္မော်အရသာတို့ ဆိုရင်သကြားပါဝင်မှုများပါတယ် ။ သကြားပါ၀င်မှုက ရှိသင့်တာထက်ပိုများလို့ သောက်လိုက်တဲ့အခါမှာ ဆီးချို ဆောင့်တက်တာမျိုး ဖြစ်တတ်ပါတယ် ။

အဲဒါကြောင့် ဆီးချိုရှိတဲ့သူတွေ ၊ အသည်းအဆီဖုံးနေတဲ့သူတွေကတော့ ရိုးရိုး BPI ဓာတ်ဆားထုတ်ကိုသာသောက်သင့်ပါတယ် ။ ဒါပေမယ့်လည်း တံဆိပ်တူပြီး အထုပ်နဲ့ အသင့်သောက်အရည်ဘူး ကွာတာမျိုး ရှိပါတယ် ။ Royal D အထုတ် တထုတ်ကို ရေ 250ml နဲ့ ဖျော်ရပါတယ်။ အဲဒီ Royal D အထုတ်ကတော့ အရောင်ပါပေမယ့်လည်း BPI ဓာတ်ဆားထုတ်နဲ့ သကြားပါဝင်မှု အချိုးအစားသိပ်မကွာတဲ့အတွက် ဆီးချိုလူနာတွေ သောက်လို့ရပါတယ် ။ အသင့်သောက်ဘူးကတော့ သကြားပါဝင်မှု ပိုများတာကြောင့် ဆီးချိုလူနာတွေ မသောက်သင့်ပါဘူး ။

ဆီးချိုလူနာတွေဆိုရင်
---------------------

ဓာတ်ဆားတထုတ်ရဲ့ ဖော်မြူလာမှာ သကြား ၊ ဆိုဒီယမ်နဲ့ ပိုတက်ဆီယမ် ပါဝင်ပါတယ် ။ ရှိသင့်သလောက် ပမာဏကိုသာ ထည့်ထားတာဖြစ်လို့ ဓာတ်ဆားသောက်လို့ ဆီးချိုဆောင့်တက်သွားတာမျိုး ဖြစ်နိုင်ခြေ နည်းပါတယ် ။ ဒါကြောင့် ဝမ်းသွားရင် သွားသလောက်သောက်လို့ရပါတယ် ။ ချွေးထွက်များလို့သောက်တာမျိုးဆိုရင်တော့ 500 ml ထက်ပိုမသောက်သင့်ပါဘူး ။

သွေးတိုးလူနာတွေဆိုရင်
----------------------

ဓာတ်ဆားက သွေးပေါင်ကျနေတဲ့ လူနာကို သွေးပေါင် တက်အောင်လုပ်ပေးပါတယ်။ ဓာတ်ဆားမှာ ဆိုဒီယမ်ပါဝင်တဲ့အတွက် သွေးတိုးလူနာတွေကတော့ လိုအပ်တဲ့အခါမှသာ သောက်သင့်ပါတယ်။ သွေးတိုးလူနာတစ်ယောက်က ဝမ်းလျှောတယ်၊ သွေးပေါင်လည်း ကျနေတယ်ဆိုရင် သောက်လို့ရပါတယ် ။ သွေးတိုးမှာကြောက်ပြီး မသောက်ဘဲ နေတာမျိုး မလုပ်သင့်ပါဘူး ။

ဓာတ်ဆားထုတ်အလွယ်တကူဝယ်မရလျှင်
-----------------------------------

အရေးပေါ်အခြေနေမှာဓာတ်ဆားထုတ်ဝယ်ဖို့ခက်တဲ့အခါမျိုးတွေ နဲ့ ဓာတ်ဆားထုတ် အလွယ်တကူ ဝယ်လို့မရနိုင်တဲ့နေရာမှာနေတဲ့သူတွေ ဆိုရင်တော့ သကြား လက်ဖက်စားဇွန်း (၆) ဇွန်းနဲ့ ဆား လက်ဖက်စားဇွန်းတဝက်ကို ရေသန့်တလီတာနဲ့ဖျော်ပြီး ဓာတ်ဆားအဖြစ်သောက်လို့ရပါတယ် ။

Reference : https://www. healthline.com /health/oral-rehydration-solution

10/02/2024

13.2.24 အင်္ဂါနေ့ မနက်ပိုင်းဆေးခန်းပိတ်ပါ တယ်ရှင်........
ညနေပိုင်းလည်းဖွင့်ဖို့ သိပ်မသေချာတာမို့ ညနေပိုင်းဆေးခန်းလာပြဖို့ရှိရင် 09756041700 ကိုဖုန်းကြိုဆက်ပြီးစုံစမ်းလို့ရပါတယ် ။

10/02/2024

ခုရက်ဆေးခန်းမှာလာပြတဲ့ လူနာတဝက်ကျော်လောက်က ဝမ်းပျက်ဝမ်းလျှောဖြစ်လို့လာပြကြတာမို့ ဝမ်းပျက်ဝမ်းလျှောရောဂါနဲ့ပတ်သက်တဲ့ဆောင်ရန်ရှောင်ရန်တွေကို မျှဝေပေးချင်ပါတယ် ။

ဝမ်းပျက်ဝမ်းလျှောရောဂါဟာအသက်အရွယ်မရွေး ဖြစ်တတ်ပါတယ် ။ မိုးရာသီမှာ အဖြစ်များပေမယ့် ဆောင်းဝင်လာတဲ့အခါမှာလည်း ဝမ်းပျက်ဝမ်းလျှောရောဂါဖြစ်လေ့ရှိပါတယ် ။ ပုံမှန်မဟုတ်တဲ့ ဝမ်းသွားခြင်း၊ ဝမ်းအရည်သွားခြင်း၊ မကြာခဏ ဝမ်းသွားခြင်းတွေဟာ ဝမ်းပျက်ဝမ်းလျှောရောဂါ ရဲ့ လက္ခဏာတွေပဲဖြစ်ပါတယ် ။

ဝမ်းပျက်ဝမ်းလျှောရောဂါဟာ မသန့်ရှင်းတဲ့ရေနဲ့ အစားအစာကို စားမိတဲ့အခါမျိုးတွေ ၊ ပိုးသတ်ဆေး ဖြန်းထားတဲ့ အသီးအရွက်နဲ့ အသီးအနှံကို စားမိတဲ့ အခါမျိုးတွေ ၊ ဘက်တီးရီးယားတွေ ဗိုင်းရပ်စ်တွေနဲ့ ကပ်ပါးကောင် တွေကြောင့် ဖြစ်တတ်ပါတယ် ။ ပဋိဇီဝဆေးသောက်တာတွေနဲ့ ၊ အစာနှင့် အူလမ်းကြောင်းဆိုင်ရာ ရောဂါ (IBS) တွေကြောင့်လည်း ဖြစ်ပွားတတ်ပါသေးတယ် ။

ဆောင်းရာသီမှာ ဖြစ်တတ်တဲ့ ဝမ်းပျက်ဝမ်းလျှောရောဂါတွေကတော့ ရိုတာဗိုင်းရပ်စ် (Rota Virus)ကြောင့် ဖြစ်တာ များပါတယ် ။ ရိုတာဗိုင်းရပ်စ်ကြောင့် ဝမ်းပျက်ဝမ်းလျှောဖြစ်တဲ့အခါ ဝမ်းပျက်ဝမ်းလျှောတာအပြင် အန်တာကိုပါ ခံစားရလေ့ရှိပါတယ် ။ အထက်လှန်အောက်လျှော လို့အလွယ် ခေါ်ကြတာပေါ့နော် ။ ရိုတာဗိုင်းရပ်စ်ကြောင့် ဖြစ်တဲ့ ဝမ်းပျက်ဝမ်းလျှောရောဂါက သုံးရက်ကနေ တစ်ပတ်လောက်အထိကြာတတ်ပါတယ် ။ ရိုတာဗိုင်းရပ်စ်ဟာ ဗိုင်းရပ်(Virus) ပိုးဖြစ်တဲ့အတွက် ပိုးသတ်ဆေး (Antibiotics) တိုက်လို့မသက်သာနိုင်ပါဘူး ။ ခန္ဓာကိုယ်ရဲ့ ကိုယ်ခံအားက ဗိုင်းရပ်စ်ကို ပြန်တိုက်ပြီး နိုင်သွားတဲ့အချိန်မှသာ ရောဂါပျောက်ကင်းသွားမှာဖြစ်ပါတယ် ။

ဝမ်းပျက်ဝမ်းလျှောဖြစ်ရင် အန်ရင် ခန္ဓာကိုယ်မှာ ရေဓာတ်ဆုံးရှုံးတတ်တာကြောင့် ရေဓာတ်ပြန်ဖြည့်ပေးနိုင်ဖို့ အတွက် ဓာတ်ဆားရည် သောက်ပေးရပါတယ် ။ BPI ဓာတ်ဆားလို အငန်ဓာတ်ဆားကိုသောက်ရမှာပါ ။ ဝမ်းလျှော/အန်သလောက် ဓာတ်ဆားရည်ကိုပြန်သောက်ပေးရပါတယ် ။

ဝမ်းလျှောတဲ့အချိန်မှာ သီးစုံဓာတ်ဆားလို အချိုဓာတ်ဆားမျိုးတွေနဲ့ အားကစားသမားတွေ သောက်တဲ့ဓာတ်ဆားမျိုးတွေကို မသောက်ရပါဘူး ။ အချိုပါတဲ့အတွက် အချိုကြောင့် ဝမ်းပိုလျှောတတ်ပါတယ် ။ အားကစားသမားတွေသောက်တဲ့ ဓာတ်ဆားမျိုးတွေကကျတော့ အငန်ဆိုပေမယ့်လည်း ချွေးထွက်လို့ကုန်တဲ့ ဆားဓာတ်နဲ့ ဝမ်းလျှောလို့ကုန်တဲ့ ဆားဓာတ် မတူလို့ သောက်လို့မရပါဘူး ။ BPI ဓာတ်ဆားအငန်ပဲသောက်လို့ရပါမယ် ။ ကလေးတွေဆိုရင်တော့ ကလေးဓာတ်ဆားထုတ်လေးတွေ တိုက်လို့ရပါတယ် ။ ကလေးဓာတ်ဆားထုတ်လေးတွေက ရေတဖန်ခွက်နဲ့သာဖျော်ရတာမို့ ဝမ်းအရမ်းလျှောနေရင် တထုတ်တည်းနဲ့မလုံလောက်ပါဘူး ။

ဝမ်းပျက်ဝမ်းလျှော ဖြစ်တဲ့အခါ ဓာတ်ဆားရည် သောက်ဖို့လိုအပ်သလို ဝမ်းပျက်ဝမ်းလျှောခြင်းကို သက်သာပျောက်ကင်းစေဖို့အတွက် အကျိုးပြုဘက်တီးရီးယား (Probiotics) တွေဖြစ်တဲ့ Bioflor, Morflor, Innolac, kidlac, Immunace, Bilac တို့လို အမှုန့်ထုတ်လေးတွေကိုလည်းသောက်ပေးဖို့လိုအပ်ပါတယ် ။

ကလေးတွေမှာ ဝမ်းပျက်ဝမ်းလျှောတာ

အကြိမ်ရေများလွန်းရင် ၊
ဆက်တိုက်ဖြစ်နေရင် ၊
ကလေးမှိန်းနေရင် ၊
ရေတအားငတ်လာရင် ၊
ခဏခဏအန်နေရင် ၊
မျက်တွင်းချိုင့်ဝင်နေရင် ၊
အဖျားကြီးနေရင် ၊
အခြားရောဂါလက္ခဏာတွေနဲ့တွဲနေရင် ၊
တနှစ်ခွဲအောက် ကလေးငယ်တွေမှာ ငယ်ထိပ်ချိုင့်လာရင် .......
ဆေးရုံဆေးခန်းကို အမြန်ဆုံးသွားဖို့လိုအပ်ပါတယ် ။

ဝမ်းပျက်ဝမ်းလျှောဖြစ်ရင် အချဥ်အစပ်နဲ့ချိုလွန်းတဲ့အစားအစာတွေ ၊ အသီးအရွက်တွေ ( ပိုးသတ်ဆေးဖြန်းထားမှာစိုးလို့ ) ၊ အစာအမာတွေ ရှောင်ပေးရပါမယ် ။ ဆန်ပြုတ် ကြက်ပြုတ်သောက်ပေးလို့ရပါတယ် ။ ထမင်းပျော့ပျော့ကို ကြက်ကြော် ငါးကြော်တို့နဲ့စားလို့ရပါတယ် ။ အရမ်းမအန်ဘူးဆိုရင် အစာကိုနည်းနည်းနဲ့ ခနခနစားပေးလို့ရပါတယ် ။ ဆန်၊ ဂျုံနဲ့ လုပ်ထားတဲ့ အစားအစာတွေ စားပေးခြင်း ၊ ကြက်ပြုတ်ရည် ငါးပြုတ်ရည် သောက်ပေးခြင်း ၊ ဓာတ်ဆားရည် သောက်ပေးခြင်းတွေဟာ ဝမ်းပျက်ဝမ်းလျှောဖြစ်ခြင်းကို သက်သာစေနိုင်ပါတယ်။

ဝမ်းပျက်ဝမ်းလျှောရောဂါကိုကာကွယ်ဖို့အတွက်ကတော့

၁ ။ သန့်ရှင်းတဲ့အစားအစာတွေကိုစားရမယ် ။

၂ ။ သန့်ရှင်းတဲ့ရေကို သောက်ရမယ် ။

၃ ။ လက်ကိုသန့်ရှင်းအောင်ထားရမယ် ။

၄ ။ လက်သည်းတွေပုံမှန်ညှပ်ပေးရမယ် ။

၅ ။ မသန့်တဲ့အစားအစာတွေကို ရှောင်ရမယ် ။

၆ ။ အရမ်းစပ်တဲ့ အစားအစာတွေကိုရှောင်ရမယ် ။

၇ ။ အသီးအနှံတွေကိုချက်ပြုတ်တဲ့အခါ မချက်ခင်ဆားရည်နဲ့ ၁၀မိနစ်လောက်စိမ်ထားပြီးမှသေချာကျက်အောင်ချက်ပြုတ်စားရမယ် ။

၈ ။ အသုပ်မျိုးစုံကိုရှောင်နိုင်ရင်ပိုကောင်းပါတယ် ။

ဆိုင်မှာရောင်းတဲ့ လက်သုပ်တွေက အချို့မှုန့်များတဲ့အပြင် အချဉ်ရည်တွေနဲ့ သုပ်ထားပြီး ငရုတ်သီးမှုန့်တွေကလည်း မှိုတွေပါဝင်နိုင်တာကြောင့် ဝမ်းပျက်ဝမ်းလျှောအပြင် တခြားကျန်းမာရေးကိုပါ အလွန်ဒုက္ခပေးနိုင်ပါတယ်။ ဝမ်းပျက်ဝမ်းလျှော ရောဂါသာမက အစားအသောက်မသန့်လို့ ဖြစ်တဲ့ အသည်းရောင်အသားဝါရောဂါ အထိဖြစ်သွားစေနိုင်ပါတယ် ။

#ဓာတ်ဆားနဲ့ပတ်သက်ပြီး နောက် post တခုမှာအသေးစိတ်ရေးပေးပါမယ် ။

07/02/2024

ဆေးခန်းတွင် အောက်ပါ ဝန်ဆောင်မှုများ
ရရှိနိုင်ပါပြီ ...........

👉 သွေးအုပ်စု အမျိုးအစား A, B, O ခွဲ ပေးခြင်း ။

👉 အသည်းရောင် အသားဝါ B ပိုး ၊ C ပိုး ၊ HIV ပိုး ၊ ငှက်ဖျားပိုး ရှိ / မရှိ စစ်ဆေး ပေးခြင်း ။ ကာကွယ်ဆေး ထိုးပေးခြင်း ။

👉 ဆီးချိုသွေးချိုရောဂါ ဆိုင်ရာ ( FBS ,RBS ) စစ်ဆေး ပေးခြင်း ။

👉 အခြား ရောဂါရှာဖွေရေး သွေးစစ်ဆေးခြင်း များအား အဆင့်မြင့်ဓာတ်ခွဲခန်းများနှင့်ချိတ်ဆက် စစ်ဆေးပေးခြင်း ။

👉 နှလုံးစက် ( ECG ) ဖြင့် နှလုံး စမ်းသပ်စစ်ဆေး ပေးခြင်း ။

👉 အသေးစား ခွဲစိတ်မှု ( အလုံး ၊ အကျိတ် ၊ အနာ ) ခွဲစိတ်ပေးခြင်း ။

👉 ထိခိုက်ရှနာဒဏ်ရာများ ချုပ်ပေးခြင်း ၊ ချုပ်ရိုးဖြေ ပေးခြင်း ။

👉 သုံးလခံတားဆေး ထိုးပေးခြင်း ။

👉 မေးခိုင်ကာကွယ်ဆေး ထိုးပေးခြင်း ။

Aung Clinic

01/10/2025

23/06/2024

15/05/2024

17/03/2024

03/03/2024

13/02/2024

11/02/2024

10/02/2024

10/02/2024

07/02/2024

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 11:00
	16:00 - 19:00
Tuesday	07:00 - 11:00
	16:00 - 19:00
Wednesday	07:00 - 11:00
	16:00 - 19:00
Thursday	07:00 - 11:00
	16:00 - 19:00
Friday	07:00 - 11:00
	16:00 - 19:00