Өвөрхангай аймаг Зоонозын Өвчин Судлалын Төв

14/11/2025

Өвөрхангай аймгийн Арвайхээр сумын төвд 2025 оны 11-р сарын 5-14-ны өдрүүдэд санамсаргүй түүврийн аргаар золбин нохойн тооллого хийж, нохойгоор дамжин халдварлах өвчний талаар иргэд, олон нийтийн газар зөвлөмж тарааж, эрсдэлийн асуумж судалгааг хийлээ.
Гэрийн нохой (Canis familiaris) хүний үнэнч нөхөр, хүнд хамгийн ойр байдаг тэжээмэл амьтан. Нохой нь хүмүүстэй адил вирусийн гаралтай өвчнүүдэд мэдрэг, чихрийн шижин, эпилепси, хорт хавдар артеритаар хүртэл өвчилдөг байна. Нохой галзуу болон зоонозын 60 гаруй өвчний агуулагч, дамжуулагч болдог.
Золбин нохой: Хүний шууд хяналтаас гадуур, олон нийтийн газарт чөлөөтэй “сэлгүүцдэг” нохой гэж тодорхойлсон байна. Үүнд:
🐶Эзэнтэй боловч байнгын уядаггүй нохой. Тодорхой хугацаанд эзнийхээ шууд хараа хяналтаас гадуур байдаг
🐶Эзэнгүй нохой
🐶Зэрлэгшсэн нохой: Хүний хараа хяналтаас гадуур үр төлөө үлдээж, байгальд дасан зохицсон нохой
✅ИРГЭДЭД ӨГӨХ ЗӨВЛӨМЖ
⚠️Гэрийн тэжээвэр нохойгоо 06:00 - 22:00 цагийн хооронд уях.
⚠️Шөнө эзэнтэй нохойны уяаг тавьсан тохиолдолд хүний хөдөлгөөн эхлэхээс өмнө уяж хэвших үүрэгтэй.
⚠️Хашааны хаалгандаа “нохойтой” -г анхааруулсан таних тэмдэг байрлуулах.
⚠️Цэцэрлэг, сургууль, худалдаа үйлчилгээ, олон нийтийн газар нохойгоо дагуулж явахгүй байх.
⚠️Хүн урсан нохойг 10 хоног хүртэлх хугацаанд уяж, тусгаарлан мал эмнэлгийн хяналтад байлгах.
⚠️Нохой, муурын зан төрх өөрчлөгдөж, догшин ширүүн авиртай болвол яаралтай мал эмнэлгийн байгууллагад мэдэгдэх үүрэгтэй.

12/11/2025

#МАСКААЗҮҮЦГЭЭЕ 😷😷😷

Аймгийн хэмжээнд “МАСКАА ЗҮҮЕ” аян эхэллээ.

😷 Аян 2025 оны 11 дүгээр сарын 11-ны өдрөөс 05 дугаар сарын 01-ний өдрийг хүртэл үргэлжилнэ.

✅✅ Амны хаалтаа тогтмол зүүж амсгалын замын халдварт өвчнөөс урьдчилан сэргийлье

Хамгийн өргөн хэрэглэдэг амны хаалтны төрлүүд👇
#МаскааЗүүе

12/11/2025

#МАСКАА ЗҮҮЦГЭЭЕ❗️
#Томуу, томуу төст өвчний халдвараас урьдчилан сэргийлье‼️
Томуугийн өвчлөл нэмэгдэж алаг цоог дэгдэлтийн хэмжээнд хүрэхээр байгаа учир олон нийтийн газарт өдөр тутамдаа энгийн маск зүүж, Агаарын бохирдол ихтэй цагуудад шүүлтүүртэй маск зүүж 😷😷😷
Уламжлалт аргаар дархлаагаа дэмжицгээе👍😊

07/11/2025

✅Халтиргаа гулгаа үүсэхээс урьдчилан сэргийлье❗️

31/10/2025

✨️"ДАРХЛААГАА ДЭМЖИЦГЭЭЕ"🤗👍
Өвөрхангай аймгийн Зоонозын өвчин судлалын төвийн хамт олныхоо дунд эерэг хандлагыг төлөвшүүлэх, эрүүл амьдралын хэв маягийг дэмжих зорилготой “ДАРХЛААГАА ДЭМЖИЦГЭЭЕ" уриатай арга хэмжээг санаачлан зохион байгууллаа.
👏 Хамтдаа эрүүл, аз жаргалтай, эерэг ирээдүйг бүтээцгээе! 🌞

#ЭерэгХандлага
#ЭрүүлАмьдрал
#АжлынОрчиндЭерэгБайя🫂
#ДархлаагааДэмжицгээе🥰🥰🥰

31/10/2025

#Уриалга

31/10/2025

ГАЛЗУУ ӨВЧНИЙ ҮЕД ИЛРЭХ ЭМНЭЛ ЗҮЙН ШИНЖ ТЭМДЭГ
•Нууц үе: Халдвар авснаас хойш эмнэл зүйн шинж тэмдэг илрэх хүртэлх хугацааг халдварын нууц үе гэнэ. Энэ хугацаа нь галзуу өвчний хувьд 14 хоногоос 3 сар (7 хоногоос 1жил хүртэл) үргэлжлэх ба шархны хэмжээ, байрлалаас хамаарч нууц үеийн үргэлжлэх хугацаа харилцан адилгүй байна. Шарх нь төв мэдрэлийн тогтолцоонд ойр байх тусам нууц үе нь богино байна.
•Эмнэлзүйн хэлбэр нь угтал үе, хөөрлийн үе, саажилтын үе гэсэн 3 үе шатаар явагддаг ба галзуугаар өвчилсөн тохиолдолд цочромтгой, айж эмээсэн байдалтай, харанхуйд байх дуртай, нойр хоолонд муу, уруулсан хэсэгт өвдөх, загатнах, мэдрэлийн судал дагаж улайх, амнаас унжиралдсан шүлс гоожих, шүлсээ залгих чадваргүй болох, ус, салхи, гэрлээс айх зэрэг шинж тэмдгүүд илэрнэ. Өвчний хүндрэлийн үед саажилт үүсч, улмаар үхэлд хүргэдэг. Галзуу өвчнийг эмчлэх эмчилгээний бэлдмэл одоогоор нээгдээгүй.
Мал, амьтанд илрэх шинж тэмдэг
Нууц үе нь: Нохойд 21-56 хоног
Муур 14-28 хоног
Үхэрд 60-120 хоног байх бөгөөд энэ үед шинж тэмдэг илрэхгүй байж болно
Халдвар дамжих зам
▪︎Амьтны дайралтад өртөж, хазуулах, уруулах, ноцуулах, самардуулах, шүлсдүүлэх
▪︎Галзуу өвчтэй амьтны шүлсээр бохирлогдсон эд зүйлсд хүрэх, галзуугийн сэжигтэй болон галзуугаар үхсэн малын арьс шир өвчих, мах эвдэх, түүхий эдэд хүрэх явцад арьс салстын бүрэн бүтэн байдал алдагдаж, гэмтсэн, шарх авсан хүнийг галзуу өвчний халдварт өртөх өндөр эрсдэлтэй гэж үзнэ.
☆Гэрийн тэжээвэр амьтдыг вакцинжуулалтанд хамруулах
☆Эзэнгүй нохой, муурын устгах
☆Мал амьтдын дунд галзуу өвчин гарч байгаа тохиолдолд малаа вакцинжуулах
☆Галзуу өвчнөөр үхсэн мал, амьтдын сэг зэмийг шатааж устгах, халдваргүйтгэж булах
☆Галзуугийн сэжигтэй мал, амьдад уруулсан, ноцуулсан тохиолдолд галзуугийн эсрэг вакцин, ийлдэсийг эмчийн зааврын дагуу бүрэн хийлгэх.
☆Хүүхдийг нохой муураар тоглуулахгүй байх,
☆ Золбин муур, нохойг гэртээ оруулахгүй байх
☆ Чоно нохойны махыг эмчилгээний зорилгоор хэрэглэхгүй байх

29/10/2025

#Галзуу өвчнөөс урьдчилан сэргийлье❗️❗️❗️

03/10/2025

📢ЦАГ ҮЕИЙН МЭДЭЭ
#ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЬЕ ❗️ ❗️ ❗️
📌Эрүүл мэндийн сайдын 2025 оны “Тарваган тахал өвчны тандалт, хяналтын арга хэмжээг эрчимжүүлэх тухай” A/04 албан даалгавар, Өвөрхангай аймгийн Засаг даргын 2025 оны “Хүн мал гоц халдварт болон тарваган тахал өвчнөөс урьдчилан сэргийлэх талаар авч хэрэгжүүлэх зарим арга хэмжээний тухай” А/547 дугаар захирамжийн дагуу хууль бус ан агнуур, мах, арьс, түүхий эдийн худалдах, худалдан авах хадгалах, тээвэрлэхээс урьдчилан сэргийлэх хяналт шалгалт, шинжилгээ, мэдээ, мэдээлэл сургалт сурталчилгааг Зоонозын өвчин судлалын төв, Байгаль орчны газар, Цагдаагийн газар, Онцгой байдлын газар, Автотээврийн төв хамтран зохион байгуулж байна.
📌 ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЭХ
✅Тарвага агнахгүй байх
✅Тарваганы мах идэхгүй байх
✅Түүхий эд, эрхтэнг хэрэглэхгүй байх
✅Тарвагыг нохойгоор бариулахгүй байх, урхи, хавхаар агнахгүй байх
✅Тарваганы түүхий мах эд, эрхтэнг хот суурин газарт оруулахгүй байх
✅Хүүхдийг тарваганы дошон дээр тоглуулахгүй, унтуулахгүй байх
✅Шимэгчид хазуулахаас сэргийлж дайжуулагч хэрэглэх
✅Тарваган тахлын эсрэг вакцин тариулах
✅Гэр орондоо агнасан тарвага, арьс хадгалахгүй байх
✅Үхсэн тарвага, мэрэгч амьтдын тухай мэргэжлийн байгууллагад яаралтай мэдээлэх (
👩‍⚕️👨‍⚕️Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөх.
#ТАРВАГАН ТАХАЛ ӨВЧНӨӨС УРЬДЧИЛАН СЭРГИЙЛЬЕ ❗️ ❗️ ❗️
Өвөрхангай аймгийн Байгаль орчны газар
Өвөрхангай аймгийн Онцгой байдлын газар
Өвөрхангай аймгийн Авто тээврийн төв

01/10/2025

Ахмадын баярын өдрийг тохиолдуулан Зоонозын Өвчин Судлалын Төвийн хөгжил дэвшилд оруулсан хувь нэмэр, гавьяа зүтгэлээрээ үлгэр дуурайл болсон ахмад эмч, мэргэжилтнүүд, эмнэлгийн ажилчдадаа баярын мэнд дэвшүүлье.
Бид та бүхнийхээ залгамж халаа, хойч үе гэдгээрээ байнга бахархаж, үлгэр дуурайлал авч байдаг билээ. Хүн ардын эрүүл мэндийн төлөө хүлээсэн үүргээ нэр төртэй биелүүлэхийг ямагт эрхэмлэх болно.