01/04/2026
Манай эмнэлэг нь 01 дүгээр 20-ны өдрөөс Хойд бүсийн хавдрын оношилгоо, эмчилгээний дэд төв болсон. Хойд бүсийн хавдрын оношилгоо, эмчилгээний дэд төв болсноор элэг цөс нойр булчирхайн, эмэгтэйчүүдийн, ходоод бүдүүн гэдэсний, хөхний, толгой хүзүүний, цээжний хөндийн хорт хавдрууд болох өвчлөл нас баралтаараа улсад тэргүүлж буй дээрх чиглэлүүдээр хойд бүсийн нийт иргэдэд хорт хавдрын үеийн тусламж үйлчилгээ үзүүлэхийг зорин ажиллаж байна. Одоогийн байдлаар бид хавдрын тусламж үйлчилгээг үе шаттайгаар үзүүлэх ажлуудыг эхлүүлсэн бөгөөд өмнөх төрөлжсөн нарийн мэргэжлийн эмнэлгийн үйл ажиллагааг тасралтгүй үргэлжлүүлж иргэдэд эмнэлгийн тусламж үйлчилгээ үзүүлсээр байна.
Batbold Tseleejav
Жигжидсүрэнгийн Чинбүрэн дэмжин ажиллаж буйд талархлаа.
Бид дараах чиглэлүүдийг баримтлан үйл ажиллагаагаа явуулж байна. Үүнд:
1.Хавдрын тусламж үйлчилгээний чиглэлээр:
-Элэг, цөс, нойр булчирхайн хорт хавдрын цогц тусламж үйлчилгээ болох хорт хавдрын мэс засал эмчилгээг элэгний хавдартай өвчтөнд хийж эхэлсэн байна.
-Элэгний хавдрыг судсаар дамжуулан химийн бодисоор хавдрыг бөглөх /TACE/ эмчилгээ эхлүүлсэн байна.
-2025-2026 оны хооронд 450 орчим хүнд бүдүүн гэдэсний хорт хавдрын урьдал үе болох гэдэсний ургацаг илрүүлж, бүдүүн гэдэсний ургацаг авах мэс ажилбар хийсээр байна.
-Хойд бүсийн хэмжээн дэх эмэгтэйчүүдийн хорт хавдрыг эрт илрүүлэх, эрсдэлд бүлгийг тодорхойлох зорилтын хүрээнд маммограммын аппарат шинээр суурилуулсан. /Хуучин хэрэглэгдэж байсан аппарат эвдрэл гэмтэл ихтэй байсан/.
-Умайн хүзүүний хорт хавдрыг эрт илрүүлэх, эрсдэлт хүчин зүйлсийг тодорхойлох зорилгоор хүний хөхөнцөр вирус илрүүлэх шинэ тоног төхөөрөмж суурилуулсан.
-Эрсдэл бүлгийн хүнд амд хеликобактерийг илрүүлэх, түүний эмчилгээний тусламж үйлчилгээг үзүүлж байна.
-Шинээр эрчимт эмчилгээний нэгжийг 4 ортойгоор чадвартай боловсон хүчин, сүүлийн үеийн тоног төхөөрөмжүүдтэйгээр байгуулсан бөгөөд зөвхөн хавдрын дараах эрчимт эмчилгээ бус хойд бүсийн хэмжээн дэх бусад өвчлөлийн үеийн эрчимт эмчилгээний тусламж үйлчилгээг үзүүлэхэд бэлдэж байна. Энэ нь өвчний улмаас эмнэлгийн гадуурх нас баралтыг бууруулах бодит үр дүнд хүрнэ гэж найдаж байна.
-Цаашид химийн эмчилгээний эмч, боловсон хүчин бэлтгэж, химийн эмчилгээний тусламж үйлчилгээг нэвтрүүлэх.
-Мөн хавдрын тусламж үйлчилгээний дагалдах чиглэл буюу нөхөн сэргээх, хөнгөвчлөх эмчилгээний тусламж үйлчилгээг нэвтрүүлж бүсийн хэмжээнд үзүүлэх.
-Иргэд хавдрын үеийн бүх тусламж үйлчилгээг эрүүл мэндийн даатгалаар бүрэн авдаг болох зэргийг зорьж байна.
-Элэгний хавдрын эрсдэл болох элэгний В, С вирусийг илрүүлэх, цаашлаад В вирусийн вакцинд хамрагдсан хүн амд дархлаа тогтсон эсэхийг шалгах, В, С вирусийн идэвхжил тодорхойлох, хянах, зохих эмчилгээнд хамруулан ажиллах гэж байна.
-Урьдчилан сэргийлэх үзлэгээр дамжуулан Эрдэнэт үйлдвэрийн 9000 ажилтны бүх эмэгтэйчүүдэд хүний хөхөнцөр вирусийн эрсдэлт генотипүүдийг бүгдийг нь үзэх шинжилгээнд хамруулдаг болсон зэрэг давуу талууд үүсэж байна.
-Дээрх мэс засал, хавдрын тусламж үйлчилгээг нэвтрүүлэхийн тулд “Хавдар судлалын үндэсний төв”-өөс Монгол улсдаа нэр хүнд бүхий туршлага чадвартай боловсон хүчнийг сэлгэн ажиллуулах боломжийг бүрдүүлэн ажиллаж байна.
2. Урьдчилан сэргийлэх үзлэгийн чиглэлээр:
-Манай урьдчилан сэргийлэх үзлэгийн төв нь амбулаторийн тусламж үйлчилгээтэй холилдохгүй тусдаа хийгддэг нь үйлчлүүлэгчийн тухтай байдал, хүлээгдлийн асуудалгүй байдгаараа давуу талтай бөгөөд нийт 12 төрлийн багцаас сонгож үйлчилгээ авах боломжтой байна.
-Жил бүр “Эрдэнэт үйлдвэр” болон бусад албан байгууллагуудад хийгддэг урьдчилан сэргийлэхийн үзлэгийн багцуудад дээрх хавдруудыг эрт илрүүлэх, оношлох зорилгоор өөрчлөлт оруулж байна. Ингэснээр урьдчилан сэргийлэх үзлэгээр дамжуулан хавдрыг эрт үед нь илрүүлж, эмчилгээ үйлчилгээг цогцоор хүргэхийг зорьж байна.
3.Төрөлжсөн нарийн мэргэжлийн бусад чиглэлээр:
-Эрүүл мэндийн тусламж үйлчилгээний тэргүүлэх чиглэл болох амь тэнссэн үеийн тусламжийг чанартай хүртээмжтэй хүргэхээр зорьж яаралтай тусламжийн үйлчилгээг эрүүл мэндийн даатгалаар өдрийн 8 цагаар ажиллуулж байгаа бөгөөд цаашид 24 цагийн яаралтай тусламж үзүүлэх бэлтгэл ажлыг эхлүүлсэн байна.
-Амбулаториор дотрын бүх өвчин /элэг цөс нойр булчирхай, зүрх, уушги гэх мэт/, хүүхэд, эмэгтэйчүүд, нүд, чих хамар хоолой, шүдний эмч нарын үзлэг оношилгоо, эмчилгээний бүх тусламж үйлчилгээг үзүүлж, архаг өвчлөл бүхий шаардлагатай үйлчлүүлэгчдийг өдрийн эмчилгээнд хамруулдаг.
- Мэс заслын буюу нүд, чих хамар хоолойн, урологи андрологийн, эмэгтэйчүүдийн ерөнхий мэс заслын бүх үзлэг оношилгоог хийж мэс заслын 30 ортой тасагт хэвтүүлэн эмчилдэг.
-Сүүлийн үеийн хүчин чадал сайтай тоног төхөөрөмж бүхий олон жилийн туршлагатай эмч мэргэжилтнүүдтэй дүрс оношилгоо, дуран, лабораторийн тасаг ажилладаг. Хөдөө орон нутгуудын хэмжээнд 2 MRI, 2 CT, 3 дурангийн аппараттай байгаа нь бидний бас нэг том давуу тал гэж харж байна.
-Одоогийн байдлаар бид байгуулагдсан хугацаанаас хойш бүх чиглэлээр 9672 хүнд тусламж үйлчилгээ үзүүлсэн байна.
Цаашид бид хавдрын болон төрөлжсөн нарийн мэргэжлийн тусламж үйлчилгээг эрүүл мэндийн даатгалаар бүрэн үзүүлдэг болохыг зорьж, үе шаттайгаар нэвтрүүлж эхэлсэн байна.
Radnaa Munkhbat
James Jam
