Ховд аймаг дахь Бүсийн Оношилгоо, Эмчилгээний Төв

22/10/2025

“ДУТУУ БА БАГА ЖИНТЭЙ ТӨРСӨН, ӨВЧТЭЙ НЯРАЙД ҮЗҮҮЛЭХ ТУСЛАМЖ ҮЙЛЧИЛГЭЭ ” сэдэвт сургалт зохион байгуулагдлаа.

Дутуу төрсөн, жин багатай болон өвчтэй нярайд үзүүлэх эрүүл мэндийн тусламж, үйлчилгээний чанарыг сайжруулах, эмч, эмнэлгийн мэргэжилтнүүдийн мэдлэг, ур чадварыг дээшлүүлэх, имж эх асаргааны хэрэгжилтийг нэмэгдүүлэх зорилгоор “Баруун бүсийн оношилгоо, эмчилгээний төвийг бэхжүүлэх” төслийн хүрээнд “Хүний нөөцийг сайжруулах хөтөлбөр”-ийн санхүүжилтээр “ДУТУУ БА БАГА ЖИНТЭЙ ТӨРСӨН, ӨВЧТЭЙ НЯРАЙД ҮЗҮҮЛЭХ ТУСЛАМЖ ҮЙЛЧИЛГЭЭ ” сэдэвт сургалт зохион байгуулагдлаа.

Уг сургалтад орон нутгийн хүүхэд, нярайн эмч, сувилагч, ахлах сувилагч, арга зүйч зэрэг нийт 60 орчим эмч, эмнэлгийн мэргэжилтнүүд хамрагдсан бөгөөд сургалт 2025 оны 10 дугаар сарын 13-17-ны өдрүүдэд Ховд аймгийн Бүсийн оношилгоо, эмчилгээний төвд амжилттай зохион байгуулагдав.
Сургалтын удирдагч, багш нараар:
· Монголын перинатологийн нийгэмлэгийн тэргүүн, Хүний гавьяат эмч, анагаах ухааны доктор, профессор З. Гэрэлмаа,
· АШУҮИС-ийн багш, хүүхэд, нярайн дотоод, шүүрлийн эмч, АУ-ны доктор Ц. Алтантуяа,
· Удирдлагын академийн багш, сэтгэл судлалын ухааны доктор П. Байгалмаа,
· Сувилахуйн ухааны магистр, докторант Д. Оюун-Эрдэнэ,
· Сувилахуйн бакалавр Х. Мөнх-Амьдрал нар ажиллалаа.

Энэхүү сургалт нь нярайд тусламж үзүүлдэг эмч, эмнэлгийн ажилтнуудын мэдлэг, ур чадварыг нэмэгдүүлэхийн зэрэгцээ нялхсын эндэгдлийн дийлэнх хувийг эзэлдэг дутуу төрсөн, жин багатай, өвчтэй нярайн тусламж, үйлчилгээний чанарыг сайжруулах ач холбогдолтой юм. Мөн нярайн өвчлөл, урьдчилан сэргийлэх боломжтой эндэгдлийг бууруулах, эхийн төрөх үеийн сэтгэлзүй, айдсыг зохицуулах, хүүхэд гэртээ ирэхээс өмнө гэр бүлийг сэтгэлзүйн хувьд бэлтгэх, хөхөөр хооллолтыг дэмжих зэрэг сэтгэлзүйн дэмжлэгийн ач холбогдлыг онцлон хэлэлцсэн юм.

20/10/2025

🏥🏥🏥УЛСЫН ЭМНЭЛГИЙН ҮЗЛЭГИЙН ЦАГИЙГ ТА ХААНААС Ч ЗАХИАЛАХ БОЛОМЖТОЙ

#цагтовлол

20/10/2025

🎀 Хөхний хорт хавдрын эсрэг анхаарал хандуулах сар — PINK OCTOBER 🎀
Хөхний эрүүл мэнддээ анхаарч, өөрөө шалгах дадлыг хэвшүүлж, эрт илрүүлгийн шинжилгээнд идэвхтэй хамрагдацгаая💗

16/10/2025

16/10/2025

“НЯРАЙН ЦОГЦ СКРИНИНГ ШИНЖИЛГЭЭГ НУТАГШУУЛАХ НЬ” сэдэвт баруун бүсийн сургалт амжилттай зохион байгуулагдлаа

Бүх шатны эрүүл мэндийн тусламж үйлчилгээ үзүүлэгчдэд нярайн цогц скринингийн тухай ойлголтыг өгөх, түүгээр илрүүлж болох эмгэгүүдийн талаар онолын мэдлэг олгох, хийх арга аргачлалыг эзэмшүүлэх, жирэмсэн эх, нярай хүүхдийн асрамжлагчтай харилцах, мэдээлэл өгөх хандлагыг төлөвшүүлэх зорилготойгоор ЭМЯ, НҮБ Хүүхдийн сан, АШУҮИС-ийн АУС-ийн Хүүхдийн анагаахын тэнхимтэй хамтран зохион байгуулж буй "Нярайн цогц скрининг шинжилгээг нутагшуулах нь” сэдэьщвт сургалт Ховд аймгийн БОЭТд 2025.10.07-2025.10.12 ны өдрүүдэд зохион байгуулагдаж нийт баруун 5 аймгийн 30 гаруй нярайн эмч сувилагч, дүрс оношилгооны эмч нар хамрагдлаа.

Уг сургалтын удирдагч багшаар Монголын перинатологийн нийгэмлэгийн тэргүүн, хүний гавъяат эмч, хүүхэд нярайн зөвлөх эмч, анагаах ухааны доктор, профессор З.Гэрэлмаа, /АУ-ы доктор; АШУҮИС-ийн багш, хүүхэд, нярай, хүүхдийн дотоод, шүүрлийн эмч, Ц. Алтантуяа, ЭХЭМҮТ-ийн нүдний мэс заслын тасгийн эмч, нүдний тэргүүлэх зэргийн эмч, Анагаах ухааны магистр Б.Батцэцэг, ЭХЭМҮТ-ийн чих хамар хоолойн мэс заслын тасгийн эмч, сонсгол судлалын ахлах зэргийн эмч, Анагаах ухааны магистр Ч.Саруул, ЭХЭМҮТ-ийн нярайн тасгийн эмч, нярайн ахлах зэргийн эмч, Анагаах ухааны магистр А.Солонго, ЭХЭМҮТ-ийн дүрс оношилгооны ахлах зэргийн эмч, Анагаах ухааны магистр Ө.Цэрэнлхам нар багшлан ажиллаа.

Эрүүл Мэндийн Яам
АШУҮИС-ийн Төв эмнэлэг

16/10/2025

ӨНӨӨДӨР ДЭЛХИЙН МЭДЭЭГҮЙЖҮҮЛГИЙН ӨДӨР

1846 оны 10-р сарын 16-ны өдөр АНУ-ын Бостоны Массачутесийн эмнэлэгт шүдний эмч William Thomas, Green Morton анх удаа Edward Gilbert Abbott гэдэг өвчтөний хүзүүний хавдар авах мэс ажилбарын үед олны өмнө эфирээр амьсгалуулан нойрсуулж, хагалгааг хийсэн байдаг ба энэ өдрийг түүхэнд "ДЭЛХИЙН МЭДЭЭГҮЙЖҮҮЛГИЙН ӨДӨР" болгон жил бүр тэмдэглэх болсон билээ. Аюулгүй мэс засал хийхэд, аюулгүй мэдээгүйжүүлэг хамгийн чухал юм.
Байгууллагынхаа нийт Мэдээгүйжүүлгийн эмч, сувилагч нартаа “Дэлхийн мэдээгүйжүүлгийн өдөр”-ийн мэнд хүргэж, илүү их аз жаргал , амжилтыг хүсье.

09/10/2025

“Олон улсын ахмадын өдөр”-ийг тохиолдуулан Ховд аймаг дахь БОЭТ “Дуун цэнгүүн” ахмадаа хүндэтгэсэн үйл ажиллагааг “Төгс” төвд зохион байгууллаа.
Энэ үеэр ахмадуудын санал сэтгэгдлийг сонсож, дуулж , бүжиглэн , хооронд нь уулзуулж , өмнөх дурсамжуудыг сэргээж, ахмадууддаа БАЯРЛАЛАА, ТАЛАРХЛАА гэсэн сэтгэлийн үгсээ хэлж, хүндэтгэл үзүүллээ.

Дашрамд дурьдахад энэ оны хувьд Дэлхийн эмч нарын өдрөөр болон олон улсын Сувилахуйн өдрөөр, ой угтсан аймагт болон Улаанбаатар хотод болсон уулзалтууд , 2025.08.08-09-ний өдрүүдэд Ховд аймагт Эрүүл мэндийн салбар үүсэж хөгжсөний 100 жилийн ойн үйл ажиллагааны хүрээнд БОЭТ-ийн 400 гаруй ахмадуудаа хүлээн авч хүндэтгэл үзүүлэн , хамтдаа түүхт ойгоо ёслол төгөлдөр тэмдэглэн өнгөрүүлсэн гэх мэт ахмадуудтайгаа байнга холбоотой, уулзан учирч хамтран ажиллаж байгааг цохон тэмдэглэхэд таатай байна.
Амралтын өдрөөсөө цаг заваа хугаслан, сэтгэл зүтгэлээ зориулан зохион байгуулсан ажлын хэсэгтээ талархаж байна.

08/10/2025

08/10/2025

“НЯРАЙН ЦОГЦ СКРИНИНГ ШИНЖИЛГЭЭГ НУТАГШУУЛАХ НЬ” сэдэвт баруун бүсийн сургалт зохион байгуулагдаж байна.

Бүх шатны эрүүл мэндийн тусламж үйлчилгээ үзүүлэгчдэд нярайн цогц скринингийн тухай ойлголтыг өгөх, түүгээр илрүүлж болох эмгэгүүдийн талаар онолын мэдлэг олгох, хийх арга аргачлалыг эзэмшүүлэх, жирэмсэн эх, нярай хүүхдийн асрамжлагчтай харилцах, мэдээлэл өгөх хандлагыг төлөвшүүлэх зорилготойгоор ЭМЯ, НҮБ Хүүхдийн сан, АШУҮИС-ийн АУС-ийн Хүүхдийн анагаахын тэнхимтэй хамтран зохион байгуулж буй "Нярайн цогц скрининг шинжилгээг нутагшуулах нь” сэдэьщвт сургалт Ховд аймгийн БОЭТд 2025.10.07-2025.10.12 ны өдрүүдэд зохион байгуулагдаж нийт баруун 5 аймгийн 30 гаруй нярайн эмч сувилагч, дүрс оношилгооны эмч нар хамрагдаж байна.
Уг сургалтын удирдагч багшаар Монголын перинатологийн нийгэмлэгийн тэргүүн, хүний гавъяат эмч, хүүхэд нярайн зөвлөх эмч, анагаах ухааны доктор, профессор З.Гэрэлмаа, /АУ-ы доктор; АШУҮИС-ийн багш, хүүхэд, нярай, хүүхдийн дотоод, шүүрлийн эмч, Ц. Алтантуяа, ЭХЭМҮТ-ийн нүдний мэс заслын тасгийн эмч, нүдний тэргүүлэх зэргийн эмч, Анагаах ухааны магистр Б.Батцэцэг, ЭХЭМҮТ-ийн чих хамар хоолойн мэс заслын тасгийн эмч, сонсгол судлалын ахлах зэргийн эмч, Анагаах ухааны магистр Ч.Саруул, ЭХЭМҮТ-ийн нярайн тасгийн эмч, нярайн ахлах зэргийн эмч, Анагаах ухааны магистр А.Солонго, ЭХЭМҮТ-ийн дүрс оношилгооны ахлах зэргийн эмч, Анагаах ухааны магистр Ө.Цэрэнлхам нар ажиллаж байна.

06/10/2025

Улирлын томуу ИДЭВХЖЛИЙН ТҮВШИНД байна
Алаг цоог дэгдэлтийн түвшинд 1 аймаг, Идэвхжлийн түвшинд 9 аймаг, Улирал хоорондын түвшинд 11 аймаг байна.
Амбулаториор хандан тусламж үйлчилгээ авсан хүмүүсийн 4.6 хувь нь томуу, томуу төст өвчтэй, эмнэлэгт хэвтэн эмчлүүлэгсдийн 17.7 хувь нь амьсгалын замын цочмог хүнд халдварын шалтгаантай байна.
Томуу, томуу төст өвчнөөр өвчлөгсдийн 78.3 хувийг 15, үүнээс 49.1 хувийг 5 хүртэлх насныхан эзэлж байна. Мөн амьсгалын замын цочмог хүнд халдварын шалтгаант эмнэлэгт хэвтэгсдийн 75.1 хувь нь 15, үүнээс 53.5 хувь нь 5 хүртэлх насны хүүхэд байна.
Томуу, томуу төст өвчний нөхцөл байдлын тойм мэдээ