Баян-Өлгий Аймгийн Зоонозын Өвчин Судлалын Төв

20/11/2025

Ёс зүйтэй хүмүүсээр өөрийгөө хүрээлүүлэх нь ажил, амьдралыг аз жаргалтай байлгана.

19/11/2025

ЁС ЗҮЙН СУРГАГЧ БАГШ БЭЛТГЭХ СУРГАЛТАНД ТУС ТӨВИЙН ЁС ЗҮЙН ДЭД ХОРООНЫ ГИШҮҮН СОНГОГДОН СУРАЛЦАЖ БАЙНА

Тус төвийн Ёс зүйн дэд хорооны гишүүн М. Эрдэнэцэцэг нь Монгол Улсын Ёс Хорооноос Удирдлагын академитай хамтран зохион байгуулж буй ёс зүйн сургагч багш бэлтгэх сургалтанд сонгогдон суралцаж байна.

Ёс зүйн хорооноос жил бүрийн 11 дүгээр сарыг ёс зүйн нөлөөллийн сарын аян болгон зарладаг уламжлалтай. 2025 оны 11 дүгээр сарын ёс зүйн нөлөөллийн аяныг "ХҮНДЭЛЬЕ, ЭНЭРЬЕ" нэртэй зарласан. Ёс зүйн нөлөөллийн аяны хүрээнд Ёс зүйн хорооноос хийгдэх зорилтот ажлын нэг нь Удирдлагын академитай хамтран зохион байгуулдаг Ёс зүйн сургагч багш бэлтгэх 2 дахь удаагийн хөтөлбөр юм. Энэ хөтөлбөрийн хүрээнд ёс зүйн сургагч багшаар суралцах хүсэлтэй төрийн албан хаагчдыг 2025 оны 10 дугаар сарын 13-наас 27-ны өдрүүдэд нээлттэй сонгон шалгаруулалтаар бүртгэсэн. Ёс зүйн сургагч багшаар суралцах хүсэлтээ нийт 277 төрийн албан хаагч Ёс зүйн хороонд ирүүлсэн. Тэднийг сонгон шалгаруулалтаар зарласан:
1. Төрийн байгууллагад 3-аас дээш жил ажиллаж байгаа төрийн албан хаагч,
2. Төрийн албаны томилгооны болон ёс зүй, сахилгын зөрчилгүй байх,
3. Сургалт, хэлэлцүүлэг зохион байгуулах туршлагатай, оролцоог хангах арга зүйн суурь мэдлэгтэй байх,
4. Сургалт явуулах хүсэл эрмэлзэлтэй, тасралтгүй сурч хөгждөг байх,
5. Жил бүр 3-аас доошгүй ёс зүйн сургалт явуулж, тайлагнах боломжтой байх,
6. Сургагч багш болох зорилгоо тодорхойлсон эсээ /250-300 үгтэй/ гэсэн 6 шалгуураар Ажлын хэсэг хянаж, шалгуурыг хангасан 50 төрийн албан хаагчийг шалгаруулсан.
Ёс зүйн сургагч багш бэлтгэх 2 дахь удаагийн хөтөлбөрийн эхний анги орон нутгаас 17, нийслэлийн боловсролын салбараас 8 төрийн албан хаагч хамрагдаж байна.
Ёс зүйн сургагч багш бэлтгэх хөтөлбөрийн 2 дахь удаагийн сургалтын эхний анги 2025 оны 11 дүгээр сарын 17-20-ны өдрүүдэд явагдаж, дүгнэлт хичээл хийж сертификат гардуулна.

Мэдээллийн эх сурвалж: @Монгол Улсын Ёс Зүйн Хороо

18/11/2025

05/11/2025

04/11/2025

БҮХ НИЙТИЙН ЦЭВЭРЛЭГЭЭ ХИЙЛЭЭ

🌎Тус төв нь Өлгий сумын ЗДТГ-аас 2025 оны 11-р сарын 03-нд зохион байгуулж буй өвлийн улирал эхэлж байгаатай холбогдуулан нийтийн эзэмшлийн газарт байгаа эзэнгүй орхигдсон хог хаягдлыг цэвэрлэж, хүрээлэн буй орчноо цэвэр байлгах ажлын хүрээнд нийтийг хамаарсан цэвэрлэгээний ажилд идэвхтэй оролцож, өөрсдийн хариуцсан талбайн цэвэрлэгээг хийж, зориулалтын хогийн цэгт хогийг буулгалаа.
♻️ Цэвэр, тохилог хотыг хамтдаа бүтээцгээе!

04/11/2025

МОНГОЛ УЛСЫН ЁС ЗҮЙН ХОРООНООС "ХҮНДЭЛЬЕ, ЭНЭРЬЕ" САРЫН АЯНЫГ ЭХЛҮҮЛЖ БАЙНА

Ёс зүйн хорооноос “Хүндэлье, энэрье” сарын аяныг 2025 оны 11 дүгээр сарын 03-ны өдрөөс эхлүүллээ.
Энэхүү аян нь ажлын орчин, гэр бүл, найз нөхдөө хүндэтгэх, эелдэг найрсаг харилцааг бий болгох, дэмжих, урамшуулах соёлыг ажил, хамтын орчиндоо төлөвшүүлэхэд чиглэж байна.

“Хүндэлье” - Тусалж дэмжих, өгөөмөр сэтгэлээр хүндэтгэх,
“Энэрье” - Энэрэн хайрлах, өршөөх, ууч сэтгэлээр хандах,

Бид хамтдаа ёс зүйн манлайллыг төлөвшүүлж, итгэл төрүүлэх төрийн үйлчилгээг бий болгохын төлөө ажиллана.

Аянд идэвхтэй оролцож, хүнлэг, хүндэтгэлтэй, энэрэнгүй соёлыг түгээцгээе!

03/11/2025

Өнөөдөр "НЭГ ЭРҮҮЛ МЭНД" ийн дэлхийн өдөр тохиож байна.

Хүн төрөлхтний амьдралын сүүлийн зуу гаруй жилийн хугацаанд бүрэлдэн тогтсон Нэг Эрүүл мэнд үзэл баримтлал нь байгаль орчны тэнцвэрт байдал, хүн, мал амьтны эрүүл мэнд хоорондоо салшгүй холбоотой, харилцан хамааралтай гэдэг санаанд нэгддэг. Хэн нэгний эрүүл мэнд бусдын эрүүл мэндэд нөлөөлдөг. Энэхүү үзэл баримтлалын дор дэлхий дахины хүн мал, амьтны эрүүл мэнд, байгаль экологид учирч болох эрсдлийг ойлгож зохицуулах, экосистемийн тогтвортой, тэнцвэрт байдлыг дэмжих нь дэлхий нийтийн хамтын арга хэмжээ юм.

Дэлхий дахины эрүүл мэндийн тулгамдсан асуудлууд ба ирээдүйн шаардлага

Амьтнаас гаралтай байж болзошгүй вирусийн улмаас үүсч, нийгмийн эрүүл мэндийн хямралд хүргэсэн COVID-19 цар тахал дэлхийн эрүүл мэндийн эрсдэлийг ойлгож, түүнтэй тэмцэхэд “Нэг эрүүл мэнд” үзэл баримтлал үнэн зөв болохыг харууллаа. Галзуу, шувууны томуу, сүрьеэ зэрэг зоонозын өвчнүүдийг (амьтнаас хүнд, хүнээс амьтанд дамждаг) хянахад салбар дундын хамтарсан урьдчилан сэргийлэх, хариу арга хэмжээнүүдийг хэрэгжүүлдэг.

Худалдааны даяаршил, дэлхийн дулаарал, хүмүүсийн зан үйлийн өөрчлөлтийн улмаас эмгэг төрүүлэгчид шинэ хэлбэрт шилжих, газарзүйн тархалт нь тэлснээр нийгмийн эрүүл мэндийн эрсдэл улам бүр нэмэгдэж байна. Эрсдэл зөвхөн хүнд хамаарахгүй. Хэдийгээр ихэнх өвчнүүд амьтнаас хүнд халдварладаг ч хүнээс амьтдад халдварладаг өвчнүүд цөөнгүй байдаг. Жишээ нь SARS-CoV-2, сүрьеэ, томуугийн янз бүрийн вирусүүд хүнээс амьтдад халдварлаж, өвчлөл, үхэлд хүргэдэг.

Горилла, шимпанзе мэтийн хүн төст бичнүүд удам зүйн хувьд хүнтэй ойролцоо байдаг тул тэдгээрээс халдвар авах эрсдэл өндөр бөгөөд мал эмнэлэг, зэрлэг амьтадтай харьцдаг байгууллагын мэргэжилтнүүд, судлаачид онцгой анхаарч, болгоомжтой ажиллах ёстой.

Өвчнүүдийг хянахаас эхлээд дэлхийн дулаарал хүртэлх бүхий л эрсдэлүүдийг шийдвэрлэх нь зөвхөн нэг салбарын асуудал бус, хүн эмнэлэг, мал эмнэлэг, байгаль орчны салбаруудын хамтын ажиллагааны үр дүн юм.

Дэлхийн амьтны эрүүл мэндийн байгууллага (ДАЭМБ-OIE) нь мал, амьтны эрүүл мэндийн чиглэлээр мэргэшсэн туршлагаа нийгмийн эрүүл мэндэд тулгарсан аюул заналыг шийдвэрлэдэг дэлхийн хэмжээний стратеги боловсруулж, салбар хоорондын хамтын ажиллагааг дэмжихэд чиглэдэг.

Бидний үйл ажиллагаа хүн, амьтны эрүүл мэнд, байгаль орчны хамаарлыг хүлээн зөвшөөрч, Нэг эрүүл мэнд үзэл баримтлалыг сурталчилдаг. Учир нь амьтдын эрүүл мэнд, байгаль орчны төлөв байдал хүний үйл ажиллагаанаас шууд хамааралтайгаас гадна хүний эрүүл мэнд ч амьтдын эрүүл мэнд, хүрээлэн буй орчноос шууд хамаардаг.

Энэ бол хүн болон мал, амьтны экосистемд хамааралтай.

21/10/2025

НАМРЫН МОД ТАРИХ ӨДРИЙГ ЗОХИОН БАЙГУУЛЛАА

Тус төв нь Монголын Улсын Ерөнхийлөгчийн санаачилсан “ТЭРБУМ МОД” үндэсний хөдөлгөөн болон аймгийн Засаг даргын захирамжаар хэрэгжиж буй “НОГООН–ӨЛГИЙ” аянд нэгдэж, намрын үндэсний мод тарих өдрийг байгууллагын хэмжээнд зохион байгуулан, байгууллагын хашаанд бууц, хар шороо буулган, мод тарих нүхийг бэлдэж, ажилтнууд өөрсдийн зардлаар нийт 50 ширхэг бургас модны суулгацыг байгууллагынхаа хашаанд тарилаа

20/10/2025

MNS 7068:2025 СТАНДАРТЫГ ТАНИЛЦУУЛЛАА

Стандарт, хэмжил зүйн газрын даргын 2025 оны 05 дугаар сарын 19-ний өдрийн “Үндэсний стандарт батлах тухай” С/12 дугаар тушаалаар баталсан MNS 7068:2025, "Төрийн албаны үйл ажиллагаанд тавих ерөнхий шаардлага, стандарт"-ыг тус төвийн Ёс зүйн дэд хорооноос зохион байгуулан албан хаагчдад танилцууллаа.

Энэхүү стандартыг хэрэгжүүлэх талаар Төрийн албаны зөвлөлийн 2025 оны "Төрийн албаны үйл ажиллагаанд тавих ерөнхий шаардлага, стандартын хэрэгжилтийн хангах тухай” 318 дугаар тогтоол баталсан ба стандартыг байгууллагын хэмжээнд үр дүнтэй хэрэгжүүлэх ажлын хүрээнд уг арга хэмжээг зохион байгууллаа.

15/10/2025

ДЭЛХИЙН ЁС ЗҮЙН ӨДӨР

Ёс зүйн манлайлал, хариуцлага, шударга байдлын үлгэр дуурайл болж буй Ёс зүйн дэд хорооны эрхэм гишүүд Та бүхэнд “Дэлхийн ёс зүйн өдөр”-ийн баярын мэнд хүргэе!🎉

Төрийн байгууллагын үйл ажиллагаанд ёс зүйн зарчим, үнэт зүйлсийг төлөвшүүлж, албан хаагчдын хариуцлага, итгэлцэл, шударга ёсыг бэхжүүлэхэд таны өдөр тутмын зүтгэл, манлайлал онцгой хувь нэмэр оруулж байна.

Та бүхэн ёс зүйн соёлыг байгууллагадаа түгээн дэлгэрүүлж, хамт олноо урамшуулан, зөв хандлага, ёс суртахууны үлгэр дуурайл үзүүлж буйд гүн талархал илэрхийлье.

14/10/2025

🚫Малчид, иргэд, тээвэрчдын анхааралд‼️
Баян-Өлгий аймгийн Онцгой байдлын газар