Сэтгэл зүйч, сэтгэл засалч Д.Намуунбилэг

12/11/2025

Сүүлийн 10 жил хийж байгаа хобби минь. Хуудсаа ажиллулахаа больсон ч хоббигоо хийсэн хэвээр байгаа.
Дунд насны хямрал нүүрлэх үед өөрийгөө сонсож, өөртэйгөө дахин танилцахад тусласан хобби минь урлагийн сэтгэл заслын үр дүнг бие дээр минь мэдрүүлсэн юм. 🥰
Энэ удаад “би юунд дуртайгаа мэдэхгүй, чаддаг, таашаадаг юм байхгүй дээ” гэж хэлдэг бүсгүйчүүлдээ шинэ зүйл сурах, сэтгэл заслыг гар урлалаар дамжуулан мэдрэх боломжийг олгох гэж байна.
Миний амьдралын нөхцөл байдлаас шалтгаалаад би их аминч хүүхэд байсан.
40 наснаас хойш олон үзэл бодол өөрчлөгдсөн, үүн дотор хамгийн гол нь “амиа бодож яах юм бэ, бусад ч гэсэн энэ сайхан эерэг зүйлийг мэдрэг” гэж бодох болсон.
Иймээс ирэх долоо хоногт та бүхэндээ цоо шинэ хөтөлбөрөө дэлгэн тавинаа. 🌷🌷🌷

11/11/2025

40 наснаас хойш таны бие сэтгэл тав тухтай дулаахан, найдвартай гэр чинь болж мэдрэгдэх цаг хугацаа юм.
20 настай байх үед даавар таныг хөлөглөж юуг ч хүчээр хийх чадалтай байсан бол одоо 40өөс хойш та өөртөө юу хэрэгтэйг, юуг хүлээн зөвшөөрөхгүйг маш нарийн мэдэрч өөрөө өөртэйгээ дотно харилцаа тогтоох шаардлага гардаг.
Эрүүл бие, сэтгэл бол гоо үзэсгэлэн, амар амгалан гэр юм гэдгийг хүлээн зөвшөөрч эхэлнэ.
Дунд насны хямралаас бүү ай, бас хямраагүй мэт дүрд бүү ор, харин энэ хямрал таныг өөр өндөр төвшинд очих чадамжтай гэдгийг батлаж байгаа юм шүү.
🪷🪷🪷

11/11/2025

Эхийн ачийг зөвхөн өнөөдөр биш, харин өдөр бүр сана.
Тэр хүн таныг тээж төрүүлсэн, эрүүл бие, саруул ухаантай өсөхөд хамгийн том үүрэг гүйцэтгэсэн байгаа.
Энэ тухай бодоод талархах бүрд танд сэтгэл засал болж өгнө. 🙏🌷🥰

07/11/2025

Өөрийгөө сонсож, ойлгож эхлэснээр бусдыг ойлгож сурна.
Цастай өдрийг стресстэлгүй, амьдралын хүрд ёс жамаараа эргэж байгааг санан, сайн сайхныг нь олж харж өнгөрүүлээрэй! 🥰

03/11/2025

03/11/2025

Энэ өдөр миний элбэрэлт сайхан ижийгээс мэндлэн тоост ертөнцийг элээж сайн муу үйлийнхээ үрийг эдлэн явах хувь тохиосон өдөр билээ.
Зовлон жаргал ээлжилсэн, тэнэглэл ухаарал солбилдсон он жилүүд ихийг өгсөн ч бас ихийг авч одов.
Хамгийн том бэлэг болох хайр, нинжин сэтгэл, ухаарал, амар амгалангийн өглөгийг ачит дээдэс багш нар, гэр бүл, ах дүү амраг садан, найз, номын нөхдөөсөө хүртэв! 🥰🙏🙏🙏
Тэднээсээ ирсэн энэ их эрчмийг би аль болох олон хүнд сэтгэлийн амгаланг өгөхийн тухайд зориулах болно 💕🙏.

02/11/2025

Амьдралын олон хямралын үеүүд танд хандлага, амьдралын хэв маяг, үзэл баримтлал, өөртэйгөө болон бусадтай харилцах харилцааны чанартаа өөрчлөлт оруулахгүйгээр цааш үргэлжлүүлэх боломжгүй гэдгийг сануулж байдаг.

01/11/2025

Миний амьдралдаа анх сонссон үлгэрүүдийн нэг “Царцаа Намжил”. “Түүн шиг л байхгүй юмсан, олон жил шавь болон суухдаа юу ч сураагүй байдаг нь юув дээ” гэж багадаа боддог байлаа.
Гэтэл одоо л энэ үлгэрийг өөрийнхөөрөө ойлгож байна.
Та мэдлэг төгөлдөр бус гэж бүү ай, хамгийн гол нь сайхан сэтгэлтэй л бай. 🥰🙏

Далай багш хэлэхдээ:
Миний шашин маш энгийн,
миний шашин бол САЙХАН СЭТГЭЛ❣️
гэсэн байдаг.

23/10/2025

Бодитоор залрах Бодьсадва Дээрхийн Гэгээн Далай Багшдаа мөргөх ховор нандин боломжиндоо талархан та бүхэндээ сэтгэлийн амгаланг ерөөж хуваалцмуй.
Бодийн дээд эрдэнийн сэтгэл төрөөгүй нэгэнд нь төрөх болтугай 🙏🙏🙏🌷🌷🌷!

18/10/2025

Сэтгэлийн гэмтлээ эдгээнэ гэдэг нь элдэв дүрд оролгүй, жинхэнэ өөрөөрөө байж, дотор хүүхдээ сонсож, түүнд дутагдсан хэрэгцээг зөвөөр хангаж сурснаар илэрдэг.
Энэ бол маш их хичээл зүтгэл, эр зориг шаарддаг үйл явц.
Хамгийн гол нь та энэ хөдөлмөрөөрөө удмын хараал шиг харагддаг гэмтлийн гинжийг таслаж, үр хүүхэддээ азгүйтлийг, утга учиргүй амьдралыг өвлүүлэхгүй.
💕Энэ чинь л таны хийж чадах хамгийн том гавъяа байх болно.

16/10/2025

Бие сэтгэлийн холбоосыг мэдэрч өөрийгөө халамжлах талаар ярихаас гадна арга барилд нь сургах дуртай. 🥰