МБТ Хүүхдийн эмч нар

10/11/2025

Бурхан багшийн дүйчин билигт сайн өдрөөс эхлэн Grandmed Hospital эмнэлэг дээр

ХҮҮХЭД, НЯРАЙ, ХӨХӨӨР ХООЛЛОЛТЫН үзлэгээ хийж эхлэх гэж байгаадаа талархаж билигшээж байна.

Грандмед эмнэлгийн хамт олонтойгоо хамтран Хүүхдийн тусламжийг эхлүүлж байгаадаа баяртай байна.

“Үзлэгээ хэзээ хийж эхлэх вэ?” гэж асууж байсан ээж аав нар 7700-0066 утсаар цаг товлоод үзүүлээрэй!

Аз жаргал хүсье!

29/10/2025

Баярлах, бахархах, инээх, инээмсэглэх боломжийг бүү алд!

-“Момми та ажлаасаа гарсан биз дээ? Яагаад гэртээ байхгүй номын сан, кофе шопт суугаад байгаа юм вэ? Бид нарыг ирэхэд гэртээ бай л даа.”

-“Найзаа чи минь ажлаасаа гараад ямар завгүй болчихов оо. Уулзъя. Уулзах завгүй бол боломжтой үед нь яръя л даа.”

9 сард өдөр шөнөгүй нэг зүйлийн төлөө хичээлээ.
Хичээсний эцэст хүрч чадсан баярт мэдээгээ хуваалцъя.

ХӨХӨӨР ХООЛЛОЛТЫН ЗӨВЛӨХ мэргэжлээрээ (lactation consultant)
ОЛОН УЛСАД АЖИЛЛАХ ЭРХЭЭ дахин 5 жилээр сунгаж чадлаа (international board certified).

Эрхээ 5 жилээр авахад нэлээн олон процесс, олон шалгуур, олон шалгалтыг давж; багагүй доллар зарцуулдаг юм.

Эерэгээр бол залуу насны ааг, өөртөө итгэх итгэл, эерэг зөв бодол, багагүй хичээл зүтгэлээрээ;

Жоохон дутагдалтай талаас нь харвал цагийг нь тулгаж өөрийгөө 1000% дайчилдаг монгол зан, болно доо бүтнэ дээ гэсэн төлөвлөлтгүй хайнга зангийнхаа горыг багагүй амсаж бие, тархи, сэтгэлээ үнэн гамгүй гэнэт ачааллаа.

Үргэлж найдвартай ар тал хайртай гэр бүл, найзууд; санамсрын иогынхоо ачаар л давлаа.

Бас л чанга байлаа.
Өдөр бүр хичээснийхээ үр шимийг хүртсэндээ баяртай байна.

12/09/2025

Томуугийн вакцин жилд 1 удаа томуугийн улирал эхлэхээс 1 сарын өмнө хийлгээрэй!
Өвдөх, хүндрэхээс сэргийлсэн вакцин байхад өвдөх хэрэг юун. Томуу тоглоом биш шүү!
Өөрийгөө, хайртай хүмүүсээ хамгаалаарай!

13/08/2025

ЭЭЖ ТАНЫ ХӨХНИЙ СҮҮ

ТАНЫ амьдралынхаа туршид учирсан бүх халдварын эсрэг үүссэн ДАРХЛААНЫ АМЬД УУРГУУД-ыг агуулсан шидэт шингэн шүү дээ!!!

Дархлаанд чухал үүрэгтэй эсрэг биеийн төрлүүд.

07/08/2025

Жил бүрийн 8 сарын эхний 7 хоногийг дэлхий нийтээрээ Хөхөөр хооллолтыг дэмжих 7 хоног болгон тэмдэглэдэг.

Энэ жилийн 8 сарын 1-нд Хөхний клиник-ийн хамт олны урилгаар "Хөхүүл үед тохиолдох хөхний эмгэгүүд, урьдчилан сэргийлэх, эрт оношилж эмчлэх нь" сэдвээр Журнал клуб хамтарч хийлээ.

Хөхний мэс заслын эмч, Хөхний клиникийн зөвлөх Б.Одбаяр эмч, Анагаахын англи хэлний сургалтын төгсөгч хөхний мэс заслын эмч Э.Буяннэмэх, Хөхний клиникийн шижигнэсэн эрч хүчтэй эмч нартай танилцлаа.

Зүүн хөхний уйланхайгаа Хөхний клиникийн эмч нарт үзүүлж хянуулаад 2 жил болж байна. Оношилгооны хүчин чадал сайтай найрсаг хамт олон.

Хөхний үрэвсэлт эмгэгүүдийн тархалтын суурь судалгааны ажил хамтарч эхлүүлэхээр ярилцлаа.

Хөхний хавдрын эрт илрүүлгийг дундаж эрсдэлтэй, өндөр эрсдэлтэй гэж ялган хийдэг.

Дундаж эрсдэлтэй 40-74 насны эмэгтэйчүүд 1-2 жилдээ нэг удаа хөхний рентген зураг буюу маммографи шинжилгээнд орохыг зөвлөдөг.

Өндөр эрсдэлтэй эмэгтэйчүүд (хөхний хорт хавдар эрсдэл болдог гентэй-төрсөн ээж ба эгч хөхний хорт хавдраар өвдсөн байх, цээжиндээ туяа эмчилгээ хийлгэж байсан ба хөхний хэв шинжит бус үүсгэвэртэй) хөхний рентген зураг дээр нэмэгдээд MRI шинжилгээнд хамрагдахыг зөвлөдөг.

Хөхний хорт хавдраас сэргийлэх ягаан туузан чимэглэл бэлэглэсэн гүйцэтгэх захирал Д.Сувдмаа ба Хөхний клиникийн хамт олонд баярлалаа.

Илрүүлгийн мэдээллийн эх сурвалж: Screening for breast cancer: Strategies and recommendations UpToDate
Хөхний хорт хавдрын талаар дэлгэрэнгүй мэдээллийг мэргэжлийн эмч нараас асууна уу.

06/08/2025

Өглөөдөө гэртээ сүүтэй Folgers, гадуур чихэргүй латте уудаг зуршлаа шар тостой хийцтэй цайгаар сольж байгаа.

Хөдлөөгүй байхад л хүйтэн хөлс гараад байгаа юм. Өчигдөр хадмууд маань сайхан хорхог хийж өгч халуун чулуу бариулсан.
Хэд хоногоос эгчийгээ гуйж шар тостой хуушуур барина даа.

Хүйтэн хөлсөндөө өөрийн мэдэх арга хэмжээгээ авна.

Анагаахын англи хэлний ганцаарчилсан сургалтын шавь урд төгссөн уламжлалтын эмч Оюунханд маань судас барьж тан бичиж өгсөн. Тангаа нөхөн сэргээх эмчилгээгээ, европ эмнүүдээ дуусгаад эхэлнэ дээ.

Ээлжийн амралттай байгаа тул гэртэй ойрхон, бас найз Лайка маань зөвлөсөн тул Гялс дээр нөхөн сэргээх физик эмчилгээ ээж аавынхаа насны эгч ах нартайгаа хамт хийлгэж байна. Хамгийн залуу нь мань байна лээ.

Бие, сэтгэлээ бодож хайрлахгүй бол наснаасаа өмнө настны өвчин эмгэгээр өвдөнө шүү над шиг.

Гялс төв, Рехамед эмнэлгийн нөхөн сэргээх эмчилгээ сайн үйлчилж, хүзүү нурууны дээд хэсгийн өвдөлт маань сайхан намдаж байна.

Хүзүү, нурууны өвдөлтийн талаар эмч-өвчтний хувиар хүмүүст хэрэг болж магадгүй гээд пост оруулна гэж бодоод 2 жил болжээ. Удахгүй заавал оруулна.

Бусдад хэрэг болж магадгүй гэсэн постууд маань бөөгнөрсөн байгаа. Удахгүй хүзүүгээ дээрдүүлж байгаад бөөндөнө хэхэ.

Өвдөхгүй байх амгалан
Өвчингүй байх жаргал…

30/07/2025

Найзуудтайгаа гарсан чинь хамгийн хөнгөн нимгэн нь мань байна.

Өнөөдөр ч гэсэн улирлаа андуурсан хүн шиг байна.

Та нар нээрээ даараад байгаа юм уу?
Бүрхэг болохоор даарахаас болгоомжлоод өмд цамцаа өмсчихөв үү?

Мань яг өнөөдөр шиг наргүй сэрүүхэн өдөрт дуртай.

Анзаараад байхад манайхан өөрсдөө ч үр хүүхдээ ч хэт бэгнэж дулаалах гээд байдаг.

Даарах тухгүй, дархлаа суларсан явж таарвал ханиад томуу хүрэх, бөөр давсаг үрэвсэхээс эхлээд урхагтай.

Гэхдээ халууцах, хөлрөх; бэгнэх, бөөцийлөх үүнээс ч илүү урхагтай.

👶🏻👧🧒 Хүүхдээ аль болох бөөцийлөхгүй, халууцуулахгүй, дааруулахгүй ердийн ер нь борогдуу өсгөхийг би зөвлөдөг.

👆🏻 Хэт их хамгаалаад байх тусам хамгаалах тогтолцоо нь муу ажиллана.
👆🏻 Хэт их бөөцийлөөд байх тусам өвчлөмтгий өртөмхий болно.
👆🏻 Хэт цэвэрхэн ариун орчинд л амьдраад байвал хамаг юмнаас харшилдаг болно.

✅ Бидний бие махбодь маш ухаалаг, бараг л төгс тогтолцоо.

💪 Ажлыг нь хийлгэх хэрэгтэй. Ажиллуулах хэрэгтэй.

“Эмчээ, охиноо/хүүгээ яаж чийрэгжүүлэх вэ?” гэсэн асуултанд нэг л хариулт өгдөг.

🤱🏻Хөхүүл насны хүүхдээ дан хөхөөр хоолло. Хамгийн багадаа 2 нас хүртэл нь хөхүүлээрэй.

☀️Хөдөө гадаа аль болох боломжоороо удаан бай. Малчны хотонд хонож өтөг бууцан дээр тоглуулаарай!

👣 Хөл нүцгэн алхуулж, байгаль эхтэй ойрхон байлгаарай!