02/11/2025
⁉️Суудлын мэдрэлийн
даралт ба үрэвсэл
Суудлын мэдрэлийн өвдөлт удаан хугацаанд үргэлжилбэл мэдрэлийн гэмтэл тогтворжиж,
нөхөн сэргэхэд маш хүндрэлтэй
болдог тул цаг алдах нь аюултай.
1️⃣ Суудлын мэдрэл гэж юу вэ?
💎 Суудлын мэдрэл (Sciatic nerve) бол хүний биед хамгийн урт, хамгийн хүчтэй мэдрэл юм.
💎 Энэ нь нурууны доод хэсгээс (L4–S3) эхэлж, аарцаг, өгзөг, гуя, шилбэ, хөлийн хуруу хүртэл тархдаг.
⁉️Хэрэв энэ мэдрэл дарагдаж,
үрэвсвэл дараах шинж илэрнэ.
• Ууц, өгзөг, гуя, хөл шилбэ даган
хатгуулж өвдөх
• Мэдээ алдах, чимчигнэх, сулрах
• Хөдөлгөөн хязгаарлагдах
2️⃣ Цаг хугацаа алдвал юу болох вэ?
🧠 Мэдрэлийн гэмтэл тогтворжино — даралт, үрэвсэл удаан үргэлжилбэл мэдрэл үхжилд орж, сэргээгдэх чадвар буурна.
💪 Булчингийн хатингаршил (atrophy) — өгзөг, гуя, хөлний булчин ажиллахаа больж сулрах, багасах.
🚶 Алхалт, тэнцвэрийн алдагдал — доголон алхалт, хүчгүйдэл, бадайрал үүснэ.
🔥 Архаг өвдөлт тогтворжино — эмчилгээ хийсний дараа ч өвдөлт үлдэх магадлалтай.
💧 Шээс, өтгөний хяналт алдагдах (Cauda Equina Syndrome) — энэ бол яаралтай эмнэлгийн тусламж шаарддаг хүнд хэлбэр юм.
3️⃣
🔸Эрт үед эмчилгээ эхэлбэл
Мэдрэл, булчин нөхөн сэргээх чадвартай, эмчилгээ хурдан
үр дүнтэй байдаг.
🔸Хожуу үед: Үрэвсэл архагшин, мэдрэлийн урвал сулран, булчин хатингаршиж эдгэрэлт удааширна.
🩺 Иймд хөл, гуя, шилбэ, шагай хүртэл бадайрал, өвдөлт мэдрэгдэж байвал цаг алдалгүй эмчилгээ хийлгээрэй.
4️⃣ Үр дүнтэй эмчилгээний аргууд
☝️Бариа засал, физик эмчилгээ, нурууны татлага, сунгалт, халуун чулуун эмчилгээ, дасгал, татлага зэрэг эмчилгээ хамгийн үр дүнтэй байдаг.
☝️Өвдөлт эхэлснээс хойш эхний
1–3 долоо хоногт эмчилгээ эхэлбэл мэдрэлийн даралт буурч, өвдөлт
бүрэн арилгах боломж өндөр.
☝️Харин 2–3 сар өнгөрвөл,
булчин хөшиж, диск болон ясны байрлал тогтворждог тул илүү урт хугацааны нөхөн сэргээх эмчилгээ шаардлагатай болдог.