10/12/2025
АШУҮИС-ийн МЯЭ-ийн Сувилахуйн албанаас Шинэ сувилагч нарын 100 дах өдрийн “Мэдрэмж хуваалцах уулзалт”-ыг 2025.12.05-ны өдөр зохион байгууллаа.
Шинэ сувилагчийн ажлын өдрүүдийн мэдрэмж, ажлын орчин, дэмжлэгийн хэрэгцээг тодорхойлон санал бодлыг хуваалцаж, хамт олны халуун дулаан уур амьсгал бүрдүүлэх зорилготой хийсэн энэ удаагийн уулзалтаар 2025 онд төгсөөд ажлынхаа гарааг МЯЭ-ээс эхэлсэн шинэ сувилагч нартай сэтгэгдэл хуваалцаж, эерэг сайхан орчинд цагийг өнгөрөөлөө.
Шинэ сувилагч нар сэтгэл хангалуун байдлаа өөрийн хүсэл сонирхлоор ажиллаж байгаа болон сувилахуйн тусламж үзүүлэх үйл явц, ажлын орчин нөхцөл, хамт олны урам хайрласан, магтаалын үгс, алдаа гаргасан ч тайвшруулж, зааж сургадаг тасгийн ахлах, ээлжийн ахлах сувилагч, тасгийн сувилагч нартаа талархлаа илэрхийлсэн. Мөн хэцүү үйлчлүүлэгчтэй харилцах, ээлжийн цагийн хуваарь, сайн эзэмшээгүй гардан үйлдлүүд, нойр амралтаа зохицуулах, зарим үед ядрах зэргээр тулгамдсан асуудал байдаг талаар нуулгүй илэрхийлсэн. Цаашид мэргэжлээрээ илүү сайн суралцах, гадаад хэл сурах зэргээр өөрийгөө хөгжүүлэх болон шинэ сувилагч нарын дунд бусад тасаг нэгжийн үйл ажиллагааг танилцуулах, чөлөөт цагаа зөв боловсон өнгөрөөх урлаг соёлын арга хэмжээг зохион байгуулбал идэвхтэй оролцох талаар санал гаргаж, ЭЭТ-ийн сувилагч Г.Олонбаяр бүх сувилагч нартаа зориулж, ая дууны мэндчилгээ дэвшүүллээ.
МЯЭ-ийн хамт олны нэг болж ажлын гараагаа эхэлж байгаа та нартаа ажлын өндөр амжилтыг энэ хорвоогийн сайн сайхан бүхэнтэй нийлүүлэн хүсэн ерөөе.
Сувилахуйн алба
