26/08/2025
ХУУЛИЙН ДАГУУ АВЧ БУЙ АРГА ХЭМЖЭЭ✅:
Нидерланд дахь Purovitalis B.V. компани нь тухайн улсдаа байх БНХАУ-ын элчин сайдын яам-д хандсаныг орчуулан хүргэж байна.
Яагаад БНХАУ-ын элчин сайдын яамд хандсан бэ❓
Учир нь анх гарсан худал мэдээлэл БНХАУ-д байх үйлдвэр гэх хэн ч хараагүй, хэн ч мэдэхгүй чатын скрийн шотоос өөр зүйлгүй мэдээлэл байсан. Мөн Компанийн нэр хүндэд халдаж буй этгээд нь БНХАУ-д оршин суугаа юм.
✅Миний бие болон манай Скайлайн Велнэс ХХК-нь энэхүү бүтээгдэхүүний албан ёсны борлуулагч. Үйлдвэрлэгч биш. Тухайн этгээдийн бүтээгдэхүүний нэр хүндэд халдаж буй асуудал нь Нидерланд дахь компанийн шууд хариуцах асуудал юм.
Орчуулга👇
Нидерландын Вант Улс дахь
Бүгд Найрамдах Хятад Ард Улсын
Элчин сайдын яам
Эдийн засаг, худалдааны хэлтэст
Нидерландын Вант Улс
Хүндэт ноён/хатагтай,
Purovitalis B.V.-ийн нэрийн өмнөөс манай компанийн нэр хүнд, Монгол Улсад явуулж буй худалдаа, бизнесийн ашиг сонирхолд ноцтой, тасралтгүй хор хохирол учруулж буй асуудлын талаар Танд албан ёсоор хандаж байна.
БНХАУ-д оршин суудаг Монгол Улсын иргэн ноён Сүхочирын Мөнхбат манай компанийн эсрэг санаатайгаар гүтгэлгийн шинжтэй, худал мэдээлэл олон нийтийн сүлжээгээр тарааж байна. Тэрээр Хятад Улсын иргэн Mark Zhou (wechat дугаар: 8619138075860)-тай харилцсан гэх чат бичлэгийг нийтэлж, Purovitalis-ийн бүтээгдэхүүн Хятадад хуурамчаар үйлдвэрлэгдэж байна гэж худал мэдээлэл тараасан. (эд мөрийн баримтуудыг хавсаргав)
Үүнээс гадна тэрээр Монгол дахь манай албан ёсны төлөөлөгч ноён Б.Дугархүү болон түүний удирддаг Skyline Wellness ХХК-ийг дээрх үйлдвэрт бүтээгдэхүүн захиалсан мэтээр санаатайгаар худал мэдээлэл түгээсэн нь нөхцөл байдлыг бүр ч дордуулсан. Үүний улмаас Монгол Улсад манай бүтээгдэхүүний хуурамч хувилбар худалдаалагдаж буй мэтээр буруу ойлголт түгэхээс гадна манай брэндийг БНХАУ-д хууль бусаар ашиглаж байна гэсэн ташаа ойлголт олон нийтийн дунд үүсгээд байна.
Бид эдгээр мэдэгдлийг эрс няцааж байна. Purovitalis хамгийн өндөр чанарын хяналт, хууль эрхзүйн шаардлагын дагуу үйл ажиллагаа явуулдаг бөгөөд бүтээгдэхүүнийхээ жинхэнэ, аюулгүй гэдгийг нотлох бүрэн баримт бичигтэй. Ноён Сүхочирын Мөнхбат-ын дээрх үйлдэл нь санаатай гүтгэлэг, нэр хүндийг гутаах, хууль ёсны экспортын үйл ажиллагаанд шууд халдсан үйлдэл гэж үзэж байна.
Үүссэн хохирол маш их хэмжээтэй байна. Худал мэдээллийн улмаас хэрэглэгчдийн итгэл сулрахын зэрэгцээ Монгол дахь манай экспортын бизнес ноцтой эрсдэлд орж байна. Энэ төрлийн үйлдэл нь хүлээн зөвшөөрөх боломжгүй бөгөөд нэн даруй арга хэмжээ авах шаардлагатай.
Иймд бид Танаас дараах арга хэмжээг авч өгөхийг албан ёсоор хүсч байна:
1. Энэхүү санаатай гүтгэлэгтэй холбоотой асуудлыг шийдвэрлэхэд Элчин сайдын яамны зөвлөгөө, дэмжлэгийг үзүүлэх.
2. Холбогдох байгууллагууд албан ёсоор мөрдөн шалгах ажиллагаа эхлүүлэх.
3. Ийм төрлийн худал мэдээллийг дахин түгээхээс сэргийлэх арга хэмжээ авах.
Энэ асуудал нь манай компанийн хувьд нэн тэргүүний ач холбогдолтой бөгөөд танай байгууллагаас үүссэн нөхцөл байдалд яаралтай арга хэмжээ авна гэдэгт итгэж байна. Бид холбогдох бүх баримт, нотолгоог гаргаж өгөхөд бэлэн.
Таны шуурхай анхаарал, туслалцаанд урьдчилан талархал илэрхийлж, хариуг нэн даруй хүлээж байна.
Хүндэтгэсэн,
Коэн Риддер
Гүйцэтгэх захирал
Purovitalis B.V.
