09/08/2016
АМЬДРАЛЫГ ТЭТГЭГЧ ОЗОН ЭМЧИЛГЭЭ
Озон гэдэг бол хүчилтөрөгч O2 + O=O3 юм. Байгалдаа озон нь агаарыг цэвэршүүлэн бактерийг устгадаг, сансраас ирэх хорт туяанаас хамгаалдаг бөгөөд хүчилтөрөгчийг бий болгогч, амьдрал бэлэглэгч, амьдрал тэтгэгч, хүчилтөрөгчийн хамгийн идэвхтэй хэлбэр, хамгийн ашигтай хий гэж үздэг.
Озон нь биед O2 + O болон задарч, махбодийг идэвхитэй хүчилтөрөгчөөр хангадаг бөгөөд нэг чөлөөт О нь цусан дахь бактери, вирус, мөөгөнцөр, хорт нэгдлүүдийг устган гадагшлуулдаг.
Европын орнууд, орост озон эмчилгээг өргөнөөр хэрэглэдэг бөгөөд зөвхөн озоноор эмчилдэг том том эмнэлгүүд байдаг. Бидний сайн мэдэх Фидель Кастро, Английн хатан хаан нар нь озон эмчилгээг байнга хийлгэж эрүүл, сэргэлэн цовоо амьдардаг ажээ. Энэ бол эмийн бус эмчилгээг дэлхий нийтээр сонирхох болсоны нэг жишээ бөгөөд ямар нэг гаж нөлөө хоргүй, байгалаар эмчлэх ашигтай арга бол озон эмчилгээ юм.
Бидний бие махбодын бодисын солилцоо нь хүчилтөрөгчтэй нэгдэн эцсийн процесс явагдах ёстой бөгөөд агаарын дутагдал, өдөр тутмын ачаалал, стресс, насны байдал,үрэвсэлт өвчин зэргээс хүчилтөрөгчийн дутагдал үүсч, ядаргаа, хатуурал, бүх өөрчлөлт хөгшрөл, өвчин эмгэг явагддаг. Хаана өвчин, эмгэг байна тэнд хүчилтөрөгчийн дутагдал, бодисын солилцооны гаж урвал үүсдэг. Хаана хүчилтөрөгч дутуу байна, тэнд өвчин үүснэ, хаана өвдөнө тэнд хүчилтөрөгчийн дутагдал үүссэн байдаг байна.
Озон давтагдашгүй хэд хэдэн онцлог чанартайгаараа маш хүчтэй эмчилгээ болдог. Бидний өдөр ту¬там хэрэглэдэг сахар, өөх тосыг бо¬ловс¬¬¬руулахын тулд хүчилтөрөгч хэрэгтэй болдог. Хэрэв хүчилтөрөгчийн энэ дутагдал урт удаан хугацаагаар үргэлжилбэл хүний биеийн эд эс хүчилтөрөгчөөр хангагдаж чадахаа больж, исэж эхэлдэг. Яг энэ үйл явц буюу хүчилтөрөгчийн дутагдал нь олон өвчний, тэр дундаа хорт хавдрын ч эх үүсвэр болдог.
Озон нь хүний биеийн эд эсийн түвшинд цусны эсүүдийг идэвхижүүлэн, улаан хүчилтөрөгчөөр биеийг хангаж өгөх ба бусад эсүүдийг идэвхижүүлсэнээр хүний дархлаа, исэлдэлт хөгшрөлийн эсрэг системийг идэвхижүүлэн, халдвар, элдэв харшлын эсрэг идэвхтэй тэмцэж чадахаар болдог.
Озон нь цусаар эргэлдэхдээ цусанд хөвж байгаа нян бактери, вирус, мөөгөнцөрийг шууд устгадаг. Озон нь хүний биеийн эдгэрч илаарших явцыг идэвхжүүлдэг учир мэс заслын дараах шарх, түлэгдсэн, зүссэн гээд гээд төрөл бүрийн шарх аниж эдгэхэд тустай. Мөн экзем, хайрст үлд, мөөгөнцөр гээд арьсны хүнд төрлийг өвчнүүдийг анагаахад ашигладаг. Эмэгтэйчүүдийн болон арьсны мөөгөнцөр арилах нь маш сайн мэдэгддэг.
Озон нь цусанд байгаа хортой хаягдал нэгдэл, бодистой нэгдэн идэвхигүй болгон гадагшлуулдаг. Биеийн эд эс бүхэнд хангалттай хэмжээний хүчилтөрөгч очоод, бие цэвэр агаараар амьсгалж эхлэх үед өөрийгөө хорт зүйлсээсээ цэвэрлэж эхэлдэг. Озон эмчилгээний давуу тал гэвэл маш олон зүйлийг дурдаж болно:
• Озон цусан дахь сахар, холестриныг бууруулна.
• Озон нь цусыг шингэлдэг.
• Озон нь дархлалыг сайжруулна.
• Озон нь антиоксидант системийг дэмжин хөгшрөлийг сааруулдаг.
• Озон нь бодисын солилцоог хэвийн болгодог учир чихрийн шижингийн үед эрхтэн системийн үйл ажиллагаа сэргэдэг.
• Озон цус шингэлэн, цусны эргэлт сайжруулдаг учир тархи, зүрхний үйл ажиллагааг сайжруулдаг нь онцгой мэдрэгддэг. Хүний нойр сайжран, бие хүндрэх, залхуу хүрэх, ядрах зовиур арилан ой санамж сайжрана.
Озон эмчилгээг хийлгэснээр бүх төрлийн харшил, хорт хавдрын өвчтэй хүмүүсийн дархлааг эсийн түвшинд сайжруулна. Хорт хавдрын хими эмчилгээний дараах гаж нөлөөг багасгана. Зүрхний хэм алдагдахаас эхлээд астма, бронхит, хоолойн ангина гээд олон төрлийн өвчнийг дарахад үр нөлөөтэйн дээр наснаасаа эрт хөгшрөх, ой тогтоолт муудах зэргээс сэргийлдэг байна. Хүчилтөрөгчийн хэрэглээ багассанаас хүний бие махбодийн бүх үйл ажиллагаа суларч, хөгшрөл түргэн явагддаг. Хөгшрөлт болох архаг өвчин нь хүчилтөрөгчийн хэрэглээнээс 100 хувь хамаардаг болох нь олон төрлийн судалгаагаар батлагдсан байдаг. Хордлого, халдвар, нойргүйдэл, тэжээлийн дутагдал, бодисын солилцооны хямрал, гормоны өөрчлөлт, стресс, үрэвсэл зэрэг нь хүчилтөрөгчийн дутагдлыг үүсгэдэг. Тиймээс озон эмчилгээг хийлгэх нь маш ашигтай. Озоныг целлюлиттэй хэвлий гуя, гарт хийхэд целлюлит задран арилдаг, өөх хайлж турдаг билээ.
Озоныг жирэмсэн эхчүүд хийлгэх нь хамгийн ашигтай, хүүхдийн биеийн төлжилтөнд сайн нөлөөлдөг ба эрүүл тайван хүүхэд гардаг.
Озон эмчилгээний заалт
Мэдрэлийн өвчнүүд :
Тархины судасны хатуурал, тархины цусан хангамжийн архаг дутагдал( тархи өтлөх), тархины шигдээсийн дараах сэргэлтийн үе, захын мэдрэлийн өвчнүүд, мигрень.
Мэс заслын өвчнүүд:
Буглаа , шархны халдвар, сепсис, перитонит, цоорол, түлэнхий, удаан хугацаанд эдгэрэхгүй шарх, архаг остеомиелит, венийн судасны тромбофлебит, доод мөчний судасны нарийсал, бөглөрөл
Дотрын өвчнүүд:
ходоодны замын архаг үрэвсэл ба шарх, шулуун гэдэсний үрэвсэл колит, элэгний хатуурал, ревматизм, үений артрит, артроз, зүрхний архаг өвдөлт, зүрхний судасны хатуурал, харшил, арьсны өвчнүүд, амьсгалын замын өвчнүүд,
Сахарын шижинд сахар бууруулж, тодорхой түвшинд барина.
Шээс бэлгийн замын өвчнүүд:
архаг бөөрний пиелонефрит, давсагны цистит, шээсэн сүвний үрэвсэл, простат булчирхайн үрэвсэл.
Арьсны өвчнүүд:
хатиг гарах, арьсны идээт тууралт, герпес, мөөгөнцөр, склеродерми, псориаз, нейродермит, эакзем, хавтгай улаан үлд, дерматит
Гоо сайханд:
Батга, целлюлит, таргалалт аллопеци.
Эмэгтэйчүүдийн өвчнүүд :
Жирэмсэний хордлого
Ургийн өсөн төлжилтийн саатал
Эмэгтэйчүүдийн янз бүрийн эмгэгүүд
Жирэмсэлтийн явцыг дэмжихэд
Эрчимт эмчилгээнд:
Хагалгааны дараах гомеостазын үе, сэхээн амьдруулалтын дараах үе, хордлогын дараах үе зэрэг олон тохиолдолд хэрэглэнэ.
Хориглох заалтууд:
• Зүрхний хурц шигдээс(шинэ үед),
• Тархины хурц харвалт (шинэ үед)
озон эмчилгээг хийхгүй.
• Цус алдалт, гипертиреоз, уналт таталт, тромбоцитопени, озонд харшилтай байх үед хийхгүй.
• Бамбайн булчирхайн хордлого
• Идэвхитэй сүрьеэ өвчин
• Архины хурц хордлого зэрэгт хийхгүй.
Үйлчилгээний гол механизм нь:
• Бактер устгах
• Вирус устгах
• Мөөгөнцөр устгах
Биеийг системээр нь сэргээх үйлдэлтэй:
• Цусаар хүчилтөрөгч зөөгдөх үйл ажиллагаа сэргэх
• Цус шингэлж, цусны сахар бууруулна.
• Цусны антиоксидант (хөгшрөлийн эсрэг) үйлдэл сэргэх
• Эрхтэн системийн цусны эргэлт, зах хязгаарын цусны эргэлтүүд сэргэх
• Цусны бүрэлдэхүүнийг тэгшлэх, цус төлжилт сэргэх
• Нүүрс ус, уураг, өөх тосны солилцоог хэвийн болгох
• Биологийн идэвхитэй, ашигтай бодисын ялгаралтыг ихэсгэнэ.
• Дархлааны гажуудлыг засах
• Өвдөлт намдаах
• Хоргүйжүүлэх үйлдэлтэй
Озон нь гэмтсэн холбоос эд, шөрмөс, үе мөчний эд эсийг нөхөн сэргээж, эд эсийг хүчилтөрөгчөөр ханган, эмгэг микро организмыг устгадаг давуу талтай. Мөн цусны эргэлтийг сайжруулж, эд эрхтэнийг тэжээлээр хангадаг. Мөн ямар нэг эмийн эмчилгээ хийгдэж байхад, түүний үр дүнг ихэсгэдэг.
Озон эмчилгээ буюу цус шингэрүүлж, бүх биеийн дархлаа сайжруулах, зүрх судасны аливаа өвчнийг эмчлэхэд нэн үр дүнтэй юм. Өөрөөр хэлбэл, цусанд хүчилтөрөгчийг нэмж өгснөөр бүх биеийн хүчилтөрөгчийн хэмжээг нэмэгдүүлж мөн цусанд байгаа илүүдэл өөх тос зэрэг хэрэггүй бодисыг биеэс хөөж гаргадаг. Нэг үгээр цусан доторх ямар нэг хортой бодис байхгүй болно гэсэн үг юм.
Эмчилгээг хийх арга:
• Озонтой дусал
• Цусыг озонжуулж тарих
• Үенд, нуруунд озон тарих
• Арьсанд озон тарих
Эхний 2 удааг дараалан хийгээд дараа нь 2-3 хоногийн зайтай 7- 10 удаа хийлгэснээр нэг курс эмчилгээ болно. Эмчилгээг мэдрэл, зүрх судасны өвчин, сахарын өвчнөөс урьдчилан сэргийлэх зорилгоор ба эмчилгээний зорилгоор хийдэг.
Озоны эмчилгээ нь хийнгүүт л нөлөө нь мэдэгддэг, бие хорт бодисоо гадагшлуулах үед бага зэрэг зовиур илэрч магадгүй юм. Гэхдээ энэ бол эмчилгээний сөрөг нөлөө биш. Германд хийсэн нэгэн судалгаанд озоны эмчилгээ хийдэг 644 эмч хамрагдаад, тэдний эмчилгээнд орсон 384000 өвчтөн дунд сөрөг нөлөө илэрсэн 40 тохиолдол гарсан гэж мэдэгджээ.
Энэ эмчилгээ эмийн бус, байгалын гаралтай, хүнд хоргүй хамгийн сайн, ашигтай эмчилгээ юм.
Уг эмчилгээг хийлгэхийг хүсвэл “Энхбаясгалан” эмнэлэгт хандана уу.
Эмнэлгийн хаяг: Улаанбаатар хот, Сүхбаатар дүүрэг, 103 түргэн тусламжийн байртай залгаа 16 давхар хар ногоон байшин, Люксмед эмнэлгийн 2-р давхарт 206 тоот.
Холбоо барих утас: 99099286
