Гоодаль

Home
Mongolia
Ulaanbaatar
Гоодаль

Official Platform Of AMGALAN TSOGT
(2)

Сэтгэл засалч, ГООДАЛЬтм-ийн бүтээгдэхүүнүүд болох ГООДАЛЬ сэтгүүл, ГООДАЛЬ сэтгэл зүйн дээд платформын үүсгэн байгуулагч,
Гэрээ гийгүүлье
Зөвхөн эмэгтэйчүүдэд
Ангижрал
Зүрхний улирал
Уй гашууг даван туулахуй
Увдис төгс
Төгс эдгэрэл аудио цомгууд зэрэг СЭТГЭЛЭДГЭРЭЛ©-ийн цуврал лекцүүдийн зохиогч,
1000 гаруй өгүүлэл, нийтлэлийн зохиогч
ИНЖ...ГИНЖ
ОЧИРЫН БОРОО
ГЭРЭЛТ СҮҮДЭР
ЦЭНХЭР ШУВУУ зэрэг СЭТГЭЛЭДГЭРЭЛ© сургалтын системийн сэтгэл зүйн анхан, ахисан дээд шатны трансформац-цахим хөтөлбөрүүдийн зохиогч, удирдагч

СЭТГЭЛЭДГЭРЭЛ© сургалтын системээр дамжуулан давхардсан тоогоор 3000 гаруй хүнийг ээж, аавтай нь эвлэрүүлэх замаар дотоодын эвлэрэлд хүргэж, ГЭРЭЛТ ЦАМХАГ төслийн хүрээнд цахим сувгуудаараа 100000 хүнийг сэтгэл эдгэрлийн зам өөд хөтөлж байна.

24/10/2025

Заяаны хань гэж байдаг уу?

Би нэг удаа хайртай залуудаа “Хэрэв чи өөр эмэгтэйтэй болох юм бол надад хэзээ ч мэдэгдэхгүйгээр л хийгээрэй, би тэсч чадахгүй” гэж билээ.
Би даанч залуухан байж, бусдын сул дорой байдалд ийм өршөөнгүй хандаж байгаа маань насанд хүрэгчийн том байр суурь гэж тэнэгтэж явж. Тэр залуу бүхнийг эсрэгээр хийсэн, өршөөл уучлал ирээгүй, харин өвдөлт, ёстой салж хагацдаггүй асар их өвдөлт бол ирсээн.

Дараа нь би хайртай эр хүндээ “Хэрэв чи өөр эмэгтэйтэй болох юм бол надад шууд хэлээрэй, нам гүм, найртай сайхан салъя” гэж хэлсэн юм. Би том болсон ч байж, элдэв маргаан, илүү нерв бол лай л байлаа. Тэр бүхнийг эсрэгээр хийсэн, ёстой муур хулганын нервээр наадаж, лайны лай болсоон.

Харин одоо бол би, “Хэрэв чи өөр эмэгтэйтэй болох юм бол зүгээр чөтгөр лүүгээ үүрд тонилоорой” л гэнэ. Хэдэн ч хүүхэд, хичнээн ч капитал үүнд саад болохгүй. Хэрэв тэр намайг сонгохгүй л юм бол, хэрэгтэй нь авбал авна биз, надад лав хэрэггүй.
Энэ бол хамгийн тансаг сэтгэлийн төлөв юм байна.
Татьяна Марач

Хүний амьдралын хамгийн чухал хоёрхон асуулт болох: ..хаашаа явах..хэнтэй явахыгаа шийдэх л үлдлээ, танд.

Ямар ч хаяг, зам, хань сонгосон үргэлж сэтгэл дүүрэн байхыг ерөөе!

2025.11.21-нд эхлэх ОЧИРЫН БОРОО® цахим хөтөлбөрийн алтан багцын бүртгэл ГООДАЛЬ™ платформ дээр нээлттэй.
https://goodali.mn/soulhealing/2

23/10/2025

Хамгийн үзэсгэлэнтэй нас

Одоо 173 см өндөртэй охин минь 5-р анги хүртлээ ангидаа, байрандаа хамгийн намхан нь явсан. Гэдсэнд байхад нь 2-р төрөхийн Цэцгээ эмч маань, жин нь бага байнаа л гээд байдаг байж билээ. Тэгээд би идсээр өөрөө 90 кг хүрч, охин минь жижиг хэвээрээ л төрсөн.
6 сар хүрээд цахиур нь цухуйхгүй болохоор Байгаль эмч дээр очсон. Авсан зургаа хараад “Амгалаан, зүгээр бай, бүх шүд нь байрандаа л байж байна, цаг нь болохоор гарч л таараа шүү дээ” гэсэн. 9 сар хүрч байж шүдэлсэн.
Мөлхөөгүй. Гэхдээ хөлд оруулагчтайгаа тачигнаад л юм арчаад явдаг байж билээ. Хэлд орсон ч ярих дургүй ямх охиноо Ганцэцэг эмч дээр авч очив.

Концертон дээр хажууд нь суусан хүн миний охиныг ой ч хүрээгүй гэж бодсон байх, өхөөрдөөд амьтан дуудах мэт шогширсонд хоёр настай охин минь өөдөөс нь “Чи нохой биш, хүн” гэснийг ярин инээлдэв. Хөөрхий нөгөө хүн ахиж бидний зүг хараагүй, тайз манай зүгт байсан болохоор концертоо ч үзээгүй байх.

Охины дээд талын ах дандаа амьтан дуурайж дуугардаг хүүхэд байсан. Мөстлөгийн эринийг үзээд хэдэн сар бар болж баахан архирсан. Дараа нь чоно нохойны тухай баримтат кино үзчихээд энд тэндгүй оцойж суугаад улиад, хуцаад байдаг болчихсон хүүгээ “Чи нохой биш хүн шүү дээ, боль одоо, дээд доод айлууд манайхыг бүр нохойгоо гаргаач ээ гээд байдаг боллоо” гэж тоглоомоор “загнадаг” байсан үе.

Эмч охинтой ярив. Өнгө нэрлүүлэв. Уламжлалт улаан ногоон гээд явж байснаа номин, нил ягаан, нимбэгэн шар, луувангийн улбар, индранил хөх, маргад ногоон гээд хэсэг явав. Шүлэг уншив. Өөрийнхөө зохиосон. Бүжиг бүжив, өөрийн урын сангаас. Онигоо ярив. Бас хувийн бүтээлийн архиваас.
-За, Амгалаан, миний үүдэнд “ээдээ, аабаа, май, дадаа” гэхээс өөр үг хэлдэггүй таван настан сууж байна. “Тайн бэйнүү, дүгээл дүгээл” гэж ярьдаг хоёрдугаар ангийн сурагч ч байна. Гэтэл та надад солонгын долоон өнгөнөөс гадна далайн хөөсний өнгийг нэрлэдэг, том хүнийг шог яриагаараа инээлгэж чаддаг хоёр настай хүүхэд авчраад ямар нэг өсөлтийн тухай ярьж суух юм. Би таныг энд ахиж хармааргүй байна. Цаг илүүдээд байгаам бол охинтойгоо анимэ ном гаргаж, эсвэл сэтгэл зүйгээр сур гэж билээ.

Охиноо би дандаа магтдаг болсоон.
Хойно төгсөж ирсэн ч 15 мянган төгрөгийн цалинтайдаа гутардаг, таньдаг бүхэндээ өртэй, нүүрээрээ дүүрэн батгатай, уртаашаа ганц гуталтай байхад минь “Миний охин маш баян болно. Бас 50 гараад хамгийн үзэсгэлэнтэй болно” гэж хэлдэг байсан аавыгаа санав.
Хамгийн үзэсгэлэнтэй насан дээрээ аавыгаа их санадаг юм байна.

2025.11.21-нд эхлэх ОЧИРЫН БОРОО® цахим хөтөлбөрийн алтан багцын бүртгэл ГООДАЛЬ™ платформ дээр нээгдлээ.
https://goodali.mn/soulhealing/2

ГООДАЛЬ хуудасны пост бүрийг алгасалгүй үзэхийг хүсвэл “Follow” товчин дээр дараад, “Favorites” тохиргоог сонгоорой.

23/10/2025

Хувцастай эмэгтэйг хүртэл нүцгэн харагдуулахын тулд л туфли байдаг юм.
Кристиан Лабутен

Чиний хувцасны шургуулгануудад мөрөөдлийн тэнгэр цэлийж, бодлын тэнгис цалгиж, мөнгөн ноён оргилууд сүндэрлэж байг.

2025.11.21-нд эхлэх ОЧИРЫН БОРОО® хөтөлбөрийн алтан багцаас өмнө заавал сонсох
Хувцаслан тайчихуй лекц©
https://goodali.mn/albums/6/30

23/10/2025

Амжилттай хүн бүр зөвхөн үүнээс л эхэлдэг

Олоон жилийн өмнө их сургуулийн 4-р курст байхдаа нэг редакцид хагас цагийн сэтгүүлчээр ажиллах болсон юм.
Одоогийнх шиг компьютер дээр ажиллах биш, бид бүх материалаа цаасаар бэлддэг байсан.

Нэг удаа яаралтай засах хэрэгтэй бичвэрийг редакторын гэрт хүргэж өгөхийг надад даалгасан юм.
Ямар ч сэтгүүлчийг мэдрэлийн ядаргаанд хүргэдэг “тамын сахиус” хочтой редакторын минь надаас: ..Кофе? гэхэд
-Өө хэрэггүй дээ, та надад ингэж...
-Чамд ингэж байгаам биш, би өдөр бүр ингэдэг...

Тэр тийм ч баян байгаагүй.
Улиралдаа солих хэдэн хувцастай, ганц цүнхтэй, өдрийн хоолоо дандаа тэр цүнхэндээ хийж авчирдаг, хэзээ ч нийтийн баяр цэнгээнд ордоггүй.
“Гэвч ийм цэвэрхэн байранд, ийм цэмцгэр амьдардаг, өдөр бүр ингэдэг байж” гэх бодол толгойд орж ирэх төдий тархинд минь асар их гэрэл цэлсхийн асах мэт,

“Өдөр бүр ингэдэг учраас л Москвагийн давс асгасан нялцгай цасыг туучилгүй нисээд ирсэн гэмээр дандаа цэвэрхэн гуталтай, хот даяараа ус тог тасарсан ч үүрд онц индүүдлэгтэй цасан цагаан цамцтай байдаг юм байна” гэх өөр нэгэн бодол цутган орж ирсэн юм.

“Хэрэв өөртөө зориулах цаг чамд байдаггүй бол өөр юунд ч зориулах цаг уулаасаа байхгүй” гэдэг үгийг нь би ингэж л нэг юм ойлгох байж.
Энэ бол цаг хугацааны, мөнгөний асуудал биш.
Энэ бол хандлагын л асуудал: өөртөө хандах хандлагын асуудал.
Тэр хэзээ ч өөрийгөө хайрла майрла гэж ярьдаггүй байсан.
Цахимын эринийг тэр үзээгүй нь болж гэж би хааяа боддог юм.

Харваас ахуйд талхиулсан харцтай, “мангар” хувцастай, “царай муутай” увайгүй хүмс “Өөрийгөө хайрла” гэж дорой хоолойгоор донгодохыг сонсч даралтаа буудуулаагүй нь яамай.

Амжилтанд хүрсэн учраас тэр хүн цардсан цамцтай байсан юм биш, харин цамцаа үргэлж царддаг байсан учраас л амжилтанд хүрсэн юм билээ.
Тэр амжилт өөртөө цаг гаргахаас эхэлдэг.
Царайгаа тордохоос.
Царай алдсан амьдрал.
Царай алдсан сэтгэлээ тордохоос л эхэлдэг юм өө.
Би ч бас тэгж л эхэлж байсан, амжилттай хүн бүр зөвхөн үүнээс л эхэлдэг.
Чи ч бас эхэл.

2025.11.21-нд эхлэх ОЧИРЫН БОРОО® цахим хөтөлбөрийн алтан багцын бүртгэл ГООДАЛЬ™ платформ дээр нээлттэй.
https://goodali.mn/soulhealing/2

22/10/2025

Ferrari vs Lamborghini

1960-аад он. Тракторын үйлдвэрийн эзэн Ферруччо Ламборгини тухайн үеийн баячуудын жишгээр Ferrari унадаг байв. Өөрөө нэгийг, эхнэр нь бас нэгийг. Гэхдээ нэг асуудал байсан нь суперкаруудын холболт байсгээд л салчихдаг явдал байв. Ээлжит тохиолдлын дараа Ламборгини механикуудаараа машиныхаа холболтыг задлуулахад яг л тракторт байдаг шиг эд анги байхад нь бүр мэл гайхсан гэдэг. Тракторын тэр деталь 10 лир байхад Ferrari-гийн засварын газарт 100 дахин өндөр үнээр түүнийг сольж өгдөг байж. Гоодаль

Ламборгини тэр даруй Энцо Феррари дээр давхиж очоод энэ асуудлыг сайжруулж болох санал тавьж. Хариуд нь “За хө, тракторчин минь, талбайдаа л таахалз. Харин миний супер машинаас хол яв” гэхийг сонсоод шар нь буцалжээ. Хэдхэн сарын дотор машины үйлдвэр барив, Ferrari-гийн хуучин инженерүүдийг хуу хамж авчрав, бүх талаар илүү машин бүтээх галзуу санаагаа хэрэгжүүлж эхлэв. Ганцхан жилийн дараа гаргасан суперкарын нээлтэн дээр нь “Хэн ч юм болохыг хүсч байгаа нь Ferrari-г унаг. Харин аль хэдийн болчихсонд нь Lamborghini байна! ” гэсэн үг цуурайтаж байлаа. Гоодаль

Феррари Ламборгини хоёрын 60 жилийн дайн ийнхүү эхэлсэн юм. Гэвч хоёр хүн муудахад гурав дахь нь хождог жам ёсоор тэдний өрсөлдөөний үр дүнд дэлхий улам галзуу супер машинуудыг хүртсээр байна. Харин хувь заяаны эргэлтээр Феррарид хөөгдөж явснаа мартсан Ламборгини устөрөгчийн эслэгийн санаа дэвшүүлсэн инженер Горацио Паганиг бүдүүлгээр зайлуулжээ. Тэр нь яаж зүгээр байх вэ дээ, Pagani гэдэг суперкар гаргаж орхисны хамгийн хямд нь эдүгээ 2 сая еврогоос эхлэн үнэлэгдэж байна. Гоодаль

Баян байх зөвшөөрлийг тэдэнд ААВ нар нь анх өгсөн байдаг. Харин одоо чи өөртөө энэ зөвшөөрлийг өг.

https://goodali.mn/soulhealing/2
2025.11.21-нд эхлэх ОЧИРЫН БОРОО цахим хөтөлбөрийн алтан багцын бүртгэл нээгдлээ.

ГООДАЛЬ™ хуудасны пост бүрийг алгасалгүй үзэхийг хүсвэл “Follow” товчин дээр дараад, “Favorites” тохиргоог сонгоорой.

22/10/2025

ХҮСЭЛ БОЛ ҮЙЛДЭЛ

Одон оронд Мерседес гэх нэг ойлголт байдаг.

Хэрэв зурхайд нь мерседес байгаа бол амьдралдаа азтай байна гэж үздэг.

Мэдээж энэ нь маш цөөн. Гэвч Мерседесийг өөрөө бүтээж болно.

Од нь гийсэн зурлагатай олон хүн залхуурал мунхаглалаараа азын хөлгөө гаражнаас нь ч гаргаж амжилгүй, эсвэл элдэв ослоор эвдээд дуусч байхад, бэрх өгөгдөлтэй олон хүн бэрхшээлийг давсаар өөрийн суман цагаан хөлгөө бүтээгээд санаанд багтамгүй сансрын үзүүрт хүрдэг ээ.

Хүсэж байгаа бүхэн геометр прогрессоор үржин ирдэг.
Хүсэл бол бодол биш,
ХҮСЭЛ БОЛ ҮЙЛДЭЛ ЮМ.

2025.11.21-нд эхлэх ОЧИРЫН БОРОО® цахим хөтөлбөрийн алтан багцын бүртгэл ГООДАЛЬ™ платформ дээр нээлттэй.
https://goodali.mn/soulhealing/2

21/10/2025

Эцэггүй хүүхэд

Төрснийх нь дараахан орхин явсан эцгээ Наталья мэддэггүй.

Ээж нь дахин гэрлэж охин төрүүлсэн нь хөгжлийн бэрхшээлтэйг мэдэнгүүт найз нөхөд, хамаатнууд холдсон. Наташа ээжтэйгээ хамт зах дээр жимс ногоо зардаг болов. 90-ээд оны Орос. Өдөр бүр 16 цаг ажиллах, луйвардуулах, лангуугаа булаалгах, мөнгөө дээрэмдүүлэх энүүхэнд. Нэг өдөр эцэнхий өвгөн дөхөж ирээд тал талхны мөнгөөр мэргэлж өгье гэжээ.
“Чи английн лордын эхнэр болно, тэгээд түүнээсээ ч илүү баян хүнтэй гэрлэнэ” гэхэд нь доёолж байна л гэж бодсон. Үгээгүй ядуу гэр, дүүгийн өвчнөөс болоод би дандаа л шоолуулж гоочлуулдаг байсан”. 14 настайдаа хотынхоо загварын товчоонд ажиллаж байхад нь анзаарсан гэрэл зурагчин Москва руу дуудаж, тэнд Жан-Поль Готье өөрөө Парис руу урьж...

Харин тийшээ явж очихын тулд ээж нь 5000 доллар зээлжээ. Өр барагдуулах албаныхан хугацаа хэтэрсэн зээлээ нэхэн байрыг нь шатаах гэж ээжийг нь зовоож байхад, ядуу загвар өмсөгчидтэй хамт түрээсийн жижиг байранд чихэлдэж байхад нь бүх өрийг нь дарж өгсөн франц залуугийн нэрийг Наталья одоог хүртэл нууцалдаг. Гоодаль

Тэрээр ирсэн бүх саналыг хүлээн авч, илжиг шиг л ажиллаж байв. Жилд загварын 20 шоунд оролцоно гэдэг бол дээд амжилт. Тэгээд хажуугаар нь рекламны зураг авалтууд, ярилцлага, сэтгүүлийн нүүр, брэндүүдийн царай болох гээд бүхнийг амжуулсаар дэлхийн хамгийн үнэтэй, хамгийн баян загвар өмсөгч болж чадсан.
Өвгөний мэргэ үнэн болж английн лорд Жастин Портмантай гэрлэсэн ч 10 жилийн дараа 3 хүүхэдтэй салсан. “Жастин лорд, тэр баян. Гэвч сайн эцэг биш. Хүүхэд асрах, хүмүүжүүлэх талаар ямар ч ойлголтгүй. Ерөөсөө гэрт эр хүний хийдэг юуг ч чадахгүй. Гэр орны бүх асуудлыг зөвхөн мөнгөөр шийдчихдэггүй”.

Удалгүй францын банкны эзэн Антуан Арнотой гэрлэсэн. Хичнээн өөрөө саятан, гэрийн үйлчилгээнд нь олон хүн ажилладаг ч гэсэн гэрээ онцгой сайхан авч явдаг, гал тогоондоо бол хэрэв өөрөө хүсээд зав байх юм бол супер тогооч, хүүхдүүддээ жинхэнэ ээж байж чаддаг түүнд дэлхийн фэшн ертөнцийн 70%-ийг эзэмшдэг хадам эцэг Бернард Арно маш сайн байдаг. Наталья хэдийгээр дутуу гачуу өссөн ч бүх л орос хүүхдийн адилаар сонгодог урлагт дуртай, оросын нэрт хөгжмийн зохиолчдын бүтээлүүдийг сонсож чаддаг, заримыг нь өөрөө тоглодог байсан зэрэг нь хадам ээж дэлхийд нэртэй төгөлдөр хуурч Хелен Арног уяраасан нь мэдээж. Гоодаль

Эдүгээ Наталья Водянова, Антуан Арно нарын хөрөнгийг 19 тэрбум доллар гэж үнэлж байгаа. Бернард Арно LVMN-ээ хүү Антуандаа өвлүүлбэл Наталья Louis Vuitton, Christian Dior, Fendi, Celine, Loewe, Loro Piana, Kenzo, Givenchy, Marc Jacobs, Rimowa зэрэг фэшн брэндүүдийн эзэгтэй болоод зогсохгүй Moët & Chandon, Hennessy, V***e Clicquot, Dom Pérignon зэрэг өндөр зэрэглэлийн уух юм, цаг үнэт эдлэлийн үйлдвэрлэл, далбаат завины үйлдвэр, их дэлгүүр, зочид буудал, тансаг хөлөг онгоцнууд дээрх дэлгүүрийн сүлжээний хамтран эзэмшигч болно.
Тус групийн охин компани болох италийн тансаг ноолууран хувцасны Lorо Piana брэндийн түүхий эдийн нэгэн түшиц газар нь учраас монголын байгаль, экологи, малчдын тогтвортой хөгжилд чиглэсэн 5 жилийн хугацаатай “Resilient Threads” хөтөлбөрийг Сүхбаатар аймгийн 5 суманд хэрэгжүүлж байгаа билээ.

Чи заавал аавыгаа таних албагүй.

Харин “ААВ” гэж сонсоход дотор чинь төрдөг мэдрэмж л чамд ээлтэй байвал аз жаргал чамайг өөрөө олоод ирдэг.

https://goodali.mn/soulhealing/2
2025.11.21-нд эхлэх ОЧИРЫН БОРОО цахим хөтөлбөрийн алтан багцын бүртгэл нээгдлээ.

ГООДАЛЬ хуудасны пост бүрийг алгасалгүй үзэхийг хүсвэл “Follow” товчин дээр дараад, “Favorites” тохиргоог сонгоорой.

19/10/2025

Аугаа том, гайхалтай алдаануудыг хийгтүн!

Бид алдааг хүлээн зөвшөөрдөггүй.

Бусдаас өөр байвал, хүмүүсийн санаанд хүрэхгүй бол, ялагдвал, хүнд хаягдвал, бусдаас үгүй гэсэн хариу авбал, сонгогдохгүй бол, шоолуулбал, халагдвал, хөөгдвөл, янз бүрийн болзлуудыг жишээ нь, 25 хүрэхдээ нөхөргүй, 30 хүрэхдээ хүүхэдгүй, 40 хүрэхдээ байргүй, 50 хүрэхдээ хөрөнгөгүй байвал алдаа гэж үздэг.

Харин би чамд маш олон ... алдаа хийгээрэй гэж хүсье!

Хэрэв чи алдаж л байгаа бол ямар нэг шинэ зүйлийг, магадгүй өмнө нь хэний ч хийж үзээгүй зүйлийг хийж, суралцаж, амьд байж, өөрийгөө түлхэж, өөрчилж байгаа гэсэн үг.

Аугаа том, гайхалтай алдаануудыг хийгтүн!

Хэний ч гаргаагүй алдааг гаргагтун.
Урлаг, хайр, төсөл, гэр бүл...аль нь ч бай, төгс бишээс айлгүйгээр алд, үзээд алд, хүрэн алд, бас дахин алд.
Алдаа бүр чинь чамайг амжилтад ойртуулж байгааг санан санан алд дэлэм алдаж, аварга ихийг олоорой, оронд нь.
Нил Гейман

ГООДАЛЬ апп татах линк: https://onelink.to/k6ywc6

ГООДАЛЬ™ хуудасны пост бүрийг алгасалгүй үзэхийг хүсвэл “Follow” товчин дээр дараад, “Favorites” тохиргоог сонгоорой.

16/10/2025

Би амралтын өдөр болгон покер тоглодог юм

Гадаа цастай байна уу, бороотой байна уу, гэрт ажил төрөл байна уу, үгүй юу хамаагүй,

“би амралтын өдөр болгон покер тоглодог юм”.

“Миний энэ дүрмийг хэн ч өөрчилж чадаагүй, чи ч өөрчлөхгүй шүү"

гэж шинэхэн нөхөр эхнэртээ хэлжээ.

Эхнэр:
- Маш сайн.
Би орой бүр 10 цагт с**с хийдэг.
Чи гэртээ байна уу, байхгүй юу, хамаагүй.
Миний энэ дүрмийг хэн ч, чи ч өөрчлөхгүй шүү гэж эхнэр нь хариулсан юм гэнэ билээ.

Охин минь эршүүд биш эмэгтэйлэг,
Хүү минь хүүхэмсэг биш эрэлхэг байгаасай.

https://goodali.mn/courses

15/10/2025

Түүнд ямар санагдах бол...

Нөхөрт гарахын тулд, эр хүнийг эргүүлж авчрахын тулд, ерөөсөө л эрчүүдийн нүдийг унагаж, бас өөр зүйлийг нь өдөөхийн тулд даашинз сонирхдог сэтгэлгээ бидэнд бий.

Энэ бол моод, гоо сайхантай ямар ч хамаагүй, зүгээр л бэлгийн харилцаа, түүгээр дамжуулан олж авах зүйлсийн тухай юм.

Даашинз, өмд, бүр дотуур өмдөө ч хүртэл өөртөө биш

“Түүнд ямар санагдах бол...” гэж авдаг болсон сэтгэлгээний маань нүцгэн селфи юм.

Эрчүүдэд, зарим нь ижил хүйстнүүдэд, за хэнд нь гол биш, гол нь өөр хүнд таалагдахын тулд өөрийгөө өөлдөг болсон биднээс

“Чи юу, тэр хүн үү?” гэж асуувал эргэлзэх юмгүйгээр “ТЭР” гэж хариулдаг болсон бидний тухай юм.

Галзуу даашинзыг хараад “ВАУ! Фантастик!

Би үүнийг өмсөөд ямар галзуу харагдах бол?
Даашинз гал, би гал, бид хоёр хамтдаа галын наадам болно” гэж боддог уу?

Даашинз хэнд таалагдах бол бас таалагдахгүй бол, эр хүний нүдээр ямар бол, эргээд надад яаж хандах бол гэж гашилдаг уу?

Дундаж эмэгтэйн талаар дундажхан эрийн дундаж төсөөлөлд багтахын төлөө ээдэж, ээдэрч, ээрдэг үү?

Наадхыг чинь хэн ч ойлгохгүй ээ гэх хүн таарвал та түүнд ойлгуулах гэж цагаа барах хэрэггүй.

Хэнд ч юу ч тайлбарлах хэрэггүй.

Өөрийгөө зөвтгөж, өөр байгаагийнхаа төлөө өршөөл эрж, хувцаснаасаа ил гарсан далавчаа өөлөн тайрч байхад дэндүү богино, дэндүү хайран амьдрал билээ л...
Арина Холина

ГООДАЛЬ апп татах линк: https://onelink.to/k6ywc6

14/10/2025

Ертөнцийн 7 гайхамшгийг нэрлэ гэхэд сурагчид

1. Египетийн пирамид
2. Таж-Махал
3. Гранд-Каньон
4. Панамын суваг
5. Эмпайр-стейт-билдинг
6. Гэгээн Петрийн сүм
7. Хятадын цагаан хэрэм гэж нэгэн дуугаар хэлж байв.

Харин нэг охин дуугарахгүй байхад багш нь асуудал байгаа эсэхийг асуужээ.

“Тийм ээ, гайхамшигтай зүйлс тоолж барамгүй олон юм. Яг аль нь эхний 7-д орохыг би эрэмбэлж чадахгүй байна” гэв.

-За ямар ч байсан эхнээс нь бидэнтэй хуваалцаач, тэгэх үү?

-Ертөнцийн хамгийн гайхамшигтай зүйл бол:
1. Харах.
2. Сонсох
3. Үнэрлэх
4. Мэдрэх
5. Сэтгэх
6. Инээх
7. Хайрлах гэж тэр хүүхэд хэлжээ.

“Эвдэрхий бус хүн” ярилцлагыг бүтнээр нь ГООДАЛЬ™ платформын подкаст цэсээс сонсоорой.
https://goodali.mn/podcasts

Address

Ulaanbaatar

Website

http://goodali.mn/

Alerts

Be the first to know and let us send you an email when Гоодаль posts news and promotions. Your email address will not be used for any other purpose, and you can unsubscribe at any time.