Гэмтэл Согог Судлалын Үндэсний Төв

27/03/2026

АЖЛЫН БАЙРНЫ СОНГОН ШАЛГАРУУЛАЛТАД УРЬЖ БАЙНА...👍👍👍
📌 Салбартаа тэргүүлэгч хүний нөөцийн баг бүрэлдэхүүн
📌 Удирдлагын шилдэг менежмент
📌 Ажлын байрны зөв зохион байгуулалт
📌 Цалин урамшууллын таатай нөхцөл
📌 Нийгмийн хамгааллын оновчтой шийдлүүд
📌 Эрүүл, аюулгүй, тав тухтай орчин
📌 Хувь хүний хөгжил, мэдлэг, ур чадвараа дээшлүүлэх алтан боломжууд таныг хүлээж байна.
🔰 Та бүхэн доорх QR кодоор нэвтрэн ажил горилогчийн анкет бөглөх болон лавлах утсаар холбогдоно уу.
https://docs.google.com/.../1FAIpQLSfpeL_u632M2u.../viewform

27/03/2026

ГССҮТ-ИЙН СТАТИСТИК, ТАНДАЛТ СУДАЛГААНЫ АЛБАНЫ ДАРГА Б.ТҮМЭН-ӨЛЗИЙ “АЛТАН ЧАГНУУР” -ЫН ЭЗЭН БОЛЛОО...🩺👩‍⚕️👏

🔰 Дэлхийн эмч нарын өдрийг тохиолдуулан эрүүл мэндийн салбарыг хөгжүүлэх, хүн ардынхаа эрүүл мэндийг сахин хамгаалах үйлсэд үр бүтээлтэй ажиллаж, онцгой амжилт гаргасан эмч нарыг алдаршуулах, эмчийн хөдөлмөрийн үнэлэмжийг дээшлүүлэх, эмчилгээ, оношилгоо, үйлчилгээний ажлын шилдэг арга туршлагыг олон нийтэд сурталчлах, дэлгэрүүлэн таниулах зорилгоор 2011 оноос эрүүл мэндийн салбарын шилдэг эмч шалгаруулах “Алтан чагнуур” дээд шагналыг бий болгосон бөгөөд энэхүү ёслол хүндэтгэлийн үйл ажиллагаа 2026 оны 03 дугаар сарын 26-ны өдөр 12 дахь удаагаа амжилттай болж өндөрлөлөө.
🔰 Тус хүндэтгэлийн арга хэмжээнд Монгол Улсын Их Хурал, Засгийн газрын гишүүн, Эрүүл мэндийн сайд Ж.Чинбүрэн, Монголын үйлдвэрчний эвлэлийн холбооны ерөнхийлөгч Э.Тамир, МҮЭХ-ны дэд ерөнхийлөгч Ц.Ариунжаргал, МҮЭХ-ны ерөнхий нарийн бичгийн дарга Ц.Отгонтунгалаг, Монголын эрүүл мэндийн ажилтны үйлдвэрчний эвлэлийн холбооны удирдлагууд, Монгол Улсын Хүний гавьяат эмч, “Алтан чагнуур” шагналын эзэн, Эх хүүхдийн эрүүл мэндийн үндэсний төвийн зөвлөх зэргийн эмч А.Цэнджав, Эрүүл мэндийн яамны холбогдох удирдлагууд уригдан оролцсон байна.
🔰 Энэ удаагийн “Алтан чагнуур” шагналын “НИЙГМИЙН ЭРҮҮЛ МЭНД СУДЛАЛ” номинацийн эзнээр Гэмтэл согог судлалын үндэсний төвийн Статистик, тандалт судалгааны албаны дарга, Зөвлөх зэрэгтэй биостатистикч-мэдээлэл зүйн мэргэжилтэн Бадарчийн ТҮМЭН-ӨЛЗИЙ шалгарлаа.
✍️ ✍️✍️ Түүний амжилт бүтээлээс сийрүүлбэл:
▪️ Улсын хэмжээний осол гэмтлийн тандалтын тогтолцоог бүрдүүлж, бэхжүүлэх ажлыг баг хамт олноо удирдан зохион байгуулж, амжилттай хэрэгжүүлсэн ба осол гэмтлийн тусламж үйлчилгээ үзүүлдэг 60 гаруй эрүүл мэндийн байгууллагатай хамтран ажиллаж, осол гэмтлийн өвчлөлийн мэдээ, үйлчлүүлэгчийн мэдээллийн цахим санг бүрдүүлэн тархвар зүйн дүн шинжилгээ болон судалгаа хийж, эрүүл мэндийн болон бусад салбарын зохион байгуулж буй урьдчилан сэргийлэх үйл ажиллагааг нотолгоонд суурилсан мэдээллээр ханган ажиллаж буй юм.
▪️ Мөн жил бүрийн Гэмтэл согог судлалын эрдмийн чуулган, эрүүл мэндийн болон бусад салбарын эрдэм шинжилгээний хурлуудад тогтмол оролцож, судалгааны өгүүлэл бэлтгэн, илтгэл хэлэлцүүлж, тэргүүн байранд удаа дараа шалгарч байсан бол, Япон улсын Цукубагийн их сургууль, Хирошимагийн их сургуулийн судлаачидтай хамтран осол гэмтлийн эрсдэлт хүчин зүйлийг судалж, олон улсын сэтгүүлд судалгааны өгүүллүүд хэвлүүлэн хүн амыг осол гэмтлээс сэргийлэх, эрүүл мэндийн боловсрол олгох зэрэг нийгмийн эрүүл мэндийн үйл ажиллагаанд өөрийн үнэтэй хувь нэмрээ оруулж иржээ.
▪️ Нийгмийн эрүүл мэндийн салбарт 30 гаруй жил ажиллахдаа мэргэжлийн ур чадвараа сайжруулахад тогтмол анхаарч, НЭМ-ийн магистр, докторын сургалтын хөтөлбөр болон Малайз, Сингапур, Тайвань, Солонгос зэрэг улсад мэргэжлийн сургалтанд хамрагдсан бөгөөд эрүүл мэндийн салбарт бүртгэгдэж буй бүртгэлийн маягтыг боловсронгуй болгох, өвчлөлийн бүртгэл тайлангийн цахим програм хангамжийн хөгжүүлэлтийг сайжруулах чиглэлээр хамт олны болон өөрийн саналыг холбогдох байгууллага албан тушаалтанд хүргэх, мэргэжилтнүүдийн мэргэжил олгох болон дээшлүүлэх сургалтанд оролцож, осол гэмтлийн бүртгэл мэдээлэл, тандалтын чиглэлээр сургалт хийх, мэргэжил арга зүйгээр хангах зэрэгт онцгой анхаарч ажилласан зэрэг амжилтуудыг гаргасан билээ.

27/03/2026

ГССҮТ-Д ЦУС, ЦУСАН БҮТЭЭГДЭХҮҮНИЙГ ДРОНООР ТЭЭВЭРЛЭН ТҮРГЭН ШУУРХАЙ ХҮРГЭЛЭЭ...🩸🌡️🏥

🔰 Цусны сэлбэлт судлалын үндэсний төвөөс энэ сарын 26-ны өдөр дроны тусламжтайгаар цус, цусан бүтээгдэхүүнийг агаараар тээвэрлэн 10 минутын хугацаанд шуурхай хүргэж, Гэмтэл согог судлалын үндэсний төвд хүлээлгэн өглөө.
🔰 Эмнэлгийн тусламж үйлчилгээнд нэн шаардлагатай цус, цусан бүтээгдэхүүнийг тус төвд анх 2025 онд дроноор хүргэсэн бөгөөд өдгөө хоёр дахь удаагаа агаараар тээвэрлэн хүргэж буй юм.
🔰 ГССҮТ-ийн хэмжээнд өнгөрсөн онд нийт 9731 нэгж цус, цусан бүтээгдэхүүнийг тусламж үйлчилгээндээ ашиглаж, 2533 үйлчлүүлэгчийн эрүүл мэнд, амь насыг аврахын төлөө зориулсан байна.
🔰 Дашрамд дуулгахад, ЦССҮТ-өөс эрүүл мэндийн байгууллагын хэрэгцээ шаардлагын дагуу нийт 14 эмнэлэгт цус, цусан бүтээгдэхүүнийг дроноор тээвэрлэн хүргэж байгаа аж.

27/03/2026

ГССҮТ-ИЙН ЭМЧ, ЭМНЭЛГИЙН МЭРГЭЖИЛТНҮҮД ГАМШГИЙН ҮЕИЙН ДУУТ ДОХИОГООР АЖИЛЛАХ ДАДЛАГА СУРГУУЛИЛТ ХИЙЛЭЭ...📢👩‍⚕️👨‍⚕️

🔰 ОБЕГ-аас энэ сарын 26-ны өдөр улсын хэмжээнд зохион байгуулсан гамшгийн аюулын тухай зарлан мэдээллийн дохиогоор ажиллах дадлага сургуулилтанд Гэмтэл согог судлалын үндэсний төв болон салбар эмнэлгийн эмч, эмнэлгийн мэргэжилтэн, ажилтан, албан хаагчид идэвхитэй хамрагдлаа.
🔰 Гамшгийн шуурхай удирдлага, зарлан мэдээллийн төвөөс улс орон даяар зарлан мэдээллийн дохиог гурван удаа дамжуулсан бөгөөд энэ үеэр төв болон салбар эмнэлгийн эмч, эмнэлгийн мэргэжилтнүүд ойр байрлах аюулгүйн цугларах талбайд гарч, дадлага сургууль хийсэн юм.
🔰 Зарлан мэдээллийн эхний дохио дуугарахад дотор байгаа хүмүүс “СУУ, НҮҮГД, ХҮЛЭЭ” гэсэн дүрмийг баримтлан цонхноос аль болох хол зайд, гэмтэж бэртэх эрсдлээс өөрсдийгөө хамгаалан аюулгүй байдлаа хангасан байна.
🔰 Харин хоёр дахь дохиогоор “ГҮЙХГҮЙ, ЭРГЭЖ БУЦАХГҮЙ, НЭГНЭЭ ТҮЛХЭХГҮЙ” гэсэн дүрмийг баримтлан яарч сандралгүй, баруун гар талаа барьж, байгаа газраасаа гарч аюулгүйн талбайд цугларлаа.
🔰 Гурав дахь дохиогоор байгууллагынхаа холбогдох албан тушаалтанд бүртгүүлж, тасаг албадын хамт олны мэдээллийг нягталж өгөх байдлаар ажиллаж, гамшгийн үеийн дуут дохио дуугарсан үед авах арга хэмжээний талаарх мэдлэг, туршлагаа бататгасан байна.

26/03/2026

🟢ГССҮТ,🔵Салбар эмнэлгийн 2026 оны 03 сарын 25-ны өдрийн📊тоон мэдээ

25/03/2026

“ХҮНД ТҮЛЭГДЭЛТ, ГЭМТЛИЙН ДАРААХ ХАЛДВАРЛАГДСАН ШАРХНЫ ОНОШИЛГОО, ЭМЧИЛГЭЭ”-НИЙ ОЛОН УЛСЫН СУРГАЛТ ХИЙЛЭЭ...✍️🩺👩‍⚕️👨‍⚕️

🔰 Гэмтэл согог судлалын үндэсний төв, Монголын түлэгдэлтийн нийгэмлэг, Олон улсын Нөхөн төлжүүлэх анагаах ухааны ба шархны нийгэмлэгээс хамтран энэ сарын 24, 25-ны өдрүүдэд “Хүнд түлэгдэлт, гэмтлийн дараах халдварлагдсан шархны оношилгоо, эмчилгээ” сэдэвт олон улсын сургалтыг амжилттай зохион байгууллаа.
🔰 Нийслэл, орон нутгийн эрүүл мэндийн байгууллагад ажиллаж буй гэмтэл согогийн төрөлжсөн нарийн мэргэжлийн эмч нарыг хамруулан цахим болон танхимаар зохион байгуулсан энэхүү сургалтад нийт 111 хүн оролцож, мэдлэг туршлагаа ахиулсан юм.
🔰 Тус сургалтыг нээж ГССҮТ-ийн захирал Э.Галбадрах үг хэлсэн бөгөөд Олон улсын Нөхөн төлжүүлэх анагаах ухааны ба шархны нийгэмлэгийн гишүүн, Өвөр Монголын Өөртөө засах орны АУ-ны нийгэмлэгийн дарга, зочин профессор Ман-Зу түлэгдэлт, гэмтлийн дараах халдварлагдсан шархны эмчилгээний менежмент, түгээмэл тулгамдах асуудал, тусламж үйлчилгээний оновчтой арга технологиос хуваалцлаа.
🔰 Түүнчлэн ГССҮТ-ийн салбар эмнэлгийн Түлэгдэлтийн төв, Сэргээн засах тасаг, Эрчимт эмчилгээний тасгийн эмч мэргэжилтнүүд түлэгдэлтийн үеийн болон гэмтлийн дараах халдварлагдсан шархны боолт хийх, түлэгдэлтийн сорвинд даралттай хувцас, туслах хэрэгсэл ашиглах аргачлалыг дадлага хийх байдлаар зааж сургасан юм.
🔰 ГССҮТ-өөс цаашид БНСУ, БНХАУ-ын Түлэгдэлтийн нийгэмлэгүүдтэй хамтарч ажиллахаар төлөвлөж байна.

24/03/2026

24/03/2026

✅Бага насны хүүхдийг ахуйн осолд өртөхөөс сэргийлье‼️
Эцэг эх, асран хамгаалагч та бүхэн хүүхдэд тавих хараа хяналдаа сайжруулъя‼️‼️

24/03/2026

🟢ГССҮТ,🔵Салбар эмнэлгийн 2026 оны 03 сарын 23-ны өдрийн📊тоон мэдээ

23/03/2026

ГССҮТ-ӨӨС "ХҮНД ТҮЛЭГДЭЛТ, ГЭМТЛИЙН ДАРААХ ХАЛДВАРЛАГДСАН ШАРХНЫ ОНОШИЛГОО ЭМЧИЛГЭЭ" СЭДЭВТ ЦАХИМ БОЛОН ТАНХИМЫН СУРГАЛТ ЗОХИОН БАЙГУУЛНА...✍️✍️✍️

23/03/2026

ГССҮТ, ДАРХАН НЭГДСЭН ЭМНЭЛЭГТЭЙ ХАМТАРЧ, ОРОН НУТАГТ ОСОЛ ГЭМТЛИЙН ҮЕИЙН ТУСЛАМЖ ҮЙЛЧИЛГЭЭГ ӨРГӨЖҮҮЛНЭ...🤝✍️👩‍⚕️👨‍⚕️

🔰 Гэмтэл согог судлалын үндэсний төвийн захирал Э.Галбадрах болон Дархан-Уул аймгийн нэгдсэн эмнэлгийн захирал Б.Мөнхбат нар энэ сарын 20-ны өдөр хамтын ажиллагааны гэрээ байгуулж, орон нутагт осол гэмтлийн үеийн тусламж үйлчилгээг өргөжүүлэхээр боллоо.
🔰 Хамтын ажиллагааны дагуу орон нутгийн эмч, сувилагч нарыг нарийн мэргэжлээр сургаж чадавхижуулах, улмаар орон нутагт гэмтэл согогийн тусламж үйлчилгээг үзүүлэх, дэвшилтэт технологийг нутагшуулах чиглэлд тодорхой ажлуудыг зохион байгуулах юм.
🔰 Энэ хүрээнд орон нутгийн нийт 50 гаруй эмч, сувилагч, эмнэлгийн мэргэжилтэнд осол гэмтлийн үеийн яаралтай тусламж үйлчилгээг оновчтой, цаг алдалгүй шуурхай үзүүлэх мэдлэг, чадвар эзэмшүүлэх зорилготой онол, дадлага хосолсон өртөөчилсөн сургалт хийсэн байна.
🔰 Түүнчлэн ГССҮТ-ийн эмч нарын баг хүүхэд, гар сарвуу, нуруу нугас, үений гэмтэл согог, мэс заслын чиглэлээр нарийн мэргэжлийн үзлэг оношилгоо хийж, тус аймгийн 20 гаруй иргэнийг хамруулжээ.
🔰 Мөн энэ үеэр Дархан-Уул аймагт анх удаа мөрний болон өвдөгний үений дурангийн мэс засал эмчилгээг орон нутгийн эмч нартай хамтран амжилттай хийсэн байна.
🔰 Орон нутагт осол гэмтлийн үеийн тусламж үйлчилгээг өргөжүүлэн чанар, хүртээмжийг сайжруулж, эмч мэргэжилтнүүдийн мэдлэг ур чадварыг нэмэгдүүлснээр ГССҮТ-ийн ачаалал, төвлөрлийг сааруулах, осол гэмтлээс үүдэлтэй хүндрэл, нас баралтыг бууруулах чухал ач холбогдолтой юм.

23/03/2026

‼️ШАР УСНЫ ҮЕРИЙН АЮУЛААС УРЬДЧИЛАН СЭРГИЙЛЬЕ
✅Цаашид агаарын температур дулаарч голуудын сав, уул толгодын гуу, жалга, хуурай сайраар шар усны үер буух эрсдэлтэй тул хаврын шар усны үерийн аюулаас урьдчилан сэргийлэх, хариу арга хэмжээг авахыг анхааруулж байна.‼️