Chantsaa Mentor

13/02/2026

Хүүхдэд 3 багш бий.

1. Хүүхдийн дотор бий сониуч зан. Энэ хамгийн чухал багш бөгөөд энэ багш унтвал бүх зүйл унана. Тиймээс хүүхдийн сэтгэлээс гарч буй үг үйлдэл бүрийг сайтар ажигла, хариу үйлдэл үзүүл, дэмж

2. Орчин
Үүнийг “Чимээгүй багш” гэж үздэг. Өөрөөр хэлбэл гэр бүл, эцэг эх, ойрын хүрээлэл түүнд чимээгүйгээр багшилж байдаг.

3. Цэцэрлэг, сургуулийн багш бөгөөд энэ хүн заах биш, чиглүүлэх, дэмжих, хамтрах үүргийг гүйцэтгэнэ.

Та аль аль багш дээр төвлөрч байна?

13/02/2026

💌 Өсвөр насны хүүхдүүдээс аав ээждээ бичсэн захидал

Хайрт аав, ээжээ ! Би магадгүй ямар ч зүйлээр дутаагүй зүгээр харагддаг байх. Надад хүүхдэд хэрэгтэй бүхэн бий. Гэхдээ яг энэ мөчид надад чухал хэрэгтэй бүхэн байхгүй байна.

🧥 “Малгайтай цамц, хүүдий бол зүгээр нэг стиль биш…”

Би хичээлдээ явдаг. Гар утсаа барьдаг. Өрөөндөө орчихоод хаалгаа хаадаг. Та нар “Шилжилтийн нас л байна” гэж боддог байх.
Гэхдээ надад сүүлийн үед хэтэрхий хүнд үүргэвч үүрчихсэн юм шиг санагдаад байна.
Хэн ч харахгүй үүргэвч. Тэр үүргэвчинд би хангалттай сайн биш гэсэн айдас , бусадтай өөрийгөө байнга харьцуулдаг шаналал, алдаа гаргавал та нарын итгэлийг алдана гэсэн дарамт, найз нөхөддөө гологдох вий гэсэн түгшүүр, “Би яг хэн бэ?” гэсэн эргэлзээ бүгд багтчихсан байна.

Тиймээ. Би заримдаа ууртай харагддаг. Заримдаа дуугүй. Заримдаа өрөөнийхөө хаалгаа чанга хаадаг. Гэхдээ үнэндээ би дотроо “Намайг ойлгооч” гэж орилж байдаг. Надад миний өмнөөс шийдсэн шийдэл биш, сонсох чих хэрэгтэй байна. Намайг шүүмжлэхгүй сонсох 10 минут хэрэгтэй байна. Чи яагаад ийм болчихов? гэдэг өөрөө ч мэдэхгүй асуулт биш, чиний дотор юу болж байна? гэсэн асуулт хэрэгтэй байна.

Би төгс биш.
Би будилна.
Би алдана. Гэхдээ би муу хүүхэд биш.
Заримдаа цамцныхаа малгайг гүн татаж, нүүрээ нууж суудаг. Учир нь тэнд л нулимсаа нуух амархан байдаг. Та нар намайг бага байхад гарнаас минь атгаад явдаг байсан. Одоо би гараа та хоёроос татсан мэт харагдаж магадгүй. Гэхдээ үнэндээ би дотроо “Гарыг минь дахиад атгаасай”гэж хүсдэг.

Надад:
🙇🏽Илүү их хайр хэрэгтэй биш, илүү их ойлголт хэрэгтэй.
🙇🏽Илүү их хяналт хэрэгтэй биш, илүү их итгэл хэрэгтэй.
🙇🏽Илүү их заавар хэрэгтэй биш, илүү их хамтрал хэрэгтэй.

Хэрвээ би дуугүй болбол энэ нь надад асуудал байхгүй гэсэн үг биш. Хэрвээ би “Зүгээр”гэвэл энэ нь би үнэхээр зүгээр гэсэн үг биш. Намайг алдах вий гэж айлгүй, намайг буруу хүн болно гэж сэжиглэлгүй, намайг хэн нэгэнтэй харьцуулж, уралдуулалгүй
зүгээр л миний хажууд суудаг аав ээж байгаач!

Би аврал эрж байна. Чимээгүйхэн. Хайртай шүү. Гэхдээ яаж хэлэхээ мэдэхгүй байна.

Миний хэнд ч харагддаггүй үүргэвч үнэхээр хүнд байна ….

Таны өсвөр насны хүүхдээс

11/02/2026

10/02/2026

Шинэ трэндийг дагалаа. AI миний ажлыг ингэж зуржээ.

Би технологийг хориглох талд биш.
Би технологийг ажиглаж, ойлгож, зөв хэрэглүүлэх талд байдаг.
📌 Миний ажлын гол онцлог бол хүүхдийн тархины хөгжлийг мэдрэхүй, хөдөлгөөн, сэтгэл хөдлөл дээр суурилж дэмжих, Reggio Emilia-гийн “100 хэл” зарчмыг орчин үеийн судалгаатай холбох, дэлгэц, AI, дижитал орчныг аюул биш, хяналттай хэрэгсэл болгоход анхаардаг.

🤖 AI
📱 Дэлгэц
🧠 Дижитал орчин
эдгээр нь хүүхдэд дайсан биш. Харин хөгжих хэрэгсэл болгож болох бөгөөд хүүхдэд яаж ашиглуулж байгаа талаар дараах асуултыг өөртөө тавиад үзээрэй.

🫠2 настайд YouTube-ийг “ хүүхдийг томоотой байлгах хэрэгсэл” болгосон уу?

😶5 настайд анхаарал төвлөрөхгүй байгааг нь том болоод зүгээр болно гэж бодсон уу?

📚7 настайд уншихгүй байгааг нь “оюуны асуудал” гэж ойлгосон уу?

👉 Тийм гэж хариулж байвал асуудал технологид биш, ажиглалт хяналт байхгүй байгаад л байна.

🧠 Миний хийдэг ажил бол дэлгэц харсан цагийг бус, дэлгэц харж байх үеийн тархины төлөвийг ажиглаж, судлахад чиглэгддэг.

08/02/2026

Та зурагнаас 5 секундын дотор улаан өнгийн өндөг чадаж байна уу? Хүмүүсийн 2% нь л үүнийг олж чаддаг.

05/02/2026

🌱 Хэт хөдөлгөөнтэй гэгдээд буй хүүхдүүд ирээдүйд эдгээр ямар хүн болдог вэ?

Хөдөлгөөн дунд сурдаг хүүхдүүд
ирээдүйд ЗААВАР ДАГАГЧ биш,
ШИЙДЭЛ БҮТЭЭГЧ болдог.

Тэд:
🔥 хурдан сэтгэдэг
🔥 бодлоо үйлдлээр илэрхийлдэг
🔥 бодит асуудлыг шууд “мэдэрч” олж хардаг

Ийм хүүхдүүд:
🧠Шинийг санаачлагчид
— дүрэм эвдэж байж шинэ систем бүтээдэг
🛠 Бүтээгчид
— инженер, дизайнер, бүтээгч сэтгэлгээтэй мэргэжилтнүүд
🚀 Удирдагчид
— биеийн энерги, харизмаараа хүмүүсийг дагуулдаг
🌍 Амьдрал дээр ажилладаг ухаантнууд
— Онол дээр биш, бодит нөхцөлд хамгийн ухаалаг байдаг.

📌 Харин нэг л зүйл бий. Хэрвээ тэднийг буруу орчинд удаан суулгавал өөртөө итгэх итгэлээ алдаж, “ Асуудалтай ” мэт болж эхэлдэг. Тиймээс зөв технологиор зөв чиглүүлцгээе.

❗️🎯Тэдэнд тохирсон аргазүйгээр уншуулж бичүүлж сургах сургалт 2023.02.25-нд эхлэнэ.

05/02/2026

🙇‍♂️🙇🏽 Яаж сууж сургах вэ? гээд асуугаад байна. Маш ойлгомжтойгоор тайлбарлая.

Сууж чадахгүй байгаа нь асуудал биш. Тэд бол хөдөлгөөн дунд сэтгэдэг, хөдөлгөөнөөр ойлгодог хүүхдүүд юм. Тэдний тархи суух үед хаагдаж, харин хөдөлж байх үед нээгдэж, мэдээллийг хүлээж авдаг.

🎯🎯Тэдний хувьд анхаарал төвлөрөл гэдэг нь
чимээгүй, томоотой байдал биш, хөдөлгөөнөөр нээгддэг хаалга юм.

👉 Тиймээс тэднийг “суулгах” биш,
зөв хөдөлгөөнөөр дамжуулж сургах нь жинхэнэ шийдэл. Тэд бусдаас ӨӨР АРГААР сурдаг. Тиймээс загасыг модонд авируулах гэж бүү хичээгээрэй. Тэгсэнээр тэднийг эвдэх болно.

❗️🎯 Тэдэнд тохирсон аргаар уншуулж, бичүүлж, сургах сургалт 2026.02.25-нд эхлэнэ.

03/02/2026

Тэдний төгс ур чадвар /genus/ сандал дээр илрэхгүй. Бүр түгжигдэнэ.

03/02/2026

Сууж сурч чадахгүй байгаа хүүхдүүд бол ямар нэгэн эмгэгтэй биш тэд хөдөлгөөн дунд сурдаг хүүхдүүд. Тэдний тархи хөдөлгөөнөөр идэвхждэг. Тэдний анхаарал төвлөрлийн хаалга хөдөлгөөнөөр нээгддэг.

03/02/2026

Сууж чаддаггүй, үсгээ сураагүй, холбож уншиж чадахгүй байгаа “хэт хөдөлгөөнтэй” гэсэн онош зүүсэн хүүхдүүд байвал САНАА БҮҮ ЗОВ !! эдгээр хүүхдүүдийн тархи хөдөлгөөнд хүчтэй идэвхждэг эдгээр хүүхдүүдэд тохирсон үсэг тогтоолгох, уншуулж сургах тусгай технологийг бид нэвтрүүлсэн. Хөгжүүлж чадвал тэд GENUS хүүхдүүд🧠💪❗️

Багшлахуй бол хүчээр сургах биш, тэдэнд тохируулсан технологи боловсруулах ур чадвар юм.

Чат бичээрэй.

31/01/2026

Хүүхдээ онц сургахад юуг анхаарах вэ? гэнэ. Эхлээд зөв техникээр уншиж сургаарай. Дараа нь ойлгож уншиж сургаарай. Бодлогыг ч уншиж боддог. Суурь нь ердөө унших ур чадвар юм.