Dr. Sumiya, Зүрх судасны эмч

24/10/2025

Зүрхний өвдөлт зүүн гар, мөр, дал руу дамждаг.

Өвдөлт бол байгалиас заяасан маш том бэлэг. Яагаад гэвэл өөрийнхөө эд эс гэмтэж, өвчин эмгэгт нэрвэгдсэн үед бид нарт ирэх мэдээлэл гэж ойлгож болно. Өвдөлт байхгүй бол бид нарын эд эсийн гэмтэл даамжирч, өвчин эмгэг хүндрэх аюултай. Иймд өвдөлт бол үрэвсэл, цочруулын улмаар өвөрмөц мэдрэлийн ширхэг цочирч тархинд мэдээлэл очсоноор тархины гадаргууд өвдөлт хэмээх өвөрмөц зовиур бий болно. Энэ өвдөлтөөс шалтгаалж аль эд эс эмгэгшсэн, аль эд эрхтэн үрэвсэлд өртөж гэмтсэн болохыг баримжаалж хүн арга хэмжээ авч эдгээхийг оролддог.

Өвдөлт тэгэхээр мэдрэлийн ширхэгээр дамжиж тархинд хүрдэг гэсэн үг. Зүрх ишеми, шигдээс, үрэвсэл үүссэн үед өвдөлтийн мэдрэлийн ширхэгийг цочроож нурууны мэдрэлийн зангилаанд хүрч очдог. Энэ нурууны мэдрэлийн зангилаанд цээжний зүүн хэсэг, гар мөр, дал зэрэг хэсгийн арьс булчингийн мэдрэлийн ширхэг багцлагддаг тул хамт цочирдог. Тэгэхээр зүрхний өвдөлт цээжний зүүн хэсэг, гар мөр, дал, эрүү дамжиж өвдөх боломжтой юм. Иймд зүрхний өвдөлт дарж шахаж базсан байдлаар цээжний зүүн хэсгээр өвдөхөөс гадна өвдөлт зүүн гар дал, мөр, эрүү рүү дамжиж янгинаж өвдөх онцлогтой байдаг. Тэгэхээр зүрх орчим, цээжний зүүн хэсэг, гар дал, мөр рүү өвдөлт дамжиж буй бол зүрх судасны эмч нарт үзүүлж зөвлөгөө авах хэрэгтэй. Яагаад гэвэл зүрхний өвдөлт бол тоглоом биш юм.

Зүрхээр өвдөж дамжихаас гадна зүрх тогтворгүй болж зүрхний цохилт өөрчлөгдөх, даралт хэлбэлзэх, хүйтэн хөлс гарах, дотор муухайрах шинж тэмдэг илэрдэг. Энэ өвдөлт, эдгээр шинж тэмдэг >10-20 минутаас удаан хугацаагаар үргэлжилж байвал зүрх судасны эмчид үзүүлэхийг зөвлөдөг. Ер нь энэ үедээ зүрхний 24 цагийн холтер зүрхний бичлэг, зүрхний эход харуулчихвал их чухал юм.
#беавермедэмнэлэг #зүрхсудасныэмгэг #зүрхнийэхо
Зүрхний эхо, 24 цагийн холтер зүрхний бичлэг, зүрх судасны эмчийн цаг авах: 80857724 (sms бичих), эсвэл facebook.com/beavermedhospital чат бичнэ.

23/10/2025

Хоол зөв бол судас баясна, хөдөлгөөн зөв бол зүрх баярлана.

Монголд нас баралтын гэнэтийн шалтгаанд тархинд цус харвах эмгэг, зүрхний цочмог шигдээс, уушгины артерийн бүлэнт бөглөрөл, амь насанд аюултай хэм алдагдал ордог. Тэр дундаа та бид нарын дунд унтаад өглөө сэрээгүй, гэнэт зүрх зогссон, залуугаараа нас барсан гэх мэт яриа элбэг гарах болжээ. Энэ гэнэтийн нас баралтын дийлэнх шалтгаанд судас хатуурлын хүндрэл болох цочмог бүлэнт бөглөрөл байдаг. Яагаад гэвэл энэ судас хатуурлын хүндрэл болох бүлэнт бөглөрөл хүний амьд байлгахад чухал тархины судас, амьсгалын төвд гэнэт цус хомсрох, зүрхэнд цус цочмогоор хомсрох, уушгины артерийн судсанд тохиолдож гэнэт нас барах шалтгаан болдог.

#судасхатуурал #эрүүлхэвмаяг #эмчсумъяа

21/10/2025

Цусны өтгөрөлт?
Бид цус өтгөрсөн байна, шингэлэх хэрэгтэй, цус өтгөрөлтөөс болж зүрх, толгой өвдөж байна гэх мэт ам дамжсан яриа ихээхэн тархах болжээ. Бид зөв ойлголттой байж эрүүл хэв маягаа зөв уралж урт насалдаг. Цусны өтгөрөлтийг цусны шинжилгээ өгч байгаад мэддэг болсон байна. Яагаад гэвэл цусны шинжилгээ өгөхөд цус хар хүрэн, бараан улаан өнгөтэй тул өтгөрсөн энэ тэр гэх болжээ. Цус, биохимийн шинжилгээг бид захын венийн судаснаас авчдаг. Венийн цус бол хар хүрэн буюу бараан улаан өнгөтэй байдаг бол артерийн цус тод улаан өнгөтэй байдаг. Венийн цусыг тод улаан биш бараан улаан өнгөтэй тул цус өтгөрсөн хэмээн буруу ойлгож болохгүй.
#цусөтгөрөлт #эрүүлхэвмаяг #эмчсумъяа

19/10/2025

Зүрхний цахилгаан бичлэг гэж юу вэ?

Зүрх бол бичил цахилгаан үүсгэдэг, дамжуулдаг, бичил цахилгаан зүрхний булчингаар жигд тархахаар булчин агшилт хийж цусыг шахдаг. Шахсан цус бүх биеээр тарж эд эсийг амьсгалуулж тэжээлээр хангадаг. Та бид ингэж амьдардаг. Тэгвэл тэр зүрхний бичил цахилгааныг хэмжих боломжтой байдаг. Энэ хэмжигдсэн зүйлийг бид цаасан дээр буулгаж зүрхний цахилгаан бичлэг хэмээн нэрлэдэг.

#зүрхнийбичлэг #хэмалдагдал #80+насалъя

15/10/2025

Цусны өтгөрөлт?
Эмчээ цус өтгөрсөн байна цусаа яаж шингэлэх вэ гээд байх юм. Цус өтгөрсөн эсэхээ яаж мэдсэн бэ гэхээр цусны шинжилгээ өгч байхдаа гэх юм. Цусны шинжилгээг захын венийн судаснаас авдаг. Венийн цус бол хар хүрэн буюу бараан улаан өнгөтэй байдаг тул энэ өнгийг өтгөрсөн гэж үзэж болохгүй. Артерийн цуснаас шинжилгээ авсан бол тод улаан өнгөтэй гарна. Гэтэл шинжилгээг венийн судаснаас цус авдаг учраас цус бараан улаан өнгөтэй байдаг. Тэрнээс биш цус өтгөрөхөөрөө бараан улаан болоод байгаа юм бишээ, уулаасаа венийн цус ийм өнгөтэй байдаг.

13/10/2025

07/10/2025

06/10/2025

Хиймэл оюунд суурилсан 3, 5 ба 7 хоногийн холтер зүрхний бичлэг ямар давуу талтай вэ?

Та бид мэднэдээ зүрхний бичлэг хэмээх А4 хэмжээтэй, эсвэл урт нарийхан цаасанд дээр зүрхний сэрэл зурагдсан бичлэгтэй цаас. Энэ зүрхний бичлэг бол зүрхний сэрэл үүсэх, сэрлээ дамжуулах, сэрэл тархах, улмаар зүрхний булчин агшиж буй үйл явц болох зүрхний сэрлийн асуудлын талаарх мэдээллийг олгодог. Зүрхний хэм алдагдлын үед нарийвчилсан мэдээлэл авахын тулд энэ зүрхний бичлэгийн хэдэн цаг бүү хэл хэдэн өдрөөр бичиж хурааж зүрх судасны эмч анализ хийдэг. Зүрхний бичлэгийн хугацаа нэмэгдэх тутам ховор тохиолдох зүрхний хэм алдагдлыг оношлох магадлал нэмэгдэнэ.

Орчин үед хиймэл оюун та бидний амьдралд хүч түрэн орж ирсэнээр тэрхүү удаан хугацаанд бичигдсэн зүрхний бичлэгийн датанд анализ хийхэд хялбар болсон. Яагаад гэвэл хэдэн зуун мянга, хэдэн сая зүрхний бичлэгийг эмч тэр бүр харж анализ хийхэд бэрхшээлтэй. Хиймэл оюунд суурилсан платформ бол мэдрэг өвөрмөц чанарын хувьд сайн зүрх судасны эмч нарын хариутай ойролцоо байдаг. Гэхдээ энэ дүгнэлтийг зүрх судасны эмч баталгаажуулж оношийг нарийвчлан тавьдаг.

Хэрвээ та хэм алдагддаг, зүрх эвгүй болдог, зүрхээр өвдөх зовиур илэрвэл эрт илрүүлэг байдлаар холтер 24, 48, 72 цаг ба 5, 7 хоногийн зүрхний бичлэгийг хийлгэвэл нэн сайн. Хэм алдагдал оношлогдсон бол хэм алдагдлыг хянах зорилгоор хийж болно. Орчин үеийн холтер нойронд дунд амьсгал тасалдах, тахикардийн хам шинж, симпатик идэвхжил зэрэг олон зүйлийг тодорхой болгодог болсон.
#беавермедэмнэлэг #зүрхсудасныэмгэг #холтерзүрхнийбичлэг

Беавермед эмнэлэг
Цаг авах утас: 80857724, facebook.com/beavermedhospital чат бичих,
Ажлын цаг: Даваа - Баасан, 09:00-17:00, Бямба ням амарна.
Хаяг: БЗД, 12 хороо, Ботаник центр, 104/2 байр, 2 давхар 24 тоот
(Монгол япон эмнэлгийн хойно, GS25-тай байр)

03/10/2025

Хайрт ээждээ багш нарын баярын мэнд хүргэеээ 🥰.

Алс хол төрөлх сумынхаа хүүхэд залуусыг сурган хүмүүжүүлэх их үйлсд нэг насны амьдралаа зориулна гэдэг буяны дээд буян болох цаглашгүй их буян үйлджээ. Одоо хүү нь эх орныхоо ууган сургууль болох Анагаах ухааны сургуульд багш эмч хийж ээжийнхээ үйл хэргийг үргэлжлүүлж буйдаа их баярлаж байна. Мэргэжил нэгт Монголын бүх багш нартаа багш нарын баярын мэнд хүргэеээ 😇.

Эцэст нь нэг насныхаа амьдралаа багш хэмээн цаглашгүй буянтай үйлс хийчээд авч буй цалин, тэтгэвэр бол арай биш юм шиг санагддаг. Иймд төр засаж улс удирдаж буй хүмүүс Монголын багш нарын цалин тэтгэвэрт анхаарах хэрэгтэй. Яагаад гэвэл эх орны дархлаа, амин сүнс бол ирээдүй хойч үе болсон хүүхэд залуусын боловсрол хэмээн боддог. Салбарын сайд та өчигдөр скүүтэр унаад, хэд хоногийн өмнө эхнэртэйгээ хөтлөлцөөд алхахыг тань харсаан хэхэ, одоо мэргэн ухаан, суу заль гаргаж Монголын багш нарынхаа цалин нэмэхийг тань хармаар байна 🥳.

Пүрэвсүрэнгийн Наранбаяр-Naranbayar Purevsuren

24/09/2025

40 дээш насанд нэг удаа боловч зүрхний эхо, 24 цагийн холтер ЗЦБ хийлгэвэл эрүүл зүрхэнд оруулж буй маш том хөрөнгө оруулалт

Монгол оронд зүрх судасны өвчний нас баралт тасралтгүй тэргүүлж байна. Яагаад гэвэл зүрх судасны өвчин болох зүрхний цочмог шигдээс, тархины судасны өвчин, артерийн гипертенз, хэм алдагдал зэрэг цөөнгүй эмгэг байдаг. Монгол 3 хүн тутмын 1 нь зүрх судасны өвчнөөр нас бардаг. Энэ харамсалтай зүйлд өвчин эмгэг хүндэрсэн хойно эмнэлэгт ихэвчлэн ханддаг, хүндэрсэн хойно авах арга хэмжээ сайнгүй цаг алддаг, тухайн эмгэгийн эрсдэлт хүчин зүйл, шалтгаан нөлөөлж өвчин эмгэг үүсгэдэг гэдгийг ухамсарлахгүй буюу эрүүл мэндийн боловсрол хангалтгүй байдаг.

Ер нь зүрх судасны эрсдэлт хүчин зүйл болох тамхи татах, хөдөлгөөний хомсдол, таргалалт, чихрийн шижин өвчин зэргээр өвдсөн бол зүрх судасны эмгэг үүсэхээс сэргийлж, үүссэн бол хүндрүүлэхгүй эмчийн хяналтанд байх нь нэн чухал. Монгол эр хүн хэнэггүй шүү, өвчин бага дээр нь эрт илрүүлж эмчилж авах зэргийг тоохгүй. Эмчид үзүүлээд хэдэн эм уугаад зүгээр болчихвол орхичихно. Эдгээр хэнэггүй байдал өвчин эмгэг даамжирч хүндрэх эрсдлийг нэмэгдүүлдэг болохыг санах хэрэгтэй.
#беавермедэмнэлэг #зүрхсудасныэмгэг #холтерзүрхнийбичлэг

Беавермед эмнэлэг
- 24 цагийн холтер зүрхний бичлэг
- 48 цаг, 72 цагийн холтер зүрхний бичлэг
- 5 ба 7 хонгийн хиймэл оюунд суурилсан холтер зүрхний бичлэг
- Зүрхний цахилгаан бичлэг
- Зүрх судасны эмч үзлэг хийж зөвлөгөө өгч байна.
Цаг авах утас: 80857724
Фэйсбүүк: facebook.com/beavermedhospital,
Хаяг: БЗД, 12 хороо, Ботаник центр, 104/2 байр, 2 давхар 24 тоот

24/09/2025

20/09/2025

Тээр жил кандидат нэвтрүүлэг болоход МУИС-ийн багш хэмээх тодотголтой Munkh-Erdene Gan танилцаж билээ. Би өөрөө АШУҮИС-ийн багш болохоор цаанаа нэг вайб таарч өдий хүрчээ. За тэгээд Хөгжлийн төлөөх Монгол тэмцэл хэмээх номыг олны хүртээл болгожээ. Мань хүн хөгжил судалдаг болохоор өнгөрсөн түүх, эдүгээ үе, ирээдүй үе зэрэг зүйлийг логиктой хөнддөг болохоор бичсэн номыг шимтэн уншдаг. Та бүхэн номын баяраар зочлох бол МУИС асараар уг номыг сонирхвол их сайн. Төрсөн өдрөөр бэлэг болгож гарын үсгээ зурж өгсөнд их баярлалаа. Мөн АШУҮИС асараар эрүүл хэв маяг мөн сонирхож бүр сайн.
#номынбаяр #эрүүлхэвмаяг