Армониа эмнэлэг 5D эхо

25/09/2025

Жирэмсний 3 сартайд эрсдэл тооцуулаарай гэж хяналтын эмч нь хэлсэн үү?

Энэ нь жирэмсний эрт үед урагт хромосомын эмгэгийг илрүүлэх, эрсдэл тодорхойлох шинжилгээ юм.

Жирэмсний 9-14 долоо хоногт жирэмсэн эхийн цусны ийлдсэнд PAPP-A, βhCG-ыг тодорхойлохыг “хоёрол тест” гэнэ.
Энэхүү сорил дээр нэмж хэт авиан шинжилгээгээр ургийн хүзүүний арын зай (NT), хамрын хянга яс (NB), зүрх, судасны допплер хэмжилтүүдийг хийж эхийн насыг хамтатган тухайн жирэмслэлт хромосомын эмгэгтэй байх эрсдэл хэр өндөр байгааг үнэлдэг.

Эрсдэл үнэлэхдээ Лондонд төвтэй Fetal Medicine Foundation-ны боловсруулсан програмыг ашигладаг. Манай эмч нар тус програмыг ашиглахад шаардагдах сургалтуудыг дүүргэж, эрхээ авсан.

Хэрэв та эрсдэл тооцуулах бол "хоёрол тест" шинжилгээний хариугаа авч ирэх шаардлагатай.

#АрмониаЭмнэлэг

7718-0808

22/09/2025

Мэдлэгт дусал нэмэр.

Ураг үнэр мэдэрдэг 🍕🍳🧀
Эхийн хэвлий дэх ураг 7 сартайгаасаа эхлэн ургийн усаар дамжуулан үнэрийг мэдэрч чадна. Тийм ч учраас дөнгөж төрсөн нярай хүүхэд ээжийгээ үнэрээр нь таньж чаддаг.
Ээж юу үнэртэж байна, үр тань яг хамт үнэрлэж байгаа. Тэр тамхины утаанд хамгаас дургүй! 🚬🚬

03/09/2025

9 сарын 6-ны бямбад эмч нар сургалттай тул эмнэлэг ажиллахгүй.

28/08/2025

27/08/2025

Эх ураг 2-ыг холбосон хүйн судас нь ургийн хөдөлгөөнийг чөлөөтэй байлгаж, ураг ихсийн хооронд хүчилтөрөгч, нүүрсхүчлийн хийг зөөвөрлөж, ургийн бодисын солилцоог явуулах гол үүргийг гүйцэтгэнэ.
Хүйн судас нь 2 артери 1 вен, нийт 3️⃣ судсаас бүрддэг, ойролцоогоор 55-65 см урттай, ихсийн төв хэсэгт бэхлэгдсэн байх ёстой гэдгийг та бүгд мэддэг болсон байх.

Гэтэл зарим жирэмсэнд хүйн судас 3 биш 2 судастай байх нь тохиолдоно.
Энэ эмгэг нь 100-д 1 тохиолддог. Хромосомын эмгэг, зүрх судасны эмгэг, араг ясны эмгэг, ургийн өсөлтийн сааталтай хавсрах эрсдэлтэй гэж үздэг.
3, 5 сартайд эход харуулах үед оношлогдох бөгөөд ийм тохиолдолд жирэмсний 7, 8, 9 сартайд заавал эход харуулж ургийн өсөлт саатаж буй эсэхийг хянуулах шаардлагатай.

#АрмониаЭмнэлэг


📞7718-0808

14/08/2025

Оройн мэндээ!

8 сар буюу 32 долоо хоногтой ургийн сэтгэл хөдлөлөө хэрхэн илэрхийлж буй мөчийг зурганд буулгасанаа та бүхэнтэйгээ хуваалцаж байна.
Уруулаа цорвойлгоод бас унжуулаад ёстой хөөрхөн байгаа биз?
Энэ үе бол аав ээжийнхээ хэнтэй нь илүү адилханг харж болохоор болдог үе юм. Ээжийн хамар бна гэж ярилцаж бсан шүү аав ээж 2 нь 🤗.

(зургийг нь нийтлэх зөвшөөрөл авсан болно).

Утас:77180808

10/08/2025

Ингэж сайхан унтдаг үрстэй болмоор байна уу?

Төрсөний дараа тулгардаг нэг чухал асуудал бол хүүхдийн нойрны асуудал байдаг. Хүүхэд нойр муутай, тайван бус байснаас ээж, аав нар хэдэн сар нойр муутай явах үе ч бий.

Жирэмсэн эхийн сэтгэл санаа, эрүүл мэндийн байдал урагт маш их нөлөөлдөг гэдгийг олон судалгаа харуулсан байдаг.

Тиймээс ээжүүд минь жирэмсний хугацаагаа аз жаргалтай, тайван өнгөрүүлэхийг хичээгээрэй. Аавууд мөн үүнд маш чухал үүрэгтэй шүү!👩‍❤️‍👨


#77180808

06/08/2025

Хүн хэлэнд байх олон тооны хөхлөгүүдийнхээ тусламжтайгаар амтыг мэдэрч ялгадаг.
Ургийн хэлэнд амт мэдрэх, амт ялгах үүрэгтэй хөхлөгүүдийн хөгжил 14-15 долоо хоногтойд гүйцэж амт мэдэрч эхлэх бөгөөд 6 сартай болоход ээжийнхээ идсэн хоолны амтанд дасч, төрснийхөө дараа тэр амтанд илүү дуртай болдог.
Ээжийн идсэн хоолны амтлагч, сармис, кофе, хоолны амтыг ураг орчмын шингэнээр, төрсний дараа хөхний сүүгээр дамжуулан амталдаг ажээ.

Энэ ээж нь яг кимчи идсэн байхаа. 🔥😀

#АрмониаЭмнэлэг


7718-0808

30/07/2025

7 сарын 30, 31-нд ажиллахгүй.

8 сарын 1-ээс ажиллана.

Цагийн хуваарь:
Даваа-бямбад 9:00-14:00 цагт ажиллана.
Нямд амарна.

21/07/2025

Зуны цагийн хуваарь:

Даваа-бямба гарагт 9:00-14:00 цагт ажиллана.

Ням гарагт амарна.

Утас: 77180808

06/07/2025

Наадмын өдрүүдээр амарна.
7 сарын 18-аас эхлэн ажиллана.
Чатаар урьдчилан цаг аваарай.

25/06/2025

Жирэмсэн үед ямар хүнсийг болгоомжтой идэх ёстой вэ? Яагаад?

* Түүхий буюу ногоон папайя жимсэнд агуулагдах латекс хэмээх бодис нь умайн булчинг агшаагч окситоцин, простагландинтай ижил төстэй үйлдэл үзүүлж, умайг агшааж зулбах, дутуу төрөх эрсдлийг нэмэгдүүлдэг. Мөн харшил үүсгэж болох тул болгоомжтой иднэ. Энэ жимсийг төрөл бүрийн хоол, салат, амттан хийхэд өргөн ашигладаг, ялангуяа Тайланд хоолны гол орц болдог юм байна.

* Усан үзэм нь глюкоз, фруктоз ихээр агуулдаг тул жин нэмэх ялангуяа ургийн жин нэмэхэд гол нөлөө үзүүлдэг тул жирэмсний сүүлийн саруудад ураг хэт томрохоос сэргийлж, тохируулан идээрэй.

* Зарим төрлийн загас, далайн амьтанд ихээр агуулагдах мөнгөн ус, диоксин нь ургийн тархи мэдрэлийн тогтолцооны хөгжилд сөргөөр нөлөөлдөг тул болгоомжилно.

* Хан боргоцой жимсэнд агуулагдах бромелайн гэдэг бодис нь умайн булчинг агшаах нөлөө үзүүлдэг тул дутуу төрөх эрсдэлтэй. Харин төрөх хугацаа дөхсөн бол идэхийг зөвлөдөг. Мөн ходоодны хүчлийг ихэсгэх, амны салст, шүдний пааланг гэмтээж эмзэгшүүлэх, харшил үүсгэх зэрэг нөлөө үзүүлдэг.

* Хаш буюу баклажан ногоонд агуулагдах соланин гэдэг бодис нь ургийн тархи мэдрэлийн тогтолцоонд сөрөг нөлөө үзүүлнэ. Мөн хаш ногоонд ихээр агуулагдах оксалатын давс нь эх ургийн биед хуримтлагдаж давсан талст үүсгэх, усны солилцоог алдагдуулах, кальцийн шимэгдэлтийг бууруулах нөлөөтэйг анхаараарай.

* Түүхий, шүүрхий мах өндөг. Токсоплазм, сальмонелла нянгийн халдвар авах эрсдэлтэй. Эдгээр халдвар нь урагт ноцтой эмгэг үүсгэх аюултай тул бүрэн болгож идээрэй.

Эцэст нь дүгнэхэд ямар ч хоол хүнсийг зөв хадгалж, зөв бэлтгэж, зохист хэмжээгээр тааруулан хэрэглэвэл ямар ч аюулгүй юм.
"Хоолыг эм шиг хэрэглэхгүй бол эмийг хоол шиг хэрэглэх болно" гэдэг үгийг үргэлж санаж байгаарай.

Илүү дэлгэрэнгүйг үзүүлэх үедээ эмчээсээ асууж лавлаарай.

#АрмониаЭмнэлэг


7718-0808