Yoga is Peace

30/10/2025

26/10/2025

Ахмад настанууддаа хандах нь:
Хүний нас богинохон, амьдарах гэж зүтгэсээр яваад нас тань яваад өгдөг, нэг мэдэхэд хийсэн бүхнийхээ хойно хоцорсоор үлддэг нь худлаа биш.
Та өөртөө зориулж юу хийв, хэн таны төлөө юу хийв ээ.
Та эрүүл явах эрхтэй. Үүний тулд өөрийнхөө хүслийг өчүүхэн хэсгийг сонсож, мэдрэмжээ хүлээн авч байгаач дээ. ....өө ямар гоё юм бэ, ямар мундаг юм бэ. сайхан юм аа......би завгүй....
гэх үгийн цаана таны хүсэл мөрөөдөл, цагаахан атаа, өөрийгөө голсон үзэл, гутранги байдал чинь онгойлгож байгаагүй айхтар хөшигний цаана үүрд үлдэх нь . Нэг л өдөр тэнийхгүй хөл бөхийхгүй татсан нуруу, тамир тэнхээгүй болох, чадахгүй болох өдөр ирнэ. Энэ мөчийг хүлээх хэрэггүй алхаж буй үедээ аяла алх хөдөл таларх хайрла.
Та хүн бүхний чаддаг, хийдэг зүйлийг хийх гээд хүсээд, санаад зориод үзээрэй. Ялангуяа хөдөлгөөн..... дахин, дахин хэлье. Хөдөлгөөн хий.
Би 60 гарсан хүмүүсд илүү хандаж хэлэхэд Та иог хийгээрэй.
Иогийг хүн зовж, тарчилж, шүд зуун,тэсэн ядан байж хийдэггүй юм аа.
Иогийг хүн жаргаж, бие сэтгэлийн тансаг мэдрэмжийг бага багаар амталж хийдэг юм. Тэсэж тэвчиж гэхээсээ илүү тууштай л байхад л аяндаа үр дүн нь ирдэг нь гайхалтай.
Та амар амгалан одоо цагтаа буюу тухайн хийж буй зүйлдээ л анхаарч төвлөрч, гомдсон, өвдсөн, өвдөх гээд байгаа эд эрхтэнээ тойглож, аргадаж, яаралгүй, хэн нэгнийг дууриахгүй, яг байгаа боломжоороо хийх, улмаар чимх чимхээр ахиулан хийхийг эд эрхтэн тань аяндаа хэлээд өгнө. Та үүнд баярлахгүй гэж үү.
Ийм мэдрэмжийг хүлээн авах, амтлахыг хүсэхгүй байх уу.
Иймд 60 нас гэдэг хоёр оронтой л тоо шүү дээ. Өрөөлийн хийх, хийх ёстой зүйлд өөрийгөө яаран бүү барьж өг, бүү зүтгэ. Өөртөө тэр цагаас үлдээж байгаарай. Энэ бүгдийн цаана та эрүүл явах эрхтэй, үүнийхээ төлөө өөрийгөө сонсож, бүх хүний чадах - иог хий гэж хэлмээр зөвлөмөөр байна.
Иог таньд амар амгалан, эрүүл энх, илүүдэл жингүй байх бүхнийг бэлэглэж .....чухам жаргаланг.... цаг хугацааны эрхээр авчирна.
Таны хамгийн сайн мэдэх, яахыг чинь, юу чадахыг чинь, танд дэндүү үнэнч эд эрхтэн чинь л хэлээд сануулаад, дохио өгөөд, үгэнд орохгүй болохоор аргаа барахдаа л өвдөж эхэлдэг гэдгийг мэддэг биз дээ. Танд насан туршид чинь хангалттай байдаг, зөвхөн та л гаргаж хэрэглэж болох их эрч хүч хадгалагдаж байдаг гэдэгт итгэх үү. Энэ үнэн шүү. Түүнийгээ одоо л ашигла, гарга. Өөртөө ганц удаа ч болтугай үнэнч хандаж, эрүүл өтлөх, хөдөлгөөн тэр тусмаа энэ насанд дэндүү ач тусыг өгдөг иог хийгээрэй. Итгээд эхлээд үзээрэй.
Багш Алимаа

26/10/2025

Эртний энэтхэгээс гаралтай иогийн баримтлах 8 зарчмын нэг хэсэг нь хүн хийдэг таагүй бүх үйлдлийг хийхгүй байх улмаар өөртөө эерэг бүхнийг бий болгоход иог тусалдаг.
Алив зүйлийг яг байгаагаар нь хүлээн авч, өөлж гоочилж, муулж, өсгөн дэвэргэх хэрэггүй, шүүж өөрийн бодлоор элдэвээр хувиргах ч хэрэггүй, хэнийг ч бай яг байгаагаар нь хүлээн авч, зөвшөөр, хүндэл, хайрла. Хэнээс ч гарах ...алдаа.. санамсаргүй гэдгийг хүлээн зөвшөөр. Та иогийн зам мөрийг сонгоход аяндаа бүхнийг сайхнаар харж, хайрлаж, талархаж чаддаг болно. Алив шунал унил, атаа хорсол, шүүмж, өрсөлдөх, хэн нэгнээс давах гэж өөртөө түмэн зовлонг хурааж эд эрхтэнээ гэмтээж, эдийн засгаар хохирч, эргэн тойрныхондоо ч хүндрэл учруулахыг хэн ч хүсдэггүй хирнээ л хийгээд байдаг.
Таны хийдэг хийж байсан цаашид хийж магадгүй таагүй үйлдлүүд санамсаргүй.
Одоо та иог хийдэг болоход л аяндаа сөрөг мэдрэмжүүд хүссэн хүсээгүй салан одно. Ингэснээр та яг байгаа бүхэндээ сэтгэл хангалуун, аз жаргалтай, тайван амар амгалан, бүх л зүйл болоод байх шиг, хүнийг өөрийн бодлоор өөрчлөх гэхгүй болно. Танд энэ л хэрэгтэй. Нөмөрсөн хувцас, зүүсэн зүүлт, зүсүүлсэн нүд нүүр, наасан хумс хуруунаас ч илүү зүйл бол дотоод сэтгэлийн амар амгалан л жаргал байдаг. Үүнийг мэдрэхийг л хичээ. Танд л хэрэгтэй. Цаг хугацаа хэнийг ч үл хүлээдэг. Хэрэггүй бодол хүсэл атаа хорсол өрсөлдөх давах шунал хов хөөцөлдөн хүн гутаахад чинь цаг хугацаа орно, толгой их ажиллана даа. Хэрэгтэй зүйлдээ л цагаа үлдээ. Тийм үү.
Багш Алимаа.

20/10/2025

2025.10.20

07/10/2025

Бурхан шүтээнд “Тумбаш буюу Эвтэй дөрвөн амьтан” залаатай байдаг байлаа. Гэтэл одоо Монгол айлуудад “Эвтэй дөрвөн амьтан” бараг үзэгдэхээ больжээ. “Эвтэй дөрвөн амьтан” нь зүгээр ч нэг дөрвөн амьтан биш юм. Заан нь Бурхан багшийн ойрын шавь болох Анандын урьд төрлүүдийн нэгэн төрөл, бич нь Бурхан багшийн шадар шавь Монголжийбуугийн урьд төрлүүдийн нэгэн төрөл, туулай нь Бурхан багшийн шадар шавь Шаарийбуугийн урьд төрлүүдийн нэгэн төрөл, шувуу нь Бурхан багшийн өөрийнх нь урьд төрлүүдийн нэгэн төрөл бөгөөд тэдгээр дөрвөн амьтан хоорондоо машид эвтэй найртай, харилцан хүндэтгэлтэй, зөв сайхан амьдарсаны үрээр тухайн нутаг оронд хур бороо цагтаа бууж, үр тарианы үржил шим сайн гарч, улс орон нь энх амгалан, хүн зон нь жаргалтай сайхан амьдарч байжээ. Иймийн учир “Эвтэй дөрвөн амьтан”-ыг залсан орон газар, айл өрхөд өлзийт сайн бүхэн түгэн дэлгэрч, хур бороо цагтаа бууж, байгаль дэлхий үр өгөөжөө хайрлаж, хэрүүл тэмцэл амирлаж, хүн зон эвтэй найртай, амгалан сайн бүхэн гардаг эрдэмтэй юм. Тиймээс та бүхэн эцэг өвгөдийнхөө уламжлал дагуу орон гэртээ “Эвтэй дөрвөн амьтан”-ыг залахын зэрэгцээ үр хүүхдүүддээ энэ үлгэрийг ярьж, тайлбарлан өгч байгаарай хэмээн Жадо ринбүчи багш маань Монголчууд бидэнд чухалчлан захисан билээ.

Эв эе, харилцан хүндлэл, өлзийт сайн бүхний бэлгэдэл болсон “Эвтэй дөрвөн амьтан”-ыг орон гэртээ залаарай, Монголчуудаа.

Айл өрх, орон газар бүхэнд
Амгалан сайн бүхэн гарч
Аюул зовлон бүхэн эвдрэн сарниж
Авралт чухаг дээд гуравын өлзий хутаг орштугай.

07/10/2025

Буддын шашны ухаанд арван хар нүглийг
1.Амьтаны амь таслах
2.Хулгай хийх
3.Бусармаг харилцаа
4.Худлаа хэлэх
5.Хов ярих
6.Чалчих
7.Ширүүн үг хэлэх
8.Хорон санаа
9. хомхой сэтгэл
10. Буруу үзэл
гээд заачихсан байдаг.
Хүн ер нь сайн сайхан бүхнийг хийж чадахгүй нь өөрийн хүчнээс давсан, санаа бодлоо хэрэгжүүлэхэд хэцүү, сэтгэл, итгэл, зүтгэл, эд хөрөнгө дутсанаас ч юм уу чадаагүй байж болно хөөрхий. Харин муу зүйл хийхгүй явахыг хичээх хэрэгтэй. Зөв явбал зөөлөн зөөлөн замбуулин гэдэг.
Худлаа хэлэх - энэ нь та өөртөө хир худлаа хэлж буй чинь хамаатай байх аа.
Өглөө эрт босох, өөртөө цаг зав гаргах, боломжийг хайж, гарц гаргалгаа олох, өөртөө өгсөн амлалтаа хир биелүүлж чадаж байна гэдэг сонин шүү. Угаасаа л өсөж төрсөн орчин, эцэг эхийн хүмүүжил гээд сайхан, өөгүй юм шиг хүмс харагдавч ....та дотор хүндээ хир үнэнч, худлаа хэлдэг үү. Бодсоноо хэдэн хувь биелүүлдэг вэ.
Та өглөө босоод аяга ус уух, эрүүл хоол идэх, гэдсээ цэвэрлэх, хэвшүүлэх ямар нэг хөдөлгөөн хийх, гараад туулах замын хэдэн хувьд алхаж хүрэх гээд бодсоныхоо хэдийг хэрэгжүүлж, хэвшүүлж, дадуулав
гэдэг л их чухал юм.
Таны гэсэн бүхэн эхээс төрсөн цагаас л танд үнэнч байсан. Харин таны хувьд хөл гар, нуруу нугас, эд эрхтэнээ хир хөдөлгөж баярлуулав, та тэдэндээ хир үнэнч вэ.
Яахав үнэтэй дээл хувцас, унаа машин, ээмэг бөгж, тарган мах, юм үзэж, нүд тайлах гээд зөндөө л баярлуулсан гэж бодож болно.
Гэтэл таны 72.000 судал суваг, 200 орчим яс,
600 орчим булчин шөрмөс арай өөр зүйлийг байнга танаас хүсдэг, хүлээдэг байвал яах уу.
Ходоод чинь зөв хоолыг хэмжээнд нь хүсдэг. Нуруу нугас хөл тулгуур эрхтэн, таван цул бүгд хэвийн жин, хөдөлгөөнийг хүсэж, хэрэв аз таарвал хэвийн жинтэй хүнийх нь хэвийн ажиллаж таныг урт удаан амар амгалан, өвчин зовлонгүй амьдрах үндэс тавигддаг.
Таныг баярлуулж, амьсгалуулж, инээлгэж, цатгалан байлгаж, харж, сонсож, алхаж гишгэж, буй бүхэндээ л бага ч гэсэн үнэнч байж худлаа л хэлэхгүй байхыг хичээж үзээрэй. Таны гэсэн бүхэн танд дэндүү үнэнч хирнээ дэндүү үнэтэй шүү.
Яадаг ч байсан ...заавал хэвийн жингийн төлөө л зүтгэ, хүс, тэмүүл.. үр дүн нь аяндаа ирнэ.
Далай багшийн:
...хүн үхэхгүй юм шиг амьдарч,
амьдраагүй юм шиг үхдэг... гэдэг хатуу хирнээ үнэн үг.

06/10/2025

Иога гэдэг Хүн төрөлхтөний эрүүл амар амгалан амьдрахад зориулагдсан агуу ухаан юм.
Алдарт тамирчид хожих ялах сүүлчийн алтан онооны төлөө тайвширах төвлөрөх амьсгалаа зөв удирдахад,
Алдсан эндсэн хүмс торны цаана цаг хугацааг даван туулахад сэтгэцийн эмгэгд өртөхгүйн тулд өөрийгөө хянаж сурахад
Ахмад настангууд чанартай өтлөхөд бэлдэж эрүүл үе мөч тулгуур эрхтэний ажиллагааг хэвийн байлгаж хадөлгөөний хомсдрлд өртөхөөс сэргийлж
Жингийн илүүлэлтэй хүмс боломжиндоо тулгуурлан тууштай хичээллэвэл таргалтын бие сэтгэхүйн эмгэгээс салахад
Хөгжлийн бэрхшээлтэй хүмс боломжоороо эрүүл бие бялдар сэтгэхүйн эмгэгт өртөхгүй нийгмийн харилцаанд хэвийн оролцож болохыг тулд
Эх орноо хамгаалах эр цэргүүд ч бие бялдарын болон сэтгэл санааны хатуужил тэсвэр тэвчээрийг бүтээхэд
Нярайчууд минь төрөад хэдхэн сартай маш уян хатан байдаг, бидний , хүн бүхний төрхийг бүтээдэг. . Та минь ийм л байсан, иогоор тууштай хичээллэхэд өөрийн хэрэгцээ болгож чадвал тэр унаган нярайн төрх рүүгээ л дөхнө гэсэн үг.
Иймд иог хүн төрөлтний эрүүл амар амгалан амьдрах ухаан юм .

06/10/2025

Би 5000 орчим найзтай. Тэдний маань хэд нь иог хийдэг бол гэж боддог юм.
Миний оруулсан постыг хараад .... Тийм. зөв зөв гоё юм аа... Мундаг юм аа.. Нэг сайхан өдөр иог хийнэ дээ... гэсэн пост олныг харах юм. Хүний амьдралын зорилго гэдгийг иогийн нэг багш маань иогийн сударт тэмдэглэгдсэнээр :
1. Үүгээ биелүүл
2. Эрүүл бай
3. Шуналаас ангид бай
4. Сэтгэлээ чалөөл, ямар нэг үзэл бодолд бүү баригд хэмээн дурьджээ.
Эрүүл байхын үндэс хоол, хөдөлгөөн, амар амгалан байдал гэдгийг шинжлэх ухаан нотолчихсон байх юм. Хаана ямар иога төвд хичээллэх нь хол ойрыг нь харж сонгох нь таны эрх л дээ. Гэхдээ ..Сонжин болдогоос өглөөний 6.30 цагийн ангид 6 сар хичээллэж, гайхалтай үр дүнд хүрч улмаар иогийн багш болсон нэг бүсгүй байна.
Иога маань таны насан туршын зөв амьдралын хэвшил байх нь .
Өвчин хүсэх хүн гэж үгүй, хүнд байдаг сайхан бүхэн мөнх бус өтлөх, өвдөх үхэх нь хорвоогийн жам боловч, амьсгалж буй мөч бүрдээ эрүүл байж өтлөх нь чухал. Ахмад өтөл насыг хүн бүр үзэж чадахгүй байгааг харж л байгаа даа. Нэгэнт энэ насанд хүрсэн бол хэнд ч асуудал үүсгэхгүй өөрийгөө эрүүл ахмад насаа ханьсах нь юунаас ч илүү чухал даа.
Доорхи зургийг хараарай та ийм нялх нярайдаа иог хийж л байсан.
АНУ-ын иргэн Tao Рorchon Iynch одоо 106 насыг насалсан ч хийж л байна.
Миний багш Sadhvi Abha Saraswati 70 гаруй настай иогийн багш минь ч гайхалтай хурдан хөдөлгөөнтэй.
/ улбар шар өмсгөлтэй/
Жингийн илүүдэлтэй бүсгүйчүүд минь битгий зов зүгээр л хийгээд эхэл.
Иракийн дайнд хөлөө алдсан иогийн багш Dan Nevins түүнийг хараарай.
Амьдралдаа алдсан хүмс торны цаана ч, их спортоор хичээллэгсэд, армийн дайчид, ахмад буурлууд, ээжүүд, бүсгүйчүүд гээд бүгд иог хүний амьдралд ямар их ач тустайг мэдэрч хийцгээж байх юм.
Танд эцэг эхээс заяасан эрүүл бүрэн бүтэн эд эрхтэн байна. Тийм ээ ....байдаг л зүйл..биш юм шүү. Энэ хорвоод тэврэх гар гишгэх хөлгүй ярьж сонсож ч чадахгүй хөөрхийнүүд зөндөө л байдаг.
Хүний төрөл гэдэг ховор хувь тавилан шүү. Хаа нэгтэй хорхой шавьж адгуус болоод төрөхийг үгүйсгэх аргагүй.
Амьсгалж, хөдөлж, гишгэж, баярлаж, инээж чадаж байгаа үедээ л өөрт байгаа бүхэндээ эрүүл саруул байх боломжийг өгч, тантай насан туршдаа хамт байх энэ биеэ хайрлаарай. Цаг хугацаа хүлээдэггүйг хүн бүр мэддэг хирнээ.....хүсдэггүй нь даан ч олон байх юм.
Хэн гуай ч хийж болдог чаддаг зүйлд өөрийгөө сориод үзээрэй. Та заавал хүний сүүл барьж явах гэж үү. Дунд ороод үзээрэй. Багш Алимаа