Эмч ээжийн зөвлөгөө

23/10/2025

ХАНИАД, ТОМУУ, ТОМУУ ТӨСТ ӨВЧНИЙ (ТТТӨ) ҮЕД ХҮҮХДЭЭ ХЭРХЭН АСРАХ ВЭ 😷💊

😷 Ханиад, томууны дэгдэлтийн үед асаргаа маш чухал байдаг. Эмч мэргэжилтэнүүдтэйгээ хамтран сайн ойлголцож, эргэх холбоо үүсгэн (эмчид итгэх итгэлцэл) өвчний явц, эдгэрэл нь хурдан байдаг билээ.

💊Ханиад, томуу дэгдэлтийн үед зөвхөн эмч, эмнэлэгийн байгуулгад найдах биш гэр асаргаа 80 хувь хийж байж хүүхдийн өвчиний намжилт, эдгэрэлт түргэн байдаг. Эмчийн заавар зөвлөмжийг чанд сахин сахилга баттай хэрэгжүүлэх. Үүнд:

✅ Эмийн цагийг яс баримталж өгөх. (Эмийг 6-8 цагийн зайтай өгөх бол утасан дээрээ сэрүүлэг тавих гэх мэт). Цагаа хатуу баримталж уувал эм үр дүнгээ хурдан өгдөг.

✅Эмийн тунг эмчийн зааврын дагуу асгаж цутгахгүй өгөх (хатуу эм бол хатуу эм, сиропон эм бол сироп г.м эмээ эмч яг яаж уу гэсэн тэгж уух, нухаж асгавал тун хэмжээ мэдээж багадаж үйлчлэхгүй) ба эм нь мэдээж амттан биш учир бөөлжүүлэхгүй, огиулахгүй уулгах нь маш чухал.

✅ Эмийн тун хэлбэр хэмжээг ээжүүд дур мэдэн өөрчлөхгүй байх.

✅Өвчилсөн хүүхдэд асаргаа сувилгааг уйгагүй үзүүлэх. Тогтмол цагт эмээ өгсөн бол араас шингэн бүтэцтэй хурц үнэргүй шингэц сайтай жигнэж чанаж болгосон хоол хүнсийг өгөх. Шингэн зүйлийг ердийн уух хэмжээнээс 2 дахин их уулгах. Ингэхдээ халуун бүлээнээр нь ойр ойр халбагадаж шимэх маягаар уулгах нь хүүхдэд эм болон шимэгдэх ба нэг дор их хэмжээгээр уулгавал бөөлжих аюултайг санах.

✅ Эм уулгаж байгаа эмчид үзүүлсэн гээд цагаар эмээ уулгахгүй асаргаа сувилгааг дутуу хийх нь өвчнийг ужигруулах төдийгүй эмийн үр дүн гарахгүй ба хүүхэд хавсарч өвчлөх магадлал их байдаг. Үүнд:
-Суулгалт, Бөөлжилт
-Дахисан хатгалгаа
-Уушигны бусад өвчины хүндрэл г.м

✅ Ахуйн чийгтэй хөнгөн цэвэрлэгээг 1-2 удаа хийх. Ингэхдээ хүүхдэд харшил өгөхөөргүй хурц үнэргүй бодисоор цэвэрлэж ил задгай угаасан хувцас хатаах, шээстэй даавууг пааран дээр ууршуулах, тоос шороотой эд зүйлс өвчилсөн хүүхдийн хажууд байлгахгүй байх. ( Уушигийг улам үрэвсүүлж хүндрүүлэх шалтгаан болдог)

✅Тогтмол цагт унтуулж, дэлгэцийн хэрэглээг хорих, өвчилсөн хүүхдийн тархийг улам ядрааж мэдрэлийн ядаргаанд оруулж, дархлааг дарангуйлна.

✅Амны хөндийг өглөө бүр цэвэрлэж өгөх. Бие хямарсан үед амны хөндийн нянгийн тэнцвэр алдагдаж хоруу чанартай нянгаар амны хөндий дүүрч эхэлдэг ба энэ үед хэлийг маш сайн цэвэрлэж өгөх хэрэгтэй байдаг ба том хүүхдийг амны хөндийг халдваргүйжүүлэх уусмалаар амны хөндий, залгиур хоолойг доргитол зайлуулж хэвшүүлэх.
Хүүхэд өвдсөн үед мөөгөнцөртөх ээжүүдийн хэлж хэвшсэнээр ам гэмтэх тохиолдолд ихсэх шалтгаан нь амны хөндийн нянгийн тэнцвэрт байдал дархлааны системтэй шууд холбоотой байдаг тул амны хөндийг өвдсөн үед тэр дундаа хэлийг маш сайн цэвэрлэж өгөх хэрэгтэй байдаг.

✅ Цэвэр агаар маш чухал. Гэхдээ хүүхэд ханиалга ихтэй халуунтай, нурмагар үед агаарт байлгах зохимжгүй ба эдгэрэлийн үе шатанд өдрийн дулаан агаар хүүхдэд эм болж өгдөг.

Эмч ээжийн зөвлөгөө

20/10/2025

Хүүхдүүдээ дулаахан өдрүүдэд салхилуулж ам хамар хоолойг нь хүйтэн агаарт бага багаар дасгаж байгаарай. Огцом агаарлуулах нь хоолой өвдөх, ханиах нэг шалтгаан шүү✨

15/10/2025

1-5 хүртэлх насны хүүхдүүд маань 6 сар тутамд 1 удаа уудаг өндөр тунт А витаминаа уусан уу
Өсөлт хөгжил, дархлаанд хамгийн чухал нь шүү✨

08/10/2025

“СУУЛГАЛТ ӨВЧИН” - Хүүхэддээ хэрхэн зөв ХРОСОЛЫГ өгөх вэ?

✅ буюу Шингэн Сэлбэх Давсны уусмал гэж юу вэ?

Ээж аав нарын маань хамгийн сайн мэдэх хросолыг олон улсын нэршилээр нь Шингэн Сэлбэх давсны (ШСД) уусмал буюу (Oral Rehydration Solution)гэж нэрлэдэг билээ. Глюкоз буюу сахар суурьтай давс (NaCl) агуулсан нунтаг бодисыг хэлнэ. Шингэн нөхөх давсны уусмал нь худалдаанд олон янзын нэршилээр олон янзын нэгдэл агуулж худалдаалагддаг.
Сүүлд ДЭМБ-н зөвлөмж стандартын дагуу сайжруулсан олон нэгдэлээс тогтсон Шингэн Сэлбэх Давсны уусмалыг эм үйлдвэрлэгчид үйлдвэрлэж эхэлсэн ба энгийн найрлага бүтэцтэй хуучин ШСД уусмал буюу олон элемент найрлага агуулсан (Rehydration Solution Malnutrition) харьцуулсан судалгаа ч гарсан байна. Үүнд хоногт гарах өтгөний хэмжээг 25%-р бууруулж, бөөлжилжийг 30%-р бууруулсан судалгаа гарсан байна. Шингэн алдалтаас шалтгаалж 24 цагт хэр хэмжээтэй уухыг таны хүүхдэд эмч зөвлөж өгнө.

✅Тэгвэл ямар тохиолдолд Шингэн Сэлбэх Давсны уусмалыг хэрэглэх вэ?

24 цагт 3 дээш удаа усархаг шингэнээр хүндрэхийг суулгалт гэж нэрлэдэг. Суулгалт маань бохир гар, эрүүл ахуйн дэглэм алдагдсан хүнс, бохир ус, халдвартай хүнээс өтгөн мөр ам буюу бохир гараар дамждаг билээ.
Нянгийн хоруу чанар их байх тусам суулгалт маань хурц өвдөлт ихтэй явагдана.
Суулгалт маань олон давтамжтай шингэн ихээр агуулж суулгах бүрт бие махбод ус эрдэсийн дутагдалд орж хүндрэл өгөх аюултай байдаг. Ийм учираас ШСД уусмал 1-р шугамын эмчилгээ буюу А эмчилгээ гэж нэрлэдэг. Таны хүүхэд шингэх алдах (бөөлжих суулгах) бүрт сахар, давс, ус бусад биед хэрэгтэй олон нэгдэлүүдээ алдаж байдаг.

✅ШСД уусмалыг хэрхэн зөв хэрэглэх вэ?

Хүүхэд суулгаад зогсохгүй байна, шээс нь гарахгүй унтараад байна гэсэн ээжүүд эмч нарт ханддаг. Хүүхэд унтаараад, шээс гарахгүй улам л дордоод байвал ШСД уусмалаа та огт өгөөгүй эсвэл буруу өгсөн гэсэн үг. Тухайн хүүхдийн хоногт алдсан өтгөн болон дээшээгээ хэр хэмжээтэй бөөлжисөнөөс шалтгаалан хүүхдийн биеийн жинд хоногт уух ёстой (ШСД) уусмалыг ДЭМБ-н стандартаар эмч харьцуулан бодож гаргана.Шингэн Сэлбэх Давсны уусмалыг өгсөнөөр суулгалт шууд зогсохгүй ч өтгөний хэмжээ багасч бага багаар тогтдог. Хамгийн гол нь та Шингэн Сэлбэх Давсны уусмалаа нөхөж өгснөөр хүүхэдээ алдсан эрдэсийг нь нөхөж суулгалтыг эмчлэх суурь эмчилгээ нь юм шүү.

❗️Ихэнх ШСД уусмал нь 1 литр усанд найруулагдахаар байдаг ба буцалам халуун усанд найруулж болохгүй. 60 хэмийн халуун усанд найруулаад халуунаа баридаг саванд найруулсан уусмалаа хийж 5-10 минутын зайтай 2-3 халбагаар халуун бүлээнээр хүүхдэдээ та халбагадаж өгөөрэй. Том хүүхдэд бол тасалгааны хэмд байгаа хросолыг 5-10 минутын зайтай бага багаар шимүүлж уулгаж болно. Бага насны хүүхдэд халуун бүлээнээр уулгавал хямарсан гэдсийг дүүргэхгүй байх давуу талтай- хүйтэн ШСД уусмал нь гэдэс дүүргэх гээд байдаг.
Алдсан шингэнийг нөхөхийн тулд уусмалаа нэг дор бүгдийг уулгахгүй 5-10 минутын зайтай 2-3 халбагаар суулгалт бөөлжил бүрийн араас өгсөнөөр алдсан эрдэс бодисыг нөхөж хүүхэд хүндрэхээс сэргийлдэг.

Эмч ээжийн зөвлөгөө

07/10/2025

ТА ХҮҮХДИЙН ЭМЧИЙН ҮЗЛЭГ ЦАГ АЛДАЛГҮЙ ГЭРЭЭСЭЭ АВАХЫГ ХҮСВЭЛ ☎️86218219 ЗАЛГАН ЦАГ ТОВЛООРОЙ. Дараах тусламж үйлчилгээг үзүүлж байна:
-ХҮҮХДИЙН БӨӨР ШЭЭСНИЙ ЗАМЫН ҮРЭВСЭЛТ ӨВЧИН
-БӨӨЛЖИЛТ СУУЛГАЛТ
-ХАНИАД ШУУХИНАА
-ХАРШИЛЫН ТУУРАЛТ, ЭКЗЕМ
-ЧИХ ХАМАР ХООЛОЙ үзлэг байнга хийж байна.

06/10/2025

Жирэмсэний 7сартайгаас эхэлж хөхний толгойгоо чийгшүүлж тосолж өгсөнөөр хагаралтаас сэргийлж, хөхний толгойг бэлдэж өгдөг. Та хэд маань ямар тос хэрэглэдэгээ бусадтайгаа хуваалцаарай.

04/10/2025

ХҮҮХЭД ХАЛУУРСАН ҮЕД ХАЛУУН БУУРУУЛАХ АРГА ХЭМЖЭЭ 🌡️🤒

🌡️Хүүхэд халуурч буй үедээ хөдөлгөөний идэвхи сул, шээсний гарц бага, хоолондоо дургүй, нурмагар болж эхлэдэг.

🤒Халуунтай хүүхдийг сайн ажиглавал амьсгаа нь түргэссэн уруул ам нь омголтож хатсан байдаг бай шээс нь ховордсон байдаг.

🌡️Халуунтай хүүхэд амьсгалаараа ихэнх шингэнээ алддаг гэж үздэг.(нян вирусын хордлого)
Иймд халууныг 37-37,5’ байх үед халуун бүлээн шингэн 5-10 минутын зайтай 2-3 удаа халбагаар ойр ойрхон уулгаж шээсний гарцыг нь нэмэгдүүлээд өгвөл хүүхдийн халуун хурдан буудаг.

🤒Халуунтай хүүхдийг хэт бигнэхгүй нимгэн дотуур хувцастай байлгаж, биеийг нь дээрээс доошоо, доороос дээшээ чиглэлтэй бүлээн алчуураар 2-3 удаагийн давтамжтай, арьсийг зөөлөн арчиж өгөх хэрэгтэй. Духан дээр бүлээн жин тавиж, толгой дагзыг норгож өгч болно.

🌡️37,5’ дээш халуурч байгаа үед эмчийн зааврийн дагуу халуун бууруулах эмээ уулгах ба халуун бууруулах эм нь багадаа цагийн дараа үйлчилж эхлэдэг ба энэ үед дээрх арга хэмжээг хамт авбал хүүхдийн хордлого хурдан тайлагдаж халууралт нь буудаг.

🤒Халууралт хооронд хүүхдэдээ шингэц сайтай хурц үнэргүй, амтлагчгүй, тосгүй ногооны зутангууд, будааны зутангууд, бантан гэх мэт зутанлаг хоолыг өгөх нь асаргаанд чухал ач холбогдолтой байдаг.

🌡️Зутанлаг хоол нь шингэн бүтэцтэй зажлуур багатай бол өвдсөн үед идэхэд хамгийн хялбар байдаг бай хүүхэд өвдсөн үед бүхэл хоол, хурц хоол, давс амтлагч ихтэй хоол, шарсан хайрсан харшилах хоол гэх мэт нь эмчилгээний үед хориглодог ба эдгээр хоол нь давхар ходоод гэдсийг үрэвсүүлэх хавсарсан нөлөө үзүүлж болзошгүй тул хооллолт дээр нь анхаарах асаргаанд маш чухал.

🤒Халууралт хооронд хүүхдээ дээрх аргаар хоолловол хурдан тэнхрэдэг ба халуурч байгаа хүүхэд хоол идэхгүй харин эсрэгээрээ бөөлжих аюултай тул халуун бууж буй үед хооллох нь хамгийн тохиромжтой байдаг.

🌡️Халууралт нь хэр өндөр байна нян вирусын хоруу чанар нь их, хордлого өндөр байнаа гэж үзэн халуун бүлээн шингэн зүйлийг ойрхон давтамжтай (ээж өөрөө халбагадаж өгөх) өгөх нь шээсний гарцыг нэмэгдүүлж хордлогыг хурдан тайлж халууралтыг хурдан буулгана

🤒Дээрх асаргаа нь халуунтай үеийн анхан шатны асаргаа ба хүүхэд 24 цагт халуун бууруулах эмэнд дарагдахгүй давтамж нь эм ууснаас 4-5 цагын зайтай ойр ойрхон халуурах, 24 цагаас дээш халуун бууж өгөхгүй тохиолдолд яаралтай эмнэлэгийн тусламж авахыг анхааруулж байна.

Эмч ээжийн зөвлөгөө

29/09/2025

Олон зүйлийг зэрэг амжуулж чадахгүй дээ битгий бухимдаарай. Өөртөө цаг гаргаж чадахгүйдээ ч гутрах хэрэггүй. Бүгд л хэсэгхээн хугаацаанд өрнөнө.🕊️🫂

19/04/2025

Өндөр тунт А витамин нь 6 сараас 5 нас хүртэлх хүүхдэд өгөх ба өсөлт хөгжил, дархлаанд чухал үүрэг гүйцэтгэдэг. Иймд жилд 2 удаа заавал уулгаж хэвшээрэй.
Мартуузай ✨

28/03/2025

Эмч ээжийн зөвлөгөө энэ удаад ӨВДСӨН ҮЕИЙН ШИНГЭНИЙ ХЭРЭГЛЭЭНИЙ ТАЛААРХ БЯЦХАН ЗӨВЛӨГӨӨГ хүргэж байна.
Хүүхэд ханиад томуу эсвэл шингэн алдсан үед шингэний хэрэглээ 1-2 дахин нэмэгддэг гэдгийг анхаарч чадвал хүүхэд маань хурдан сайжирдаг юм шүү.

Уухгүй байгаа хүүхэддээ халбагадаж эсвэл шприздээд уулгаж болно гол давтамж ойр ойр бүлээн шингэн байх ёстой.
Бүгшсэн цэрийг соруулах гэдэг ойлголтоо авч хаяарай тийм зүйл огт байдаггүй шүү, шингэний хэмжээг нэмж байж цэр суларч шимэгдэнэ. Суулгалтын үед нэг удаагийн баасаа 100мл гэж тооцоод шингэнээ бага багаар шимүүлж уулгаж байгаарай.
Ээж уйгагүй давтаад өгөөд байхад хүүхэд маань томрох тусамаа сайн ойлгоод уудаг болдог гэдгийг өөрийн 2 хүүхэд дээрээ харж байнаа. Өвдсөн үед нь саванд бүлээн шингэн хийгээд өөрт нь сануулаад ойр ойр уулгадаг.
ЭЭЖҮҮД бид чинь л хичээхгүй бол өөр ХЭН хичээх билээ.
Эмнэлэг дээр ирж үзүүлэхдээ огт уухгүй байна гэж ирдэг ээжүүд чармайгаад байгаарай. Огт уудаггүй хүүхэд гэж байхгүй ээ өвдсөн үед зараа шиг өргөстэй мэт ааштай үед халбагадаад аль болох л уулгана шүү. Эцэст урин цаг ирж байна даа. Бүгдийг нь тэврье. Амжилт 😌

25/03/2025