What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

https://www.facebook.com/577666672263273/

Minukhatun, Frazer town, Ulaanbaatar (2026)

06/03/2026

Санхүүгийн асуудал нь дан ганц мөнгөний тухай байдаггүй. Таныг бүхэлд нь өөрчилж, хархны тойрогт амьдруулах системийг бий болгож байдаг.

Та залхахгүй байна уу? Олон жил санхүүгийн дарамтад амьдраад. Бие организм, эрүүл мэнд сэтгэлзүй чинь ядраад туйлдаад байна шүү дээ.

Яг одоо л өөрчлөгдөхгүй бол хархны тойрогтоо дасал болдог.

Санхүүгийн асуудлыг шийдвэрлэх тархины шинжлэх ухааны аргачлалыг эзэмшүүлэх ӨӨРИЙГӨӨ СЭРЭЭ багц сургалтанд суугаарай.

06/03/2026

Ганц рийл хийх гэж 2 цагийн турш тольтойгоо ярьж, камерийн өмнө 3 цаг ямар хувцас өмсөх, нүүрээ будах уу, шилээ зүүх үү гэж бэлтгэл хийж, 15 минутын бичлэгийг 10 минут болгохоор ард нь явах ая сонгох, ямар бичвэр оруулах, төгсгөлөө яаж хийх вэ гэж 4 цагийн турш ноцолдож байж шинэ зүйл сурлаа шүү дээ. 🥹. Бараг Холливудын кино хийсэн юм шиг л өөрөөрөө бахархлаа. 😁.

"Яваандаа хурдан хийдэг болно". Яг ингэж шийдэхэд миний тархинд маш чухал процесс явагдаж байна.

рийл_хийвэл тархи хэрхэн суралцдаг вэ?
1. Эхний үе шат. Тархины шинэ зам үүсэх буюу шинэ зорилго тавигдаж эхлэх үе. (1–7 хоног)
Анх удаа рийл хийхэд тархи маань камерийн өмнө ярих, өөрийн дуу, нүүрний хөдөлгөөнийг хянах, ярианы бүтэц бодох, видео монтаж хийх, ая, текст, эффект сонгох зэрэг боловсруулж байсан. Энэ үед тархи маш их энерги ашигладаг. Учир нь шинэ мэдрэлийн холболт үүсгэж байгаа хэрэг. Тиймээс удаан, эргэлзээтэй, өөртөө шүүмжлэлтэй, ядаргаатай санагдана. Гэхдээ яг энэ үед тархи маань шинэ чадварын суурийг тавьж байгаа шүү дээ.

2. Дасан зохицох үе. Давталтаар автоматжих (14–30 хоног)
Өдөр бүр рийл хийсээр байвал тархинд маань ярих бүтэц автоматаар бодогдоно, камерын айдас багасна, монтаж хийх хурд нэмэгдэнэ, ямар кадр гоё харагдахыг шууд мэдэрч эхлэх өөрчлөлтүүд гарна. Учир нь тархинд миелин гэх хамгаалалтын давхарга мэдрэлийн эсийн замыг бүрж эхэлдэг. Энэ нь юу гэсэн үг вэ гэхээр мэдээлэл илүү хурдан дамждаг болно. Тиймээс 5 цаг зарцуулдаг байсан хүн 2 цагт рийл хийдэг болно.

3. Ур чадварын үсрэлт. Туршлага хуримтлагдах (30–60 хоног)
Энэ үед тархи хэв маяг таних чадвар суулгаж эхэлдэг. Жишээ нь "Энэ hook хүмүүсийг татна, энэ ая viral болдог, энэ кадр илүү чанартай харагдана, энэ өгүүлбэр хүмүүсийг коммент бичүүлнэ гэдгийг шууд мэдэрч эхэлнэ. Өөрөөр хэлбэл тархи "Юу ажилладаг вэ?” гэдгийг дата дээр үндэслэж сурна. Энэ үеэс эхлээд рийл хийхэд хурдан, илүү чанартай, илүү итгэлтэй болно.

4. Мэргэжлийн түвшин. Автомат чадвар (60–90 хоног)
90 хоногийн давталт хийсэн үед тархинд камерын өмнө ярих нь айдас биш болно. Контент хийх нь өдөр тутмын дадал болно. Видео эвлүүлэг нь автомат үйлдэл болж тогтсон байх болно. Энэ үед 10 минутанд зохиол бодно, 20 минутанд бичлэг хийнэ, 30 минутанд монтаж хийх ур чадвар суучихсан байна. Өөрөөр хэлбэл эхэндээ 5 цаг зарцуулдаг байсан ажил 1 цагийн ажил болдог.

Яагаад 90 хоног гэж ярьдаг вэ?
Учир нь судалгаагаар давтамжтай дадлаар шинэ зүйл сурсан мэдрэлийн эсийн зам батждаг. Давталт хийх тусам миелин зузаардаг. Давталт нь автомат чадвар үүсгэдэг гэдгийг нотлосон. Энэ процесс ихэнхдээ уртдаа 8–12 долоо хоногийн хугацаанд мэдэгдэхүйц болдог. Тиймээс хүмүүс 90 хоногийг "шинэ зорилгын шилжилтийн хугацаа" гэж ярьдаг.

Хамгийн чухал зүйл нь өдөр бүр 1 рийл хийх нь зөвхөн контент хийж байгаа биш камерын итгэл, түүх ярьж сурах, маркетинг ойлгож, хэрэгжүүлэх, сэтгэлзүй тайвширч, урам зориг нэмэгдэх, контент стратегийг ойлгож, хэрэгжүүлэх, жижигхэн видео продакшн ажиллуулах чадваруудыг зэрэг сурч байгаа юм. Өөрөөр хэлбэл өөрийгөө медиа машин болгож сургаж байна.

Эцэст нь хэлэхэд "Яваандаа хурдан хийдэг болно" гэж шийдэхэд өнөөдөр 1 рийл хийхэд 5 цаг зарцуулсан бол 30 хоногийн дараа 2 цаг, 60 хоногийн дараа 1.5 цаг, 90 хоногийн дараа 1 цаг болох ур чадварыг мастер түвшинд эзэмшинэ дээ. Учир нь тархи давталтаар ур чадварыг автомат болгодог. Тиймээс эхний удаа удаан байгаа нь асуудал биш. Харин өдөр бүр давтахгүй байх нь л жинхэнэ асуудал. Хийж эхлэх үү яах уу? гэж эргэлзэх нь жинхэнэ асуудал. Хүмүүс юу гэж хэлэх бол гэж айх нь жинхэнэ асуудал. Би одоо бэлэн биш байна гэж хойшлуулах нь жинхэнэ асуудал.

90 хоногт айдас, эргэлзээнээсээ салж, аливаа ур чадварыг эзэмших бүрэн боломжтой. Жишээ нь санхүүгийн асуудлаа САНХҮҮГИЙН ТОГТВОРТОЙ байдал руу тархиа дахин сургаж, давталттай үйлдэл буюу дадал болгох бүрэн боломжтой.

"Өөрийгөө сэрээ" багц сургалтыг танд санал болгож байна. 1 гэж бичээд сургалтандаа суугаарай.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

05/03/2026

Яагаад санхүүгийн асуудлаасаа гарч чадахгүй байгааг тархины үйл ажиллагаа талаас нь тайлбарлаж өгье.

Сургалтын мэдээлэл авах бол 1 гэж бичээрэй.

04/03/2026

Хувь тавилангаа өөрөө бичсэн хүү
(Ханчирын удмын сургаалиас)

Эрт урьд цагт, уулс тэнгэрт тулж, гол мөрөн оддын гэрэлд мөнгөлөн урсаж байсан цагт нэгэн овог байжээ. Тэр овогт хүмүүс нэг үгийг байнга ярьдаг байв. “Хүний хувь тавилан аль хэдийн бичигдсэн.” Хэн ядуу амьдрах, хэн баян болох, хэн азтай, хэн азгүй байх нь бүгд тэнгэрт бичигдсэн гэж тэд итгэдэг байлаа.

Овгийн хүмүүсийн дунд Аран нэртэй энгийн нэгэн хүү амьдардаг байв. Тэр багаасаа нэг зүйлийг ойлгодоггүй байлаа. “Хэрвээ бүх зүйл бичигдсэн бол яагаад зарим хүмүүс өөрсдийгөө өөрчилж чаддаг юм бол?” Тиймээс Аран энэ асуултыг олон хүнээс асууж учрыг тунгаахыг хүсдэг байв. Харин хүмүүс түүнд үргэлж ижил хариу өгдөг. Тэр нь “Битгий дэмий юм бод. Хувь тавилан өөрчлөгддөггүй.”

Гэвч Араны дотроос “Үнэн өөр байж болно шүү дээ” гэж шивнэдэг байлаа.

Нэг өдөр овгийн хамгийн өндөр уулын оройд амьдардаг буурай мэргэний тухай Аран сонсов. Хүмүүс “Тэр буурай хувь тавилангийн нууцыг мэддэг” гэж ярьдаг байлаа. Аран урт зам туулж уулын оройд хүрэв. Тэнд дөрвөн ханатай гэрийнхээ өмнө нэг цагаан сахалтай буурай сууж байв.

Аран буурайн мэндийг мэдээд "Хүмүүс хувь тавилан аль хэдийн бичигдсэн гэдэг. Энэ үнэн үү?" гэж асуулаа. Буурай мэргэн инээмсэглэж "Хүмүүс тэгж боддог юм" гэхэд "Тэгвэл үнэн нь юу вэ?" гэж лавшуурлан асуув. Буурай мэргэн Араныг уулын ирмэг рүү дагуулж очоод доорх хөндийг заангаа "Тэнд юу харагдаж байна?" гэхэд "Зам байна. Олон зам" гэж хүү хариулав. "Тийм ээ. Хүн бүр тэнд алхаж байна. Зарим нь нэг л замаар явж байна. Зарим нь өөр зам сонгож байна" гэж буурай мэргэн хэллээ. Аран "Тэгэхээр замыг хэн гаргадаг юм бэ?" гэж гайхан асуув.

Буурай мэргэн хэсэг чимээгүй байснаа "Хүний тархи" гэж хариулав. Аран ойлгосонгүй. Буурай мэргэн жижигхэн чулуу авч уулын налуу дээр тавихад чулуу доош өнхөрч эхэллээ. "Энэ юу вэ?" гэж буурай мэргэн асуулаа. "Чулуу" гэхэд нь "Харин энэ бол давтагдсан бодол. Чулуу нэг замаар олон удаа өнхөрөхөд тэр газар хонхор болно" гэж хэлэв. Чулуу олон удаа өнхөрөхөд газар дээр нарийхан зам үүсэж байгааг Аран хүү анзаарав. Буурай мэргэн "Тархинд яг ийм зүйл болдог. Бодол давтагдах бүрт тархинд зам үүсдэг. Хүн тэр замаараа амьдралаа явуулдаг. Хэрвээ хүн байнга “Би чадахгүй”, “Амьдрал хэцүү”, “Надад аз байхгүй” гэж бодвол тархи тэр замыг улам гүн болгодог. Ингэж хүн өөрөө мэдэлгүй нэг л амьдралын замаараа дахин дахин явж амьдардаг юм" гэв. Аран удаан бодсоны эцэст "Тэгвэл замыг өөрчилж болдог уу?" гэхэд буурай мэргэн инээмсэглэж "Мэдээж" гэж хэлээд нэг чулууг өөр газар тавив. Чулуу өөр зүг рүү өнхөрлөө. "Чи одоо харж байна уу?" гэхэд "Чулууны чиглэл өөрчлөгдчихлөө. Өөр замаар өнхөрч байна" гэхэд нь "Тийм ээ. Хүн шинэ бодол, шинэ үйлдэл давтах үед тархи шинэ зам үүсгэдэг юм" гэв.

Аран уулын оройд олон өдөр сууж анх удаа хүмүүсийн “хувь тавилан” гэж нэрлэдэг зүйл үнэндээ тэдний бодлын зам, тэдний айдсын зам, тэдний давтагдсан шийдвэрийн зам байж, харин хэн нэгэн хүн тэр замаас гарч чадвал шинэ зам үүсдэг юм байна" гэдгийг ойлгов.

Олон жилийн дараа овгийн хүмүүс Аран амьдралаа өөрчилсөн байхыг анзаарч эхлэв. Тэрээр айдасгүй болсон. Шинэ зүйл туршдаг болсон. Боломжийг олж хардаг болжээ. Нутаг усандаа нэр хүндтэй, мал сүрэг арвин, амжилт бүтээлтэй нас биед хүрсэн залуу болжээ. Овгийн хүмүүс гайхаж "Чи яагаад ийм азтай юм бэ?" Гэж асуухад Аран инээмсэглээд "Аз биш ээ" гэж хэлээд уул руу заангаа "Би зүгээр л шинэ зам үүсгэсэн юм" гэж хариулжээ.

Хүний хувь тавилан бичигдэггүй. Хүний тархи, хүний бодол, хүний зориг л хувь тавиланг бичдэг гэсэн буурай мэргэний хэлсэн үг тэрхүү овогт оршиж эхэлсэн гэдэг.

Та энэ пэйжийг маань дагахгүй бол дараагийн сонирхолтой нийтлэлийг уншилгүй өнгөрөх байх даа.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

04/03/2026

Аз гэж юу вэ?Тархины шинжлэх ухааны өнцгөөс тайлбарлаж өгье.
Хүмүүс аз гэдгийг ихэвчлэн "гадаад хүчин зүйл"-ээс санамсаргүй тохиолдсон үйл явдал гэж ойлгодог. “Азтай хүн”, “азгүй өдөр”, “аз таарах” гэх мэтээр ярьдаг. Гэвч орчин үеийн тархины судалгаанууд аз гэдэг зүйл санамсаргүй тохиолдол бус, тархины мэдээлэл боловсруулах, боломжийг анзаарах, шийдвэр гаргах механизм нь сайн хөгжсөн болохыг харуулдаг.

1. Тархины анхаарал шүүлтүүр буюу ретикуляр идэвхжүүлэгч систем
Хүний тархинд ретикуляр идэвхжүүлэгч систем хэмээх анхаарлын шүүлтүүр байдаг. Энэ систем нь секунд бүр орж ирж буй сая сая мэдээллээс зөвхөн чамд “чухал” гэж тэмдэглэгдсэн зүйлийг л гаргаж ирдэг. Жишээ нь чи шинэ машин авахыг бодож эхэлмэгц гудамжинд тэр машиныг хаа сайгүй харж эхэлдэг. Хэн нэгэн бизнес эхлүүлэхээр шийдвэл боломж, түнш, санаа гэнэт олон болж харагддаг. Жирэмсэн болбол эргэн тойронд дандаа жирэмсэн эмэгтэйчүүд харагддаг. Үнэндээ тэр боломж өмнө нь байсан. Харин тархи анзаарахгүйгээр тухайн мөчид танд хэрэгтэй мэдээллийг л шүүж харуулдаг байсан.
Тэгэхээр "АЗ" гэдэг бол боломжийг анзаарах чадвар юм.

2. Допамины систем ба боломжийг ашиглах чадвар
Тархин дахь допамины систем идэвхтэй үед хүн сониуч болдог, шинэ боломжийг туршиж үздэг, эрсдэлээс айх айдас бага, хурдан шийдвэр гаргадаг. Энэ төлөвт байгаа хүмүүс гаднаас нь харахад ихэвчлэн “азтай” юм шиг санагддаг. Учир нь тэд олон хүмүүстэй холбогддог, шинэ санаа туршдаг, боломжийг алдалгүй ашигладаг. Харин айдас, стресс давамгайлах үед тархины айдсын төвийг удирддаг амигдала идэвхжиж, тархи хамгаалалтын горимд ордог. Энэ үед шинэ боломжийг аюул гэж харна, эрсдэлээс зайлсхийдэг, үйлдэл хийдэггүй.
Ийм хүмүүс “Би азгүй” гэж бодох нь элбэг.

3. Сэтгэлзүйн хүлээлт ба тархины код
Тархинд хүлээлтийн код гэж байдаг. Хүн өөрийгөө “би азгүй”, “надад боломж олддоггүй”, “би чаддаггүй” гэж итгэвэл тархи тухайн итгэлтэй нийцэх мэдээллийг л илүү анзаардаг. Өөрөөр хэлбэл таны амьдралд болж бүтэхгүй зүйл л харагдаж, сонсогдож, болж өрнөдөг гэсэн үг.
Харин хүн “боломж байдаг”, “би олж чадна”, “би оролдож үзнэ” гэж итгэж кодловол тархи боломжтой, амжилттай, бүтэмжтэй мэдээлэл шүүж гаргадаг.
Өөрөөр хэлбэл тархи та ямар бодол бодно тэр бодлын чиглэлд таарсан бодит байдлыг илүү тод болгон бусад мэдээллээс шүүж танд харуулдаг.

4. Судалгаанд гарсан сонирхолтой ажиглалт
Зарим сэтгэлзүйн судалгаанд хүмүүсийг хоёр бүлэгт хуваасан байдаг.
1. Өөрийгөө азтай гэж боддог хүмүүс
2. Өөрийгөө азгүй гэж боддог хүмүүс
Тэдэнд нэг сонин өгөөд дотор нь хэдэн зураг байна гэдгийг тоол гэж хэлсэн. Сонины дунд “Энд 43 зураг байна. Үүнийг олбол шууд шагнал авна.” гэж томоор бичсэн өгүүлбэр оруулж өгсөн. Өөрийгөө азтай гэж боддог хүмүүс энэ өгүүлбэрийг хурдан олсон. Харин өөрийгөө азгүй гэж боддог хүмүүс огт анзаараагүй. Шалтгаан нь энгийн. Азтай хүмүүсийн тархи илүү нээлттэй, анхааралтай, боломж хайсан горимд ажиллаж байсанд учир нь байгаа юм.

5. Тархины шинжлэх ухааны өнцгөөс аз гэдэг нь дараах гурван хүчин зүйлээс бүрддэг.
1. Анзаарах чадвар. Тархи боломжийг шүүж харуулах
2. Үйлдэл хийх чадвар. Допамины систем идэвхтэй байх
3. Сэтгэлзүйн хүлээлт. Тархи ямар бодит байдлыг хайхыг шийдэх
Тиймээс зарим хүмүүсийг харахад азтай мэт санагддаг. Үнэндээ тэдний тархи боломжийг илүү хурдан олж, илүү хурдан ашигладаг.

Эцэст нь нэг зүйлийг ойлгох хэрэгтэй.
Аз гэдэг зүйл зөвхөн “таарах” биш, тархи боломжийг харах чадвартай болсон үед л өөртөө болон бусдад аз мэт харагддаг. ТЭГЭХЭЭР БИД ӨӨРСДИЙНХӨӨ АЗИЙГ УДИРДАЖ БОЛНО.

Хэрэв чи хүсвэл хувь заяа гэж нэрлэгддэг өөрийнхөө дотоод нөөц боломж, хүч чадал, авьяас билгээ хөгжүүлэх ӨӨРИЙГӨӨ СЭРЭЭ багц сургалтаар танд тархины шинжлэх ухааны аргачлалыг зааж өгье.
Хувь заяа чинь таны гарт байна. Өөрийн азыг бүтээ.

1 гэж бичиж мэдээлэл аваарай.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

03/03/2026

Олон сургалтанд суугаад, ном уншаад байгаа мөртлөө бодит амьдрал чинь өөрчлөгдөхгүй байгаа шалтгаан нь та АМЖИЛТЫГ бүтээдэг аргаа эзэмшээгүй байна гэсэн үг.

Амжилт гэдэг чинь олон жилийн нүр их хөдөлмөр шаарддаг зүйл биш өөрт тохирох аргаа эзэмшихэд л үр дүн нь гарчихдаг зүйл.

“Үгүй шүү дээ” гэж бодож байвал та өнгөрсөн үеийн сэтгэхүйгээр, буюу 1990 оноос өмнөх үеийн хуучин итгэл үнэмшлээр хайрцаглагдсан амьдралаасаа салаагүй байна гэсэн үг.

Танд сануулж хэлэхэд одоо 2026 он. Бүх зүйл боломжтой гэдгийг тархины шинжлэх ухаан батлачихсан.

Өөрийн амжилтын арга барилаа эзэмшихийг хүсвэл ӨӨРИЙГӨӨ СЭРЭЭ багц сургалтын 90 хоногийн хөтөлбөрт хамрагдаарай.

2026 оны 3 сарын 7-нд онлайн хичээл эхэлнэ.

90-хэн хоногийн дараа мандаж буй нарыг хараад ҮНЭХЭЭР БИ ЧАДЧИХЛАА ШҮҮ ДЭЭ гээд өөрөөрөө бахархаж сууна.

1 гэж бичээд сургалтандаа суугаарай.

03/03/2026

“Эзэн нь хичээвэл, заяа нь хичээдэг" гэдгийг тархины шинжлэх ухаанаар тайлбарлаж өгье.

Монголчууд энэ үг бол нэгэндээ урам өгөх хэллэг шиг ашигладаггүй байжээ. Энэ нь тархины биологи, мэдрэлийн уян хатан чанар, зан үйлийн сэтгэлзүйтэй шууд холбоотой нягт ойлголт юм.

1. Тархи бол уян хатан систем
Хүний тархи “нейропластик” буюу тархи дахин өөрчлөгдөх чадвартай. Чи давтан хичээх бүрт тархин дахь мэдрэлийн эсүүдийн хооронд шинэ холбоос үүснэ. Давтах тусам үүссэн холбоосууд зузаарна. Ингэж зузаарсан мэдрэлийн эсийн холбоо автомат үйлдэл болж шинэ дадал тогтдог.
Өөрөөр хэлбэл, чи хичээх тусам тархи чинь шинэ “хувь заяаны зам”-даа орж эхэлдэг.

2. Амигдала ба Тархины урд хэсэг
Тархинд хоёр чухал хэсэг бий. Эхнийх нь "Амигдала". Айдас, аюулын дохиог удирддаг. Нөгөөх нь тархины урд хэсэгт байрлах Ухамсрын төв. Шийдвэр, стратеги, урт хугацааны төлөвлөлтийг удирддаг. Чи "хичээх" үед айдсаас зугтахгүй, тав тухын бүсээс гарна, шийдвэр гаргаж чаддаг. Энэ үед тархины урд хэсэг идэвхжиж, амигдалагийн үйл ажиллагаа сулардаг.
Тэгэхээр “эзэн нь хичээх” гэдэг нь айдасны дохиог удирдаж, ухамсарт шийдвэр гаргахыг хэлж байгаа хэрэг юм.

3. Допамины систем ба боломжийн илрүүлэлт
Чи зорилготой хичээж эхлэхэд тархинд допамин даавар ялгарна. Допамин зөвхөн “хийж чадаж байна, болж байна гэсэн таашаалын даавар” биш. Домпамин бол боломж илрүүлэгч, урам зориг үүсгэгч, анхаарал төвлөрүүлэгчийг бас ажиллуулдаг. Чи идэвхтэй ажиллах үед тархи чинь “Боломж хаана байна?”, “Ямар гарц байна?”, “Яаж шийдэх вэ?” гэсэн асуултад автоматаар хариу хайж эхэлдэг. Ингээд өмнө нь анзаарагддаггүй байсан боломжууд харагдаж эхэлнэ.
Гаднаас харахад “заяа хичээж байна” мэт боловч үнэндээ тархины анхаарлын шүүлтүүр өөрчлөгдсөн байдаг.

4. Ретикуляр буюу анхаарал, сэрэмжийг зохицуулчийг идэвхжүүлэгч систем (RAS)
Тархинд нэг шүүлтүүр систем бий. Энэ систем нь чиний итгэл үнэмшил, чиний зорилго, чиний анхаарлыг дагаж мэдээллийг шүүдэг. Жишээ нь чи шинэ машин авах бодолтой бол гудамжинд тэр машиныг байнга харж эхэлнэ. Яагаад?Учир нь тархи чинь “Энэ чухал” гэж тэмдэглэж, хадгалдаг.
Тиймээс “эзэн нь хичээвэл” гэдэг нь тархиндаа зорилгоо чухал гэж бүртгэхийг хэлнэ. Харин “заяа нь хичээдэг” гэдэг нь ретикуляр тэр зорилготой холбоотой боломжийг илрүүлж эхэлдэг гэсэн үг.

5. Зан үйлийн давталт ба хувь тавилан
Хүн бол дадал зуршлын амьтан. Нэг удаа хичээхэд түр зуурын өөрчлөлт гарна. Харин давтан хичээхэд шинэ зан төлөв, үйлдэл сууж эхэлдэг. Шинэ зан төлөв, үйлдэл нь шинэ үр дүн гаргана. Шинэ үр дүн нь шинэ амьдралын замыг бий болгодог.
Үүнээс харахад “заяа” гэдэг нь чиний давтагдсан зан төлөв, үйлдлийн тархины бүтцийн өөрчлөлтийн нийлбэр байх нь.

Эцэст нь дүгнэж хэлэхэд “Эзэн нь хичээвэл, заяа нь хичээдэг” гэдэг нь чи идэвхтэй үйлдэл хийхэд тархи чинь шинэ мэдрэлийн зам үүсгэж, айдсын дохиог унтрааж, боломжийг илүү хурдан илрүүлнэ. Ингэснээр шинэ зан төлөв, үйлдлийг бий болгож амьдралын замаа өөрчилдөг гэсэн биологийн үнэн гарч ирж байгаа юм.

Заяа бол гадаад хүч биш. Заяа бол чиний тархины дахин програмчлал, давталттай үйлдлийн үр дүн.

Хэрэв чи хүсвэл би чамд хэрхэн ЭЗЭН хичээхэд ЗАЯА хийчээдгийг ӨӨРИЙГӨӨ СЭРЭЭ багц сургалтаар тархины шинжлэх ухааны аргачлалыг зааж өгье.
1 гэж бичиж мэдээлэл аваарай.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

02/03/2026

Олон сургалтанд суугаад, ном уншаад байгаа мөртлөө бодит амьдрал чинь өөрчлөгдөхгүй байгаа шалтгаан нь та АМЖИЛТЫГ бүтээдэг аргаа эзэмшээгүй байна гэсэн үг.

Амжилт гэдэг чинь олон жилийн нүр их хөдөлмөр шаарддаг зүйл биш өөрт тохирох аргаа эзэмшихэд л үр дүн нь гарчихдаг зүйл.

Үгүй шүү дээ гэж бодож байвал та хайрцаглагдсан амьдралаасаа салаагүй байна гэсэн үг.

Өөрийн амжилтын арга барилаа эзэмшихийг хүсвэл ӨӨРИЙГӨӨ СЭРЭЭ багц сургалтын 90 хоногийн хөтөлбөрт хамрагдаарай.

2026 оны 3 сарын 7-нд онлайн хичээл эхэлнэ.

90-хэн хоногийн дараа мандаж буй нарыг хараад ҮНЭХЭЭР БИ ЧАДЧИХЛАА ШҮҮ ДЭЭ гээд өөрөөрөө бахархаж сууна.

Энэ пэйжийн чат руу 1 гэж бичээд “Өөрийгөө сэрээ” багц сургалтын мэдээллийг аваарай.

02/03/2026

2026 он бол хүн бүрийн Glow Up хийдэг жил. Glow up? Glow up гэдэг нь хүний гадаад төрх, дотоод байдал, сэтгэлгээ, амьдралын түвшин бүхэлдээ илт сайжирч, “өөр түвшинд гарсан” өөрчлөлтийг хэлдэг ойлголт.

Анх энэ үг нь гадаад төрхийн сайжрал (арьс, үс, биеийн галбир, хувцаслалт) гэсэн утгаар хэрэглэгддэг байсан. Харин одоо илүү өргөн утгатай болсон.

Glow up-ийн 3 түвшний өөрчлөлт
1. Гадаад glow up
– Арьс цэвэр, гэрэлтсэн болох
– Биеийн хэлбэр өөрчлөгдөх
– Стиль, хувцаслалт сайжрах
– Өөртөө итгэлтэй харагдах
Энэ бол хүмүүсийн хамгийн түрүүнд хардаг хэсэг.

2. Дотоод glow up
– Сэтгэл хөдлөлөө удирдах чадвар
– Айдас, эргэлзээнээс ангижрах
– Өөрийгөө үнэлэх үнэлэмж өсөх
– Хуучин хорт итгэл үнэмшлээ солих
Энэ бол тархины дахин програмчлалын түвшин.

3. Амьдралын glow up
– Орлого өсөх
– Шинэ боломжууд нээгдэх
– Орчны чанар өөрчлөгдөх
– Өөрийн үнэ цэнэ нэмэгдэх
Энэ бол үр дүнгийн түвшин.

Тархины шинжлэх ухаан талаас нь тайлбарлавал Glow up гэдэг нь
#Шинэ дадал үүсэх (тархинд амжилтын мэдээлэл сууж мэдрэлийн эсийн холбоосууд бэхжих).
#Өөрийгөө шинэ дүрээр харах (дотроо хүсч буй өөрийнхөө жинхэнэ дүр төрхийг бодит амьдрал дээрээ бий болгож, тэр амьдралаараа амьдрах)
#Айдсын төв (амигдала) тайвширч, шийдвэр гаргах хэсэг (урд тархи) идэвхжиж, зөвхөн амжилт рүү төвлөрөх автомат үйлдэл хийгддэг болох
#Үнэ цэн бүхий зүйлээс допамины цикл үүсэх. Мөнгө хийгээд байгаа мөртлөө тогтдоггүй, мөнгө үрдэг хямд таашаалаас мөнгө хийдэг үнэ цэний таашаал үүсгэх.

Өөрөөр хэлбэл glow up бол гадаад өөрчлөлөөс гадна чиний тархины системийн шинэчлэлийг хэлж байгаа юм.

Чиний хувьд glow up гэдэг нь Чиний ярьдаг шиг “Айдсаас орлого руу”. “Саарал амьдралаас алтан систем рүү”, “Хуучин дүрээс шинэ дүр рүү” хувирахыг хэлж байгаа юм.

Энэ бол “өөрийгөө сэрээх” процесс. Хэрвээ хүсвэл би чамд 90 хоногийн тархи, орлого, тогтвортой амьдрал гурвыг нэгтгэсэн “Өөрийгөө сэрээ” glow up системийг зааж өгье. Нэг удаа өөрчлөгдөх биш түүнийгээ тогтвортой барьдаг аргачлалыг зааж өгье.

Энэ пэйжийн чат руу 1 гэж бичиж мэдээлэл аваарай.

Санаанд багтсан зүйл заяанд багтдаг.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

02/03/2026

“Санаанд багтсан зүйл заяанд багтдаг” гэдгийг тархины шинжлэх ухаан талаас нь тайлбарлаж өгье.

“Санаанд багтана” гэдэг нь зүгээр мөрөөдөөд суухыг хэлээгүй. Энэ нь тархинд “боломж”-ийн зураг үүсгэсэн гэсэн үг.

Хүний тархи дараах зарчмаар ажилладаг
1. Урьдчилан таамаглах тархи
Тархи бол таамаглагч эрхтэн. Ирээдүйг төсөөлж, “боломжтой” ба “боломжгүй” гэж ангилдаг.
Хэрэв нэг зүйл боломжтой гэж тархи дотоод системдээ бүртгэгдсэн бол анхаарал тийш чиглэнэ. Боломжийг илүү хурдан олж харна. Айдас бага идэвхжинэ. Үйлдэл хийх магадлал өснө. Харин “надад хэзээ ч тохиолдохгүй” гэж дүгнэвэл тархи тэр чиглэлийн мэдээллийг шүүнэ, аливаа боломжийг үл тоож эхлэнэ.

2. Анхаарлын шүүлтүүр
Тархинд “анхаарлын шүүлтүүр” гэж нэрлэгддэг тогтолцоо бий. Чи ямар зүйлд итгэдэг, түүнийгээ л илүү их харж эхэлдэг. Жишээ нь шинэ машин авахыг бодоход гэнэт гудамжаар тэр машин олноороо харагддаг. Энэ бол ид шид биш. Тархи “энэ чухал” гэж тэмдэглэсэн учраас мэдээллийг ялгаж харуулж байгаа хэрэг.

3. Айдсын төв ба боломжийн мэдрэмж
Хэрэв дотоод итгэл үнэмшил чинь “энэ аюултай” гэж кодлогдсон бол айдсын төв идэвхжинэ.
Тэгэхэд шийдвэр гаргах хэсэг сулрана. Тиймээс санаанд багтахгүй зүйл аюултай, боломжгүй гэж кодлогдож, санаанд багтсан зүйл нь боломжтой гэж кодлогдож, эцэст нь мөрөөдлөө бодит болгодог.

“Заяа” гэж юу вэ?
Шинжлэх ухаанаар бол “заяа” гэдэг нь сонгосон үйлдлүүдийн нийлбэр. Анхаарал түүнд төвлөрч, давталттай хийх шийдвэрийн үр дүн. Дотооддоо үүсгэсэн чиний дүрийн дагуу амьдрах цикл. Чи өөрийгөө “ядуу хүн” гэж төсөөлбөл тэр дүрийн дагуу сонголт хийнэ. “Боломжтой, өсөх чадвартай хүн” гэж төсөөлбөл өөр цикл үүснэ.

Иймээс “Санаанд багтсан зүйл” итгэл болж хувирна. Анхаарал тийш чиглэнэ. Үйлдэл нэмэгдэнэ. Үр дүн гарна. Энэ нь “Заяа” мэт харагддаг байна.

Монголчууд санаандаа хэрхэн багтаадаг байсан бэ?
Орчин үеийн тархи, мэдрэлийн шинжлэх ухааны хэллэг ашиглаагүй ч, уламжлалт арга нь яг л тархины програмчлал байсан.

1. Ерөөл ба магтаал
Монголчууд ерөөл хэлдэг байсан. Ерөөл гэдэг бол таны ирээдүйн дүр төрхийг үгээр батлах, боломжийг “байгаа мэт” зарлах, сэтгэлд зураг үүсгэдэг. Үг олон давтагдвал тархинд шинэ зам үүсч, тархи тэр боломжийг бий болгохоор автрматаар ажиллаж эхэлдэг.

2. Дүрслэх сэтгэлгээ
Нүүдэлчдийн соёл нь байгаль, ан, мал, тэнгэрийг байнга ажиглана. Бидний сэтгэлгээ зураглалд суурилсан байсан. Баатар болохоос өмнө баатарын дүрийг дуунд, домогт сонсдог. Баян айл болохоос өмнө баян айлын амьдралыг төсөөлдөг Энэ нь тархинд “боломжтой гэсэн хэв маяг” үүсгэдэг байжээ.

3. Хүлэг ба замналын бэлгэдэл
Морь бол зүгээр тээвэр унаа байгаагүй.
Морь бол чиглэл, замнал, хувь тавилан байсан. Хүн өөрийгөө ямар морьтой, ямар замд явж байгаагаар төсөөлнө. Энэ нь дотоод дүрийг тогтоодог.

4. Сэтгэлийн тэнхээ
Монгол соёлд “Зүрх зориг”, “Сэтгэлийн хат”, “Тэнгэрт даатгах” гэсэн ойлголт байсан. Айдсаа давж чадна гэж итгэх нь тархины айдсын төвийг намжаадаг.

“Санаанд багтсан зүйл заяанд багтдаг” гэдэг нь тархи боломжтой гэж бүртгэсэн зүйлд анхаарал, энерги өгдөг. Боломжийн зураг үүсээгүй бол тархи хаалгаа хаадаг. Тиймээс дотоод дүрийг яаж бүртгэснээс шалтгаалж, түүнд тохирсон үйлдэл автоматаар хийгдэж үр дүн нь “заяа” буюу хувь заяа чинь болдог юм.

Монголчууд үүнийг “Ерөөл, Домог, Дүрслэл, Бэлгэдэл, Давтамжит үг” гэсэн аргаар сэтгэлдээ суулгаж ирсэн.

Эцэст нь би нэг асуулт асууя.
Чиний санаанд яг ямар амьдрал “боломжтой” гэж багтсан байна вэ?
Тэр л одоогийн заяаг чинь чиглүүлж байна.

Өөрийн хувь заяагаа дахин бичмээр байгаа бол 1 гэж бичээд надтай холбогдоорой. Тархины шинжлэх ухааны аргачлалыг танд зааж өгье.

Юу санасан есөн цагаан хүсэл нь биелэх болтугай.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

01/03/2026

Энэ хорвоо дээр юу сайхан гээч? Таны дотор байгаа 1000 дүрээ амилуулах хамгийн сайхан. Аав ээждээ жаахан хэвээрээ байгаа охины дүр, хүүхдүүддээ халамжит ээжийн дүр, хайртай хүндээ эрхэлдэг, туньдаг, халамжуулдаг, бас түшигтэй ханийн дүр, найз нөхөддөө хамаг тэнэг царайгаа харуулж чаддаг үнэнч найзын дүр, ажил дээрээ хариуцлагатай чадварлаг удирдагчийн дүр, дүү нартаа үлгэр дуурайлал болдог эгчийн дүр, соёлын шоконд ордог аялагчийн дүр, эрдэмтэдтэй уулзахаараа дутуугаа мэдэрч, заавал тэдний нэг болно доо гээд өөрийгөө хөглөдөг дүр, амьдралд өвдөг шороодчихоод дараа жилийн наадамд заавал түрүүлнэ гэдэг шазруун дүр.

Энэ бүх дүрээ амилуулж чаддаг байх нь хамгийн сайхан. Юу гэсэн үг вэ гэж үү? Эрхлэх үедээ эрхэлчихдэг, чанга бат бөх үедээ тэсвэр ухаантай, нялхармаар үедээ нялхарчихдаг, чадахгүй үедээ буугаад өгчихдөг, шазруун үедээ ард нь гарчихдаг. Хиймээр байгаа зүйлсээ хийчихдэг, дургүй, таалагдахгүй зүйлдээ үгүй, чадахгүй гээд шууд хэлчихдэг өөрийн гэсэн хил хязгаараа тогтоосон гэсэн үг. Юмны учир начрыг таниад, давс тунг нь тааруулж, энгийн зүйлээс таашаал авч чаддаг нэгэн гэсэн үг.

Өөрийнхөө дүр бүрийг бүтээ, дүр бүхнээ амилуул. Дүр бүрээ бүтээх эрх чөлөөг эрхэмлэ. Дүр бүрийг чинь бүтээлгэдэг эрх чөлөө олгодог тэр хүмүүсийн дэргэд л оршоорой. Зөв хүмүүс, таныг дэмждэг хүмүүс л тэнд байдаг юм шүү. Амьдрал ямар тансаг, гайхалтай гэдгийг жинхэнэ утгаар нь та мэдэрнэ.

Та багшийн дүр бүтээмээр байна уу? Нийгмээс өгөгдсөн хэвэнд баригдах бус өөрийн чинь дотор гарч ирэхэд бэлэн байгаа тэр багшийн дүрийг бүтээ. Жижиг байсан ч дүрээ байгаагаар нь хайрла.

Харин ямар ч дүр бүтээсэн “ёс суртахуун” гэдэг зүйлийг хэзээ ч битгий уландаа гишгээрэй.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

28/02/2026

Чи хэзээ сайхан амьдрах вэ гэж үү?
Чи яг өөрийгөө олсон цагт. Сэтгэл хөдлөлөө удирдаж, мэдрэмжээ таньж эхэлсэн цагт. Хуурмаг багаа тайлж, бодит ертөнцийг олж харсан цагт. Өөрийгөө үнэлж, юу чаддагаа мэдсэн цагт. Өөртөө цаг гаргаж, өөртөө хөрөнгө оруулсан цагт.

Бусдын үнэлгээгээр өөрийгөө хэмжихгүй, тэдний юу бодож, юу хэлж байгааг тоохоо больсон цагт.
Хэн нэгнээс тэгэх болов уу? Намайг ойлгох болов уу? Хайрлах болов уу? Ярилцах болов уу? Өгөх болов уу? Хийх болов уу? гэх мэтчилэн аархан юманд хүлээлт үүсгэхээ больсон цагт.

Амьдралын юунаас таашаал авдагаа мэдсэн цагаас эхэлж, тэр таашаал нь чамайг үргэлж өөдлөхөд чинь хэрэгтэй болсон цагт чи сайхан амьдарна.

Сэтгэлд чинь нэг л худлаа санагдвал, нэг л зүйл болохгүй байгааг мэдэрсээр байвал тэр чиний дараагийн шат руу гарах цаг болсныг илтгэж байгаа юм.

Сэтгэлийн дуудлагаа зорилго болгоод хугацаа тавь, хугацаандаа өөрийгөө юу хийж чадахаа хар. Зорилго чинь бодит болж эхэлтэл хэзээ ч битгий бууж өг. Энэ мөчөөс чи сайхан амьдарч эхэлнэ.

Хайртууд минь сэтгэлийн дуудлагаа сонсох цаг чинь ирсэн байна.

Намайг Минухатун гэдэг.
Би нейропсихологич мэргэжилтэй.
(Тархи болон хүний сэтгэл хөдлөл, зан үйлийн хоорондын уялдааг судалдаг шинжлэх ухааны мэргэжилтэн)

Minukhatun

06/03/2026

06/03/2026

05/03/2026

04/03/2026

04/03/2026

03/03/2026

03/03/2026

02/03/2026

02/03/2026

02/03/2026

01/03/2026

28/02/2026

Address

Opening Hours

Telephone

Website

Alerts

Shortcuts

Share

Category

Бидний тухай

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00