Minukhatun

03/02/2026

Танд тайлбарыг үлдээе. Шүүмж хэлмээр байгаа бол доромжлол шүүмж хоёр ялгаатай шүү гэдгийг сануулъя.

03/02/2026

Хэн ч чамайг зогсоож чадахгүй хүн болмоор байна уу? 2026 он чи бэлэн эсэхээс үл хамааран болоод өрнөнө. Тиймээс яг одоо л хөдөл.

Чи сул учраас амжилтаа бүтээх сахилга батгүй байгаа юм биш шүү. Автоматаар ажиллах системийг хэзээ ч байгуулж байгаагүй учраас л тэр. Ихэнх хүн нэг л өдөр “болчихно” гэж найдаж амьдардаг. Чи тэдний нэг биш гэдэгт итгэж байна.

Тархины сургалт маань илүү хичээх тухай биш. Өөрөөр сэтгэх, өөрөөр амьдрах, сахилга батыг анхдагч зан төлөв болгох тухай.

Багцын сургалтын 2026 оны явагдаж байна.
ТӨЛБӨР: 149.000 төгрөг
Банк: Хаан банк
Данс: MN910005005313722970
Эзэмшигч: Минухатун
Гүйлгээний утга: фэйсубүүк нэр
Энэхүү пэйжийн чатанд төлбөрийн баримтаа илгээнэ.

Системээ байгуул. Зогсоохын аргагүй хүн бол.

1 гэж бичээд дэлгэрэнгүй мэдээлэл авч болно шүү хонгорууд минь.

02/02/2026

Би Монголд очоод энэ тоглолтыг үзмээр байна. Монгол цамц, богино ууж өмсөөд, эвэр үс зүүгээд, урт гэгч нь ээмэг гоёлтойгоор, хар нүдний шилтэй, доогуураа конверс, өргөн хар жинстэйгээр чиллэрмээр байна. Бас Навааныг хүндэтгэж модон эрх гартаа зүүмээр байна. Бүх дууг нь цээжилж байгаад хоолойны цараараа бахирч дагаж дуулмаар байна. 🥹😅

🔥 2026.05.23 Төв цэнгэлдэх хүрээлэн “Тэнгри” тоглолт болно гэдгийг албан ёсоор зарлаж байна.

2025 оны эхэнд цацагдсан Жүрээм,Даягаас эхлэн бид үүнийг төлөвлөсөн билээ.
Монгол хөгжим,түүхтэй дуу хийж болж байгаа юм чинь яагаад монгол утга агуулгатай тоглолт хийж болохгүй гэж.

Клипэн дээр шат ахисан шиг тоглолт дээрээ бид шат ахих болно.

Энэ өдөр хээр морьд давхилдаж улаан орхимж агаарт хийснэ.
Цаа бугын тачигнах чимээнээр чоно улих үед хөгжим дугарна.

Огшоож,тайвшруулж,орилуулж,гуниглуулна.
Олон мэдрэмжийг тань нэг дор гаргана.
Он цагийн хэлхээгээр аялуулна.
Ойрад,халх,буриад,казах олон үндэстэн ястан цөмийг цуглуулна.

Морин хуурын аялгуунд автуулж
Морьтой ирхэд чинь тосож авна.
Уул ус тэнгэртээ залбирч
Урлаг гэгчийг урлаж үзүүлнэ.

Өмнөх тоглолтыг минь үзсэн бол дахин ирээрэй.
Үзэж амжаагүй бол энэ удаад бүү хоцроорой.

Энэ зарыг намайг мэдэх монгол хүн бүрт хүртэл түгээж өгнө үү!
Та бүхнийг хүндэтгэсэн :
Тэнгри төслийн хамт олон

Урьдчилсан тасалбар буюу earlybird худалдаанд гарлаа.

🎟️ Тасалбар авах холбоос:

https://boxoffice.mn/event/tengri

☎️Тасалбар худалдан авахтай холбоотой дэлгэрэнгүй мэдээлэл авах утас: 97026767, 75338787

31/01/2026

Монголчууд Nipah virus-ээ илрүүлж чадах шинжилгээний тоног төхөөрөмж, хариу арга хэмжээ авах зүйлсээ бэлдсэн юм болов уу?

Үхлийн аюултай Нипа вирусын дэгдэлт өнгөрсөн жил Энэтхэгийн Керала мужид 17 хүний ​​аминд хүрсэн. Одоо Керала мужийн Эрнакулам дүүргээс 23 настай оюутан Нипах вирусын халдвар авсан шинэ тохиолдол дахин бүртгэгджээ. Кералагийн эрүүл мэндийн албаныхан энэ 23 настай оюутан залуугаас гадна энэ оюутантай харилцаж байсан 86 хүнийг илрүүлжээ.

Nipah вирусын талаар та юу мэдэх хэрэгтэй вэ:

Nipah вирус (NiV) гэж юу вэ?
Нипах вирус нь зоонозын вирус бөгөөд энэ нь амьтнаас хүнд халдварладаг гэсэн үг юм. Нипах вирус нь жимсний сарьсан багваахайнаас амьтан, хүнд дамждаг. Вирус нь 1998-1999 онд анх илэрсэн Малайзын Сунгай Нипах тосгоноос нэрээ авчээ. Дүрмээр бол энэ вирус нохой, адуу, гахай зэрэг амьтдад халдварладаг. Хүнд халддаг, нас баралт өндөртэй (40-75% буюу түүнээс дээш) маш аюултай вирус юм.

Халдвар авснаас хойш шинж тэмдэг илрэх хүртэлх нуугдмал хугацаа нь ихэвчлэн 4-14 хоног байдаг боловч 45 хоног хүртэл үргэлжилж болно.

Нипа вирусын шинж тэмдэг
Халдварын шинж тэмдэг нь хөнгөнөөс хүнд хэлбэрээр илэрдэг:
Эхний шинж тэмдэг:
Томуутай төстэй шинж тэмдгүүд илэрнэ.
Халуурах (өндөр халуурах)
Толгой өвдөх
Булчин өвдөх
Хоолой өвдөх
Бөөлжих, дотор муухайрах
Толгой эргэх, нойрмоглох

Хүндэрсэн үеийн шинж тэмдэг:
Тархины үрэвсэл (Энцефалит):
Ухаан балартах, ухаан алдах, татах.

Амьсгалын замын хүндрэл:
Амьсгал давчдах, ханиалгах.
Уушгины үрэвсэл (пневмони).
Халдвар дамжих замууд

Амьтнаас хүнд: Жимсний сарьсан багваахай, гахайгаас шууд халдварлах.

Бохирдсон хоол хүнс: Сарьсан багваахайн ялгадас, шүлсээр бохирдсон жимс (ялангуяа далдуу модны шүүс) хэрэглэх.

Хүнээс хүнд: Халдвар авсан хүнтэй ойр харилцах, асаргаа хийх үед дамжина.

Урьдчилан сэргийлэх
Одоогоор Нипа вирусын эсрэг тусгай вакцин болон үр дүнтэй эмчилгээ байхгүй.
Сарьсан багваахай идсэн жимс идэхгүй байх.
Түүхий далдуу модны шүүс уухгүй байх.
Гараа тогтмол угаах.
Өвчтэй хүнээс зай барих, хамгаалах хэрэгсэл (маск) ашиглах.

Хэрэв өндөр халуурах, толгой өвдөх, амьсгал давчдах зэрэг шинж тэмдэг илэрвэл яаралтай эмнэлэгт хандах хэрэгтэй.

30/01/2026

Эрүүлжмээр байвал турмаар байвал, дотор өөхөө шатаамаар байвал амьсгал!
Бид яагаад амьсгалын дасгал хийх хэрэгтэй вэ?
Хүн амьсгалахдаа агаараас хүчилтөрөгч (O₂) авч, биеийн эсүүдэд энерги үүсгэхэд ашигладаг. Хүчилтөрөгч бидний бодисын солилцоог идэвхжүүлж хамгийн наад зах нь хоол шингээлтийг сайжируулж ( өөхөө хоолоо шатаана гээд яриад байдаг даа бид) үүссэн хаягдал бодис болох нүүрстөрөгчийг (CO₂)-ийг амьсгалаар гадагшлуулдаг.
Энэ солилцоо хэвийн явагдсанаар тархи, зүрх, бусад эрхтэн биеийн бодисын солилцоо хэвийн ажиллана.

Гэвч буруу буюу өнгөц амьсгал (богино, яарсан, зөвхөн цээжээр амьсгалах) үед уушгинд орсон агаар бүрэн солигдож чадалгүй, нүүрстөрөгч (CO₂) дутуу гадагшилна. Ингэснээр дараагийн амьсгал авахад хүчилтөрөгчийн хэмжээ багасч, CO₂ ихтэй “хуучин агаар” уушгинд үлдсэн хэвээр байна. Үүний улмаас хүчилтөрөгчийн дутагдал үүсэж , толгой эргэх, ядрах, сэтгэл түгших зэрэг шинж тэмдэг илэрнэ.
Цаашилбал биеийн өвчлөлүүдийг үүсгэх ба бид турах дотор өөхөө шатаах гэж ярих хэрэггүй л болчих гээд байна☺️

Харин зөв амьсгал буюу хамраараа, удаан гүн, (гэдэс)-аар амьсгалах нь уушгийг бүрэн тэлж, CO₂-г сайн гадагшлуулж, хүчилтөрөгчийн солилцоог сайжруулж бие махбодь бүрэн энергээр тэтгэгдэнэ.
Товчхондоо бол бид амьсгалаад байна гэж боддог ч уушгинд үлдсэн CO₂ ихтэй агаарыг дахин дахин ашиглаж, хүчилтөрөгчийн солилцоог муутгадаг гэсэн үг. Иймээс зөв амьсгалын хэвшилтэй байх нь хүний эрүүл мэнд, сэтгэл зүй, анхаарал төвлөрөлд хамгийн чухал нөлөөтэй шүү.

Гэдэс буюу “Диафрагм” (зөв) амьсгалын дасгал

Тайван суу эсвэл хэвтээд мөр хүзүү, эрүү шүдээ суллана.

Хамраараа аажмаар 4 секундэд амьсгал аваад
Гэдэс зөөлөн товойж агаараар дүүрэх үед ( цээж хэт хөдлөх тэлэхгүй зөвхөн гэдэс урагш түрэх ёстой) амьсгалаа 7 секунд барь.
Ингээд амаараа 8 секундэд удаан гаргаарай. Амьсгалыг гаргах энэ үедээ гэдсээ аажмаар тат.
Хамраар гаргахаас гадна амаараа “хаа” авиаг зөөлөн шивнэр мэт гаргаж ээлжилж болно.
Өглөө орой өдөр 5–10 удаа давтаж хийгээрэй.
Завгүй амьдрал дунд бид амьсгалаа анзаарч, зөв амьсгалах дадлыг хэвшүүлснээр эрүүл, тэнцвэртэй амьдрах боломжтой.
I love 🧘‍♀️

Via Nar Ka

The 4-7-8 is a simple breathing exercise you can follow along with when you're feeling stressed, anxious or overwhelmed. For more support, visit www.giveusas...

29/01/2026

Хонгор минь чи ганц бие бол чамд гайхалтай манифест хэлж өгье. Товч бөгөөд тодорхой. 🥰😅

27/01/2026

Өнөөдөр би та нарт нэг болсон явдал хуваалцъя. “Яагаад би хайртай хүнтэйгээ байгаа мөртлөө тухгүй мэдрэмжийг аваад байгаа юм бэ?”

Энэ бол Наран гэдэг эмэгтэйн түүх. (Үйлчлүүлэгчээ Наран гэж нэрлэлээ). Наран “Би нэг л хэцүү, аюултай маягийн хүнд татагдаад байдаг. Тайван хүнтэй байхаар дотор хоосон, уйтгартай санагдсан. Нэг л энерги таарахгүй юм шиг санагддаг. Одоо хайртай хүнтэйгээ байгаа ч нэг л тааламжгүй мэдрэмжүүд дагалдаад байна" гэв. Тэрээр үгэлжлүүлээд “Би л ийм хүн юм болов уу” гэж өөрийгөө буруутгана. Гэвч үнэндээ Наранд эвдэрсэн юм байгаагүй. Түүний бие, тархи л ингэж сурсан байлаа.

Нарангийн амьдралд юу болж байсан бэ?
Наран багаасаа тайван, тогтвортой хайрыг мэдэрч өсөөгүй. Заримдаа хайр ирнэ. Заримдаа алга болно. Заримдаа халуун, заримдаа хүйтэн. Нарангийн тархи ийм “аюултай орчин”-д дассан байв. Энэ нь “Хайр гэдэг чинь тайван биш юм байна. Санаа зовох, хүлээх, догдлох нь хэвийн юм байна.” гэж суралцсан гэсэн үг. Энэ бол зан ааш биш. Энэ бол сонголт ч биш.

“Энерги таарахгүй” гэдэг нь юу гэсэн үг вэ?
Наран тайван, сайн хүнтэй болзох үед цээж нь нэг л давчдана, яагаад ч юм сэтгэл санаа нь тавгүй “энэ чинь миний хүн биш юм шиг байна” гэсэн мэдрэмж төрнө. Тэр үүнийгээ “энерги таарахгүй” гэж нэрлэдэг. Гэтэл бодит байдал дээр түүний тархи тайван байдалд дасалгүй байсан. Тайван орчинд орохоор тархи нь "Ингэж тайван байж болохгүй, ямар нэг юм буруу байна” гэж эндүүрч дохио өгдөг. Өөрөөр хэлбэл тайван байдал нь Наранд танил биш буюу түүний тархи танил биш зүйлийг "Айдас" болгон хадгалсан.

Харин яагаад аюултай хүн “амьд” мэт санагддаг вэ?
Наран аюултай, тогтворгүй хүнтэй байхад догдлол мэдэрч, санаа зовнил нэмэгдэж, “яах бол?” гэсэн хүлээлтийг байнга өөртөө үүсгэнэ. Энэ үед тархи догдлуулах бодис буюу допамин дааврыг их ялгаруулдаг. Тархинд допамин даавар ялгарах үед бие нь “амьд, хүчтэй” мэт мэдрэмж авдаг гэсэн үг. Наран үүнийг “Энэ л жинхэнэ хайр байх” гэж боддог. Гэвч энэ нь хайр биш. Энэ бол догдлол огцом өсгөсөн допамины донтолт.

Тайван хайр яагаад сонин санагддаг вэ?
Жинхэнэ хайр бол тайван, аюулгүй харилцаа, ямар нэг айдас байхгүй, байнга хүлээх хэрэггүй, сэтгэл санаа тогтуун байдаг. Гэтэл Нарангийн тархи “Хэт тайван байна. Нэг л дутуу. Ийм байх ёсгүй.” гэж боддог. Учир нь түүний бие олон жил тайван бус байдлыг хайр гэж ойлгож сурсантай холбоотой.

Тэгвэл Наран яах ёстой вэ? Наран өөрийгөө засах хэрэггүй. Харин тархиа дахин сургах хэрэгтэй байв. Өөрөөр хэлбэл “Би аюулгүй байна, Одоо хэн ч намайг орхихгүй, Тайван байж болно. Би тайван байх эрхтэй” гэсэн дохиог тархиндаа буюу айдсын төвийг удирддаг Амигдала хэсэгт өгч тайвшруулах хэрэгтэй. Энгийнээр хэлбэл Наран аюултай хүнд татагддаг нь муу хүн болохоор нь биш, тайван хүнтэй байж чаддаггүй нь чадваргүйдээ биш, зүгээр л түүний тархи тайван байдлыг танихаа больсонд учир нь байсан хэрэг.

Сайн мэдээ гэвэл тархи дахин сурч чаддаг. Аажим аажмаар тайван байдал танил болж догдлолгүй хайр “дүүрэн” болон хувирч, хосын харилцаа айдасгүй, аюулгүй, хамгаалагдсан, сэтгэл санааны амралт болдог. Жинхэнэ хайр хүнийг донтуулдаггүй. Харин окситоцон гэх дааврыг ялгаруулдаг. Итгэл төрүүлдэг, аюулгүй байдлыг мэдрүүлдэг, тогтвортой дотно байдал үүсгэдэг, биеийн тайвшрал олгодог даавар юм.

Хэрвээ чи өөрийгөө Нарантай адилхан санагдаж байвал чиний тархи зүгээр л ингэж сурсан байна гэдгийг ойлгосон байх. Окситоцин даавар ялгарахгүй болохоор л хүн ямар нэг зүйл биш байгааг мэдрээд байгаа шүү дээ. Мөн жинхэнэ хайртайгаа учирч, тайван амгалан, удаан хугацаанд тогтвортой харилцаа үүсгэж болно гэдгийг ч ойлгосон байх.

Орой бүр унтахынхаа өмнө “Надад өөрөөрөө байх аюулгүй. Хайр айдас шаарддаггүй. Тайван байдал бол зөв. Би тайван байх эрхтэй. Тайван байдал надад аажмаар танил болж байна. Би тайван байдлыг сурч байна. Надад дахиад элдэв янзын драм хэрэггүй. Хайр бол аюулгүй, хамгаалагдсан, урт хугацаанд тайван тогтвортой байдаг гайхамшиг шүү дээ” гэж 21 хоногийн турш давтаж хэлбэл тархи чинь дахин суралцаж, эрүүл бөгөөд жинхэнэ хайртай чинь учруулахад чиглүүлдэг болно. Ингэж окситоцин дааврыг ялгаруулж сураарай.

О.Минухатун
Нейропсихологич
(Тархи болон хүний сэтгэл, зан үйлийн хоорондын уялдааг судалдаг шинжлэх ухааны мэргэжилтэн)

Тархины тухай элдэв сонирхолтой зүйлсийг уншмаар байвал пэйжийг минь дагаад, хэрэгтэй хүнд нь шэйрлээрэй.

Зар дуулгахад тархиа илүү таньж, далд ухамсартаа суусан сөрөг итгэл үнэмшлээ өөрөө шинээр бичиж болдог шинжлэх ухааны аргыг суралцмаар байвал 1 гэж бичиж сургалтуудад маань хамрагдаарай. Сүүлийн элсэлт явагдаж байгаа шүү.

26/01/2026

Би та нарт сонирхолтой юм ярьж өгөх үү? Эмэгтэй хүнд яагаад “аюулгүйн мэдрэмж төрүүлдэг хүн” хэрэгтэй байдаг вэ? гэдгийн тархи, мэдрэлийн шинжлэх ухаанд тулгуурлаж тайлбарлаж өгье.

Хүний тархи анхнаасаа аюулгүй байдалд чиглэдэг. Ялангуяа эмэгтэй хүний тархи нь гол зорилгоо “амьд үлдэх + үр удмаа хамгаалах” гэж программчлагдсан. Эмэгтэй хүний тархи аюул заналыг маш хурдан илрүүлдэг. Стресс, гормоны хариу урвалыг удирддаг. Кортизол буюу стрессийн гормоны ялгаруулалтыг илүү хянадаг. Эдгээр системүүд эмэгтэй хүнд илүү нарийн мэдрэг байдлаар ажилладаг нь судалгаагаар нотлогдсон. Өөрөөр хэлбэл, эмэгтэй тархи “энэ хүн аюулгүй юу?” гэх асуултад тасралтгүй хариу хайж байдаг гэсэн үг.

“Аюулгүй хүн” гэх дохио эмэгтэй тархинд амрах зөвшөөрөл олгодог. Эмэгтэй хүний дэргэд байх эрэгтэйн дуу хоолой нь тогтвортой, зан авир нь урьдчилан таамаглагдах, сэтгэл хөдлөл нь тэсвэртэй, шийдвэр нь найдвартай байхад эмэгтэй тархи дараах байдлаар хариу өгдөг. Тархины айдсын төв намжина. Парасимпатик мэдрэлийн тогтолцооны “амрах ба нөхөн сэргээх” хэсэг идэвхжинэ. Тэнүүч мэдрэл буюу тархи ба биеийг “аюулгүй” горимд оруулагч гол зам нь тайвшралын дохио өгнө. Окситоцин буюу итгэл, холбоо, дотно мэдрэмжийн гормон ялгарна. Энэ үед эмэгтэй хүн илүү эмэгтэйлэг болдог, бүтээлч байдал нь нэмэгддэг, бие махбодын өвдөлт багасдаг, дархлаа сайжирдаг. Энэ бол мэдрэлийн физиологи, байгалийн өгөгдөл юм.

Яагаад эмэгтэй хүн “аюулгүйн мэдрэмж өгдөггүй харилцаанд” тэсдэггүй вэ? Аюулгүйн мэдрэмж байхгүй үед тархи дараах горимд ордог. Байнга хянах, сэрэмжлэх. Срессийн даавар өндөр ялгарч ядрал, уур, түгшүүртэй болох. Эрүүлээр бодох, логик сэтгэлгээ буурах. Аюулгүй, тогтвортой холболт байнга тасалдаж байсан туршлагаас үүссэн мэдрэлийн систем нь доголдох нөхцөл үүсдэг. Үр дүнд нь эмэгтэй хүн “хэт мэдрэмтгий”, “хэцүү”, хардамтгай мэт харагддаг. Үнэндээ бие физиологи, эрүүл мэнд, сэтгэл санааны хувьд аюулгүйн мэдрэмж авч чадахгүй болохоор тархи нь өөрийгөө хамгаалж “аюулын горимд” шилжин тэдгээр зан авир, үйл хөдлөлийг хийлгээд байгаа хэрэг. Ийм харилцаанд эмэгтэй хүн удаан байвал гормоны тэнцвэр алдагдана, биеийн өвчин, жин, арьс, нойр муудна, өөрийгөө алдах мэдрэмж төрдөг.

Эмэгтэй тархи хэрхэн “аюулгүй эр”-ийг таньдаг вэ? Судалгаагаар эмэгтэй тархи дараах дохиог “аюулгүй” гэж таньдаг. Дэргэд байгаа хүнээсээ сэтгэл хөдлөлийн тогтвортой байдлыг мэдрэх, Үг үйлдэл зөрөхгүй байдлыг харах, Хариуцлага хүлээх чадварыг харах, Зайлсхийх бус, асуудалтай нүүр тулах чадварыг мэдрэх, Бусдыг болон өөрийг нь буруутгахгүй байх үйлдлийг байнга харж, мэдэрч байвал энэ харилцаа аюулгүй юм байна гэж таниад тайван, эмэгтэйлэг, ухаалаг болдог. Эдгээр нь тухайн эрэгтэйн мөнгө, гадаад төрх, хэн байхаас үл хамааран эмэгтэй тархинд шууд нөлөөлдөг.

Тиймээс эмэгтэй хүн “ямар хүнтэй байхад би тайвширч байна вэ?” гэдгээ анзаарах нь тархины маш ухаалаг шалгуур юм. Аюулгүйн мэдрэмж өгдөг хүнтэй байх үед эмэгтэй хүн өөрийгөө алддаггүй, илүү хүчтэй болдог, жинхэнэ потенциалаа гаргадаг.

Тэгэхээр охидууд минь өөрийгөө анзаараарай. Аав ээжүүд минь хөвгүүдээ эмэгтэйдээ аюулгүйн мэдрэмж төрүүлдэг залуу болгож хүмүүжүүлээрэй. 🥰

О.Минухатун
Нейропсихологич
(Тархи болон хүний сэтгэл, зан үйлийн хоорондын уялдааг судалдаг шинжлэх ухааны мэргэжилтэн)

26/01/2026

Гадаад хүний бичсэн 4 дансны арга гээч энэ схемийг би өөртөө болон надтай төстэй хүмүүст зориулан энд бичив.

• 1 данстай хүн “мөнгөний урсгал”-аа хэзээ ч барьж чаддаггүй. Харин 4 данстай хүн санхүүгээ удирддаг гэнэ эээээээ. За яагаааад гэхээр байна шдээээ?! Ихэнх хүмүүс дараах энгийн алдаа гаргадаг. Орлого орж ирдэг данснаасаа бүх төлбөрөө төлөөд, бүх юмаа аваад, үлдсэнээр нь амьдардаг. Би ч гэсэн яг ингэдэг. Гэтэл энэ маань маш буруу гэгдэх юм. Ёстой хөх тэнгэр хөмрөх шиг санагдаж байна. Тэгээд бид нар сарын сүүлээр Дахиад л мөнгөгүй болчихлоо" гээд цаад нарийн учрыг нь мэдэхгүйгээр гансардаг аж.

Үнэндээ асуудал орлогод биш.
Бүтэцгүй урсгал л та бидний мөнгийг “алга” болгож байгаа аж. Тиймээс баян хүмүүсийн хийдэг хамгийн энгийн, хамгийн хүчтэй арга бол: Дансаа зориулалтаар нь тусгаарлах явдал аж. Уг нь амархан юм байна. Хэдүүлээ ч гэсэн мэдээд авъя.

4 дансны систем (санхүүгийн хяналтын суурь гэж ойлго!):

1) Орлогын данстай болно — “Дамжуулах цэг” гэсэн үг.

• Энд бүх орлого орж ирнэ.
• Гэхдээ эндээс шууд зарлага хийхгүй.
• Энэ данс бол мөнгөө тараах “дэд станц” юм.

Гол зорилго: Орсон мөнгөө зорилготой хуваарилах үүрэгтэй данс гэсэн үг. Одоо та бидэнд байгаа тэр ганц данс шүү дээ.

2) Зайлшгүй хэрэгцээний данстай болно — “Амьд үлдэх мөнгө” гэсэн үг.

• Түрээс/зээл, тог ус, хүнс, даатгал…
• Байр, гар утас, iptv, бензин, автобусны мөнгө
• Гэрийн хүнс, хөргөгч, гэр ахуйн бараа
• Өдрийн хоол (гэхдээ хамгийн нормал байдлаар)
• Сар бүр давтагддаг үндсэн хэрэгцээнүүдээ эндээс төлнө.

Дүрэм: Зайлшгүй биш бол эндээс битгий төл. Зөвхөн зайлшгүй зардлуудаа эндээс төлнө. Бүр гарцаагүй бөгөөд төлөвлөж болдог зардлууд гэсэн үг.

3) Хөрөнгө оруулалтын данстай болно — Таны “Баялгийн хөдөлгүүр” гэсэн үг.

• Энд байгаа мөнгө таны ирээдүйг баталгаажуулна:
• Хувьцаа, индекс сан, үл хөдлөх, тэтгэврийн хуримтлал.
• Найдвартай хүнд зээлэх
• Давхар орлогын ажилд хөрөнгө оруулах
• Сургалт, дамжаа, нэмэлт мэдлэг
• Ном

Дүрэм: Эндээс гарах мөнгө зөвхөн хөрөнгө оруулалт руу л гарна. Өөр зүйл рүү болохгүй. Тэр тусмаа зугаа цэнгэлтэй хольж болохгүй. “Амьдрал сайжруулах” нэрээр өөр зардалд бүү андуураарай. Жишээ нь сайхан хөгжим сонсох нь амьдралд тустай хөрөнгө оруулалт мэтээр эндүүрч үнэтэй пянз тоглуулагч авч болохгүй.

4) Fun & Flex данстай болно. — “Гэмшилгүй зарлага” гэсэн үг.

• Кофе, аялал, subscription, жижиг зугаа…
• Хүн хэзээ ч зугаагүйгээр удаан тэсдэггүй тул энэ данс бас байх ёстой.
• Ингээд зугааг хорих биш — харин хязгаарлах хэрэгтэй.

Дүрэм: Энэ дансан дахь мөнгө дуусвал зугаа цэнгэл ч зогсох ёстой. Бүр ор тас хорьж болохгүй, харин хязгаарлах ёстой. Төсөвлөсөн мөнгөндөө л баригдана.

ЗА одоо нэг чухал асуулт Орж ирсэн мөнгөө дараагийн 3-4 дансандаа хэрхэн хуваарилах вэ? Хувь процент гэж байна уу? Дэлхий даяар айхтар хүмүүсийн хэрэглэдэг хамгийн эвтэйхэн хуваарилалтын жишгийг одоо танд хэлж өгье.

• Essentials (зайлшгүй) данс: 50–70%
• Investing (ирээдүй) данс: 10–20%
• Emergency fund (онцгой сан): 5–10% (эхлээд 3–6 сарын нөөц бүрдүүлсэн бол энэ сан руу мөнгө хийхээ багасгаж болно)
• Fun & flex: 5–15%

Гэхдээ нэг юмыг одоо сануулъя. хамгийн чухал нь хувь биш харин АВТОМАТЖУУЛАЛТ юм. Энэ 3 данс руу мөнгө тань автомат хуваарилагдаж, таны сэтгэл санаа, орлогын их багаас үл хамааран жилийн бүх саруудэд ижил үйлчилж байх ёстой. Энийг л хийж чадвал та хэдхэн жилийн дараа хангалуун баян хүн болж хувирна.

7 хоногийн дотор хэрэгжүүлэх “маш энгийн” төлөвлөгөө:
• 4 дансаа нээ (эсвэл 2–3 данс + тусдаа карт байж болно).
• Цалинг орлогын данс руугаа оруул.

Цалин орсон өдөр автоматаар:
• Essentials руу
• Investing руу
• Emergency руу
• Fun руу шилжүүлдэг болго.

Өдөр тутмын зарлагаа зөвхөн Essentials/Fun данснаас хий.
• Энэ арга ажиллах цаад баталгаа нь юу вэ?
• Мөнгө зорилготой болдог (every money gets a role)
• Орлогын данс “хүрэхэд амар” биш болохоор импульс зарлага буурна.
• Зугаа тусдаа болохоор “өөрийгөө буруутгах” багасна. Мөнгөө дэмий үрсэн гэмшил буурдаг.
• Ирээдүй рүү тогтмол урсгал орж эхэлнэ. Бага нь хамаагүй, тогтмол гэдэгт гол учир нь бий.

— “Орлого нэмэгдэх” нь аз байж болно. Харин “мөнгөний урсацыг бүтэцлэх” нь шийдвэр юм. Энэ бол харин схем.
4 дансаар санхүүгээ бүтэцлээд үз — гурван сарын дараа та өөрийгөө танихгүй гэнэ дээ. Би ч гэсэн 4 дансаа нээх минь..

Орчуулж, найруулсан Т.Жаргал

25/01/2026

Хайртай хүнтэйгээ хамт байж болдог цаг хугацаанд бид амьдарч байна.
Алдаж болохгүй хүн амьдралд нь учирсан бол…❤️‍🔥
Магадгүй “дараа” гэж байдаггүй ч байх…

Music video by ThunderZ performing Tengri: GEGEEN. (C) 2026 ThunderZFollow ThunderZ:https://facebook.com/thunderzrapperhttps://instagram.com/thunderzrapper C...

23/01/2026

35 хүрч яваа болов уу гэмээр бүсгүй надад энэ түүхийг бичиж ирүүлсэн юм. Түүнийг хамтдаа уншицгаая:
Амьдрал руу дөнгөж хөл тавьж байсан 20-иод насандаа би нэгэн сонин ажил хийх болсон юм. Манай компанийн захирал намайг дуудаад "Хөдөө зуслан дээр нэг хүн асрах хэрэгтэй байна. Цалин өндөр, гэхдээ тэвчээр шаардана шүү" гэв. Мөнгө хэрэгтэй байсан тул би шууд зөвшөөрлөө.
Намайг угтсан хүн бол дөнгөж 50 хүрч яваа ч, хүнд өвчний улмаас 70-тай мэт харагдах, гэхдээ нүдэндээ цогтой, ихэмсэг хатагтай байв. Түүнийг Сараа гэе. Тэр нэгэн цагт алдартай бүжигчин явсан ч, одоо тэргэнцэр дээр суугаад цонхоор ширтэхээс өөр ид шидгүй болсон нэгэн байлаа. Бид хотын дуу чимээнээс хол, уулын модон байшинд зуныг өнгөрүүлэх болов. Миний ажил бол түүнд хоол хийж өгөх, эм уулгах, бас... түүний "үзэгч" хийх.
Сараа эгч өвдсөн гээд гуниглаж суудаггүй, харин ч эсрэгээрээ байв. Өглөө бүр намайг сэрэхэд тэр аль хэдийн тэргэнцэр дээрээ суугаад, уруулаа тод улаанаар будаж, хүзүүндээ чамин ороолт зүүчихсэн, пянз тоглуулагч дээр жазз хөгжим тавьчихсан хүлээж байдаг сан. "За, миний охин. Өнөөдөр ямар даашинз өмсвөл зохих бол? Энэ хөх нь үү, эсвэл тэр шар нь уу?" гэж асууна. Би гайхаад "Эгч ээ, хоёулаа хаашаа ч гарахгүй шүү дээ. Хэн харах юм бэ?" гэхэд тэр инээмсэглээд: "Би өөрөө өөрийгөө харна. Амьдрал гэдэг чинь хэн нэгэнд харагдах гэж биш, өөрөө өөртөө таалагдах гэж амьдардаг юм" гэж хэлдэг байлаа.
Тэр зун би сувилагч биш, харин түүний "бүжгийн хамтрагч" болсон юм. Тэр босож чадахгүй ч гараараа, толгойгоороо, харцаараа бүжиглэнэ. Намайг "Чи ингээд эргэ, одоо гараа ингэ" гэж зааварчилна. Бид хоёр өдөржин хувцас сольж өмсөнө, хуучин зургийн цомгуудыг нь үзэж, түүний дэлхийгээр аялсан түүхүүдийг сонсоно. Тэр надад: "Хүмүүс өвдөхөөрөө үхэх өдрөө хүлээгээд 'Хүлээлгийн танхим'-д суучихдаг юм. Харин би тэгэхгүй ээ. Би сүүлийн амьсгал хүртэл 'Бүжгийн талбай'-даа байна" гэдэг байв.
Зуны сүүл сар гарах үед түүний бие эрс муудлаа. Эмч нар ирээд найдваргүй гэдгийг хэлэв. Би айж, уйлж, түүнийг өрөвдөж байсан ч Сараа эгч харин ч тайван байлаа. Нэг орой тэр намайг дуудаад, нэгэн хайрцагтай зүйл өглөө. "Намайг явсны дараа үүнийг нээгээрэй. Тэгээд битгий уйлаарай. Зүгээр л хөгжмөө тавиад, миний зааж өгсөн вальс-ыг бүжиглээрэй" гэв.
Тэр шөнөдөө Сараа эгч унтаж байгаа юм шиг тайван явчихсан байсан. Гайхалтай нь түүний нүүрэнд үл ялиг инээмсэглэл тодорч, уруул нь өнөөх л тод улаан өнгөөрөө гэрэлтэж байж билээ. Яг л гоёлынхоо даашинзыг өмсөөд үдэшлэгт явж байгаа мэт...
Ажил явдлынх нь дараа би нөгөө хайрцгийг нээж үзэв. Дотор нь түүний хамгийн хайртай улаан туфль, бас нэг захидал байлаа. Захидал дээр: "Миний хөөрхөн охин. Чи намайг асрах гэж ирсэн гэж бодож байв уу? Үгүй ээ, бурхан чамд амьдралыг яаж хайрлахыг заалгах гэж над руу илгээсэн юм. Энэ туфлийг өмс. Тэгээд гүй, бүжиглэ, дурла, алд, бас оно. Хэзээ ч, хэзээ ч 'дараа' гэж битгий хойшлуул. Яг одоо л амьдар!" гэж бичсэн байв.
Түүнээс хойш олон жил өнгөрчээ. Би одоо ээж болсон. Амьдралд асуудал мундахгүй л гардаг. Гэхдээ би хэзээ ч гундаж, шаналж суудаггүй. Хэцүү үе ирэх бүрд би шүүгээнээсээ нөгөө улаан туфлийг гаргаж өмсөөд, толины өмнө зогсдог. Тэгээд Сараа эгчийн хэлснээр, хэнд ч биш, зөвхөн өөртөө зориулж хамгийн гоёороо инээмсэглээд, амьдралын хэмнэлд бүжиглэдэг дээ.
Бид үхэх гэж биш, амьдрах гэж, жаргах гэж л ирсэн хүмүүс шүү дээ.
(Өнөөдөр та өөртөө таалагдах ямар нэгэн зүйл хийсэн үү? Хэрэв үгүй бол яг одоо хийгээрэй!) ❤️👠💃
#АмьдралынБүжиг #СүүлийнХичээл #УлаанТуфль #УрамЗориг #БодитТүүх #НомынӨргөө

Via номын өргөө

23/01/2026

Тархи бол таныг АМЬД БАЙЛГАХ гэсэн цор ганц үүрэгтэй. Энэ үүргээ биелүүлэхийн тулд 3 горимоор ажилладаг.
1. Амьд үлдэх горим
Аюул мэдэрсэн бүх зүйлд тархи амьд үлдэх горим дээр ажиллаж тархины бусад бүх хэсгийг унтраадаг. Та стресстэй, айдастай, өвдөлттэй, ганцаардалттай, санхүүгийн дарамттай, тодорхойгүй байдалд байх үед амьд үлдэх горим ажиллаж эхэлдэг. Сэтгэл хөдлөл илүү давамгай ажиллаж, юмыг бодож сэтгэх, ухаалаг шийдвэр гаргах, хөгжиж өсөх, зорилгоо ухамсарлах зэрэг логик үйл ажиллагаа унтардаг.
Үр дүнд нь та уурлах, орилох, зугтах, дайрах, буруутгах, гацах, юм хийхээс дургүй хүрдэг. Энэ үед тархи “Одоохондоо зүгээр л амьд байя” гэж ажилладаг.

2. Хэмнэлтийн горим
Удаан хугацааны турш стресстэй, дарамттай, урамгүй байдалтай, дахин дахин бүтэлгүйтэхэд тархи өөрийнхөө эрч хүчийг хэмнэж эхэлдэг. Шинэ зүйлсээс зайлсхийнэ. Өөрчлөлтөөс айна.
Үр дүнд нь Аливаа ажлыг хойшлуулах зуршил тогтдог. Хөдөлгөөнгүй болгох буюу залхуурал үүсгэдэг. Дараа л болъё гэдэг үг амьдралд суудаг. Мөрөөдөл байсан ч алхам хийдэггүй.
Энэ үед тархи “Хөдөлж эхэлбэл өмнөх шигээ дарамттай байж магад, тиймээс амьд байхын тулд эрч хүчээ хадгалъя” гэж ажилладаг.

3. Өсөлтийн горим
Аюулгүйн мэдрэмжтэй, тайван, дэмжлэгтэй, итгэлтэй үед логиктой бодож сэтгэх, бүтээлч чанар давамгайлах, хөгжиж дэвших, ирээдүйн төлөвлөгөөгөө гаргах зэрэг тархины ухамсрын хэсэг асч, ажиллаж эхэлдэг.
Үр дүнд нь зөв сонголт хийх, шийдвэр гаргах, ухаалаг амьдрах, өөрийнхөө сэтгэл хөдлөлийг хянах, өөрчлөлт хийх, эрсдлээ тооцоолох зэрэг амжилтад хүрэх бүх зүйлийг хийдэг. Энэ үед тархи “Би аюулгүй байгаа болохоор өсч хөгжиж болно” гэж ажилладаг.

Яагаад ихэнх хүн АМЬД ҮЛДЭХ горим дээрээ ихэвчлэн амьдардаг вэ гэвэл тухайн хүний орчин нь стресс, шүүмжлэл, санхүүгийн дарамт, сэтгэлзүйн дэмжлэггүй, аюулгүйн мэдрэмжгүй байнгын байх үед тархинд “Аюул дуусаагүй байна” гэж аль хэдийнэ бүртгэгдсэн байдаг. Тиймээс амжилтаа бүтээж чадахгүй, өдөр тутмын аар саар зүйлд түргэн уурлаж, унтаж амарсан ч биеийн ядаргаа тайлагдаагүй, нойргүйдэлд орчихсон, яагаад гэдгээ мэдэхгүй сэтгэл санаа түгшүүртэй, өр ширнээсээ салж чадахгүй хархны тойрогт амьдардаг байх нь.

Хамгийн чухал ойлголт бол тархи таныг АЗ ЖАРГАЛТАЙ болгох үүрэггүй. Тархи таныг АМЬД байлгах үүрэгтэй.

Харин Аз жаргал, Амжилт, Мөнгө, Эрүүл харилцаа зэрэг нь зөвхөн аюулгүй үед л зөвшөөрөгддөг. Тиймээс тархины дээрх гурван горимын нэг нь ажиллаж байхад бусад горим шууд унтардаг.

Хамгийн гайхамшигтай нь тархи өсөлтийн горимд дээрээ ажиллавал өөрийгөө дахин шинэчилж, боломжгүй гэж итгэдэг байсан, үлгэрт л гардаг тэр амьдралыг бүтээж бодит болгодог цорийн ганц эрхтэн.

Намайг О.Минухатун гэдэг. Би неоропсихологич мэргэжилтэй. (Тархи болон хүний сэтгэл, зан үйлийн уялдааг судалдаг шинжлэх ухааны мэргэжилтэн)

Тархины үйл ажиллагааг илүү таньж, өсөлтийн горимоо асааж сурмаар байвал 1 гэж бичиж далд ухамсраа өөрөө дахин програмчилж сурах тархины шинжлэх ухааны аргачлалыг сураарай. Би тантай хамт байж, таныг чиглүүлэх болно.