15/08/2022
A tous mo ban ti soeurs et freres ki p reprend chemin de l'ecole, 3eme term c moment le plus difficile et le plus stressant de l'année scolaire parski l'examen derriere la porte.
Dans la vie zot pou toujour retrouve zot devant 2 chemins..ene la li pou parette facil et attirant parski lor chaque pas pou ena ene distraction, ene ti paresse ce soir, ene ti chak avec camarades, ene ti fiançailles ou ene ti l'anniversaire, ene ti film zordi, ene ti playstation demain, la tete p fer mal ce soir..chaque jour pou parette pas important, chaque lendemain pou parette 1 bon jour pou commence travail..mais demain la jamais vini. Lot chemin la zot pou trouve li bien difficile, ban longue journée ki parette interminable, ki pou demande bocou sacrifice, bocou discipline, bocou travail..chaque fois zot pou aprane kitchose, zot pou trouve 10 lezot zafer pou aprane.
Peut-etre premier chemin la pou fer zot gagne bocou satisfaction au debut mais kan sa ban mem camarades la pou passe zot l'examen leker pou bien fer mal, zot ine couyone nou. Alor ki si zot prend 2eme chemin la, commencement dimounes pou riye zot, mais kan zot pou passé li pou bizin baisse so l'arrogance devant zot. Trappe plume ti toujour pli facile ki tappe pioche..maçon travay dans soleil, contacteur empoche million..joueur football transpiré gagne dimal lor terrain, agent gagne million lor so transfer..parski l'intelligence vaut cher..pou fer laboureur si bizin diplome aster dans nou l'epoque, travailleur la terre perdi tous dans la pluie, so camarade vende pomme d'amour prix l'or, dire toi produit bio sa.
Seki dire toi system pourri Pena l'avenir ici, dire li lor la connaissance pena TVA/recession/ inflation sa..toi ki fer system la pa system la ki fer toi..to pa fer la queue toi, la queue la commence kot toi to debouté..l'importance c pas de participé mais de gagné..nou jamais gagne medaille d'argent nou fine perdi medaille d'or la..l'herbe n'est jamais plus verte ailleurs, l'herbe est verte la ou on l'arrose..2 souris p joué dans 1 la cuisine zot tombe dans 1 séau du lait, premier la debatte 2 coute apres li perdi espoir li laisse limem coulé, 2eme la continié debatte ziska ki du lait la vine fromage, li sorti li allè.
L'education c zot l'avenir, zot c nou l'avenir. Grandpere laboureur ine fer papa marchand la foire ki ine fer tifi docteur dans sa pays la. Pa tracassé si zot tous pa kapav vine laureat ou élite..moi mem mo rate laureat mais mone fer moi ene promesse ki 1 jour mo pou pli dans bien ki mo camarade laureat et avec doublé triplé zefor Bon Dieu ine exauce mo ban reve.
Go For Gold
Ene grand frere
Dr.Mi2
15.08.2022
