Al—Ilaaj Herbal Clinic

08/10/2025

ZAMAN MAJALISA (TEMPLE)

Na daga cikin al'adu na da yawa daga cikin mutane, musamman Matasa a arewacin Nigeria shine, ZAMAN MAJALISA wanda a wadansu lokuta da wurare ake kiransa da TEMPLE. Da yawa sun daukeshi al'ada kullum sai sun je majalisa don yin hira da abokai na tsawon wadansu awanni.
Amma abin tambaya shine:
1. Shin ana gujewa kallace- kallace Wadanda suke kawo Sa ido akan abinda yake haramun kuma abinda bai shafe ka ba?
2. shin zaman majalisar yakan haifar da wani abu na alkhairi don taimakon mutane a daidaikun su ko Al'umma gaba daya?
3. shin ana kokarin karewa mutane wadansu sharrace-sharrace da yake iya samun su?
4. Ana amsawa mutane sallama alokacin da sukayi ko dai ana shagaltuwa da hirar siyasa da musu?
5. Shin ba'a bata lokaci wurin zaman majalisar?
ANNABI SAW YACE:
"...idan ya zamo dole mutane sai sun zauna a kusa da hanyoyi da sunan wurin zaman su, to lallai su bawa hanyoyi hakkinsu; rintse ido, kame dukkan abi mai cutarwa, mai da sallama ga duk wanda yayi, sannan da dukkan umarni da abu mai kyau da hani da mummunan abu".
A mafi yawan lokuta zaman majalisa ta na da kalubale a addinance. Amma in babu makawa sai a kiyaye kaidoji da Annabi (SAW) ya fadi a wannan HADISI.
BUKATA
Akwai bukatar masu zaman majalisa suyi amfani da haduwar da suke yi kullum don su duba wata gudumaya da za su yiwa al'ummar su, ko da kwatankwacin bawa mace miskiniya Naira 10,000 don tayi karamar kasuwa ko wani abu makamancin haka. Wannan ya ke muna cewa majalisar tasu ta yi amfani. Bata Zamo majalisar gulma da musun siyasa ba.

05/10/2025

MATSAYIN HANUN DAMA DA NA HAGU

A shari'ar musulunci ana gabatar da hanun dama ne a cikin dukkan abinda ya ke da kima, ko abinda Shari'a ta zayyana cewa da hannun dama ake yi.
Annabi (SAW) ya kasance damanta abu yana burgeshi a cikin sa takalminsa, taje kayinsa, A cikin tsarkinsa a cikin al'amuransa dukka.
Tsarki ana nufin fara wanke dama kafin hagu a lokacin alwala da sauransu.

Sahihai Bukhari da Muslim

~ Sheikh Barrister Ibrahim Tukulma

03/10/2025

01/10/2025

FASIQI DA SAMUN YABO?

Babban malami Fudail Ibn Iyaad ya yi bayanin cewa:
Mutum Mai sabon Allah (fasiki) zai iya samun yabo Mai kyau a wurin mutane, kuma ya rayu da su cikin mutuntawa, kuma su nuna masa soyayya, saboda halayensa masu kyau.
Amma mutum mai bautar Allah mai ilimi kuma zai iya fiskantar gaba da rashin soyayya da rashin kulawar mutane, saboda mummunan hali daga gareshi.
littafi: Mau'suatul buhuus wal Maqalaaatul Ilmiyya

~Sheikh Barrister Ibrahim Tukulma

27/09/2025

MACE DA SANA'O'IN TA A MUSULUNCI

Kafin zuwan musulunci ana gadon mata. wannan yasa wadansu addinai da al'adu basa ganin mace da daraja.
Amma musulunci ya girmama mace, ya bata hakkoki da yawa ya nuna duk wanda ya kyautata mata iya cikin masu alkahiri. (IMAM ATTIRMIZY)
Ba wannan kadai ba, ya halatta mace ta fita don yin aiki, sana'a ko kasuwanci don kubuta daga wahalar rayuwa, matukar ta samu izinin mijin ta akwai sharuda wadanda addini ya shimfida don fitar mace daga gidanta da sunan aiki ko sana'a sune:
1. Dole ta gujewa sabon Allah
2. Maslahar kanta da gudumawa ga al'umma.
3. Dole aikin ba zai hanata lura da mijinta da yayanta ba. saboda shine wajibi na farko.
4. Bazai zamo mata dalilin girman kai ba, b***e ta raina mijinta.
5. Aikin dole ya dace da yanayin ta.
6. Lura da yanayin da ake ciki da kuma wurin da ake zaune.
7. Izinin mijin.
Littafi: (AMALUL MAR'AH)

~ Sheikh Barrister Ibrahim Tukulma

17/09/2025

January 26, 2024. Rajab 14, 1445AH

NASIHA

Daga bakin: Sheikh Barrister Ibrahim Tukulma

DA MUTANE ZASU DOGARA DA ALLAH SU TAKAITA KAN CIN HALAL, DA ALLAH YA AZURTA SU KAMAR YADDA YA KE AZURTA TSUNTSU YANA SAMMAKO BASHIDA KOMAI AMMA YA DAWO DA KOSHI. AMMA MAFIYAWAN MUTANE SUNA FITA DAGA GIDAJEN SU DA NIYAR CUTAN MUTANE A MA'AIKATA KO KASUWA KO WURIN SANA'A. KOWA YANA GANIN DABARAR SA CE ZA TA AZURTA SHI. ALLAH SAI YA BARMU DA HALIN MU. KULLUM RAYUWA WAHALA TAKEYI SABODA HALAYEN MU. MU NA CUTAR JUNAN MU, MUNA WAHALA DUKANMU.

Whatsapp: https://chat.whatsapp.com/CBFeOnvy2yfDodU45nRYhJ

10/07/2025

ZAMAN LAFIYAR AL'UMMA ABU BIYAR (5) DOLE SU KASANCE TARE DA ABU BIYAR (5)

1. Balagaggiyar mace a same ta a gidan miji
2. Gagararre (dan ta'adda) a same shi a gidan yari
3. Yaro karami a same shi awurin koyon karatu.
4. Matasa su riki littatafa (ilimi) a matsayin abokai

ANISUL FUDALAA IMAM HAKKM ATTIRMIZY

~ Sheikh Barrister Ibrahim Tukulma

17/05/2025

KARATUN MATA

NA ASABAR DA LAHADI

MAI GABATARWA

SHEIKH BARRISTER IBRAHIM TUKULMA

DATE: ASABAR DA LAHADI
TIME: 9:00am to 11:00am
VENUE: MASJIDU ABI-HURAIRAH OPPOSITE HIGH COURT OF JUSTICE GOMBE STATE