Fysio - & Ergoterapi i Vindafjord Kommune

28/11/2025

PARKINSONGRUPPE 🌸

Me nærmar oss slutten på denne runden med trening retta mot personar som lev med Parkinson sjukdom, og ønskjer no nye påmeldingar til gruppa som startar over nyttår.

Me trenar 2 gonger i veka, med øvingar i ståande, sittande og på golvet. Opplegget føregår i 8 veker. Treninga blir leia av fysioterapeut og fysioterapistudentar.

For å delta bør du ha sjølvstendig gangfunksjon (med eller utan ganghjelpemiddel), kunne ta instruksjon og ikkje vere for avhengig av hjelp i kvardagen.

Dersom du - eller nokon du kjenner - kan ha nytte av dette tilbodet, vil me svært gjerne høyre frå deg!

Ta kontakt med fysioterapeut Gunvor på telefon 911 79 672 (tilgjengeleg kvardagar 8-15:30) eller e-post gunvor.johansson.garvik@vindafjord.kommune.no for påmelding eller meir informasjon.

19/11/2025

Litt kulde stoppe ikkje den spreke frisklivsgjengen våras! ❄️ I dag har me gjennomført denne økta 👇🏼 Få med deg familie, naboen eller ein venn å prøv du og 😊

🔧Utstyr: Strikk, kortstokk og tidtakar

⏰Tid: 10 min x 3 rundar.

🏃🏼‍♀️Gjennomføring: Sett tidtakaren på 10 min. Legg ein kortstokk på toppen av ein motbakke. Gå/gogg/spring opp og snu det øverste kortet. Kortet du trekke representerer øvelsen du skal gjera når du kjem ned igjen. Her har me 3 forskjellige ark som kan brukast som inspirasjon, eit ark for kvar runde. Trekk du td. ♣️ kong skal du ta 13 reps bicepscurl m/strikk, trekk du ♦️10 skal du ta 10 reps med monsterwalk/krabbegange (gjerne m/strikk rundt leggen). Når du er ferdig med øvelsen går/gogge/springer du opp igjen og snur eit nytt kort.

Lykke til! 😊

18/11/2025

🌟🟡Kvardagsrehabilitering🟡🌟

Kjenner du nokon eldre som ynskjer å bu heime men har utfordringar med å utføre daglege gjeremål? Kanskje blitt litt skrøpligare til beins over tid, eller etter ein sjukdomsperiode?

Me i kvardagsrehabiliteringsteamet kjem heim til brukar, kartlegg «kva som er viktig for deg» for å kunne mestre kvardagen betre, lagar treningsprogram og øver på eventuelle aktiviteter.

Eksempel på aktiviteter kan vera å starte opp att med turgåing, komme seg inn/ut av bustad på ein trygg måte, trene på å gå i trapp, øve på påkledning, dusje sjølvstendig, bli sterkare i armene slik at det er lettare å bære kaffikanna, osv.

Treninga skjer i heimen, opptil 3 dagar i veka i 3-5 veker, er gratis og utføres av tverrfagleg team bestående av:
Fysioterapeut: Gunvor Johansson Garvik
Ergoterapeut: Tina Günther
Sjukepleier: Maili T. Oppedal

Ta ein prat med vedkommande og tips om oss.

Link for meir informasjon i kommentarfeltet

Del gjerne innlegget 😊

17/11/2025

27/10/2025

Idag har Frisklivsgjengen trent tabata🤸🏼‍♀️
Ønskjer du og å prøve? Søk opp «tabata songs» på Spotify eller Youtube, sett saman øvingar sjølv eller test ut denne økta 👇🏼God trening💪🏼

22/10/2025

🍁👵🏼Balansetrening for eldre på Sjøperlo👴🏼🍁

Frivilligsentralen og fysioterapeutane i Vindafjord startar opp med balansetrening for eldre. Det er frivillige som vil leia treningane. Desse vil få god opplæring av fysioterapeut.

Ei balansegruppe er ei gruppe mennesker som møtes for å væra fysisk aktive. Målet er å ha ein sterk kropp som gjer at ein kan klare seg sjølv så godt ein kan. Fokus er på øvingar som fremjer balanse og styrke, både i armar og bein💪🏼🫀

🪑Øvingane vil føregå på og rundt ein stol, og deltakarane bestem sjølv om dei treng litt ekstra støtte i stolen eller ei. Med andre ord tilpassar ein øvingane for alle som er med.
❗️Det er likevel to krav:

💪🏼Du må kunne forflytte deg sjølvstendig, og kunne reise deg frå ein stol utan armlen.

🚗Du må kome deg til og fra balansetreninga på eige hand.

❗️Oppstart tysdag 28.oktober kl.11:00 på Sjøperlo i Ølen. Treninga held fram kvar tysdag, før me avsluttar 9.desember. Det er gratis å vera med, men avgrensa med plasser. Det er difor første mann til mølla prinsippet.

📞Påmelding til Frivilligsentralen på e-post: frivilligsentralen@vindafjord.kommune.no eller på telefon 48184078. Får ein plass på første treninga har ein plassen dei aktuelle vekene.

God trening!

12/09/2025

https://www.facebook.com/share/p/1Avio5LxsB/?mibextid=wwXIfr

Vil du vera med og gjera ein viktig forskjell for eldre i Vindafjord? 🌟

Frivilligsentralen og fysioterapeutane søkjer frivillige som har lyst til å bidra til balansegrupper for eldre.

Her ser de bilete frå balansegruppe i god aktivitet, og det vil me fortsetja å få til. 🙌

Ei balansegruppe er ei triveleg gruppe som møtest for å vera fysisk aktive. Målet er å ha ein sterk kropp som gjer at ein kan klare seg sjølv lenger.

Fokus er på enkle øvingar som fremjar balanse og styrke – både i armar og bein.

🙌 Som frivillig får du:
God opplæring og rettleiing frå fysioterapeutane våre
Oversikt over aktuelle øvingar
Oppfølging undervegs
Moglegheit til å dela oppgåva saman med andre frivillige

👉 Du treng ingen forkunnskapar – berre lyst og engasjement!

📍 Stad: Sjøperlo i Ølen

Ta kontakt med Frivilligsentralen for meir informasjon:
📞 481 84 078
📧 frivilligsentralen@vindafjord.kommune.no

Les meir her: https://www.vindafjord.kommune.no/aktuelt/balansegruppe-for-eldre.500995.aspx

08/09/2025

I dag gratulerar me oss sjølv med fysioterapidagen! Helseministeren set pris på oss, og den gode jobben me gjer. Me er enige med han😇

02/09/2025

🌟🟡Kvardagsrehabilitering🟡🌟

Kjenner du nokon eldre som ynskjer å bu heime men har utfordringar med å utføre daglege gjeremål, kanskje blitt litt skrøpligare til beins og har dårligare balanse?

Me i kvardagsrehabiliteringsteamet kjem heim til brukar, kartlegg «kva som er viktig for deg» for å kunne mestre kvardagen betre og lagar treningsprogram ut i frå dette.

Treninga skjer i heimen, opptil 3 dagar i veka i 3-5 veker, er gratis og utføres av tverrfagleg team bestående av:
Fysioterapeut: Gunvor Johansson Garvik
Ergoterapeut: Tina Günther
Sjukepleier: Maili Tveit Oppedal

Ta ein prat med vedkommande og tips om oss.

Link for meir informasjon:

Del gjerne innlegget 😊

Overskrift...Kva tilbyr me?Kvardagsrehabilitering er eit tilbod til deg som ønsker å bu heime lengst mogeleg, trass i byrjande funksjonsfallDet er ei tidsavgrensa rehabilitering i heimenVårt kvardagsrehabiliteringsteam hjelper deg med å setta opp ein plan for periodenHøyreklikk for å velge mod...

14/07/2025

Me planlegg for nok ei Parkinsongruppe til hausten 🌸 Oppstart blir truleg i veke 40.

Opplegget vil vera spesielt tilpassa behova til personar med Parkinson og blir gjennomført 1–2 gonger i veka. Gruppa vil bli leia av ein fysioterapeut.

Deltakarane bør ha sjølvstendig gangfunksjon med eller utan hjelpemidler, vera i stand til å ta instruksjon og ikkje vera for avhenging av hjelp i kvardagen.

Det vil bli øvelsar både i ståande, sittande og på gulvet.

Dersom du – eller nokon du kjenner – kan ha nytte av dette tilbodet, vil me gjerne høyre frå deg!

Send ein melding til fysioterapeut Gunvor på telefon 911 79 672 eller på e-post: gunvor.johansson.garvik@vindafjord.kommune.no så snart som mogleg (men innan veke 38) ved ønske om deltaking.

11/07/2025

🌞 Frisklivssentralen tek ferie! 🌞

Tusen takk for oppmøte og veldig bra jobba til alle som har vore med oss gjennom vårsesongen 💪😄

Me tek ein pause frå treningane i sommar. Det er planlagt ny oppstart i veke 37–38 (september), og me håpar å sjå både kjente og nye fjes då! 🏃‍♀️🏃

Ønskjer du å bli med på frisklivstrening eller bassengtrening (sjå førre innlegg) til hausten? Send ein e-post til oss for påmelding: ✉️Frisklivssentral@vindafjord.kommune.no.

Meir info finn du på Vindafjord Kommune sine sider: https://www.vindafjord.kommune.no/helse-og-velferd/fysioterapi-og-ergoterapi/frisklivssentralen/frisklivssentralen/

God sommar frå Gunvor og Anna! 🌿☀️

Står du i fare for å for å få livsstilssjukdommar, og ønskar å gjera ei helsemessig endring i livet ditt? Fysio- og ergoterapiavdelinga i Vindafjord kommune kan hjelpa nettopp deg.

27/06/2025

Me lufter interessa for trening i basseng frå hausten av. Dette vil vera eit tilbod innan friskliv. Målgruppa er personar i alderen 18-67 år som treng ei livsstilsendring, men som av ulike årsakar har utfordring med å bevege seg på land (td. grunna smerteproblematikk, overvekt eller likande). Treninga vil truleg føregå i varmtvannsbasseng, og målet er trening med litt høgare puls, blant anna gjennom leikar osv.. Det er begrensa kor mange me kan ha i gruppa, så hvis ein får tilbod om deltaking må ein vera innstilt på å møte opp dei avsatte vekene. Det blir truleg ein liten egenandel.

Ta kontakt på E-post: Frisklivssentral@vindafjord.kommune.no dersom du tenkjer at dette kan passe deg.

Me kjem tilbake med nærmare info til hausten.

For deg over 67 år, eller som ønskjer bassengtrening men ikkje er i målgruppa her: Avtalefysioterapeut Georg Feed held fram med bassenggruppene sine i Ølen. Ta kontakt med han for nærmare informasjon.