28/03/2019
Thore du må ikkje sova no..
Det var ein haustkveld i 1996 min åndelige utvikling begynnte. Eg var i Modalen på sauesanking. Me satt på sankehytta og snakka om laust og fast. Eg fortalde om ryggen og hofta mi som ikkje var heilt bra etter mangen år med tungt gårdsarbeid, og saueklypping rundt om hjå bønder i Nordhordland.
Det var då ein av dei andre sankerene fortalde om hjelpen han hadde fått hjå ein alternativ behandler i Bergen. Han meinte eg måtte prøve å få hjelp der sidan han hadde fått god hjelp til sin rygg. Då eg kom heim igjen etter sankinga den helga ringte eg og fekk meg ein time. Det var nesten 1 års ventetid på å få komma til. Det var ein spent Thore som etter nesten eit år reiste til bydn for å få hjelp med rygg og hofte. Joda eg fekk hjelp til rygg og hofte, og ein del innlæring om korleis psyken påvirker oss. Og om åndelige søken og utvikling. Eit par år etterpå fekk eg høyre ein av mine åndelige hjelpere sei til meg «Thore du må ikkje sova no».
Då hadde eg sovna bak rattet på veg heim fra sauesanking ein mørk hauskveld. Då eg høyrde «Thore du må ikkje sova no» våkna eg og vart redda fra å havna i ei ulykke. Etter dette vart eg meir og meir overbevist om at det finst meir i mellom himmel og jord enn kva me greier å sjå med det blotte auga.
Har etter dette tatt ein rekke kurs innan healing, kanalisering og medlemskap.
Rett før jul i 2008 fekk eg ein ny beskjed, den lærte meg den healing teknikken eg bruker no. Når nokon kontakter meg for å få healing, så kjenner eg i kroppen min om det er ein sorg, traume, bekymring, sinne o.l som er årsaken til energiblokkeringen som lager sjukdommen. Ved å løyse opp i sorg, traumer, bekymringer, sinne o.l så gjer musklene slepp på spenningane som lager energi blokkeringer i kroppen slik at energien flyter igjen i kroppen og sjukdommer forsvinner.
Det som skjer og er at den gleden som har vore gjøymt bak sorg, traumer, bekymringer, sinne o.l kjem fram igjen. Ofte greier kunden å kjenne denne gleden når den kjem fram igjen. Ein kan og sjå og kjenne at musklane gjer slepp, då gjer muskelen eit lite hopp. Det er sånn at ein må oppleve ein del ubehag før det begynner å verte smerte av det. Og visst ein går lenge med smerte, så kan det ha vorte lagra mange dårlege opplevelser i den same smerten. Då må ein kanskje løyse opp i mange ting før smerten forsvinner.
