Livsmeistring

27/02/2023

Me er allereide nesten 2 månader ut i 2023. Kursa eg tenkte å tilby denne vinteren vart det dessverre ingenting av.

Men eg satsar sterkt på å koma tilbake med nye kurs på haustparten av året.

Nyt dei vakre dagane folkens :-)

15/10/2021

Haust - og dessverre vert det ingen kurs frå Livsmeistring. Satsar på å koma sterkt attende med det over nyttår. Det vert annonsert når kursa nærmar seg. Følg med. Varm hausthelsing frå meg til deg🍁❤️🍂

04/02/2021

Audun Myskja har skreve ny bok! Denne gongen om dei Tibetanske ritene. Eg har sjølv kjendt på kroppen kor virkningsfulle desse øvingane er. For min del gjennom at eg fekk meir energi, og fekk styrka sentrerande skuldermuskulatur, kort tid etter eg byrja med øvingane. Eg gler meg til å lesa enno meir om dette :-)

Forfattaren seier sjølv dette: "Jeg skriver boka fordi jeg har sett nokså oppsiktsvekkende langtids resultater hos de jeg har fulgt opp som har gjort ritene over tid. En bedre og mer helhetlig kompakt pakke for helse og utvikling skal du lete lange etter!"

Hvis du bare har tid til et kvarter om dagen, er dette den aller beste treningen!En helt overkommelig treningsøkt som vil gi deg styrke, balanse, fleksibilitet, bedre koordinasjon og økt utholdenhet.De tibetanske ritene kommer fra en eldgammel tradisjon, men de blir stadig mer populære over hele ...

09/11/2020

Eg må dessverre avlysa kurs og grupper inntil vidare for å fylgja dei nye smittevernreglane. I fyrste omgang gjeld dette dei fyrste 14 dagane. Eg kjem tilbake med informasjon når eg skal arrangera kurs igjen.

24/03/2020

Audun Myskja, læraren min i enhetsterapi, har nyleg kome ut med enno ei fantastisk bok som er høgst aktuell i desse dagar med uvissheit og uro for mange. "Kunsten å finne ro" byr på hans erfaringar som lege, der han som alltid forklarer lettfatteleg og drar samanlikningar slik at ein kan forstå korleis alt heng saman. Krydra med illustrerande historiar frå hans menneskemøter og med mange praktiske tips til korleis me kan gjera aktive val i livet for å skapa og stimulera indre ro.

14/03/2020

Kjære kursdeltakarar!
Eg må dessverre avlysa stressmeistringskvelden komande måndag for å vera med på å begrensa coronasmitte.

27/02/2020

Tenk at det alt har gått 10 år sidan eg var så heldig å få spela inn instruksjonar av Basal Kroppskjennskap! Mange kursdeltakarar hadde ytra ynskje om å ha instruksjonane "på band" for det var så vanskeleg å øva sjølv utan ei stemma som leia dei. Eg trudde det ville vera komplisert å få det til. Men det var før eg møtte Bjørn Otto Wallevik, som driv wallcon lydstudio (wallcon.no). Ingenting er vanskeleg i møte med denne mannen. Og sjølvsagt ikkje lydopptak som er hans fag :-)

No når CD plater og CD spelar er blitt gamaldags, håpar eg at desse lydfilene kan gjera opptaka meir tilgjengelege for dei som treng dei.

Vonar du kan få gleda av lydfilene. Lukka til :-)

Shared with Dropbox

17/01/2020

På grunn av sjukdom i familien, må mine enkeltståande kurskveldar, og kurs utgå inntil vidare. Eg annonserer på nytt når det vert fortsetjing og nye enkeltståande kveldar.