30/12/2025
आदरणीय गुरुहरू, ज्येष्ठ चिकित्सकज्यूहरू तथा प्रिय सहकर्मी चिकित्सकहरू,
नेपाल मेडिकल काउन्सिलको निर्वाचनमा मलाई दिनु भएको माया, विश्वास र अमूल्य मतका लागि हृदयदेखि धन्यवाद व्यक्त गर्न चाहन्छु।
निर्वाचन लोकतान्त्रिक प्रक्रिया हो, जित वा हार परिणाम मात्र हो। तर परिणाम जे भए पनि नेपाल मेडिकल काउन्सिल र सम्पूर्ण चिकित्सा समुदायप्रतिको मेरो प्रतिबद्धता, समर्पण र जिम्मेवारी सधैं उस्तै रहनेछ।
यस निर्वाचनमा विजयी हुनु भएका सम्पूर्ण उम्मेदवारज्यूहरूलाई हार्दिक बधाई तथा सफल, प्रभावकारी र जिम्मेवार कार्यकालको शुभकामना व्यक्त गर्दछु। नेपाल मेडिकल काउन्सिलले आगामी दिनमा अझ सक्षम, पारदर्शी र चिकित्सक-मैत्री रूपमा काम गरोस् भन्ने कामना गर्दछु।
यस निर्वाचनलाई निष्पक्ष, मर्यादित र सुव्यवस्थित रूपमा सम्पन्न गराउन अहोरात्र खटिनु हुने निर्वाचन समिति तथा सुरक्षाकर्मीहरूलाई पनि हार्दिक धन्यवाद व्यक्त गर्दछु।
तपाईंहरूको समर्थन, मार्गदर्शन र विश्वासले मलाई सधैं प्रेरणा दिइरहनेछ।
पुनः एकपटक, सबैलाई हार्दिक धन्यवाद।
सादर,
डा. गुरु शरण साह
मेडिकल अन्कोलोजिस्ट
बी.पी. कोइराला मेमोरियल क्यान्सर अस्पताल
