14/01/2026
पारस अस्पतालले सत्यनारायण साफीको परिवारलाई निःशुल्क उपचार गर्यो घोषणा....
सिराहा जिल्लाको बरियारपट्टि गाउँका सत्यनारायण साफीले आर्थिक अभावका बाबजुद पूर्ण छात्रवृत्तिमा एमबीबीएसमा सफलता हात पारेपछि पारस अस्पतालले उनको साहस र समर्पणलाई सम्मान गर्दै उनको सम्पूर्ण परिवारलाई साफिको अध्धयनको क्रम सम्म निःशुल्क उपचार सेवा प्रदान गर्ने प्रतिबद्धता जनाएको छ। ज्यालामजदुरी गरेर आफ्नो सपना राख्ने साफीको संघर्षले अस्पताल प्रशासनलाई प्रभावित पार्यो।
पारस अस्पतालका संचालक डाक्टर सफिउर रहमानले "पैसाको अभावमा कसैले पनि उपचारबाट वञ्चित हुनु हुँदैन, कसैको ज्यान जोखिममा पर्नु हुँदैन" भनी आफ्नो टोलीको मानवतावादी उद्देश्य रेखाँकित गर्दै यो निर्णय गरेको बताए। आजको भौतिकवादी युगमा यस प्रकारको सेवाभावले समाजमा नयाँ आशा र मानवीय मूल्यको सन्देश दिएको छ। यसले न केवल एउटा परिवारलाई सहारा दिएको छ, तर सामाजिक दायित्वको एउटा उज्ज्वल मिसाल पनि कायम गरेको छ।
