17/02/2026
नवजीवन अस्पताल, धनगढीमा “Audit of Written Handover Quality from Emergency Department against SBAR Framework at Navajeevan Hospital, Dhangadhi” विषयमा अडिट प्रस्तुति कार्यक्रम सफलतापूर्वक सम्पन्न भएको छ।
उक्त अडिट कार्यक्रमको नेतृत्व नवजीवन अस्पतालका जनरल सर्जन डा. गोविन्द तिवारीले गर्नुभएको थियो। कार्यक्रममार्फत आपतकालीन विभागबाट गरिने लिखित ह्यान्डओभर प्रक्रियाको गुणस्तर SBAR Framework (Situation, Background, Assessment, Recommendation) को आधारमा मूल्याङ्कन गरिएको तथ्यांक प्रस्तुत गरिएको थियो।
कार्यक्रममा आपतकालीन विभाग, ओ.टी., इनडोर तथा पोस्ट–अप वार्ड, ICU/NICU, क्याबिन वार्डका चिकित्सक तथा नर्सिङ कर्मचारीहरू लगायत सम्बन्धित कन्सल्टेन्टहरूको उल्लेखनीय उपस्थिति रहेको थियो। प्रस्तुतिका क्रममा हालको अभ्यास, पहिचान गरिएका सुधारयोग्य पक्षहरू तथा आगामी सुधार योजनाहरूका बारेमा विस्तृत छलफल गरिएको थियो।
प्रभावकारी र संरचित सञ्चारले रोगी सुरक्षामा महत्वपूर्ण भूमिका खेल्ने भएकाले SBAR प्रणालीलाई अझ प्रभावकारी रूपमा कार्यान्वयन गर्ने प्रतिबद्धता व्यक्त गरिएको छ।
नवजीवन अस्पताल सधैं गुणस्तरीय, सुरक्षित तथा प्रभावकारी स्वास्थ्य सेवा प्रदान गर्न प्रतिबद्ध छ। यस प्रकारका अडिट तथा गुणस्तर सुधार कार्यक्रमहरू निरन्तर रूपमा सञ्चालन गरिने जानकारी गराइन्छ।
Navajeevan Hospital Pvt. Ltd.
🇳🇵Dhangadhi-4, Uttar Behadi
👉𝗙𝗼𝗿 𝗠𝗼𝗿𝗲 𝗗𝗲𝘁𝗮𝗶𝗹𝘀
📲 +977-9762771044, 9765543870, 9767424341
☎️+977-091-521233, 521733
📧 info@navajeevanaspatal.com
🌐 https://navajeevanaspatal.com
