FDH Clinic

27/03/2026

25/03/2026

मान्छे बिरामी भएर अकालमा मर्ने धेरै कारण छन् ।

कम्मरको वरिपरी रहेको बोसो सबै भन्दा घातक मध्यको एक हो । कि हामीले त्यो बोसो समाप्त गर्न सक्न पर्छ । कित त्यही बोसोले हामीलाइ सताउँछ । तसर्थ उक्त बोसोलाई परास्त गर्न निम्न उपायहरु अपनाउन सकिन्छ ।
• प्रशोधित खानेकुरा नखाने । वास्तविक खानेकुरा खाने । उच्च पोषण र प्रोटिन भएको खानालाइ आफ्नो भोजनको आधार बनाउने । १०० वर्ष पहिले हाम्रा पिता पुर्खाहरुले खाने गरेका खानेकुरा खाने । यसको मतलव १०० बर्ष पुराना खानेकुरा खोज्दै हिड्ने भन्न खोजेको होइन । एउटा बिचारको रुपमा बहस छेडेको । भन्न खोजेको के भने जीबन्त (जीबन भएको) खानेकुराहहरु खाने । किनकी आधुनिक खाद्य उद्योगले हाम्रो स्वास्थ्यको चिन्ता गर्दैनन् । मात्र आफ्नो ब्यापार हेर्छन्। हाम्रो जीबन उनीहरुको भरमा छोड्नु भएको स्वस्थ नभै रोगी हुनु हो । मुटु हाम्रो इन्जिन भएको हुँदा हामी आफैले यसको ख्याल गर्नुपर्छ ।
• दैनिक कम्तिमा १० हजार पाइला हिड्ने । शुरु शुरुमा यो धेरै जस्तो लाग्न सक्छ । थोरैबाट शुरु गर्ने अनि बढाउँदै लैजाने । हिड्न मन पर्दैन भने बास्केटबल, टेनिस, फुटबल जस्ता खेलहरू खेल्न सकिन्छ । साइकल चलाउन¸पौडीन सकिन्छ । जति धेरै ब्यायाम उती राम्रो स्वास्थ्य । खाना खाएपछी कम्तीमा ३० मिनेट हिड्ने ।
• आवश्यकता अनुसार (दैनिक कम्तीमा २ लिटर) पानी पिउने । शरीरको लागी हाइड्रेसन अति नै महत्वपूर्ण छ । यसले हाम्रो मेटाबोलिजम मजबुद गराउँछ । दिमागलाई पनि राम्रो गर्छ । खाना खानु अघि पानी पिएमा भोकको महशुस कम गराउँछ । पानी चै पिउने तर अल्कोहल नपिउने ।
• राती ७।८ घण्टा मजाले निदाउने । स्वास्थयको लागी यो अत्यन्तै महत्वपूर्ण छ । तसर्थ यसलाइ दिनचार्य बनाउने । सुत्ने र उठ्ने समयलाइ एकनासको बनाउने । यस प्रकारको कार्य शरीर, दिमाग र केही मात्रामा तौल घटाउने अनि मांसपेशी बढ्ने कृयासँग सम्बन्धित छ । जसले गर्दा जीवनमा सकारात्मक परिवर्तन आउँछ ।
• हप्तामा कम्तिमा २ देखि ३ दिन वेट ट्रेन गर्ने । भारत्तोलन गर्ने वा आफ्नै शरीरको वजनसंग ट्रेन (क्यालिस्थेनिक्स) गर्ने । मांसपेशी बृद्धी गर्नाले कुशल "फ्याट बर्निंग" मेसिन बनाउँछ। यसको बारेमा सोच्ने अनी गर्ने ।
• शरीरको तौलको प्रति किलोग्राम १.५ देखी २ ग्राम प्रोटिन खाने । जसले गर्दा शरीरमा शमांसपेशीको बृद्धी हुन्छ । सजिलै संग शरीरको बोसो घटाउन सकिन्छ । खानामा प्रोटिनको मात्रा बढाउने । यसले कम भोक महसुस हुन्छ ।
• बर्तलाइ बिकल्पको रुपमा लिन सकिन्छ । ब्रतलाइ उचित अभ्यासमा लगेमा यो शक्तिशाली हतियार हो उपबास १२ घण्टा अबधीको शुरु गर्ने र १४ हुँदै १६ अनि १८ घण्टा सम्म बढाउन सकिन्छ । यसले शरीर र दिमागलाई राम्रो बनाउँछ । यसमा कुनै शंका छैन । ब्रतलाइ थप सहज बनाउन बीच बीचमा सादा कालो कफी पिउन सकिन्छ ।
• मजाले घाम ताप्ने । शरीरमा घामको महत्व र फाइदाहरूको सूची ठूलो छ । दिनमा कम्तिमा २०-३० मिनेट घामको किरणमा आफूलाई खुला गर्ने अभ्यास अति उत्तम हुन्छ । बिहानको केही मिनेट घामले राम्रो गर्नेछ।
• एउटा यस्तो अवस्थाको सृजना गर्ने की जतिबेला मानसिक रुपमा चरम शुख होस । म यसमा बढी नै जोड दिन्छु । हरेक दिन कुनै कुरलाइ प्रतिबिम्बित गर्नका लागी स्पष्ट दिमागमा समय बिताउन सकियो भने जीबनका लक्ष्यहरुको लागी संघर्ष गर्न सहज हुनेछ । त्यसको लागी ध्यान गर्न सकिन्छ । हिँड्न सकिन्छ । श्वासप्रश्वास विधिहरू प्रयोग गर्न सकिन्छ । जुन कार्य गर्न आफुलाई सहज हुन्छ ।
• प्रकृतिमा समय बिताउने¸ पदयात्रामा जाने, खेलकुद गर्ने जस्ता कार्य गर्न सकिन्छ । यो अर्को नजर अन्दाजको बिषय हो जसको कुनै महत्व छैन जस्तो देखिन्छ । तर यसमा धेरै कुरा लुकेको हुन्छ । यसले तपाईंलाई ठूलो स्पष्टता दिनेछ।
प्रकृतिले दिएका निशुल्क औषधीहरु छन जुन स्वस्थ जीबनका लागी रामबाण साबित हुन्छन । तर हामीले ती निशुल्क औषधीहरुको उपभोग गर्न जान्नु पर्दछ ।
निन्द्रा¸ घाम¸ ब्यायाम¸ ध्यान¸ हाँसो¸ दया¸माया¸करुणा¸ सकारात्मक सोच जस्ता कुराहरु प्रकृतिले दिएका निशुल्क र अपरम्पार औषधी हुन् ।

20/03/2026

सिमरा देखी काठमाडौं मौसम खराबको कारणले हवाई उढान रद् भएको हुनाले २०८२चैत ७ गते क्लिनिक बन्द रहने जानकारी गराउॅदछौ।यहॅाहरूलाई पर्न गएको असुविधा प्रति क्षमाप्राथी छौ॥FDH परिवार 🙏

17/03/2026

15/03/2026

इन्टरमिटेन्ट फास्टिङका फाइदाहरू:
अनुसन्धानले के देखाउँछ भने बीच-बीचमा उपवास (खाली पेट )को अवधिले बढी भन्दा बढी बोसो जलाउने कार्य गर्छ। म्याटसन बताउँछन्, "जब यो मेटाबोलिक स्विचसँग परिवर्तनहरू हुन्छन्, यसले शरीर र मस्तिष्कलाई असर गर्छ।" न्यु इङ्गल्याण्ड जर्नल अफ मेडिसिनमा प्रकाशित म्याटसनको एउटा अध्ययनले तथ्यांक सँग सम्बन्धित स्वास्थ्य लाभहरूको दायराको बारेमा तथ्याङ्क प्रस्तुत गर्‍यो। यो तथ्यांकमा लामो आयु, दुब्ला शरीर र तेज दिमागका बारेमा उल्लेख छ। उनी भन्छन "इन्टर्मिटेन्ट उपवासको समयमा धेरै कार्यहरू हुन्छन् जसले टाइप 2 मधुमेह, हृदय रोग, उमेर-सम्बन्धित न्यूरोडिजेनेरेटिभ विकारहरू, आन्द्रामा हुने सुजन जस्ता रोग र क्यान्सरहरू जस्ता धेरै दीर्घकालीन रोगहरूबाट अंगहरूलाई बचाउन सक्छ," ।
त्यस्तै केही अन्तरिम उपवास ( इन्टर्मिटेन्ट फास्टिङ्) का लाभहरू अनुसन्धानले प्रस्तुत गरेको छ:
जस्तै सोच र स्मरण शक्ति:

अध्ययनहरूले बीच-बीचमा गरिने उपवासले जनावरहरूमा काम गर्ने स्मरण शक्ति र वयस्क मानिसहरूमा बोल्ने स्मरणशक्ति बढाउँछ भन्ने कुरा पत्ता लगाए ।

त्यस्तै हृदय स्वास्थ्य:
अन्तरिम उपवासले( इन्टरमिटेन्ट फास्टिङ्)ले रक्तचाप र आराम गर्ने मुटुको प्रवृतिको मापनका साथै हृदयसँग सम्बन्धित अन्य मापनहरूमा सुधार गर्छ।

अर्को मुख्य कुरा हो शारीरिक प्रदर्शन :

१६ घण्टा उपवास बस्ने युवाहरूले मांसपेशीको मास ( muscle mass)कायम राख्दा बोसो घटेको देखाएको छ। मुसाहरूलाई दिन बिराएर खुवाउँदा दौडने क्षमतामा सही र राम्रो तरिकाको सहनशीलता देखाए।

टाइप २ मधुमेह र मोटोपना:
जनावरहरूको अध्ययनले के देखाएको छ भने इन्टरमिटेन्ट उपवासले मोटोपनालाई रोक्छ। यसै गरी छ वटा संक्षिप्त अध्ययनहरूमा, मोटो वयस्क मानिसहरूले इन्टरमिटेन्ट उपवासको माध्यमबाट वजन घटाए ।

टाइप 2 मधुमेह भएका मानिसहरूले लाभ उठाउन सक्छन्:
धेरै जसो उपलब्ध अनुसन्धानहरूले के देखाउँछ भने बीच-बीचमा गरिने उपवासले मानिसहरूको शरीरको तौल घटाउन र खालीपेट हुँदाको ग्लुकोज, खाली पेट छँदाको इन्सुलिन र लेप्टिन ( Leptin )को स्तर घटाउन मद्दत गर्दछ। जब इन्सुलिन प्रतिरोध कम गर्न, लेप्टिनको स्तर घटाउँदछ र एडिपोनेक्टिन (adiponetin)को स्तर बढाउँदछ। केही अध्ययनहरूले के पत्ता लगाएका छन भने केही बिरामीहरूले आफ्ना डाक्टरहरूको नीग्रानीमा समय समयमा उपवासको अभ्यास गरी इन्सुलिन थेरापीको आवश्यकतालाई उल्टाउन सक्षम थिए।

मांसपेशीको रेशा स्वास्थ्य(Tissue health ) जनावरहरूमा, आकस्मिक उपवासले शल्यक्रियामा शरीरका ससाना मांसपेशीका रेशामा हुने क्षति कम गर्न सफल भयो र नतिजा सुधार्यो।

11/03/2026

यो देख्दा तपाईको दिमागमा पहिलो शब्द के आउँछ?

04/03/2026

यहि मिति २०८२/११/२१ बिहीबारका दिन नेपालमा हुन गईरहेको प्रतिनिधि सभा निर्वाचनका कारण क्लिनिक बन्द रहने जानकारी गराउछौ । यसबाट पर्न जाने असुविधा प्रती क्षेमाप्रार्थी छौ ।
एफ डि एच क्लिनिक परिवार