03/04/2021
Pharmacy
के हो बी फार्म ?
ब्याचलर अफ फार्मेसी (B-PHARM) औषधि विज्ञान हो । झट्ट सुन्दा बी फार्म भनेको औषधि बेच्ने बुझिन्छ । तर, बी-फार्म भनेको औषधि बेच्ने मात्र होइन । औषधि बनाउनेदेखि बिक्री वितरणसम्मको प्रक्रिया सिकाउने शिक्षा नै बी-फार्म हो । औषधि कसरी बनाउने ?
के कस्ता वस्तुबाट औषधि उत्पादन गर्न सकिन्छ ? कुन रोगका लागि कस्तो औषधि बनाउने ? औषधिमा कस्तो केमिकल राख्ने ? औषधिको गुणस्तर कस्तो छ? औषधिले बिरामी निको भए कि भएनन् ? कति समयका लागि बिरामीलाई औषधि दिने? जस्ता विषयलाई बी फार्मले समेट्छ। साथै, यसले नयाँ नयाँ औषधिको खोज तथा अनुसन्धान गर्न सहयोग गर्छ
कस्तो कोर्स हो ?
बी-फार्म स्नातक तहको चार वर्षे कोर्स हो । जसमा ८ वटा सेमेस्टर हुन्छन् । त्रिभुवन विश्वविद्यालय, पोखरा विश्वविद्यालय, काठमाडौं विश्वविद्यालय र पूर्वाञ्चल विश्वविद्यालयबाट सम्बन्धन लिएर विभिन्न कलेजले बी-फार्म कोर्स सञ्चालन गरेका छन् । बी-फार्म अध्ययनपश्चात् नेपालमै मास्टर्स लेभलको एम फार्म एमबिए , एमपियच अध्ययन गर्न सकिन्छ ।
पढ्नुपर्ने मुख्य विषय
- फार्माकोलोजी एन्ड टक्सिकोलोजी
- मेडिसिन केमेस्ट्री
- इन्डस्ट्रियल फार्मेसी
- फर्माकोग्नोसी
- फर्मासिटिकल एनालाइसिस एन्ड क्वालिटी
कति खर्च लाग्छ
बी-फार्म पढ्न ७ देखि ९ लाखसम्म खर्च लाग्छ । तर, विश्वविद्यालय र क्याम्पसले दिने सेवा सुविधाको आधारमा पढाइ खर्च केही तलमाथि हुन सक्छ । एकैपटक पुरै शुल्क तिर्नुपर्दैन । तर, सेमेस्टरअनुसार शुल्क तिर्दै जानुपर्छ ।
कुन क्षेत्रमा काम गर्ने अवसर पाइन्छ ?
- अस्पताल (सरकारी र निजी)
- औषधि उत्पादन कम्पनी
- कम्युनिटी फार्मेसी
- स्वास्थ्य मन्त्रालयअन्तर्गतका कार्यालय
- फार्मेसी पढाइ हुने क्याम्पस
- औषधि अनुसन्धान
- औषधिको बजार व्यवस्थापन
- गैरसरकारी संस्था
- अन्तर्राष्ट्रिय गैरसरकारी संस्था
त्रिभुवन विश्वविद्यालयअन्तर्गत
- महाराजगन्ज मेडिकल क्याम्पस, काठमाडौं
- मनमोहन मेमोरियल इन्स्टिच्युट अफ हेल्थ साइन्स, सोल्टिमोड, काठमाडौं
- नेसनल मोडेल कलेज फर एड्भान्स, नयाँ बजार, काठमाडौं
- जनमैत्री फाउन्डेसन इन्स्टिच्युट अफ हेल्थ साइन्स, हात्तीवन, ललितपुर
- युनिर्भसल कलेज अफ मेडिकल साइन्स एन्ड टेक्नोलोजी, भैरहवा, रूपन्देही
- चितवन मेडिकल कलेज, चितवन
- सुनसरी टेक्निकल कलेज, सुनसरी
- गण्डकी मेडिकल कलेज, पोखरा
- मट्रिक्स कलेज, पर्सा
पोखरा विश्वविद्यालयअन्तर्गत
- नोबेल कलेज, सिनामंगल, काठमाडौं
- सेन्ट्रल इन्स्टिच्युट अफ साइन्स एन्ड टेक्नोलोजी, बानेश्वर, काठमाडौं
- मोर्डन टेक्निकल कलेज, सानेपा, ललितपुर
- क्रिमसन कलेज अफ टेक्नोलोजी, रूपन्देही
- पोखरा युनिभर्सिटी स्कुल अफ हेल्थ एन्ड साइन्स, पोखरा, कास्की
काठमाडौं विश्वविद्यालयअन्तर्गत
- काठमाडौं युनिभर्सिटी स्कुल अफ साइन्स, काभ्रेपलान्चोक
पूर्वाञ्चल विश्वविद्यालयअन्तर्गत
- भ्याली कलेज अफ टेक्निकल साइन्स, सीतापाइला, काठमाडौं
- कर्णाली कलेज अफ हेल्थ साइन्स, गौशाला, काठमाडौं
- कान्तिपुर कलेज अफ हेल्थ साइन्स, काठमाडौं
- लिटल बुद्ध कलेज अफ हेल्थ साइन्स, मीनभवन, काठमाडौं
- एसियन कलेज अफ एड्भान्स स्टडिज, सातदोबाटो, ललितपुर
- होप इन्टरनेसनल कलेज, सातदोबाटो, ललितपुर
- नोबेल एकेडेमी, कास्की
- श्री मेडिकल एन्ड टेक्निक कलेज, चितवन
- पूर्वाञ्चल युनिभर्सिटी कलेज अफ मेडिकल एन्ड साइन्स, मोरङ
कति कमाउन सकिन्छ ?
बी-फार्म पढेपछि स्वरोजगार बन्न सकिन्छ । बढ्दो सहरीकरणसँगै सामुदायिक फार्मेसी पनि बढ्दो क्रममा छ । गाउँगाउँमा पनि आफैं फार्मेसी खोल्न सकिन्छ । त्यस्तै, अस्पताल वा औषधि उत्पादन कम्पनीमा काम नै गर्ने हो भने पनि सुरु कम्तीमा मासिक २० देखि ४० हजारसम्म कमाउन सकिन्छ । आफ्नो क्षमता र अनुभवका आधारमा पनि तलब निर्धारण हुन्छ ।
यो पेसा को आम्दानीको कुनै सिमा छैन लाखौ मासिक तलब बुज्ने फर्मासिस्ट नेपालमा छन्
थप जानकारी हाम्रो पेज Pharma Info Nepal र website www.pharmainfonepal.com बाट लिन सक्नु हुन्छ|
