18/09/2025
केही दिन यता,
हामीले विद्रोहदेखि आरोह–अवरोहसम्मका कुरा गर्यौँ।
हामीले सडकदेखि सरकारसम्मका कुरा गर्यौँ।
नेता, नेतृत्वदेखि मन्त्रीसम्मका कुरा गर्यौँ।
युवा पुस्तादेखि जेष्ठ नागरिकसम्मका कुरा गर्यौँ।
सास, आस र लाससम्मै पनि कुरा गर्न भ्यायौँ।
तर आफ्नो मनको कुरा गर्न छुटायौँ,
मस्तिष्कको कुरा गर्न छुटायौँ,
र मानसिक स्वास्थ्यको कुरा गर्न छुटायौँ।
२०५२ सालदेखिको सशस्त्र आन्दोलन,
२०६२/६३ को जनआन्दोलन,
२०७२ को भूकम्प र नाकाबन्दी,
२०७७ तिरको कोभिड–१९ भाइरसजस्ता अवस्थाहरूले
हाम्रो मानसिक स्वास्थ्यमा पारेको प्रत्यक्ष प्रभाव गम्भीर छ।
यसको परिणाम आज नदेखिए पनि पछि सम्मै,
एउटा गहिरो आघात बनेर मनमा बसिरहने छ।
त्यसैले, आफूलाई समय दिउँ,
आफ्नो मनलाई समय दिउँ।
एकै क्षण भए पनि हामीलाई विश्राम चाहिएको छ।
आउँनुहोस अब मनको कुरा गरौँ।
#मानसिकस्वास्थ्य
