03/06/2020
https://m.facebook.com/story.php?story_fbid=3093921373984099&id=835686013140991
सापु रोगले आँखाको दृष्टि नै गुम्छ
सापु सेतो पुतलीको झुस आँखामा परेर आँखामा लाग्ने एक प्रकारको रोग हो जसले गर्दा समयमा उपचार नभए आँखाको ज्योति पनि गुम्न सक्छ। यो रोग लागे आँखाको पर्दा र नसालगायतका भागमा असर पर्छ ।यो अत्यन्तै डर लाग्दो रोग भएकाले सचेत हुन जरुरी छ । रोग सम्बन्धी सचेतना अभावका कारण बर्र्सेनी यो रोगका बिरामी बढिरहेका छन् । विशेष गरी पहाडी भेगका मानिस सापु रोगबाट पीडित छन् ।
लक्षण
* झुस पर्नासाथ आँखा रातो हुन्छ ।
* लाइटमा हेर्न गाह्रो हुन्छ ।
* आँखाको ज्योति क्रमशः केहि घण्टाको अन्तरमा घट्दै जान्छ ।
* आँखाको दुखाईमा घटबड हुन्छ ।
*
पुतलीबाट जोगिने उपाय
* साँझमा घर बाहिर ननिस्कने ।
* घरको झ्याल ढोकामा जाली राख्ने ।
* राती सुत्दा झुलको प्रयोग गर्ने ।
* आँगनमा सकेसम्म सेतो बत्ती नबाल्ने ।
* सम्भव भएसम्म पहेँलो सीएफएल चिम प्रयोग गर्ने ।
* कुनै पनि पुतली छोएपछि साबुन पानीले हात धुने ।
* अनावश्यक रुपमा आँखा नछुने
प्राथमिक उपचार
* आँखालाई सफा पानीले पखाल्ने (आँखा नमिच्ने )।
* सकेसम्म छिटो नजिकैको आँखा उपचार केन्द्रमा जाने ।
