Nawa Upakar Nepal Sudhar Kendra, Kathmandu (2026)

06/02/2026

Just for today, February 6
I can't--we can (मैले होइन हामीले सक्छौ)
"हामीले आँफैलाई यो अाश्वस्त पारी सकेका थियौ कि हामी एक्लै ले त्यो सबै गर्न सक्तछौ र त्यही अाधार मा आफ्नो जीवन जिउन को लागि अगाडि बढ्दै पनि गयौ। तर परिणामहरु बिनाशकारी भयो र अन्तमा हामी मध्ये सबैले यो मान्नै पर्‍यो कि आत्म निर्भरता एक झुठ मात्र थियो।"
Basic Text, p. 62
---------------=---------------
"मैले गर्न सक्तिन, तर हामीले गर्न सक्छौ" यो सरल तर धेरै नै महत्वपूर्ण सत्य जुन एक एन.ए सदस्य भएको नाताले हाम्रो लागि पहिलो प्राथमिक आवश्यकता हो। हामी मिलेर नै स्वच्छ रहन सक्छौ, जब हामी आँफैलाई एक्लो बनाउछौ, तब हामी खराब संगत मा फस्न सक्तछौ। सुधारको लागि हामीलाई अर्को दुर्व्यसनीको सहयोग को आवश्यकता रहने गर्दछ।
हाम्रो आत्म निर्भरता ले हाम्रो स्वच्छ रहेर बस्ने हाम्रो क्षमता भन्दा बढी हाम्रो सुधारमा रहने बाटोमा हाम्रो लागी रोकावट बन्ने गर्दछ। नशा प्रयोग नगरिकन वा नशा प्रयोग गरेर आफ्नो इच्छा को आधारमा जीवन लाई जिउनु ले निश्चय नै हामीलाई महा बिनाश तर्फ धकेल्ने गर्दछ। हामी अरु व्यक्ति हरु प्रती सबै कुराहरुमा, प्रेम र करुणा देखी साथ सहयोग र सेवाको लागि निर्भर हुन थालदछ, फेरी पनि हाम्रो इच्छा ले उनिहरुसँगै निरन्तर संघर्ष गर्नु पर्ने अवस्था मा लगेर उभाइदिने गर्दछ। एक पूर्ण सन्तुष्टी ले भरिएको जीवन जिउनको लागि आवश्यक छ कि हामी उनिहरु सँग मेल मिलाप गरौ।
अन्य दुर्व्यसनी तथा हाम्रो समुदायमा रहेको अरुहरु मात्र होइन जो सँग हामी निर्भर रहने गर्दछौ। शक्ति कुनै मानविय विशेषता होइन, तर पनि हामीलाई जिवित रहनको लागि जुन शक्तिको आवश्यकता पर्ने गर्दछ त्यो हामी आफु भन्दा ठुलो एक उच्च शक्ति मा पाउने गर्दछौ जसले हामीलाई यस्तो नेतृत्व पनि दिने गर्दछ र सामर्थ्य पनि, जुन हामी सँग छैन। जब हामी आत्म निर्भर भएको ढोङ गर्न थाल्दछौ, तब हामी आफुलाई शक्ति को त्यो श्रोत बाट अलग्याउने गर्दछौ। जसले हामीलाई जीवन भर मार्ग निर्देशन गर्नको लागि सक्षम छ। हाम्रो उच्च शक्ति।
आत्म निर्भरता ले काम गर्ने गर्दैन। हामीलाई अरु दुर्व्यसनी हरुको आवश्यकता छ र अरुहरुको पनि आवश्यकता छ र एक पूर्ण जीवन जिउनको लागि हामीलाई हामी भन्दा ठुलो उच्च शक्ति को आवश्यकता छ।
---------------=----------------
आजको निम्ती मात्र- म अरु सुधारमा भएको दुर्व्यसनीहरुको सहयोग प्राप्त गर्ने प्रयास गर्नेछु। समुदायमा भएको अरुहरु सँग मेल मिलाप गर्ने कोशीश गर्नेछु र म आफ्नो उच्च शक्ति को हेरचाह गर्ने छु। म एक्लै सक्तिन, तर हामी सक्छौ।

05/02/2026

You are not alone yet.

05/02/2026

Just for today, February 5
Keep coming back (आउँदै गर्नुहोस्)
"बैठकहरुमा हामीलाई जसरी स्वागत गरिएको थियो, जस्ले गर्दा हामीले राहत महसुस गर्न पायौ त्यसको लागि हामी अभारी छौ।"
Basic Text, p. 83
-----------------=----------------
के तपाईंलाई याद छ, जब हामी पहिलो पटक एन.ए को बैठकमा आएका थियौ कती डराएका थियौ ? यहाँ सम्म कि आफ्नो कुनै मित्र सँग आउँदा पनि यहाँ बैठकमा सहभागि हुन पनि कती अप्ठेरो भएको थियो। त्यो के कुरा थियो जसले हामीलाई फेरी अाइ रहनको लागि प्रेरित गरेको थियो ? हामी मध्ये अधिकाँश ले आज सम्म पनि आफ्नो त्यो याद लाई आफ्नो मन मा सजाइ राखेका छन, जुन यहाँ एन.ए मा पहिलो पटक आउँदा खेरी नै हामीलाई गरिएको स्वागत सँग गासिएको छ र त्यो स्वागत ले हामीलाई कुन हद सम्म सजिलो बनाएको थियो। जब नयाँ आउने सदस्य को रुपमा हामीले आफ्नो हाथ उठायौ तब हामीले तमाम अरु सदस्य हरु लाई आफु सामु पुग्नको लागि र आफ्नो स्वागतको लागि ढोका खोलिदियौ।
कहिले कहिले ति दुर्व्यसनी हरुलाई लिएर जो आफ्नो पहिलो बैठक बाट फेरी कहिले एन.ए मा नफर्कने गरेर बाहिर निस्कने गर्दछ र ति दुर्व्यसनीहरु जो सुधार पाउनको लागि यहाँ रोकिने गर्दछ- कुनै एन.ए सदस्य सँग सामान्य हग गरौ। जब हामी केही समय को लागि स्वच्छ रहने गर्दछौ तब हामी आफुलाई त्यो नयाँ आउने हरुको प्रक्रिया बाट आफुलाई केही टाढा राख्ने गर्दछौ, किनभने हामीले यती धेरै व्यक्ती हरुलाई आउँदै जादै गरेको जो देख्ने गरेका हुन्छौ। तर केही समय सम्म स्वच्छ रहेको सदस्यहरुले ति दुर्व्यसनीहरु बिचको भिन्नता छुट्टाउन सक्तछ, जुन फेरी आउने गर्दैन र जुन अाइरहने गर्दछ। हामी आफ्नो फोन नम्बर दिएर, हग गरेर वा केवल न्यानो स्वागत गरेर हामी ति दुर्व्यसनी सामु पुग्ने गर्दछौ जो हाल पनि पीडित छन र उनिहरु सामु मित्रता को हाथ बढाउने गर्दछौ।
---------------=-----------------
आजको निम्ती मात्र- मलाई त्यो स्वागत याद छ जब म पहिलो पटक एन.ए बैठक मा आउँदा मलाई दिएको थियो। आज म कुनै नयाँ आउने लाई हग गरेर मेरो कृतज्ञता व्यक्त गर्नेछु।

04/02/2026

Just for today, February 4
Feeling good isn't the point (राम्रो महसुस गर्नु नै सबै थोक होइन)
"हाम्रो लागि सुधार मात्र आनन्द भन्दा बढी छ।"
Basic Text, p. 43
----------------=----------------
आफ्नो सक्रिय दुर्व्यसनको समयमा हामी मध्ये अधिकाँश ले निश्चित तवरले यो बुझेका थियौ कि एक दिन बाट अर्को दिन कस्तो महसुस गर्दछौ भनेर। तब हामीले मात्र यो गर्नु पर्दथ्यो को बोतल मा टासियेको लेबल पढौ वा यो बुझौ कि झोला मा के छ। हामी आफ्नो अनुभुती हरुलाई योजनावद्ध पार्ने गर्दथ्यौ र हरेक दिनको लक्ष्य यो हुने गर्दथ्यो कि हामी राम्रो महसुस गरौ।
तर अब हामी सुधार कार्यक्रम मा हामी एक दिन बाट अर्को दिन, यहाँ सम्म कि एक मिनट बाट अर्को मिनट जे पनि महसुस गर्नको लागि स्वतन्त्र छौ। हामी बिहानी को समयमा आफु उर्जाले भरिपुर्ण र प्रशन्नता को महसुस गर्न सक्तछौ र दिनको समयमा अनौठो तरिकाले दु:ख र उदासीपनाको महसुस गर्न सक्तछौ। किन भने अब हामी हरेक बिहान आफ्नो अनुभुती हरुको लागि कुनैपनी योजना हरु बनाउने गर्दैनौ। यस्तो मा हामी यो अनुभुती हरुले भरिन सक्तछौ जुन शायद हाम्रो लागि धेरै असहज हुन्छ, जस्तो कि बिहान बिहान थकित महसुस गरौ र रात मा सुत्ने समयमा अबेर सम्म जागी रहौ।
सही हो, यो सम्भावना सधैं रहने गर्दछ कि हामी राम्रो महसुस गरौ, तर कुरा यो होइन। आज हाम्रो मुख्य चासो राम्रो महसुस गर्नु मात्र होइन, चासो यो हो कि आफ्नो भावना हरुलाई कसरी बुझौ र त्यसलाई कसरी सामना गर्ने भनेर सिक्ने, भलै त्यो जे पनि होस। हामी सुधार कार्यक्रम को पाइला हरुमा कार्य गरेर र आफ्नो भावना हरुलाई अरुसँग सेयर गरेर यसमा काम गर्ने गर्दछौ।
--------------=---------------
आजको निम्ती मात्र- म आफ्नो भावना हरुलाई जे जस्तो छ त्यस्तै अवस्था मा त्यसलाई स्विकार गर्नेछु। म सुधार कार्यक्रमको अभ्यास गर्नेछु र आफ्नो भावनाहरु सँग बाँच्न सिक्ने छु।

03/02/2026

Just for today, February 3
We need each others (हामीलाई एक अर्काको आवश्यक छ)
"हामी सँग जो पनि सामेल हुन सक्तछ, चाहे त्यो कुनै उमेरको, जातको, कुनै पनि लैङिक पहिचान भएको, कुनै धर्मको वा कुनै धार्मिक अनास्था भएको होस्।"
Basic Text, p. 9
----------------=-----------------
दुर्व्यसनले कुनै पनि नयाँ चिज र केही फरक कुरा हरु प्रति हाम्रो दिमाग लाई बन्द गरिदिएको थियो। हामी यो सोच्दथ्यौ कि हामीलाई कुनै व्यक्ती वा कुनै चिजको आवश्यकता छैन। आफु भन्दा केही फरक कुनै छिमेकी, जात, संसकृति, पृष्‍ठभुमी अथवा सामाजिक या आर्थिक बर्ग बाट प्राप्त गर्न लायक केही पनि छैन। हामी यो सोच्दथ्यौ कि हामी भन्दा फरक यदी केही छ भने त्यो सब खराब छ।
तर हामी सूधारमा यस् किसिमको दृष्‍टिकोण लिएर अगाडि बढ्न सक्तैनौ। हामी एन.ए मा आयौ किनभने हाम्रो सबैभन्दा उत्तम सोचले पनि हामीलाई केही फाईदा गराएन। यदी हामी सूधारमा प्रगती चाहन्छौ भने तब त्यो चाहे जो कोही बाट प्राप्त गरौ, हामीले ति तमाम अनुभव हरुलाई खुला मनस्थिति ले स्विकार गर्ने गर्नु पर्दछ, जसले काम गर्दछ।
हाम्रो व्यक्तिगत पृष्‍ठभुमी चाहे जे होस, यहाँ एन.ए मा हामीहरुमा दुइटा कुरा समान छ र जुन हामी अरु कसै संग सेयर गर्दैनौ, त्यो हो हाम्रो रोग र हाम्रो सूधार! हामी हाम्रो साझा अनुभव हरुको बिषयमा एक अर्का सँग निर्भर हुने गर्दछौ र त्यो अनुभव जती बिस्त्रित्त हुने गर्दछ त्यती नै उत्तम हुने गर्दछ। हामीलाई हरेक अनुभवहरुको अावश्यकता रहने गर्दछ, आफ्नो सुधार कार्यक्रम लाई हरेक फरक फरक कोण हरुबाट हेर्न आवश्यक हुने गर्दछ, किनभने स्वच्छ रहेर बस्दा आउने चुनौती हरुको सामना गर्नको लागि यो सब आवश्यक हुने गर्दछ।
अक्सर सुधार पाउनु सजिलो हुने गर्दैन। सूधारमा आउनको लागि हामीलाई जुन शक्ति को आवश्यकता हुने गर्दछ त्यो हामीले आफ्नो एन.ए को फेलो सदस्य हरुबाट प्राप्त हुने गर्दछ। आज, हामी आफ्नो समुहको सदस्यहरुको बिविधता प्रती आभारी छौ, किनभने यही बिविधता मा नै हामीले आफ्नो लागि शक्ति प्राप्त गर्ने गर्दछौ।
----------------=----------------
आजको निम्ती मात्र- मैले बुझेको छु कि मेरो समुहको अनुभव जती बिविधता पूर्ण हुन्छ, मेरो समुहले बिभिन्न परिस्थिती हरुमा मैले सामना गर्नु पर्ने चुनौती हरुमा मलाई त्यती नै उत्तम तरिकाले मद्घत गर्न सक्नेछ। आज म मेरो गृह समुह मा आउने हरेक पृष्‍ठभुमी का दुर्व्यसनी हरुको स्वागत गर्नेछु।

02/02/2026

February 2, Just for today
Goodwill (सदभावना)
"एन.ए को सेवा कार्य सदभावना को सबै भन्दा राम्रो उदाहरण हो। उचित सेवा कार्य यो हो कि "सहि कारणको लागि सहि कार्य गर्नु।"
Basic Text p. xv
---------------=---------------
आत्म केन्द्रित भावना हाम्रो रोगको आध्यात्मिक जरो हो। अरु सँग व्यवहार गर्ने बेला हाम्रो दुर्व्यसन ले हामीलाई स्वार्थी हुन मात्र सिकायो। हामी त्यो चाहन्थ्यौ जुन हामीले चाहेको हुन्थ्यो, जब हामीलाई चाहना हुन्थ्यो। आँफै प्रतिको अब्सेसन ले हाम्रो जीवनको भित्र सम्म जरा गाडेर बसेको थियो। सूधारमा हामीले यो जरालाई कसरी उखालेर फेक्ने हो यही प्रश्न हामी सामु तेर्सिएर बसेको छ।
हामी केही आध्यातमिक सिद्दान्त हरुलाई लागु गरेर आफ्नो रोगको दुष्प्रभाव असर लाई कम गर्न सक्तछौ। आफ्नो दुर्व्यसनको आत्म केन्द्रित भावना लाई रोक्नको लागि हामी सदभावनाको सिद्दान्त लाई आफ्नो जीवनमा लागु गर्न सिक्तछौ। केवल आफ्नो मात्र सेवा गर्नुको साटो हामी अरुको सेवा गर्न सुरु गर्दछौ। हरेक परिस्थिती मा हामीलाई के फाईदा हुन सक्छ, यो बाट केही पर हटेर हामी अरुको कल्याण को बारेमा पहिला सोच्न सिक्तछौ। जब हामी सामु नैतीक चुनाव आउने गर्दछ, तब हामी टक्क रोकिन्छौ र ति आध्यातमिक सिद्दान्त हरुलाई स्मरण गर्दछौ र उचित तरिकाले व्यबहार गर्न सिक्तछौ।
जसो हामी "सहि कारणको लाई सहि कार्य" गर्न सुरुवात गर्दछौ, हामी आफुमा एक बदलाव महसुस गर्न थाल्दछौ। कुनै समय जब आफ्नो ईच्छा शक्ति बाट शासित हुने गर्दथ्यौ, त्यो अब हामी अरुप्रतिको आफ्नो सदभावना बाट निर्देशित भएका छौ। दुर्व्यसनको आत्म केन्द्रित भावना बाट अब हामी मुक्त हुँदै छौ। हामी यि "आध्यातमिक सिद्दान्त हरुलाई हाम्रो हरेक क्षेत्र हरुमा अभ्यास गर्न" सिक्दै छौ। अब हामी सूधारमा जी रहेका छौ, हाम्रो दुर्व्यसनमा होइन।
---------------=----------------
आजको निम्ती मात्र- म जहाँ पनि होउं, जे पनि गरु, म केवल आफ्नो होइन, आपितु अरुको सेवा गर्नेछु। जब जब म कुनै दुबिधा मा फस्ने छु, तब म सहि कारणको लागि सहि कार्य गर्ने कोशिश गर्नेछु।

01/02/2026

यदि तपाईंलाई लतसम्बन्धी परामर्श आवश्यक छ भने, कृपया सहयोगका लागि हामीसँग सम्पर्क गर्न सक्नुहुन्छ।9843857045

01/02/2026

February 1, Just for today
Hardships (कठिनाईहरु)
"हामीले फरक महसुस गर्यौं .... केवल समर्पण पछि हामी लतको अलगाव लाई पराजित गर्न सक्छौं।"
Basic Text, p. 22
-----------------=----------------
"तर तपाईंले केही बुझ्नु हुँदैन!" यसो भनेर हामी कुरा लुकाउने कोशिश गर्दछौ। "म अरु भन्दा भिन्न छु!" मैले साच्चै नै खराब समयको सामना गरेको छु!" हामीले हाम्रो सक्रिय दुर्व्यसन को समयमा पटक पटक यस्तो वाक्य हरु लाई दोहराउने गर्दथ्यौ र यसरी हामी हाम्रो व्यवहार को परिणाम बाट भाग्ने कोशिश गर्ने गर्दथ्यौ र सबै माथि लागु हुने नियम मा चल्न खोज्दैनौ थ्यो। हुन सक्छ हामी हाम्रो पहिलो बैठक मा यो कुरालाई लिएर रोएका हौ कराएका हौ। यहाँ सम्म कि हालै यही कुरालाई लिएर रुदै कराउदै आँफैलाई नै अल्झायौ होला।
हामी मध्ये धेरैले आँफैलाई केही अलग महसुस गर्थ्यौ वा कि अनुपम। बतौर एक दुर्व्यसनी हामी आफुलाई अलग बनाउनको लागि लगभग जे पनि गर्न सक्तछौ। तर त्यँहा सूधारमा चुक्नको लागि कुनै बहाना हुने गर्दैन, न कि कुबै चिज जसले हामीलाई कार्यक्रम प्रती अयोग्य ठहर्याउन सक्तछ। न त कुनै प्राण घातक रोग, न त गरिबी न त अरु कुनै चिज। यहाँ एन.ए मा हजारौ त्यस्तो दुर्व्यसनी हरु छन वास्तवमा धेरै कठिनाईहरुको सामना गर्ने गरेका छन र त्यसको वावजुद पनि उनिहरुले सुधारलाइ प्राप्त गरेका छन। सूधार कार्यक्रम मा कार्य गर्दै उनिहरुले ति कठिनाई हरुको वावजुद अथवा त्यस को प्रतिक्रिया स्वरुप उनिहरुको आध्यात्मिक जागरण बिकसित हुँदै गएको छ।
हाम्रो निजी अवस्था वा मतभेद कुनै महत्व राख्ने गर्दैन जब एक पटक हामी यहाँ सूधारमा अाउदछौ। आफ्नो अनुपमता लाई त्यागेर र यो सरल जिवनको मार्ग मा आफुलाई समर्पण गरेर हामी यो कुरालाई महसुस गर्न योग्य हुनेछौ कि हामी पनि कुनै चिज को एक हिस्सा हौ। र कुनै चिजको हिस्सा हुनुको यो अनुभुती ले हामीलाई जिवनको बाटोमा यात्रा गर्नको लागि र कठिनाई हरु बाट गुज्रनको लागि शक्ति प्रदान गर्ने गर्दछ।
-----------------=----------------
आजको निम्ती मात्र- म आफ्नो एकलोपनालाई छाडिदिनेछु र सुधार को सिद्दान्त लाई अंगाल्ने छु। अन्य धेरै सँग मेरो धेरै कुरा हरु समान भएको पाउदछु। मेरो कठिनाई ले मलाई मेरो सूधार बाट टाढा टाढा लैजाने गर्दैन अपितु यसले मलाई त्यता तान्ने गर्दछ।

31/01/2026

January 31, Just for today
Trust (भरोसा)
"म आजको निम्ती मात्र म एन.ए को कुनै यस्तो सदस्य माथी आस्था राख्ने छु जसले मलाई विश्वास गर्दछ र मेरो सूधारमा मलाई मद्घत गर्न चाहन्छ।"
Basic Text, p. 93
----------------=-----------------
भरोषा गर्नु भनेको जोखिम युक्त हुने गर्दछ। एक नशा लिने दुर्ब्यसनी को रुपमा हाम्रो पुरानो अनुभव ले हामीलाई यो सिकाइ दिएको छ कि हाम्रो संगी साथी हरु भरोषा गर्न लायक हुने गर्दैनन। र यि सबै भन्दा ठुलो कुरो त यो हो कि हामी आँफै पनि आफु माथि भरोषा गर्न सक्तैनथ्यौ।
अब हामी सूधारमा छौ, त्यसैले भरोषा हाम्रो लागि आवश्यक छ। हामीलाई सहारा को लागि केही न केही को त आवश्यकता पर्ने गर्दछ, विश्वास गर्नको लागि र हाम्रो सूधारमा हामीलाई आशा जगाउनको लागि। हामी मध्ये केही सदस्यको लागि विश्वास गर्नको लागि पहिलो कुरा नै त्यो शब्द हरु हुने गर्दछ जुन हाम्रो बैठकहरुमा सदस्य हरु ले सेयर गर्ने गर्दछ। हामी उनिहरुको शब्दको पछाडि लुकेको सत्यता लाई महसुस गर्ने गर्दछौ।
कुनै यस्तो ब्यक्तिलाई पाउनु, जसलाई हामी विश्वास गर्न सकौ त्यसले हामीलाई मद्घत माग्नको लागि बाटो खुला गरिदिने गर्दछ। र जब हामी उनिहरुको सूधारमा भरोषा गर्न थाल्दछौ तब हामी हाम्रो आफ्नो सूधारमा पनि विश्वास गर्न सिक्ने गर्दछौ।
----------------=----------------
आजको निम्ती मात्र- म कसै माथि भरोषा गर्ने निर्णय लिनेछु र म त्यो विश्वास को सहारा लिएर कार्य गर्नेछु।

30/01/2026

January 30, Just for today
Giving it away (अरुलाई दिनु)
"हामीले पनि आभारी भएर खुला मनले त्यो सबै अरुलाई दिइ रहनु पर्दछ जुन हामीलाई आभारी भएर खुला हृदय ले दिएको थियो।"
Basic Text, p. 49
--------------=---------------
सुधारमा हामीले धेरै उपहार हरु प्राप्त गर्ने गर्दछौ। शायद यि मध्ये सबै भन्दा ठुलो उपहार आध्यात्मिक जागृती नै हो, जुन तब सुरु हुने गर्दछ जब हामी नशा सेवन बन्द गर्ने गर्दछौ र जुन हरेक दिन बलियो हुँदै जाने गर्दछ जब हामी पाइला हरु लाई आफ्नो जीवनमा लागु गर्ने गर्दछौ। हामी भित्र नयाँ जीवन को चिंगारी जुन हाम्रो आफ्नो उच्च शक्ति को साथ हाम्रो नयाँ सम्बन्ध को सोझो परिणाम हो, एक सम्बन्ध जुन हामीले बाह्र पाइलाहरुमा जिउनाले हामी भित्र बिकसित भएको हो। बिस्तारै बिस्तारै जसो हामी आफ्नो कार्यक्रम अनुसार अगाडि बढ्ने गर्छौ, हाम्रो सुधार को प्रकाश ले हाम्रो रोगको अन्धकार लाई टाढा बनाउने गर्दछ।
सुधारको उपहार हरु प्रती आफ्नो कृतग्यता व्यक्त गर्ने एउटा तरिका यो हो कि हामी अरुलाई त्यही प्राप्त गर्नको लागि मद्घत गरौ जुन हामीले प्राप्त गरेका छौ। यसलाई हामी धेरै तरिका हरु बाट गर्न सक्तछौ बैठकहरुमा सेयर गरेर, बाह्र पाइलाको स्पोन्सरसिप प्रतिको कट्टिबद्धता लाई स्विकार गरेर अथवा एच.& अाइ. अथवा फोन लाइन ड्युटि को लागि स्वेच्छता पुर्वक आफू सेवा अर्पित गरेर। सुधारमा हामीले जुन अध्यातमिक जीवन प्राप्त गरेका छौ, त्यसले पनि हामी सँग त्यही आशा राख्ने गर्दछ। किन भने "हामी सँग जे छ त्यसलाई अरुलाई दिएर मात्र आफु सँग राख्न सक्तछौ।"
----------------=---------------
आजको निम्ती मात्र- सुधारको उपहार तब बिकसित हुने गर्छ, जब म यसलाई अरुसँग बाडदछु। म कुनै त्यस्तो व्यक्तीलाई खोज्ने छु जो सँग म यसलाई बाडन सकु।

29/01/2026

January 29, Just for today
The First Step- an Action step (प्रथम पाइला- व्यवहार मा लिएर आउने पाइला)
"के हामी ले यो बुझेका छौ कि नशा माथि हाम्रो वास्तविक नियन्त्रण छदै छैन ?"
Basic Text, p. 18
---------------=---------------
पहिला पहिला, हामी मध्ये धेरैले सोचेका थियौ कि प्रथम पाइला मा कुनै कार्य को आवश्यकता पर्दैन, हामीले मात्र समर्पण गर्ने हो र दोश्रो पाइला मा अगाडि बढ्ने हो। तर प्रथम पाइला मा निश्चय नै व्यवहार मा उतार्न जरुरी हुने गर्दछ।
प्रथम पाइला मा जुन कार्य हामी गर्ने गर्दछौ, त्यो हाम्रो जीवन जिउने तरिका बाट जाहिर हुने गर्दछ। यदी हामी साच्चै यो विश्वास गर्दछौ कि दुर्व्यसन को अगाडि शाक्तिहिन छौ त तब हामी नशा को वरपर त पक्का नै जादैनौ। सक्रिय दुर्व्यसनी हरु सँग निरन्तर उठ बस गर्नाले वा उनिहरुसँग सम्पर्क मा रहनाले कार्यक्रममा हामी सँग आरक्षण छ भनेर संकेत दिने गर्दछ। एक पूर्ण विश्वास कि प्रथम पाइला हामी माथि लागु हुने गर्दछ, त्यसले यो कुराको सुनिश्चितता चाहन्छ कि हामी आफ्नो घरबाट सम्पूर्ण नशा तथा त्यो सँग सम्बन्धित समानहरुलाई हटाइदियौ।
जसो जसो समय बित्दै जाने गर्दछ त्यसरी हामी आधारभुत् कुराहरुमा मात्र कार्यशिल बनिरहने गर्दैनौ अपितु आफ्नो प्रथम पाइला मा रहेको सुचिहरुमा केही नयाँ क्रियाहरु पनि जोडी दिने गर्दछौ। हामी आफ्नो भावना हरुलाई नियन्त्रण गर्ने प्रयास गर्नुको बजाय त्यसलाई अनुभव गर्न सिक्न थाल्दछौ। हामी आफ्नो सूधार यात्रा को मार्ग म आँफै मार्गदर्शक बन्न बन्द गरिदिन्छौ। यसो गर्नाले आफ्नो लागि आँफै स्पान्सर बन्ने कुर बन्द हुने गर्दछ। फेरी हामी त्यो खाली स्थान मा अरु कुनै कुराले भर्नु को बजाय बढी भन्दा बढी आध्यात्मिक सन्तुष्टी प्राप्त गर्नको लागि त्यो स्थान मा आफु भन्दा ठुलो उच्च शक्ति माथि आशा को दृष्‍टिकोणले हेर्ने गर्दछौ।
समर्पण केवल सुरुवात हो। एकपटक समर्पण गरेपछी हामीले जुन शान्ती पाएका छौ त्यसमा कसरी जिउने हो भनेर सिक्नु पर्दछ।
--------------=--------------
आजको निम्ती मात्र- प्रथम पाइला मा अभ्यास गर्नको लागि आवश्यक सबै कार्य हरुलाई म गर्नेछु। म साच्चै विश्वास गर्दछु कि यो म मा लागु हुनेछ।

28/01/2026

January 28, Just for today
An every-day addict (हरेक दिनको दुर्व्यसनी)
"हामी कहिले पनि पूर्ण रुपले सूधारमा आउन सक्तैनौ, भलै, जती नि लामो समय सम्म स्वच्छ रहेको किन नहोस।"
Basic Text, p. 84
------------------=-----------------
सुधार कार्यक्रम मा केही समय गुजारेपछी हामी मध्ये केही यो बुझ्न थाल्दछौ अब हामी ठीक भैसकेका छौ। हामीले त्यो सबै सिक्यौ जुन एन.ए ले हामीलाई सिकाउन चाहन्थ्यो। अब हामी एनए को बैठक मा सहभागि हुँदा झ्याउ लाग्न सुरु गर्न थाल्यौ, र हाम्रो स्पोन्सर ले पनि हामीलाई त्यही पुरानो कुराहरु मात्र दोहराउने गर्दछ पाइला पाइला र पाइला मात्र। हामीले निर्णय गरेका छौ कि यही नै समय हो अब हामी आफ्नो जिवनलाइ चलाऊने। एन.ए को बैठकहरुमा उपस्थिती कम गरौ र सक्रिय दुर्व्यसन मा रहेर आफ्नो जीवन को जती समय गुमाएका थियौ त्यसको भरपाइ गर्ने प्रयास गरौ। तर यसो गर्नाले हामी आफ्नो सुधार लाई नै जोखिम मा पार्न सक्छौ।
हामी मध्ये तिनिहरु, जसले यसो गर्नाले रिल्याप्स भएका थिए उनिहरु अक्सर एन.ए को बढी भन्दा बढी बैठकहरुमा उपस्थित हुने कोशीश गर्दछन। हामी मध्ये केही त केही बर्ष सम्म हरेक दिन एन.ए को बैठकहरुमा उपस्थित भैरहने गर्दछन। हामी सधैं दुर्व्यसनी नै रहने छौ भन्ने कुरा बुझ्नको लागि हामीलाई लामो समय लाग्ने गर्दछ। हामी केही दिनमा नै आफुलाई ठीक भएको पाउदछौ भने तर फेरी अर्को दिनमा नै बिरामी भएको पाउदछौ, तर हरेक दिन हामी दुर्व्यसनी नै रहन्छौ। हरेक समय हामी नकार्नु, भ्रम, सफाइ दिनु, सहि ठहराउनु र बहुलठ्ठिपना ले भरिएर रहने गर्दछौ । यि सबै एक दुर्व्यसनी को बिशेष पहिचान हो। यदी हामी बिना नशा आफ्नो जिइ रहन र त्यसको आनन्द उठाइ रहन चाहन्छौ भने हामीले हरेक दिन सूधार कार्यक्रम मा सक्रिय भएर भाग लिने गर्नु पर्दछ।
----------------=---------------
आजको निम्ती मात्र- म हरेक दिन एक दुर्व्यसनी हुनेछु । तर आज म सँग सूधारमा रहेको दुर्व्यसनी हुनको लागि बिकल्प छ। म मेरो कार्यक्रम लाई अभ्यास गरेर त्यो बिकल्प लाई रोज्ने छु।

Nawa Upakar Nepal Sudhar Kendra

06/02/2026

05/02/2026

05/02/2026

04/02/2026

03/02/2026

02/02/2026

01/02/2026

01/02/2026

31/01/2026

30/01/2026

29/01/2026

28/01/2026

Address

Telephone

Website

Alerts

Contact The Practice

Shortcuts

Share

Category