Gorkhali Express

04/03/2026

नियमित रूपमा धरहरा परिसर मा भइरहेको रक्तदान कार्यक्रममा
👍 २०८२ फागुन २० गते सहभागी भई जीवनदान दिने सम्पूर्ण रक्तदाताहरूलाई हार्दिक धन्यवाद।
“रक्तदान – जीवनदान” 🩸
हामी सबैले मिलेर मानवताको सेवा गरौँ।

03/03/2026

Matrika Eye Center को प्राविधिक सहयोगमा तथा
Lions Club of Kathmandu Temple Valley,
Lions Club of Kathmandu Sheshmati,
Lions Club of Kathmandu Gaurishankar र
Lions Club of Kathmandu Kind Heart
को संयुक्त आयोजनामा कीर्तिपुरका ज्येष्ठ नागरिक आमा–बुबाहरूको मोतियाबिन्दु शल्यक्रिया गर्ने उद्देश्यले सञ्चालन गरिएको कार्यक्रम भव्य रूपमा सफल सम्पन्न भयो।
यस कार्यक्रममा विशेष उपस्थिती जनाउनु हुने लायन्सका पूर्व गभर्नर लायन मनिश्री रत्न बज्राचार्य, लायन सुरेन्द्र रत्न बज्राचार्य, Lions Club of Kathmandu Temple Valley का उपाध्यक्ष जिवेश्वरलाल श्रेष्ठ ज्यु, साथै मिस नेवा कृसा महर्जन, सकिना महर्जन, प्रलीषा शाक्य, तिमीला महर्जन, लायन दिल कुमार महर्जन, लायन सलिका चित्रकार, मिस लिटिल नेवा बाट देजला र पृन्सिका, लेखिका जेनिशा मानन्धर तथा उहाँका परिवार, व्यवसायी राम कुमार अवाले ज्यु तथा उहाँका परिवार, Fight For Life Nepal का पार्टनर कोर्डिनेटर चिफ सुनिला खड्गी, तथा विभिन्न संघ–संस्थाका प्रमुखज्यूहरूको बाक्लो उपस्थितिले कार्यक्रमलाई अझ गरिमामय बनायो।
कार्यक्रम Joshi Nani Heritage मा सम्पन्न भएको थियो। कार्यक्रम सफल बनाउन सहयोग गर्नुहुने जोशी नानी परिवार तथा विशेष गरी किरण मानन्धर सरलाई हार्दिक धन्यवाद व्यक्त गर्दछौं।
सम्पूर्ण सहयोगी हातहरूमा हार्दिक आभार तथा धन्यवाद

01/03/2026

नियमित धरहरा परिसर मा भइरहेको रक्तदान कार्यक्रममा 👍

25/02/2026

एघारौँ राष्ट्रिय रक्तदाता दिवस २०८२ को पावन अवसरमा ब्लड डोनर्स एशोसिएशन (नेपाल) (ब्लोदान) को आह्वान तथा ब्लोदान मध्य क्षेत्रको आयोजनामा सम्पन्न आकस्मिक रक्तदान कार्यक्रममा सहभागी भई कार्यक्रमलाई सफल बनाउन सहयोग गर्नुहुने सम्पूर्ण रक्तकर्मीहरू, स्वयंसेवी रक्तदाताहरू, प्राविधिक सहयोग प्रदान गर्नुहुने नेपाल रेडक्रस भक्तपुर परिवार, साथै सहयोगी सम्पूर्ण हातहरू र मध्य क्षेत्रका पदाधिकारीज्यूहरूमा हार्दिक आभार व्यक्त गर्दछु।
यस कार्यक्रममार्फत २४ पिन्ट रगत संकलन हुन सफल भएको जानकारी गराउँदै, मानव सेवाको यस पवित्र अभियानमा जोडिनु हुने सबैप्रति विशेष धन्यवाद प्रकट गर्दछु।
संयोजकको तर्फबाट,
आर. बी. ठकुरी
अध्यक्ष, ब्लोदान काठमाडौँ जिल्ला मध्य क्षेत्र
मिति: २०८२ फागुन १३ गते
स्थान: इन्द्रचोक रगत संकलन केन्द्र

15/02/2026

गत वर्षझैँ यस वर्ष पनि महाशिवरात्रिको पावन अवसरमा ब्लाेदानकाे आव्हानमा पुरानो बानेश्वर टोलवासी संस्थाको आयोजनामा पशुपति मन्दिर प्राङ्गणमा रक्तदान तथा जुस–पानी वितरण कार्यक्रम सभ्य र भव्यताका साथ सम्पन्न भएको छ।
उक्त कार्यक्रम कान्तिपुर अस्पताल रक्तसञ्चार सेवाको प्राविधिक सहयोगमा सञ्चालन गरिएको थियो। कार्यक्रममा स्थानीयवासी, भक्तजन तथा समाजसेवीहरूको उल्लेखनीय सहभागिता रहेको थियो।
आयोजक संस्थाले रक्तदानजस्तो मानव सेवाको महान कार्यमा सहयोग पुर्‍याउने सबै रक्तदाता, स्वयंसेवक तथा सहयोगी संस्थाप्रति हार्दिक आभार व्यक्त गरेको छ। महाशिवरात्रिको अवसरमा गरिएको यस कार्यक्रमले सामाजिक एकता र मानवीय सेवाको सन्देश फैलाएको आयोजकको भनाइ छ।

13/02/2026

हालै सम्पन्न रक्तदान कार्यक्रममा उत्साहजनक सहभागितासहित ५६ पिन्ट रगत संकलन गरिएको छ। कार्यक्रममा सहभागी सम्पूर्ण रक्तदाता जीवनदायी नायकहरू, आयोजक, स्वयंसेवक तथा सहयोगीहरूलाई हार्दिक धन्यवाद व्यक्त गरिएको छ।
मानवताको सेवामा समर्पित यस अभियानले आपतकालीन अवस्थाका बिरामीहरूलाई ठूलो राहत पुग्ने विश्वास गरिएको छ। आयोजक पक्षले “रक्तदान गरौं, आशा बाँडौं : सँगै मिलेर जीवन बचाऔं” भन्ने सन्देशसहित आगामी दिनमा पनि यस्ता कार्यक्रमलाई निरन्तरता दिने जनाएको छ।

13/02/2026

पद्मोदय मा.वि., प्रदर्शनी मार्गमा मातृका आई सेन्टर को प्राविधिक सहयोगमा Fight For Life Nepal तथा Lions Club of Kathmandu Shesmati, Lions Club of Kathmandu Gaurishankar, Lions Club of Kathmandu Temple Valley र Lions Club of Kathmandu Kind Heart को संयोजकत्वमा एकदिने विद्यालय स्वास्थ्य (आँखा) स्क्रिनिङ कार्यक्रम सफलतापूर्वक सम्पन्न भयो।
विद्यार्थीहरूको आँखाको जाँच गरी समयमै आवश्यक सुझाव तथा उपचारका लागि सिफारिस प्रदान गरिएको थियो।
सम्पूर्ण सहयोगी संस्था, विद्यालय परिवार तथा प्रत्यक्ष–अप्रत्यक्ष रूपमा साथ दिनुहुने सबैमा हार्दिक धन्यवाद। 🙏

11/02/2026

किशोरीहरूलाई पाठेघरको मुखको क्यान्सर विरुद्धको एच.पी.भी. (HPV) खोप अभियान
पाठेघरको मुखको क्यान्सर महिलाहरूमा देखिने गम्भीर रोगमध्ये एक हो। यस रोगको मुख्य कारण मानव प्यापिलोमा भाइरस (HPV) हो। समयमै एच.पी.भी. खोप लगाउँदा भविष्यमा यस क्यान्सरको जोखिम उल्लेखनीय रूपमा घटाउन सकिन्छ।
सरकारद्वारा सञ्चालन गरिएको एच.पी.भी. खोप अभियान किशोरीहरूको स्वास्थ्य सुरक्षा र उज्ज्वल भविष्यका लागि महत्त्वपूर्ण कदम हो। विशेष गरी ९–१४ वर्ष उमेर समूहका किशोरीहरूलाई यो खोप निःशुल्क प्रदान गरिन्छ।
किन आवश्यक छ एच.पी.भी. खोप?
पाठेघरको मुखको क्यान्सरबाट बचाउन सहयोग गर्छ।
सुरक्षित र प्रभावकारी छ।
भविष्यमा गम्भीर स्वास्थ्य समस्या कम गर्छ।
अभिभावक, शिक्षक र समुदाय सबैले आ–आफ्नो जिम्मेवारी निभाउँदै किशोरीहरूलाई खोप लगाउन प्रोत्साहित गरौँ।
स्वस्थ किशोरी, सुरक्षित भविष्य!

11/02/2026

शिक्षामा हाम्रो आँखा सधैं सेवामा समर्पित रहोस्। देशको भविष्य निर्माणमा योगदान दिन सधैं तत्पर रहौं। मिस नेवा, मिस लिटिल नेवा र लायन्स क्लब अफ काठमाडौं शेषमति,लायन्स क्लव परिवार सेवाका लागि सदैव तयार छौं। आज बज्रबाराहीस्थित नवज्योति मा.वि.को प्राङ्गणमा साना भाइबहिनीहरूसँग भेटघाट तथा सेवा कार्यक्रम सम्पन्न गरियो।

11/02/2026

11/02/2026

मानवताको सेवामा समर्पित रक्तदान कार्यक्रम आयोजना हुन गइरहेको छ। उक्त कार्यक्रममा समाजका विभिन्न क्षेत्रका व्यक्तित्व तथा सर्वसाधारणको सहभागिता रहने अपेक्षा गरिएको छ। जीवन बचाउने यस पुण्य कार्यमा सहभागी भई रक्तदान गर्न तथा कार्यक्रमलाई सफल बनाउन यहाँहरूको अमूल्य उपस्थितिको हार्दिक अनुरोध गर्दछौँ।

04/02/2026

क्यान्सर जनचेतना र्‍याली भृकुटी मण्डपमा