Dr. Prashant Bhatt, ENT-Head and Neck Surgeon

22/11/2025

कानको केलायड (Keloid) —

केलायड के हो?

केलायड भनेको घाउ निको हुने क्रममा अतिरिक्त मासु (fibrous tissue) अत्यधिक वाढ भई बनेको उठेको, कडा र चम्किलो दाग हो।
यो खासगरी कान पिअर्सिङ पछि बढी देखिन्छ।

⸻

केलायड कसरी देखिन्छ?
• छालामा उठेको वा गोलो/लम्बोटे गाँठो
• धमिलो वा गाढा रङ
• बिस्तारै ठूलो हुँदै जाणे
• कहिलेकाहीँ पोल्ने, दुख्ने वा चिलाउने
• सौन्दर्यमा असर पर्ने

⸻

किन बन्छ? (कारणहरू)
• पिअर्सिङ वा चोटपटकपछि घाउको गलत उपचार
• संक्रमण
• बारम्बार छुनु, तान्नु वा रिंगले घाउलाई रन्थनाउनु
• पारिवारिक (जेनेटिक) प्रवृत्ति
• गाढा छालाका व्यक्तिमा बढी देखापर्छ

⸻

केलायडको जोखिम कसमा धेरै हुन्छ?
• पहिले केलायड भइसकेको व्यक्तिमा
• कान, छाती, काँध, पछाडि जस्ता स्थानमा चोट लाग्दा
• 10–30 वर्ष उमेर समूहमा
• पिअर्सिङ बारम्बार गराउनेहरूमा

⸻

उपचार विकल्पहरू

केलायड पूर्ण रूपमा नहट्न सक्छ तर धेरै कम गर्न वा नियन्त्रण गर्न सकिन्छ।

१. स्टेरोइड (Tramcinolone) इन्जेक्सन
• सबैभन्दा प्रभावकारी र सामान्य विकल्प
• महिनामा 1–2 पटक, आवश्यकताअनुसार

२. सिलिकन जेल / सिलिकन प्याड
• दैनिक प्रयोगले आकार घटाउन मद्दत

३. लेजर थेरापी
• रङ र मोटाई घटाउन उपयोगी

४. सर्जरी
• ठूला केलायड हटाउन, तर फेरि आउने जोखिम रहन्छ
• सर्जरीपछि स्टेरोइड वा प्रेशर प्याड प्रयोग आवश्यक

५. प्रेशर इयररिङ (Pressure Earrings)
• सर्जरीपछि पुनः वृद्धि रोक्न अत्यन्त उपयोगी

⸻

घरेलु हेरचाह र सावधानी
• पिअर्सिङको घाउ सफा राख्नु
• रिङ/स्टडलाई बारम्बार नछुने
• हाइजनिक पिअर्सिङ मात्र गराउने
• कुनै गाँठो देखिनासाथ चाँडै चिकित्सकसँग परामर्श गर्ने
• आफूले मन लाग्दो तेल/क्रीम प्रयोग नगर्ने

⸻

ल्याउनुपर्ने बेलाः

तपाईंलाई यी मध्ये कुनै भए तुरुन्त अस्पताल जाँनुहोस्:
• गाँठो छिटो ठूलो हुँदै गएको
• धेरै दुख्ने/पोल्ने
• रातो र तातो देखिने
• पस देखिने
• दैनिक काम वा सौन्दर्यमा ठूलो बाधा पर्ने

⸻

निष्कर्ष

केलायड हानिकारक नभए पनि सौन्दर्य र आत्मविश्वासमा असर पार्न सक्छ। शीघ्र पहिचान, नियमित हेरचाह र उपयुक्त उपचारले यसलाई धेरै हदसम्म नियन्त्रण गर्न सकिन्छ।

02/09/2025

नेसोफेरिन्जियल लेरिन्जोस्कोपी (ENT एन्डोस्कोपी)
नेसोफेरिन्जियल लेरिन्जोस्कोपी भन्नाले कान, नाक र घाँटी (ENT) को विशेषज्ञ डाक्टरले नाकबाटै पातलो, लचिलो र प्रकाशयुक्त ट्युब (एन्डोस्कोप) प्रवेश गराई नाकको मार्ग, गलको पछाडिको भाग (नासोपैरींज) र स्वरतन्त्र (लेरिन्क्स) को सीधै अवलोकन गर्ने प्रक्रिया हो।

यसका मुख्य उद्देश्यहरू:

* नाक र घाटीको क्यांसर जाँच ।
* नाक बन्द हुने, नाकबाट रगत बग्ने, साँस फेर्न गाह्रो हुने जस्ता समस्याको कारण पत्ता लगाउन।
* घाँटीमा अस्वाभाविकता (जस्तै गाँठो) देखापर्ने, स्वर बदलिने, निल्नामा समस्या हुने अवस्थामा परीक्षण गर्न।
* नाक वा घाँटीमा संक्रमण, सूजन, एलर्जी, वा ट्युमर जस्ता रोगको निदान गर्न।
* शल्यक्रिया (सर्जरी) गर्नु अघि यस क्षेत्रको अध्ययन गर्न।

#प्रक्रिया:
* यो प्रक्रिया धेरै साधारण र छिटो (५–१० मिनेट) सम्म मात्र हुने गर्छ।
* डाक्टरले नाकमा सुन्ने स्प्रे (स्थानिय एनेस्थेसिया) छर्न सक्छन् जसले नाकको भित्री भागलाई सुन्न पार्छ र असजिलो कम गर्छ।
* यसबाट धेरै मात्रामा दुखाइ हुँदैन, मात्रै एउटा अजीब अनुभव (जस्तो नाकमा कुनै चीज घुस्रिएजस्तो) हुन सक्छ।
* रोगीले सिधा बसिरहेको अवस्थामा नै यो परीक्षण गरिन्छ।

यो परीक्षण ENT सम्बन्धित धेरै रोगहरूको सही निदान र उपचारको लागि अत्यन्तै महत्त्वपूर्ण र सुरक्षित विधि हो।

01/07/2025

यो मौसममा कानमा किरा पश्ने समस्या अत्याधिक हुने भएकाले ध्यान राखौ। बच्चा हरूमा बिशेष ध्यान दिउ।

22/07/2024

टोंसिलको इन्फेक्शनले जुनसुकई उमेर समूहमा असर गर्न सक्छ।
टोंसिलले जोरनी र मूटूमा खराब असर गर्न सक्छ।
बारम्बार इन्फेक्शन भए वा जटिलता हुने संका भए अपरेशन गरी उपचार गर्नु पर्दछ।
टोंसिलको नियमित चेकजाँच गराउ।

22/06/2024

घाटीमा रहेको lymphangioma(लिम्फ ग्रंथि को एक प्रकारको ट्यूमर) को अपरेशन गरेर सफल उपचार गारियेको छ।
घाटीमा पलाउने गिरख़ा र डल्ला हरु ख़तरनाक रोग हुन सकछन। बेलामैं चेक जाँच गराऊ, ठुलो रोग लाग्न बाट बचौ।

05/06/2024

मुख भित्र रहेको थूक बनाऊने ग्रंथि बाट अपरेशन गरेर निकालियेको स्टोन(Sialolithiasis)।
बिरामी ५ बर्ष देखी पीड़ित रहेका थिए।
मुख भित्र रहेका गिरख़ा हरूलाई समयमा उपचार गरेर जटिलता हुन बाट बचौ।

11/04/2024

चिसोमा नाक, कान घाँटीमा हुने समस्याबाट कसरी बच्ने ? | How to avoid nose, ear and throat problems in cold? | Health Care [Ep-04]

11/04/2024

धन सिंह धामी / महेन्द्रनगर : कञ्चनपुर महेन्द्रनगरमा रहेको महाकाली प्रादेशिक अस्पतालमा नाक, नाक र घाँटीका बिरामीक.....

10/04/2024

सफल उपचार पछि सन्तुस्ट बिरामी।

धन सिंह धामी / महेन्द्रनगर : कञ्चनपुर महेन्द्रनगरमा रहेको महाकाली प्रादेशिक अस्पतालमा नाक, नाक र घाँटीका बिरामीक.....