28/11/2025
HCRC Hospital नेपालगञ्ज तथा Happy Hope E.M. School को संयुक्त आयोजनामा आज Happy Hope E.M. School परिसरमा हाड–जोर्नी तथा नसारोगसम्बन्धी निःशुल्क स्वास्थ्य परामर्श तथा उपचार शिविर भव्य रूपमा सम्पन्न भएको छ।
शिविरमा विद्यालयका विद्यार्थीका अभिभावकहरूले उल्लेखनीय उपस्थिति जनाउँदै हाड–जोर्नी तथा नसारोग विशेषज्ञ डा. विकास शाहसँग प्रत्यक्ष रूपमा परामर्श लिएका थिए। कार्यक्रममा ८० भन्दा बढी बिरामीको निःशुल्क स्वास्थ्य जाँच, परामर्श तथा औषधि वितरण गरिएको छ। शिविरले जोर्नी दुखाइ, नसा च्यापिने समस्या, घुँडा, काँध, पछाडि–कम्मर दुखाइ लगायत हाड–नसा सम्बन्धी विभिन्न समस्याबाट पीडित बिरामीहरूलाई प्रत्यक्ष लाभ पुगेको छ।
कार्यक्रममा विद्यालयका संस्थापक प्रिन्सिपल, इन्चार्ज तथा सम्पूर्ण शिक्षक–कर्मचारीहरूको उल्लेखनीय सहभागिता रह्यो। त्यस्तै, HCRC Hospital तर्फबाट मार्केटिङ विभाग प्रमुख पवन मल्ल तथा मार्केटिङ कर्मचारी विजय चौधरीको सक्रिय समन्वय र उपस्थिति रहेको थियो, जसको सहयोगमा कार्यक्रम सफलतापूर्वक सम्पन्न गरिएको छ।
HCRC Hospital Bikash Shah Pawan Malla