07/11/2025
जाडो आए सँगै इन्फ्लुएन्जा (फ्लू) बाट सुरक्षित रहौं
Let's be safe from influenza (flu) as winter approaches
इन्फ्लुएन्जा (फ्लू)बाट सुरक्षित रहौँ
इन्फ्लुएन्जा (फ्लू) भनेको के हो ?
इन्फ्लुएन्जालाई बोलीचालीको भाषामा (फ्लू) भनिन्छ। यो इन्फ्लुएन्जा भाइरसका कारणले लाग्ने संक्रामक रोग हो । यो भाइरसले सबै उमेरका व्यक्तिहरुलाई फ्लू लाग्न सक्छ ।
फ्लू कसरी सर्छ ?
फ्लू भएका व्यक्तिले बोल्दा, खोक्दा, हाच्छिउँ गर्दा निस्किएका छिटा नजिकको व्यक्तिको नाक वा मुखमा परेमा भाइरस सर्न सक्छ। ती छिटा सासबाट फोक्सोमा पनि जान सक्छन्। भाइरस भएको कुनै सतह छोएर आफ्नो मुख वा नाक छुँदा पनि फ्लू लाग्न सक्छ।
फ्लूका लक्षण के हुन्?
• ज्वरो आउनु
• टाउको दुख्नु
• जिउ र मांसपेशी दुख्नु
• खोकी लाग्नु र घाँटी दुख्नु
• नाक बन्द हुनु वा सिँगान बग्नु
• थकान महसुस हुनु
(फ्लू भएका सबैलाई ज्वरो नआउन पनि सक्छ ।)
फ्लू रोकथाम कसरी गर्ने ?
• बिरामी भएका व्यक्तिहरुसँग भौतिक दूरी राख्ने
• सम्भव भएसम्म बिरामी हुँदा घरमै बस्ने
• खोक्दा वा हाच्छिउँ गर्दा आफ्नो मुख र नाक छोप्ने
• बेलाबेलामा साबुनपानीले हात धुने वा स्यानिटाइजरको प्रयोग गर्ने
• शारीरिक रूपमा सक्रिय हुने र प्रशस्त तरल पदार्थ र पौष्टिक खाना खाने
• आफ्नो आँखा, नाक वा मुख नछुने
फ्लू भएका अधिकांश व्यक्तिहरुलाई चिकित्सकको हेरचाह वा एन्टिभाइरल औषधिहरु आवश्यक पर्दैन। दीर्घ रोगी, गर्भवती, वृद्धवृद्धा तथा रोग प्रतिरोधात्मक क्षमता कम भएकालाई फ्लूले धेरै असर गर्ने र अवस्था जटिल बनाउने भएकाले त्यस्ता व्यक्तिले स्वास्थ्यकर्मीको निगरानी वा सम्पर्कमा रहनुहोला ।
राष्ट्रिय स्वास्थ्य शिक्षा, सूचना तथा सञ्चार केन्द्र
Family Welfare Division Department of Health Services Nepal National Health Education Information and Communication Centre Ministry of Health and Population-Nepal
#फ्लू #नेपाली
Check out Dr. Kiran Gurung, OrthoSpine’s post.
