12/04/2026
काठमाडौँ महानगरपालिकाले इन्धन अभावको जोखिम न्यूनीकरण गर्न र बढ्दो प्रशासनिक खर्च घटाउन आफ्ना अधिकारीहरूका लागि 'कार पुलिङ' प्रणाली कार्यान्वयनमा ल्याएको छ। यस प्रणालीअन्तर्गत एउटै क्षेत्रमा बसोबास गर्ने वा एउटै रुट भएर कार्यालय आवतजावत गर्ने अधिकारीहरूको समूह बनाइएको छ। समूहमा रहेका कर्मचारीहरूले पालैपालो आफ्नो सवारी साधन प्रयोग गरी अन्य सहकर्मीहरूलाई पनि ल्याउने र पुर्याउने गर्नुपर्नेछ। कार्यवाहक प्रमुख सुनिता डंगोलका अनुसार, पहिलेकै अवस्थामा सवारी साधन सञ्चालन गर्दा भविष्यमा अत्यावश्यक सेवाका लागि समेत इन्धन अभाव हुन सक्ने जोखिम देखिएकाले यो कदम चालिएको हो। इन्धनको प्रयोग घटाएर सम्भावित ऊर्जा संकटसँग जुध्न र दीर्घकालीन रूपमा वातावरणीय तथा आर्थिक भार कम गर्न 'कार पुलिङ' प्रभावकारी हुने महानगरको विश्वास छ।
